Erməni podpolkovnik öldürüldü

Qarabağda gedən döyüşlərdə erməni ordusunun mühəndis qoşunlarının 38 yaşlı podpolkovniki Geqam Manukyan da ölənlər arasındadır. Faktinfo.az xəbər verir ki, bu barədə virtualaz.org-a Qarabağdakı mənbələr bildiriblər. O, mühəndis-istehkam qoşunlarında xidmət edirmiş. Mənbələrin bildirdiyinə görə, bu gün səhər saatlarından etibarən Xankəndi hospitalına yaralılar daşıyırlar. Hospitalda yaralıların sayının getdikcə artdığı bildirilir, morqda isə azı 5 əsgər cəsədi var. Mənbəmiz həmin hərbçilərin adlarını və soyadlarını dəqiqləşdirməyə çalışır. Qeyd edək ki, separatçı erməni rejiminin "müdafiə nazirliyi"nin bildirdiyinə görə, bu gün fevralın 8-də saat 11.00 radələrində təmas xəttinin şimal istiqamətində 1979-cu ildə anadan olmuş, müqavilə əsasında xidmət keçən hərbçi Geqam Manukyan öldürülüb. Bundan əlavə saat 12.00 radələrində təmas xəttinin Ağdərə istiqamətində həqiqi hərbi xidmət keçən əsgər Koryun Kirakosyan ağır yaralanıb. Erməni KİV-ləri xəbər verir ki, bu gün günorta radələrində Ağdərə istiqamətində yaralanan əsgər Koryun Kirakosyanın vəziyyəti kirtikdir, o, Xankəndi hospitalına çatdırılıb və hazırda əməliyyat olunur. Güllə Kirakosyanın başından dəyib. Xatırladaq ki, Azərbaycan Müdafiə Nazirliyi ötən gün axşam saatlarında erməni silahlı birləşmələrinin ordumuzun mövqelərinə toplardan və minomyotlardan atəş açaraq diversiya həyata keçirməyə çalışdığını bildirib. Nəticədə düşmən mövqelərinə artilleriyadan cavab zərbələri endirilib, ermənilərin istehkam qurğuları dağıdılıb.

8 Fevral 2017 5:40

Heyvanları öldürüb,təntənəli dəfn edirmiş

1978-ci ildə Cənubi Amerikanın Qayana adlı ölkəsində yerləşən Jonestown qəsəbəsində 911 nəfərin eyni anda intihar etdiyi xəbəri bütün dünyada böyük səs-küy yaratmışdı.. 1931-ci ildə Indianada doğulan Jim Jones təhsilini tamamladıqdan sonra bir kilsə tikərək Xalqın məbədi adı altında bir təriqət yaradır. Vaizləri əsnasında, qara və ağların bərabər olduğu və eyni hüquqlara sahib olduğu fikrini səsləndir və müdafiə edir. Bunun nəticəsində bir çox zənci təriqətə üzv olur. Jim Jones çox yüksək inandırıcı xitab gücü sayəsində bağlı qapılar arxasında təriqət üzvlərinə etdiyi vaizlər əsnasında insanları təsiri altına almağı bacarır. Kaliforniyada fəaliyyət göstərən kilsədə edilən yardımlar və şagirdlərinin artması hesabına olduqca böyük pullar qazanaraq kiçik bir sərvətin sahibi olur. Getdikcə Jones məşhur bir insan halına gəlmiş və media tərəfindən möhkəm təqibə alınmışdır. 1977-ci ildə şagirdləri ilə birlikdə Qayanayaya gedərək gözdən uzaq bir həyat quraraq medianın və xalqın marağından uzaq qalma fikrini reallaşdırir. Meşənin içində Jonestown adını verdiyi qəsəbəni quraraq vaizlərinə davam edir. Şagirdləri ilə davamlı şəkildə kütləvi intihar sınaqları təşkil edərək, kütləvi ölümün müqəddəs sayılacağına dair onlara məsləhətlər verir. Onun hərəkətlərinin qanunsuz olub olmadığnı yoxlamaq üçün əraziyə senator və mətbuat qrupu göndərilir. Qrupun bölgəyə gəlməsilə işlər pisləşmiş və bir neçə nəfərin "buradan ayrılmaq istəyirik" deməsinin ardınca heyətlə birlikdə ayrılmaq istəyənlər təyyarəyə minmək üzrə ikən silahlı şəxslər tərəfindən atəş açılmış və beş nəfər həyatını itirmişdir. Bundan sonra çox sayda media və təhlükəsizlik qüvvələri bölgəyə getdiyində böyük bir şokla qarşılaşırlar. Jim Jones və müridlərindən ibarət təxminən 911nəfər sianid turşusu içərək toplu halda intihar etmişdir. Hadisənin ardınca edilən araşdırmalarda Jim Jonesin kütləvi intihar əsnasında özünü silahla vuraraq intihar etdiyi təsbit edilir. Araşdırmalar əsnasında ortaya çıxan sənədlərə görə Jim Jonesin toplu intihardan əvvəl böyük bir seans təşkil etdiyi və müridlərinə saxta Cənnət vəd edərək onları intihara sürüklədiyinə dair səs qeydi tapılmışdır. Tarixə böyük bir qətliam olaraq keçən bu hadisə haqqında çox sayda nəzəriyyələr mövcuddur. Jim Jonesin özünün normal bir ailədən gəlmədiyi faktı açıqlanıb. O doğularkən anası onu “ilahi məxluq” kimi qələmə verib. Atası isə uzun zamanlar zəncilərə qarşı çıxıb və “ Amerika ağ dərililər üçündür” fikrini səsləndirib. Jonesin özünün uşaqlıqdan problemi olduğu bildirilir. Belə ki, onun heyvanları qəddərcasına öldürməsi və sonra isə onlara təntənəli dəfn mərasimi təşkil etməsi buna nümunədir. Şirvan Hacıyeva Faktinfo.az

6 Fevral 2017 5:31

Fakt

Bizi izləyin