92 yaşlı prezidentin namizədliyi yenidən irəli sürüldü

Zimbabvenin iqtidar partiyası olan Afrika Milli İttifaqı – Vətənpərvər Cəbhə 2018-ci ildə keçiriləcək prezident seçkilərinə 92 yaşlı dövlət başçısı Robert Muqabenin namizədliyini irəli sürüb. Muqabe 1980-ci ildən bəri ölkənin birinci şəxsidir. Virtualaz.org TASS agentliyinə istinadən xəbər verir ki, partiyadaxili səsvermədən əvvəl prezidentin əsas rəqibləri kimi 70 yaşlı vitse-prezident Emmerson Mnanqaqvanın və prezidentin 51 yaşlı həyat yoldaşı Qreys Muqabenin adları hallanırdı. Partiyanın qadın bölməsinə rəhbərlik edən Qreys Muqabenin daha çox vitse-prezident olmaq arzusu da gələn xəbərlər arasındadır. Bu, müəyyən hallar çərçivəsində ona prezidenti əvəz etmək imkanı yaradır. Lakin Qreys Muqabe bildirib ki, yüksək vəzifələrdə gözü yoxdur, çünki onsuz da dövlət idarəçiliyi məsələlərini həyat yoldaşı ilə birgə həll edir. “Mən prezidentin arvadıyam, deməli, artıq dövlət başçısıyam. Bütün işlərimi prezidentlə birgə həll edirəm, daha nə arzilayım?” – o deyib. Muqabe özü isə bildirib ki, bu cənubi Afrika ölkəsinə Tanrının iradəsinə uyğun rəhbərlik edir və 100 yaşına qədər dövləti idarə etmək niyyətindədir. Konstitusiya ona daha 5 il müddətinə seçilmək imkanı verir. Belə olan halda isə Robert Muqabe yalnız 99 yaşına kimi prezident kürsüsündə qala bilər.

17 Dekabr 2016 9:59

Türkiyədə terror aktında şəhid olanların sayı 14-ə yüksəldi

Türkiyənin Kayseri şəhərində baş verən terror aktı nəticəsində şəhid olanların sayı 14 nəfərə çatıb. "Hürriyet" xəbər verir ki, bu barədə jurnalistlərə ölkənin daxili işlər naziri Süleyman Soylu məlumat verib. Onun sözlərinə görə, Kayseri Erciyes Universitetinin kampusunun qarşısında hərbçiləri daşıyan sərnişin avtobusunun partladılması nəticəsində 56 nəfər yaralanıb: "Yaralananlardan 12-si hazırda reanimasiyadadır. Onlardan 4 nəfərinin vəziyyəti ağırdır". *   *   *14:52 Türkiyənin Kayseri şəhərində baş verən terror aktında yaralananların sayı artıb. "Milliyet" xəbər verir ki, Kayseri Erciyes Universitetinin kampusunun qarşısında hərbçiləri daşıyan sərnişin avtobusunun partladılması nəticəsində 55 nəfər yaralanıb. Ölkənin daxili işlər naziri Süleyman Soylu bildirib ki, yaralananlardan 12-si hazırda reanimasiyadadır: “Onlardan 6-sının vəziyyəti ağırdır. Bundan başqa, şəhid olanlardan 8-nin kimliyi də artıq məlum olub”. Nazir qeyd edib ki, hazırda terroru törədənlərin kimliyi araşdırılır: “Türkiyədə terrora son qoyulacaq. Biz bu məsələdə qərarlıyıq. Səbrli olacağıq və bununla da terrorun qarşısını alacağıq. Ölkəmizin, millətimizin başı sağ olsun”. *   *   *13:03 Türkiyə Silahlı Qüvvələri Baş Qərargahı Kayseri şəhərində baş verən terror aktı nəticəsində ölən və yaralananların sayını açıqlayıb. "Hürriyet" xəbər verir ki, Kayseri Erciyes Universitetinin kampusunun qarşısında hərbçiləri daşıyan sərnişin avtobusunun partladılması nəticəsində 13 hərbçi şəhid olub, 48 nəfəri yaralanıb. *   *   *11:03 Türkiyədə universitetlərdən birinin şəhərciyində partlayış olub. "Hürriyet" yazır ki, partlayış bu gün səhər saatlarında Kayseri Erciyes Universitetinin kampusunun qarşısında qeydə alınıb. Məlumata görə, partlayış avtobusda meydana gəlib, yaralılar var. Hadisə yerinə təcili yardım və yanğınsöndürən maşınları göndərilib.

17 Dekabr 2016 7:20

Ter-Petrosyan: “Mərhələli həlldən başqa yol yoxdur, Qarabağın açarı Rusiyadadır”

Bu gün İrəvanda müxalif Ermənistan Milli Konqresinin qurultayı keçirilib. Virtualaz.org erməni KİV-lərinə istinadən xəbər verir ki, qurultayın açılışı Konqresin lideri, eks-prezident Levon Ter-Petrosyanın iştirakı olmadan baş tutub. Onkoloji xəstə olduğu deyilə Ter-Petrosyan qurultaya daha sonra qatılıb və çıxış edib. O, çıxışında Qarabağ məsələsinə geniş yer ayırıb və həm müharibə, həm sülh imkanları haqda danışıb. Aprel döyüşlərindən, erməni ordusunun atəşkəsdən bu yana ən ciddi zərbə aldığı həmin günlərdən sonra prezident Serj Sərkisyanla danışıqlara gedib Qarabağ məsələsində ona dəstək verəcəyini elan edən Ter-Petrosyan öz tərəfdarlarını ruhlandırmağa çalışaraq deyib ki, müharibə yenə başlasa Azərbaycan “daha bir neçə rayon itirəcək”. “Bundan sonra nə olacaq, onu bir Allah bilir. Mən buna təminat verirəm”-Ter-Petrosyan deyib. Onun çıxışının bu hissəsi zalda təbii ki, alqışlarla qarşılanıb. Ermənistanın eks-prezidentinin hesab etdiyinə görə Azərbaycan prezidenti İlham Əliyev nə qədər müharibə variantı haqda danışsa da “o cümlədən öz xalqı üçün olduqca vacib olan” sülhün əldə edilməsi istiqamətində ölçüyəgələn addımlar atmağa qadirdir. Ter-Petrosyanın sözlərinə görə, sülh Ermənistana nə qədər lazımsa Azərbaycana da o qədər lazımdır. Eks-prezident çıxışını davam etdirərək deyib ki, Qarabağ məsələsinin mərhələli həlldən başqa həll yolu yoxdur. Bununla belə hazırda danışıqlar masasında paket variant qoyulub. Ter-Petrosyan qeyd edib ki, Qarabağ məsələsi həll olunan kimi erməni-türk münasibətləri də öz-özünə nizamlanacaq. “Elə ertəsi gün”-o qeyd edib. Ter-Petrosyanın sözlərinə görə, bu gün Ermənistan Qarabağ münaqişəsinin nizamlanmasının növbəti fürsətini əldən buraxmamaq imperativi qarşısındadır. Və Rusiyanın səyləri münaqişənin həlli üçün fürsət yarandığını göstərir. “Mən əvvəllər də demişəm ki, Qarabağ münaqişəsinin həllinin açarı Rusiyanın əlindədir”-Ter-Petrosyan  bildirib. “Ermənistan Milli Konqresi yeganə partiyadır ki, heç nəyi gizlətmədən sülh və kompromislər tərəfdarı kimi öz mövqeyini bildirib. Nəinki bu prinsipdən çıxış edərək, eyni zamanda situasiyanı nəzərə alaraq Konqres silahlanma yarışının dayandırılmasında iştirak etməli, Türkiyə ilə münasibətlərin nizamlanmasına dair konstruktiv proqram irəli sürməlidir. Bu, Ermənistan və Qarabağ əhalisi üçün həyati əhəmiyyətlidir. Biz bunu seçkilərdə qalib gəlməklə və ya yerlərin əhəmiyyətli hissəsini qazanmaqla həyata keçirə bilərik”-Ter-Petrosyan deyib. Qeyd edək ki, Ter-Petrosyanın hakimiyyətdən devrilməsinin səbəbi onun Qarabağ münaqişəsinin mərhələli yolla həllinə dair plana razılıq verməsi olub. Hansı ki, bu plana əsasən Ermənistan işğal altındakı rayonları qaytarmalı, Dağlıq Qarabağ aralıq statusa malik olmalı idi. Yekun statusun müəyyən edilməsi isə qeyri-müəyyən müddət sonraya təxirə salınırdı. Bu ilin aprelində Azərbaycan ordusu ermənilərin Qarabağdakı müdafiə xəttini iki istiqamətdə darmadağın edəndə hakimiyyərkisyəti ciddi sarsıntı keçirən Serj Sərkisyan gözlənilmədən Ter-Petrosyanın evinə gedib onunla görüşdü. Görüşdə nələrin müzakirə olunduğu məlum deyil, ancaq eks-prezident bəyanatla çıxış edib bildirdi ki, hakimiyyətin Qarabağ məsələsinə dair addımlarının tənqid olunmasını dayandırır və bu məsələdə Sərkisyanla həmrəydir. Və ənənəvi olaraq münaqişəyə dair konstruktiv yanaşması ilə tanınan Ter-Petrosyan da digər erməni xadimləri kimi davakar platformaya keçib Qarabağ məsələsində öz mövqeyinə düzəliş etmidi. Belə məlumatlar var ki, Ter-Petrosyan Qarabağ məsələsində Sərkisyana dəstək verməklə gələn ilki parlament seçkilərində partiyası üçün parlamentdə sanballı miqdarda kürsü əldə etmək, beləliklə də yeni parlament üsul-idarəçiliyində hakimiyyət ortağına çevrilmək barədə anlaşıb. Doğrudur, Ter-Petrosyanın özünün onkoloji xəstə olduğu məlumdur və onun təkrar hakimiyyət başına gəlmək perspektivləri yoxdur. Bununla belə istisna deyil ki, Ter-Petrosyan tarixdə erməni cəmiyyəti üçün “təslimçi sülhə” razılıq verən və bu üzdən hakimiyyətdən qovulan siyasi xadim kimi qalmaq istəmir. Görünür təsadüfi deyil ki, o, partiyasının qurultayındakı çıxışını da həm davakar, həm konstruktiv tonda qurmağa çalışıb. Ter-Petrosyanın daha bir neçə rayon barədə dedikləri onun tərəfdarları qarşısında alqış doğura bilər, ancaq Ermənistanın eks-prezidenti təcrübəli siyasətçidir  bu ilin aprelində baş verənlərdən sonra bir daha əmin olmamış deyil ki, indi onun hakimiyyətdə olduğu 90-cı illərin əvvəlləri deyil. Ter-Petrosyanın “bir neçə rayon” barədə dedikərinə isə görünür ki, Azərbaycandan həm də onun həmkarları-özünü müxalif liderlər hesab edənlər tutarlı cavab verməlidir...

17 Dekabr 2016 4:36

Ovannisyan istintaqa çağırıldı və infarkt keçirdi

Ermənistanın yeni təyin olunmuş müdafiə naziri Vigen Sarkisyan 2016-cı il üçün Ermənistan Müdafiə Nazirliyinin büdcə xərclərinin, eləcə də şirkətlərlə bağlanan müqavilələrin və onların yerinə yetirilmə mərhələlərini yoxlamaq barədə tapşırıq verib. FaktXəbər-in məlumatına görə, komissiya tərəfindən aparılmış araşdırma nəticəsində Seyran Ohanyana məxsus olduğu bilinən İrəvan şəhəri, Tumanyan küçəsi, ev 21 ünvanında qeydiyyatda olan “Hesperus” QSC, Xankəndi şəhəri, Xarkov küçəsi, ev 4 ünvanında qeydiyyatda olan “Eko Plastik” və bir sıra digər şirkətlərin xeyli miqdarda dövlət vəsaitini mənimsəyərək Ermənistanda fəaliyyət göstərən Sukisyan qardaşlarına məxsus “Hay Ekonom Bank” vasitəsi ilə offşor zonalara ötürdyü məlum olub. Yoxlama zamanı qeyd olunan qeyri-rəsmi əməliyyatlarda iştirak etmiş şəxslərin adları ilə yanaşı Ermənistanın sabiq müdafiə naziri Seyran Ohanyan və ona yaxınlığı ilə bilinən mətbuat xidmətinin rəhbəri Artsrun Hovannisyanın da adı yoxlanılan şəxslərin siyahısındadır. Ermənistan KİV-nin yaydığı xəbərə görə, araşdırmanın davam etdiyi bu günlərdə istintaqa çağırılan Ermənistan Müdafiə Nazirliyinin mətbuat xidmətinin rəhbəri A. Hovannisyan ürək tutması ilə hospitala yerləşdirilib. Onun ürək infarktı olduğu bildirilir. Qeyd edək ki, Ermənistan Müdafiə Nazirliyində aparılan yoxlamanın nəticəsində külli miqdarda yeyintinin olduğu üzə çıxıb. Bununla bağlı həbslərin olacağı gözlənilir.

17 Dekabr 2016 3:51

“Ərdoğan mənə dedi ki…” –Jirinovskidən şok açıqlamalar

  "Rəcəb Tayyib Ərdoğan mənə Türkiyənin NATO-dan ayrılma ehtimalının olduğunu söylədi". Bunu Rossiya-1 televiziyasında yayımlanan “Poyedinok” proqramında çıxışı zamanı Rusiya Liberal Demokrat Partiyasının sədri Vladimir Jirinovski söyləyib. Türklərin şərəfli millət olduğunu bildirən Jirinovski Ərdoğanın artıq Avropa Birliyinin vədlərindən bezdiyini deyib: “Reallıqlara baxmaq lazımdır. Bir ölkənin xarici siyasətini prezident müəyyənləşdirir. Biz uzun müddət mübahisə edə bilərik, amma ən sonda qərarı prezident verir. Ərdoğanla görüşüm zamanı bu sözləri eşitdim. Ərdoğan Şanxay Əməkdaşlıq Təşkilatına girmək üçün bizə dəfələrlə müraciət edib. Üstəlik, o, mənimlə görüşü zamanı Türkiyənin NATO-dan ayrılma ehtimalının olduğunu da bildirdi. Türkiyə ilə uzun illər savaşmışıq, amma bu gün şərait dəyişib. Ərdoğan artıq Avropanın Türkiyəni nə vaxt öz sıralarına qəbul edəcəyini gözləməkdən yorulub. Türklər şərəfli xalqdır. Türklər artıq “Avropa Birliyini istəmirik” deyir. Türkiyə bizimlə dost olmaq istəyir. Türkiyə həmçinin Rusiya ilə hərbi-müdafiə məsələlərində də iş görmək istəyir. Bu, önəmli addımdır. Ona görə ki, Türkiyə NATO ölkəsidir. Biz demirik ki, Türkiyə NATO-dan ayrılacaq. NATO özü Türkiyəni sıralarından çıxaracaq. Ankara bizimlə hərbi məsələlərdə razılaşsa, Alyans belə bir qərar verəcək. Türklərlə iş birliyini itirməməliyik. Yalnız türklər təbii qaz kəmərimizi inşa etməyimizə izn verdilər. Onlarla yaxınlaşmağımız Qazaxıstan, Özbəkistan, Qırğızıstan, Türkmənistan və Azərbaycanı da məmnun edəcək”.

16 Dekabr 2016 6:15

Fakt

Bizi izləyin