“Almalı” necə müflis edilib?-Şok faktlar

alma

13 Dekabr 2016 18:23

Xəbər 390 dəfə oxunub

 

Faktinfo.az-ın elektron ünvanına Rusiya vətəndaşı olan soydaşımız Həsənov Elmar Səməd oğlu tərəfindən məktub göndərilib.Məktubda bir zamanlar məşhur olan “Almalı” marketlər şəbəkəsinin çökdürülməsi ilə bağlı sensasion fikirlər yer alıb.Mətn hazırkı dövrdə xüsüsi əhəmiyyət kəsb etdiyindən  olduğu kimi dərc edirik:

Mən, Həsənov Elmar Səməd oğlu, Bakı şəhərində anadan olmuşam. Moskvada  MQU-nu (Moskva Dövlət Universiteti) bitirdikdən sonra bir müddət Çin Xalq Respubilkasında işlədim.  Hal -hazırda Rusiya vətəndaşı olmaqla iri Çin şirkətlərindən birinin MDB dövlətləri və bir sıra Şərqi Avropa ölkələri nümayəndəliklərinin Baş direktoru vəzifəsində çalışıram. “Almalı” marketlər şəbəkəsinin  bizim ailənin başına gətirdiyi müsibətlər haqda faktları ictimaiyyətə çatdırmaq istəyirəm.  Atam, Həsənov Səməd Ağa oğlu Sovetlər dövründə uzun müddət Çörək zavodunda ekspeditor işləyib. İşlədiyi müddətdə  ticarət aləmində haqq-hesabda düzlüyünə görə xüsusi hörmət qazanıb. SSRİ  dağıldıqdan sonra, böyük  ticarət obyektlərinin topdan və pərakəndə satış mərkəzlərində də ekspeditor kimi çalışıb. Atam fəhləliklə 3 övladına da Ali təhsil verməyi özünə borc bilirdi. O,bir çox orta və kiçik sahibkarlıqla məşğul olan obyektləri ərzaq və qeyri ərzaq məhsulları ilə nisyə təmin edən ekspeditorlardan biri olub. 2006-cı ildə Respublikamızda ilk dəfə iri miqyaslı və misli görünməyən ticarət şəbəkəsi olan “Almalı” marketləri ilə əməkdaşlığa başladı. Atamın “Almalı” marketləri ilə aylıq ticarət dövriyyəsi qısa zamanda 100 000 manatı ötdü. Əmtəə sırasında çörək çeşidləri, dondurulmuş toyuq, ət, təmizləyici və sanitariya vasitələri və s. xırdavatlar var idi. Bir müddət sonra satılmış malların pullarının verilməsində kəsirlər əmələ gəlməyə başladı. Hər ay kəsirlər böyüyürdü. Atama belə dedilər: “Dövriyyən onsuz da bilinmir, narahat olma,sən bizim topdan təminatçımızsan. Bizimlə əməkdaşlıq etmək istəyənlər növbəyə düzülüb, bilirsən haralardan zənglər olur. Ancaq biz səninlə işləyirik”

Bir il ərzində satılmış mallardan 100 000 manata qədər kəsir əmələ gəldi. Bu isə o dövrün məzənnəsi ilə 125 000$ dollar təşkil edirdi. Atam iri topdan satış mərkəzləri ilə hər ay balanslaşdırılmış hesabat apardığından bir müddət kəsirlə işləmək mümkün oldu. “Almalı” rəhbərliyi isə müxtəlif bəhanələr gətirərək hər dəfə borcu həcmini  böyüdürdü. Atama söz verirdilər ki, sən yaxşı ticarətçisən, narahat olma, səni təzə açılacaq mağazalardan birinə direktor təyin edəcəyik. Bu minvalla atam yaranan kəsiri gözləyirdi, halbuki, atam tərəfindən verilmış mallar çoxdan satılmışdı. Ancaq yaşamaq üçün yeganə bacardığı iş olduğu üçün əməkdaşlığı davam etdirirdi. Onun  işlədiyi şirkətlər bir gün qəti şəkildə  pullarını tələb etməyə başladılar. Atam “Almalı” mağazalarının müdirlərinə, sonra isə ümumi rəhbərlərinin yanına getməyə başladı. Hər dəfə “narahat olma ,ağsaqqal, yaxın günlərdə pul olacaq,xaricdən kredit gəlir” və s. boş- boş vədlərlə atamı yola salırdılar. Hətta elə vəziyyət yaranmışdı ki, o verdiyi malların geri qaytarılmasına və yaxud əvəzində digər mallar götürməyə də razı idi. Təxminən bir il yarım yalançı vədlərlə aparıb gətirdilər. Son üzləşmə aktına əsasən 105 000 manat (134 000 dollar) mənimsənilmişdi.

Bu müddət ərzində atamın mal götürdüyü  sahibkarlar borclarını tələb etməklə, müxtəlif hədə- qorxu gəlməklə məcbur etdilər ki, yaşadığımız mənzili girov qoyub kredit alaq.Beləliklə, evimizi girov qoyaraq bankdan kredit götürüb borcların əsas hissəsini bağladıq. Lakin, “Almalı”dan pulumuzu ala bilmirdik, orada müxtəlif işçılərlə  görüşürdük. Bizə deyirdilər ki, “Almalı”nın sahibi tanınmış iş adamı Araz Ağalarovdu.

O zaman mən Rusiyada  tələbə olduğumdan Moskvada “Krokus” şrkətinə yollandım. “Krokus” şirkətinin administrasiyasından qətiyyətlə bildirdilər ki, cənab Ağalarovun Azərbaycanda heç bir “Almalı” marketlər biznesi yoxdur və olmayıb.Bundan sonra “Almalı” rəsmilərinin qəbuluna atam dəfələrlə getdi. Nəsimi Lətifov, Bəhruz Hüseynov və baş direktor Rafael Haciyev dəfələrlə və təkidlə bildirirdi ki, heç kim heç kimin pulunu yeyə bilməz. Bir az səbr etmək lazımdır.

Lakin məsələ həllini tapmadı, bizim pulu yedilər. Bu müddətdə biz artıq Bank faizlərini ödəyə bilmədiyimiz üçün evimizi satmağa məcbur olduq. 3 otaqlı evimizi 7-ci mikrorayonda satıb Yeni Günəşlidə 1 otaqlı mənzilə köçdük.Bununla bərabər, atam bütün işlərini itirdi. Bundan sonra heç bir sahibkar atamla işləmək istəmədi. “Almalı”ilə əməkdaşlıq bizim ailəmizi məhv etdi. Atam insult oldu və 2014-cü ildə dünyasını dəyişdi. Mən isə təhsilimi Moskvada fərqlənmə diplomu ilə bitirib, Çin şirkətlərinin birində direktor işlədim, paralel olaraq “Almalı” rəhbərləri ilə maraqlanmağa başladım. Çünki, onlar yeni investorlar vasitəsi ilə 5 il ərzində pulları qaytaracaqlarını vəd etmişdilər. Heç demə,

bu mütəşəkkil formada “afyor”luğun bir forması imiş.

Araşdırmalara başladım.  Baş direktor Mobil Şərifovu (Keçmiş Gəncə Beynəlxalq Bankın sədri) tapdım. Onun sözlərinə görə ,“Almalı” şirkəti tamamilə müflisləşib. “Nəğd satılmış malımın pulu necə müflisləşə bilər”sualıma cavab olaraq dedi ki, mənlik deyil, dağıdanlar dağıtdı.Rafael Hacıyev (Keçmiş Sumqayıt Beynəlxalq Bankın sədri) bilir, onunla danışın. Rafaeli tapa bilmədim, dedilər Bakıdan  köçüb.

Bundan sonra “Almalı”nın digər məsul işçisi Elşad Şirinbəyovla (Keçmiş Yasamal Beynəlxalq Bankın sədri) görüşdüm. Nəhayət ki, “Almalı”nın əsl sahibi haqda məlumat aldım. Dedi ki, bu işlərin arxasında Beynəlxalq Bankın keçmış sədri Fuad Axundov dayanırdı. Bütün bu problemləri yaradan o olub. Dərhal Mobil Şərifovla   əlaqə saxladım . Mobil müəllim də t bu işin başında Fuad Axundovun durduğunu təsdiqlədi. Daha sonra müəyyən etdim ki, Fuad Axundovun bacısı Nigar Axundovanın əri Asim Salamov “Almalı”marketlərinin Təchizat və İşlər Departamentinin rəhbəri, Fuad Axundovun həyat yoldaşı Fərəh Axundovanın qardaşı Ağası Hüseynov isə Nəqliyyat və Təminat Departamentinin rəhbəri kimi “Almalı” AİLƏ sindikatının üzvləridirlər. Bundan başqa onlarla tanışları və dostları da burada fəaliyyət göstəriblər.

“Almalı” sindikatının Təhlükəsiszlik xidmətinin keşmiş işçisinin (rəsmi araşdırma başlayana qədər adlarının məxfi saxlanmasını xahiş ediblər) bizimlə bölüşdüyü arxiv video materiallardan aydın görünür ki, Fuad Axundov xüsusi təm-təraqla “Almalı”nın Baş ofisinə, mühafizəçilərinin muşayiəti ilə dəfələrlə 90 AA 632 dövlət nişanlı Mersedes S klass markalı avtomobillə şəxsən təşrif buyurur. Bundan başqa digər arxiv video görüntülərdən müəyyən olunur ki, Lerik rayonun “Relax” istirahət Mərkəzində Fuad Axundovun rəhbərliyi ilə “Almalı” sindikatının toplantısı keçirilir. Korporativ iclasın tərkibindən bəlli olur ki, bu avantüranı həyata keçirən qohum-işbazlardı.

Daha sonra “Almalı”nın maliyyə idarəsinin keşmiş işçilərinin dediklərindən (rəsmi araşdırma başlayana qədər adlarının məxfi saxlanmasını xahiş etmişlər) müəyyən olundu ki, 2-3 il ərzində mütamadi olaraq hər gün iş günü bitdikdə bütün şəbəkələrdən gündəlik  əldə olunan nəğd pullar yığılaraq “Almalı”nın Babək prospektindəki Baş ofisinə göndərilib. Sonralar bu ünvan Nəsimi rayonu,  Nəsib bəy Yusifbəyli küçəsindəki ofislə  əvəzlənib. Yığılan vəsaitlərin bir hissəsi söz- söhbətlərin yaranmaması üçün sahibkarlara verilir, digər hissəsi isə Fuad Axundovun tapşırığına uyğun olaraq müəyyən olunmamamış istiqamətdə qeyb olurdu.

Mərhələli formada əmtəə təminatçılarına borclar yaranırdı. Bu borclar təminatçıları narahat etmirdi, çünkü sünü yaradılmış “Almalı” bazarına girmək problemi sahibkarları bu fikirdən uzaqlaşdırırdı.İşbazların  başlıca məqsədi də bu idi. Maksimal borclanmaya getdikdən sonra son 6 ayı “Almalı” Ticarət şəbəkələrində işləyənlərində zəhmət haqqı verilmədi,

“Almalı” müflis elan edildi.

“Vəziyyət”dən”çıxmaq üçün  o, hətta özünə məxsus Rus Dram Teatrının (Molakan bağı) qarşısında, Xəqani küçəsi ilə Mərdanov qardaşları küçəsinin kəsişməsində yerləşən çox otaqlı mənzilini guya ki, “Almalı” şəbəkəsinin inkişafına yönəldiləcəyi niyyəti ilə “Əmrahbank”a girov qoymaqla, 700 000 (yeddiyüz min) manat götürdü. Bunu da bilərəkdən ictimailəşdirdi. Sonda isə “Almalı” şəbəkəsini müflis elan edərkən, üzünün də müflis olmasını xüsusi qeyd etməklə hətta evinin də bankda girov qalaraq əldən çıxmasını çox təəssüflə bildirdi.Halbu ki, girovdan əldə edilmiş vəsaitin heç 1 manatı belə “Almalı” şəbəkəsinə yönəldilməmişdi. Bu vəsaitlə Fuad Axundov müddət gözləmədən Antalyada iqamətgah əldə edib.

Bu arada isə Rafael Hacıyev başda olmaqla, Fuad Axundovun bütün silahdaşları, o cümlədən Asim Salamov (Fuad Axundovun bacısı Nigar Axundovanın həyat yoldaşı), Ağası Hüseynov (Fuad Axundovun həyat yoldaşı Fərəh Axundovanın qardaşı) bir ağızdan “Almalı” şəbəkəsinin müflis olması və Fuad Axundov başda olmaqla hər birinin müflis olması və külli miqdarda pul itirmələrini bəyan etdilər.

Eyni zamanda Fuad Axundovun şəxsi göstərişi ilə, əlavə olaraq tanışlardan, sahibkarlardan və digər fiziki şəxslərdən İnvestisiya yatırımı və şəbəkələrin genişləndirilməsi adı altında illik faizi 25-30% olmaqla qeyri-qanuni vəsaitlər toplandı. Məlumat üçün qeyd edək ki, bu tələyə Fuad Axundov bir çox tanışlarını da salıb. Belə ki, Mobil Şərifovun yaxın adamı buraya 700 000 manat vəsait cəlb etmişdir və bu günə qədər bir qara qəpik geri ala bilməmişdir və s. Bu qanunsuz əməlləri həyata keçirən birbaşa Rafael Hacıyev olub. Beləliklə də dələduzluq piramidası nəticəsində 100-lə iş adamına küllü miqdarda ziyan vurulmuşdur. Ziyan çəkənlərin siyahisı yığılır. Qeyd olunan faktarla bağlı konkret ziyan çəkmiş şəxslər var.

Onu da qeyd edim ki, Fuad Axundov Beynəlxalq Bankın sədrliyindən mərhum Prezident Heydər Əliyev tərəfindən məhz dələduzluq üstündə qovulmuşdu. Belə ki, o dövrlərdə Fuad Axundov Azərbaycan Beynəlxalq Bankının  səhmlərinin əsas hissəsini özünün yaxın adamlarının vasitəsilə mənimsəməsi ilə yanaşı ,müvəqqəti olaraq ABB-də yerləşdirilən Dövlət Neft Fondunun küllü miqdarda ehtiyatlarından öz xeyrinə istifadə etməkdə təqsirləndirilmişdi.

Bununla yanaşı həmin dövrdə Fuad Axundov özünə “Arko” bank açmış və ora Nazim adlı dostunu rəhbər təyin etmişdi. Həmin bank vasitəsi ilə F.Axundov gizli bank əməliyyatları nəğdləşmə, Azərbaycan Beynəlxalq Bankına məxsus aktivlərin mənimsənilməsi və ölkədən qeyri qanuni pulların çıxarılması istiqamətində transzaksiya əməliyyatları keçirirdi. Sonda isə çoxsaylı iş adamlarının ziyanı ilə həmin bank müflis elan edildi.  Fuad Axundov isə İngiltərə Banklarına 15 milyon funt yatıraraq bu əməliyyatlardan ziyansız çıxdı. Gördüyünüz kimi Fuad Axundov dəsti-xətti o dövrdən məhşurdu.

Qeyd etmək lazımdır ki, Fuad Axundov ABB-dan mərhum Prezident Heydər Əliyev tərəfindən uzaqlaşdırılarkən onun yerinə o dövrdə Bankın Kredit Departamentinin rəhbəri Cahangir Hacıyev təyin edilmişdi. Cahangır Hacıyevi ümumiyyətlə Bank sisteminə isə Fuad Axundov gətirmişdi. Belə ki, onlar hər ikisi ABŞ Texas Universitetində birgə MBA kursaları keçərkən tələbə dostları olublar. Beləliklə, bu günkü ABB-nin bəlalarının əsasını da Fuad Axundov qoyub,Cahangir Hacıyev davam etdirib.

2001-ci ildə  canını İngiltərəyə qaçmaqla qurtaran Fuad Axundov, 2003-cü ildə Prezident Heydər Əliyevin vəfatından  sonra ilk növbədə Moskvada Uralsib İnvestisiya Bankına (sonralar investisiya şirkəti) işə düzəlir. Burada öz “bacarığını” işə salaraq irəliləməyi bacarır.Qısa zamanda Bakıda da “Nikoyl Bank”ın açılmasını təşkil edir. Burada da öz qohumları və dostları Mobil Şərifov, yeznəsi Asim Salamov və qayını Ağası Hüseynovu və digərlərini görmək olardı. Qısa zamanda Fuad Axundov burada da işbazlığını işə salır və bir neçə yəhudi milliyətindən olan iş adamlarının vəsaitlərini ustalıqla mənimsəyir. Maraqlısı budur ki, yenədə eyni ssenari işlədilib: “İş alınmadı, bağışlayın”.

Lakin, yəhudi milliyətindən olan iş adamları rəsmi şikayətlə ayidiyyəti qurumlara müraciət edib və Fuad Axundov 2005-ci ildə Heydər Əliyev adına Hava limanının VİP zalından DİN-nin əməkdaşları tərəfindən saxlanılaraq aidiyyəti üzrə aparılıb. Təbiətcə qorxaq adam olan  Fuad Axundov dərhal şikayət edənlərin tələbini qarşılayıb, Azərbaycanı tərk edib.

Və nəhayət 2006-2010- cu illərdə iş adamlarının və sahibkarların məlum “Almalı” soyqırımı ilə tarixə düşüb. Xatırlatdığımız kimi, Fuad Axundov maksimal borclanmaya getdikdən sonra bir vaxtlar qərb dünyasında ən geniş yayılmış dələduzluq formasından istıfadə edərək “Almalı” Ticarət şəbəkəsini süni müflis elan edib. Beləliklə, Fuad Axundov müflisləşmə yolu ilə qəsdən ödəmə qabiliyyətsizliyinin yaradılması nəticəsində ümümi dəyəri 70 milyon manata qədər vəsaiti mənimsəyib. Nəzərə almaq lazımdır ki, 70 milyon manat 2012-ci ildə  0.78 qəpik məzənnə ilə təxminən 89 745 000 (səksən doqquz milyon yeddiyuz qırx beş min) ABŞ dolları təşkil edirdi. Beləliklə də Fuad Axundov özünü və biznesini süni müflis etməklə küllü miqdarda vəsaiti ölkədən çıxarmağa nail olub.

Bu arada bir məqamı da diqqətinizə çatdırmaq istəyirəm.  Belə ki,Fuad Axundovla sabiq MTN naziri Milli Məclisin arxasındakı 9- mərtəbəli yaşayış kompleksində qonşu olublar və bir- birlərini şox gözəl tanıyıblar. Lakin bir fakt işləri korlayıb. Fuad Axundovun yerinə 2001-ci ildə ABB-nin prezidenti olan Cahangir Hacıyevin sabiq MTN-lə quda olması vəziyyəti dəyişdi. Bunu görən  F. Axundov hiyləgərliyini yenidən  işə salır və “cavanlıq-qardaşlıq xatirəsi” mövzusunu ortalığa atmaqla C.Hacıyevin “uzaqgörənliyindən” istifadə edir. Bu barışığın eşqinə hətta Cahangir Hacıyev Fuad Axundovun bacanağı İbrahim Cəfərovu ABB-yə məsul vəzifəyə təyin edir. Beləliklə də, dələduzluq əməliyyatlarının həyata keçirilməsi üçün bütün münbüt şərait təkrar yaradılır.

Onu da qeyd edim ki,Dövlət Başçısına,hüquq- mühafizə orqanlarına faktların araşdırılması və dövrün irimiqyaslı dələduzluq əməllərinə hüquqi qiymət verilməsi üçün layihə müraciət məktubları hazırlanıb. Hazırda ziyançəkənlərin bir araya gəlməsi və dəymiş ziyanların ümumi klassifikasiya olunması işləri tamamlanır.Bu arada “Almalı” marketlərinin dələduzluq əməllərindən hər hansı bir formada ziyan çəkmiş fiziki və hüquqi şəxslərdən (icarə haqqı borcları, əmək haqqı borcları, görülmüş işlərlə bağlı müqavilə üzrə boclar, satılmış mallar üzrə ödənilməmiş borclar, nəğd şəkildə qeyri qanuni yığılmış depozitlər üzrə borclar və s. yaranmış borclar) şəxsi e.meylimə müraciət etməyinizi xahiş edirəm.

Hazırda 142 nəfər qeydiyyatdan keçməklə küllü miqdarda dələduzluq faktları bir araya gətirilib. Saytınızda mənim e-poçta adresim: gasanov-elmar@inbox.ru dərc olunmasını artıq dərəcədə xahiş edirəm.

Faktinfo.az

 

 

 

 

Eldar Mahmudovun baş istintaqçısı Pərviz Həşimliyə telefon açdı

perviz-hesimli-yeni-300x202

Milli Təhlükəsizlik Nazirliyinin İstintaq Baş İdarəsinin sabiq rəisi general Mövlam Şıxəliyevin qanunsuz əməllərinə görə cinayət məsuliyyətinə cəlb olunmaması ilə bağlı Gununsesi.info-nun sərgilədiyi prinsipial mövqe, habelə, generalın bir gün “bandotdel”də saxlanması barədə xəbərimiz deyəsən, onu bərk əsəbləşdirib. Belə ki, baş redaktorumuz Pərviz Həşimliyə telefon açan Mövlam Şıxəliyev ondan yazıların səbəbini soruşub. Bu dialoqun ictimaiyyət üçün də maraqlı olduğunu nəzərə alıb, həmin söhbətin bəzi məqamlarını təqdim edirik: Mövlam Şıxəliyev: Siz gündə bir şey yazırsınız. Məndən nə istəyirsiniz? Pərviz Həşimli: MTN cinayətlərinin əsas məsuliyyətini daşıyan vəzifəli şəxs kimi sizdən yazılması təbii deyilmi? Mövlam Şıxəliyev: Mən neynəmişəm axı…Gedin, başqalarından yazın. Kim nə edibsə, hesabatını da özü verir. Mənim adımı hallandırmaqla, böhtan atırsınız. Pərviz Həşimli: MTN-də sizin rəisi olduğunuz baş idarədə yüzlərlə insanın qanunsuz istintaqları aparılıb, elə biri mənim özümü götürün. Eldar Mahmudovun məni şərləməsi üçün saxta hüquqi əsaslar yaratmısınız. Mən cinayətkar idim ki, tabeçiliyinizdə olan müstəntiq Elşən Murtuzov saxta istintaq aparırdı? Mövlam Şıxəliyev: Mən sənin istintaqını aparmışam? Səni kim tutub get, onların yaxasından yapış. Özün də bilirsən ki, səni kimlər tutub. Pərviz Həşimli: Siz MTN-nin İstintaq Baş İdarəsinin rəisi olmusunuz. Sizin idarə məni şərləyib. Məsuliyyət sizindir… Mövlam Şıxəliyev: Bilirsən, nə var, hər şeyi gözəl bilirsən… Mənlik bir şey yoxdur. Get, səni tutuanlarla, şərləyənlərlə mübarizə apar, məndən əl çək. Pərviz Həşimli: “Bandotdel”ə niyə aparılmısınız? Mövlam Şıxəliyev: Mən sənə sözümü dedim. Bilmədiyin şeyi yazma. (telefonun dəstəyini asır-red.)

16 Yanvar 2017 12:49

KİV numayəndələri və valideyinlər Aqrar Universitetdə imtahanların gedişini izləyib

112323

Azərbaycan Dövlət Aqrar Universitetində 2016/2017-ci tədris ilinin payız semestrinin imtahan sessiyası uğurla davam edir. Ən əsası tələbələr, onların valideyinləri belə  imtahanların təşkilindən və yaradılan şəraitdən tam razıdır. ADAU-nun mətbuat xidmətindən bildirilib ki, Universitet rektorunun imzaladığı əmrlə “Qaynar xətt” yaradılıb və əlaqə telefonu, e-mail ünvanı qeyd edilib, imtahanların cavablarını kodlaşdırmaq üçün qrup yaradılıb.  İmtahanlarda verilən qiymətlərə etiraz edən tələbələrin müraciətlərinə baxılması üçün bakalavriat və magistratura səviyyələrində apellyasiya komissiyaları təşkil edilib. Şəffaflığın, obyektivliyin, növbətçiliyin və digər məsələlərin təmin edilməsi üçün müvafiq struktur bölmələrə tapşırıqlar verilib, kütləvi informasiya vasitələri nümayəndələrinə və valideynlərə imtahanlarda iştirak etmək üçün şərait yaradılıb, imtahan fənləri üzrə mütəxəssis olmayan şəxslərdən ibarət  xüsusi nəzarətçilər qrupu və imtahan rəhbəri təsdiq edilib. Növbəti imtahanları isə bütün fakültə və korpuslarda KİV nümayəndələri valideyinlərlə birgə izləyib. Bir daha təsdiq olunub ki, ADAU da imtanlar olduqca şəffaf keçirilir və burda yalnız tələbənin biliyi əsas götürülür. Mətbuata açıqlama verən valideyinlər deyib ki, biz evdə uşaqlarımızdan eşitdiklərimizi gözlərimizlə gördük və əmin olduq ki, universitetdə yaradılan hər şərait yalnız tləbə üçündür.  Dövlətin aqrar sahənin inkişafına kompleks yanaşmasının bariz nümunəsi isə hazırlanan kadrlara göstərilən qayğıdan başlayır və ADAU da yüksək hazırlıqlı kadr olmaq üçün bütün baza formalaşıb. İmtahanların isə necə ədalətli keçməsini öz gözlərimizlə gördük. Demək yerinə düşər ki, İmtahan korpusunda tibb məntəqəsi təşkil edilib, və iki tibb işçisi təhkim olunub. Rektorun əmrinə müvafiq olaraq tədris işləri üzrə prorektorun sədrliyi ilə sessiyanın gedişində daxil olan müraciətlərin operativ şəkildə araşdırılmasını təmin etmək məqsədilə qərargah yaradılıb,  xüsusi otaq ayrılıb, telefonla təchiz edilib.  "Qaynar xətt”ə Universitetin internet ünvanından bir başa onlayn formada müraciət etmək imkanı da  yaradılıb. “Azərbaycan tarixi” fənni üzrə şifahi imtahanların qəbulu məqsədilə xüsusu komissiya yaradılıb. Yazılı imtahanların biletlərinin sualları sessiyadan xeyli əvvəl tərtib edilib, kafedra iclaslarında baxılıb, tələbələrə çatdırılıb, test sualları elektron imtahan bazasına yerləşdirilib, tələbələrin  semestrdə topladıqları balların nəticələri sessiyanın başlanğıcınadək elektron sistemə yüklənib. Sessiya imtahanları 2016-cı il dekabrın 29-dan başlayıb. Mühəndislik fakültəsinin tədris korpusunda 2 auditoriyada quraşdırılan 152 kompyuter vasitəsilə test formasında qəbul edilir. İmtahanlara kənar müdaxilələrin qarşısı tam alınıb, hər gün 1000-dək tələbə növbəliklə kompyuterlə imtahan verərək, sonda nəticəni də dərhal kompyuterdə  qəbul edir. Bütün tədris korpuslarında quraşdırılan videokameralar mühafizə və nəzarət üçün universitetin fəaliyyətinə müsbət təsir edən amillərdəndir.

14 Yanvar 2017 16:57

Pan Gi Mun prezident olmaq iddiasını vurguladı

Pan-BMT

BMT-nin keçmiş baş katibi Cənubi Koreyada keçiriləcək prezident seçkisində namizədliyini irəli sürmək niyyətində olduğunu bildirib. Pan Gi Mun məsələ ilə bağlı Cənubi Koreyanın paytaxtı Seuldakı hava limanında çıxış edib. Beş il BMT-nin baş katibi olmuş Pan Gi Mun ölkəsinin bölünmüş cəmiyyətini toparlamaq və yenidən cənubi koreyalıları birinci dərəcəli millət etmək istədiyini vurğulayıb. Ümumiyyətlə, bu il ölkədə növbədənkənar prezident seçkisinin keçiriləcəyi gözlənilir. Adı korrupsiya qalmaqalında hallandığından ötən il dekabrın 9-da Prezident Pak Kın Xenə impiçmenti elan edilib. Onun səlahiyyətlərini müvəqqəti olaraq baş nazir yerinə yetirir. Bir müddət əvvəl Cənubi Koreya prezidentinin keçmiş müşaviri An Çan Pom tutulub. Onun adı prezidentin rəfiqəsi ilə bağlı rüşvət qalmaqalında hallanırdı. Rəfiqəsi Çxve Sun Sil prezidentin qərarına təsir etmək üçün rüşvət almaqda şübhəli bilinir. Prokuror hesab edir ki, An Çon Pom vəzifə səlahiyyətlərini aşaraq, iş adamlarını müxtəlif qeyri-hökumət təşkilatlarına ianə verməyə məcbur edib. Prokuror bildirib ki, onlar Cənubi Koreyanın 50-dən çox şirkətini on milyonlarla dollar məbləğində ianə köçürməyə məcbur ediblər. Xatırladaq ki, Pan Gi Munu BMT-nin baş katibi postunda Antoniu Quterreş əvəzləyib. FAKTİNFO.AZ

13 Yanvar 2017 21:31

AzTU-da KİV nümayəndələrinin iştirakı ilə mediator – FOTO +

unnamed_(3)1484305974

Azərbaycan Texniki Universitetində (AzTU) imtahan sessiyasının gedişiylə tanış olmaq üçün mediator təşkiledilib. MediaturdaUniversitetin İctimai Şurasının üzvləri və KİV nümayəndləri iştirak edib. Media təmsilçiləri universitetin bir neçə auditoriyasında imtahanların gedişini izləyib və cavabların yoxlanılması prosesi haqqında məlumat əldə ediblər AzTU-nun rektor əvəzi, Xalıq Yahudovun sözlərinə görə, universitetdə imtahanlar həm test üsulu ilə, həm də yazılı formada keçirilir: "Bu ildən başlayaraq I kursda oxuyan bütün tələbələrdən imtahanlar yazılı şəkildə götürülür. Əvvəllər yalnız Xüsusi texnika və texnologiya fakültəsinin, SABAH qruplarının tələbələri və magistrlar yazılı imtahan verirdi. Rektor əvəzi bildirib ki, Universitetdə bütün məsələlər "Elektron Universitet Portalı" vasitəsilə nəzarətə götürülür, istər yazılı, istərsə də test imtahanlarının nəticələri dərhal həmin sistemdə qeydə alınır. Tələbə test imtahanlarının nəticələrini cavabları təsdiq etdikdən sonra dərhal kompüterin ekranından görür. Yazılı imtahanlar da test imtahanları kimi ciddi nəzarətə götürülüb, yazılar şifrələnir, sonra yoxlanılır. Həmin gün qiymətlər tələbələrə elan edilir. Hər günün sonunda istər yazılı, istərsə də test imtahanlarının nəticələri Universitetin Elektron Portalında yerləşdirilir". Xalıq Yahudov qeyd edib ki, universitetdə imtahan sessiyasının gedişinə nəzarət etmək məqsədilə Qərargah və Apelyasiya Komissiyası yaradılıb: "Qiymətləndirmədən narazı qalan tələbələrin Apellyasiya Komissiyasına ərizə ilə müraciət etməsi üçün şərait təmin edilib. Komissiya bütün müraciətlərə baxır, araşdırır, qiymətləndirmədə şəffaflıq və operativliyi təmin edir". X. Yahudovİctimai Şura üzvlərinə və KİV nümayəndələrinə bildirib ki, universitetdə imtahan prosesinin müşahidə olunması üçün valideynlərin iştirakına şərait yaradılır: "İmtahan sessiyası dövründə hər həftənin şənbə günləri "Açıq qapı" günləri keçirilir. Şikayət və təklifləri olan valideyn və tələbələr sərbəst müraciət etmək imkanına malikdirlər". Tur zamanı Universitetin İnnovati Təhsil və İKT departamenti ilə də tanışlıq olub. Tur iştiakçıları burada aztu.edu.az saytının imkanları haqqında məlumatlandırılıb. Bildirilib ki, sistem vasitəsi ilə akademik təhsil və imtahan nəticələri vahid mərkəzdə birləşdirilib. Bu yolla tədris prosesində operativlik və tam şəfaflıq təmin olunub.   Mediaturdan sonra Universitetin İctimai Şurasının iclası keçirilib. İclasda Şuranın sədri və katibi müəyyənləşdirilib. Üzvlərin yekdil qərarı ilə professor Şahlar Əsgərov Şuranın sədri, əməkdar jurnalist Flora Xəlilzadə isə katib seçilib. Daha sonra Şura üzvlərinə AzTU-da aparılan islahatlar, görülən işlər və yeniliklər haqqında geniş məlumat verilib. Şura üzvləri qərara gəlib ki, Universitetin bəzi problemlərinin həll olunması üçün AzTU rəhbərliyi ilə paralel onlar da fəaliyyət göstərəcək. Üzvlərdən bəzilləri Universitet rəhbərliyinə konkret təkliflər, bəziləri isə problemlərin həlli üçün kənar təşkilatlara müraciət etmək məsələsini gündəmə gətiriblər.   Sonda qərar alınıb ki, mütəmadi olaraq Şuranın iclasları keçirilsin və Universitet Elmi Şurasında İctimai Şuranın üzvlərin iştirakı təmin olunsun. İctimai Şuranın üzvləri bu yolla Universitetin bütün problemləri ilə yaxından tanış olmaq və həll olunması üçün səylərin səfərbər etmək niyyətindədir.  

13 Yanvar 2017 15:58