Bacısını öldürən şəxs: Qəbiri açdım və bacımın sümüklərini dənizə atdım – YENİLƏNİB + VİDEO

2925141_1200_675

Lənkəranda 4 il əvvəl bacısı Təranə Ağayevanı öldürərək Nərimanabad 1 qəsəbəsi ərazisində basdırdığını deyən Ağayev Fuad Polad oğlunun göstərdiyi yerdə qazıntı işləri aparılıb və meytin qalıqları tapılmayıb. Faktinfo.az Report-a istinadən xəbər verir ki, Lənkəran Rayon Prokurorluğu meyitin ekskumasiya olunması haqda qərar verib. Ekskumasiyada Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Lənkəran rayon şöbəsinin ekspertləri, hüquq-mühafizə orqanlarının əməkdaşları iştirak edib. Amma F.Ağayevin göstərdiyi yerdən T.Ağayevaya aid heç bir qalıntı tapılmayıb. F.Ağayev hadisə yerində hüquq-mühafizə orqanların əməkdaşlarına bildirib ki, meyiti həmin ərazidə basdırıb. Amma iki il keçəndən sonra qəbiri təkrar açaraq sümükləri oradan çıxarıb və dənizə atıb. Faktla bağlı araşdırmalar davam edir. 16:20 Daxili İşlər Nazirliyi Lənkəranda 4 il əvvəl baş vermiş cinayətlə bağlı məlumat yayıb. Faktinfo.az DİN-in rəsmi saytına istinadən xəbər verir ki,  məlumata görə, 2012-ci iyun ayının 17-də Lənkəran rayon sakini Təranə Ağayeva yaşadığı Nərimanabad qəsəbəsindəki evdən çıxmış və geri qayıtmayıb. Lənkəran ŞRPŞ-yə daxil olmuş məlumat əsasında T.Ağayevanın həmin gün qəsəbə ərazisində qardaşı Fuad tərəfindən daşla döyülərək qətlə yetirilməsi və cəsədinin evinin yaxınlığında basdırılması müəyyən edilib. Həyata keçirilmiş əməliyyat-axtarış tədbirləri nəticəsində F.Ağayev tutulub. O, hadisəni törətdiyini etiraf edib. Təranənin cəsədinin qalıqlarının eksqumasiya edilməsi üçün tədbirlər görülür. Araşdırma aparılır.

4 Yanvar 2017 11:28

KİVDF 33 qəzetə 1.223.000 pul ayırdı –SİYAHI

qezetler-1

Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının növbəti iclası keçirilib.  Strateq.az KİVDF-yə istinadən xəbər verir ki, Fondun Müşahidə Şurasının sədri Umud Mirzəyev iclası açıq elan edərək gündəlikdəki məsələlər barədə məlumat verib. Fondun Müşahidə Şurasının sədri Umud Mirzəyev gündəlikdəki birinci məsələ barədə məlumat vermək üçün sözü Fondun icraçı direktoru Vüqar Səfərliyə verib. Müzakirəyə çıxarılan məsələ barədə ətraflı məlumat verən V.Səfərli "Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası"na müvafiq olaraq 33 qəzetin müsabiqəyə sənəd təqdim etdiklərini diqqətə çatdırıb. Həmin qəzetlərin layihələrinin 2016-cı ilin II yarısında da Fond tərəfindən maliyyələşdirildiyini deyən icraçı direktor müsabiqədə yeni iştirak edən KİV-lərin olmadığını bildirib. Müvafiq araşdırmalardan sonra sənəd təqdim etmiş 33 qəzetin layihə təkliflərinin müsabiqənin şərtlərinə cavab verdiyi müəyyən edilib. Sonra qəzetlərdən daxil olmuş sənədlər Müşahidə Şurasının üzvlərinə paylanılıb və məsələ ətrafında müzakirələr başlayıb. Fondun Müşahidə Şurasının sədr müavini Vüqar Rəhimzadə, üzvlərdən – Əflatun Amaşov, Rəşad Məcid, Müşfiq Ələsgərli, Bəxtiyar Sadıqov və Faiq Qurbanov Fondun maliyyə yardımlarının qəzetlərin maddi-texniki bazasının möhkəmləndirilməsi baxımından əhəmiyyətini qeyd ediblər. Müzakirələrin sonunda 33 qəzetin sənədlərinin müsabiqənin şərtlərinə cavab verdiyi nəzərə alınaraq, onlara 2017-cı ilin birinci yarısında maliyyə yardımının ayrılması barədə qərar qəbul edilib (Maliyyə yardımı ayrılmış qəzetlərin siyahısı aşağıdakı cədvəldə təqdim olunur). Cari məsələlərin müzakirəsi zamanı icraçı direktor V.Səfərli Fondun yaxın dövr üçün fəaliyyət istiqamətləri barədə məlumat verib. 2017-ci ilin I yarımilliyi üçün KİV layihələrinin maliyyələşdirilməsi üzrə müsabiqənin qalibi olan redaksiyaların siyahısı: № Qəzetin Adı Ayrılmış məbləğ 1. "Kaspi” qəzeti 60 000 2. "Yeni Azərbaycan” qəzeti 60 000 3. "Səs” qəzeti 60 000 4. "Mövqe” qəzeti 60 000 5. "Ədalət” qəzeti 60 000 6. "525-ci qəzet” 60 000 7. "Bakı-Xəbər” qəzeti 60 000 8. "Yeni Müsavat” qəzeti 60 000 9. "Kaspiy" qəzeti 60 000 10. "Ekspress” qəzeti 60 000 11. "Palitra” qəzeti 60 000 12. "Paralel” qəzeti 40 000 13. "Həftə içi” qəzeti 40 000 14. "Azad Azərbaycan” qəzeti 40 000 15. "Şərq” qəzeti 40 000 16. "Xalq Cəbhəsi” qəzeti 40 000 17. "Futbol+Qol” qəzeti 40 000 18. "Bizim Yol” qəzeti 40 000 19. "Olaylar” qəzeti 40 000 20. "Novoye Vremya” qəzeti 30 000 21. "Futbol+” qəzeti 30 000 22. "Üç Nöqtə” qəzeti 30 000 23. "Azernews” qəzeti 30 000 24. "Unikal” qəzeti 20 000 25. "Olimpiya Dünyası” qəzeti 20 000 26. "Oxu məni” qəzeti 20 000 27. "Reytinq” qəzeti 9 000 28. "Təhsil Problemləri” qəzeti 9 000 29. "The Business Times” qəzeti 9 000 30. "Hərbi And” qəzeti 9 000 31. "Türküstan” qəzeti 9 000 32. "İqtisadiyyat” qəzeti 9 000 33. "Hürriyyət" qəzeti 9 000 CƏMİ 33 Redaksiya 1.223.000

30 Dekabr 2016 4:23

Aqrar Universitetində imtahan sessiyası başladı

img_1745

Azərbaycan Dövlət Aqrar Universitetinin rektorunun əmrinə uyğun 2016/2017-ci tədris ilinin payız semestrinin imtahan sessiyasının təşkili və keçirilməsi 2016-cı ilin dekabrın 29-dan 2017-ci ilin fevralın 1-dək nəzərdə tututlub. ADAU-nun mətbuat xidməti xəbər verir ki, İmtahanlar “dizayn” ixtisasının birinci, üçüncü və dördüncü kurslarında, aqronomluq fakültəsinin, “baytarlıq” və “əczaçılıq” ixtisaslarının ikinci kurslarında, “iqtisadiyyat” (tədris ingilis dilində) ixtisasının birinci, “dünya iqtisadiyyatı” (tədris ingilis dilində) ixtisasının üçüncü və dördüncü kurslarında yazılı, “Azərbaycan tarixi” fənni üzrə bütün ixtisaslarda şifahi formada keçirilir. “Azərbaycan tarixi” fənnində şifahi imtahanların qəbul edilməsi üçün komissiya yaradılıb. Bundan başqa,  imtahanların nəticələrinə görə  qiymətinə etiraz edən tələbələrin müraciətinə baxılması, yazılı imtahan cavablarını kodlaşdırmaq üçün müvafiq tərkibdə komissiya da fəaliyyət göstərir. Bütövlükdə universitetdə tələbələrin 83 faizi imtahanları kompyuterdə test üsulu ilə, 13 faizi yazılı, 6 faizi şifahi formada verəcək. Birinci kurslar universitetdə qəbul olduqdan sonra ilk dəfə imtahan verdiklərindən imtahan həyəcanının aradan qaldırılması, habelə mövcud imtahan sisteminin sınaqdan keçirilməsi məqsədilə 22 dekabr 2016-cı il tarixində tərtib olunan qrafik əsasında Mühəndislik korpusunda  302 və 402 nömrəli otaqlarda sınaq test imtahanları qəbul edilib, bununla bağlı fakültələrdə və universitetin internet səhifəsində elanlar verilib. Bütövlükdə imtahan prosesində ictimaiyyət, mətbuat nümayəndələrinin, valideynlərinin iştirakının təmin edilməsi üçün hərtərəfli şərait yaradılıb.

30 Dekabr 2016 10:28

Qalmaqal böyüyür,deputat Aslan İsmayılovu məhkəməyə verir

ff1483019887

“Bu dəqiqələrdə qanuni oğruları Azərbaycan gənclərinə nümunə göstərən, təyinatlı deputat FəzailAğamalı (açıq şəkildə nömrəsini yazıb) mobil telefonu ilə mənə zəng edib hədə qorxu gəldi”. Aslan İsmayılov bu haqda özünün Facebook səhifəsində məlumat verib. O sözlərinə bu cür davam edib: “Doğrudan da bu "deputat" deyəsən Azərbaycanın oğru qanunları ilə idarə edildiyini düşünür. Onun haqqında kifayət qədər məlumat olduğundan kimliyini açıqlamayacam. Bundan əvvəlki yazımda dediklərimi isə bir daha təkrarlayıram. Fəzail Ağamalı etiraz olacağı təqdirdə heç vaxt, guya seçildiyi Salyan seçicilərinin qarşısına çıxıb onları sakitləşdirə bilməz, çünki onu onlar seçməyib. Mənim cəsarətimə isə Fəzail Ağamalı heç vaxt şübhə etməsin, onu kimi xox gələnləri çox görmüşəm”.   Milli Məclisin üzvü Fəzail Ağamalı məsələ ilə bağlı hüquqşünası şər-böhtanla məşğul olmaqdan çəkinməyə çağırıb: “Mən dəfələrlə insanlara ölkə başçısından nümunə götürməyə çağırmışam. Aslan İsmayılov bu cür statuslarla, kompüterin arxasında gizlənib cəmiyyətdə nüfuzu olan insanların ünvanına böhtan atıb gündəmdə qalmasın. Bu insan ləyaqətinə, kişiliyə sığan iş deyil”. Deputat A.İsmayılova zəng etməsinin səbəbini də açıqlayıb: “Bir neçə gün əvvəl o bəzi həmkarlarımın adını çəkib demişdi ki, Fəzail Ağamalı nəsə etsə, seçiciləri ona qarşı çıxar, heç biri onun tərəfini saxlamaz. Mən sadəcə insan kimi ona zəng edib barəmdə yerli-yersiz statuslar yazmamasını tələb etdim. O isə əvəzində mənə “odboy” verib statsus yazır. Axı bu kişiyə yaraşan iş deyil”. O,həmçinin Aslanİsmayılovu debata çağırıb: “Aslan İsmayılov çıxsın kompüterin arxasından, pərdəni üzündən götürüb gəlsin üz-üzə debata. Görək haqqı-ədaləti kim söyləyir. Mənim onunla nə ədavətim var ki, onu hədələyim? Mən kompüterin arxasında gizlənməmişəm, mən xalqın içərisindəyəm, həmişə üzdəyəm. Görüşəndə salam alıb, salam verdiyim insandır. Mənim onunla heç bir ədavətim yoxdur. İndi bu açıqlamamdan sonra başlayacaq hər şeyi ismin bütün hallarında hallandırmağa. Mən isə ona əlavə açıqlama verməyəcəyəm. Aslan İsmayılov başqa cür hərəkət etsə, özü hüquqşünasdır. Zəhmət çəkəcək Azərbaycanın hüquq sistemi qarşısında cavab verəcək. Bəsdir, insanları bu qədər təhqir etdiyi”.Faktinfo.az

29 Dekabr 2016 7:41

Bakıda yol verməmək üstündə avtobus sürücüsünü belə döydülər – VİDEO

avt

«KİA»nın sürücüsü avtobusu sıxışdırıb, sonra isə dostu ilə birlikdə sürücünü döyüb Bakıda minik avtomobilinin sürücüsü və onun yanındakı sərnişin yol verməmək üstündə avtobus sürücüsünü döyüb. Hadisə dekabrın 26-da, saat 12.40 radələrində Yasamal rayonu ərazisində baş verib. Avtosfer.az-ın əldə etdiyi məlumata görə, döyülən avtobus sürücüsü «Xaliq Faiqoğlu» MMC-yə məxsus 96 saylı marşrutda çalışır. Belə ki, 96 saylı manşrut üzrə hərəkət edən 10-TG-042 dövlət nömrə nişanlı avtobusun yolunu kəsərək qəza şəraiti yaradan «KİA» markalı, 90-RG-545 dövlət nömrə nişanlı avtomobilin sürücüsü avtobusun qarşısına keçərək müxtəlif hərəkətlərlə yolu kəsib və avtobus sürücüsünü qıcıqlandırıb. Təqdim olunan videodan da göründüyü kimi, avtobus sürücüsü onlara irad bildirdikdə söyüşlə üzləşib və avtobusu saxlayaraq onlarla söhbət etmək üçün yerə düşüb. Bu zaman «KİA»-nın sürücüsü və yanındakı sərnişin avtobus sürücüsünə hücum çəkərək onu döyməyə başlayıblar. Onları sərnişinlər sakitləşdirib. Dava nəticəsində avtobus sürücüsünün alnı partlayıb və qan içində avtobusa qayıdaraq yoluna davam edib. Şahidlər bildirib ki, həmin avtobus dayanacaqdan tərpənəndən az müddət sonra irəlidə yolun hərəkət hissəsində şəxsi avtomobilini saxlayan tanımadığı şəxs avtobus sürücüsünün avtobusu guya onun avtomobilinə çox yaxın sürdüyünü, az qala onun avtomobilini “sürtdüyünü” əsas gətirərək, avobus sürücüsünü “çoban” və sair ifadələrlə təhqir edib. Bu təhqiri eşidən avtobus sürücüsü avtobusu yolun kənarında saxlayıb məsələyə aydınlıq gətirmək üçün aşağı düşdükdə isə döyülüb. Artıq «Xaliq Faiqoğlu» MMC-nin rəhbərliyi Daxili işlər naziri, general-polkovnik Ramil Usubova müraciət edərək həmin sürücünün və yanındakı şəxsin tapılıb cəzalandırılmasını xahiş edib. https://youtu.be/bRCKUeZggIU

28 Dekabr 2016 9:05

Fakt

Bizi izləyin