Göyərtəsində 118 sərnişin olan təyyarə qaçırıldı – Yenilənib

Terrorçular tərəfindən qaçırıldığı bildirilən sərnişin təyyarəsi Malta beynəlxalq aeroportuna yerə enib   Bu ölkənin Daxili İşlər Nazirliyi aeroporta təcili olaraq təhlükəsizlik qüvvələrinin və təcili yardım briqadalarının göndərildiyini açıqlayıb. Virtualaz.org Malta agentliklərinə istinadən xəbər verir ki, təyyarə Liviyanın Seba şəhərindən yerli vaxtla saat 10.10-da havaya qalxıb və Tripoliyə doğru istiqamət götürüb. Lakin terrorçular ekipajdan təyyarənin kursunu dəyişməyi tələb ediblər. Xəbərə görə, Maltanın xüsusi təyinatlı bölmələri aeroporta yeridilib, o cümlədən "C" antiterror bölməsi təyyarəni mühasirəyə alıb. Aeroportdan bir neçə reys təxirə salınıb. Daxili İşlər Nazirliyinin baş direktoru Alan Borq təyyarədəki sərnişinlərin azad olunması üçün əməliyyat keçirilməsinin hökumətin səlahiyyətində olduğunu açıqlayıb. *** Liviyaya məxsus sərnişin təyyarəsi qaçırılaraq Maltada eniş edib. Faktinfo.az Trend-ə istinadən bildirir ki, bu barədə Malta baş naziri açıqlama verib. Verilən məlumatlara görə, Liviyaya məxsus sərnişin təyyarəsi iki silahlı tərəfindən qaçırılıb. Təyyarədə 118 nəfərin olduğu deyilir. Hələlik silahlıların tələbinin nə olduğu məlum deyil. Onlar təyyarəni partlatmaqla hədələyir. Maltanın təhlükəsizlik qüvvələri hadisə ilə bağlı hazır vəziyyətə gətirilib.

23 Dekabr 2016 4:19

Putin:“Türkiyənin bu arqumentinə şübhə edirdim, səfirin qətlindən sonra fikrimi dəyişdim”

“Səfirin qətli Rusiyaya qarşı sui-qəsd idi. Mən əvvəl təyyarəmizin türk hərbçiləri tərəfindən vurulması ilə bağlı deyilən arqumentə şübhə ilə yanaşırdım. Səfirin qətlindən sonra mən fikirmi dəyişdim. Belə görünür müəyyən qüvvələr Türkiyə ordusuna nufuz ediblər. Mən heç kimi ittiham etmirəm. Amma bu faktdır”. Faktinfo.az  bildirir ki, bu sözləri bu gün keçirdiyi böyük mətbuat konfransında prezident Putin Türkiyə ilə əməkdaşlıq və bu istiqmətdə yaradılan problemlər barədə danışarkən bildirib. Putin bildirib ki, Rusiya səfrinin qətli Türkiyə ilə münasibətlərə təsir etmir: “Bizə son illərdə kompromis tapmağa müyəssər olub”. Putinin sözlərinə görə, Hələbdə situasiyanın tənzimlənməsində Türkiyə və İran prezidentləri böyük rol oynayıb: “Bizim iştirakımız olmadan bu mümkün olmayacaqdı. Hələbdə bu 3 tərəfli format böyük rol oynadı. Hazırda Hələbdə döyüş əməliyyatı aparılmadan minlərlə insan çıxarılır. Söhbət 100 min adamdan gedir. Bu nəhəng miqyaslı beynəlxalq humanitar aksiyadır”. Putin qeyd edib ki, bununla yanaşı Suriya problemini Səudiyyə Ərəbistanı, Misir, İordaniya, ABŞ-ın iştirakı olmadan həll etmək mümkün deyil. O, vurğulayıb ki, Qazaxstan problemin həlli ilə bağlı danışıqlar aparmaq üçün Astananı təklif edib: “Biz problemin siyasi həlli üçün praktik danışıqların başlanmasını istəyirik”.

23 Dekabr 2016 3:07

Fakt

Bizi izləyin