TSEK-lərdə baş verənlər Səlim Müslümovu alt-üst edir

Azərbaycanda əlillik dərəcəsi almaq həm asandır, həm də çətin. Bu “qaydalardan” çoxlarımız məlumatlıyıq. Məsələ ondadır ki, ölkədə gerçəkdən əlillik almalı olan şəxslərin bir çoxu rüşvət vermədən buna nail ola bilmir. Bir sıra Tibbi Sosial Ekspert komissiyaları özfəaliyyətlə məşğuldur. Həmçinin bu kimi neqativlər Bakıda da mövcuddur. Faktinfo.az saytına müraciət ünvanlayan Ağdam rayonunun Gülablı kəndindən məcburi köçkün, hələ müharibə dövründə qolundan ciddi şəkildə xəsarət almış, uzun illər daxili işlər orqanlarında çalışmış şikayətçi Rzayev Elşad Mirzə oğlu Xəzər rayonunun Buzovna qəsəbəsində məcburi köçkün kimi məskunlaşıb. Şikayətçi deyir ki, Nərimanov rayonunda yerləşən 8 saylı Tibbi Ekspert Komissiyasının ona 2-ci qrup əlil dərəcəsi verməsi üçün həmin komissiyanın üzvü olan tanışı – Eldəniz Cahangirov ondan 2250 manat rüşvət alıb. Şikayətçinin sözlərinə görə qəribə hal odur ki, onun əlillik dərəcəsi alması üçün hazırlanan sənədlərdə göstərilən xəstəxananın neçə saylı olduğu, harada yerləşməsi bilinmir. Sitat: “Məndən rüşvət alan həmin komissiya üzvü dedi ki, 2500 manat pul verəcəksən, sənin başqa şeylə işin olmasın. Ancaq sonradan 2250 manat pul tapıb düzəldə bildim. Cahangirov isə “üstünün çatmayanını mən düzəldib verərəm, vallah bu pulun bizə aidiyyəti yoxdur, pulu biz baş idarəyə veririk, oradan isə nazirliyə göndərirlər və s.” kimi söhbətlər etdi”. Digər bir maraqlı məqam isə Qarabağ döyüşçüsündən 2250 manat rüşvət almış Eldəniz Cahangirovun Elşad Rzayevlə necə, harada tanış olması və onun məhkumluğu, hazırda yenidən komissiya üzvü kimi vəzifə tutmasını məhdudlaşdıran qaranlıq məqamlardır. Bununla yanaşı Eldəniz Cahangirovun Rusiyada vəzifə tutan bir yaxın qohumunun kimliyi, Elşad Rzayevlə tanış olduğu ərəfələrdə ona etdiyi siyasi və digər dəstək barədə də məlumat verəcəyik… İnanırıq ki, məsələ ilə bağlı hüquq-mühafizə orqanları, eyni zamanda Əmək və Əhalinin Sosial Müdafiəsi naziri cənab Səlim Müslümov ciddi tədbirlər görərək. Obyektivlik naminə qeyd edək ki, Səlim Müslümov nazir təyin olunduqdan sonra bu sahədə xeyli ciddi müsbət işlər görüb, xeyli rüşvətxor məmuru cəzalandırıb. Biz də müşahidə edirik ki, cənab nazir ölkə prezidenti Cənab İlham Əliyevin korrupsiya və rüşvətxorluğa qarşı apardığı mübarizəyə ciddi dəstək verir. Səlim Müslümovun bu fakta da ciddi reaksiya verəcəyinə əminik. Bununla yanaşı TSEK-lərdə baş verənlər Səlim Müslümovu alt-üst edir.

2 İyul 2015 6:53

Hər gün 1096 vətəndaş borca girir

YAP hakimiyyətinin «möcüzəli inkişaf»ı bundan ibarətdir Azərbaycanda sosial-iqtisadi vəziyyətin ağırlığını sübut etmək üçün professor olmağa ehtiyac yoxdur. Hakimiyyət gecə-gündüz analoqsuz inkişafdan danışsa da, nəticə göz qabağındadır. Bu ölkədə inkişaf vəzifəli şəxslərin həyatında özünü göstərir. Sadə vətəndaşlar isə bankların girovuna çevrilib. Demək olar, hər ailədə kredit borcu ödəyən adam tapmaq olar. Üstəlik, banklar məmurlara məxsus olduğuna görə ən yüksək faiz dərəcələri tətbiq edilir və bu sahə də monopoliyadadır. 2015-ci ilin mayın 1-nə olan nəticələrə görə 2 milyon 414 min 122 nəfər kredit götürən şəxs var. Xatırlayırsızsa, yapçı deputat Siyavuş Novruzov da etiraf etmişdi ki, Azərbaycanda kredit borcunu ödəmək üçün ya insan alveri, ya silah alveri, ya da narkotika alveri ilə məşğul olmalısan. Yəni hakimiyyət də etiraf edir ki, vətəndaş zəruri ehtiyaclarını ödəmək üçün cinayətkara çevrilməlidir. Uzun illər ərzində ölkəyə 100 milyardlarla vəsait daxil olub. Amma bu vəsait nə insanların həyatında, nə əmək haqlarında, nə də iş yerlərinin açılamasında hiss olunub. Əksinə, ölkəyə milyardlar axdıqca, vətəndaşların müflisləşməsi baş verib. Çünki, hakimiyyət sərvətlərin yalnız cüzi hissəsini vətəndaşa verib. Amma xalqa çatan qəpik-quruş da yüksək faizli kreditlərlə geri alınır. Əslində bu gün ölkəni ağuşuna almış kredit siyasəti təsadüfi deyil. Məqsədli şəkildə elə siyasət yürüdülüb ki, vətəndaş televizor, soyuducu, kondisioner almaq üçün də kreditə girsin və uzun illər aldığı məhsulun pulunu artıqlaması ilə ödəsin. Yəni məqsədli şəkildə vətəndaş asılı vəziyyətə salınıb. Artıq statistik nəticələr göstərir ki, bu gün milyardlarla manat ödənilməyən kreditlər var. Insanlar ağır kredit faizlərini ödəyə bilmir. Tez-tez adamların sosial vəziyyətin ağırlığından intihar etdiyinin, cinayətə əl atdığının şahidi oluruq. Faktiki olaraq ölkə 2 hissəyə bölünüb. Orta təbəqə yox səviyyəsindədir. Statistik göstəricilərə görə, kredit borcu olanların 2 milyon 381 min 592 nəfəri fiziki şəxslər, daha sadə şəkildə desək istehlakçılardır. Ən dəhşətlisi budur ki, son il yarımda 600 min vətəndaş borca girib. Belə çıxır ki, hər gün 1096 vətəndaş borca girir. Bu göstərici böhranın ən yüksək səviyyəsindən xəbər verir. Hakimiyyət əcnəbi müğənniyə 2 milyon dollar, Avropa Oyunlarına 8 milyard, Gül bayramına 10 milyonlarla vəsait xərcləyə bilər. Əhalinin vəziyyəti isə onu göstərir ki, bu milyardların ölkə insanına qətiyyən aidiyyəti yoxdur. Əgər bir ölkədə hər gün 1000-dən artıq vətəndaş borclanmaq zərurəti ilə üz-üzə qalırsa, bu ölkədə iqtisadi vəziyyətin də, yürüdülən siyasətin də bərbad olğunu göstərir. Bu statistik rəqəmləri biz icad etməmişik. Hökumətin ekspertləri üzə çıxarıblar. Hətta Ermənistanda da belə nəticə qeydə alınmayıb. Indi hakimiyyət izahat versin ki, hər gün 1000 nəfərin borca girməsi hansı möcüzəli inkişafın nəticəsidir? Bəlkə, Avropa buna görə bizə paxıllıq edir? Nəticə budur ki, zəngin ölkənin vətəndaşları zəruri ehtiyaclarını ödəməkdən acizdir. Çünki, ölkədə korrupsioner, acgöz bir hakimiyyət var. Akif

2 İyul 2015 11:28

Vətəndaş Bakı Hava Limanında qanunsuzluqla üzləşib

Bakı Hava Limanında qanunsuzluq, süründürməçiliklə üzləşən Arif Dəniz adlı vətəndaş "Azadlıq" qəzetinə yazır: "Mən 30 oktyabr 2014-cü ildə J2 089 reysi ilə Bakıdan İstanbulun "Sabiha Gökçən" Hava Limanına uçmaq üçün Heydər Əliyev adına Bakı Hava Limanına gəldim. Minik kartımı aldıqdan sonra 3-cü mərtəbəyə qalxdım. Yoxlamadan öncə İsmayıl adlı gömrük işçisi mənə yaxınlaşdı üzərimdə nə qədər pu olduğunu soruşdu. Mən ona üzərimdə 22600 ABŞ dolları olduğunu bildirdim. O isə Sahib adlı bir gömrük işçisini çağırdı və dedi ki, bu yoldaşda artıq pul var. Sahib məndən pulları ona göstərməymi istədi. Heç bir söz demədən çantamdakı 22600 ABŞ dollarını çıxarıb göstərdim. Bundan sonra Sahib məndən pulları aldı. Hələ gömrük yoxlamasından keçmədiyimi Sahibə xatırlatdım və pulları məndən niyə aldığını ondan soruşdum. O isə bütün bunlara rəğmən, mənə məxsus 22600 ABŞ dollarını götürüb ərazidən uzaqlaşdı. Bundan sonra adı Adil, soya adı Kazımov olan başqa birisi işçilərə yaxınlaşıb nə isə dedi. Bundan sonra onlar mənə qaçaqmalçı kimi sənədləşdirəcəklərini bildirdilər. Səbəb də onu göstərdilər ki, guya mən üstümdəki pul və onun miqdarı barədə məlumat verməmişəm. Mən isə bunun yalan olduğunu, əvvəlcədən üstümdəki pul haqda gömrük işçilərinə məlumat verdiyimi bəyan etdim. Onlar bu dəfə mənə bildirdilər ki, guya mən Sahiblə yaxşı danışmamışam deyə acığa düşüb. Nə isə, etirazlarım heç bir nəticə vermədi. Məni təyyarədən geri gaytardılar və Rövşən adlı bir tədqiqadçının otağına gətirdilər ki, təslim al, yaxalımışıq. Rövşən mənə Cinayət məcəlləsi kitabını açdı və bildirdi ki, sənin düz 5 il işin var. Rövşən adlı tədqiqatçı eyni zamanda, bundan qurtuluş yolunun olduğunu da xatırlatdı. Mən də öz növbəmdə baş verənləri yenidən xatırlatdım. Amma nə fayda? Rövşən dedi ki, bura gəlmisənsə, çıxış yollarını budur: Ya ümumi məbləğin 20%-ni ödəyirsən, səni buraxıram, ya Xəzər Rayon Məhkəməsinin sədri bizim general Sadiq Abduyevə zəng vurub xahiş edir o zaman səni buraxırıq, ya da, Nəqliyyat polisinin rəisi bizim general Sadiq Abduyevə zəng vurub xahiş edərsə səni buraxa bilərik. Mən isə Rövşənə dedim ki, bu adamların heç birini tanımıram və elə bir adamım da yoxdur ki, ona deyim zəng vursun sən dediyin adamlara. Olar ki mənə dediyiniz adamlarla özüm görüşüm, vəziyyəti onlara izah edim, həqiqəti bilsinlər? Rövşən isə bildirdi ki, onlar səni qəbul etməz, sən cinayətkarsan. Bundan sonra Rövşənə heç bir şey edə bilməyəcəyimi bildirdim. O isə məni həbslə hədələdi. Təxminən 3 saat keçəndən sonra Rövşən bildirdi ki, məni həbs etmirlər, amma bir şərtlə ki, sabah saat 10-da yenidən onların yanında olum. Pulu isə özlərində saxladılar. Pulun onlarda qalmasını təsdiq edən hər hansı yazılı sənət verməkdən isə imtina etdilər. Xatırladım ki, Türkiyəyə qara ciyərim xəstə olduğuna görə müalicəyə gedirdim. Çantamda olan xəstəlik kagızlarını da gömrük işçilərinə göstərdim, amma bu reketlərin heç vecinə də olmadı. Doktordan da randevu almışdım , ağrıdan əziyyət çəkirdim, təcili Türkiyəyə getməli idim. Üstümdəki pul da müalicəm üçün satdığım evin pulu idi. Deyildiyi kimi, səhər saat 10-da Rövşənin yanında oldum. Rövşən bu dəfə bildirdi ki, işi istintaqa versəm, gərək 5-6 ay oturasan burda. Nəticədə, müalicəyə gedə bilməyəcəksən, müstəntıqın yanına get-gəl nəticəsində isə səndən tələb etdiyimiz həmin 20 faizi xərcləyəsəksən: “Gəl, daşı tök ətəyindən, ver ümumi məbləğin 20 faizini, buraxım get”. Nəhayət, məcbur qalıb xəstəliyimə görə onunla razılaşmalı oldum. Nəticədə, məndən aldıqları izahatı ləğv edərək, guya mənim üzərimdə 16000 ABŞ dolları olduğu və bunu gömrükçülərdən gizlətdiyim haqda yeni akt tərtib etdilər. Bundan sonra Rövşən mənə pulu onların aşağıdakı banklarına köçürməyim haqda göstəriş verdi. Mən də pulu göstərilən bnka köçürdüm, qəbzi isə Rövşənə verdim. Lakin Rövşən bildirdi ki, 50 dollar da nəğd pul verməliyəm. Guya, bu pulu da mənim üzümə duran adamları var , hava limanında təmizlik işinə baxırlar, onlara verəcəklər. Beləcə, 2300 dollar pulu zorla məndən aldılar. Pulumun qalan hissəsini isə qaytardılar. Həmin gün, yəni 31 oktyabr 2014-cü ildə axşama yenidən bilet alıb, hava limanına yollandım. Gömrük əməkdaşına yaxınlaşdım, bildirdim ki, mən bəyannamə yazmaq istəyirəm, blank verin, üzərimdə 20000 dollar var. Onlar isə aparatın işləmədiyini, 100 dollar verib keçə biləcəyimi bildirdilər. 100 dollar verib, keçdim. Nə bəyannamə istədilər, nə də mənə “qaçaqmalçı” dedilər”.

1 İyul 2015 5:34

“Rusiya özü qanunsuz dövlətdir”

  Ayaz Mütəllibovla bağlı məsələyə Litvadan reaksiya Rusiya Dövlət Dumasının hakim “Vahid Rusiya” Partiyasından olan bir qrup deputatının SSRİ Dövlət Şurası ilə bağlı Baş Prokurorluğa etdiyi müraciət müzakirə mövzusudur. Rusiya mənbələrinin yaydığı məlumata görə, SSRİ Dövlət Şurasının Baltikyanı respublikaların müstəqilliyinin tanınmasına dair verdiyi qərarının “vətənə xəyanət” kimi qiymətləndirilməsi istiqamətində ölkənin Baş Prokurorluğu araşdırma aparır. Məsələ ilə bağlı Litvanın müstəqilliyinin bərpa edilməsində çox əhəmiyyətli rol oynamış, tanınmış siyasətçi, ölkə Seyminin keçmiş sədri Vitautas Landsbergis mövqeyini açıqlayıb. Modern.az saytı Litva mənbələrinə istinadən xəbər verir ki, Landsbergis Rusiyanın bu addımlarına fikir verməməyə çağırıb. O, bildirib ki, Litva Baltikyanı ölkələrin müstəqilliyini şübhə altına alan araşdırmalarla bağlı müzakirələrə vaxt ayırmamılıdır. Landbergis deyib ki, Moskva provaksiyaya əl atmaqla yeni mübahisələr yaratmaq niyyətindədir: “Bizim siyasətçilərimiz, Seymin üzvləri də Rusiyanın qanuniliyi haqqında Litva Prokurorluğuna müraciət edə bilərdilər. Rusiya qanunsuz dövlətdir. Çünki o çarı devirdi, uşaqları öldürdü. Belə dövlət olarmı?”. O qeyd edib ki, Rusiyanın indi belə bir addım atması Kremlin hansısa xüsusi planlarının olmasından xəbər verir. Xatırladaq ki, “Vahid Rusiya” Partiyasının üzvü olan bir neçə deputatının baş prokuror Yuri Çaykaya göndərdiyi müraciətdə 1991-ci ildə SSRİ Dövlət Şurası yaradılmasının qeyri-konstitusion olduğu bildirilib. Müraciətdə həmin Dövlət Şurasının qərarı əsasında Baltikyanı ölkələrin (Litva, Latviya və Estoniya) müstəqilliyin tanınmasının əsassız olduğu vurğulanır və buna etiraz edilir. Dövlət Şurasının son tərkibi aşağıdakı kimi olub: Şuranın sədri - Mixail Qorbaçov (SSRİ prezidenti) Boris Yeltsin (Rusiya prezidenti) Leonid Kravçuk – Ukrayna prezidenti Əsgər Akayev - Qırğızıstan prezidenti Nursultan Nazarbayev - Qazaxıstan prezidenti İslam Kərimov - Özbəkistan prezidenti Saparmurat Niyazov - Türkmənistan prezidenti Levon Ter-Petrosyan Ermənistan prezidenti Rahmon Nabiyev - Tacikistan prezidenti Ayaz Mütəllibov - Azərbaycan prezidenti.

1 İyul 2015 5:27

Deputatın qohumu 200 minlik ev uduzdu

Bakı Ağır Cinayətlər Məhkəməsində hakim Eldar İsmayılovun sədrliyi ilə dələduzluqda ittiham olunan Rövşən Hacızadə və Qərib Əmiraslanovun cinayət işi üzrə məhkəmə istintaqı yekunlaşmaq üzrədir. R.Hacızadə deputat Əsabil Qasımovun yaratdığı, hazırda oğlunun idarə etdiyi “Karat” MTK-da çalışıb. Faktiki qaravulçu olsa da, rəsmi sənədlərdə adı MTK-nın icraçı direktoru kimi qeyd olunub. Buna görə də ittiham aktında da adı “Karat” MTK-nın icraçı direktoru kimi keçir və məhkəmə qarşısına da bu vəzifənin daşıyıcısı kimi çıxarılıb. İttiham aktında yazılıb ki, Rövşən Hacızadə tanışı Qərib Əmiraslanovla qabaqcadan əlbir olub tamah niyyəti ilə rəsmi sənədlərə bilə-bilə yalan məlumatlar daxil ediblər. Onlar MTK-nın Bakı şəhərində inşa etdiyi çoxmərtəbəli yaşayış binasında əvvəllər ayrı-ayrı şəxslərə satılmış 5 mənzili və 4 avtodayanacaq yerlərini təkrarən başqa şəxslərə satmaqla 1 milyon 112 min manat məbləğində pulu mənimsəyiblər. Buna görə də Rövşən Hacızadə Cinayət Məcəlləsinin 178.3.2 (dələduzluq külli miqdarda ziyan vurmaqla törədildikdə), 308.2 (vəzifə səlahiyyətlərindən sui-istifadə ağır nəticələrə səbəb olduqda) və 313-cü (vəzifə saxtakarlığı), Qərib Əmiraslanova isə 178.3.2-ci maddəsi ilə ittiham elan olunub. Məhkəmədə təqsirləndirilən şəxs qismində dindirilən R.Hacızadə ona elan olunmuş ittiham üzrə özünü təqsirli bilməyib. Deyib ki, ittiham üzrə bütün qanunsuzluqlar deputat Əsabil Qasımovun yaxın qohumları olan Taleh Qasımov, Umud Umudov, Qərib Əmiraslanov və İntiqam Umudov tərəfindən törədilib. Mənzil və avtomobil yerlərinin satılması barədə sənədlər Əsabil Qasımovun təhriki ilə yazılıb: “Karat” MTK-da heç bir vəzifədə işləməmişəm, heç bir səlahiyyətim olmayıb, heç kimin pulunu ələ keçirmək üçün mənzil və ya avtodayanacaq yerləri satmamışam. “Karat” MTK-da heç bir vəzifəm olmadığından vəzifə saxtakarlığı törətməmişəm. Əsabil Qasımov və onun yaxın ətrafı öz saxtakarlıqlarını gizlətmək məqsədilə mənə şər, böhtan atırlar". R.Hacızadənin ifadəsi məhkəmənin onu direktor kimi mühakimə etməsinə mane olmayıb. Ona direktora aid suallar verilib. Təbii ki, qarovulçunun direktora aid suallara cavab verməsi də mümkünsüz olub. Məhkəmə qarşısına çıxarılan deputatın qohumu Qərib Əmiraslanov isə ona elan olunmuş ittihamla özünü qismən təqsirli bilib. İstintaq materialları arasında Q.Əmiraslanovun ifadəsi var. Həmin ifadəsində Q.Əmiraslanov mənzili qumar borcuna görə Ağdam rayonundan olan Yusif Əfsəriyə verdiyini gizlətməyib. Deyib ki, qumarda Yusif Əfsəriyə külli miqdarda pul uduzub. Həmin məbləğin bir hissəsini nağd ödəyib, qalan 205 min manat borcun əvəzinə isə “Karat” MTK-dan mənzil vermək barədə razılığa gəliblər. Deputatın qohumu R.Hacızadəyə deyib ki, X.Şuşinski küçəsi 12 saylı binadakı 4 otaqlı mənzili Y.Əfsərinin qardaşı oğlunun adına sənədləşdirməkdə köməklik etsin. R.Hacızadənin vəkili Ceyhun Yusifov deyir ki, müdafiə etdiyi şəxsin bu cinayətlə ümumiyyətlə əlaqəsi yoxdur Vəkilin sözlərinə görə, istintaq qərəzli xarakter daşıyıb, cinayətin açılmasına, əsl cinayətkarların müəyyən edilməsinə, cinayət işinin obyektiv araşdırılmasına deyil, əsl cinayətkarları gizlətmək məqsədilə həyata keçirilib: “Nə istintaq zamanı, nə də ki, məhkəmədə Rövşən Hacızadə ona elan olunmuş ittihamlarla özünü təqsirli bilməyib. Bu halları nəzərə alan məhkəmə öncə məhkəmə istintaqının zərərçəkmişlərin ifadəsi ilə başlanılmasını məqsədəuyğun hesab etdi. Rövşən qəti şəkildə bu işin qurma, özünün isə qurbanlıq olduğunu bildirdi. Bununla yanaşı, Rövşən Hacızadə dələduzluqda ittiham olunduğu əmlakla bağlı mötəbər sübutları məhkəmə baxışına təqdim edəcəyini israrlı şəkildə dedi. Rövşən Hacızadə məhkəməyə bu iş üzrə ”zərərçəkən"in Əsabil Qasımov olduğunu və istintaqa zərərçəkən kimi təqdim olunanların hamısının onun öz adamları olduğunu dedi". Onu da qeyd edək ki, R.Hacızadənin bacısı Güllü Hacıyeva mətbuat konfransı keçirərək ölkə başçısına müraciət edib: “Qardaşım Rövşən barəsindəki həbs-qətimkan tədbirinin ləğvinə və cinayət işi üzrə təqsirləndirilən şəxs kimi tanınmasına son qoyulması üçün aidiyyəti üzrə göstərişlər verilməsini və əsl cinayətkarların cinayət məsuliyyətinə cəlb edilməsinə köməklik göstərilməsini xahiş edirik. İnanıram ki, müraciətimizdən sonra deputat adına xələl gətirən, günahsız insanları həbs etdirərək dövlətdən narazı salmağa çalışan Əsabil Qasımov barəsində qanuni tədbir görüləcək. Bizim haqsız olaraq məruz qaldığımız bu əzab və iztirablara son qoyulacaq”. (musavat.com)

1 İyul 2015 1:02

Ərdoğan üçün hazırlanan ölüm planını kim pozdu?

  Hesabatda, adı məxfi saxlanan və “X” işarəsi ilə kodlanan şəxsin geniş etiraflarına yer verilib. Türkiyədə polis idarəsi Fətullah Gülənin rəhbərlik etdiyi “Paralel Dövlət Quruluşu” (PDY) barədə “Məxfi” dərkənarlı hesabat hazırlayıb. 9 mart 2015-ci il tarixli hesabat Ankara respublika prokurorluğunun Polis idarəsinə göndərdiyi təlimat əsasında hazırlanıb. Təlimatda Fətullah Gülənin lideri olduğu PDY-nin bir terror təşkilatı olub-olmaması soruşulur. Bu səbəbdən prokurorluq məsələnin araşdırılmasını və hesabat hazırlanmasını tələb edib. Təlimat əsasında 53 səhifəlik hesabat hazırlayan idarənin prokurorluğa göndərdiyi Zəki Çatalkaya imzalı 543-40025 saylı dosyedə şoka düşürəcək bir çox məlumatlara yer verilib. Hesabatda, Fətullah Gülənin yaxınında olmuş, adı məxfi saxlanan və “X” işarəsi ilə kodlanan şəxsin geniş etiraflarına yer verilib. Bu etiraflardan birində prezident Ərdoğanın əməlıiyyat olunduğu xəstəxanada ölümünün planlandığı, MİT başqanı Hakan Fidanın özünü çatdıraraq bu sui-qəsdin qarşısını aldığı bildirilir. ans “MİT başqanı Hakan Fidanın yerinə polis idarəsindən "R" təyin olunaraq xarici qüvvələrin və paralel quruluşun hədəfləri istiqamətində xidmət etdirilmək istənib. Rəcəb Tayyib Ərdoğan xəstələndiyi zaman PDY-yə aid xəstəxanalardan birinə aparıldığını eşidən Hakan Fidan dərhal xəstəxanaya gedərək əməliyyatın qarşısını alıb və paralel quruluşun həyata keçirmək istədiyi təhlükəli nəticənin qarşısını alıb. Bu səbəbdən də Hakan Fidan paralel quruluşun və İsrailin sevmədiyi insandır.” - deyə hesabatda bildirilib.

1 İyul 2015 8:28

İsti havalarla bağlı sürücülərə xəbərdalıq

Respublika Baş Dövlət Yol Polisi İdarəsi havaların isti keçməsilə əlaqədar sürücülərə müraciət edib İdarənin ictimaiyyətlə əlaqələr şöbəsinin rəisi Kamran Əliyev Ans press-ə açıqlamasında bildirib ki, sürücülərdən soyuducu sistemi olmayan avtomobillərdən istifadə etməmək tövsiyə olunur. İdarə rəsmisinin sözlərinə görə, yayda qeydə alınan yol qəzalarının əksəriyyəti günorta saatlarında baş verib. “Günorta vaxtlarında qeydə alınan yol nəqliyyat hadisələri istinin nəticəsində olur. İsti hava və havada olan müxtəlif qazlar sürücüyə həm psixoloji, həm də fizioloji təsir edir. Sürücülərdən saat 13.00-dan 17.00-dək avtomobillərdən mümkün qədər az istifadə etmələrini, kondisioneri olmayan maşınlardan isə ümumiyyətlə istifadə etməmələri xahiş olunur”. K.Əliyev bu problemin ictimai nəqliyyatda daha çox rast gəlindiyini bildirdi. Onun sözlərinə görə, avtobus sürücüləri daha diqqətli olmalıdırlar. “Avtobus sürücüləri təkcə özlərinin deyil, sərnişinlərin həyatları ilə də riskə gedirlər. Düzdür, rayon istiqamətində hərəkət edən avtobuslarda soyuducu sistem var, amma şəhər içərisində nəqliyyatın əksəriyyətində bu yoxdur”. Həkimlər də isti havada avtomobil idarə edənlərə tövsiyyə edir ki, bacardıqları qədər su içsinlər və tez-tez sükan arxasından qalxsınlar. Həkim Tamilla Kərimova Anspress-ə açıqlamasında bildirib ki, sürücülər bacardıqları qədər isti havada sükan arxasında az otursunlar, ya soyuducu sistemdən istifadə etsinlər, vintelyasiya sistemini işlək saxlasınlar.

30 İyun 2015 11:12

Bu gecə kompüterlərinizi 5 dəqiqəliyə söndürməyi unutmayın

Rabitə və Yüksək Texnologiyalar Nazirliyinin Elektron Təhlükəsizlik Mərkəzi yeni xəbərdarlıqla çıxış edib Mərkəzin xəbərdarlığında qeyd olunur ki, bildiyiniz kimi, 2015-ci ilin 30 iyun tarixində saat 23:59:59-da dünya saatının 1 saniyə irəli çəkilməsinə qərar verilib. Bu addımın atılmasında məqsəd Yer kürəsinin öz oxu ətrafında hərəkəti yavaşladığı üçün astronomik və atom saatı arasında vaxt hesablanması ilə bağlı ortaya çıxan ziddiyyətləri aradan qaldırmaqdır. Bununla əlaqədar qeyd etmək lazımdır ki, dünya saatında baş verəcək bu dəyişikliyin texnoloji sistemlərdə nasazlığın yaranmasına səbəb olması məsələsi də qaçılmazdır. Belə ki, 2012-ci ildə edilən dünya saatına edilən oxşar dəyişikliklər nəticəsində bir sıra məhşur veb saytlarda nasazlıqlar və boşluqlar ortaya çıxıb. Belə ki, kompüterdə vaxt tənzimləməsini həyata keçirən NTP protokolu öz vaxt ayarlarını atom saatına əsasən tənzimləyir. Nəticədə, vaxtın 1 saniyə irəli çəkilməsini kompüter qurğuları sistemdə səhvlik kimi başa düşüb öz fəaliyyətini dayandıra bilərlər. Bununla bağlı, mütəxəssislər əməliyyat sistemlərinin səmərəliliyini və işləkliyini təmin etmək məqsədi ilə 30 iyun tarixində saat 23:58-də 5 dəqiqəlik kompüterləri söndürməyi tövsiyə edir.

30 İyun 2015 11:09

“Kia Motors”un “Parabank”da yuduğu milyonlar – YENİ TƏFƏRRÜAT

  Bir neçə gün əvvəl “Parabank” və “Kia Motors” MMC-nin müştərək cinayəti barədə sensasion məlumat dərc edilmişdi. Xəbərdə bildirilirdi ki, “Kia Motors”un dövlətdən gizlətdiyi 40 milyona yaxın pulu "Parabank"ın Nəsimi filialında qeyri-qanuni şəkildə saxlanılıb və müəyyən müddətlərdə dövriyyəyə buraxılıb. Faktinfo.az saytı aznews.az-a istinadən xəbər verir ki, bir neçə il davam edən bu proses pulun bir qisminin yoxa çıxması nəticəsində baş verən ölüm hadisəsindən sonra ifşa olunub. Belə ki, “Kia Motors” MMC-nin rəhbəri Səxavət Səfərovun “Parabank”da həmin pullara nəzarət edən etibarlı adamı müəmmalı şəkildə intihar edib. Guya özünə 8 bıçaq zərbəsi vurub. Bundan sonra məsələ ilə bağlı cinayət işi açılıb və hüquq-mühafizə orqanları bankdakı qanun pozuntularının təftişinə başlayıb. Hər iki qurumda Vergilər Nazirliyi də böyük yoxlamalara başlayıb və doğrudan da milyonlarla vəsaitin vergidən yayındırılması, daxil olmalarla bağlı sənədlərin saxtlaşdırılması və başqa cinayət əməlləri aşkarlanıb. Bu arada sayt Vergilər Nazirliyinin həqiqətən də “Parabank” və “Kia Motors” MMC-də yoxlamalar apardığını əks etdirən sənəd əldə edib. Bu sənəd hər iki qurumdan şikayət edən vətəndaşa göndərilən rəsmi cavabdır. Göründüyü kimi məktubda hər iki qurumda uzun müddətli yoxlamalara başlanıldığı qeyd olunur. Qeyd edək ki, məsələ ilə bağlı daha ciddi məqamlar var. “Parabank”ın özəl şirkətlə birləşərək dövlətə qarşı cinayət törətməsi, gizlətdiyi milyonlarla pulun taleyi və eləcə də bu işlərlə bağlı baş verən dəhşətli cinayətlərin təfərrüatları barədə növbəti günlərdə geniş məlumat verəcək.

29 İyun 2015 6:59

Komitə sədri ilə icra başçısı ordunun ərazisini satıblar

Əmlak Məsələləri Dövlət Komitəsi ilə Yasamal rayon İcra Hakimiyyəti Müdafiə Nazirliyinə məxsus olan daşınmaz əmlaklar üzərində qanunsuz sərəncamlar veriblər. Bu vəziyyət isə Müdafiə Nazirliyinin kəskin narazılığına səbəb olub. Artıq nazirlik hər iki dövlət qurumuna qarşı məhkəmə qaydasında yeni iddialarla çıxış edib: «Zakir Həsənovun rəhbəri olduğu Müdafiə Nazirliyi Əmlak Məsələləri Dövlət Komitəsini Yasamalda yerləşən hərbi şəhərcik ərazisində nazirliyə məxsus olan tiklilər üzrə qanunsuz alqı-satqı prosesi həyata keçirməkdə ittiham edir. Buna görə də, həm Kərəm Həsənovun sədri olduğu komitə, həm də komitənin qərarı ilə Müdafiə Nazirliyinin əmlakları üzərində sahiblik hüququ əldə etmiş Namiq Çingiz oğlu Bahadurov və bir neçə nəfər də məhkəməyə cəlb olunub. Artıq bu işə Yasamal rayon Məhkəməsində baxılıb. İş hazırda Bakı Apellyasiya Məhkməsində hakim Mədinə Bağırovanın sədrliyi ilə baxışa qəbul olunub. Hakim iş üzrə iyunun 30-na iclas saatı təyin edib». Məlumata görə, Müdafiə Nazirliyinin Yasamal rayon İcra Hakimiyyəti ilə də davası qanunsuz sərəncamlarla bağlıdır: «Nazirlik hesab edir ki, İbrahim Mehdiyevin rəhbərlik etdiyi Yasamal rayon İcra Hakimiyyəti səlahiyyət həddini aşaraq, nazirliyin balansında olan tiklilər üzərində qanunsuz aktlar həyata keçirib. İndi nazirlik bu sərəncam və onun əsasında fiziki şəxslərə verilən orderlərin də ləğv olunmasını tələb edir. Bu işə də birinci insansiya məhkəməsində baxılıb. Ancaq mübahisə öz həllini tapmayıb”. Məlumatda bildirilir ki, birinci insansiya məhkəməsinin qərarından verilmiş şikayətə Bakı Apellyasiya Məhkəməsində hakim Kəmalə Abiyevanın sədrliyi ilə sabah baxılacaq: "Prosesə sabah start veriləcək”. (Strateq.az)

29 İyun 2015 6:54

Tatlısəs həbs oluna bilər

Tanınmış türkiyəli sənətçi İbrahim Tatlısəs həbs edilə bilər. Müğənni 4 ilə qədər azadlıqdan məhrum edilə bilər. Məlumata görə, Tatlısəs hakim Həbibə Aslana Twitter hesabından iftira atma iddiası ilə ifadə verməyə çağrılıb. Tatlısəs müalicəsi bitdikdən sonra məhkəməyə çıxacaq. Tatlısəs Twitter hesabında üç tvit atıb. O, hakimin məhkəmə tərəflərindən birinin vəkilinin qızı olduğu üçün ədalətsiz qərar verdiyini yazıb. "Bütün musiqiçilər adından deyirəm ki, - yedik qaz ətindən, doyduq ləzzətindən. Artıq bu ölkədə kiminsə xətrinə görülən işlər bitdi". Bundan sonra hakim və onun qızı müğənniyə qarşı 100 min liralıq təzminat iddiası qaldırıblar. H.Aslan isə Tatlısəsə qarşı yalan məlumat yayma, şəxsiyyətini alçaltma iddiası ilə ikinci iddia qaldırıb. Ötən gün məhkəmənin ilk iclası olub. Lakin başından güllə yarası aldıqdan sonra illərdir müalicə alan İ.Tatlısəs prosesə qatılmayıb. Hakim onun reablitasiya kursundan sonra məhkəmə kürsüsünə çıxarılması haqqında qərar verib. İ.Tatlısəs bir neçə il öncə şou proqramdan çıxarkən silahlı hücuma məruz qalıb və başından güllələnib. Həkimlər onun həyatını xilas etmək üçün əllərindən gələni ediblər. Ölümün çaynağından xilas edilən türk sənət musiqisinin imperatoru onlarla əməliyyatdan, uzun müddətli müalicə kurslarından keçməli olub. Lakin o hələ də nə oxuya, nə də sol əlini tərpədə bilir. (ans)

29 İyun 2015 6:51

Fakt

Bizi izləyin