Nadir Qocabəyli: Manat yarımlıq dollar

sss

24 Dekabr 2015 11:29

Xəbər 666 dəfə oxunub

Dolların kursunun bircə gecədə 50 faiz sıçraması xalqımızı xeyli rahatsız edib. Hətta dolların üzünü yalnız şəkillərdə və televiziyada görənlər, mənim kimi dollarla heç bir alış-verişi olmayanlar, aylıq məvacibini manatla alıb, manatla xərcləyənlərin də kürkünə birə dolub…

Səbəb çox sadədir. Bizim dollarla işimiz olmasa da, onun bizimlə işi var. Çünki dolların məzənnəsinin hər manata nisbətdə 50 qəpik bahalaşması, gec-tez hər bir azərbaycanlının hər manat yarımda yarım manat itirməsiylə nəticələnəcək.

Odur ki, müdrik xalqımız kütləvi surətdə market və supermarketlətə hücum çəkib, əlindəki manatını tezbazar ərzağa dəyişir ki, bu böhrandan mümkün qədər az ziyanla çıxsın.

Doğrudur, hökumətimiz xalqımızı sakitləşdirmək, onun təşviş və təlaşa düşməsini önləmək üçün ruhlandırıcı bəyanatlar verir, süni qiymət artımının əngəllənəcəyini söyləyir, pensiyaların və maaşların artırılacağına dair konkret vədlər verməsə də, ehtimallar irəli sürür, ancaq bu gələcəyin işidir. Aztəminatlı əhalini isə hazırda gələcəkdən çox, bu gün əlində olan beş-üç manatının taleyi narahat edir. Qarşıdan gələn Yeni il bayramına birtəhər 150 manat saxlamış kasıb adam onun 50 manatını niyə itirsin axı?

Bəziləri marketlərə hücum çəkən xalqı görməmişlikdə suçlayır, bir qədər az yeməklə dünyanın dağılmayacağını söyləyərək qınayır, ancaq bir şeyi də unutmaq olmaz ki, kənardan görməmiş təsiri bağışlayan bu insanların hamısı heç də qarınqulu deyil, onların arasında xeyli sayda ac qalmaq təhlükəsindən qorxanlar da var. Ancaq etiraf edək ki, abrını qarnından üstün tutanlar da yox deyil…

Bu hücumu görən bəzi marketlər qapılarını müştərilərin üzünə bağlamağa başlayıblar. Xalqımızın nümayəndələri içərisində onları da bu “cındırlıqlarına” görə məzəmmət edənlər az deyil. Ancaq onu da bilməliyik ki, bu mağazalara mal verən firmalar artıq yeni və baha qiymətlər diktə edirlər. Dükandakı malları köhnə qiymətə satıb, yeni qiymətlə mal almaq isə onun sahibini xeyli ziyana sala, hətta müflis edə bilər.
Dünən qonşuluqdakı dükanda bir nəfər sadə vətəndaş məndən dolların qəfildən bu qədər qalxmasına münasibətimi soruşdu. Əlbəttə, pis olduğunu dedim. “Bəs niyə xalqı ayağa qaldırmırsız, axı siz ziyalısınız, yazıçısınız, jurnalistsiniz?” – o dərhal ittihamedici suala keçdi və istər-istəməz yadıma bundan az öncə sosial şəbəkələrdə bir aktrisanın xalqı küçələrə səslədiyini oxududuğumu xatırladım və onun sualına sualla cavab verdim: “Xalq küçəyə çıxanda nə olacaq ki? Dollar düşəcək, yoxsa qiymətlər ucuzlaşacaq?” Adam duruxdu, mənsə fikrimi davam etdirdim:

“Tutaq ki, sizin deiyiniz kimi, ayağa qalxıb küçələrə çıxdıq, qışqırıb-bağırdıq, bunun nə xeyri olacaq? Bununla vəziyyət düzələcəkmi? Kortəbii etirazların və iğtişaşların ancaq ziyan vurduğunu 80-ci illərin sonu, 90-cı illərin əvvəlində artıq görmüşük. Bu yaxınlarda Yaxın Şərqdə – Tunisdə, Liviyada, Misirdə baş verənlər məgər bizə dərs olmadı? Hələ Suriyanı demirəm…”

“Axı belə də olmaz, bunun bir yolu olmalıdır”, – sadə vətəndaş təslim olmadı.

“Əlbəttə, yolu var. Amma bu yol uzun müddət yatıb, günlərin bir günü kütləvi şəkildə küçələrə tökülməkdən, mövcud olanları da dağıtmaqdan geçmir. Hökümətin fəaliyyətinə, ölkədəki neqativ hallara etiraz etmək ancaq mitinq və nümayiş etməklə məhdudlaşmır. Vətəndaş daim aktiv olmalı, gündəlik həyatda qarşılaşdığı əyər-əskiklərə göz yummamalı, problemlərin qalaqlanıb üst-üstə yığılmasına yol verməməlidir. Bu gün dolların kursunun birdən-birə kəllə-çarxa vurmasında bizim korrupsiyaya, rüşvətə, inhisiharçılığa, bürokratiyaya yetərincə, bəlkə də, heç etiraz etməməyimizin, ictimai passivliyimizin ciddi payı var.

Digər tərəfdən, kütləvi aksiya keçirməyin qaydası-qanunu var. Kütləvi aksiya konkret şüarlar və tələblər əsasında xalqın iradəsinin və gücünü nümayişidir. Aksiyalar sivil qaydada keçirilməli və produktiv, səmərəli olmalıdır. Eyni zamanda, bu işi ağlı başında olan, ictimai-siyasi, iqtisadi proseslərdən baş çıxaran ictimai-siyasi institutlar, həmkarlar təşkilatları təşkil etməli, konkret tələblər və təkliflərlə çıxış edilməlidir. Amma təəssüflər olsun ki, biz bir xalq olaraq milli müqavimətimizi təşkil edən sağlam qurumlar yarada bilməmişik. Hansısa aktrisanın, aktyorun, zavod fəhləsinin, universitet müəlliminin, akademiya laborantının çağırışıyla küçələrə axışmanın nəticəsi heç də yaxşı olmur…”

80 min nə puldur ki… – “Rabitə işi”

vidadi-zeynalov

Bu gün Bakı Ağır Cinayətlər Məhkəməsində mənimsəmədə və vəzifə səlahiyyətlərindən sui-istifadə etməkdə təqsirləndirilən Rabitə və Yüksək Texnologiyalar Nazirliyinin (RYTN) sabiq Aparat rəhbəri Vidadi Zeynalov, "Aztelekom" MMC-nin sabiq baş direktoru Məhəmməd Məmmədov, "Bakı Telefon Rabitəsi" İstehsalat Birliyinin sabiq rəhbəri Beytulla Hüseynov, "Bakı Telefon Rabitəsi" İstehsalat Birliyinin baş mühasibi Anar Mustafayev, “AzİnTelekom” MMC-nin sabiq baş direktoru Cəlil Cəfərov, “Azərpoçt” MMC-nin sabiq baş direktoru Qəmbər Bəybalayev, “Optik Rabitə, Tikinti və Quraşdırma” MMC-nin baş mühasibi Səhrab Hümbətov, həmçinin Emin Məmmədov, “Bakı Rabitə Təmir Tikinti” və “Təmir Təchizat Servis” MMC-lərinin direktoru Bayram Vəliyev, "Optik Qurğular" İdarəsinin rəisi Namazəli Məmmədov və “Aztelekom” MMC-nin baş mühasibi Oktay Rüstəmovun cinayət işi üzrə məhkəmənin növbəti iclası keçirilib. Faktinfo.az-ın məlumatına görə, hakim Əfqan Hacıyevin sədrliyi ilə keçirilən prosesdə şahid qismində Faiq Hümbətov ifadə verib. O bildirib ki, "Aztelekom" MMC-nin Şamaxı qovşağında rəis işləyib. O, istintaqa verdiyi ifadəsini təsdiqləyib: "Görülməli işlər üçün 80 min manat alınıb. Həmin pullar da işlərə sərf olunub. Bu məbləğ nə puldur ki, mənə də qalsın?! Bizə qalan yeyib-içmək olub". Daha sonra onun istintaqa verdiyi ifadəsi elan olunub. F.Hümbətov istintaqa verdiyi ifadəsində bildirib ki, nazir Əli Abbasov rayona gələndə işlər görülüb: "Nazirin göstərişi ilə işlərin görülməsi üçün vəsait ayrılıb. Həmin vəsait işlər görüləndən sonra 3 min manat qalıb. Həmin pulu da xərcləmişəm". Şahid ifadəsini təsdiqləyib. Ədalət Hüseynov isə bildirib ki, Qazax filialınln müdiri vəzifəsində çalışıb. Proses yanvarın 25-də davam etdiriləcək. Qeyd edək ki, 2015-ci ilin noyabr ayının 13-də Baş Prokurorluğun Rabitə və Yüksək Texnologiyalar Nazirliyindəki həbslərlə bağlı yaydığı rəsmi məlumata görə, nazirliyin Aparat rəhbəri V.Zeynalovun qulluq mövqeyindən sui-istifadə edərək nazirliyin strukturuna daxil olan ayrı-ayrı qurumların vəzifəli şəxsləri ilə qabaqcadan razılaşmaqla həmin strukturlar tərəfindən işlərin görülmədiyi, tam yerinə yetirilmədiyi, avadanlıqlar alınmadığı, istifadə olunan avadanlıqların, xidmətlərin qiymətlərinin isə 4-5 qat şişirdilməsi və digər üsullarla işlərin və xidmətlərin guya yerinə yetirilməsini özlərinin himayə etdikləri, yaxın münasibətdə olduqları şəxslərin adına olan özəl şirkətlər tərəfindən saxta sənədlər əsasında rəsmiləşdirməsini təmin etməklə müvafiq müəssisələrin ayrı-ayrı banklardakı hesabına köçürülmüş 73 milyon 590 min manat pul vəsaitinin nağdlaşdırılmaqla mənimsənilməsini və israf edilməsini təşkil etməsində şübhələr üçün əsaslar müəyyən edilib. Bundan başqa, Baş Prokuror yanında Korrupsiyaya qarşı Mübarizə Baş İdarəsi tərəfindən RYTN sistemində həyata keçirilmiş yoxlamalar nəticəsində “Aztelekom” MMC-nin sabiq baş direktoru M.Məmmədov, "Bakı Telefon Rabitəsi" İstehsalat Birliyinin sabiq rəhbəri B.Hüseynov, "Bakı Telefon Rabitəsi" İstehsalat Birliyinin baş mühasibi A.Mustafayev, “AzİnTelekom” MMC-nin sabiq baş direktoru C.Cəfərov, “Azərpoçt” MMC-nin sabiq baş direktoru Q.Bəybalayev, “Optik Rabitə, Tikinti və Quraşdırma” MMC-nin baş mühasibi S.Hümbətov, həmçinin E.Məmmədov, “Bakı Telefon Rabitəsi” İstehsalat Birliyinin (BTRİB) Nizami telefon qovşağının sabiq rəisi F.Seyidov və həmin birliyin baş mühasibi R.Məmmədov, “Bakı Rabitə Təmir Tikinti” və “Təmir Təchizat Servis” MMC-lərinin direktoru B.Vəliyev, "Optik Qurğular" İdarəsinin rəisi N.Məmmədov və “Aztelekom” MMC-nin baş mühasibi O.Rüstəmov da saxlanılıb. Daha sonra məhkəmə onlar barəsində həbs qətimkan tədbirinin seçilməsi barədə qərar verib. RYTN-in mənimsəmədə və vəzifə səlahiyyətlərindən sui-istifadə etməkdə təqsirləndirilən 11 keçmiş əməkdaşı ümumilikdə 40 milyon manat pulu mənimsəməkdə ittiham olunurlar. İittiham aktına əsasən, A.Mustafayev 567 min, E.Məmmədov 7 milyon 700 min, O.Rüstəmov 250 min, S.Hümbətov 32 min 400 min, Q.Bəybalayev 2 milyon, C.Cəfərov 1,5 milyon, B.Vəliyev 204 min, V.Zeynalov 8 milyon, B.Hüseynov 10 milyon, M.Məmmədov 4 milyon 500 min və N.Məmmədov isə 4 milyon manat mənimsəməkdə təqsirli bilinirlər. V.Zeynalov, B.Hüseynov, A.Mustafayev, E.Məmmədov, M.Məmmədov, O.Rüstəmov, N.Məmmədov, S.Hümbətov, Q.Bəybalayev Cinayət Məcəlləsinin 179.3.1-ci (mənimsəmə və ya israf etmə, mütəşəkkil dəstə tərəfindən törədildikdə), 179.3.2-ci (mənimsəmə və ya israf etmə, külli miqdarda törədildikdə), 29, 179.3.1-ci (mənimsəmə və ya israf etməyə cəhd, mütəşəkkil dəstə tərəfindən törətməyə cəhd), 29, 179.3.2-ci (mənimsəmə və ya israf etməyə cəhd, külli miqdarda törətməyə cəhd),308.2 (vəzifə səlahiyyətlərindən sui-istifadə) və 313-cü (vəzifə saxtakarlığı), C.Cəfərov 179.3.1-ci (mənimsəmə və ya israf etmə, mütəşəkkil dəstə tərəfindən törədildikdə), 179.3.2-ci (mənimsəmə və ya israf etmə, külli miqdarda törədildikdə) və B.Vəliyev isə 179.3.1-ci (mənimsəmə və ya israf etmə, mütəşəkkil dəstə tərəfindən törədildikdə), 179.3.2-ci (mənimsəmə və ya israf etmə, külli miqdarda törədildikdə), 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı), 213.2.2-ci (vergi ödəməkdən yayınma, külli miqdarda törədildikdə) maddələri ilə ittiham olunurlar. RYTN dəymiş ziyana görə 163 milyon manat dəyərində mülki iddia qaldırıb. Vergilər Nazirliyi (VN) isə təqsirləndirilən B.Vəliyevə qarşı 255 min manatlıq mülki iddia irəli sürüb. Xatırladaq ki, hazırda Bakı Ağır Cinayətlər Məhkəməsində “Bakı Telefon Rabitəsi” İstehsalat Birliyinin (BTRİB) Nizami telefon qovşağının sabiq rəisi F.Seyidov və həmin birliyin baş mühasibi R.Məmmədovun cinayət işi üzrə məhkəmə prosesi başa çatıb. Hər iki şəxsə şərti cəza təyin edilib və onlar məhkəmə zalından azadlığa buraxılıb.

18 Yanvar 2017 13:17

Ən iri miqyaslı yenidənqurma: min kilometrlərlə kabel, yarımstansiyalar, transformatorlar..

177236_res_0155

“Azərişıq” ASC ötən il görülən işlərin yekunlarına dair məlumat yayıb. Şirkətdən virtualaz.org-a daxil olan məlumata əsasən  prezident  İlham Əliyev tərəfindən təsdiq edilmiş  “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqrami”nın icrası məqsədi ilə istehlakçıların keyfiyyətli, dayanıqlı və fasiləsiz elektrik enerjisi ilə təchiz edilməsi üçün “Azərişıq” ASC tərəfindən 2016-cı il ərzində də iri miqyaslı yenidənqurma və əsaslı təmir-tikinti işləri həyata keçirilib. Rayon mərkəzlərində,  qəsəbə və kəndlərində olan istehlakçıların etibarlı, təhlükəsiz və dayanıqlı elektrik enerjisi ilə təmin olunması üçün  yararsız, istismar müddəti başa çatmış avadanlıq müasir tipli avadanlıqlarla əvəz olunub, uzun illər istismar olunan agac dayaqlar yeni dəmir və dəmir beton dayaqlarla əvəzlənib. Yararsız vəziyyətə düşən və heç bir standarta uygun gəlməyən alüminium naqillər özünüdaşıyan izolyasiyalı naqillərlə (ÖİN) əvəz edilib. “Azərişıq” ASC bildirir ki, Şabran rayonunda 2x16 mVA gücündə “Rəhimli”, Lənkaranda “Lənkaran-1” (2x25 mVA), Şəkidə “Cəfərabad” (2x10 mVA), Ağsuda “Ağsu” (2x16 mVA), Zaqatalada “Bəhmədli” (2x6,3), Goranboyda “Kürəkçay” (2x40 mVA), Qazaxda “Daş Salahlı” (2x10 mVA), Masallıda “Tüklə” (2x16 mVA), Saatlıda  “Sarıcalar” (2x25 mVA), Samuxda “Yenikənd” (2x16 mVA) olmaqla, 10 ədəd 110 kV-luq yarımstansiya əsaslı şəkildə yenidən qurularaq müasir tipli avadanlıqlarla təchiz olunub. Abşeron, Quba, Neftçala, Sumqayıt, Lənkaran, Şəki, Zaqatala, İmişli, Zərdab, Tərtər, Bərdə, Ucar, Ağdaş, Ağstafa, Gədəbəy, Qazax, Lerik, Beyləqan, Ağcabədi, Ağdam, Göygöl, Samux, Hacıqabul, Şabran, Yevlax, Salyan, Mingəçevir, Cəlilabad, Daşkəsən, Astara şəhər və rayonlarında olmaqla, ümumilikdə 35 ədəd 35 kV-luq yarımstansiya tikilib və yenidən qurulub. O cümlədən 2016-cı ildə regionlarda: - 30,7 km 110 kV-luq hava xətləri; - 59,0 km 35 kV-luq  kabel  və  308,7 km hava xətləri; - 338,7 km 6-10 kV-luq  kabel və  1810,7 km hava xətləri; - 420,5 km 0,4 kV-luq kabel və  376,6 km hava xətləri; - 2640,7 km özünüdaşıyan izolyasiyalı naqillər (ÖİN) çəkilib; - 960 ədəd Komplekt Transformator Məntəqəsi (KTM) quraşdırılmış; - 127 589 ədəd dayaq basdırılıbr. Bundan əlavə, uzunluğu  35,3 km 110 kV-luq, 128,3 km 35 kV-luq, 416,7 km 6-10 kV-luq və 901,7 km 0,4 kv-luq hava xətlərində təmir işləri aparılıb. Görülmüş tədbirlər onminlərlə abonentin elektrik enerjisinə olan təlabatını yaxşılaşdırmaqla bərabər texnoloji itkilərin azaldılmasına və uçot sisteminin daha təkmil şəkildə aparılmasına müsbət təsir göstərir.  İstehlakçıların fasiləsiz və yüksək keyfiyyətli elektrik enerjisi ilə təmin olunması istiqamətində “Azərişıq” ASC tərəfindən həyata keçirilən tədbirlər 2017-ci ildə də uğurla davam etdiriləcəkdir. “Azərişiq” ASC-nin mətbuat xidməti ◀▶  

18 Yanvar 2017 11:57