Ehtiyatlı olun, uzun müddətli dönər yemək…

Faktinfo.az istehlakçıların diqqətinə çatdırır ki,  uzun müddətli dönər yemək xərçəng xəstəliyinə tutulma riskini artırır. Çünki mütəmadi yeyilən dönər "tezbazar" yemək hesab edilir ki, bu da həzm yollarında ciddi fəsadlara yol açır. Mədə və bağırsaqda qastrit, mədə erroziyası, mədə xoralarının yaranmasına səbəb olur. Bu cür hallar da sonradan  xərçəng xəstəiyinə tutulma riskini artırır. Ölkədə “tezbazar” yemək kimi tanınan dönərlərin tərkibi, onlardan zəhərlənmə hallarının olması barədə dəfələrlə açıqlamalar verilib. Dönərxanaların antisanitar şəraitdə çalışması, mənşəyi məlum olmayan ətin həmin obyektlərə verilməsi, yeməyin təhlükəli şəraitdə hazırlanması və sair məsələlər qeyd olunub. Bununla bağlı aidiyyəti qurumlar bir neçə qərar da veriblər. Amma bu gün Azərbaycanda, xüsusən də paytaxt Bakıda və Bakıətrafı ərazilərdə satılan dönərlər bir müddət nəzarətə götürülsə də, problem həllini tapmayıb. Qadağan olunan ərazilərdə dönərlərin satılması, standartlara cavab verməyən aparatlarla hazırlanması halları davam etməkdədir. Nəzərə alsaq ki,havaların isti keçdiyi aylarında zəhərlənmə halları daha çox olur, bu aylarda dönərxanalara daha ciddi nəzarət olunmalıdır. Amma təəssüflər olsun ki, hazırda bu nəzarət yaddan çıxıb. Azad İstehlakçılar Birliyinin sədri, tanınmış ekspert Eyyub Hüseynov da bu acınacaqlı vəziyyətdən narahatlığını dəfələrlə vurğulayıb. O, dönərxanalarda  vəziyyətin həddindən artıq biabırçı olduğunu, bu sahədə qəbul olunan qanunların işləmədiyini deyib. Onun sözlərinə görə, Standartlaşdırma, Metrologiya və Patent üzrə Dövlət Komitəsi dönərin standartlarını hazırlayıb. Standart AZS 103-2003 adlanır. Bu standartlara görə, Azərbaycan bazarında fəaliyyət göstərən dönərxanalar hazırlanmış dönəri gətirib bişirib satmalıdır. Bu sənəddə dönərin növləri də göstərilib. Standartlara görə, dönərlər qoyun və mal ətindən, qoyun, mal və dana ətinin qarışığından, toyuq ətindən, hind toyuğunun ətindən, toyuq və hind toyuğunun qarışığından hazırlanmalıdır. Burada dönərin hazırlanmasından saxlanmasına qədər hamısı nəzərdə tutulub. Lakin,bu standartlar hazır olandan sonra dönərləri natəmiz şəraitdə saxlayan, daşıyan, dönərləri öz avtomobillərində natəmiz şəraitdə gətirən müəssisələr peyda oldu. Hazırda Azərbaycanda qazla işləyən çoxlu sayda  təhlükəli dönərxanalar  var. O da sirr deyil ki, hazırda Azərbaycanda 15 minə yaxın dönərxana fəaliyyət göstərir. Bunların da hamısına nəzarət etmək çox çətin və müşkül bir məsəlidir.Bu səbəbdən havaların istiləşməsini nəzərə alaraq istehlakçılar özləri diqqətli olmalı,standartlara cavab verməyən dönərxanalardan uzaq durmalıdırlar. Firidun Oruc Faktinfo.az

10 Mart 2017 5:44

Havalar soyuyur: Qar yağacaq

Azərbaycanda sabaha olan hava proqnozu açıqlanıb. Ekologiya və Təbii Sərvətlər Nazirliyinin (ETSN) Milli Hidrometeorologiya Departamentindən verilən məlumata görə, martın 11-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər bəzi yerlərdə zəif duman olacaq. Lakin gecəyə doğru yarımadanın bəzi yerlərində yağış yağacağı ehtimalı var. Gün ərzində mülayim cənub küləyi əsəcək. Havanın temperaturu Abşeronda gecə 3-6° isti, gündüz 9-14°, Bakıda gecə 3-5° isti, gündüz 10-12° isti olacağı gözlənilir. Atmosfer təzyiqi normadan yüksək 768 mm civə sütunundan 764 mm civə sütununa enəcək. Nisbi rütubət gecə 85-95 %, gündüz 6-70 % təşkil edəcək. Tibbi-meteoroloji proqnoza görə, martın 11-13-də Abşeron yarımadasında meteoroloji amillərin mülayim tərəddüdü meteohəssas insanlar üçün əsasən əlverişlidir. Azərbaycanın rayonlarında gecə və səhər bəzi yerlərdə duman, çiskin olacağı, gün ərzində arabir yağış yağacağı gözlənilir. Dağlıq ərazilərdə qar yağacağı, ayrı-ayrı yerlərdə intensiv olacağı ehtimalı var. Şərq küləyi əsəcək. Havanın temperaturu gecə 3-8° isti, gündüz 10-15° isti, dağlarda gecə 2° şaxtadan 3°-dək isti, gündüz 3-8° isti olacağı gözlənilir. Milli Hidrometeorologiya Departamenti xəbərdarlıq edir ki, martın 11-i gün ərzində bəzi rayonlarda hava şəraitinin qısa müddətə qeyri-sabit keçəcəyi, arabir yağış, dağlıq ərazilərdə qar yağacağı gözlənilir. Ayrı-ayrı yerlərdə intensiv olacağı ehtimalı var.

10 Mart 2017 1:17

“Gəncənin hal(sızlığ)ı da göz qabağındadır, Elmar Vəliyevin dəm-dəstgahı da” – İDDİA

 "Gəncə şəhər İcra Jakimiyyətinin başçısı Elmar Vəliyevin Gəncə ş. 4 saylı orta məktəbin yanında tikdirdiyi villası "hökumət iqamətgahı", "qonaq evi" kimi qələmə verilsə də, əslində bunun belə olmadığı hər kəsə bəllidir". Bu barədə DİA.AZ-a daxil olan məlumatda deyilir. Məlumatı redaksiyamıza çatdıran mənbə bildirir ki, əslində Elmar Vəliyevin şəxsi mülki olan həmin villa sonradan yaxınlıqda yerləşən və sökülən hərbi hospitalın həyətinə birləşdirilərək əsl malikanə halını alıb. Qaynaq  yazır: "Villa və malikanə aludəçiliyi ilə seçilən Elmar Vəliyevin Gəncənin mərkəzində bu ölçülərdə villanı hansı pulla tikdirməyini sual verməyə ehtiyac yoxdur. Gəncənin hal(sızlığ)ı da göz qabağındadır, Elmar Vəliyevin dəm-dəstgahı da". Daha sonra qaynaq  yazır: "Bu villa, şəhərin büdcə təşkilatlarından yığılan qeyri-rəsmi haqq, xərac hesabına və müxtəlif sxemlərlə iş adamlarından qanunsuz yığımlar hesabına başa gəlib". Qeyd edək ki, Elmar Vəliyevin villası ilə bağlı bu günlərdə də yerli KİV-lərdə ilginc iddialar səsələnmişdi. Deyilirdi ki, vətəndaşların əmlak hüquqlarına qəsdi ilə ad çıxaran Gəncə Şəhər İcra Hakimiyyətinin başçısı Elmar Vəliyev "gözə” gələcəyindən narahat olub. Gununsesi.info-nun əldə etdiyi məlumata görə, belə ki, icra başçısı rəhbəri olduğu şəhərdə özü üçün inşa etdirdiyi villasının qapısında "göz muncuğu” asdırıb. E. Vəliyevin evinin qabağından keçən insanlar isə bunu sadəcə, təbəssümlə və istehza ilə qarşılayırlar. Çünki onun yaşadığı villanı hansı pullarla inşa etdirdiyi kimsəyə də sirr deyil. Hətta, bu azmış kimi qonşularının onun həyətinə bitşik torpaq sahəsini də ələ keçirən icra başçısı onlara vəd etdiyi kompensasiyanı belə verməyib. Dia.az olaraq başçının villasından həmin görüntüləri təqdim edirik:

10 Mart 2017 11:59

40 yaşından sonra tələbə olan indiki icra başçıları- SİYAHI

Dövlət məmurlarının həyatı, tərcümeyi-halı çoxlarına maraqlıdır."Yeniavaz.com" xəbər verir ki, bəzən bu məlumatları araşdırarkən maraqlı faktlar üzə çıxır. Bir çox saytlarda isə bəzən onların bir çoxunun ali təhsilləri ilə bağlı xəbərlər dərc olunur, ittihamlar səsləndirilir. Bəzən bu xəbərlərə həmin vəzifəli şəxslər ya münasibət bildirir, ya da ümumiyyətlə reaksiya vermirlər. Yeri gəlmişkən, internetdə bu mövzuda yazıların, xəbərlərin sayı kifayət qədərdir. Ancaq onların nə dərəcədə doğru olub-olmadığını yəqin ki, özlərindən başqa heç kim bilmir. Biz isə onların barəsində hər hansı ittiham səsləndirmək fikrindən uzağıq. Bu yazımızda tərcümeyi-hallarına əsaslanıb nisbətən yaşlı vaxtlarında ikinci ali təhsil alan vəzifəli şəxslər barədə məlumat verəcəyik. O insanların ki, uzun illərdir dövlət qurumlarında, müxtəlif vəzifələrdə çalışırlar. Beləliklə, "Yeniavaz.com" saytı "mən nə qədər qoca olsam da dəyərəm min cavana" deyən məmurlarımızın siyahısını təqdim edir. "Azəravtoyol" Açıq Səhmdar Cəmiyyətinin sədri "Azəravtoyol" Açıq Səhmdar Cəmiyyətinin sədri Saleh Məmmədovun 59 yaşı var. Məmmədov Saleh Ərşad oğlu 1958-ci ildə Azərbaycan Respublikasının Tərtər rayonunda anadan olub. Tərtər rayonunda orta məktəbi bitirdikdən sonra sənədlərini Azərbaycan İnşaat Mühəndisləri İnstitutunun "Sənaye və mülki tikinti" fakültəsinə verib və 1980-ci ildə müvəfəqiyyətlə institutun "Sənaye və mülki tikinti" fakültəsini bitirib. Tərcümeyi-halına əsasən deyə bilərik ki, Saleh Məmmədov 35 il sonra, yəni 2015-ci ildə Bakı Dövlət Universitetinin "Hüquqşünaslıq" fakültəsini bitirib. "Hüquqşünaslıq" diplomu alan il Saleh müəllimin 57 yaşı olub. Astara Rayon İcra Hakimiyyətinin başçısı Astara Rayon İcra Hakimiyyətinin başçısı Qəzənfər Ağayevin 56 yaşı var. Qəzənfər Arif oğlu Ağayev 1961-ci il noyabr ayının 2-də Naxçıvan şəhərində ziyalı ailəsində anadan olub. 1990-cı ildə Azərbaycan Texnologiya İnstitutunu bitirib. Tərcümeyi-halına əsasən deyə bilərik ki, 12 il sonra, yəni 2002-ci ildə isə Qəzənfər müəllim Azərbaycan Dövlət İqtisad Universitetini bitirib. Həmin ildə Qəzənfər müəllimin 41 yaşı var imiş. Daşkəsən Rayon İcra Hakimiyyətinin başçısı Daşkəsən Rayon İcra Hakimiyyətinin başçısı Əhəd Abıyevin 59 yaşı var. Abıyev Əhəd Mikayıl oğlu 1958-ci il yanvarın 15-də Masallı rayonunda anadan olub. Tərcümeyi-halına əsasən deyə bilərik ki, Azərbaycan Xalq Təsərrüfatı İnstitutunun iqtisadiyyat və planlaşdırma fakültəsini və "Təfəkkür" Universitetinin "Hüquqşünaslıq" fakültəsini bitirib. Lakin tərcümeyi-halında Əhəd müəllimin "Təfəkkür" Universitetinə neçənci ildə daxil olması və bu ali təhsil ocağını bitirməsi barədə məlumat verilməyib. İmişli Rayon İcra Hakimiyyətinin başçısı İmişli Rayon İcra Hakimiyyətinin başçısı Vilyam Hacıyev də bir qədər gec tələbə olanlardandır. Vilyam Hacıyev 10 avqust 1957-ci ildə Göygöl şəhərində anadan olub. 1991-ci ildə Azərbaycan Texnologiya Universitetini, 1994-cü ildə Sankt Peterburq Milli Aviasiya Akademiyasını bitirib. Tərcümeyi-halına əsasən deyə bilərik ki, sonuncu ali təhsilini alarkən Vilyam müəllimin 37 yaşı olub. Yardımlı Rayon İcra Hakimiyyətinin başçısı Yardımlı Rayon İcra Hakimiyyətinin başçısı Ayaz Əsgərovun 53 yaşı var. Ayaz Nəriman oğlu Əsgərov 1964-cü ildə Tovuz rayonunun Qovlar qəsəbəsində anadan olub. 1989-cu ildə Moskva ət və süd məhsullarının texnologiyası İnstitutunu bitirib. Bundan 17 il sonra, yəni 2006-cı ildə Ayaz Əsgərov Azərbaycan Memarlıq və İnşaat Universitetini bitirib. Sonuncu ali təhsilini alarkən Ayaz müəllim 42 yaşında olub. Yalnız bu məlumatları dəqiqləşdirə bildik Sonda bir məqamı da qeyd edək ki, biz bu yazımızda sonradan ali təhsil alan vəzifəli şəxslərimizin hamısı barəsində məlumat verə bilməmişik. Yəqin ki, bu siyahıdan kənarda qalan məmurlar, dövlət qulluqçuları, millət vəkilləri də var. Lakin onları bir-bir araşdırmaq, üzə çıxarmaq, müqayisə etmək, hesablama aparmaq çox vaxt tələb edir. Biz isə qısa vaxt ərzində yalnız bu məlumatları dəqiqləşdirə bildik.

9 Mart 2017 5:47

ANS-ə vaxt verildi:”Martın 23-dək binanı boşaldın!”

Zoologiya İnstitutu ANS televiziyasına əmlakının binadan çıxarılması üçün vaxt verib. Şirkət bu ay ərzində öz əmlakını binadan çıxarmalıdır. ANS televiziyasının sabiq rəhbərlərindən biri bunu təsdiqləyib. Məlumata görə, bu günlərdə şirkət rəhbərliyinin binaya daxil olmasına icazə verilməyib. Həmçinin "ANS Müstəqil Yayım və Media» Şirkətinə əmlakını binadan çıxarmaq üçün martın 23-dək vaxt verilib. Xatırladaq ki, "ANS Müstəqil Yayım və Media» Şirkətinin yerləşdiyi ofisin icarəsi ilə bağlı müqavilənin müddətiötən il bitsə də, uzadılmamışdı. Zoologiya İnstitutundan bununla bağlı verilən açıqlamada bildirilirdi ki, Əmlak Məsələləri Dövlət Komitəsi müqavilənin vaxtı bitdiyindən ANS-lə yeni müqavilə bağlanmayıb. Qeyd edək ki, Azərbaycanın ilk müstəqil televiziyası olan ANS 1991-ci il noyabrın 26-dan fəaliyyət göstərirdi. Hər şey isə 2016-cı il iyunun 15-də Türkiyədə dövlət çevrilişinə cəhd zamanı ANS-in hadisələri işıqlandırması və televiziyanın müxbirinin Ankaranın dövlət çevrilişini təşkil etməkdə günahlandırdığı Fəthullah Gülənin mətbuat konfransında iştirakından sonra baş verib. Milli Televiziya və Radio Şurası (MTRŞ) 2016-cı il iyulun 18-də «ANS Müstəqil Yayım və Media» Şirkətinin yayımının dayandırılması barədə qərar qəbul edib. MTRŞ öz qərarını Türkiyə ilə Azərbaycan arasında strateji tərəfdaşlıq münasibətlərinin pozulmasına yönəlmiş təxribatın qarşısını almaq, açıq şəkildə terrorizmin təbliğatına yol verməmək məqsədilə Azərbaycan Baş Prokurorluğunun müraciətinə əsasən qəbul etdiyini bildirib. MTRŞ həmçinin, ANS-ÇM radiosunun lisenziyasını ləğv edib. «ANS Müstəqil Yayım və Media» Şirkəti lisenziyasının ləğvi barədə qərarın qüvvədən salınması ilə bağlı məhkəməyə müraciət etsə də, iddia təmin edilməyib.

9 Mart 2017 11:16

Aqrar Universitetdə 8 mart qadınlar günü qeyd edilib

Qadın adı zəriflik və gözəllik rəmzi kimi həmişə uca tutulub. Azərbaycan qadını bütün dövrlərdə öz zəkası və əzmi ilə milli-mənəvi dəyərlərin yaşadılmasında müstəsna xidmətlər göstərib. ADAU-nun mətbuat xidmətindən bildirilib ki, bu fikirləri Azərbaycan Dövlət Aqrar Universitetinin rektoru İbrahim Cəfərov 8 mart Beynəlxalq qadınlar günü münasibəti ilə keçirilən yığıncaqda səsləndirib. Universitetein qadın üzvlərinin iştirak etdiyi yığıncaqda çıxışı zamanı ali təhsil ocağının rektoru İbrahim Cəfərov onu da bildirib ki, tariximizin və mədəniyyətimizin neçə-neçə şanlı, parlaq səhifəsi məhz qadınların adı ilə bağlıdır. Azərbaycan qadını dünyaya bəşəriyyətin mədəni fikir xəzinəsinin incilərini yaradan ədəbi şəxsiyyətlər, görkəmli elm və sənət adamları, tanınmış siyasi xadimlər bəxş edib. Elə bizim ADAU ailəsində də bu cür qadınlar az deyil. Sonra Azərbaycan qadınının həyatını əks etdirən video çarxa baxılıb. Universitetin rektorunun əmri ilə daha fəal qadınlara fəxri fərman, və gül hədiyyə edilib. Bütün xadimlərin əmək haqqını isə bir aylıq 40 manat artırılıb. Ümumilikdə universitetdə çalışan qadınların hər birinə gül bağışlanıb. Kimsə toplantıdan hədiyyəsiz çıxmayıb. Sonda ADAU-nun özfəaliyyət dərnəyinin üzvləri geniş konsert proqramı ilə bir daha xanımların bayramını təbrik edib.  

6 Mart 2017 3:52

Fakt

Bizi izləyin