Venesuelada etirazlar başladı

publika-az14733752163314da17-5d81-49b9-a199-0471273f6553_w987_r1_s

Venesuelada prezident Nikola Maduronun istefası tələbi ilə ölkə boyu yürüşlər başlayıb. Faktinfo.az xarici KİV-lərə istinadən xəbər verir ki, neftlə zəngin Venesuelanın inkişaf edən iqtisadiyyatı 2014-cü ilin ortalarında xam neftin qiyməti düşəndən sonra tənəzzülə uğrayıb.Ölkədə yemək və dərman qıtlığı səbəbilə narazılıq artır. Bu isə Maduro və 1999-cu ildə onun mərhum sələfi Huqo Çavezin başlatdığı sosialist inqilabını təhlükə altına salır.Paytaxt Karakasda aparıcı müxalif siyasətçilər 10 dəqiqəlik oturaq aksiya keçirərək, seçki rəsmilərinin mürəkkəb vəzifədən azad edilmə prosesinin növbəti mərhələsinə start vermələrini tələb edib.Maduronun tərəfdarlarının yaxınlıqda yürüş keçirməsi iki qrup arasında qarşıdurma ehtimalı ilə bağlı narahatlıq yaradıb.Əleyhdarlar Maduronun 2019-ci ildə başa çatması planlaşdırılan prezidentliyinə daha erkən son qoymaq üzərində sadə səsvermənin keçirilməsini təmin etmək üçün 4 milyon imza toplamalıdırlar.Rəy sorğuları göstərir ki, dekabrda keçirilən və müxaliftin qələbəsi ilə başa çatan parlament seçkilərindən bəri Maduronun vəzifəsindən azad edilməsini dəstəkləyənlərin sayı artıb.Ancaq Maduronun vəzifəsindən uzaqlaşdırılma prosesi 2017-ci ilədək uzansa, prezindetlik müddətini Maduronun vitse-prezidenti bitirəcək ki, bu da müxalifətin hakimiyyəti ələ keçirmək imkanının qarşısını alacaq.

9 Sentyabr 2016 9:24

“Özümüzü süd məhsulları ilə tam təmin edə bilmirik”

publika-az1473366103021e1830-4771-46ff-8c6b-2163a8ad585f_292

"Əfsuslar olsun ki, hələlik, biz özümüzü süd məhsulları ilə tam təmin etmirik. Ancaq etməliyik. Düzdür, indi Azərbaycan şirkətləri xaricə də süd məhsullarını ixrac etməyə başlayıblar. Ancaq biz istəyirik ki, ilk növbədə özümüzü 100 faiz təmin edək, ondan sonra ixrac potensialı daha da artacaq". Bunu Azərbaycan prezidenti İlham Əliyev sentyabrın 8-də Xaçmaz rayonuna səfəri çərçivəsində “Yalama” Südlük-Maldarlıq üzrə Damazlıq Dövlət Kənd Təsərrüfatı İstehsalı Müəssisəsinin bazasında yaradılmış Yalama Aqroparkının açılışında iştirakı zamanı bildirib.Prezident bildirib ki, hazırkı nailiyyətlərlə kifayətlənmək olmaz: "Biz bu aqroparkın fəaliyyətini genişləndirməliyik. Mənə verilən məlumata görə, bu kompleksə 20 milyon manat investisiya qoyulub. Həm özəl sektor tərəfindən, eyni zamanda, dövlət də kömək göstərib. Bu da Azərbaycanda son illərdə aparılan siyasətin nəticəsidir. Dövlət və özəl sektor tərəfdaşlıq formatında əməkdaşlıq edir. Gələcəkdə bu aqroparkın həm ərazisi, həm də fəaliyyəti genişləndirilməlidir. Ərazisi 3 dəfə bundan böyük olmalıdır. Biz təqribən 1000 hektar əlavə torpağı dövriyyəyə cəlb etməliyik. Burada süd emalı zavodu tikilməli, xüsusilə kərə yağı və pendir istehsalı təşkil edilməlidir. Çünki baxmayaraq çox işlər görülür, əfsuslar olsun ki, hələlik, biz özümüzü süd məhsulları ilə tam təmin etmirik. Ancaq etməliyik. Düzdür, indi Azərbaycan şirkətləri xaricə də süd məhsullarını ixrac etməyə başlayıblar. Ancaq biz istəyirik ki, ilk növbədə özümüzü 100 faiz təmin edək, ondan sonra ixrac potensialı daha da artacaq. Ona görə də burada çox böyük süd emalı zavodu tikilməlidir və prinsipcə biz özümüzü əsas ərzaq məhsulları ilə təmin etməliyik. Biz buna yaxınlaşırıq. Belə aqrokomplekslərin yaradılması bu məqsədə çatmaq üçün yeni imkanlar yaradır".

9 Sentyabr 2016 9:03

Astroloji proqnoz – 09 sentyabr

1

Qoç - üstün cəhətlərinizi, bilik və bacarıqlarınızı nümayiş etdirin. Birmənalı qarşılanmamaq təhlükəsindən çəkinməyin. Yaxın ətrafınızdakı insanlar sizə şübhə ilə yanaşmayacaqlar. Alış-veriş üçün əlverişli gündür. Buğa - təhsil, tədris, bilgi və informasiyanın əldə olunmasında nailiyyətlər əldə oluna bilər. Ən müxtəlif insanlarla dil tapmağa çalışın. Münaqişələri yatırın, müttəfiq qazanın. Yeni işə, sifarişin yerinə yetirilməsinə, fərqli istiqamətdə çalışmağa başlamaq olar. Əkizlər - kiçik uğurlara rəğmən, gün xoşagələn məcrada deyil. Düşmən və bədxahlarınızı olduqlarından zəif qiymətləndirməyin. Sadəlövh olmayın, yalan təriflərə və yaltaqlara inanmayın. Maliyyə itkiləri ola bilər. İşdə ciddi problemin yaranması istisna deyil. Xərçəng - İşə başdansovdu yanaşmayın, qeyri-ciddi insanlarla ümumi iş görməyə çalışmayın. Belə insanlarla ünsiyyət zahirən asan və xoş ola bilər. Lakin ciddi nəticələrə əsla bel bağlamayın. Şir - gün uğursuz başlanır, ciddi problemlər yaşanır. Ruhdan düşməyin, irəliyə doğru hərəkətdə fasilə yaratmayın. Özünüzə inamınızı itirməyin. Çətinliklər qarşısında təslim olmayın. İlk dəfədən nə isə alınmasa, yenidən o işi görün, təkrarlayın. Qız - bədxahlarınız düşündüyünüzdən də qüvvətli çıxarsa, onlara doğru irəliləyin. Ənənəvi, adət etdiyiniz metodlarla məqsədə çatacağınızı düşünməyin. Romantik münasibtlərə başlamaq üçün uğurlu gün deyil. İşdə emosiyaları cilovlayın, təmkinli və səbrli davranın. Təsadüfi tanışlıqların heç bir perspektivi yoxdur. Sizi yanlış anlaya bilərlər. Tərəzi - böyük qələbələr əldə etməyin çətinliyini dərk edirsiniz. İntuisiyanız sizi aldatmır. Lakin hər şeyin asan və rahatlıqla alınacağını düşünməyin. Bir qədər çalışmaq, səy göstərmək, qətiyyət nümayiş etdirmək gərəkdir. Əqrəb - bilik və bacarıqlarınızdan tam istifadə edin, məqsədə çatmaq üçün imkanınız çatan bütün vasitələrdən yararlanın. Eyni vaxtda bir neçə istiqamətdə çalışmayın. Bir yönü, bir hədəfi seçin və irəliləyin. Prioritetləri müəyyənləşdirin, seçimə uyğun hərəkət edin. Oxatan - uğur üçün mübarizə aparmaq gərəkdir. Rəqib və ya bədxahınız güclüdür. Geri çəkilməyin, ruhdan düşməyin. Qələbə şansları az deyil. Yaxın ətrafınızdakı insanlardan yardım və ya yaxşı məsləhət gözləməyin. Oğlaq - bu günün sınağından təkbaşına, müstəqil şəkildə keçməlisiniz. İşdə münaqişə istisna deyil. Fikrinizi elə sərt deyirsiniz ki, hətta ən mülayim və sakit təbiətli insanların səbr kasası daşır. Yaxınlarınızla mümkün qədər həssas, zərif və səmimi davranın. Şəxsi münasibətlər müstəvisində gərginlik yaratmayın. Dolça - çətin gündür. Problemlərdan qaçmağa çalışsanız da, onlar sizi haqlayacaq və həll tələb edəcəklər. Yaxın ətrafınızdakı insanlardan yardım gözləməyə dəyməz və bunu əla anlayırısınız. Hər kəs yalnız öz maraqlarını təmin etməyə çalışır. Balıqlar - rəhbərliklə xoşagəlməz söhbət olacaq. İşgüzar tərəfdaşların sizə qarşı ciddi iradları ola bilər. Unutmayın ki, qətiyyətli və ciddi işlər görməzdən əvvəl yaranmış situasiyanı dəqiq dəyərləndirmək gərəkdir. Qəfil anlayışlara bel bağlamayın. Necə hərəkət etmək gərəkdiyini yalnız məntiq və sağlam düşüncə deyəcək.

9 Sentyabr 2016 9:01

Bakıda avtomobil satışı tam dayandı

158793_res_01

Bakıda "ikinci əl" avtomobil bazarında satışlar tamamilə dayanıb. Faktinfo-nun  məlumatına görə, əsas səbəb dolların yenidən bahalaşması və məzənnə ilə bağlı qeyri-sabit vəziyyət yaranmasıdır.Ekspertlərin sözlərinə görə, belə vəziyyətdə hamı gözləmə mövqeyində qalır və nə isə almağa tələsmir. Əllərində olan pulu dollara çevirib saxlayırlar. Nəticədə bu, avtomobil bazarına da təsir edir.Ekspertlərin fikirlərini avtomobil bazarındakı satıcılar da təsdiqləyirlər. Badamdar avtomobil bazarından satıcıların sözlərinə görə, avqust ayının sonundan etibarən bazarda tamamilə səssizlikdir. Avtomobil alan ümumiyyyətlə yoxdur.Satıcı Aley Şamilov bildirib ki, avqustun sonunda barterlə olsa da, bazarda 4-5 avtomobil satmaq mümkün olmuşdu. Məsələn, 1995-ci il model “Mercedes” avtomobilini üstündə 7 min manat ödəməklə 2004-cü ilin “Mercedes E Class”la barter etmişdilər.Yaxud 2007-ci ilin “Pojero”sunu əlavə 3 min manat ödəməklə 2010-cu il model “Pojero” ilə dəyişmişdilər. Hazırda isə hamı dolların məzənnəsinin sabitləşməsini gözləyir. Ona görə, hələlik avtomobil satışı tam dayanıb.Avtomobil almaq üçün ən əlverişli vaxtdır.Amma buna baxmayaraq, indi avtomobil almaq üçün ən sərfəli vaxtdır. Belə ki, satışların olmadığı şəraitdə satıcılar qiymətdə daha çox endirimə razı olurlar. Satıcının sözlərinə görə, belə vəziyyətdə avtomobili qiymətindən aslı olaraq daha ucuz almaq olar.Avtomobilləri 5 min dollara kimi endirimlə almaq olar.Qiyməti 10 min manata kimi olan avtomobilləri 1200-1500 manata kimi endirim edilir. Məsələn, hazırda 7500 manata satılan 2010-2011-ci il model “Priora” avtomobilini 5800-6000 manata almaq olar.A.Şamilovun sözlərinə görə, hazırda qiyməti 15-20 min manata olan avtomobilləri isə danışığa əsasən qiymətini daha çox endirmək olar. Məsələn, 2009-cu ilin “Toyota RAV4” avtomobilinin qiyməti 20 min manatdırsa, eyni avtomobili 18 min manata almaq olar.Dollarla satılan avtomobillərin qiymətlərində isə daha çox fərq yaranıb. Məsələn, 35 min dollara satılan 2014-cü il model “Toyota Prado”nu 30-31 min dollara almaq olar.Dollar "ikinci əl" avtomobilləri bahalaşdıracaqA.Şamilov bildirib ki, amma 2-ci avtomobil bazarında qiymətlər bu şəkildə davam etməyəcək: “Dolların bahalaşması ölkədə qiymətləri artıracaqsa, buna uyğun olaraq təzə avtomobillərlə yanaşı, 2-ci əl avtomobillər də bahalaşacaq”.

8 Sentyabr 2016 2:37

“Qafqaz”ın yeni rektoru: “Mən rüşvətə qarşı barışmaz adamam”

publika-az1473324192havar-300x300

Qafqaz Universiteti ətrafında hələ də sular durulmur. Universitetə yeni rektorun-Havar Məmmədovun da təyin olunması bu ali təhsil ocağı ətrafında söz-söhbətlərin səngiməsinə gətirib çıxarmır. Çünki ortada hələ də cavabsız suallar qalmaqdadır. Xüsusilə də, “Qafqaz”-ın özəl ali təhsil müəssisəsi olmasını nəzərə alsaq, o zaman ümumiyyətlə, bu ali məktəbə rektor təyinatının hansı formada və necə həyata keçirilməsi sual olaraq qalır. Bu məsələyə aydınlıq gətirmək üçün isə Gununsesi.info-nun əməkdaşı Havar Məmmədovun özü ilə əlaqə saxlayıb. Saytımıza açıqlamasında H. Məmmədov bildirib ki, onun rektor təyinatı hakimiyyət tərəfindən deyil, Azərbaycan Beynəlxalq Tədris Mərkəzi tərəfindən həyata keçirilib: “Bəli, Qafqaz Universiteti özəl ali təhsil müəssisəsidir, mən də bura universitetin təsisçiləri tərəfindən təyinat almışam”. H.Məmmədovun Texniki Universitetdəki rüşvətxorluq hallarını Qafqaz Universitetində də təkrarlayacağı barədə sosial şəbəkələrdə yazılanlara gəlincə, o, bunları deyib: “Mən özüm rüşvətə qarşı barışmaz adamam, heç vaxt Qafqaz Universitetində belə bir hal ola bilməz. Qafqaz Universiteti əvvəlkindən də daha yaxşı, daha uğurlu fəaliyyət göstərəcək, çox ciddi islahatlar aparılacaq, yeniliklərimiz olacaq. Siz özünüz də bunun şahidi olacaqsınız. Heç kəs burada hansısa rüşvətxorluq hallarının olması barədə düşünə bilməz”.

8 Sentyabr 2016 2:19

Astroloji proqnoz – 08 sentyabr

publika-az1473278829as_trologiya-otnosheniy

Qoç - müzakirələr, sövdələşmə və anlaşmalar da pis nəticələr verməyəcək. Romantik görüş, hisslərin etirafı üçün əlverişli vaxtdır. Emosiyaların və yaşantılarınızla bağlı ciddi düşünə bilərsiniz. Maliyyə fonu yaxşıdır. Gəlir, görülən işə görə ödəniş istisna deyil. Alış-verişdə simiclik etməyin. Alacağınız əşyalar xeyirlidir. Buğa - uğurlu, işlər üçün düşərli gündür. Sizi məcradan çıxara biləcək, pərişan edəcək hadisələr yoxdur. Planlara çox kiçik düzəlişlər tələb olunur. Narahat olmayın və yaranmış situasiyadan maksimal xeyir götürməyin yollarını düşünün. İşgüzar danışıqlar uğurlu olacaq. Əkizlər - hadisələrin məcrası dəyişəcək, pozitiv təmayüllərin təsir gücü artacaq. Yaşamınızda nəyisə dəyişməyin vaxtı çatıb. Aktiv işə başlayın. Fantaziyalar və xülyalarınızla vidalaşın, real planlar qurun. Yaşam arealınızı qaydaya salın. Xərçəng - günün emosinal fonu o qədər də uğurlu deyil və bu səbəbdən də ehtiyatlı olun. Sayıq, sərfat davranın, təmkinli və soyuqqanlı rəftar edin. Yaxın ətrafınızdakı insanlarla münasibətlərinizdə müəyyən sərinlik yarana bilər. Özünüzdən də narazısınız. Lakin elə hərəkət edin ki, münaqişə və ya anlaşılmazlıq üçün səbəb yaranmasın. Şir - danışıqlar və sövdələşmələr, müzakirə və təhlillər uğurlu alınacaq. Yeni tanışlarda xoş təəssürat yaradırsınız. Maraqlı təkliflər alacaqsınız. Maliyyə situasiyası stabil deyil. Planlaşdırılmamış məsrəflər ola bilər. Məişət və ofis texnikasının nasazlığı, sıradan çıxması mümkündür. Qız - işlə bağlı məsələlərin, o cümlədən çətin problemlərin həlli üçün uğurlu gündür. İşgüzar intuisiyanız çox kəsərli və iti olacaq. Dürüst qərarları tez qəbul edin. Bədxah və rəqiblərinizə məkrli planları həyata keçirməkdə "yardımçı" olmayın: sərvaxt davranın, sadəlövh addımlar atmayın. Tərəzi - bütün işlərin öhdəsindən təkbaşına gəlməyə çalışmayın. Yaxın ətrafınızdakı insanlardan birinin sizə təklif etdiyi yardımdan bəhrələnin. Maliyyə məsələlərində sayıq və dəqiq olun. Planlaşdırılmamış xərclər etməyin. Əqrəb - qəfil hadisələr, gözlənilməz olaylara hazır olsanız, məhsuldar çalışa biləcəksiniz. Planlarınızı korrektə edin. Həmkarlar, rəhbərlik və tərəf-müqabillə münasibətlər yaxşılığa doğru dəyişir. Peşəkar mövqeləriniz daha da səbatlı olur. Uzunmüddətli müqavilələr imzalamaq, yeni sifariş götürmək və ya fərqli işə başlamaq olar. Oxatan - zahiri görünüşünüzə xüsusi fikir verin. Rəğbət bəslədiyiniz insanın diqqətini cəlb edin. Alış-verişdə bədxərclik etməyin, gərək olduğundan artıq pul xərcləməyin. Bu gün bir qədər qənaətli davranın. Oğlaq - bütün işlər dərhal alınmasa da, geri çəkilməyin, ruhdan düşməyin. Bacarıqlarınızı nümayiş etdirin, qətiyyətli olun və belədə danışıqlarda uğur əldə edə bilərsiniz. Şəxsi məsələləri iş obyekti ilə qarışdırmayın. Dolça - kiçik səhv edən iş yoldaşı və ya yaxınınıza hirslənməyin. Səbrli, soyuqqanlı olun. İstənilən iş bu gün ehtiyatlı və sərvaxt davranışı tələb edir. Çalışdığınız texnikada nasazlıqlar yarana bilər. Maliyyə itkiləri riski var. Alış-veriş üçün əlverişli gün deyil. Balıqlar - planlarda ciddi dəyişiklik etmək gərəkdir. Sinirlənməyin, qıcınqlanmayın. Zəruri işləri yerinə yetirin. Günün ikinci yarısına qədər işlərin böyük qisminin öhdəsindən gəlməyə çalışın.

8 Sentyabr 2016 9:02

Beş nəfəri vuran sürücü hadisə yerindən qaçıb- Baş Dövlət Yol Polisi

polis

Baş Dövlət Yol Polisi İdarəsi Bakıda iki yük və bir minik avtomobilinin toqquşması ilə nəticələnən zəncirvarı qəza zamanı beş nəfərin avtomobillə vurulması xəbərinə dair məlumat yayıb. İdarədən bildiriblər ki, Bakı dairəvi yolunun Yasamal rayonu ərazisindən keçən hissəsində şəhər istiqamətində hərəkətdə olan, Cəmil Cabbarovun idarə etdiyi qumla dolu “Mercedes” markalı yük maşını yol kənarında dayanan, mişar daşı ilə yüklü “KamAZ” markalı avtomaşına arxadan çırpılıb. Qəza zamanı yük avtomobilinin kabinə hissəsi deformasiyaya uğrayıb və sürücü sükan arxasında sıxılmış vəziyyətdə qalıb. Əraziyə Fövqəladə Hallar Nazirliyinin (FHN) xilasediciləri cəlb edilib. Xilasedicilər xüsusi alətlərin köməyi ilə sürücünü avtomobildən çıxara biliblər. Xilasetmə əməliyyatının sonunda dairəvi yolla yüksək sürətlə hərəkətdə olan və İslam Manafovun idarə etdiyi “Opel” markalı avtomobilin sürücüsü idarəetməni itirərək qəza yerində olan beş nəfəri vurub. Hadisə nəticəsində xəsarət alan şəxslər xəstəxanaya çatdırılıblar. Yaralılardan 28 yaşlı Vüsal Şabanov FHN-in əməkdaşıdır. Bundan əlavə, qəza nəticəsində iki polis əməkdaşı da xəsarət alıb. Bunlar Fikrət Rüstəmov və Xətai Məmmədovdur. Hadisə yerində olan Bakı şəhər sakinləri 58 yaşlı Ramiz Şüvərxanov və 46 yaşlı Ziyəddin Yəhyayev isə qəzaya baxmaq üçün yolun hərəkət hissəsində dayandıqları üçün onları da maşın vurub. Hazırda yaralıların vəziyyəti sabitdir. Faktla əlaqədar araşdırmalara başlanılıb. “Opel”in sürücüsü İslam Manafov hadisədən sonra maşından düşərək özünü pis hiss etdiyini bildirib və kənara çəkilib. Az sonra isə onun hadisə yerindən qaçdığı məlum olub. Hazırda onun şübhəli şəxs qismində saxlanılması istiqamətində tədbirlər görülür.

7 Sentyabr 2016 6:20

“KFC” emblemindəki adam Lev Trotskidir? –Sosial şəbəkələri dolaşan iddia (FOTOLAR)

kv

  Xeyli müddətdir ki, Bakıda da “KFC” “fast-fudu” fəaliyyət göstərir. Amma qızarmış toyuq həvəskarları, yəqin ki, bu vaxtacan “KFC”nin mənası haqqında heç düşünməyib. Amma bir sıra ölkələrdə o, sosial şəbəkələrin ciddi müzakirə mövzusuna çevrilib. Belə bir iddia var ki, “KFC”nin banisi Rusiya kommunistlərinin ən tanınmış liderlərindən biri olan Lev Trotskidir. Strateq.az xəbər verir ki, bu ağlasığmaz iddiaya bir-birindən maraqlı sübutlar da gətirilir. Məsələn, ilk növbədə, “KFC”nin rəsmi banisi Harland Sanderslə Lev Trotskinin zahiri oxşarlığı. Amma təkcə bu deyil. İddianı möhkəmləndirən maraqlı bir fakt var. Belə ki, hələ 1913-cü ildə ABŞ Sosialist Partiyasının üzvləri L.Trotskiyə Harland Sandersin adına verilmiş Amerika pasportu hədiyyə ediblər. 1935-ci ildə Leninin keçmiş silahdaşı məhz bu pasportdan istifadə edərək Norveçdən ABŞ-a qaça bilib. Həmin dönəmdə sovet hökuməti başqa L.Trotskinin deportasiya edilməsi tələbi ilə digər ölkələrə siyasi-diplomatik təzyiqlər göstərirdi. Stalinlə münasibətləri pozmaq istəməyən Ağ Ev də L.Troitskiyə ABŞ-da yaşamaq iznini bircə şərtlə vermişdi:siyasi fəaliyyətlə məşğul olmamaq. “Xalqlar atası”nın təqibindən cana doymuş kommunist liderinin sonradan Meksikaya köçdüyü məlumdur. Bu ölkədə olarkən onun 1940-cı ildə Ramon Merkaderin əliylə qətlə yetirildiyi də bütün tarix dərsliklərində qeyd olunub. Lakin “KFC”nin banisi Lev Trotskidir” iddiasının dəstəkçiləri bu faktı inkar edir. Onların müəyyən “dəlil-sübutları” var. İddia edir ki, ABŞ-da yaşadığı dövrdə L.Trotski biznes fəaliyyəti ilə məşğul olub. Daha konkret desək, “fast-fud” restoranı açıb. “KFC” – K for Communist”. Bolşevik liderinin toyuqdan əla yeməklər bişirməsinə isə bəzi silahdaşlarının xatirələri də təsdiqləyir. Rəsmi olaraq “KFC”nin banisi sayılan sabiq hərbçi, polkovnik Harland Sanders 1952-ci ildə ilk “fast-fud”unu açanda L.Trotskinin ölümündən artıq 12 il keçirdi. Lakin inanılmaz iddia tərəfdarları deyir ki, əslində, Sanders soyası altında yaşamış şəxs məhz Trotskidir. H.Sanders öz ştatında geniş tanınan sima olub. Onun hətta mason olması və 33-cü pilləyə yüksəldiyi məlumdur. 1964-cü ildə “KFC”ni 2 milyon dollara kanadalı Con Brauna satan bu şəxs sonralar guşənişin həyat keçirib. 1980-ci ildə 90 yaşında ölmüş H.Sandersin öz məşhur ağ kostyumu və qara qalstuku ilə dəfn edilib. Onun L.Trotski olması həddindən artıq mübahisəli olsa da, zahiri oxşarlığı sözsüzdür.

7 Sentyabr 2016 6:16

AMEA-da yeni şöbə yaradıldı, təyinat oldu –İclas

mea

  Azərbaycan Milli Elmlər Akademiyasının Rəyasət Heyəti aparatının Elm və Təhsil İdarəsinin strukturunda Magistratura şöbəsi yaradılır. Strateq.az xəbər verir ki, bu barədə qərar AMEA Rəyasət Heyətinin bugünkü iclasında qəbul edilib. Mövzu ətrafında çıxış edən AMEA-nın Elm və təhsil idarəsinin rəisi, texnika üzrə elmlər doktoru Əminağa Sadıqov bildirib ki, son illər ölkəmizdə elmlə təhsilin inteqrasiyasını təmin etmək, elmi kadr potensialının inkişafını sürətləndirmək və gənclərin elmə marağını artırmaq məqsədilə Akademiyada geniş islahatlar aparılır: "2015-ci ildən başlayaraq AMEA-da fəlsəfə doktoru hazırlığı üzrə doktoran­turaya qəbul və minimum imtahanları test üsulu ilə keçirilir, doktorantların xarici dil fənni üzrə bilik səviyyələrinə qoyulan tələblər yüksəldilib". İdarə rəisi qeyd edib ki, elmi qurumun tarixində ilk dəfə olaraq AMEA-da ali təhsilin magistratura pilləsi təşkil olunub və 2015/2016-cı tədris ili üçün magistraturaya 19 nəfər, 2016/2017-ci tədris ili üçün isə 56 nəfər qəbul olunub. Əminağa Sadıqov Akademiyaya qəbul zamanı bakalavrlar arasında güclü rəqabətin olduğunu vurğulayıb. İclasda AMEA-nın magistraturasına qəbulun nəticələri təsdiq edilib, Rəyasət Heyəti aparatının müvafiq idarələrinin və elmi müəssisələrin rəhbərlərinə tədris prosesinin təşkili ilə bağlı tapşırıqlar verilib. Bundan əlavə, AMEA-da təhsillə bağlı təşkilati işlərin həcminin xeyli artdığını və bununla bağlı Elm və Təhsil İdarəsinin strukturunun və kadr potensialının gücləndirilməsində yaranan zərurəti nəzərə alaraq Rəyasət Heyəti qərar qəbul edib. Qərara əsasən, AMEA Rəyasət Heyəti aparatının Elm və Təhsil İdarəsinin strukturunda Magistratura şöbəsi yaradılıb, şöbənin ştat vahidləri təsdiq edilib. Həmçinin idarənin Elmi-analitik şöbəsinin rəis müavini, texnika üzrə fəlsəfə doktoru Hüseyn Hüseynov Magistratura şöbəsinin rəisi vəzifəsinə təyin olunub.

7 Sentyabr 2016 4:26

Astroloji proqnoz – 07 sentyabr

publika.az1473192188As_trologiya-otnosheniy

Qoç - mövqeyinizi qoruyun. Geri çəkilmək, məğlubiyyətçilik etmək yaxşı heç nə vəd etmir. Şəxsi münasibətlərdə təşəbbüskar olun. Rəğbət bəslədiyiniz insanla münasibətləri fəallaşdırmaq üçün ilk addımı atın. Axşam saatlarını dəyər verdiyiniz insanlarla keçirin. Buğa - vurnuxmaya qatılmayın. Əvvəlcədən hazırlanmış plan çərçivəsində hərəkət edin. Yaxınlarınız işlərinin bir qismini sizə yük etmək istəyəcəklər. Sizə birbaşa dəxli olmayan diskussiyalara qatılmayın. Maraqlı saymadığınız məsələlərin həllinə başlamayın. Əkizlər - tamahınızın öhdəsindən gəlin. Yaşlı nəslin nümayəndələrindən biri ilə təmaslarda çətinliklər yaranacaq. Ciddi münaqişəyə yol verməyin, kiçik mübahisələri unudun. Alış-verişdə çox pul xərcləməyin. Yanlış seçim riski böyükdür. Xərçəng - işdə uğurlar istisna deyil. Peşəkar məziyyətləriniz və bacarıqlarınız diqqətsiz qalmayacaq. Karyera müstəvisində irəliləyə bilərsiniz. Nüfuzlu insanların dəstəyindən yararlanın. Şir - kiçik problemlər yarana bilər. Köhnə müttəfiqlərin proseslərə müdaxiləsi nəticəsində sədləri tezliklə dəf edəcəksiniz. Axşam saatlarında maraqlı tanışlıq, yaşamınızda önəmli rol oynayacaq görüş olacaq. Yaxın ətrafınızdakı insanlarda özünüzlə bağlı xoş təəssürat yaradın. Kimin nəyə layiq və qadir olduğunu, kimin inanılası adam sayıla biləcəyini anlayın. Yaramaz insandan uzaq durun. Qız - mürəkkəb, amma məhsuldar gündür. Asan qələbələrə bel bağlamayın. Qarşıya qoyduğunuz məqsədlərə yalnız böyük səylər və zəhmət bahasına çata biləcəksiniz. İş və karyera ilə bağlı məsələlərdə diqqətli olun. Qərarlarınız, əməlləriniz sayəsində ətrafınızdakı insanların hörmətini qazanmağa çalışın. Tərəzi - uğurlarınız bədxahlarla paxılları sinirləndirəcək. Onlar sizə zərər vurmaq üçün əllərindən gələni edəcəklər. Ailədə münaqişə, yaxınlarla fikir ayrılıqları istisna deyil. Yaxınlarınızın ümid etdikləri kompromisləri unutmayın. Amma maraqlarınızı da qurban verməyin. Əqrəb - müsbət təmayüllərin təsiri artacaq. Uğurlu gündür. Yeni kəşflər, dəyərli məlumatın alınması, önəmli görüş ola bilər. Aktiv olun. Süstlük və ətalət işlərinizə ağır zərbə vuracaq. İctimai həyatdan kənarda qalmayın. Oxatan - işgüzar danışıqlar pis alınmayacaq. Çoxdankı opponentləri fikirlərindən döndərə bilərsiniz. Qəfil təklifi qəbul etsəniz, axşam saatlarını yaxşı keçirmək imkanı yaranacaq. Maraq və fikirlərinizi bölüşən insanlarla qarşılaşa bilərsiniz. Yeni münasibət də formalaşacaq. Oğlaq - sakit və təmkinli qalmaq asan olmasa da, hisslərinizə nəzarət edin. Belədə çətin situasiyalarda özünüzü itirməyərək dürüst qərarlar verə bilərsiniz. Problemlərin həllində yaradıcı yanaşma nümayiş etdirin. Çətinliklərdən qeyri-standart çıxış yolları var. Yenilikləri əxz edin. Dolça - faydalı məlumatı tez əldə edəcəksiniz. Axşam saatlarında sevdiyiniz insanla münsibətləri qısqanclıq və şübhələrlə korlamayın. Yaşananları müzakirə edərək şübhələr, həyəcandan qurtulun. Yardım üçün dostlara müraciət edin. Onlar sizə kömək edəcəklər. Balıqlar - əlverişli, yaxşı gündür. Yeni problemlər yaranmayacaq. Günlərdən bəri çözümünü gözləyən məsələni qulaqardına vurmayın. Strateji düşünün, situasiyanın inkişaf istiqamətlərini təxminləməyi bacarın. Köhnə düşməni zərərsizləşdirin, bədxahları yolunuzdan kənarlaşdırın.

7 Sentyabr 2016 9:19

Fakt

Bizi izləyin