Akif Çovdarov icra başçısını “ovlamaq” istəyirdi: “Sənin dərini soyacam, ailə üzvlərini…”

usa

Ləğv edilmiş MTN-dəki Çovdarov-Mahmudov qruplaşmasının qurbanları bir qayda olaraq onların izləyib tora saldığı sahibkarlar olurdu. Lakin elələri də var ki, özləri öz ayaqları ilə Çovdarovun caynaqlarına ilişiblər və hətta bu qorxunc generalla kommersiya sövdələşmələrinə də girməyə risk ediblər. Və təbii ki, aqibətləri yaxşı olmayıb. Belələrindən biri də “M.M.M” Məhdud Məsuliyyətli Cəmiyyətinin direktoru Məmmədov Mübariz Müzəffər oğlu və onun dostu, Səbael rayon İcra Hakimiyyətinin hüquq şöbəsinin müdiri olan Hafiz Abekarov olublar. 1996-cı ildə ayrılan 18 sot torpaq Mübariz Məmmədov abreviaturasını öz ad-soyadından götürdüyü bu MMC-ni arvadı ilə birlikdə 1995-cı ildə təsis edib. MMC-nin nizamnaməsinə əsasən o, xüsusi lisenziya tələb etməyən “bütün fəaliyyət növləri” ilə məşğul ola bilərdi. MMC təsis olunandan bir il sonra-1996-cı ildə Səbael rayon icra hakimiyyətinin başçısı bu müəssisəyə Bakının Sovet ordusu ilə 5-ci və 6-cı Badamdar küçələrinin kəsişməsinə 18 sot torpaq sahəsi ayırıb. Niyə ayırıb, nə əsasla ayırıb, bu haqda tarixi mənbələrdə heç nə deyilmir. Ancaq orası məlumdur ki, torpaq sahəsi mübahisəli olub, sənədləri qaydasında deyildi, o vaxtkı Dövlət Torpaq və Xəritəçəkmə Komitəsi əraziyə kadastr sənədi verməmişdi. Məmmədov qərara alır ki, torpağa sənəd alıb satsın 2013-cü ildə, Bakıda tikinti bumunun qızğın çağında Məmmədov qərara alır ki, torpaq sahəsinin sənədlərini qaydaya salıb onu çoxmərtəbəli bina inşası ilə məşğul olan biznesmenlərdən birinə satsın. O, məhkəməyə müraciət edir və Bakı İnzibati-İqtisad Məhkəməsi qərar çıxarır ki, Dövlət Torpaq və Xəritəçəkmə komitəsi “M.M.M” MMC-yə ayrılmış torpaq sahəsinə kadastr planı verməyə borcludur. Komitə də bu qərarı icra edir. Lakin paytaxtın mərkəzinə yaxın ərazidə 18 sot torpaq sahəsi sanballı əmlak hesab olunurdu və Məmmədovun 1996-cı ildə aldığı bu torpaqda Bakı Şəhər İcra Hakimiyyətinin də marağı vardı. Nəticədə Bakı şəhər İcra Hakimiyyəti bu qərardan apellyasiya şikayəti verir, beləliklə torpaq sahəsinə görə məhkəmə çəkişməsi davam edir.   İlk müştəri-icra başçısının adamı? Buna baxmayaraq Məmmədov torpaq sahəsinə müştəri axtarmaqda idi. İlk müştəri tapılır-Rəfael adlı makler Səbael rayonu Su-Kanalizasiya İdarəsinin baş mühəndisi ilə birlikdə gəlir, torpaq sahəsini almaq istəyir. Məmmədov torpağın sotunu 80 min manatdan (o vaxtkı məzənnə ilə 100 min dollardan) satmağa razılaşır. Eyni zamanda müştərinin nəzərinə çatdırır ki, torpağa görə məhkəmə çəkişməsi gedir. Su-Kanalizasiya İdarəsinin baş mühəndisi ümumi dəyəri 1.5 milyon dollar olan torpaq sahəsini təbii ki, öz gücünə ala bilməzdi. Ehtimal ki, onun arxasında əslində Səbael rayon icra hakimiyyətinin başçısı Asif Əsgərov (hazırda Nəsimi rayonunda başçıdır)  dayanırdı. Axı heç kimə sirr deyil ki, icra hakimiyyəti başçıları Bakıda öz adlarına olmasa da başqalarının adına torpaq sahələrini qamarlayıb orada çoxmərtəbəli binaların tikintisini aparırdı. Bakıda bu bizneslə məşğul olmayan icra başçısı çox az olardı, yaxud heç olmazdı. (İndi də belədir) Çovdarov torpağa  müştəri çıxır-sotuna 70 min! Lakin su-kanalizasiya mühəndisinə perspektivli torpaq sahəsini almaq nəsib olmur. Bu sövdələşmədən xəbər tutan MTN generalı Akif Çovdarov öz adamını-biznesini “fırladan” Rafiq Tağıyevi Məmmədovun yanına göndərir. Tağıyev kimi təmsil etdiyini onun nəzərinə çatdırır, torpaq sahəsinin ona satılmalı olduğunu bildirir. Bu söhbətdən cəmi yarım saat sonra general özü Məmmədova zəng vurur. “Torpaq doğrudan da sənindir? Sənədləri var?”-deyə soruşur.Məmmədov vəziyyəti generala danışır, Çovdarov torpağın ona satılmalı olduğunu bir daha MMC rəhbərinin nəzərinə çatdırır, üstəlik qiyməti də aşağı dalır: “Sotuna 70 min , cəmi 1 milyon 260 min manat verəcəm!”. Çovdarovdan beh-300 min manat...və general dəri soyur Məmmədov razılaşmayb nə edəsiydi ki? Ertəsi gün Rafiq Tağıyev Səbael rayon İcra Hakimiyyətinin hüquq şöbəsinin rəhbəri Hafiz Abekarovun iştirakı ilə M.Məmmədova torpaq sahəsinə görə 300 min manat beh verir. (Bu əhvalat vaqe olur 2014-cü ilin may-iyun aylarında). Behin verilməsinə dair heç bir sənədləşmə aparılmır. Çovdarov telefonda deyir ki, gənclər və idman naziri Azad Rəhimovla danışıb bu torpaqla bağlı mübahisəni həll edəcək. Məmmədov nəql edir ki, Çovdarov bu vədinə baxmayaraq Bakı Şəhər İcra Hakimiyyəti torpaqla bağlı iddiasını geri çəkməmişdi. Çovdarov torpağa başqa iddiaçının olduğunu görəndə Məmmədova zəng vurur. “Bu nədir? Sən mənə atırsan? Behi geri qaytar, yoxsa sənin dərini boğazından çıxaracam, səni məhv edəcəm!”-deyir. M.Məmmədov tez əl-ayağa düşür, qohum-əqrəbasının adına olan torpaq sahələrini tələm-tələsik satıb 175 min dollar düzəldir, Rafiq Tağıyevə çatdırır. MMC direktoru Çovdarovdan aldığı 300 min manat behi hara sərf edib, bu haqda da bizim mənbəmizdə məlumat yoxdur. Bu minvalla 2014-cü ilin oktyabrında Bakı Apellyasiya Məhkəməsi torpaq sahəsinə kadastr planı verilməsinə dair birinci instansiyanın Məmmədovun xeyrinə çıxardığı qərarı qüvvədə saxlayır. Beləliklə, mübahisə həll olunur. İcra Hakimiyyətinin şöbə müdirini və MMC rəhbərini MTN-ə aparırlar: “Yaz ki, pulu Asif Əsgərova vermişəm...” Ancaq bu dəfə Çovdarov Məmmədova zəng vurur və deyir ki, həmin torpaq sahəsi artıq ona məxsusdur. 2014-cü ilin noyabrında R.Tağıyev bu məsələ ilə bağlı M.Məmmədovu Nərimanovun heykəlinin yaxınlığında yerləşən ofisinə çağırır. Orada isə Məmmədovu və dostu Abekarovu MTN əməkdaşları gözləyirdi. Onları qamarlayıb MTN-ə aparırlar, Çovdarovun otağına salırlar. Məmmədov nəql edir ki, Çovdarov onu görən kimi başladı söyməyə, hədələməyə. General onun oğlunun cibinə narkotik atdırıb içəri basdıracağını, ailə üzvlərini məhv edəcəyini deyib, 300 min manat behi “əkişdirməkdə” günahlandırıb. Daha sonra Çovdarov Məmmədovun sinəsindən yumruq zərbəsi endirib, ardınca otaqdakı digər MTN-çilər onu döyməyə başlayıblar. Məmmədov huşunu itirib. Ayıldıb yenə döyüblər, Çovdarov ondan tələb edib ki, 300 min manat behi Səbael rayon icra başçısı Asif Əsgərova verdiyi barədə izahat yazsın. Təbii ki, belə izahat olardısa Çovdarov icra  başçısını məhşər ayağına çəkəcəkdi. Məmmədov isə deyilən izahatı yazmır. Onları MTN-dən buraxırlar, bir şərtlə ki, torpaq sahəsindən Çovdarovun xeyrinə imtina etsin. M.Məmmədov ürəyindən təzə əməliyyat olunubmuş və MTN-də döyüldüyünə görə onun vəziyyəti pisləşir. Çovdarov Hafiz Abekarova tapşırır ki, dostunu MTN-dən çıxarıb aparsın həkimə. Abekarov Məmmədovu Mərkəzi Gömrük Hospitalına aparıb müayinə etdirir, oradan evə aparır. MMC-ni torpaq qarışıq verir generalına adamına, əvəzində... 2014-cü ilin dekabrında Məmmədov torpaq sahəsini əvəzsiz olaraq R.Tağıyevə məxsus olan “Şərq F” MMC-yə vermək barədə öhdəlik imzalayır. Lakin Bakı şəhər İcra Hakimiyyəti bu məktubu qəbul etmir. Məmmədov məcbur olub  torpaq sahəsinin hüquqi sahibi olan “M.M.M”-ni  Çovdarovun digər adamı Nəbiyev Nicat İbadullah oğlunun adına rəsmiləşdirir. Bununla da torpaq sahəsi keçir Çovdarovun əlinə. Məmmədov torpaq sahəsinin pulunun heç olmasa bir qismini almaq üçün R.Tağıyevə çox yalvar-yaxar edir. Axırda o, Zərifə Əliyeva adına parkın içərisində tikdirdiyi çoxmərtəbəli binadan iki ədəd 3 otaqlı mənzili (ümumi sahəsi 262 kvadrat metr ) 1 kvadratmetrlini 1000 manatdan hesablamaqla Məmmədova verir. Məmmədov isə mənzilləri daha ucuz-kvadrat metri 600 manatdan sataraq borclarının bir qismini ödəyib.  İstintaq bu epizod üzrə M.Məmmədovu Akif Çovdarovla üzləşdirib, Məmmədov ifadəsini generalın üzünə qarşı təsdiq edib. Çovdarov heç nəyi təkzib etməyib.Virtualaz.org  

26 Oktyabr 2016 4:11

Mosul əməliyyatının məzhəb savaşına çevrilmə riski artır:Yaxın Şərqdə başlayacaq xaos bütün Avrasiyaya yayıla bilər – Təhlil

irak-7

ABŞ-ın rəhbərlik etdiyi koalisiya gücləri İraqın Mosul şəhərini İŞİD-dən xilas etmək əməliyyatına başladıqlarını bəyan edərək şəhərə 3 istiqamətdən hücuma start veriblər. Ümumi olaraq burada 36 ölkənin iştirakçı olduğu haqqında danışılır. Əməliyyatın ilk günündə 200 kilometrlik bir məkanın İŞİD-dən təmizləndiyi barədə informasiyalar yayılıb. Lakin ekspertlər məsələnin başqa aspektlərinə də diqqət çəkirlər. Onlar Mosula hücumun yalnız hərbi faktorlarla məhdudlaşmadığını deyirlər. Burada geosiyasi məqamlar da özünü göstərir. Bunu rəsmi Ankara ilə yanaşı, beynəlxalq təşkilatlar da vurğulayırlar. BMT-nin proqnozuna görə, Mosuldan 100 minlərlə insan qaçqın düşə bilər. Bir sıra qeyri-hökumət təşkilatları isə bu rəqəmin 200 mindən başlayaraq 700 minədək çata biləcəyini deyirlər. Özü də bu prosesin arxasında məzhəb ayrı-seçkiliyinin dayana biləcəyindən bəhs olunur. Deməli, faktiki olaraq, söhbət regionda məzhəb savaşının coğrafiyasının genişlənməsi təhlükəsindən gedir. Regionun bir sıra böyük dövlətləri məhz bundan ehtiyat edirlər. Bununla da Mosul əməliyyatının geosiyasi və dini aspektlərinin də aktuallıq kəsb etdiyini etiraf etməliyik. Bu halda Yaxın Şərqdə və ona yaxın məkanlarda hansı proseslər başlaya bilər?   Amerikanın Yaxın Şərq iddialarının davamı: təhlükəli proseslər ehtimalı artır   Mosulun İŞİD-dən təmizlənməsi məsələsi ətrafında gərgin geosiyasi vəziyyət yaranıb. Əsas mübahisələr hərbi əməliyyatda kimlərin iştirak etməsi ilə bağlıdır. Problem güc tətbiqində iştirakla əlaqəli deyil. Regionun bir çox dövləti növbəti dəfə məzhəb savaşının vüsət ala bilməsindən ehtiyatlanırlar. Konkret deyilsə, Mosulun ikinci Hələbə çevrilməsi təhlükəsi mövcuddur. Bu barədə daha çox rəsmi Ankara fikir bildirir. Prezident Rəcəb Tayyib Ərdoğanvurğulayıb ki, Mosulun sünni əhalisinə qarşı diskriminasiya siyasəti yeridilə bilər. Çünki Mosulun azad edilməsində İraq ordusunun şiələrin çoxluq təşkil etdiyi hissələri iştirak edirlər, bundan əlavə, Haşdi Şabi qruplaşmasının da iştirakı gözlənilir (bax: Erdoğan'dan Musul Operasyonu açıklaması: Operasyonda da masada da olacağız! / "Habertürk", 17 oktyabr 2016). Türkiyə ilə yanaşı, İraqın kürd regionunun rəhbərləri də məzhəb ixtilaflarından ehtiyat etdiklərini bəyanlayıblar. Bu barədə Məsud Bərzani fikrini bildirib. O, Mosulun Hələbə dönməməsi üçün hər şeyi edəcəklərindən bəhs edib (bax: Barzani'den Musul Operasyonu açıklaması: DEAŞ'a öldürücü darbe vuruldu / "Habertürk", 17 oktyabr 2016). Kürd lider peşmərgənin İŞİD-ə ağır zərbə endirdiyini deyib. Ancaq hərbi əməliyyatların uzun sürəcəyinə də işarə edib. ABŞ komandanlığı isə daha ehtiyatlı mövqe tutur. Anlaşılan odur ki, burada söhbət yalnız hərbi uğurlardan getmir. Geosiyasi aspekti də əhatə edən və region üçün bir çox problemlər yarada bilən proseslərə rəvac verilə bilər. M.Bərzaninin Bağdadla bütün məsələləri razılaşdıqlarını deməsinə baxmayaraq, artıq ilk qarşıdurmanın yarandığı barədə məlumatlar vardır. Belə ki, Başika istiqamətində İraq ordusunun hərbi hissələri məzhəbçiliyi ifadə edən bayraqlarla hərəkət ediblər. Onları peşmərgə gücləri Mahmur rayonunda saxlayıblar. İraq ordusu əsgərlərindən bayrağı endirməyi tələb ediblər. Mübahisə 24 saata yaxın davam edib, lakin rəsmi hakimiyyəti təmsil edən hərbçilər məzhəb rəmzli bayraqları endirəndən sonra yollarına davam etməyə icazə alıblar (bax: Peşmerge güçleri ile Irak ordusu arasında "bayrak" krizi / "Habertürk", 17 oktyabr 2016). Bu arada BMT-nin etdiyi bir xəbərdarlıq da çox narahatlıqlar yaradır. Belə ki, bu beynəlxalq təşkilat Mosuldan 100 minlərlə insanın qaçqın düşə biləcəyi və onların Türkiyəyə üz tutacağı haqqında xəbərdarlıq edib. Lakin bir sıra QHT-lər daha acınacaqlı vəziyyətin yarana biləcəyindən danışırlar. Onların birgə yaydıqları bəyanatda deyilir: "Biz indi Mosuldan gözlənilən kütləvi axına hazırlaşırıq. Gözləyirik ki, yaxın həftələrdə onların sayı 200 min nəfər olacaq, bir neçə həftədən sonra isə qaçqınların sayı 700 min ola bilər. Humanitar təşkilatlar var gücü ilə hazırlaşmağa çalışırlar, ancaq bu qədər insanı birdən qəbul etmək fövqəlmürəkkəb məsələdir" (bax: Сотни тысяч жителей Мосула могут стать беженцами / "Euronews", 17 oktyabr 2016).   Məzhəb qarşıdurması təhlükəsi: geosiyasi güclərin mübarizəsi fonunda   Rəsmi Ankara isə bu məlumatlara belə reaksiya verib: "Əgər Mosuldan 100 minlərlə insan qaçqın düşsə, biz onları qəbul etməyə hazırıq. Lakin hərbi əməliyyatlar düzgün aparılsa, heç bir qaçqınlıq olmayacaq" (bax: əvvəlki mənbəyə). Burada Türkiyənin "düzgün hərbi əməliyyatlar" ifadəsində Mosula əhalinin sünni kəsimini incitməyəcək güclərin daxil olması nəzərdə tutulur. Rəsmi Bağdadın şəhərə İraq ordusuna aid birliklərin daxil olacağı haqqında informasiya yayması isə orada məzhəb qarşıdurması ehtimalının qaldığını göstərir. Deməli, hər bir halda Mosuldan qaçqınların olmasını gözləmək lazım gələcək. Məsələnin başqa tərəfi İŞİD üçün Suriyanın Rakka şəhərinə dəhlizin saxlanması ilə bağlıdır. ABŞ bu dəhlizi bağlamaq fikrində deyil. Türkiyə təklif edib ki, həmin istiqamətdə də hərbi əməliyyatlar başlasın ki, İŞİD Rakkaya axın etməsin. Türkiyə rəsmi səviyyədə təklif edib ki, "eyni zamanda, Mosul, Rakka və Əl-Babda hərbi əməliyyat keçirilsin" (bax: 36 ülkenin Musul savaşı / "Habertürk", 18 oktyabr 2016). Vaşinqton isə buna razı deyil – burada həmin yolun bombalanacağından danışırlar. Bu da təhlükəlidir, çünki təcrübə göstərir ki, bombardman bu cür hallarda ya dinc insanların kütləvi qırğını ilə nəticələnir, ya da əsl günahkarlar müxtəlif yollarla aradan çıxırlar. Bu səbəbdən rəsmi Ankara Qərbin bu davranışını da məzhəb savaşı planı ilə əlaqələndirir. Bütün bunlar onu təsdiq edir ki, Mosulun İŞİD-dən xilas edilməsi yalnız hərbi planlar sərhədinə daxil olan məsələ deyil. Ortada ciddi geosiyasi məsələlər vardır. Qərb Türkiyə və başqa region dövlətlərinin işə qarışmamasına çalışır. Amerika burada da vəziyyəti nəzarətdə saxlamağa, əsas söz sahibi olmağa cəhd edir. Ona ABŞ-ın himayə etdiyi İraq hökuməti dəstək verir. İranın isə prosesdə konkret tərəfdarları ilə iştirak etdiyi aydın görünür. Deməli, bəri başdan Mosulun azad edilməsinə bir geosiyasi faktor kimi yanaşırlar. Mosulda əsasən sünni ərəblər və türkmənlər yaşadıqlarından ABŞ-ın bu xəttinin başlıca məqsədi aydın olur.Vaşinqton burada regionun coğrafiyasına deyil, özünə uyğun siyasi mənzərə yaratmağa qərarlıdır. Məsələnin çox təhlükəli bir aspekti isə regionda müsəlmanlar arasında məzhəb ixtilaflarının coğrafiyasının genişlənməsi riski ilə əlaqəlidir. Rəsmi Bağdad və peşmərgənin hansısa vəd verməsinə baxmayaraq, proseslər məhz həmin istiqamətdə inkişaf edə bilər. Mosulun demoqrafik tərkibinin dəyişdirilməsində maraqlı olan qüvvələrin mövcudluğu sirr deyil. Onların fəaliyyətdə olacağı gözlənilir. Bunların fonunda region üçün başqa təhlükə də meydana gələ bilər. Söhbət Yaxın Şərqin böyük dövlətləri arasında ixtilafların yaranması ehtimalından gedir. Region üzrə məzhəb ayrı-seçkiliyi gücləndikcə, dövlətlərin bir-birinə münasibəti də dəyişir. Bunu göstərən bir neçə fakt artıq mövcuddur. ABŞ-ın başçılıq etdiyi Qərb ölkələri bloku isə həmin tendensiyanı daha da gücləndirməyə çalışırlar. Həmin proses bütövlükdə İslam dünyasını əhatə edə bilər. Belə gedişat isə həm müsəlman coğrafiyasında ciddi sosial, iqtisadi, siyasi, hərbi və humanitar problemlər yarada, həm də Avropada islamofobiyanı şiddətləndirər. Miqrantlara qarşı Qərbin antihumanist münasibətləri meydana çoxlu sayda problemlər çıxarır. Onu da vurğulayaq ki, Rusiya bununla bağlı ehtiyatlılığını bir neçə dəfə ifadə edib.Moskva Yaxın Şərqdən başlayan xaosun onun ərazisinə də sıçraya biləcəyindən ehtiyatlanır. Bu, bir risk qaynağıdır. Təsəvvür edək ki, məzhəb qarşıdurması Suriyadan İraqa sıçrayıb. Ondan sonra yaxın regionlarda analoji proseslərə süni olaraq start verilməyəcəyinə kim təminat verə bilər? Cənubi Qafqaz, Şimali Qafqaz, Mərkəzi Asiya, Əfqanıstan və digər məkanlarda gərginlik yeni səviyyəyə yüksələ bilər. Bununla da bütövlükdə Yaxın Şərq və Avrasiya məkanında nəzarətsiz proseslər meydana çıxar. Mosul əməliyyatına bu müddəalar prizmasından baxdıqda, kifayət qədər təhlükəli və həssas məqamları görürük. Deməli, burada söhbət geniş təsirli hadisələrdən gedir. Bunun məsuliyyətini hər bir müsəlman dövlətinin dərindən hiss etməsinə ehtiyac vardır. Çünki "suda batanı yalnız özü xilas edə bilər".  

25 Oktyabr 2016 10:30

Amerika Mosulda,Rusiya Hələbdə “İlişəcək”!

usa

Onların başqa çıxış yolları yoxdur və məcbur qalıb bizim üstümüzə gələcəklər – oturub şikayətlərini dinləyəcəyik ki, görək, əlimizi kirlətmədən necə ortaq hərəkət edib, hansı yardımı göstərə bilərik   Bu məsələlər bir qədər zaman alır. Həm də ki, Amerikanın Mosulda, Rusiyanın isə Hələbdə hansı vəziyyətə düşəcəyini deyə bilmərik. Onlar bu qanlı avantüraya baş vurmamışdan əvvəl bizdən nə isə soruşdularmı? Xeyr! Və əgər gəlib bizdən bir şey istəsələr, onda milli maraqlar baxımından oturub düşünmək lazımdır…   - Rusiyanın işi çətinləşir Nəhayət, Moskva başa düşdü ki, Hələbdə uşaqların kütləvi öldürülməsindən, Qroznı faciəsində olduğu kimi yaxa qurtarmaq elə də asan olmayacaq. Çeçenistanın paytaxtı Rusiya Federasiyasının içərisində yerləşir və dünya 1999-2000-ci illərdə Rusiya ordusu tərəfindən yerlə bir edilən şəhər barəsində səsini çıxaracaq halda deyildi. 2003-cü ildə dərc edilmiş rəsmi məruzələrdə Qroznıda 21 min dinc sakinin öldürüldüyü bildirilir (əslində bu göstərici 50 min nəfərdir). ”İnsan əli ilə məhv edilmiş şəhər”. Bunu Rusiya ordusu törədib. Məqsəd çeçen separatçılarının təmizlənməsi olub. Bu arada isə bütöv bir şəhər dağıdılıb və İkinci Dünya Müharibəsindən sonra ən geniş miqyaslı etnik təmizləmələrdən biri baş verib. İndi Hələb – yeni Qroznıdır! Rusiya ordusu bu şəhərdəki müqaviməti qırmaq üçün həmin strategiyadan istifadə edir. Amma Hələb Rusiya şəhəri deyil və öldürülən uşaqlara görə Rusiyadan tələb olunacaq hesab böyüyür. Hələb Putini “miloşeviçləşmə” prosesinə itələyir və o heç cür geriyə dönə bilmir. Bombardmanın müvəqqəti dayandırılması, açılacaq altı koridordan dinc vətəndaşların şəhərdən çıxması ilə bağlıdır. Digər məqsəd – sabah ehtiraslar soyuyacaq və törədilmiş hərbi cinayətlərin hesabı geridə qalacaq düşüncəsindən ibarətdir.   - Amerika da çətin yolu seçib Mosul əməliyyatı deyilən hərbi təşəbbüsün ən zəif tərəfini qeyd edək: poker oyununda blef edərək, beş ədəd müxtəlif kartlarla masanın üstündəki pulları götürə bilərsiniz, amma müharibə poker deyil və beş müxtəlif gücü bir araya gətirərək, qalib gəlməniz gərəkdir. Əsası şiələrdən təşkil olunmuş İraq ordusu, peşmərgələr, sünnü qəbilə birlikləri, şiə milislər, yerli Mosul gücləri… Bir-birlərini sevməyən və çiyin-çiyinə döyüşməyi bacarmayan müxtəlif qüvvələr arasındakı ABŞ! İraq ordusunun 9-cu diviziyası şiə əsgərlərdən ibarət idi və onlar Mosulu qətiyyən öz torpaqları kimi görmürdülər. 2014-cü ilin avqustunda İŞİD gəldi və bütöv bir diviziya, əlindəki texnikanı qoyub, geriyə baxmadan qaçdı. Bəs, indi nə baş verib? Eyni diviziya və eyni hərbçilər irəli sürülür. Elə əməliyyatın ilk günündə bu diviziya böyük itkilər verdi. Mosul əməliyyatı 24 saatlıq müddətə dayandırıldı. Peşmərgələrin İraq ordusuna münasibəti xoş deyil. Sünnü qəbilələrin və Mosullu yerli güclərin yanında şiə silahlıları dayanıb. Bütün bunlara necə nəzarət olunacaq? Pentaqondakı ağılsızlar illərdir ki, Türkiyəyə qarşı çıxıblar. Və ona görə də yalançı strategiyanın sonu belə olur. Dostum, ”bu məsələni yerli İraq gücləri ilə həll edəcəyiz” deyəndə, sən, bu güclərin bir-biriylə bıçaq-bıçağa dayandıqları barəsində maraqlandınmı? Belə bir mozaik güclərlə Mosul əməliyyatınamı başlamaq istəyirsən?…   - Uğursuzluğa məhküm olmuş iki ordu   Biz apardıqları asimmetrik müharibədə öz məqsədinə nail olmaq üçün mübarizə etdikləri silahlı dəstələrdən daha çox, mülki əhaliyə ziyan vuran iki ordudan bəhs edirik. İsrail ordusu kimi, ABŞ və Rusiya ordusunun da sıx əhali yaşayan məkanlarda həyata keçirdikləri hərbi əməliyyatlar bərbad gündədir. Yaxşı olardı ki, onlar öz hərbi akademiyalarında Türkiyə Silahlı Qüvvələri və polis güclərinin PKK-ya qarşı 2015-ci ildə apardığı barrikada döyüşlərini öyrətsinlər. Daha bir mühüm nümunə “Fərat qalxanı” əməliyyatıdır. Azad Suriya Ordusundakılar da yerli gücdür. Amma onların yanına atəş gücü yüksək olan bir ordu dəstəyi əlavə edilərsə, onda “İŞİD əfsanəsi”nın necə darmadağın olduğuna şahidlik edərik. Əgər siz döyüş zonası ilə 1,3 min kilometrlik sərhədə malik olan və dünyanın ən güclü ordularından birini hesabdan silirsinizsə, onda sizi Hələb və Mosulda çarəsizlik gözləyir. Siz çoxsaylı günahsız insanları öldürürsünüz, xeyli itkilər verir və verdirirsiniz. Ümumi yekunda gələcəyiniz nöqtə -bizim eradan üç əsr əvvəl Yunan çarı Pirrin hər şeyini itirməklə romalılar üzərində qələbə çalmasına bənzəyəcək. Mən bu yazını bizim dövrümüz üçün hədsiz iddialı olan ”gəlin buralara girib, məsələni həll edəyin” kimi sözlərlə bitirmək istəmirəm. Onu söyləmək istəyirəm ki, qoy onlar gəlsinlər və bu bataqlığın qurudulması üçün birlikdə nə etməyin mümkün olduğundan danışsınlar.   Siz Yaxın Şərqdə Türkiyəsiz müharibə edə bilərsiniz, lakin Türkiyəsiz sülhə nail olmaq mümkün deyil… (“Star”qəzeti – Türkiyə. Müəllif: Ardan Zentürk) Faktinfo.az

22 Oktyabr 2016 11:27

Azərbaycan nə etməlidir? –FETÖ ilə mübarizənin ikinci mərhələsi başlayır

eldar-111

Elxan Şahinoğlu,  “Atlas” Araşdırmalar Mərkəzi İslam Konfransı Təşkilatına (İKT) üzv ölkələrin xarici işlər nazirlərinin Özbəkistan paytaxt Daşkənddə oktyabrın 18-19-da keçirilən 43-cü sessiyasında FETÖ terrorçu təşkilat elan edildi. Bu qərar bir tərəfdən Ankaranın ciddi uğuru sayıla bilər, digər tərəfdən qərarın hamı tərəfindən yerinə yetirilb-yetirilməyəcəyi sualı açıq qalır. Məntiqlə İKT-nin bu qərarı o deməkdir ki, quruma üzv ölkələrin tamamı avtomatik olaraq FETÖ-nü terrorçu təşkilat kimi tanımalıdırlar. Sadəcə, Misiri çıxmaq şərtilə yekdil səsverməyə baxmayaraq, quruma üzv dövlətlərin tamamının bu qərara riayət edəcəyi problematikdir. Misal üçün Qırğızıstan FETÖ-yə bağlı təhsil ocaqlarını nə bağlayıb, nə də statuslarını dəyişib. Əksinə, Bişkək Ankaranın “Qırğızıstandakı FETÖ üzvlərini ölkədən çıxardın” çağırışına “bizim daxili işlərimizə qarışmayın” kimi sərt cavab verib. İndi Qırğzıstan İKT-nin qərarına riayət edəcəkmi? Digər müsəlman ölkələrində də Gülən şəbəkəsinə bağlı məktəblərlə bağlı vəziyyət dəyişməyib. Qazaxıstan prezidenti Nursultan Nazarbayev çevrilişə cəhddən sonra Türkiyəyə səfər edərək türkiyəli həmkarı Rəcəb Təyyub Ərdoğanla görüşdü. Ancaq Qazaxıstan prezidenti də Ankaranın istəyi əsasında Fətullah Gülənə bağlı təhsil ocaqlarının bağlayacağını vəd etmədi, sadəcə dedi ki, Qazaxıstanda komissiya yaradılacaq və həmin təhsil ocaqlarının fəaliyyəti araşdırlacaq. Yəni əgər həmin komissiya Gülənə bağlı təhsil ocaqlarının fəaliyyətində qeyri-qanunu nəsə tapmazsa, Qazaxıstandakı məktəblər fəaliyyətlərini davam etdirəcəklər. Ankaranın FETÖ ilə bağlı istəklərini ilk yerinə yetirən ölkələrdən biri Azərbaycandır. Rəsmi Bakı Türkiyədə çevrilişə cəhdin sabahısı Gülən şəbəkəsinə bağlı “Qafqaz” Universitetinin statusunu dəyişdirdi, ali təhsil ocağındakı bütün türk müəllimləri geri göndərdi. Bundan əvvəl isə Azərbaycanda Gülən şəbəkəsinə bağlı kursların və məktəblərin statusları dəyişdirilmişdi. Rəsmi Bakı bundan sonra da FETÖ ilə mübarizədə Ankaranın yanında olacağını bəyan edib. Təsadüfi deyil ki, daxili işlər naziri Ramil Usubov sentyabrda Ankaraya səfər edərək FETÖ ilə mübarizədə Azərbaycanın Türkiyəyə istənilən dəstəyi verməyə hazır olduğu fikrini bir daha təkrarladı. Ankara FETÖ-nün Azərbaycandakı fəaliyyətinə dair hesabatı artıq Bakıya göndərib. Həmin araşdırmada isim və təşkilatların adı keçir. Yəqin bir müddətdən sonra bu hesabata uyğun olaraq digər addımlar da atılacaq. Ən vacibi FETÖ-nün Azərbaycanda dövriyyədə olan maliyyəsinin həcmi müəyyənləşdirilməli və bu pullar nəzarətə götürülməlidir. Hələ ki, FETÖ ilə mübarizədə Ankaranın Bakıdan narazılığı yoxdur. Ankaranın FETÖ ilə mübarizədə əsas problemi Qərb ölkələri ilədir. Gülən şəbəkəsi Avropa dövlətləri içərisində Almaniyada güclü mövqeyə malikdir. Berlin Gülənə bağlı mərkəzləri və məktəbləri bağlamayıb. Eyni vəziyyət ABŞ-dadır. Amerikada da Gülənə bağlı mərkəzlər, kurslar, hətta onlarla qeyri-hökumət təşkilatı və fondlar fəaliyyət göstərir. Bundan başqa Gülənin ABŞ və Avropada dövriyyədə kifayət qədər maliyyə vəsaiti var. Ankaranın da ehtiyat etdiyi odur ki, Gülən həmin maliyyə resurslarından növbəti dəfə Türkiyə hakimiyyətinə qarşı istifadə edə bilər. Zaman keçdikcə ABŞ-ın Fətullah Güləni Türkiyəyə ekstradisiya etməyəcəyi aydınlaşır. Vaşinqton bu məsələni uzatmaqla məhkəmə qərarının olmamasına istina edir. Halbuki, 1980-ci illərin əvvəllərində ABŞ-la Türkiyə arasında varılan razılaşmaya görə hər iki ölkə şübhəli şəxsləri məhkəmə qərarı olmadan da bir-birlərinə ekstradisiya edə bilər. Ərdoğan Vaşinqtondan məhz ona görə narazıdır ki, Ankara beynəlxalq terrorçularla əlaqədə şübhəli bildiyi şəxsləri dəfələrlə məhkəmə qərarı olmadan da ABŞ-a esktradisiya edib. İndi isə Amerika eyni addımı atmaq istəmir. Hadisələrin gedişatı göstərir ki, Vaşinqton Ankaranın istəyi üzərinə Fətullah Güləni ev həbsinə də almayacaq. Ankara ondan narahatdır ki, Gülən həm şəbəkəsinə rahatlıqla rəhbərlik edir, tərəfdarlarına təlimatlar verir, həm də müxtəlif mövzularda jurnalistlərə müsahibələr verir. Vaşinqton bu prosesin də qarşısını almaq istəmir. ABŞ vitse-prezidenti Cozef Bayden sentyabrda Türkiyəyə səfəri zamanı belə bir ifadə işlətmişdi: “Kaş ki, Gülən sığınacaq olaraq Amerikanı seçməzdi…”. Bu o demək idi ki, Bayden Gülənə görə iki ölkə arasındakı münasibətlərin soyumasından narahatdır. Görünür, Bayden onu da anlayır ki, Gülənlə bağlı vəziyyət dəyişməzsə, nəinki Amerika-Türkiyə münasibətləri soyuq qalacaq, Ankara Vaşinqtonun əsas rəqibi Rusiya ilə daha çox yaxınlaşacaq. Çünki ABŞ-dan fərqli olaraq Rusiya istənilən məsələdə Türkiyə ilə əməkdaşlığa və ya onun maraqlarını nəzərə almağa hazırdır.

20 Oktyabr 2016 2:31

Rusiyalı ekspert: “Türkiyə mərhələ-mərhələ nüvə dövləti olmağa yaxınlaşır” – Təhlil

c%c9%99bh%c9%99-1

Hidrogen bombasının partlayışı © СС0   İrina Corbenadze Rosbalt.ru, 18.10.2016   ABŞ-ın Tükiyədəki “İncirlik” bazasından öz nüvə sursatlarını daşımaq  niyyəti (yaxud artıq daşıdığı), həmçinin energetikanın inkişafı üçün Ankaranın  atom reaktorları inşa etmək üzrə irimiqyaslı proqram açdığı haqda informasiya müxtəlif fikirlər doğurur. Xüsusən də Ankara “nüvə klubu”nun üzvümü olmağa hazırlaşır – Türkiyə prezidenti Rəcəb Ərdoğan necə oldusa, artıq öz ölkəsinin uyğun iddiaları haqda ağzından söz qaçırıb. Buna Vaşinqtonun ona aşkar inamsızlığı, Türkiyənin İrandan “geri qalmamaq” və ümumiyyətlə, ən azı, Yaxın Şərqdə həlledici rol oynamağa çoxdankı cəhdini də buna əlavə etməyinə dəyər. “Nüvə klubu”nun legitim və yaxud kölgə üzvü olmaq fikri ilk baxışdan görünə bildiyi qədər də sərsəm ideya deyil. Əldə olan rəsmi məlumata görə, hazırda Rusiya, ABŞ, Fransa, Böyük Britaniya, Çin, Pakistan, Hinduistan, KXDR və İsrailin nüvə silahı var. Bundan savayı, Türkiyə daxil olmaqla NATO üzvü bir neçə ölkənin ərazisində ABŞ-ın nüvə silahı var və bu ölkələr savaş vaxtı bundan istifadə edə bilər – əlbəttə, “sahib”in razılığı ilə. Lakin, görünür, Türkiyənin Amerikanın “etibarlı şəxslər” siyahısından çıxması onu, qeyri-rəsmi məlumata görə, klub üzvü olmayan və yaxud əldə etməyə gerçək imkana malik dövlətlərdəki kimi nüvə silahı yaratmağa təhrik edə bilər. Söhbət o cümlədən Yaxın Şərqin – dünyann, az qala, ən münaqişəli bölgəsindəki dövlətlərindən gedir. Hələ də hesab edilir ki, İran potensialca nüvə silahı yaratmağa yaxındır və bu, təkcə Yaxın Şərqdə deyil, həm də bütün dünyada qüvvələr tarazlığını pozmağa qabildir. Lakin bununla belə, nədənsə İsrailin nüvə potensialına və Türkiyədə döyüş başlıqlarının olduğuna diqqət yetirilmir. Çünki birinci ölkə ABŞ-ın müttəfiqi, ikinci isə NATO üzvüdür. Lakin Səudiyyə Ərəbistanı da nüvə silahı əldə etmək niyyətini gizlətmir – xüsusən də Pakistandan. Amma Qərb də məlum səbəblər üzündən bu cür təhlükəyə barmaqarası baxır. Bu qayda ilə hər halda bölgədə qüvvələr tarazlığı pozulub və yaxud buna çox yaxındır. Deməli, ciddi potensialı olan Türkiyə bunu ölkənin təhlükəsizliyi ilə bəraət qazandırıb nüvə silahlanması yarşına niyə qoşulmasın? Müxtəlif hərbi ekspertlərin müştərək məlumatına söykənib qeyd edək ki, ABŞ-ın “sayəsində” Türkiyə ərazisində 50-dən çox B 61 tipli nüvə bombası var və bunu bu ölkənin artıq nüvə dövlətinə çevrilməsi kimi dəyərləndirmək olar. Lakin ciddi danışsaq, bombaların varlığı çox şeydən xəbər vermir, amma bunlar modernləşdirilsə, onda “sadə bomba” çox təhlükəli kütləvi qırğın silahı ola bilər. Bundan başqa, ekspertlər qeyd edirlər ki, Türkiyə 215 ədəd F-16 döyüş təyyarəsini modernləşdirib və bunlar nüvə silahı ilə təchiz olunmaq üçün yararlı olub. Di pis halda Türkiyə İsrail və yaxud Səudiyyə Ərəbnistanından “xidmət” xahişi edə bilər. Lakin Barak Obama ABŞ-ın prezidenti olunca bu cür ssenari çətin baş tutar. Amma Ağ Evdə onu tezliklə Klinton, yaxud Tramp əvəzləyəcək və hadisələrin o zaman necə inkişaf edəcəyi böyük sualdır. Hər şey Ərdoğanın ABŞ-ın yeni prezidenti ilə razılığa gəlib-gələ bilməyəcəyindən asılıdır, ya da əksinə, Ankara-Vaşinqton münasibətləri daha da soyuyacaq. Düşünmək olar ki, Türkiyə bu halı nəzərdə tutub – həm də çoxdan. “Die Welt” hələ iki il qabaq yazıb ki, Almaniya federal kəşfiyyatı Türkiyəni “güdür”, çünki Ərdoğanın öz ölkəsini nüvə silahı ilə təchiz etmək niyyətindən şübhələnir – təbii ki, dinc atom proqramı və elektrik enerjisi hasil etmək pərdəsi altında. Və burada xatırlatmağına dəyər ki, Ankara hələ beş il əvvəl Rusiyanın “Rosatom”u ilə 15 milyard dollar dəyərində böyük reaktor kompleksinin inşası üçün müqavilə imzalayıb. Bir qədər sonra bir qədər böyük məbləğli oxşar saziş Yaponiya-Fransa konsorsiumu ilə də bağlanıb. Almaniya nəşrinin yazdığı kimi, əsas mətləb müqavilələrin özündə deyil, məzmunundadır. Yəni Türkiyə işlənmiş yanacağın ölkədən daşınmasına razılıq verməyərək məsələnin həllini “nə zamanasa” saxlayıb. Bu isə fikir doğurur ki, o, nüvə silahı, AES-in fəaliyyəti ilə  əldə etmək mümkün olan plutonium bombası əldə etməyə cəhd edir. Qeyri-rəsmi məlumata görə, Ərdoğan hətta altı il əvvəl uranın zənginləşdirilməsi üçün qurğu yaratmaq göstərişi verib. Həm də danışırlar ki, Türkiyənin artıq guya Pakistandan aldığı uyğun sentrifuqası var. Buna əlavə etmək olar ki, Türkiyə, təxminən, yuxarıda göstərilən vaxt uzaqmənzilli raketləri sınaqdan keçirmişdi. Əslində, Türkiyənin nüvə dövləti olmaq cəhdinə  təəccüblənməyinə dəyməz – çətin ki nüvə silahından istifadə edər, əvəzində əla önləmə rıçaqı əldə edəcək. Eyni zamanda daim tələbat artan elektrik enerjisi generasiya etməkdə sabit qaynaq. Lakin, bax, bu maraqlıdır – “Akkuyu” AES-ə görə Rusiya-Türkiyə sazişi Türkiyənin nüvə iddialarının gerçəkləşməsinə dolayısı ilə şərait yarada bilər və Moskva, çox güman ki, buna qarşı çıxmayacaq. Çünki fakt üzrə Ərdoğanın planlarının gerçəkləşməsində “iştirakçı” olacaq. Özü də bir ölkə başqa ölkədə AES inşa edib nüvə yanacağı da daxil olmaqla ona xidmət edirsə, buna görə çox böyük pul əldə edir. Hələ Qərbi demirik, İranın buna necə yanaşacağı başqa bir məsələdir. Ərdoğanın Rusiya prezidenti Vladimir Putinlə danışıqların yekunu üzrə bu yaxınlarda xəbər verdiyi kimi, tərəflər təkcə “Türk axını” layihəsinin gerçəkləşməsini deyil, həm də “Akkuyu” AES üzrə işi daha da sürətləndirmək üçün mühüm razılaşma əldə edilib. O həm də əminliyini bildirib ki, Rusiya və Türkiyə “əldən buraxılmış vaxtın əvəzini çıxmağı” bacaracaq. Putin isə xüsusi qeyd edib ki, söhbət təkcə sadəcə atom elektrik stansiyasının inşasından deyil, “Türkiyəyə tam yeni yüksək texnologiya sahəsində texnologiyanın ötürülməsi və kadr hazırlığından” gedir. RF prezidenti əlavə edib ki, hazırda 200-dən çox uyğun mütəxəssis Rusiyada hazırlıq keçir. Bundan əlavə, Putinin mətbuat katibi Dmitri Peskov bu günlərdə İrəvanda KTMT-nin sessiyasında jurnalistlərə bildirib ki, Türkiyə tərəfi istəsə, Rusiya ona “müxtəlif HHM sistemləri” tədarük etmək məsələsini nəzərdən keçirə bilər. Və ümumiyyətlə, tərəflər hərbi-texniki sahədə əməkdaşlığı müzakirə edir. Xülasə, görünür, ortamüddətli perspektivdə Yaxın Şərqi nüvə iddialrı paradı gözləyir və güman etmirəm ki, bunun öhdəsindən gəlmək mümkün olsun – onları yalnız dinc nüvə institutları ilə nəzarətə götürmək olar və lazımdır. Lakin nüvə silahı Türkiyəyə nə dərəcədə lazımdır? Ola bilsin, ona böyük ziyan gətirəcək, çünki bölgədə açıq şəkildə qızğın nüvə silahlanması başlanacaq və Yaxın Şərq bu günkindən daha qorxunc olacaq. Buna etiraz etmək olar ki, təkcə Ankarada “kiçik bomba”nın olması haqda informasiya ölkənin milli maraqlarını qoruya bilər – xüsusən də amerikalıların onun ərazisindən nüvə döyüş başlıqlarını çıxartdığı və əksər ekspertlərin iddia etdiyi kimi, NATO RƏM-nin (raket əleyhinə müdafiə) Türkiyənin təhlükəsizliyini təmin etmədiyi bir şəraitdə.  Hətta RƏM bir çox baxımdan Türkiyənin Yaxın Şərqdəki əsas rəqibi İranla qarşılıqlı münasibətlərinə ziyan vurur. Amma Türkiyənin mərhələ-mərhələ nüvə dövlətinə çevrilməsi haqda məlumat düzgündürsə, onda İran dinc atom hüdudunu keçməzmi və İranın nüvə proqramı ilə bağlı bütün epopeya təzədən başlamazmı?

19 Oktyabr 2016 5:03

Ərdoğan: “İraq ordusu Mosulda sünnilərə qarşı vuruşacaq”- “BUNA İMKAN VERMƏRİK”

%d1%81%d0%ba%d0%b0%d1%87%d0%b0%d0%bd%d0%bd%d1%8b%d0%b5-%d1%84%d0%b0%d0%b9%d0%bb%d1%8b

Rəcəb Tayyib Ərdoğan dünən Çırağan Sarayında baş tutan Beynəlxalq İstanbul Hüquq Konqresinə qatılıb. Ərdoğan orada çox önəmli mesajlar verib:  “Türkiyənin Suriya ilə sərhədi  911 kilometrdir. Suriya ilə əlaqəsi olmayanların oraya girməsini haqlı qarşılayırlar, bizə gəldikdə isə deyirlər ki, sizi oraya çağırmayıblar, niyə gedirsiz?  Əgər biz terror təhdidi almışıqsa, getməliyik və getdik. Əvvəlcə Cerablus, daha sonra Raiyə girdik. İŞİD hər iki yeri tərk etdi, həmçinin, Dabıq da onlardan təmizləndi. Biz başda ABŞ olmaqla, koalisiya qüvvələrinə bunu söyləyirik ki, siz Menbiçdə mənə söz verdiniz. Telefon danışığımız oldu. “PYD və YPG qətiyyən oraya girməyəcək”-, dedilər. Onlar PKK-ya bağlı terror təşkilatlarıdır. Verdiyiniz sözdə durun. Burada əhalinin yüzdə 95-i ərəbdir. Onlar sözlərində durmadılar. Biz də nə lazımdırsa, edirik. Hal-hazırda Mosulda əməliyyatlar davam edir. Deyirlər, Türkiyə Mosula girməsin. Necə girməyək? 350 kilometr sərhədimiz var və biz təhdid altındayıq. Əlaqəsi olmayanlar gəlib girir ki, çağırıblar. Bəs 14 il əvvəl gələnləri Səddam çağırmışdı? Amma gəlmişdilər. Müdafiə nazirimiz ABŞ generalı ilə görüşdü. Nə kimi addımlar atdığımızı onlara çatdırdıq. Türkiyə ərazisində olamayan bir əməliyyatın nəticələrinə biz cavabdeh deyilik. Biz Mosul əməliyyatında da olacağıq, masada da. Bu hadisələrdən kənarda qalmağımız mümkün deyil. Burada bizim üçün tarix yatır. Bizim Mosulda qardaşlarımız var; ərəblər, türkmənlər, kürdlər. Eyni zamanda şimal sərhədlərində qohumlar var. Bu hadisələrə hissiyyatsız yanaşmağımız mümkün deyil. Mosulda İŞİD bəhanəsi ilə təşkil edilən məzhəb davasının qarşısını alacağımızı bildikləri üçün ölkəmizi bu əməliyyatdan uzaq tutmağa çalışırlar. İraq ordusu Mosula girdiyi zaman sünnilərlə vuruşacaq. Biz şiə-sünni davasını dəstəkləyə bilmərik. PKK-nı əvvəlki vəziyyəti ilə müqayisə etdikdə görürük ki, 35 ildə onları 7-8 dəfə məhv etmişik. Lakin PKK hələ də öz işinə davam edir. Çünki Türkiyənin zərərsizləşdirdiyi hər terroristin yerinə təşkilat yenisini üzə çıxarır. Bir çox ölkə PKK-ya gizli dəstək verir. Avropa Şurasının və Avropa Birliyinin mərkəzi olan Strasburqda, Brüsseldə mərkəzlər var. ABŞ-dan FETÖ rəhbərini tələb etdik. Amerika isə öz huququnu irəli sürərək bu tələbi yerinə yetirmir. Fövqəladə hal kimi Fransaya baxsınlar. Adi bir terror nəticəsində Fransa nə hala qaldı? Biz isə bəsit terrorla deyil, dövlətin devrilməsi təhlükəsi ilə qarşı-qarşıya qalmışıq. Dövlət və cəmiyyəti xərçəng hüceyrəsi kimi öz pəncəsinə alan terror təşkilatını məhv etməkdə qərarlıyıq”-, deyə bilərik. Faktinfo.az

18 Oktyabr 2016 12:48

Avstriya xarici işlər naziri Kurts: “Türkiyə AB-yə heç vaxt qəbul edilməyəcək” – Təhlil

iraq-felluca-300x169

Dmitri Bobrov ИноСМИ (Rusiya), 17.10.2016   Avstriya xarici işlər naziri Sebastyan Kurts Almaniyanın “Die Welt” nəşrinin səhifələrində bu bəyanatla çıxış edib. Onun sözlərinə görə, AB dövlətləri başçılarının əksəriyyəti eynən bu cür düşünür, lakin bunu açıq şəkildə deməyə üstünlük vermir. Onların düşündüyü ilə dediyi arasında son dərəcə böyük fərq var. Rəsmən təsdiq olunur ki, Türkiyənin AB-yə qəbul edilməsi üzrə danışıqlar prosesi davam etməlidir, amma hamı əmindir ki, bu, baş verməyəcək. Kurts Avropa liderlərindən Avropa Birliyi liderlərindən şərəfli mövqe tutmaq və böyük əksəriyyəti Türkiyənin qəbul edilməsinə qarşı olan AB vətəndaşlarını aldatmamağa çağırıb. Bunun əvəzinə Ankaraya heç cür tam üzvlük deyil, hansısa çevik əməkdaşlıq forması təklif etmək lazımdır. Kurts Ukraynanı nəzərdə tutaraq bildirib ki, bu, təkcə Türkiyəyə deyil, həm də AB-dən şərqə sarı ölkələrə də aiddir. Bu cür ölkələr Rusiya ilə qarşılıqlı fəaliyyəti kəsmədən AB ilə sıx əməkdaşlıq etməlidir. Avstiya xarici işlər naziri vurğulayıb ki, indiki anda yalnız iki variant var – tam üzvlük və assosiasiya haqda saziş. Lakin artıq indidən aydındır ki, Türkiyə və Ukraynaya münasibətdə daha çevik əməkdaşlıq modeli işləyib hazırlamaq gərəkdir. Xüsusən də Ukraynaya münasibətdə – AB ilə əməkdaşlığın dərinləşməsinin Rusiya ilə əlaqələri kəsməyə məcbur etməməyi üçün. Kurtsun mövqeyi almandilli internet forumlarında geniş dəstək tapır. Oxucular qeyd edirlər ki, o, Türkiyə və Ukraynanın AB-yə qəbul edilməsi məsələsində ikiüzlü ibarəbazlığı bir kənara atan az-az Avropa siyasətçilərindəndir. Oxucuların fikrincə, ehtiyatlı ifadələrin arxasında gizlənən və siyasi sələfləri Helmut Şmidt və yaxudKonrad Adenauerin siyasi səviyyəsinə heç cür uyğun gəlməyən Almaniya kansleri Angela Merkel bu cür “ikiüzlülər”dəndir. Avstriya AB-nin Şərqə genişlənməsi məsələsində “sərt xətt”in təşəbbüskarları sırasındadır. Kansler Kristian Kern hələ yayda bildirmişdi ki, “diktaturaya çevrildiyi” və “iqtisadi inkişafın qeyri-bərabərliyi” üzündən Türkiyə AB-yə qəbula hazır deyil. Bu arada Türkiyə prezidenti Rəcəb Tayib Ərdoğan AB-dən “diplomatik ədaları” dayandırmağı və ölkəsinin AB-yə qəbul edilməsi məsələsinə görə təngə gətirməməyi kəskin formada tələb edib. Ərdoğan deyib ki, oktyabr ölkəsinin Avropa Birliyi ilə münasibətlərində mühüm ay olmalıdır, Türkiyənin səbri tükənir. Onu dediyinə görə, Avropa vədinə sadiq deyil. Türkiyə AB ilə assosiativlik sazişini 1963-cü ildə imzalayıb və rəsmən 1999-cu ildə qəbula namizəd kimi tanınıb. 2005-ci ildə bu mövzuda konkret danışıqlar başlanıb. Avropa ictimaiyyəti Türkiyənin AB-yə üzvlüyünə qarşı kəskin şəkildə çıxış edir, xüsusən Fransada bu cür perspektivin əleyhdarları çoxdur. Danışıqlar prosesinə ən ağır zərbəni dövlət çevrilişinə uğursuz cəhddən sonrakı kütləvi repressiyalarla bağlı son hadisələr vurub. Buna baxmayaraq, danışıqlar prosesi indiyədək formal olaraq dayandırılmayıb. İyulun 31-də Türkiyə onun vətəndaşlarına oktyabrın axırına qədər Avropaya vizasız rejim imkanı verilməsə, qaşqınların qaytarılması haqda AB ilə sazişi pozmaq hədəsi gəlib. Oxşar durum Ukrayna ilə bağlı da gözə dəyir. Avropa Komissiyasının başçısı Jan Klod-Yunker hələ bu ilin yazında bildirib ki, Ukrayna AB və NATO-ya üzvlüyə yalnız 20-25 ildən sonra ümid edə bilər. Almaniya XİN də oxşar bəyanatla çıxış edib. Bu cür kəskin bəyanatlar qismən aprelin 6-da Hollandiyada keçirilmiş referendumun nəticəsi ilə izah olunur. Səs verənlərin 61%-i Ukraynanın AB ilə assosiasiyası haqda sazişə qarşı çıxış edib. Ukrayna vətəndaşlarına vizasız rejim imkanı yaratmaqla bağlı durum da bundan yaxşı deyil. Kiyev rəhbərliyi ilin axırına qədər vizasız status əldə etməyə ümid edirdi, lakin bu məsələ Avropa parlamentinin oktyabrın 24-27-də Strasburqda keçirilməli olan sessiyasının gündəliyinə daxil edilməyib. Müşahidəçilər bunu onunla əlaqələndirirlər ki, zəruri halda vizasız rejimin dayandırılması mexanizmi indiyədək işlənməyib. Almaniya və Almaniya DİN başçısı Tomas de Mezyer bu bəndə şəxsən təkid edir.

17 Oktyabr 2016 12:23

Həbsdəki general Eldar Mahmudovu ələ verdi

iraq-felluca-300x169

Ləğv edilmiş MTN-in Monitorinq Mərkəzinin keçmiş rəhbəri, hazırda həbsdə olan general Teymur Quliyev istintaq zamanı rəhbərlik etdiyi mərkəzin sahibkarların telefon danışıqlarının dinlənilməsini  nazir Eldar Mahmudovun yazılı icazəsi, habelə idarə rəisi Akif Çovdarovun göstərişi ilə həyata keçirdiyini bildirib. General Quliyev Akif Çovdarovun barəsində qaldırılmış cinayət işində şahid qismində dindirilib. Onu sahibkarlar Elşad Abdullayev, Vüqar Əliyev və digərlərinin telefonlarının qanunsuz dinlənilməsi epidozu üzrə dindiriblər. T.Quliyev bildirib ki, telefonların dinlənilməsi barədə tapşırıq ona rəsmi qaydada, göstəriş vərəqələrində çatdırılıb. Lakin telefonların hansı əsasla dinlənildiyini araşdırmaq və buna icazə verən məhkəmə qərarının olub-olmadığını yoxlamaq onun səlahiyyətində deyildi. Generalın bildirdiyinə görə, həmin sahibkarların telefon danışıqlarının dinlənilməsinin təşəbbüskarı MTN-də Çovdarovun rəhbərlik etdiyi idarənin məsul əməkdaşı Azər Əliyev olub. Və tapşırıq Çovdarovun özü tərəfindən təsdiqlənib. T.Quliyev bildirib ki, mərkəzin əməkdaşları telefon danışıqlarının dinlənilməsinin nəticələrini Çovdarovun idarəsinə təqdim edirdi. Generalın bildirdiyinə görə, telefonların dinlənilməsi nazir Eldar Mahmudovun özünün icazəsi olmadan həyata keçirilə bilməzdi. Habelə T.Quliyev sahibkar Allahverdiyev Səhrab Mustafa oğlunun telefonlarının dinlənilməsinə dair göstərişi MTN-in idarə rəisi, general Sübahir Qurbanovdan aldığını bildirib. Monitorinq Mərkəzinin hazırda həbsdə olan əməkdaşı Fərhad Atayev də ifadəsində telefon danışıqlarının dinlənilməsini nazir E.Mahmudovun xüsusi icazəsi ilə həyata keçiriblər. Monitorinq Mərkəzinin digər əməkdaşı Anar Verdiyev isə etiraf edib ki, onların praktikasında  telefon nömrələrinin qeyri-rəsmi dinləməyə qoşulması mövcud olub. Və bu barədə tapşırıqları rəisi Teymur Quliyevdən alıb. Verdiyev T.Quliyevin ona azı 10 telefon nömrəsini qeyri-rəsmi dinləməyə qoşmaq barədə göstəriş verdiyini deyib.

17 Oktyabr 2016 12:05

Türk ordusu Dabıq əməliyyatına başladı:İŞİD üçün “Qiyamət savaşı” gəldi!

dollar-300x169

"Fərat qalxanı" əməliyyatı çərçivəsində Suriyanın şimalına girən Türkiyə ordusu daha bir mühüm hərbi əməliyyata başlayıb. Strateq.az xəbər verir ki, əməliyyatın budəfəki hədəfi əl-Bab qəsəbəsinin 3 km-liyində yerləşən Dabıq kəndini tutmaqdır. Əslində ciddi hərbi strateji önəmə sahib olmayan  Dabığın İŞİD üçün xüsusi anlamı var. “Xilafətçi”lər bu kənddə başlayacaq savaşdan sonra qiyamətin qopacağınainanırlar. Əsaslandıqları dəlil isə ən etibarlı sünni qaynaqlardan sayılan Müsliminhədis kitabıdır. Kitabın 2897-ci səhifəsində (34-cü cild) yer alan 5018 nömrəli hədisdə deyilir: “- Yenə Əbu Hureyrə (radıyallahu ənh) nəql edir: "Rəsulullah (əleyhissalatu vəssalam) buyurdu ki: "Rumlar, Ə'maq və Dabiq adlanan yerlərə enmədikcə qiyamət qopmaz. Onlara qarşı Mədinədən bir ordu çıxar. Bunlar o günün ərz (dünya) əhlinin ən xeyirlisidir. Bu ordunun əsgərləri döyüşmək üzrə səf-səf düzülüncə, rumlar xəbər göndərər: "Bizdən əsir edilənlərlə aramızdan çəkilin ki, onları öldürək!" Müsəlmanlar isə: -"Xeyr! Vallahi, sizinlə qardaşlarımızın arasından çəkilmərik" deyərlər. Bundan sonra (müsəlmanlar) onlarla hərb edərlər. Hərbə qatılan müsəlmanların üçdə biri qorxudan həzimətə uğrayar; Allah əbədi olaraq onların tövbəsini qəbul etməyəcək. Üçdə biri qətlə yetirilər; bunlar Allah qatında şəhidlərin ən fəzilətliləridir. Üçdə biri qalib olur: bunlar əbədi fitnəyə düşməz və İstanbulu fəth edərlər …” Göründüyü kimi, hədisdə qiyamətdən əvvəl müsəlmanların Dabıqda rumlarla vuruşacağı və axırda İstanbulu alacaqları bildilir. Anadolu fəth edildikdən sonra belə, indiki Türkiyə ərazisinə İslam ədəbiyyatında “diyari-Rum” deyildiyindən və İŞİD anlayışına görə, rəsmi Ankara islami rejim kimi görülmədiyindən, “xilafətçilər” hədisdəki rumların elə türklər olduğuna inanırlar. Əks tərəfin ən strateji şəhərlərindən birinin İstanbul olması da “xilafətçilər” üçün arqumentlərini gücləndirən dəlillərdəndir. İŞİD-çilərin özlərinin Haqq yolunda olduqlarına inandıran digər dəlil Dabıqda rum əsgərləriylə qarşılaşacaq İslam ordusunun Mədinə kökənli olmasının xəbər verilməsidir. Sirr deyil ki, İŞİD də öz maliyyə, hərbi sursat, ideoloji qaynaqlarını, hətta yeri gələndə sosial bazasını da Səudiyyə Ərəbistanından alır. Bu məntiqlə, İŞİD-i krallığın adı qoyulmayan qoşunu saymaq olar. Odur ki, Türkiyə ordusunun Dabığı alması ilə İŞİD ideoloqlarının bu günə qədər müqəddəs donuna bürüdükləri bir arqumentin sıradan çıxacağı gözlənililir. Nədən ki, hədisdə Mədinə kökənli müsəlman ordusunun 3/1-nin vəlvələyə düşərək qaçacağı, 3/1-nin öldürüləcəyi bildirilsə də, digər 3/1-nin qalib gələcəyi, hətta rumları İstanbula qədər qovalayacağı və bu şəhəri də alacağı vəd olunur. İŞİD həmin hədisin mənəvi cazibəsinə elə qapılıb ki, ingiliscə dərc etdikləri rəsmi jurnalı belə “Dabıq” adlandırıb. Bu gün isə türk ordusu öz zirehli texnikaları və hərbi qüvvələri ilə Dabıq istiqamətində irəliləyir. Hərbi ekspertlərin təxminlərinə görə, Dabığı almaq Türkiyə Silahlı Qüvvələri üçün çətin olmayacaq. Əsas döyüşlərın isə Dabıqdan sonra başlanacaq əl-Bab və Raqqa əməliyyatlarında gedəcəyi güman edilir. İŞİD-in hədislərin kölgəsinə sığınıb alınmaz qala hesab etdikləri Dabıqdan sonra ciddi mənəvi sarsıntıya düşəcəyi və bu psixoloji sarsıntının yaxınlarda İraqda başlayacaq Mosul hərəkatına da təsir göstərəcəyi ehtimal olunur.

15 Oktyabr 2016 6:53

ƏRDOĞANIN “POKER OYUNU” VƏ… – “Kartlarla iki partiyanı eyni zamanda oynamağı bacarır”

dollar-300x169

“Rusiyanın “Su-24” bombardmançı təyyarəsinin vurulması hadisəsindən bir il keçdikdən sonra ,biz Rusiya ilə Türkiyə arasındakı münasibətlərin istiləşməsini müşahidə edirik. Bir çox məsələlərdə ümumumi dil tapılmamasına baxmayaraq, əsas etibarı ilə tərəflər dialoqa tam açıqdırlar”. Bu fikirlər İtaliyanın “Gli Occhi Della Guerra” nəşrində Türkiyə -Rusiya münasibətlərinə həsr edilmiş geniş yazıda yer alıb. “AzPolitika.info”nun məlumatına görə, məqaləda daha sonra bildirilir: - Ankara ilə Moskva arasındakı əlaqələrin bərpa edilməsi,təkcə Türkiyədə baş tutmayan dövlət çevrilişi cəhdi ilə bağlı deyil. Hələ 15 iyula kimi,Binəli Yıldırım baş nazir təyin olunmuşdu və o, “düşmənlərin sayını azaltmağa və müttəfiqlərin sayını artırmağa” söz vermişdi. Bu cür xarici siaysət strategiyası, ən azından Kremllə münasibətlər baxımdan işə yaradı və ölkələr arasındakı gərginlik tədrcən səngidi. İlk öncə biz ölkələrin bir-birlərinə yaxınlaşma siqnallarına şahidlik etdik. Sonra Sakt-Peterburq sammitində görüş keçirildi. Uğursuz çevriliş cəhdinin ardından höumətə yaxın KİV-lər, nəhayət Rusiya təyyarəsinin vurulmasında Fətullah Gülənin tərəfdarı olan pilotun məsuliyyət daşıması hipotezasına şübhə ilə yanaşmadılar.Belə bir hipoteza doğrudurmu? Müəyyən qədər doğrudur.Amma sössüz ki, bu siyasi iqlimin göstəricisi də sayılmalıdır. Atom enerjisi və qaz. Gündəlikə duran məsələlər çoxdur. Ən əvvəl bu enerji sektoruna aiddir. Bir tərəfdən “Türk axını”layihəsi sayəsində Rusiya qazı Türkiyədən keçməklə Avropaya çatdırılacaq. Qarşıya qoyulan məqsəd – illik 63 milyard kubmetr qazın nəql olunmasıdır. Bu isə Ukraynadan keçən qaz kəmərinə alternativdir. Sonrakı layihə isə Mersin əyalətində tikiləcək Akkuyu atom stansiyasıdır. Rusiyanın “Rosatom”şirkəti bu layihəni” Su-24”təyyarəsi vurulduqdan dərhal sonra təxirə salmışdı. Suriya böhranı Dialoqa qayıtmaq, Suriya məsələsindəki əhval-ruhiyyədə də dəyişiklik yaradıb. İndiki anda ,ilk baxışda Ankara və Moskvanın mövqeləri barışmaz görünür. Ərdoğan, İran və Putinin müttəfiqi olan Bəşər Əsədi Dəməşqdə görmək istəmədiyini heç zaman gizlətməyib. Lakin bu, Ankaraya türklərin maraqlarına cavab verən effektli “Fərat qalxanı”əməliyyatının planlaşdırılmasına mane olmadı. Türkiyə ordusu qonşu dövlətin ərazisinə girdı. Döyüşən Suriya müqavimət qüvvələrinə qalxan olaraq, uzun müddət İŞİD-in əlindəki Cerablusu aldıqdan sonra daha da irəlilədi. İndi də şimalda de-fakto bufer zona yaradılmasına nail olmaq istəyir. Sössüz ki, onların başlıca məqsədi İŞİD cihadçılarını sərhədlərdən uzaq tutmaqdır. Digər  bir məqsəd isə Qərbin əməkdaşlıq etdiyi və PKK terror təşkilatı ilə yaxınlığına görə, Türkiyənin terrorçu saydığı YPG silahlılarını öz sərhəddindən geri itələməkdir. “Fərat qalxanı”əməliyyatı, bu yaxınlaradək Türkiyəni ittiham edən Putinin səssiz razılığı ilə başladı. Öz tərəfindən Ərdoğan da Hələbdə baş verənlərlə əlaqədar Rusiyanın kəskin tənqid etmir. Bəlkə də onların bu cür yanaşmaları –Suriyanın şimalı kürd muxtariyyatı təhlükəsindən azad edilməsi müqabilində Hələbdəki müqavmət qüvvələrinə türklərin yardımının azaldılması ilə əvəzlənməsindən qaynaqlanır. Birlikdə Amerikaya qarşı? Rusiya və Türkiyə arasındakı yaxınlaşamdabəzi  faktları da yaddan çıxarmaq olmaz:.Əvvala, Türkiyə NATO-nun üzvüdür . Əgər hətta ABŞ-Türkiyə münasibətlərini xoşagələn olmasa  belə,  Ankara ilə Vaşinqton arasındakı əlaqələrin qopması barəsində fikir söyləmək doğru olmaz. Suriya kürdləri məsələsində Amerika ilə fikir ayrılığına baxmayaraq, Ərdoğan strateji nöqteyi-nəzərdən tamamilə praqmatik düşüncələrı əsas götürərək, Vaşinqtonla  münasibətləri pozmaq niyyətində deyil. Ancaq ikinci bir tərəfdən o, ABŞ və Avropa Birliyinin mənfi  reaksiyasına baxmayaraq, Türkiyənin iqtisadi maraqlarını əsas götürərək Putinlə yaxınlaşmaqdan da çəkinmir. Hətta bu istiqamətdə cidddi addımlar atır. Bu cür coxgedişli siyasi xətt yürütdüyünə görə, bəzən ekspertlər Ərdoğanı “poker oyunçusu”na bənzədir. Görünən odur ki, həqiqətən Türkiyə prezidenti,  obrazlı desək, kartlarla iki partiyanı eyni zamanda oynamağı bacarır.  AzPolitika.info

14 Oktyabr 2016 8:10

Rusiya əhalisi dövlətə etibarını itirir

shakro_maladoy-xeber1

Son sorğular Rusiyada əhalinin hökumətə etibarının son bir ildə 2 dəfə azaldığını göstərib. Əhalinin etibarını əks etdirən rəqəmləri sosial araşdırmalar aparan «Levada» Mərkəzi açıqlayıb. Mərkəzin məlumatına görə, respondentlərin cəmi 26%-i Rusiya hökumətinə etibar etdiyini deyir. «Interfax»agentliyi bu göstəricinin keçən il 45% olduğunu yazır. Builki sorğuda iştirak edən respondentlərin cəmi 22%-i Dövlət Dumasına etimad göstərib. Bu göstərici keçən il 40% olub. Hakim qüvvələr arasında ən çox etibar edilən – prezident Vladimir Putin-dir. Respondentlərin 75-% Putin-ə inandığını bildirib. Amma bu rəqəm də ötənilki ilə müqayisədə azdır, keçən il prezidentə inananlar 80% idi. Orduya etibar edənlərin göstəricisi 64%-dən 60%-ə, təhlükəsizlik orqanlarına etimad göstərənlərin sayı 50%-dən 46%-ə düşüb. KORRUPSİYA QALMAQALLARI Polis və prokurorluğa bel bağlayanların sayı 24%-ə, məhkəmələrə inananlar 22%-ə qədər azalıb. «The Moscow Times» qəzetinin yazdığına görə, bu rəqəmlərin azalmasının səbəblərindən biri Rusiya Tədqiqat Komitəsində baş vermiş korrupsiya qalmaqalları ola bilər. Rusiyada respondentlərin yalnız ¼-i mətbuata (27%), 43%-i kilsəyə etimadını bildirib. Bu rəqəmlər də keçən illərkilərlə müqayisədə aşağıdır. Siyasi partiyalara inam 20%-dən 12%-ə düşüb. Rusiya banklarına inam 15%-dən də aşağıdır. «Levada» Mərkəzinin məlumatına görə, sentyabrda keçirilən sorğuda Rusiyanın 137 yaşayış məntəqəsində 1600 vətəndaşın rəyi öyrənilib.

14 Oktyabr 2016 12:12

Rusiya ölkəyə giriş-çıxışı pullu etmək istəyir:Nəqliyyat Nazirliyi bu təkliflə çıxış edib

rusiya-yol

"Kommersant" qəzeti yazır ki, Rusiyanın Nəqliyyat Nazirliyi ölkə sərhədlərinin avtomobil və yük qatarları ilə keçilməsi zamanı ödənişin tətbiqini təklif edir. HƏR KİLOMETRƏ 1,5 RUBL Pullar artıq Rusiya yollarında ödəniş toplanmasında istifadə olunan "Platon" sisteminə bənzər sistem vasitəsilə yığılacaq. Toplanmış pulları sərhəd-keçid məntəqələrinin təchizatına xərcləmək təklif olunur. "Birinci mərhələdə avtomobil və dəmiryol sərhəd keçid məntəqələrinin pullu edilməsi təklifi var. Nazirlik avtomobillərdən onların kateqoriyalarına (minik, yaxud yük) görə pul almaq istəyir", – deyə qəzet yazır. İdeyanın gerçəkləşdirmə vaxtı, habelə giriş və çıxış üçün ödəniləcək məbləğ kimi detallar açıqlanmır. Hökumətdəki mənbələr bildirirlər ki, nazirlik ödənişlərin toplanması üçün vahid operator yaratmaq istəyir. Rusiya Federasiyasında ötən il noyabrın 15-dən fəaliyyət göstərən "Platon" sistemi çəkisi 12 tondan ağır olan maşınların sürücülərindən hər kilometrə 1,5 rubl alır. "Platon" sisteminə xidmət göstərənsə "RT İnvesttransportnıye sistemı" şirkətidir. Bu şirkət "Rostex" və Putinin dostu, iş adamı Arkadiy Rotenbergin oğlu Igor Rotenberg-in nəzarətindədir. (Azadlıq radiosu) 250 MİLYARD RUBL LAZIMDIR Bu il Rosgranitsa – Rusiyanınn Sərhəd Agentliyinin ləğvindən sonra sərhəd-keçid məntəqələri Nəqliyyat Nazirliyinin səlahiyyətinə verilib. Nəqliyyat nazirinin müavini Aleksey Sdenov məntəqələrin müasirləşdirilməsinə gərəkən xərcləri 250 milyard rubl (3,9 milyard dollardan artıq) həcmində dəyərləndirib. Onun sözlərinə görə, fəaliyyətdə olan 314 keçid məntəqəsinin ən uzağı 20%-i texniki təchizatla bağlı normativ tələblərə və sərhədi keçənlər üçün sanitar-məişət şərtlərinə cavab verir: "Bu gün 200-250 məntəqənin yenidənqurma və müasirləşdirmə işlərinə kapital qoyuluşu tələb olunur", – deyə Sdenov bildirib. Onun sözlərinə görə, bir məntəqənin yenidən qurulmasının orta xərci 1 milyard rubldur. Nəqliyyat Nazirliyi bu ayın ikinci yarısında sərhədlərin keçilməsi zamanı ödənişin tətbiqinə dair geniş müşavirə planlaşdırır. Sərhəd məntəqələrindən istifadəyə görə ödənişin artıq gələn ilin ikinci yarısı tətbiq edilə biləcəyi deyilir.

13 Oktyabr 2016 7:51

Deputat Mirzəcan Xəlilova daha bir borc ittihamı

ff

Usta Rizvan Şükürov: “O, bizim də 12800 manat borcumuzu vermir” Laçın rayon sakini Zülfüqar Əliyev adlı şəxsin Milli Məclisin deputatı, “Azərsutəchizattikinti” ASC-nin sədri Mirəzəcan Xəlilovdan şikayəti “Yeni Müsavat”da dərc olunduqdan sonra redaksiyamıza daha bir usta briqadasının iki nümayəndəsi gələrək deputatdan şikayətləniblər.  Rizvan Şükürov və Vasif Həsənov adlı şəxslər şikayətlərinin yuxarı instansiyalara çatması üçün “Yeni Müsavat”da dərc olunmasını xahiş ediblər. Ağdam rayonundan olduğunu bildirən Rizvan Şükürovun dedikləri: “Qəzetdə Mirzəcan Xəlilovdan şikayətin yazıldığını oxuduq və qərara gəldik ki, biz də redaksiyaya gəlib dərdimizi çatdıraq. Bəlkə müvafiq dövlət orqanlarının rəhbərləri bizə kömək etsinlər. Mənim rəhbərlik etdiyim 6 nəfərlik briqada Mirzəcan Xəlilovun Novxanıdakı villasının içərisində malyar, alçipan, ”poduqa" işini işləyib. Adlarını da çəkə bilərəm-  Qafur Həsənov, Vasif Həsənov, Vüqar Hüseynov, Şahmalı Səmədov, Fəxri Xanlarzadə. Mirzəcan müəllimin şəxsən özü ilə qiymət razılaşmamız olub. 2014-cü ilin iyun ayında işə başlamışıq. Bir il sonra işi yekunlaşdırıb təhvil vermişik. İş kvadratla ölçülüb hesabatı gedib, bəlli olub ki, 79 min 8 yüz 50 manat zəhmət haqqı edir. Mirzəcan Xəlilov həmin məbləğin 12800 manatını borclu qalıb. Bu günə qədər həmin borcu vermir. Neçə dəfə ofisə yanına getmişəm, pulu verməkdən imtina eləyib. İşi Mirzəcan müəllimlə mən danışdığım və briqadir olduğum üçün ustalar zəhmət haqlarını məndən tələb edirlər. Mirzəcan müəllim isə qalan pulu vermədiyi üçün ustalarla üz-göz olmuşam. Bu problemlə bağlı Milli Məclisin sədri Oqtay Əsədova, baş prokuror Zakir Qaralova rəsmi ərizə də yazmışam. Ancaq hələ ki nəticə yoxdur. Ölkə rəhbərliyindən artıq dərəcədə xahiş edirəm, deputat Mirzəcan Xəlilova bizə olan borcunu ödəməsi üçün təsir göstərilsin". Cəlilabad rayonundan olan Vasif Həsənov isə villada malyar işi üzrə usta işlədiyini bildirdi: “Mirzəcan Xəlilovun verməli olduğu 12800 manatdan mənə də zəhmət haqqı olaraq müəyyən məbləğ çatmalıdır. Mən də xahiş edirəm borcumuzun verilməsinə köməklik göstərilsin. Bizim Mirzəcan müəllimlə heç bir qərəzimiz, düşmənçiliyimiz yoxdur. Zəhmət haqqımızdan artıq bir manatı da bizə lazım deyil. İşləmişik, pulumuzu axıradək versin”. Xatırladaq ki, ötən həftə redaksiyamıza müraciət edən Zülfüqar Əliyev adlı briqadir də 2013-cü ildə briqadiri olduğu 20 nəfərlik usta-fəhlə heyəti ilə Mirzəcan Xəlilovun Novxanıdakı villasında fasadın təbii daş örtüyü ilə üzlənməsi üçün işə başladıqlarını,  2014-cü ilin may ayına qədər işlərin 90 faizə yaxınının görüldüyünü, Mirzəcan Xəlilovun ona 55 min manat borcunu hələ də vermədiyini bildirmişdi. Z.Əliyev 2014-cü ilin mayında M.Xəlilovun onu yox etməklə hədələdiyini, eyni zamanda 2016-cı ilin mayında tutdurmaq üçün məhkəməyə də verdiyini demişdi. Deputat Mirzəcan Xəlilov isə dünən modern.az-a açıqlamasında bildirib ki, Zülfüqar Əliyevin onun  haqqında  dedikləri şər-böhtandır: “Axı nəyə görə 2013-cü ildə görülmüş iş haqqında indi məsələ qaldırırlar? Adama deyərlər ki, sən bu 3 ili harada yatmışdın? İndi Mirzəcan Xəlilov deputat olub deyə, Zülfüqar Əliyev də şantaj, şər-böhtan yolu ilə pul almaq istəyir. Mən 2013-cü ildə özümə ev tikdirəndə heç deputat da deyildim, sadə bir adam idim. Zülfüqar Əliyev elə o zaman gələrdi və nə problemi var idisə, üzbəüz oturub həll edərdik. Artıq Zülfüqar Əliyevi Ağdam Rayon Məhkəməsinə vermişik. Ədliyyə Nazirliyinin Ekspertiza İdarəsi də gəlib evdə hansı işlərin görüldüyü ilə tanış olacaq. Həmin vaxt mənə şər-böhtan yağdıran Zülfüqar Əliyev də, digər fəhlə və ustalar da iştirak edəcək. Qoy Zülfüqar göstərsin ki, mənim evimdə hansı işləri görüb. Zülfüqar Əliyev özü etiraf edir ki, məndən 160.000 manat pul alıb. Amma 160.000 manatdan sonra biz özümüz onun 20.000 manat borcunu bağlamışıq. O, bu gün 160.000 manatı ortalığa qoysun. Bilək, görək ki, o qədər məbləğin qarşılığında hansı işləri görüb kimə və hara verib. Bizim heç bir usta və fəhləyə borcumuz qalmayıb, hamısını bağlamışıq. Zülfüqarın özü mənə 55.000 manat pul borcludur. Pullarımı yedi qaçdı, işləri də yarımçıq qoydu".

12 Oktyabr 2016 11:26

İstanbulda barış möhkəmləndi… –Politoloqdan Putin, Ərdoğan və Əliyevin görüşlərinə reaksiya

ff

Xəbər verdiyimiz kimi, dünən İstanbuldaə 23-cü Dünya Enerji Konqresi öz işinə başlayıb. Tədbir 4 gün – oktyabrın 13-dək davam edəcək. Təbii ki, əsas diqqət Konrqesin açılışına idi. Çünki açılışa bir neçə dövlətin lideri qatılmışdı. Xüsusən Rusiya prezidenti Putinin mərasimə qatılması və oradakı çıxışı dünya mediasının da diqqətində oldu.   Bu və ya digər məqamlarla bağlı “Atlas” Araşdırmalar Mərkəzinin rəhbəri, politoloq Elxan Şahinoğlu öz fikirini açıqlayıb. O, bildirib ki, Vladimir Putinin İstanbula səfərində iki məqsədi olub: "Putinin birinci məqsədi Konqresdə iştirakı və çıxışı vasitəsilə enerji mövzusunda beynəlxalq aləmə mesajlar göndərmək idi. İkinci məqsədi İstanbulda Ərdoğanla mühüm sazişlərə imza atmaq idi. Rusiya prezidenti hər iki məqsədinə nail oldu. Putin son iki ildir ki, Qərb ölkələrinə səfərlər edə bilmir. Ukrayna və Suriya siyasətinə görə Putini Qərb dövlətləri səfərə dəvət etmir, münasibətlər son dərəcə gərgindir, sanksiyalar da bir tərəfdən Rusiyanın problemlərini artırır. Misal üçün Fransa prezidenti Fransula Olland bu ay Putini ölkəsinə dəvət edib. Ancaq Putinin Suriya siyasəti, Hələb şəhərinin bombalanması və bunun nəticəsində yaranan humanitar böhran, üstəgəl də Rusiyanın BMT Təhlükəsizlik Şurasında Fransanın Suriya ilə bağlı qətnaməsini veto etməsi Ollandı Putini ölkəsinə dəvət edib-etməmək dilemması qarşısında qoyub". Politoloq deyir ki, Türkiyə Putin üçün istisnadır. Rusiya prezidenti nəinki Türkiyəyə gedib bu ölkənin rəsmiləri ilə görüşüb böyük ikitərəfli sazişlərə imza atacaqdı, İstanbulda keçirilən böyük enerji konfransında çıxış edəcəkdi: "Təkrar edirəm ki, Putinin bu cür tribunaya ehtiyac var. İki dövlət arasında yeganə fikir ayrılığı yaradan mövzu Suriyadır ki, buna da çarə tapıblar: Türkiyə Əsədə qarşı ritorikasını yumşaldıb, Suriyadakı hədəfi ancaq terrorçulardır, Rusiya isə silahlı kürdlərə dəstək verməyəcək. Suriya ilə bağlı işə yaramayan Rusiya-ABŞ anlaşmasından fərqli olaraq Ankara ilə Moskva öz aralarındakı anlaşmalara riayət edəcəklər. Çünki hər ikisinin bir-birinə ehtiyacı var". Ekspertin sözlərinə görə, Putinin İstanbula səfəri və Ərdoğanla görüşü son dərəcə səmərəli keçdi: "Sanki, iki dövlət arasında münasibətlər heç gərginləşməmişdi. Putinin Konqresdə çıxışının əsas qayəsini bu sözlər təşkil etdi: “Dünyanın neft və qaz kimi enerji resurslarına hələ çox ehtiyacı olacaq”. Bu Qərbə mesaj idi. Çünki, Qərb ölkələri son illər apardığı elmi tədqiqatları genişləndirirlər ki, neft və qazdan asılılıqlarını azaltsınlar. Ancaq Putinin sözlərindən çıxan nəticə budur ki, neft və qazı əvəz edəcək alternativ enerji yaxın onilliklərdə effektiv olmayacaq. Çətin ki, Avropa ölkələri bu qənaəti bölüşsünlər. Qərb ölkələri günəş və külək enerjisinin payını artırır, avtomobil yanacağını elektriklə əvəz etmək üzərində çalışmalarını genişləndirirlər". E.Şahinoğlu deyir ki, Putinin İstanbula səfərini ikinci hissəsi Ərdoğanla ikitərəfli görüşə həsr edildi. Demək olar ki, iki ölkə arasındakı münasibətlər təyyarə vurulmamışdan öncəki strateji tərəfdaşlıq illərinə qayıtdı: "1. İstanbulda “Türk axını” sazişinə imza atıldı; 2. Rusiya Türkiyədə Akkuyu nüvə elektrik mərkəzini inşa edəcək; 3. Rusiya öz bazarını yenidən Türkiyənin kənd təssərrüfatı malları üçün açdı; 4. Hər iki ölkədə turizm sərgiləri keçiriləcək; 5. İki ölkənin ordu komandanlıqları və kəşfiyyat xidməti rəhbərləri əlaqəli şəkildə fəaliyyət göstərəcəklər; 6. İki ölkə Suriya probleminin sülh yolu ilə ətrafında dialoqu davam etdirəcəklər. Bir səfər üçün bu, çox böyük nəticədir. Üstəgəl Türkiyə rəsmiləri imki ölkə arasındakı ticarət mübadiləsini 100 milyard dollara çatdırmaq istəyini yenidən dilə gətirdilər. Halbuki, Rusiyanın ən yaxın tərəfdaşı olan Çinlə ticarət həcmi heç bu qədər deyil". İstanbul Konqresində Azərbaycan prezidenti İlham Əliyevin də iştirakının əhəmiyyətli olduğunu deyən politoloqun sözlərinə göörə,  Azərbaycan prezidentinin Konqresdəki çıxışı iki hissədən ibarət idi: "İlham Əliyev birinci hissədə Azərbaycan-Türkiyə strateji müttəfiqliyinin əhəmiyyətindən danışdı, bunun daimi olacağını bir daha xatılatdı və 15 iyulda çevriliş cəhdinin alınmasına görə Ərdoğanı və türk millətini təbrik etdi. İlham Əliyev ikinci hissədə Azərbaycanla Türkiyənin bölgənin iki əsas enerji oyunçusu olduğunu bildirdi. Azərbaycan prezidenti icra edilən və planlaşdırılan layihələrin dünya üçün böyük əhəmiyyət kəsb etdiyini vurğuladı. Konqresdə 3 ölkənin prezidentlərinin yanaşı əyləşərək bir-birləri ilə söhbət etmələri diqqət çəkici idi. Bu görüntü ondan xəbər verir ki, Rusiya, Türkiyə və Azərbaycan arasındakı əməkdaşlığın genişlənməsi həm bu ölkələrin, həm də bölgənin xeyrinədir. Sadəcə, Ermənistanın Azərbaycana qarşı işğalının davam etdirməsi və Rusiyanın Ermənistan hakimiyyətə təsir edib ilkin olaraq Dağlıq Qarabağ ətrafındakı rayonların boşaldımasını sürətləndirməməsi bölgədə sülh və əmin-amanlıq üçün başlıca manədir. Aydnıdır ki, İlham Əliyev və ya Rəcəb Təyyub Ərdoğan İstanbulda rusiyalı həmkarıyla Dağlıq Qarabağ münaqişəsinin həlli vacibliyi haqqında fikir mübadiləsi aparmadılar. Çünki Enerji Konqresində prezidentlərin çıxışları və aralarındakı qısa fikir mübadilələri yalnız mövzuya aid idi. Buna baxmayaraq, Kremlə aydın olmalıdır ki, Rusiya-Türkiyə-Azərbaycan üçlüyünün siyasi, iqtisadi və hərbi zəmində yaxın inteqrasiyası Dağlıq Qarabağ münaqişəsinin həllindən keçir". Faktinfo.az

11 Oktyabr 2016 12:24

Ərdoğan:“Türkiyə öz təhlükəsizliyi ilə bərabər dünyanın enerji təhlükəsizliyi üçün də mübarizə aparır”

qorbacov-300x189

“Türkiyə alternativ enerji qaynaqları baxımından zəngin bir ölkədir. Günəş, külək və su elektrik enerjisinin ölkənin enerji təchizatında çəkisini 30 faizə çatdırmağı qarşımıza qoymuşuq”. Bunu İstanbulda 23-cü Dünya Enerji Konqresinin açılış mərasimində çıxış edən Türkiyə prezidenti Rəcəb Tayyib Ərdoğan deyib. O bildirib ki, son vaxtlar neftin qiyməti aşağı düşür və bu da neft sahəsinə qoyulan sərmayələrin azalması təhlükəsini yaradır: “Biz bu məsələləri müzakirə etməliyik. Neftin qiymətinə müvafiq olaraq təbii qazın qiyməti də enməlidir”. R. T. Ərdoğan qeyd edib ki, zəngin karbohidrogen qaynaqlarına sahib olmaq təkbaşına zənginliyə, sabitliyə nail olmaq demək deyil: “Afrikada və  Orta Şərqdə biz bunu görürük. Hətta bu bölgələrdə yaşayan insanların çoxunun enerji təminatı sahəsində problemləri var”. Türkiyə prezidenti İraq və Suriyaya maraqlarının əsas səbəblərindən birinin bu ölkələrdə fəaliyyət göstərən PKK və İŞİD terror təşkilatları olduğunu bildirib: “Dünən Şəmdinlidə PKK terrorçularının törətdiyi terror aktı nəticəsində 18 əsgər və mülki şəxs həyatını itirib, bu gün onlar dəfn edilirlər. Bu, təhlükəsizlik qurumlarımızın mübarizəsi ilə küncə sıxılmış PKK-nın son cəhdləridir. Ancaq terror qlobal problem olduğu üçün dünyanın terrorla birgə mübarizəsi vacibdir. Türkiyənin İraq və Suriyada fəaliyyəti bir məcburiyyətdir. Türkiyə öz təhlükəsizliyi ilə bərabər dünyanın enerji təhlükəsizliyi üçün də mübarizə aparır”.

10 Oktyabr 2016 6:11

Yeni prezident seçkiləri keçirilməlidir, ya yox? –Siyasətçilər hüquqa istinad edirlər

toyuq-300x225

Sentyabrın 26-da keçirilən referendumun nəticələrinin qüvvəyə minməsindən sonra prezident və parlament seçkilərinin təyin ediləcəyi barədə xəbərlər yayılmaqdadır. Seçki Məcəlləsinin 138.1 və 138.4 maddəsinin tələbinə görə, referendumun yekun nəticələri ən geci oktyabrın 21-dək MSK tərəfindən rəsmən elan edilməlidir. Konstitusiyaya yeni dəyişikliklər bundan sonra qüvvəyə minəcək. Məlumatlara görə, Mərkəzi Seçki Komissiyası gələn həftə sözügedən addımı atacaq. Referendumun nəticələri qüvvəyə mindikdən sonra ölkə prezidenti konstitusiyaya əsaslanaraq 1-ci vitse-prezident, vitse-prezidentlər təyin etməlidir. Hakimiyyət rəsmilərinin, iqtidara yaxın deputatların, bir sıra siyasətçilərin və ekspertlərin indiyə qədər verdiyi açıqlamalarda, proqnozlarda referendumun nəticələrinin qüvvəyə minməsindən sonra ölkədə ciddi dəyişiklərin, islahatların həyata keçiriləcəyi vurğulanır. Referendumun nəticələri təsdiq olunub qüvvəyə mindikdən sonra islahatlar bütün istiqamətlərdə özünü göstərəcək. Açıqlamalarda və məlumatlarda qeyd edilir ki, bu ilin sonuna kimi ölkə idarəetməsində inqilabi səviyyədə dəyişikliklər, islahatların şahidi olacağıq. İqtisadi və siyasi islahatlar yeni prezident seçkilərini də gündəmə gətirib.Məlumdur ki, yeni konstitusiya dəyişikliyi ilə vitse-prezident, birinci vitse-prezident institutu təsis olunub və bu, yeni bir situasiya yaradıb. Azərbaycanda növbəti prezident seçkilərinə təxminən iki il müddət qalır. Parlament seçkiləri isə bir il öncə keçirilib. Lakin Konstitusiyadakı yeni dəyişikliklər prezidentə yeni prezident və parlament seçkilərinin keçirilməsi barədə sərəncam vermək səlahiyyəti verir. Xəbərlərdə bildirilir ki, növbədənkənar prezident seçkilərinin bu ilin dekabrında, parlament seçkilərinin isə gələn ilin martında, yaxud hər iki seçkinin dekabrda eyni gündə keçirilməsi istisna deyil. Müxalifət düşərgəsində tanınmış siyasətçilər hesab edir ki, yeni prezident və parlament seçkilərinin keçirilməsi gözləniləndir. Çünki hər şeydən öncə hüququn fəlsəfəsi bunu tələb edir. Bu barədə danışan Ümid Partiyasının sədri İqbal Ağazadənin sözlərinə görə, hüququn fəlsəfəsi onu tələb edir ki, Konstitusiya ilə icra strukturlarının və qanunverici orqanın vəziyyətində dəyişiklik olubsa, mütləq yeni seçkilər keçirilməlidir. Çünki 2013-cü ildə keçirilən prezident seçkilərində xalq konstitusiya ilə səlahiyyətləri başqa olan prezidentə səs verib. O cümlədən, 2015-ci il parlament seçkilərində də xalq səlahiyyətləri fərqli şəkildə olan Milli Məclisin seçkilərində iştirak edib: “Qanunun fəlsəfəsi onu deyir ki, bu, ya konstitusiyada keçid müddəaları altında ”filan ildən qüvvəyə minəcək" kimi xüsusi qeydlə qəbul olunmalı idi, ya da icra hakimiyyətinin və parlamentin vəziyyətində bu qədər dəyişikliklər baş veribsə-səlahiyyətlər artırılıb-azaldılıbsa, mütləq yeni seçkilər keçirilməlidir. Bu seçkilərin keçirilməsi barədə qərar qəbul etmək isə yeni qəbul edilən qanunla prezidentin səlahiyyətindədir. İndi prezidentin ixtiyarı var bu barədə qərarlar versin və bunu etməlidir.  Vitse-prezidentlərin təyin edilməsi, parlamentin buraxılması və digər bir sıra səlahiyyətlər 2013-cü ildə seçilən prezidentə verilməmişdi. Ona görə hökmən yeni prezident seçkiləri keçirilməlidir. Hesab edirəm ki, hüququn bu fəlsəfəsini hakimiyyət də kifayət qədər yaxşı bilir. Mütləq prezident və parlament seçkiləri keçirilməlidir". İ.Ağazadə bu işin nə qədər tez reallaşdırılacağını indidən dəqiq söyləməkdə çətinlik çəkir, amma islahatlar anonsu verirlərsə, əgər düşünürlərsə ki, idarəetmədə yeniliklər, yeni təyinatlar olacaq mütləq daha tezliklə olmalıdır: “Hüquq artıq bunu təsbitləyib. Bizim referenduma münasibətimizin, seçicinin münasibətinin, beynəlxalq təşkilatların münasibətinin nə olmasından asılı olmayaraq, 26 sentyabr tarixində keçirilən referendumdan sonra konstitusiyanın yeni tələbləri var və bunlar həyata keçirilməlidir. Prezident və parlament seçkiləri keçirilməyəcəyi təqdirdə yeni konstitusiya ilə verilən səlahiyyətlərdən prezidentin bu və ya digər şəkildə istifadə etməsi hüquqa zidd hesab oluna bilər. Əgər referendum konstitusiyada icra və qanunverici orqanın vəziyyətini dəyişməyib yalnız insan haqları ilə bağlı vəziyyəti dəyişmiş olsaydı, yaxud da daha aşağı qurumların vəziyyətini dəyişmiş olsaydı, prezident və parlament seçkilərinə heç bir ehtiyac qalmazdı”. Prezident və parlament seçkilərinə gediləcəyi halda bu seçkilərin ənənəvi şəkildə, yoxsa islahat adlandırılacaq səviyyədə keçiriləcəyi ehtimalına gəlincə, İ.Ağazadə qeyd etdi ki, bu barədə qəti bir fikir söyləmək çətindir: “Mən hüququ şərh elədim. Qalan hissəsinə isə seçkilərlə bağlı sərəncam veriləndən və hakimiyyətin yanaşmalarından, o cümlədən beynəlxalq təşkilatların münasibətindən, siyasi partiyaların yanaşmasından asılı olaraq rəy bildirmək olar. Hələlik isə hüququ şərh edərkən deyirəm ki, mütləq olunmalıdır”. VİP sədri Əli Əliyev də bildirdi ki, yeni redaktəli konstitusiya növbədənkənar prezident seçkilərini zəruri edir. Yəqin ki, Konstitusiya Məhkəməsinin qərarından sonra növbədənkənar seçkilərin təyinatı haqda məlumat alacağıq: “Gözlənilən prezident seçkilərinin demokratik və ədalətli olacağına inamım çox deyil. Lakin intuisiyam ondan sonrakı dönəmdə dəyişikliklərin olacağını deməyə ehtimal formalaşdırır. Hesab edirəm ki, seçkilər dəyişikliklərin anonsu olacaq. Dəyişiklik mütləq olacaq. Sadəcə olaraq, dəyişikliyin sərhədlərini cızmaq olmur. Əgər iqtidar ən yüksək səviyyədə bizi gözləyən siyasi, iqtisadi, maliyyə, beynəlxalq, ola bilər hərbi və sair kataklizmlərin fərqindədirsə, dəyişikliklər idarəçilik fəlsəfəsini, müvafiq olaraq menecment üslubunu və daha geniş kadr çevrəsini əhatə edəcək. Yox əgər, daxili müvazinəti qorumağa və daxili təzyiqi balanslaşdırmağa təşəbbüs olacaqsa, vəziyyətə müsbət çalar gəlməyəcək.  Seçim haqda rəyin ilk indikatoru isə prezident seçkilərindən sonra parlament seçkilərinin keçirilib-keçirilməməsi olacaq. Əgər prezident təkrar seçilərsə – buna mənim şübhəm çox deyil – gələn ilin birinci yarısında kirəcləşmiş bugünkü Milli Məclisin tərkibindən imtina edərək, yeni parlament seçkilərinə qərar versə, bu o deməkdir ki, islahatlar dərin və əsaslı ola bilər.  İqtidarın bir sıra iqtisadi yeniliklərini müşahidə etməkdəyik. Əgər reformalar siyasi müstəviyə də keçəcəksə, deməli iqtidarın əsaslı dəyişiklik istəyindən söz açmağın yeri olacaq. Digər versiyanı heç dilə gətirmək istəmirəm. Çünki vəziyyətin dondurulması və olduğu kimi yürüməsi aqibətimizi qeyri-müəyyən edir". Etibar SEYİDAĞA "Yeni Müsavat"

7 Oktyabr 2016 11:35

Rusiyadan ABŞ-a ultimatum:“Əsədə əl qaldırsa, cavabını alacaq!”

toyuq-300x225

“ABŞ Əsədə qarşı hər hansı hərbi müdaxiləyə başlayacağı təqdirdə, cavabını alacaq”ABŞ-a qarşı açıq təhdid xarakteri daşıyan bu sərtultimatumu Rusiyanın Müdafiə Nazirliyi verib. “Russia Todays”in xəbərinə görə, nazirlik S-300 və S-400 hava müdafiə sistemlərinin bölgədə yerləşdirildiyini və onların hazırda aktiv fəaliyyətdə olduğunu xatırladıb. Ekspertlər 3 gün öncə Rusiya ilə ABŞ arasında Suriya məsələsiylə bağlı müzakirələrin dayandırılmasından sonra bu ultimatumun verilməsini təsadüfi saymırlar. Xatırladaq ki, Ağ ev Moskvayla ikitərəfli əlaqələri təxirəsalma qərarınıRusiyanın Suriyadakı öhdəliklərini yerinə yetirməkdə uğursuzluğu ilə əsaslandırmışdı. ABŞ Xarici Dövlət Deparatmentinin nümayəndəsi Cohn Kirbi Suriyadakı son vəziyyətə bağlı yazılı açıqlamasında bu qərarın asan olmadığını vurğulayaraq, qeyd etmişdi: “Rusiya beynəlxalq humanitar yardım hüququ və BMT Təhlükəsizlik Şurasının 2254 saylı qərarı da daxil olmaqla, öz öhdəliklərini yerinə yetirmir, ya da yetirmək istəmir. Bu səbəbdən də Suriya rejiminin atəşkəs razılaşmasına uymasını təmin etmək mümkün olmur”. ABŞ bu bəyanatdan sonra Rusiya ilə birgə yaratdıqları Müştərək Tətbiq Mərkəzindəki bütün əməkdaşlarını geri çəkmişdi. Bununla belə, bölgədə xidmətdə olan əməkdaşlarının təhlükəsizliyi və Suriyada iki ölkə arasında qarşıdurmanın yaşanmaması üçün Rusiya ilə ünsiyyət kanallarını açıq tutacaqlarını da vurğulamışdı. Rusiya da ABŞ-ın bu ittihamlarına cavab vermiş, Xarici İşlər naziri Serqey Lavrovun diliylə əməkdaşlığın dayandırılmasının səbəbini Vaşinqtonun mövqeyindəki qeyri-müəyyənliklə əlaqələndirmişdi. Daha sonra Rusiya XİN-in yaydığı bəyanatda Suriyadakı öhdəliklərini yerinə yetirə bilməyən ABŞ-ın qəbahəti Rusiyanın üstünə atdığı vurğulanmışdı. Bütün bunlardan sonra Rusiya Müdafiə Nazirliyinin sözügedən ultimatumu verməsi Suriyada ciddi gərginliklərin yaşana biləcəyindən xəbər verir. Nədən ki, ABŞ Hava Qüvvələri zaman-zaman Əsəd rejiminin mövqelərinə ağır zərbələr endirir və bunun bir xəta üzündən baş verdiyini açıqlayır. Ən son bu cür ciddi insident ötən ayın ortalarında baş vermişdi. ABŞ-ın Deyr əz-Zor bölgəsində Əsəd ordusuna hava hücumu nəticəsində Suriyanın 85 hərbçisi həyatını itirmiş, 100-dən artıq əsgər yaralanmışdı. Görünür, Rusiya yenidən bənzər hücumların olacağından narahatdır. Amma bəzi ekspertlər bu nigarançılığı bölüşmür. Onların bildirdiyinə görə, əslində Obama hakimiyyəti çoxdan Yaxın Şərqdən çəkilmək istəyirdi. Bunun üçün isə bölgəni Rusiyaya tapşırıb ordan ayrılması onun maraqlarına daha çox cavab verirdi. Türkiyəylə başlatdığı Böyük Yaxın Şərq projesinin artıq əhəmiyyətini itirdiyini düşünən ABŞ-ın öz siyasətində söykəndiyi qüvvələri sıradan çıxarması da bununla bağlı idi. Həmin iddianı irəli sürənlər Türkiyədə uğursuz hərbi çevriliş cəhdinin də əslində planlı olduğuna inanırlar. Məqsəd Türkiyədəki müttəfiqlərini altından çıxa və özlərinə bəraət qazandıra bilməyəcəkləri günaha bulaşdırmaq, ölkə rəhbəri Ərdoğanı bölkənin yeni ağası Rusiya ilə əməkdaşlığa itələməkdi. Zira Türkiyənin Avropa ilə birlikdəliyi iqtisadi cəhətdən daha ciddi ittifaqın yaranmasını şərtləndirər, bu da gələcəkdə ABŞ-ı daha təhlükəli rəqiblə üz-üzə qoya bilərdi. Ümumiyyətlə son zamanlar ABŞ-ın siyasi oriyantasiyasında Qərbdən Şərqə yönəldiyi sezilməkdədir. Təsadüfi deyil ki, Yaponiya, Cənubi Koreya kimi inkişaf etmiş ölkələri də öz ətrafında birləşdirən və dünya istehsal gücünün 40%-ni əlindəcəmləşdirən Trans-Sakit okean İttifaqı ötən il 5 oktyabr tarixində Obamanın rəhbərliyi altında rəsmən elan olunmuşdu. Yeni ittifaqın qarşısında ən ciddi hədəf isə Çindir. Çini bu rəqabətdə təkləmək üçün Rusiyanın başını Yaxın Şərqdə qatmaq, ABŞ-ın indiyə qədərki müttəfiqləri və regional güclərlə ciddi rəqabətə sürükləmək tələb olunur. Rusiya Müdafiə Nazirliyinin son ultimatumu da ABŞ-a astaca bölgədən geri çəkilməsi və diplomatik sözlü çəkişmələrlə baş girələmək üçün kifayət qədər əsas verir.

6 Oktyabr 2016 8:24

Türk analitik: “Rusiya-İran-Suriya üçlüyünə Türkiyə, İraq və Səudiyyə Ərəbistanı qoşulsa…” –Təhlil

ob

ABŞ prezidenti Barak Obama və  kral Salman ibn-Əbdüləziz Səudiyyə Ərəbistanında görüş zamanı. 20 aprel 2016 © AP Foto, Carolin Kaster   Hüseyn Vodinalı Odatv.com (Türkiyə), 05.10.2016   Səudiyyə Ərəbistanı ABŞ-ın o qədər yaxın “müttəfiqiydi” ki, 51-ci ştat adlanırdı. Bu dövlət elə yaradıldığına görə də ABŞ-ın “böyük qardaşlıq” etdiyi britaniyalılara borcludur. Səudların Yaxın Şərqdəki səmimi dostu İsrail kimi. İraqın işğalı, Suriyada vətəndaş müharibəsinin gedişində, Fələstin məsələsində, Yəməndə, Bəhreyndə – hər yerdə və bütün sahələrdə səudlar Sem Dayının sadiq köləsiydilər. Hətta 11 sentyabr teraktı zamanı gizli maxinasiyalarda Buş ailəsinə yardım ediblər. Bu mövzu kminçünsə maraqlıdırsa, məsələn, Maykl Murun “Farengeyt 9/11”sənədli filminə və yaxud Oliver Stounun "World Trade Center” dramına baxa bilər. Və bütün bunlardan sonra indi ABŞ-ın etdikləri, sadəcə, ağla sığmır! ABŞ Konqresi 15 il keçəndən sonra 11 sentyabr teraktı qurbanlarının qohumlarına Səudiyyə Ərəbistanına qarşı iddia qaldırmaq hüququ verən qanun hazırlayıb. Suriyada ruslarla bağlı onsuz da pis vəziyyətə düşmüş Barak Obama belə bir məqamda sadiq müttəfiqi Səudiyyə Ərəbistanını itirmək istəmədi, qanuna veto qoydu. Lakin Amerika Konqresi artıq sentyabrın 29-da prezidentin qərarına “veto qoyub”. Başqa sözlə, ABŞ rəsmən etiraf edir və təsdiqləyir ki, 11 sentyabr teraktında Səudiyyə Ərəbistanının rolu olub. Bu qərar üçün ən mühüm əsas 11 sentyabr teraktıyla bağlı ABŞ-da həbsxanada olan Zəkəriyə Musəvinin ifadəsidir. Musəvi keçən il iddia edib ki, 11 sentyabr teraktını səud kral ailəsi maliyyələşdirib. 11 sentyabr teraktından bir ay öncə mühacirət qanununu pozduğuna görə  həbs olunmuş Zəkəriyə Musəvi məlumat verib ki, sərnişin təyyarəsində Ağ evə hücum etməyi planlaşdırmış şəxslər qrupuna daxildir. 46 yaşlı Fransa vətəndaşı Zəkəriyə Musəvi Minnosotada (ABŞ) uçuş dərsi alıb, “Əl-Qaidə” tərəfdarlar onun hesabına pul köçürüblər. ABŞ-da ömürlük həbsə məhkum edilmiş Musəvi bu iddianı 11 sentyabr qurbanları qohumlarının Səudiyyə Ərəbistanına qarşı qaldırdığı iddialar çərçivəsndə səsləndirib. 11 sentbar qurbanlarının ailələri iddia edir ki, Səudiyyə Ərəbistasnı dövləti və Səudiyə hökumətiylə əlaqəsi olan bir xeyriyyə cəmiyyəti “Əl-Qaidə”yə maddi və maliyyə dəstəyi verib və təşkilata 11 sentbayr teraktını həyata keçirməkdə yardım edib. Həlak olmuşların qohumlarından savayı iddiaçılar sırasına həmçinin teraktın gedişində zədələnmiş bina və ofislər icarəyə götürən şirkətlər də daxildir. Qeyd olunur ki, üç min nəfərin ölümünə görə əvəzin ümumi məbləği səkkiz trilyon dollar təşkil edə bilər! Hazırda Səudiyyə Ərəbistanının işləri dolaşıqdır. Neft qiymətlərinin aşağılığı üzündən hətta deputatların maaşını da azaldıb. Başqa sözlə, Vaşinqtonun bu qərarı aktivləri Amerika banklarında saxlanan səud sülaləsi üçün çox pis xəbərdir.   Türkiyə və Səudiyyə Ərəbistanının həmrəyliyi   Fətulla Gülənin FETÖ terrorçu təşkilatının Ərdoğana qarşı altdan-altdan dəstəkləyən ABŞ Türkiyənin ardınca Səudiyyə Ərəbistanı kimi daha bir müttəfiqini itirdi. Həm də Obamanın vetosu bunun qabağını ala bilməyib. Baxaq görək, Yəməndə şiəç husilərlə döyüşən və təkcə xəstəxanaları bombalamayan, həm də husilərə qarşı İsraildən alınmış miniatür atom bombaları işlədən və İraq və Suriyada İran nüfuzuna qarşı kimyəvi terrorizm də daxil olmaqla hər cür üsula əl atan Səudiyyə rejimi indi nə edəcək. Əlbəttə, bundan sonra səudların ən yaxın müttəfiqi Türkiyə olacaq. Söz düşmüşkən, Türkiyə hökuməti səud kralı vəfat edərkən matəm elan etmiş və türk bayraqlarını endirmişdi. Bundan sonra isə daha sıx, etibarlı əlaqələr yaradılacaq. Prezident Ərdoğan bu günlərdə Dubay telekanalı ilə söhbətdə qeyd edib: “11 sentyabr teraktı haqda qanun layihəsinin qəbul edildiyi haqda təəssüfümüzü ifadə etmişik. Hazırda sədrlik etdiymiz İslam əməkdaşlığı təşkilatı çərçivəsində bu məsələ üzrə uyğun addımlar atacağıq. Bu böyük səhvi düzəltməkdən ötrü xarici işlər və ədliyyə nazirlərinə Səudiyyə Ərəbistanını dəstəkləmək xəbərdarlığı etmişəm. Biz Səudiyyə Ərəbistanı ilə qanun layihəsini hüquqi baxımdan təhlil və gərəkən hər şeyi edirik”. Səudlar indi Türkiyə kimi ABŞ-a qarşı Rusiya ilə yaxınlaşmağa can atırlar. Səud şahzadəsi əl-Cubeyri bu ilin iyulunda Moskvaya strateji əməkdaşlıq təklif edib. Səudların neft sahəsində eyni qayıqda əyləşdikləri Rusiyaya yeganə tələbi Suriyada Əsəddən imtina idi. Əlbəttə, bu, baş tutmayıb. Türkiyə də Rusiya ilə münasibətləri sahmana salır, lakin Əsədlə yaxınlaşmaq üçün hələlik heç bir addım atmayıb. Bununla belə, Suriyada əməliyyatların uğurunda yeganə şərt Əsədlə uzlaşmanın əldə edilməyidir. Başqa variant yoxdur. Lakin buna baxmayaraq, Türkiyə “Türk axını” layihəsi üzrə konkret tədbirlər görür, səudlar isə neft hasilatının dondurulması üzrə Rusiya ilə saziş bağlamağa kurs götürüblər. Hətta bu yöndə ilk imzalar atılıb. ABŞ Hillari ilə Trampın döyüşünü intəhasız olaraq izləyə bilər, lakin, görünür, çox tezliklə onun ən dəhşətli yuxusu gerçəkliyə dönəcək. Rusiya-İran-Suriya üçlüyünə Türkiyə, İraq və Səudiyyə Ərəbistanı qoşulsa, Sem dayı üçün əsil dəhşət başlanacaq. Xüsusən də Yaxın Şərqə ehtiyatla yaxınlaşan Çin də nəzərə alınsa! Düzdür, bu elə də asan olmayacaq. Suriya hüdudlarından kənarda hələ Avropa və İsrail amili də var. Lakin hər şeyin başı iqtisadiyyatdır. Biz səkkiz trilyon dollardan danışırıq. Əzəldən iqtisadiyyatda baş verən hadisələr siyasi ziddiyyətləri də həll etmək gücündədir. Rusiya ilə yaxınaşma zamanı təkcə ehtiyatlı olmaq lazımdır ki, Rusiya ilə ABŞ arasındakı alverin predmetinə çevrilməyək!   Çətin zamanlardır…

6 Oktyabr 2016 11:02

Bakıda qarovulçunu döydürən “Range Rover”li qadın: ad açıqlandı

oil-1

Bakının Zərifə Əliyeva küçəsi, 53 ünvanında, “Marriott Absheron” otelinin arxasında yerləşən elit yaşayış kompleksinin həyətində qarovulçu işləyən gənci az qala ölümcül döydürən “Range Rover”li qadın əhvalatı ilə bağlı yeni, maraqlı və eyni zamanda müəmmalı nüanslar üzə çıxıb. Virtualaz.org bu olayın izi ilə gedərək döyülən şəxsin kimliyini, habelə onu döydürən qadın və qadının qarovulçunu döyən əri barədə maraqlı məlumatları öyrənə bilib. Hadisə necə olmuşdu... Xatırladaq ki, əhvalat bir neçə gün əvvəl baş verib. ....003 dövlət nömrə nişanlı “Range Rover”lə gələn qadın həmin küçədə parklanma üçün ayrılmış ərazidə boş yer tapmadığından avtomobili yaşayış kompleksinin mühafizə olunan həyətinə sürüb. Qarovulçuya yaxınlıqdakı “Room” mebel mağazasına dəyib qayıdacağını deyib, ancaq oradan çıxıb gözəllik salonuna gedib və gec qayıdıb. Hadisənin şahidlərindən biri virtualaz.org-a danışıb ki, görünür qadın gec qayıtdığından qarovulçu ona irad tutub, yaxud nəsə xoşagəlməz söz deyib. Bundan sonra qadın kiməsə zəng vurub və çox keçmədən “AA” seriyalı avtomobillə gələn şəxs-qadının əri qarovulçunu xüsusi amansızlıqla və qəddarcasına döyüb, aldığı zərbələrdən qarovulçu küçənin ortasında huşunu itirib. Yaxınlıqdakılardan heç kim müdaxilə etməyib, ancaq təcili yardım çağırılıb. Ağır vəziyyətdə olan qarovulçu xəstəxanaya aparılıb. Döyülən qarovulçu-26 yaşlı Gülüşov Famil Fazil oğlu Hüquq-mühafizə orqanları bu hadisə barədə məlumat yaymayıblar. Hadisə barədə DİN-in rəsmi xronikasında da məlumat yoxdur. Baxmayaraq ki, şahidlərin bildirdiyi kimi qarovulçu xəstəxanaya aparılandan sonra hadisə yerinə polislər gəlib, ətrafdakı videomüşahidə kameralarının görüntüləri götürülüb. Səbael rayon 39-cu polis bölməsindən belə hadisənin baş verdiyini təsdiqləsələr də nə zərərçəkənin, nə onu döyənin kimliyi açıqlanmayıb. İndi virtualaz.org öz mənbələri vasitəsilə dəqiqləşdirib ki, hadisə sentyabrın 23-də, saat 16 radələrində baş verib. Döyülən şəxs 26 yaşlı Famil Gülüşovdur. O, təcili yardım briqadası ilə Bakıdakı 1 saylı Klinik Xəstəxanaya (“Semaşko”) çatdırılıb. Xəstəxanada onun ağır kəllə-beyin travması və digər xəsarətlər aldığı müəyyən edilib. Lakin nədənsə bu cür ağır xəsarətlər almış şəxsi ertəsi gün xəstəxanadan çıxarıblar, “ev şəraitində müalicəyə” göndəriblər. Cərrahiyə şöbəsinə qəbul olunub, ertəsi gün isə... Xəstəxananın qəbul şöbəsindən virtualaz.org-a bildirdilər ki, həqiqətən döyülən Gülüşov Famil Fazil oğlu ağır bədən xəsarətləri ilə cərrahiyyə şöbəsinə yerləşdirilib, durumu orta-ağır qiymətləndirilib. Sentyabrın 24-də isə “öz istəyi” ilə xəstəxanadan çıxıb gedib. Lakin xəstəxanadan bildirdilər ki, həmin şəxs barədə əlavə məlumatları ancaq yazılı sorğu əsasında təqdim edə bilərlər. Bəs Gülüşovu acınacaqlı duruma salan həmin şəxs və olaya səbəbkar olan “Range Rover”li qadın kimdir? Hadisə barədə cinayət işi qaldırılbmı və günahkarlar saxlanılıbmı? Bu suallarla DİN-in mətbuat xidmətinin şöbə rəisi Orxan Mansurzadəyə müraciət etdik. DİN rəsmisi bildirdi ki, mətbuat hadisəni şişirdib, “ucuz sensasiya” düzəltməyə çalışıb. DİN rəsmisi: “Qadın göz yaşları içində ərinə zəng vurub...” “Müəyyən olunub ki, həmin binanın həyətində qeyri-rəsmi mühafizəçiliklə məşğul olan şəxs qadına qarşı kobudluq edib, ona qarşı təhqiramiz ifadələr işlədib. Qadın da ağlayaraq göz yaşları içində ərinə zəng vurub. Əri öz dostunun maşınında hadisə yerinə gəlib, orada onunla mühafizəçi arasında xuliqanlıq zəminində mübahisə baş verib. Mühafizəçinin ağır xəsarətlər aldığı haqda deyilənlər doğru deyil, əks halda onu bir gün sonra xəstəxanadan buraxmazdılar. Hadisə barədə istintaq davam edir. Hadisə yerinə baxış keçirilib, tərəflərin izahatları alınıb. Faktla bağlı Cinayət Məcəlləsinin 221.1 (xuliqanlıq) maddəsi ilə cinayət işi başlanılıb”-Orxan Mansurzadə bildirib. “Ailədə hətta professor da var!” Lakin bütün israrlarımıza baxmayaraq DİN rəsmisi istintaqın getdiyini əsas gətirərək qarovulçunu döyən şəxsin kimliyini açıqlamadı. Orxan Mansurzadə ancaq onu dedi ki, qadın və əri ziyalıdır. Qadın elmlər namizədidir, əri də alimdir, Bakıdakı ali məktəblərdən birində dərs deyir. “Ailədə hətta professor da var! Ziyalı ailədir, istəmirlər ki, adları mətbuatda hallansın”-Orxan Mansurzadə bildirdi. Bəs həmin alim ər qarovulçu ilə “xuliqanlıq zəminində münaqişəyə” görə saxlanılıbmı? O.Mansurzdə bu suala cavab vermək istəmədi, ancaq istintaqın davam etdiyini, hadisəyə hüquqi qiymət veriləcəyini bildirməklə kifayətləndi. Əgər qarovulçunu döyən alimdirsə o zaman “AA” dövlət seriyalı maşında niyə gəzir? DİN rəsmisi bildirdi ki, avtomobil həmin şəxsin dostuna məxsus olub. Dostun adı isə təbii ki, açıqlanmadı... Faktinfo.az

5 Oktyabr 2016 11:46

Almaniya “Ərdoğanı təhqir işi”ni bağladı:Təhqir şeir formasında olduğundan

oil-1

Almaniya prokurorları Türkiyə prezidenti Rəcəp Tayyip Ərdoğanın təhqir edilməsində ittiham olunan televiziya məzhəkəçisinə dair cinayət işinə xitam veriblər. Faktinfo.az Azadliq Radiosuna istinadla xəbər verir ki, ölkənin qərbindəki Mayntz şəhərinin prokurorluğu Jan Boehmermann barəsində cinayət ilşinin davam etdirilməsi üçün kifayət qədər sübutlar tapılmadığı haqda bəyanat yayıb. Boehmermann ötən mart ayında bir televiziya proqramında cənab Ərdoğana seksual eyhamlar atan satirik şeir oxumuşdu. Cənab Ərdoğan bununla əlaqədar şərəf və ləyaqətinin təhqir edildiyinə dair rəsmi şikayət vermişdi. Oktyabrın 4-də yayılmış bəyanatda prokurorluq bildirib ki, “bu işdə cinayətkar hərəkətlərin mövcudluğu zəruri əminliklə müəyyənləşdirilməyib”. Bəyanatda deyilir ki, cənab Boehmermannın iddia edilən təhqiri şeir formasında olduğundan onu rəsmiləşdirmək mümkün olmayıb. Ötən aprel ayında Türkiyə ilə münasibətlərin pozulmasını istəməyən kansler Angela Merkel məzhəkəçiyə qarşı mümkün cinayət işinin açılmasına yaşıl işıq yandırmışdı. O vaxt mətbuat xanım Merkeli söz azadlığını müdafiə etməməkdə günahlandırmışdı. Almaniya qanunlarına əsasən bu cinayət işini hökumət kabineti sanksiyalaşdırmalı idi. Buna baxmayaraq, Angela Merkel xarici dövlət nümayəndələrinin təhqirinə görə məsuliyyət nəzərdə tutan, lakin, demək olar, istifadə edilməyən 103-cü maddənin ləğvinə çağırmışdı.

5 Oktyabr 2016 11:11

Yeni baş nazir kim ola bilərdi?

v

  İllərlə bəzi qəzet və saytlarda kimlərinsə baş nazir ola biləcəyinə dair məlumatlar gündəmi bəzəyirdi. Kimi mətbu orqanının satışını təşkil etmək üçün, kimi də sensasiya xatirinə belə xəbərləri dövriyyəyə buraxdı. Amma,nəzərə alınmadı ki,belə məsələlər ölkə prezidentinin səlahiyyətindədir, ifrat şəkildə fərqinə vardığımız bu mövzunu çürüdürük,xalqa yanlış xəbər çatdırırıq. İndi isə vitse-prezidentlərin kim ola biləcəyinə dair xəbərlər yer alır,artıq baş nazirin kim ola biləcəyinə dair fikir yürüdülmür.Elə bu səbəbdən vaxtilə yeni baş nazirin kim ola biləcəyinə dair ehtimalımızı xatrlatmaq istəyirik.Beləliklə, 2015-ci il məlum olayları ilə bağlı 2 hökumət nümayəndəsinin – Milli Təhlükəsizlik Naziri Eldar Mahmudovun, Rabitə və Yüksək Texnologiyalar naziri Əli Abbasovun tutduqları postdan  “atılmalar”ı, eləcə də, bir çox digər yüksək ranqlı məmurların vəzifələrindən azad olunaraq həbs edilmələri ölkədəki siyasi ab-havanı əməlli-başlı gərginləşdirdi. Vəziyyət o həddə çatdı ki, artıq insanlar  hər açılan səhər kiminsə işdən azad ediləcəyi və ya həbs olunacağı ilə bağlı yeni xəbərlər gözləyirdilər. Digər tərəfdən sahibkarlığa birbaşa maneə olmuş şəxs(lər)in “əməlləri”nə şahidlik edir, baş verən hadisələrdən xəbərdar olurdular.Belə bir zamanda da yeni baş nazirin kim ola biləcəyinə dair xəbərlər gündəmdən düşmürdü. Bu gün də qətiyyətlə demək olar ki, qarşıdakı həftələr, aylar xüsusən də ,2016-cı il sonu ciddi siyasi islahatlarla  zəngin olacaq, hökumətdə əsaslı dəyişikliklər baş verəcək, habelə dövlət qurumlarında çoxsaylı struktur dəyişiklikləri həyata keçiriləcək.Çünki,sentiyabrın 26-da ölkədə referendum keçirildi.Bu barədə Azərbaycan Respubilkasının prezidenti İlham Əliyev Konstitusiyada dəyişikliklər edilməsi məqsədilə ümümxalq  səsverməsinə (referendum) çıxartdığı məsələ özünü doğrultdu.Bununla 1-ci vitse-prezident və vitse-prezidentlər təsisatının yaradılması deməyə əsas verir ki,bu ilin axırına kimi geniş miqyaslı islahatlar aparılacaq.Bundan sonra baş nazir uğrunda savaşın bir o qədər önəmi qalmasa da, müəyyən mülahizəmizi bildirməyi məqsədə uyğun hesab edirik.   Belə ki,illərlə müəyyən dairələrdə müəyyən şəxsləri ən çox düşündürən məsələlərdən biri yeni baş nazirin kim olacağı ilə bağlı idi. KİV-lərin bir-birinə dəyərək dərc etdikləri, önəmli məsələ hesab etdikləri də bu idi. Amma,haradasa unuduldu ki,indiki Baş nazir Artur Rasizadə uzun illərdir ki,  bu postu tutur  və 80 yaşını  tamamlamasına  baxmayaraq, vəzifəsinin icrasını davam etdirir. Artur Rasizadənin bu vəzifədə qalmasını şərtləndirən əsas amillər onun siyasi oyunlardan uzaq durması və ölkə prezidentinə hər zaman sədaqət nümayiş  etdirməsidir.   Əgər səhəti imkan verərsə, vəzifəsinin icrasında istəkli olarsa, biz hələ onu bir müddət də baş nazir postunda görə biləcəyik. Əks təqdirdə, yeni baş nazir axtarışı qaçılmaz olacaq. Bəs yeni baş nazir kimi ola bilərdi? Yəqin, hər kəs yaxşı xatırlayır ki, uzun müddət mətbuatda  bu posta  daha çox iki şəxsin – Fövqəladə Hallar naziri Kəmaləddin Heydərovla, Nəqliyyat naziri Ziya Məmmədovun, sonradan ARDNŞ prezidenti Rövnəq Abdullayevin də namizədliyi müzakirə edilirdi. Bu şəxslərin adının  zaman-zaman baş nazir olmaq ugrunda gündəmə gətirilməsi də dərin bir siyasət idi,ancaq bunun  başlıca səbəbləri barədə danışmaq istəmirik. Həm də həmin söhbətlər artıq keçmişdə qalıb. Yerli KİV-in qeyd etdiyi hər üç şəxsin adlarının bir çox məsələlərdə hallanması artıq onların şansını haradasa heçə endirmişdi. Məlum olduğu kimi,zamanında Azərbaycan Respublikasının  Konstitusiyasına edilən müəyyən dəyişikliyə  rəğmən  Baş nazir prezidentdən sonra ikinci rəhbər şəxs hesab olunurdu. Əgər nə vaxtsa ölkə prezidentinin vəzifəsinin icrasında hər hansı problem və ya qısa müddətli fasilə yaranardısa, həmin andan etibarən baş nazir ölkənin birinci şəxsi sayılırdı. Məhz bu amilə görə yeni təyin olunacaq Baş nazirin bir neçə xüsusiyyətinə diqqət yetirilə bilərdi. Əvvəla,həmin şəxs siyasi ambisiyalardan uzaq olmalı və Baş nazir postunu siyasi karyerasının  son zirvəsi kimi qəbul etməli idi. Bundan əlavə savadlı, bacarıqlı, gözütox, qalmaqallardan  uzaq olmaq da önəmli şərt  hesab olunurdu.Bu kriteriyalara uyğun gələnlər arasında üç şəxsin adı  daha çox nəzərdən keçirilirdi. Bunlar Maliyyə naziri  Samir Şərifov, Ədliyyə naziri Fikrət Məmmədov, Mədəniyyət və Turizm naziri Əbülfəs  Qarayev,müəyyən mənada Bakı şəhər İcra Hakimiyyətinin başçısı Hacıbala Abutalıbov idi. Bu şəxslərin arasında isə ən şanslı namizəd kimi Samir Şərifovun adını çəkmək olardı. Niyə məhz Samir Şərifov? Bu səbəbsiz deyildi. Belə ki, Maliyyə naziri Samir Şərifov Baş nazir olardısa, hökumətə rəhbərlik etmək,  iqtisadiyyatın daha da gücləndirilməsinə  nail olmaq mümkünləşərdi. Çünki o, kifayət qədər savada, bacarığa və təcrübəyə  malikdir, onunla adı eyni sırada çəkilən şəxslər arasında iqtisadiyyatı daha yaxşı bilən məhz odur. Ölkə Prezidenti İlham Əliyevin kifayət qədər güvəndiyi və etimad göstərdiyi bir şəxsdir. Təsadüfi deyil  ki, dünyanın aparıcı dövlətləri və maliyyə qurumları ilə bir çox vacib məsələlər məhz Samir Şərifovun iştirakı ilə tənzimlənir. Bu səbəblər onun həmişə diqqət mərkəzində olmasına, digər tərəfdən onunla bağlı xoşagəlməz fikirlərin düşünülmüş şəkildə mətbuatda tirajlanmasına səbəb olub. Xatırlayanlar bilir ki, “Beynəlxalq bank”da baş verən məlum mənimsəmə faktlarında onun da adı hallandırıldı. Sonradan məlum oldu ki, o, “Beynəlxalq bank”a dair korrupsiya piramidasının ifşa olunmasında “kredit oliqarx”ları işinə kimlərin aid olduğunun müəyyən edilməsində başlıca rol oynayıb. Ardınca, manatın ikinci devalvasiyasında manatla bağlı həddin müəyyənləşməsinə dair irəli sürdüyü fikir ölkə prezidenti yanında keçərli olması ilə bərabər, həm də sonradan özünü doğruldub. Nəzərdən qaçırmaq olmazdı ki, S.Şərifovun baş nazir postuna ən real namizəd olması və prezident İlham Əliyevin güvəndiyi bir şəxsə çevrilməsi onun növbəti dəfə kimlərinsə hədəfinə gələcəyi ehtimalını mümkünləşdirə bilərdi. Hadisələrin gedişi o zaman bunu bir daha təsdiqlədi. Belə ki,bir  neçə ay sonra  o,yenidən “hədəf”ləndi və Sovet kəşfiyyatçısı olmuş, indi isə ABŞ-da iqtisadçı ekspert  kimi fəaliyyət göstərən Yuri Şvetsin “hədəf”inə tuş gəldi. Şvetsin Ukraynanın “Qardon” agentliyinə müsahibəsində Samir Şərifovu üç ölkənin – Rusiya, Türkiyə və ABŞ-ın “agenti” adlandırması ölkə mətbuatında bir neçə günlük tirajlanıb,ancaq sonradan təsdiqlənməməsi, məsələnin görünməyən tərəfi olaraq, maliyyə nazirinin baş nazir ola bilmə ehtimalının yüksək olduğundan irəli gəlirdi. Şvets bunu elə bir zamanda ortaya atdı ki, S.Şərifov ölkəmiz və onun tərəfdarları üçün vacib olan Cənub Qaz Dəhlizi (TAP) layihəsi üçün lazımlı istiqrazların, qiymətli kağızların yerləşdirilməsi üzrə aparıcı maliyyə təşkilatları ilə danışıqlar üçün ABŞ-a yola düşürdü. Bu amilin özü də şübhə doğurmaya bilməzdi. Təbii ki, bu fikirlər şəxsi qənaətimizdir və baş nazir təyinatı ilə bağlı zamanında fikir yürüdənlərə,indi isə vitse-prezidentlərlə bağlı müzakirə açanlara yönəlikdir . Fuad İsgəndərov Faktinfo.az    

4 Oktyabr 2016 6:04

Fakt

Bizi izləyin