Həbsdə olan MTN generalları məhkəmə qarşısına çıxarılır –Cinayət işi icraata verildi

Ləğv olunmuş Milli Təhlükəsizlik Nazirliyinin sabiq baş idarə və idarə rəisləri Sübahir Qurbanov, Teymur Quliyev, Natavan Mirvətova, eləcə də həmin qurumun digər vəzifəli şəxsləri Fizuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev, Elşad Əzizovun cinayət işi icraata verilib. Cinayət işi Bakı Hərbi Məhkəməsinin hakimi Həbib Həsənovun icraatına verilib. Məhkəmənin hazırlıq iclasının vaxtı yaxın günlərdə məlum olacaq. (APA) Baş Prokurorluğun mətbuat xidmətinin yaydığı məlumata görə, 2004-2015-ci illər ərzində mütəşəkkil dəstə tərkibində xidməti vəzifələrinin icrası ilə əlaqədar hakimiyyətdən və öz qulluq mövqelərindən sui-istifadə edərək, hakimiyyət həddini və qulluq səlahiyyətlərini aşmaqla qanunvericiliklə müəyyən edilmiş əsaslar olmadan gizli qaydada informasiya alınması üçün nəzərdə tutulmuş texniki vasitələrdən istifadə edib sahibkarlıq fəaliyyəti ilə məşğul olan ayrı-ayrı şəxslərin telefon danışıqlarına gizli qulaqasma, texniki vasitələrdən, rabitə kanallarından informasiyanın çıxarılması və başqa xidməti sahələr üzrə qanunsuz əməliyyat-axtarış tədbirlərini həyata keçirməklə əldə edilmiş şəxsi, ailə, kommersiya və peşə sirri təşkil edən məlumatlardan istifadə edib, çoxsaylı sahibkarların külli miqdarda əmlaklarını əldə etmək məqsədilə xidməti odlu silah tətbiqi, binalara qanunsuz girməklə müşayiət olunan hücuma məruz qalmış şəxslərin həyat və sağlamlıqları üçün təhlükəli zorakılıqla və belə zorakılıq tətbiq ediləcəyi hədəsi ilə bağlı basqınlar təşkil edib, nazirliyin inzibati binasına gətirilib ailə üzvləri, yaxın qohumları ilə əlaqə saxlamalarına imkan verməyərək hərəkət sərbəstliklərinin məhdudlaşdırıb, xidməti otaqlarda saxladıb qanunsuz azadlıqdan məhrum etmələrinə şübhələr müəyyən edilib.Bundan başqa, həmin şəxslərin psixi və fiziki zorakılıqlara məruz qalmaqla xəsarətlər almaları, sərbəst buraxılmaları müqabilində tələb olunan vəsaitin əldə olunması üçün ayrı-ayrı şəxslərə və kommersiya banklarına qarşı külli miqdarda borc və kredit öhdəliklərinin yaranması kimi ağır nəticələrə səbəb olan, özlərinin və yaxın qohumlarının şəxsiyyəti üzərində zor göstərmə, tutma, həbsə alma və barələrində rüsvayedici məlumatlar yayma hədəsi ilə fiziki və psixi təsirlər göstərilməklə 162 zərər çəkmiş şəxsin ümumilikdə 18 milyon 437 min manat, o cümlədən 6 milyon 449 min manat məbləğində külli miqdarda pul vəsaitlərini, 5 milyon 693 min manat dəyərində zərgərlik məmulatları və daşınmaz əmlaklarını quldurluq və hədə-qorxu ilə tələb etməklə ələ keçirmələrinə, 5 milyon 295 min manat məbləğində nağd pul vəsaitlərini rüşvət kimi almalarına, həmçinin dövlət büdcəsindən xidməti vəzifələrinin icrası üçün ayrılmış 1 milyon manat məbləğində pul vəsaitlərini vəzifə saxtakarlığı ilə mənimsəmələrinə dair şübhələr müəyyən edilib.Zərər çəkmiş şəxslərə vurulmuş ziyanın ödənilməsinin təmin olunması üçün məhkəmə qərarları əsasında təqsirləndirilən şəxslər Sübahir Qurbanov, Fizuli Əliyev, Zaur Məmmədov, Natiq Alıyev, Teymur Quliyev, Natavan Mirvətova və qeyrilərinə məxsus ümumilikdə 21 milyon 528 min manat dəyərində əmlak və pul vəsaitlərinin, o cümlədən 20 milyon 971 min manat dəyərində daşınmaz əmlak, 272 min manat dəyərində nəqliyyat vasitələri, 42 min manat dəyərində zərgərlik və digər qiymətli məmulatlar, 88 min manat, 88 min ABŞ dolları və 5 min Avro nağd pul vəsaitləri üzərinə həbslər qoyulub.Təqsirləndirilən şəxslərə Azərbaycan Respublikası Cinayət Məcəlləsinin 145.3 (Qanunsuz azadlıqdan məhrum etmə ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda), 178.3.1, 178.3.2 (dələduzluq mütəşəkkil dəstə tərəfindən külli miqdarda ziyan vurmaqla törədildikdə), 179.3.1, 179.3.2 (Mənimsəmə və ya israf etmə mütəşəkkil dəstə tərəfindən külli miqdarda törədildikdə), 181.3.1, 181.3.2 (Quldurluq mütəşəkkil dəstə tərəfindən külli miqdarda əmlak əldə etmək məqsədi ilə törədildikdə), 182.3.1, 182.3.2 (Hədə-qorxu ilə tələb etmə külli miqdarda əmlak əldə etmək məqsədi ilə törədildikdə ), 228.4 (Qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə), 302.1, 302.2 (Gizli qaydada informasiya alınması üçün nəzərdə tutulmuş texniki vasitələrdən istifadə edilməklə əməliyyat-axtarış fəaliyyəti haqqında qanunvericiliyi pozma), 311.3.1, 311.3.2, 311.3.3, 311.3.4 (Rüşvət alma qabaqcadan əlbir olan bir qrup şəxs və ya mütəşəkkil dəstə tərəfindən hədə-qorxu tətbiq olunmaqla külli miqdarda və təkrar törədildikdə), 313 (Vəzifə saxtakarlığı), 320.1, 320.2 (Rəsmi sənədləri saxtalaşdırma və bilə-bilə saxta sənədlərdən istifadə etmə), 341.2.1, 341.2.2 və 341.2.3-cü (Bir qrup şəxs tərəfindən silah tətbiq olunmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə ağır nəticələrə səbəb olduqda) maddələri ilə ittihamlar irəli sürülməklə onların barəsində cinayət işi ayrıca icraata ayrılaraq cinayət-prosesual qanunvericiliyin tələblərinə müvafiq olaraq təqsirləndirilən şəxslər, onların müdafiəçiləri, zərər çəkmiş şəxslər, onların hüquqi varis və nümayəndələri cinayət işinin materialları ilə tanış olublar.Hazırda cinayət işi üzrə ləğv olunmuş Milli Təhlükəsizlik Nazirliyinin vəzifəli şəxslərinin qanunsuz əməlləri və digər epizodlarla bağlı zəruri istintaq-əməliyyat tədbirləri davam etdirilir.

29 Dekabr 2016 12:45

“STRATFOR”un 2017-ci il proqnozları:”Rusiya Azərbaycanla Ermənistanı bir-birinə qarşı oynadacaq”

“Stratfor” araşdırmalar mərkəzi 2017-ci ilə proqnozlarını dərc edib. Mərkəz gələn ilin Avropadan ötrü həlledici olacağını yazır: "Fransa və Almaniya seçkilərə hazırlaşır, eləcə də Avropanın 3-cü böyük iqtisadi zonası sayılan İtaliyada seçki ehtimalı böyükdür". “Stratfor” bu səsvermələrin bir-birinə, həmçinin bütövlükdə Avropa Birliyinə təsir edəcəyini, ümumiyyətlə avrozonanın mövcudluğuna təhlükə olacağını yazır. Qurum əvvəlki ehtimallarını təkrarlayaraq, AB-nin süquta uğrayacağını proqnozlaşdırır. Mərkəzə görə, indi məsələ, seçkilərin bu süqutu nə qədər tezləşdirəcəyidir. REGİONAL BLOKLARA PARÇALANMA “Stratfor” yazır ki, qələbə qazanan tərəf kim olursa olsun, Avropa yenə də regional bloklara parçalanmağa doğru irəliləyəcək. Avropanın parçalanması isə Rusiyaya geniş imkanlar yaradacaq. Ruslar 2017-ci ildə AB-nin sanksiyalarla bağlı həmrəyliyini sarsıda biləcək. Yeni seçilmiş ABŞ prezidenti Donald Trampın da sanksiyaları yumşaltmağa çalışacağı, Suriyada əməkdaşlığa cəhd edəcəyi gözlənir. Bütün bunlar isə Moskvaya sərhədyanı ərazilərdə nüfuzunu gücləndirmək fürsəti verəcək.“Stratfor” hesab edir ki, sonucda Ukrayna, təhlükəsizliyini gücləndirməkdən ötrü Polşa və Baltikyanı ölkələrlə əməkdaşlığını gücləndirməyə çalışacaq. Gürcüstan isə Azərbaycanla Türkiyəyə üz tutacaq.Türkiyə də öz növbəsində Qafqazda və Qara dənizdə dayaqlarını möhkəmlədəcək, eyni zamanda Moskvayla enerji və ticarət əlaqələrini qoruyacaq ki, Suriyadakı missiyasına xələl gəlməsin. İNTEQRASİYA TƏŞƏBBÜSLƏRİ Azərbaycana gəlincə, “Stratfor” Rusiyanın Qarabağ məsələsində yenə əsas hakim rolunu oynayacağını, öz mənfəəti naminə Azərbaycanla Ermənistanı bir-birinə qarşı oynadacağını yazır. Mərkəzə görə, AB-nin Şərq Tərəfdaşlığı Proqramı və digər layihələri parçalanmadan zərər görəcək və bundan dolayı Rusiya Qafqazda da nüfuzunu artıracaq və öz inteqrasiya təşəbbüslərini, məsələn, Avrasiya İqtisadi Birliyi və Kollektiv Təhlükəsizlik Müqaviləsi Təşkilatıyla bağlı ideyalarını işə salacaq. “Strafor”a görə, Rusiya müdafiə mövqeyini möhkəmləndirmək, müxtəlif yerlərdə – Yaxın Şərqdə, eləcə də kiber mühitdə müxtəlif ocaqlar yaratmaq cəhdlərini davam etdirəcək. ABŞ isə Rusiyanın genişlənməsinin qarşısını almağa çalışacaq. ARAQARIŞDIRAN SÜLHSEVƏR Bu strategiyanın tərkib hissəsi olaraq, Rusiyanın Qərblə sövdələşmələrdən ötrü Yaxın Şərqdə yenə araqarışdıran, həm də sülhsevər rolunu oynayacağı, Vaşinqtonla münasibətləri, yəqin ki, korlanacaq Tehrana yaxınlaşacağı gözlənir.Tehran isə Suriyada Ankara ilə yarışa girəcək. Hər biri öz nüfuz dairəsini genişləndirməyə, Türkiyə həm də kürdlərin qarşısını almağa çalışacaq.Hərbi əməliyyatların 2017-ci ildə “İslam Dövləti” (İŞİD) qruplaşmasını taqətdən salacağı, onun müxtəlif ölkələrdə qiyamlara və terror hücumlarına üstünlük verəcəyi ehtimal edilir.“Stratfor” gələn il təkcə İŞİD-in deyil, Əl-Qaidənin də ciddi təhlükəyə çevrilə biləcəyini, onun Şimali Afrika və Ərəbistan yarımadasında artıq möhkəmlənməkdə olduğunu yazır. QLOBAL İQTİSADİYYAT SİLKƏLƏNƏCƏK Neft istehsalçılarının hasilatı azaltmaqla bağlı razılıq əldə etməsi xam neftin qiymətini xeyli artıracaq. Bu isə istehsalçılara müsbət təsirini göstərəcək, amma bu təsirin, məsələn, Venesuela kimi zərərçəkmiş ölkələrdən ötrü gec olacağı ehtimal edilir.“Stratfor” bazarın 2017-ci ildə inflyasiyadan əziyyət çəkəcəyini, bankları sərt monetar tədbirlər görməyə məcbur edəcəyini yazır.Monetar siyasətin sərtləşdirilməsi və dolların güclənməsi qlobal iqtisadiyyatı ilin əvvəlində əməlli-başlı silkələyəcək. Dollarla borcu olan ölkələr – Venesuela, Türkiyə, Cənubi Afrika, Nigeriya, Misir, Çili, Braziliya, Kolumbiya və İndoneziya bu prosesdən özəlliklə zərər görəcəklər. Azadlıq Radiosu

29 Dekabr 2016 9:58

Rabitədəki korrupsiya şəbəkəsinin məhkəməsi –Əli Əhmədovun bacısı oğlu da ifadə verdi

Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi davam etdirilib. Hakim Əfqan Hacıyevin sədrliyi ilə prosesdə şahidlər ifadə verib.Şahid Ramiz Quliyev “Azərpoçt” MMC-də təmir-tikinti işləri ilə məşğulduğunu bildirib.Onun sözlərinə görə, nazirlik tərəfindən tikinti işlərinə ayrılan vəsaitin 35 faizi geri qaytarılıb. “Azərpoçt”un 1 saylı filialının rəisi olmuş Əsgər Quliyev “Azərpoçt” MMC-nin baş direktoru Qəmbər Bəybalayevə pul vermədiyini deyib. “Azərpoçt” MMC-nin baş direktor müavini olmuş şahid Sübhan Kazımov (Bu şəxs YAP sədrinin müavini Əli Əhmədovun bacısı oğludur – Strateq.az) deyib ki, tenderlər nazirlik tərəfindən göstərilən şirkətlər arasından keçirilib.Cəfər Namazov isə qeyd edib ki, "Transservis" MMC-nin şirkətinin rəhbəri vəzifəsində çalışıb. Onun sözlərinə görə, 2010-cu ildən tapşırıq əsasında Rabitə və İnformasiya Texnologiyaları Nazirliyi ilə əməkdaşlığa başlayıb: "Bir nəfərin xahişi ilə bizim şirkəti ilk olaraq poçt şöbələrinin təmiri işlərinə başladı. Sonradan "Aztelekom"la əməkdaşlıq etdik. Orda təmir-tikinti işləri üçün ayrılan pulların 35 faizini baş mühasib Oqtay Rüstəmova verirdik. Bizə təxminən "Aztelekom" işi ilə bağlı 50 min manat ayrılmışdı və bunun 35 faizini Oqtay Rüstəmova verirdim. Sonradan bildim ki, verdiyim pullar qanunsuzdur". O. Rüstəmov isə şahidin dediklərini təkzib edib və ondan pul almadığını bildirib. Proses dekabrın 30-da davam etdiriləcək(APA). Qeyd edək ki, həyata keçirilmiş istintaq-əməliyyat tədbirləri ilə Bakı Telefon Rabitəsi İstehsalat Birliyinin baş direktoru Beytulla Hüseynovun 2009-2015-ci illərdə arvadının təsisçisi olduğu “Bakı Rabitə Təmir Tikinti” və “Təmir Təchizat Servis” MMC-lərinin direktoru Bayram Vəliyev, yaxın münasibətlərdə olduğu “3 nömrəli Rabitə Təmir Tikinti”, “Rabitə Mülki Tikinti” MMC-lərinin direktoru Emin Məmmədov və birliyin baş mühasibi Anar Mustafayevlə qabaqcadan əlbir olub yeni rabitə xətlərinin çəkilməsi, binaların, qurğuların təmiri-tikintisi və sair işlərin yerinə yetirilməsi üçün onların hesablaşma hesablarına köçürüləcək pul vəsaitlərinin işlərin həcmindən asılı olaraq 35-45% həcmində hissəsinin nağdlaşdırılaraq B. Hüseynovun özünə verilməsi barədə razılığa gəliblər. B. Hüseynov tabeliyində olan qovşaqların formal olaraq keçirdikləri tenderlərdə vəzifə saxtakarlığı ilə həmin məhdud məsuliyyətli cəmiyyətlərin qalib elan olunaraq müqavilələr bağlanmaqla və faktiki işlərin tam icra olunmadığı halda, o cümlədən internet xidmətinin təmin edilməsi üçün fiber-optik kabel xətlərinin çəkilişi zamanı işlərin faktiki olaraq telefon qovşaqları tərəfindən aparıldığı halda guya həmin işlərin faktiki özünə məxsus olan müəssisələr tərəfindən görülməsi və işlərin həcminin artırılması barədə saxta sənədlərin tərtib edilməsi yolu ilə adıçəkilən MMC-lərin hesabına köçürülmüş ümumilikdə 71 milyon 263 min manat məbləğində vəsaitin 21 milyon 379 min manatını mənimsəməklə dövlətin qanunla qorunan mənafelərinə ağır nəticələrə səbəb olan zərər vurmalarında şübhələr üçün əsaslar müəyyən edilib.Bununla yanaşı, nazirliyin Aparat rəhbəri Vidadi Zeynalov qulluq mövqeyindən sui-istifadə edərək nazirliyin strukturuna daxil olan ayrı-ayrı qurumların vəzifəli şəxsləri ilə qabaqcadan razılaşmaqla həmin strukturlar tərəfindən işlərin görülmədiyi, tam yerinə yetirilmədiyi, avadanlıqlar alınmadığı, istifadə olunan avadanlıqların, xidmətlərin qiymətlərinin isə 4-5 qat şişirdilməsi və digər üsullarla işlərin və xidmətlərin guya yerinə yetirilməsini özlərinin himayə etdikləri, yaxın münasibətdə olduqları şəxslərin adına olan özəl şirkətlər tərəfindən saxta sənədlər əsasında rəsmiləşdirməsini təmin etməklə müvafiq müəssisələrin ayrı-ayrı banklardakı hesabına köçürülmüş 73 milyon 590 min manat vəsaitin nağdlaşdırılmaqla mənimsənilməsini və israf edilməsini təşkil etməsində şübhələr üçün əsaslar müəyyən edilib.Cinayət işi üzrə nazirliyin strukturuna daxil olan “Aztelekom” MMC, “AzİnTelekom” MMC, “Azərpoçt” MMC, Məlumat Hesablama Mərkəzi və özəl şirkət “Optik Rabitə Tikinti və Quraşdırma” MMC-nin fəaliyyətində də mənimsəmə və israf etmə, vəzifə səlahiyyətlərindən sui-istifadə və vəzifə saxtakarlığı faktları müəyyənləşib.İş üzrə Beytulla Hüseynov, Anar Mustafayev, Emin Məmmədov, Bayram Vəliyevə və “Aztelekom” MMC-nin baş mühasibi Oktay Rüstəmova Cinayət Məcəlləsinin 179.3.2 (külli miqdarda mənimsəmə), 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı), Vidadi Zeynalova, həmçinin “AzİnTelekom” MMC-nin baş direktoru Cəlil Cəfərova, “Azərpoçt” MMC-nin baş direktoru Qəmbər Bəybalayevə və “Optik Rabitə, Tikinti və Quraşdırma” MMC-nin direktoru Namazalı Məmmədova həmin məcəllənin 179.3.2 və 308.2-ci, MMC-nin baş mühasibi Səhrab Hümbətova isə 179.3.2, 308.2 və 313-cü maddələrdə nəzərdə tutulan ittiham elan edilməklə barələrində məhkəmənin müvafiq qərarları ilə həbs qətimkan tədbiri seçilib.

28 Dekabr 2016 1:33

Ali Məhkəmə Leyla və Arif Yunusların şikayətini təmin edib

  Ali Məhkəmədə Leyla və Arif Yunusların kassasiya şikayəti üzrə məhkəmə prosesi başa çatıb. Bu barədə vəkil Elçin Sadıqov məlumat yayıb. Xəbərə görə, məhkəmə onlar haqqında Bakı Apellyasiya Məhkəməsinin qərarını ləğv edib və iş yenidən Bakı Apellyasiya Məhkəməsinə qaytarılıb. Qeyd edək ki, Leyla və Arif Yunuslar Cinayət Məcəlləsinin 178.3.2-ci və digər maddələrinə əsasən ittiham olunublar. Bakı Ağır Cinayətlər Məhkəməsinin 13 avqust 2015-ci tarixli hökmü ilə Leyla Yunus 8 il 6 ay, Arif Yunus isə 7 il müddətinə azadlıqdan məhrum edilib. Hökmdə onların əmlaklarının müsadirə olunması, bank hesablarındakı vəsaitin alınaraq dövlətin hesabına köçürülməsi əksini tapıb. Hökmdən narazı qalan təqsirləndirilən şəxslər apellyasiya şikayəti veriblər. Bakı Apellyasiya Məhkəməsinin 2015-ci il noyabrın 12-də keçirilən prosesində Arif Yunusun barəsində seçilmiş həbs-qətimkan tədbiri dəyişdirilib, ondan başqa yerə getməməklə bağlı iltizam alıb. Bundan sonra Arif Yunus məhkəmə zalından azadlığa buraxılıb. 2015-ci il dekabrın 9-da isə apellyasiya şikayəti üzrə qərar elan edilib. Qərara əsasən, Leyla Yunus barəsində təyin olunan 8 il 6 ay, Arif Yunus barəsində isə təyin olunan 7 il müddətində azadlıqdan məhrumetmə cəzası 5 il sınaq müddəti təyin olunmaqla, şərti hesab edilib. L. Yunus məhkəmə zalından azadlığa buraxılıb. Hazırda onlar müalicə üçün Hollandiyadadır. (APA)

27 Dekabr 2016 6:44

Tağı Əhmədovun qardaşı oğlu ifadə verdi – Akif Çovdarovun məhkəməsində – YENİLƏNİB

Bu gün Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarov, 1-ci idarəsinin sabiq rəisi Səlim Məmmədov, 2-ci idarənin sabiq rəisi Akif Əliyev və 3-cü idarənin 1-ci şöbəsinin sabiq rəis müavini Orxan Osmanovun cinayət işi üzrə məhkəmənin baxış iclası davam edib. Lent.az-ın məlumatına görə, prosesdə Tağı Əhmədovun qardaşı oğlu Şövqi Əhmədov və qohumu Elşən Tağıyev ifadə verib. Hər iki şəxs ifadələrində bildiriblər ki, onları MTN-ə aparıb və döyüblər. Yalnız onu da bildiriblər ki, onları MTN-də kimlərin döydüklərini bilmirlər və təqsirləndirilən şəxsləri tanımırlar. Onlar eyni zamanda deyiblər ki, MTN-də Tağı Əhmədovun əleyhinə ifadə almağa cəhdlər olub və bu səbəbdən də döyülüblər. Prosesdə məlum olub ki, Tağı Əhmədovun qardaşı oğlu Şövqi Əhmədov MTN-də əmisinin əleyhinə ifadə verib. Lakin Elşən Tağıyev ifadəsində gələn gəlirlərin dövlət büdcəsinə verildiyini deyib. Dindirilənlərin sərbəst ifadələri ilə istintaqa verilən ifadələri arasında ziddiyyət olub. Buna görə, məhkəmədə onların istintaqa verdikləri ifadələri elan olunub. Onlarım hər ikisi istintaqa verdikləri ifadələri təsdiqləyiblər. Tağı Əhmədovun özü isə gələn prosesdə gələrək ifadə verməsi gözlənilir. Proses dekabrın 28-də davam edəcək. 13:15 Bu gün Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin həbsdə olan sabiq rəisi, general-mayor Akif Çovdarov, 1-ci idarəsinin sabiq rəisi Səlim Məmmədov, 2-ci idarənin sabiq rəisi Akif Əliyev və 3-cü idarənin 1-ci şöbəsinin sabiq rəis müavini Orxan Osmanovun cinayət işi üzrə məhkəmənin baxış iclası davam edib. Lent.az-ın məlumatına görə, Bakı Hərbi Məhkəməsinin sədri Həbib Həsənovun sədrliyi keçirilən iclas Sabunçu rayon Məhkəməsinin binasında baş tutub. Proses təyin olunan vaxtdan 1 saata yaxın gec başlayıb. Bugünkü prosesə Çovdarovun vəkillərindən ikisi iştirak edib. Proses haqqında jurnalistlərə onun vəkili Sadiq Rəsulov ümumi məlumat verib. O qeyd edib ki, bugünkü prosesdə hakimlər heyəti "Bakı Metropliten"in sabiq rəisi Tağı Əhmədovun zərərçəkən kimi tanındığı epizodla bağlı dindirmələrə başlamaq istəyib: "Biz buna kəskin etiraz etdik. Çünki biz əvvəlcədən məhkəmə zəng edib, bu gün hansı epizod üzrə dinlənmələrin olacağını soruşuruq. Həmin cildlər üzrə suallar hazırlayırıq. Bütün cildləri üstümüzdə gəzdirə bilmərik. Ona görə prosesin təxirə salınmasını istədik. Yalnız hakim bunu təmin etmədi, saat 2-yə qədər prosesi təxirə saldı". Vəkilin sözlərinə görə, günün ikinci yarısında Tağı Əhmədovun məhkəmədə zərərçəkən şəxs qismində dindirməsi gözlənir. Qeyd edək ki, təqsirləndirilənk şəxslər - Akif Çovdarova Cinayət Məcəlləsinin 145.3 (Qanunsuz azadlıqdan məhrumetmə ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda), 179.3.1, 179.3.2 (Mənimsəmə və ya israfetmə mütəşəkkil dəstə tərəfindən külli miqdarda törədildikdə), 181.3.1, 181.3.2 (Quldurluq mütəşəkkil dəstə tərəfindən külli miqdarda əmlak əldə etmək məqsədilə törədildikdə), 182.3.1, 182.3.2 (Hədə-qorxu ilə tələbetmə külli miqdarda əmlak əldə etmək məqsədilə törədildikdə ), 228.4 (Qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə), 302.1, 302.2 (Gizli qaydada informasiya alınması üçün nəzərdə tutulmuş texniki vasitələrdən istifadə edilməklə əməliyyat-axtarış fəaliyyəti haqqında qanunvericiliyi pozma), 311.3.1, 311.3.2, 311.3.3, 311.3.4 (Rüşvət alma qabaqcadan əlbir olan bir qrup şəxs və ya mütəşəkkil dəstə tərəfindən hədə-qorxu tətbiq olunmaqla külli miqdarda və təkrar törədildikdə), 313 (Vəzifə saxtakarlığı), 341.2.1, 341.2.2 və 341.2.3-cü (Bir qrup şəxs tərəfindən silah tətbiq olunmaqla hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə ağır nəticələrə səbəb olduqda) maddələri, Səlim Məmmədova həmin Məcəllənin 145.3, 179.3.1, 179.3.2, 181.3.1, 181.3.2, 182.3.1, 182.3.2, 302.1, 302.2, 311.3.1, 311.3.2, 311.3.3, 311.3.4, 313, 341.2.1, 341.2.2 və 341.2.3-cü maddələri, Akif Əliyevə həmin Məcəllənin 145.3, 179.3.1, 179.3.2, 181.3.1, 181.3.2, 182.3.1, 182.3.2, 302.2, 311.3.1, 311.3.2, 311.3.3, 311.3.4, 313, 341.2.1, 341.2.2 və 341.2.3-cü maddələri və Orxan Osmanova isə həmin Məcəllənin 145.3, 181.3.1, 181.3.2, 182.3.1, 182.3.2, 302.2, 311.3.1, 311.3.2, 311.3.3, 311.3.4, 341.2.1, 341.2.2 və 341.2.3-cü maddələri ilə yekun ittihamlar irəli sürülüb. Zərərçəkmiş şəxslərə vurulmuş ziyanın ödənilməsinin təmin olunması üçün məhkəmə qərarları əsasında təqsirləndirilən şəxslər Akif Çovdarov, Səlim Məmmədrov, Akif Əliyev və Orxan Osmanova məxsus ümumilikdə 33 milyon 466 min manat dəyərində əmlak və pul vəsaitlərinin, o cümlədən 8 milyon 967 min manat dəyərində ticarət və xidmət sahələri, istilikxanalar, balıqçılıq təsərrüfatları və sair əmlak kompleksi, torpaq sahələri, 24 milyon 445 min manat dəyərində fərdi yaşayış evləri, mənzillər, nəqliyyat vasitələri və 37 min manat dəyərində zərgərlik məmulatlarının üzərinə həbslər qoyulub.

26 Dekabr 2016 6:37

İtkin düşən neftçilərlə bağlı axtarış davam edir –Qərargahdan açıqlama

"Azərbaycan Respublikası Dövlət Neft Şirkətinin "Azneft" İstehsalat Birliyinin Neft yığım məntəqəsində baş vermiş hadisə ilə əlaqədar bəzi tədbirlər haqqında” prezidentin 16 dekabr 2016-cı il tarixli sərəncamına əsasən Dövlət Dəniz Administrasiyasının Gəmilərin Hərəkətinin İdarəolunması Milli Mərkəzində Fövqəladə Hallar Nazirliyi (FHN), Müdafiə Nazirliyi, Dövlət Sərhəd Xidməti, Dövlət Dəniz Administrasiyası, SOCAR və "Azərbaycan Xəzər Dəniz Gəmiçiliyi" QSC-nin aparıcı mütəxəssislərindən ibarət tərkibdə yaradılan Qərargah tərəfindən təsdiq edilən plana uyğun olaraq, müəyyən edilən sektorlar üzrə axtarış-xilasetmə əməliyyatları davam etdirilir. Axtarış-xilasetmə Qərargahından verilən məlumata görə, Müdafiə Nazirliyi, FHN, Dövlət Sərhəd Xidməti, SOCAR və "Azərbaycan Xəzər Dəniz Gəmiçiliyi" QSC-yə məxsus ümumilikdə 44 gəmi və üzən vasitə, 6 helikopter, SOCAR-ın Dalğıc və Qəza-xilasetmə İşləri İdarəsinin dalğıcları, FHN-in Regional Mərkəzləri və N saylı hərbi hissələrindən 191 nəfər şəxsi heyəti də daxil olmaqla ümumilikdə 700-dən artıq canlı qüvvə və nazirliyin Sularda Xilasetmə Xidmətinin dalğıcları cəlb edilməklə, uzunluğu 145 km, eni isə 120 km olan geniş ərazidə fasiləsiz olaraq axtarış-xilasetmə əməliyyatları davam etdirilməkdədir.İlk gündən axtarış-xilasetmə əməliyyatlarına cəlb olunan "Azərbaycan Xəzər Dəniz Gəmiçiliyi" QSC-yə məxsus, göyərtəsində müasir heyətsiz "ROV" sualtı aparatlar quraşdırılan "Məmməd Süleymanov" "Təbriz Xəlilbəyli" axtarış-xilasetmə gəmiləri, uçmuş estakadaların ərazisində 24 saat sualtı video axtarış əməliyyatlarını davam etdirməkdədir.Axtarış-xilasetmə əməliyyatları zamanı, uçan estakadaya aid olduğu ehtimal edilən 100 çeşiddən artıq əşya tapılaraq aidiyyatı üzrə təhvil verilib. APA

26 Dekabr 2016 3:43

Bərzanidən sensasion açıqlamalar:”İran İraq Kürdüstanının müstəqilliyinə qarşıdır”

İraq Kürdüstanının baş naziri 2017-ci ildə müstəqillik elan etmək istədiklərini bildirib. Faktinfo.az  xəbər verir ki, bölgə hökumətininn başçısı Neçirvan Bərzani deyib: "Mosulu azadetmə əməliyyatı başlamazdan əvvəl biz, İraq və ABŞ arasında üçlü saziş imzalanıb. "Haşd əl-Şabi"nin bu savaşa qatılmasında problem yoxdur. Lakin bu qurumun məqsədi ilə razılaşmırıq". N.Bərzani fikrinin davamında deyib: "Haşd əl-Şabi" qüvvələrinin Mosul əməliyyatında indiyə qədər etdikləri yardımlara hörmət duyuruq, amma onların Təlafər əməliyyatına qatılmaq istəmələri yaxşı fikir deyildi". Bölgə hökumətinin baş naziri Heydər Əl-İbadiyə müstəqil olmaq istədiklərini rəsmən söylədiyini bildirib: "Kürdlər İraqın ərəb cəmiyyəti ilə bütünləşmədilər. Mən İraqın baş naziri Heydər Əl-İbadi ilə Kürdüstanın müstəqilliyini danışan ilk şəxsəm. Bağdad ölkədə sabitlik istəyirsə, Kürdüstanın müstəqilliyi bunun yeganə yoldur". N.Bərzani Türkiyə ilə həmin məsələni müzakirə etməyi lazımlı bilir: "2017-ci ildə bu müzakirələri başlatmasını planlaşdırırıq. Bu mövzu əvvəllər Türkiyə üçün "qırmızı xətt" idi, amma indi belə bir müzakirənin başlamasının mümkün olduğuna inanıram. İran isə İraqın ərazi bütövlüyünə istinad edərək bunun əleyhinə çıxır və özü üçün "qırmızı xətt" hesab edir".

26 Dekabr 2016 2:44

Fakt

Bizi izləyin