Birinci xanım Ağaxan Abdullayevlə vida mərasimində – FOTO

estakada

Suraxanı rayonu Səttar Bəhlulzadə adına Mədəniyyət Sarayında Xalq artisti Ağaxan Abdullayevlə vida mərasimi keçirilib.   Vida mərasimində Heydər Əliyev Fondunun prezidenti, ölkənin birinci xanımı Mehriban Əliyeva, mədəniyyət və turizm naziri Əbülfəs Qarayev və digər dövlət rəsmiləri, mədəniyyət işçiləriiştirak ediblər. Vida mərasimində mədəniyyət və turizm naziri Əbülfəs Qarayev çıxış edərək bildirib ki, Ağaxan Abdullayevin adı muğam sənətində daim yaşayacaq: “O, 40 ildən çox peşəkar səsi ilə muğam sənətini zənginləşdirib, dünyanın 20-dən çox ölkəsində çıxış edib. Böyük silsilə tədbirlərdə ölkəmizi təbliğ edib. Gənc nəslin yetişməsində Ağaxan Abdullayev böyük rol oynayıb. Görkəmli şəxsiyyət Heydər Əliyevin zamanında əməkdar və xalq artisti adını qazanıb. Heç kəs əbədi deyil, hamımız haqq dünyasına qovuşacayıq”. Xalq artisti Arif Babayev isə deyib ki, Ağaxan Abdullayevi itirmək Azərbaycan musiqisi üçün çox ağırdır. “O, yaxşı dost, yaxşı ailə başçısı və yaxşı xanəndə olub. O bizim qəlbimizdə həmişə yaşacayıq”. Xanəndə, xalq artisti Alim Qasımov görkəmli sənətkarla bağlı xatirələrini bölüşüb. O, çıxışından sonra muğam ifa edib. “Ağaxan Abdullayevin vəfatı hər kəs üçün ağır itkidir”, -deyə Azərbaycan Milli Konservatoriyasının rektoru Siyavuş Kərimli vurğulayıb.

26 Dekabr 2016 3:35

“Yaxın gələcəkdə bir çox təbəqələr ayağa qalxacaq” – Hafiz Hacıyev

estakada

Hafiz Hacıyevdən sərt xəbərdarlıq: “Yaxın gələcəkdə bir çox təbəqələr ayağa qalxacaq” “Yaxın gələcəkdə bir çox təbəqələr ayağa qalxacaq”“İnsanların işığın, qazın pulunu ödəməyə imkanları yoxdur” Məlum olduğu kimi, dünən Biləsuvarda cəbrayıllı köçkünlər işıq pulu ilə bağlı etiraz aksiyası keçirib. Maraqlıdır, Tarif Şurasının bahalaşma siyasəti davam edəcəyi təqdirdə yaxın gələckdə digər rayonlarda da bu cür aksiyaların keçirilməsi mümkündürmü? Bu barədə danışan Müasir Müsavat Partiyasının sədri Hafiz Hacıyev bunun gözlənilən olduğunu qeyd edib: “Bu, gözlənilən haldır. Insanların sayğacları hələ ki, yazır. Ayın başında qazın, işığın pulunu istəyəndə gərginlik yaranacaq, qarşıdurma olacaq. İnsanların maddi imkanı yoxdur. Onlar hələ baş verənlərin əsl mahiyyətini hiss etmirlər. Hər şey ayın başında bütün çılpaqlığı ilə ortaya çıxacaq. Ayın başında vətəndaşlardan işıq, qaz pulu istəyəndə arzuedilməz vəziyyət yaranacaq. Çünki doğrudan da insanların bu pulu ödəməyə imkanı yoxdur. Ayda 150-200 manat maaş və ya pensiya alan bu qədər kommunal borcu necə versin? Bu zaman qarşıdurma yaranacaq, insanlar ayağa qalxacaq. Pensiyaçılar da, müəllimlər də, həkimlər də ayağa qalxacaq. Bu, şübhəsizdir”.

24 Dekabr 2016 4:52

İmkansız Bakı sakinlərinin son pullarını əllərindən alan quldur dəstə yaxalanıb

ogur

Oğurluğu özünə peşə seçən uşaqlıq dostları cızdıqları planı reallaşdırmaq üçün çox zaman gecələr “ov”a çıxırdılar. Bəzən günün günorta çağı qəsəbə sakinlərinə, yaxından tanıdıqları adamlara qarşı da soyğunçuluq edirdilər. Söhbət heç də imkanlı şəxsləri hədəfə götürən oğrulardan deyil, əlindəki olan-qalan pulla aptekə üz tutan, “pulumu qaytar, evə dərman almalıyam” deyənə acımayan “peşəkar”lardan gedir. Bakı Ağır Cinayətlər Məhkəməsində oğurluqda ittiham olunan dəstə üzvləri – 27 yaşlı Adil Şahbalıyev, 27 yaşlı yaşlı Emin Mirzəyev, 26 yaşlı Emin Allahverdiyev və 27 yaşlı Novruz Əkbərovun cinayət işi üzrə məhkəmə prosesi başlayıb. Virtualaz.org saytının xəbərinə görə, prosesə hakim Mirzə Xankişiyev sədrlik edib. İstintaq yolu ilə müəyyən edilib ki, Adil Şahbalıyev ötən ilin noyabr ayında Lökbatan qəsəbəsində tanışı Səbinə Məmmədzadəyə zor tətbiq edərək onun “iPhone 5S”markalı mobil telefonunu, ödəmə kartlarını və çantasındakı 110 manat pulunu götürməklə soyğunçuluq edib. Bu hadisədən bir müddət sonra onunla eyni qəsəbədə yaşayan Orxan Zülfiqarzadəyə hədə-qorxu gələrək pul tələb edib. Orxan pulu olmadığını dedikdə isə əl atıb onun cibindəki 20 manat pulunu çıxarıb. A.Şahbalıyevin quldurluq əməlləri bununla bitməyib. O, 6 yanvar 2016-cı ildə Ceyhun İsmayılov və Novruz Əkbərovla birlikdə Emin Mirzəyevin idarə etdiyi “Daewoo Nexia” markalı avtomobillə Salyan şosesi istiqamətində hərəkət edərkən Kamran Ələkbərovun yol kənarında dayandığını görüb. Onun pullarını əlindən almaq məqsədilə avtomobili saxlayıb, pusquda dayanıblar. Ətrafda kimsənin olmadığını görən A.Şahbalıyev Ceyhunla birgə Kamrana yaxınlaşaraq onun qollarını burub yerə yıxıb və gödəkçəsinin cibindəki 300 dolları ələ keçiriblər. Dəstə üzvlərinin sonuncu cinayəti də elə həmin gecəyə təsadüf edib. Bu dəfəki oğurluq öz dəst-xətti ilə digərlərindən fərqlənib. Belə ki, hədəfə götürülən Novruz Əkbərovun bibisinin evi olub. Aralarındakı razılaşmaya əsasən, E.Mirzəyev, E.Allahverdiyev və Novruz pusquda dayanıblar, Adillə Ceyhun isə Samirə Əkbərovanın mənzilinə soxulublar. Mənzildə olan 700 manat pulu və dolabdakı bir cüt qızıl sırğanı götürdükdən sonra hadisə yerindən uzaqlaşıblar. Törətdikləri cinayət əməlinə görə onlara qarşı Cinayət Məcəlləsinin 177.2.1 (oğurluq) və 180.2.1 (soyğunçuluq) maddələri ilə ittiham irəli sürülüb. C.İsmayılov barəsində isə axtarış elan edilib.   “Maşının arxasınca qışqırır, pulunu tələb edirdi” Təqsirləndirilən şəxs qismində dindirilən Adil Şahbalayev ona elan olunmuş ittihamla özünü təqsirli bilib. O, ifadəsində Emin Mirzəyevi, Emin Allahverdiyev və Ceyhun İsmayılovu uşaq vaxtlarından, Novruzu isə üç-dörd il əvvəl tanıdığını deyib. İfadəsində gecə saatlarında E.Mirzəyevin idarə etdiyi maşınla Lökbatana gedərkən yolun kənarında “Gümüş”ün dayandığını görüb: ”Onu cinsi azlığın nümayəndəsi kimi tanıyırdım. Adı Kamran olsa da “Gümüş” deyirdilər. Kamranın İran vətəndaşı ilə danışdığını görüb Eminə dedim ki, maşını saxlasın. Emin maşını saxladı, Kamranın yanında dayanan şəxsin ona pul verdiyini gördüm. Novruza təklif etdim ki, pulu Kamranın əlindən alsın. Novruzla Ceyhun Kamrangilə yaxınlaşdılar. Bir neçə dəqiqədən sonra geri qayıdıb avtomobilə əyləşdilər və tez uzaqlaşmaq lazım olduğunu dedilər. Kamran həmin vaxt qışqırıb pulunu geri qaytarmağı tələb edir, polisə məlumat verəcəyini deyirdi. Ceyhunla Novruz Kamrandan cəmi 14 manat pul götürdüklərini dedilər”.   “Bibisinin evini “aparmağı” Novruz özü təklif etmişdi” A.Şahbalıyevin ifadəsinə görə, həmin hadisədən sonra çayxanaya gəliblər. Çayxanada söhbət zamanı N.Əkbərov onlara bibisinin yaşadığı evi “aparmağı”təklif edib, mənzili yerini onlara göstərib: ”Novruz zəng vurub Emin Allahverdiyevi də çağırdı. Söhbət əsnasında bibisinin evindən qızıl və yaxud pul oğurlamağı təklif etdi. Razılaşdıq, evin yerini bizə göstərdi. Eminə dedi ki, sən pusquda dayan, səhər tezdən evdən çıxan olan kimi xəbər ver. Səhər saatlarında Emin Novruza zəng vurduqdan sonra Ceyhun və Emin Mirzəyev pusquda durdu, hasardan həyətə keçdim, dəmir barmaqlıqları sındırıb mənzilə girdim. Nə qədər axtarsam da, dolabdakı 500 manat puldan və bir cüt sırğadan başqa heç nə tapmadım. Sırğanı Ceyhuna verdim, pulları aramızda bölüşdük”. Sonradan ifadələrində mənzili təkbaşına yağmaladığını deyən A.Şahbalıyev Ceyhunla Emini gösləməyib evə girdiyini, əldə etdiyi pulu və qızılı dostları ilə bölüşməmək üçün birbaş Sabirabad rayonuna üz tutduğunu, uşaqlıq dostları nə qədər zəng vursalar da onlara cavab vermədiyini, oğurluq sırğanı tanımadığı bir nəfər satdığını, pulları isə təkbaşına xərclədiyini göstərib. O, tanışı Səbinəni döymədiyini, onun telefonunu ələ keçirmədiyini, həmçinin qəsəbə sakini O.Zülfüqarzadəni hədələmədiyini bildirib:”Səbinə ilə münasibətimiz korlanmışdı, evdən çıxıb gedəndə telefon evdə qalmışdı, sonradan aparıb verdim. Orxanı uşaqlıqdan tanıyıram. Ondan 20 manat borc istəmişdim. O da vermişdi”.   “Tutulandan sonra bilmişəm ki, bibimin evindən oğurluğu dostum eləyib” Təqsirləndirilən N.Əkbərov ona elan olunmuş ittihamla özünü qismən təqsirli bilib. O, ifadəsində bibisi Samirənin evindən oğurluq olunduğunu qohumlardan eşitdiyini, amma kim tərəfindən edildiyini bilmədiyini göstərib: ”Gecə saatlarında Salyan şossesində “Gümüş”ün bir əcnəbi ilə yol kənarında dayandığını gördük. Maşından düşüb onlara yaxınlaşdıq. Sonradan Kamranın cibindən götürülən pula baxanda gördüm ki, cəmisi 11 manatdır. “Gümüş”ün şikayəti əsasında 21 fevral 2016-cı ildə tutularkən bibimin evindən oğurluğu Adillə Ceyhunun törətdiyini bildim”.   “Heç bir cinayətdə iştirak etməmişəm” Taksi sürücüsü, hazırda dəstə üzvləri ilə birgə mühakimə olunan Emin Mirzəyev ona elan olunmuş ittihamla özünü təqsirli bilməyib. O, ifadəsində taksi sürücüsü kimi fəaliyyət göstərdiyini, uşaqlıq dostları olan Adili, Emini tanısa da, heç bir cinayətdə iştirak etmədiyini, hər hansı bir cinayətin törədilib-törədilməməsindən xəbəri olmadığını, ilkin izahatı alınarkən polis əməkdaşları tərəfindən fiziki təsir göstərildiyinə görə etmədiyi cinayətləri törətməsi barədə ifadə verdiyini göstərib. Digər təqsirləndirilən Emin Allahverdiyev də ona elan olunmuş ittihamla özünü təqsirli bilməyib: ”Saxlanılarkən Novruzun bibisinin evindən Adil tərəfindən oğurluq olunduğunu bilmişəm. Oğurluqda iştirak etməmişəm və məlumatım yoxdur”. “Polis əməkdaşı olduqlarını dedilər” Zərərçəkmiş Kamran Ələkbərov ifadəsində gecə saatlarında Türkiyə vətəndaşı Mustafa adlı şəxslə yol kənarında söhbət edərkən 4 nəfər onlara yaxınlaşaraq burada nə üçün durduqlarını soruşub: ”Kim olduqlarını soruşduqda sarışın oğlan vəsiqə çıxarıb polis olduğunu dedi. Biri qolumdan tutub yerə yıxdı, digəri isə gödəkçənin cibindəki 300 dolları götürdü. DİN-in 102 xidmətinə zəng vurmaq istəyəndə onlardan biri təpiklə qolumdan vurdu, telefon yerə düşüb sındı. Bundan sonra gəldikləri maşına əyləşib getdilər. Həmin şəxslərlə bağlı polis bölməsinə şikayət ərizəsi ilə müraciət etdim”.   “Oğurluq olduğunu başa düşdüm” Zərərçəkmiş Samirə Əkbərova ifadəsində günorta saatlarında işdən evə qayıdanda mənzilin dağınıq olduğunu gördüyünü deyib: ”Pəncərənin dəmir barmaqlıqları aralanmışdı, şüşə çıxarılmışdı deyə oğurluq olduğunu başa düşdüm. Evə baxanda 700 manat pulun və qızıl sırğamın oğurlandığını gördüm”.   “Evdə dərman gözləyirlər, pulu qaytar” Zərərçəkmiş Orxan Zülfüqarzadə ifadəsində Adil Şahbalıyevi tanıdığını, yaxın münasibətləri olmasa da, rastlaşanda salamlaşdıqlarını deyib. İfadəsində ötən ilin dekabr ayında Lökbatandakı “Cırtdan” parkının yanında olarkən A.Şahbazovun ona yaxınlaşdığını, pul tələb etdiyini, pul olmadığını dedikdə isə ciblərini axtardığını göstərib: “Adil cibimi axtarıb 20 manat tapdı. Qəzəbli halda üzümə baxıb “bəs deyirdin pulum yoxdur, mənə yalan danışırsan?” acıqlandı. Ona dedim ki, aptekdən dərman almaq üçün evdən veriblər. Əhəmiyyət vermədi, pulu cibinə qoydu. Bir daha pulu qaytarmağı tələb edəndə söyüb təhqir etdi. Ona “pulum yoxdur, evdə dərman gözləyirlər, pulu qaytar gedim dərman alım” desəm də, xeyri olmadı. Qəti şəkildə pulu verməyəcəyini, “hara istəyirsən şikayət et” deyib çıxıb getdi”. Zərərçəkmiş Səbinə Məmmədzadə ifadəsində Adil Şahbalıyevdən pulunu və telefonlarını geri tələb etdikdə sonuncu ona vurub. Bununla bağlı polisə şikayət edib. Məhkəmə prosesi yanvarın 13-də davam edəcək.

24 Dekabr 2016 2:20

Xalq artisti dəfn edildi – Foto

5

Dekabrın 22-də Təzəpir məscidində Xalq Artisti, Azərbaycan kino sənətinin tanınmış simalarından biri Muxtar Maniyevlə vida mərasimi keçirilib. Faktinfo.az  Azərtac-a istinadən xəbər verir ki, vida mərasimində sənətkarın ailə üzvləri, yaxınları, sənət dostları, ziyalılar, ictimaiyyət nümayəndələri iştirak ediblər.Vida mərasimində C.Cabbarlı adına “Azərbaycanfilm” kinostudiyasının direktoru Müşfiq Hətəmov çıxış edərək mərhum aktyor haqqında fikirlərini bölüşüb. Vurğulayıb ki, milli kinomuzun inkişafında aktyorun müstəsna xidmətləri olub. Ekran əsərlərində yaratdığı möhtəşəm obrazları mərhum aktyora böyük tamaşaçı sevgisi qazandırıb.Bildirilib ki, Muxtar Maniyev hər zaman ifa etdiyi rollarda xarakterik obrazlar yaradıb. O, 40 ildən artıq yaradıcılığı dövründə milli kinomuzun inkişafında əvəzedilməz işlər görüb. Mərhum aktyorun xatirəsi hər zaman onu sevənlərin qəlbində əbədi yaşayacaqdır.Mədəniyyət və turizm naziri Əbülfəs Qarayev mədəniyyətimizə üz verən bu itkinin acısını jurnalistlərlə bölüşərək deyib: “Muxtar Maniyev Azərbaycan kino mədəniyyətinin formalaşmasında, inkişafında mühüm işlər görüb. O, ifa etdiyi bütün rolları ilə böyük tamaşaçı sevgisi qazanmağı bacarıb. Bu hər sənətkara nəsib olan xoşbəxtlik deyil. Mərhum sənətkar istər həyatda, istərsə də kinoda müsbət emosiyalar yaradan və onu yaşadan sənətkar kimi xatırlanacaq. Muxtar Maniyevin yaratdığı obrazlar qalereyası onu həmişə yaşadacaq”. Xalq Artistinin cənazəsi son mənzilə yola salınıb. Mərhum Qala qəbiristanlığında dəfn olunacaq.

22 Dekabr 2016 3:31

Televiziyalara az adam baxır, nazirlik saytlarla sıx işləməlidir” –Parlamentdə müzakirə

ags

"Son vaxtlar vergi sistemi ilə əlaqədar çox ciddi qanunlar qəbul edilir”.  Bunu millət vəkili Vahid Əhmədov Milli Məclisinin İqtisadi siyasət, sənaye və sahibkarlıq komitəsinin iclasında deyib. Bu yaxınlarda Vergi Məcəlləsinə 201 dəyişiklik edildiyini deyən V.Əhmədov əlavə edib ki, bu, sahibkarlığın inkişafına çox müsbət təsir edəcək. Millət vəkili qanunlara dəyişikliyin təbliğatının getməməsindən şikayət edib: "Çox təəssüf ki, bu qanunların qəbulundan sonra təbliğat aparılmır. Bizə həddindən artıq çoxlu müraciətlər var. Mən ilk növbədə xahiş edirəm ki, Vergilər Nazirliyi vergi qanunverciliyində dəyişikliklə əlaqədar olaraq mətbuatda geniş məlumatlar versin. Televiziya ekranlarına insanlar daha az baxır, nəinki internet saytlara. Daha çox baxılan internet saytlar var ki, bu agentliklərdə əlaqə yaradıb bu məlumatları sahibkarlara vermək lazımdır”. Bu gün müzakirə edilən qanun layihəsini çox vacib sənəd adlandıran millət vəkili qeyd edib ki, bu, faktiki olaraq vergi yükünün azaldılmasına xidmət edəcək. Bununla belə, V. Əhmədov maliyyə sanksiyalarının ödənilməsi ilə bağlı müddətin uzadılmasını təklif edib: "Birincisi, siz 3 ay vaxt təyin etmisiniz. Bu üç ay bilirsiniz ki, maliyyə sistemində, maliyyə bazarlarında ən ağır aylardır. Birincis?i işləyən təşkilatlar, yəni cəmiyyətlər, təşkilatlar, iri vergi ödəyiciləri, əksəriyyəti dövlət büdcəsi ilə əlaqədar təşkilatlardır. Bilirsiniz ki, maliyyə də mart ayının 15-dən sonra bu təşkilatlara ayrılır. Ona görə də bu sanksiyaların ödənilməsinə müəyyən problemlər yarana bilər. Mən hesab edirəm ki, bu vaxtı 3 ay yox, 6 ay müddətə uzadılması yaxşı olardı. Bu müddəti uzatmaq lazımdır ki, yığımda problem olmasın”. Millət vəkili Vahid Əhmədov və Əli Məsimli vergi amnistiyasından sonra yeni vergi borcunun yaranmamasına xüsusi diqqət yetirməyin vacib olduğunu vurğulayıb: "Sonra elə olmamalıdır ki, gələn ilin sonunda vergi borcu yaransın və sahibkarlar, dövlət təşkilatları bu borcun ləğvini gözləsinlər”. Millət vəkilləri İlham Əliyev, Cavid Qurbanov, komitə sədri Ziyad Səmədzadə də qanun layihəsində vergi amnistiyası ilə bağlı nəzərdə tutulan 3 ay müddətin 6 aya qaldırılmasının vacibliyini qeyd edərək, qanun təşəbbüsü ilə çıxış edən qurum qarşısında qaldıraraq, bu təklifi nəzərə almağı tövsiyə ediblər.

20 Dekabr 2016 4:49

Sahibkardan icra başçısına ittiham: “Məndən 40 min manat rüşvət istəyir”

ags

Neftçala rayonun sakini, sahibkar Həsənov Rafil Abasət oğlu Neftçala rayon İcra Hakimiyyətinin başçısı İsmayıl Vəliyevin onun başına açıdığı “oyunlardan” bəhs edib. Sahibkarın sözlərinə görə, icra başçısı ona aid olan 500 hektar qış otlaq sahəsini zorla əlindən alır. Buna səbəb isə İsmayıl Vəliyevin ondan kənd təsərrüfatı İdarəsinin müdiri Mustafa Əliyev vasitəsi ilə ikinci dəfə 40 min manat rüşvət istəməsi və sahibkarın başçının bu tələbinə rədd cavabı verməsidir. Rafil Həsənov aşağıdakıları söyləyib: “Mən Həsənov Rafil Abasət oğlu 2013-cü ildə heyvandarlıq ferması yaratmaq məqsədi ilə Neftçala rayonunda Dövlət Torpaq Fonduna aid olan qış otlaq sahələrindən 500 hektar torpaq sahəsini 15 illik icarəyə götürmüşəm. Bu torpaq sahəsini icarəyə götürükən sənədlərin hazırlanması zamanı Neftçala rayon İcra Hakimiyyətinin başçsı İsmayıl Vəliyevlə görüşdüm və ona sənədlərin müqabilində istədiyi məbləği verdim. Sənədləri aldıqdan sonra ərazidə müxtəlif təsərrüfat təyinatlı tikinti işləri apardım. Üç il müddətində fermanı inkişaf etdirərək müasir səviyyəli heyvandarlıq kompleksi yaratdım. Hazırda bu kompleksdə 17 ailə çalışır və mən bu ailələri işlə təmin edirəm. Fermada 300 baş iribuynuzlu, 1500 baş xırdabaşlı heyvan bəslənilir. Açığı bu təsərrüfatı qurmaq üçn mən üç ildir ki, gecə-gündüz çalışmışam. Bir neçə ay əvvəl Neftçala rayon Kənd Təsərrüfatı İdarəsinin müdiri Mustafa Əliyev yanıma gələrək bildirdi ki, icra başçsı İsmayıl Vəliyev 40 min manat istəyir. Əks təqdirdə 500 hektar torpaq əlimdən alınacaq və üç il müddətində tikdiyim heyvandarlıq komleksi isə söküləcək. Mən Mustafa Əliyevin bu tələbinə etiraz etdim və bildirdim ki, üç il əvvəl torpaq sahəsini alarkən icra başçısı ilə özüm görüşmüşəm və istədiyi məbləği də ona vermişəm. İndi isə mənim ona verməyə pulum yoxdur. Çünki bütün sərmayəmi heyvandarlıq kompleksinin qurulmasına sərf etmişəm. Bunun əvəzində isə Mustafa Əliyev bildirdi ki, ya tələb olunan 40 min manatı verməliyəm, ya da torpaq sahəsi başqa bir iş adamına satılacaq. Dərdini hara istəyirsən deyə bilərsən. Sözün düzü mən bu boyda haqsızlığın və özbaşınalığın baş verəcəyinə inanmadım. Çünki heyvandarlıq kompleksinin qurulması üçün çoxlu pul və əmək sərf etmişdim. Hazırda bu heyvandarlıq kompleksində 17 ailə çalışmaqda və dolanmaqdadır. Məsələ ilə bağlı Prezident Adminstrasiyasında oldum. Onlara problemimi anlatdım. Bu günə qədər çəkdiyim xərcləri, verdiyim rüşvətləri və əziyyətləri dilə gətirdim. Mənə deyilər ki, məsələni araşdıracaqlar. Lakin indi yaranan vəziyyətdən belə görünür ki, Neftçalanın icra başçısı İsmayıl Vəliyev Prezident Adminstrasiyasını saymır. Çünki artıq Mustafa Əliyev mənim adıma sənədləşdirilən torpağın satıldığını bildirərək məndən tələb edir ki, ərazini tərk edim. Tikililəri söküm, 17 ailəni taleyin ümidinə buraxım və yüzlərlə heyvanı satım. Açığı mən özbaşınalığın bu həddinə çaş-baş qalmışam. Möhtərəm prezidentimiz hər çıxışında qeyd edir ki, icra başçıları sahibkarlığın inkişafına yardımçı olmalı, yeni iş yerlərinin açılması üçün çalışmalıdırlar. Lakin ortada olan mənzərə məni çaş-baş salır. Hazırda bir icra başçısı öz şəxsi qazancı üçün 17 ailəni dolanışıqdan məhrum edir. Mənim min cür əziyyətlə ərsəyə gətirdiyimi fermam söklür. Bütün bunlar ona görə olur ki, rüşvət tələbini rədd etdimiyə görə icra başçısı mənə aid olan torpağı başqasına satır. Mən sizə o torpaqların mənə aid olması ilə bağlı bütün sənədləri təqdim edirəm. O sənədlərdən də açıq şəkildə görünür ki, sözükeçən qış otlaq sahələri 15 il müddətinə mənə verilib. Amma möhtərəm prezidentmizin sahibkarlığın inkişafı ilə bağlı tapşırıqlarına məhəl qoymayan İsmayıl Vəliyev iqtisadiyyatımızın inkişafına birbaşa mane olur. Buna görə də hüquq-mühafizə orqanlarından və digər əlaqədar dövlət qurumlarından xahiş edirəm ki, İsmayıl Vəliyevin bu özbaşınalığı araşdırılsın. Əgər mən bu məsələdə az da olsa haqsızamsa və yalan danışıramsa, onda istənilən cəzanı çəkməyə və heyvandarlıq kompleksini İsmayıl Vəliyevə bağışlamağa hazıram. Yox, əgər mənim dediklərim həqiqətdirsə, onda dövlət qurumları İsmayıl Vəliyevi və onun əlaltısı Mustafa Əliyevi cəzalandırmalıdır. Bir daha Prezident Adminstrasiyasına müraciət edirəm və xahiş edirəm ki, əllərində olan səlahiyyətlərdən istiadə edərək icra başçısının özbaşınağını dayandırsınlar”. Qeyd edək ki, son zamanlar Neftçala rayonunda sahibkarların incidilməsi ilə bağlı vətəndaşların müraciətlərinin sayı artmaqdadır. Məsələ ilə bağlı Neftçala rayon İcra Hakimiyyəti ilə əlaqə saxlamağa çalışsaq da, bizə bildirdilər ki, icra başçısı hazırda yerində yoxdur. Mustafa Əliyevin telefon nömrəsini isə bizə verməkdən imtina etdilər. Bütün hallarda qarşı tərəfin mövqeyini dərc etməyə hazırıq. (MilliYol.Az)

19 Dekabr 2016 3:24

Bakıda itkin düşən uşaq tapıldı: onu diləndiriblər?

uaa

Bakıda itkin düşən uşaq tapılıb. Lent.az-ın məlumatına görə, Bakının Əhmədli qəsəbəsində itkin düşən 10 yaşlı Abbasov Amil tapılıb. Bu barədə Amilin ailəsindən bildirilib. Deyilənə görə, uşağın özü az öncə evə gəlib. "Qapı döyüldü, açdıq gördük uşağın özüdür", - deyə Amilin anası Arzu Abbasova bildirib. 3-cü sinif şagirdi olan Amin özü isə aznews.az-a onu dilənçilərin oğurladığını deyib: “Məni soyuqda diləndirdilər”. Bunu həmin sayta Aminin anası da təsdiqləyib. O bildirib ki, uşaq oynayarkən yanında 4 uşaq olan qaraçı qadın onu çağırıb və dünən bütün günü soyuqda diləndirib: “Uşaq o qədər soyuqda qalıb ki, eşitmə qabiliyyəti zəifləyib. Qaraçı qadın uşağın internetdə şəklini və axtarışda olduğunu görən kimi gətirib qapımızın ağzına qoyub. Hal-hazırda hüquq-mühafizə orqanları qadının kimliyini araşdırır”. * * *21:41 Bakının Əhmədli qəsəbəsində 10 yaşlı uşaq itib. Bu barədə Lent.az-a uşağın anası məlumat verib. Anası Arzu Abbasovanın sözlərinə görə, Amil günorta məktəbdən gəldikdən sonra həyətə velosiped sürməyə düşüb və bir daha geri qayıtmayıb: “Qardaşı da onunla olub. Lakin Əli üşüdüyündən evə qalxıb. Amil isə həyətdə qalıb”. Ailə bu barədə Xətai Rayon Polis İdarəsinin 34-cü polis bölməsinə məlumat verib. Xətai Rayon Polis İdarəsinin 34-cü polis bölməsindən bildirilib ki, belə bir şikayət qəbul edilib: “Abbasov Amilin axtarışları paytaxtın bütün istiqamətlərində davam etdirilir”. Qeyd edək ki, Amil Abbasov 95 saylı orta məktəbin 3-cü sinif şagirdidir. Şəkildəki uşağı görənlərdən 34 saylı polis bölməsinə məlumat vermək və yaxud (055) 563-60-11 nömrəsinə zəng etmək xahiş olunur.

18 Dekabr 2016 11:36

“Sürücülər bəhanə gətirməsinlər” – Yol polisi

109299

“Avtomobilin şaxtalı havada sürüşərək qəza törətməsi yol və meteoroloji şəraitin nəzərə alınmaması ilə bağlıdır. Qəzanın baş verməsinə yol şəraitinin, yolun buz bağlamasının bəhanə gətirilməsi səhv yanaşmadır”. Faktinfo.az xəbər verir ki, bu barədə Trend-ə Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov məlumat verib.V.Əsədov qeyd edib ki, avtomobillərin sürüşmə hallarını araşdırarkən əyləc sistemindən istifadə edilməsi, düzgün sürət həddinin seçilməməsi, yaxud da diqqəti yayındıra biləcək hərəkətlər aşkarlanarsa, sürücü məsuliyyətə cəlb ediləcək: “Yol və meteoroloji şərait nəzərə alınmazsa, avtomobil hərəkətdə olarkən sürüşüb qəza törədərsə və bu zaman maddi ziyan vurarsa, belə hallar araşdırılacaq və sürücülər inzibati məsuliyyətə cəlb ediləcək. Qanunda göstərilir ki, yol və meteoroloji şərait nəzərə alınmaqla avtomobil elə idarə olunmalıdır ki, hərəkət istiqamətində hər hansı bir təhlükə yaranarsa, sürücü toqquşmanın qarşısını ala bilsin”. V.Əsədov bildirib ki, bəzən sürücülər buzlu hava şəraitində avtomobil idarə etdiklərini unudub eyni zamanda əyləc sistemindən istifadə edirlər. “Bu da avtomobilin sürüşməsinə səbəb olur” V.Əsədov əlavə edib ki, şaxtalı hava şəraitində yol polisi gücləndirilmiş iş rejimində çalışacaq.

16 Dekabr 2016 9:07

Əflatun Amaşov: ARDNF-in maliyyə dəstəyi hesabına minlərlə məktəb,xəstəxana tikilib

alma

“ARDNF bu günə qədər Azərbaycanda çox böyük layihələrə həyata keçirib və bu gün də həyata keçirməkdədir”. Faktinfo.az xəbər verir ki, bu sözləri millət vəkili, Mətbuat Şurasının sədri Əflatun Amaşov ARDNF-də keçirilən tədbir zamanı səsləndirib. Millət vəkilinin sözlərinə görə, bu günə qədər ölkəmizdə minlərlə məktəb, xəstəxana məhz bu qurumun maliyyə dəstəyi ilə təmir olunub və ya tikilib: “ARDNF yarandığı vaxtdan bu günə kimi ölkə ərazisində minlərlə məktəbin və xəstəxananın təmir edilməsində, həmçinin yenidən tikilməsində iştirak edib, çoxlu sayda sosial infrastruktur layihələrinin gerçəkləşməsində iştirak edib. Bu gün layihələşdirilən regional əhəmiyyətli layihələrədn biri də Bakı-Tiflis Qars dəmir yolu layihəsidir. Hansı ki, bu dəmir yolunun çəkilməsi ilə bağlı görülən işlər çox güman ki, gələn il başa çatacaq. Bu və bu kimi faktlar ARDNF-in ölkəmiz üçün böyük çiqyaslı və  mühüm əhəmiyyətli işlər gördüyünü sübut edir”. Məlumat üçün qeyd edək ki, ARDNF-də keçirilən tədbir Mətbuat Şurası ilə sözügedən qurumun Azərbaycanın Dövlət Müstəqilliyinin 25-ci ildönümü münasibəti ilə elan etdikləri müsabiqədə qalib gələn jurnalistlərin mükafatlandırlmasına həsr edilib.  

15 Dekabr 2016 7:16

Fakt

Bizi izləyin