Bakıda ŞOK OLAY: Ana qızı və oğlu ilə polisləri döydü

Bakıda istintaq işi ilə bağlı zərərçəkmiş şəxslərlə görüşən Daxili İşlər Nazirliyinin məsul şəxsləri hücuma məruz qalıblar. Təmxinən 1 ay öncə baş verən hadisə ilə bağlı artıq cinayət işi açılıb.Belə ki, Nərimanov rayonunda yaşayan, Bakı şəhər sakini 1961-ci il təvəllüdlü Nina İbrahimova 18-ci Polis Bölməsinə müraciət edərək bildirib ki, aprelin 15-də saat 18 radələrində Fərman və Samir adlı şəxslər onu döyərək xəsarət yetiriblər. N.İbrahimova heç bir tibb müəssisənə müraciət etməyib.Hadisə ilə bağlı Bakı şəhər baş Polis İdarəsinin İstintaq və Təhqiqat İdarəsində cinayət işi başlanılıb. Cinayət işi üzrə istintaqı aparılan zərərçəkmiş şəxslərin təhlükəsizliyinin təmin olunması haqda qərarın icrası ilə bağlı tədbirlərin görülməsi üçün Nərimanov Rayon Polis İdarəsinin rəhbərliyi N.İbrahimovanın yaşadığı evə gəliblər.Nərimanov RPİ-nin vəzifəli şəxsləri Nina İbrahimova, qızı Rəbiyyə və oğlu Anar tərəfindən döyülüb.Belə ki, İdarənin İstintaq və Təhqiqat Şöbəsinin rəisi, polis polkovnik-leytenantı Fərman Fərmanovun üzünə, şöbənin baş inspektoru olan kapitan Samir Ağayevin boğazına, Post Partul Xidməti Bölüyünün kiçik serjantı Əvəz Hənifəyevin gözünün altına, 18-ci Polis Bölməsinin sahərə rəisi, mayor Əbsəlim Salıyevin üzünü və sahə inspektoru, kapitan Faiq Süleymanovun gözünə xəsarət yetiriblər.Faktla bağlı Cinayət Məcəlləsinin 221.3-cü (Xuliqanlıq, silahdan və ya silah qismində istifadə edilən əşyaları tətbiq etməklə törədildikdə) maddəsi ilə cinayət işi başlanılıb. Vəzifəli şəxslərə qarşı xuliqanlıq törətməkdə ittiham olunan Anar İbrahimov isə həbs olunub. (Qafqazinfo)

20 May 2016 11:20

​İlhamə Quliyevanın oğlunun dostuna hökm oxunub

Vüqar Bəkirov 4 il müddətinə azadlıqdan məhrum edilib Yasamal Rayon Məhkəməsində dələduzluqda təqsirləndirilən Vüqar Bəkirovun cinayət işi üzrə məhkəmə prosesi başa çatıb.Faktinfo-nun məlumatına görə, hakim Ramin Qurbanovun sədrliyi ilə keçirilən prosesdə təqsirləndirilən şəxsə hökm oxunub.Məhkəmənin hökmü ilə V.Bəkirov 4 il müddətinə azadlıqdan məhrum edilib.Qeyd edək ki, ittiham aktına əsasən, V.Bəkirov Ülviyyə Ələkbərova adlı qadından və Biləsuvar rayon sakini Oruc Məmmədovdan dələduzluq yolu ilə pul alaraq, qaytarmayıb. Hər iki şəxsin hüquq-mühafizə orqanlarına müraciətindən sonra onun barəsində cinayət işi başlanılıb. V.Bəkirov Cinayət Məcəlləsinin 178.2.4-cü (dələduzluq, xeyli miqdarda ziyan vurmaqla törədildikdə) maddəsi ilə ittiham olunub.İbtidai istintaq dövründə barəsində həbs qətimkan tədbiri seçilməyən V.Bəkirov bir neçə dəfə məhkəməyə gəlmədiyi üçün Yasamal Rayon Məhkəməsinin hakimi Ramin Qurbanov tərəfindən əvvəl axtarış haqqında qərar qəbul edilib. Daha sonra polis əməkdaşlarının keçirdikləri əməliyyat-axtarış tədbirləri nəticəsində V.Bəkirov saxlanılıb və barəsində həbs qətimkan tədbiri seçilib.Xatırladaq ki, V.Bəkirov mərhum xalq artisti İlhamə Quliyevanın oğlu Orxan Nadirovun dostudur. O, İ.Quliyevanın keçmiş köməkçisi Hüseynova Mehriban Bəylər qızı barəsində hüquq-mühafizə orqanlarına şikayət edib. Nəticədə M.Hüseynova həbs edilib.İ.Quliyeva 2016-cı il fevral ayının 25-də səhər saatlarında 73 yaşında dünyasını dəyişib.

19 May 2016 11:37

Bakıya uçan təyyarə qəzaya uğradı: ölənlər var

  Azərbaycan Dövlət Mülki Aviasiya Administrasiyası aviasiya hadisəsi ilə bağlı məlumat yaydı. Əfqanıstandan Bakıya uçan təyyarə qəzaya uğrayıb. ANS PRESS-ə daxil olan məlumata görə, bu mülki təyyarədir. AN-12 tipli təyyarədə yalnız ekipaj üzvləri olub. Daxil olan məlumata görə, qəza nəticəsində bütün ekipaj üzvü həlak olub. Hadisənin hansı səbəbdən baş verdiyi hələ ki, dəqiq bilinmir. Azərbaycan Dövlət Mülki Aviasiya Administrasiyası ANS PRESS-in sorğusuna cavab verib. Bildirilir ki, qeyri-dəqiq məlumata görə, Əfqanıstanın Gilmənd əyalətində Əfqanıstan daxilində yük daşımaları məqsədilə Silk Way şirkətindən icarəyə götürülən An-12 yük təyyarəsində aviasiya hadisəsinin baş verməsi barədə məlumat daxil olub. Məlumata görə, Bakı vaxtı ilə təxminən saat 18:30 radələrində Dvayer havalimanından uçuş zamanı aviasiya hadisəsi baş verməsi barədə məlumat daxil olub. Əldə olunan məlumata əsasən, heyətin tərkibinə kapitan olan Özbəkistan vətəndaşı, üç Ukrayna vətəndaşı və beş Azərbaycan vətəndaşı daxildir. Azərbaycan Dövlət Mülki Aviasiya Administrasiyası tərəfindən hadisənin araşdırılması üzrə komissiya yaradılıb. Hazırda Əfqanıstan aviasiya qurumları ilə hadisənin səbəblərinin araşdırmaq məqsədilə mayın 19-da komissiyanın nümayəndələrinin hadisə yerinə getməsi üzrə razılaşdırma prosesi gedir.

18 May 2016 10:26

Azərbaycanda kişi arvadını bıçaqladı

Abşeron rayonunda bıçaqlanma hadisəsi baş verib. Ər aralarında yaranan şəxsi mübahisə zəminində arvadını bıçaqlayıb. Abşeron Rayon Polis İdarəsindən ANS PRESS-ə verilən məlumata görə, hadisə Xırdalan şəhərində qeydə alınıb. Şəhər sakini 1969-cu il təvəllüdlü Eldar Abbas oğlu Abbasov aralarında yaranan mübahisə zəminində arvadı 1970-ci il təvəllüdlü Gülnarə Abbasovaya çoxsaylı bıçaq xəsarətləri endirib. Xəsarət alan qadın dərhal xəstəxanaya çatdırılıb və onun üzərində cərrahiyyə əməliyyatı aparılıb. Hadisə baş verən vaxt Eldar Abbasov sərxoş olub və həyat yoldaşı ilə mübahisə edib. Mübahisə qızışdıqda isə sərxoş kişi bıçağa əl atıb. Faktla bağlı Abşeron Rayon Polis İdarəsində Cinayət Məcəlləsinin 126-cı (Qəsdən sağlamlığa ağır zərər vurma) maddəsi ilə cinayət işi açılıb və artıq hadisəni törədən ər tutulub. Eldar Abbasovun təqsiri sübuta yetirildiyi təqdirdə onu üç ildən səkkiz ilədək müddətə azadlıqdan məhrum etmə ilə cəzası gözləyir. Bir neçə gün əvvəl Cəlilabadda da oxşar hadisə baş verib. Rayonun Maşlıq kənd sakini 1967-ci il təvəllüdlü Vaqif Əliyev aralarında yaranan şəxsi mübahisə zəminində həyat yoldaşı 1987-ci il təvəllüdlü Aygün Soltanovaya çoxsaylı bıçaq zərbələri endirib. Hadisə şəhərin Heydər Əliyev Seyrəngahı ərazisində baş verib. Ağır bədən xəsarətləri alan qadın dərhal Cəlilabad Mərkəzi Rayon Xəstəxanasına çatdırılıb. Hadisə qısqanclıq zəminində baş verib. Yerli polisin həyata keçirdiyi istintaq tədbirləri nəticəsində hadisəni törədən əvvəllər bir neçə dəfə məhkum olunmuş Vaqif Əliyev tutularaq istintaqa təhvil verilib.

18 May 2016 4:42

Bakıda dələduzluqda şübhəli qismində dörd Kamerun vətəndaşı tutulub

Daxili işlər orqanları tərəfindən insanların dələduzluq yolu ilə aldadılmasının qarşısının alınması istiqamətində əməliyyat tədbiri həyata keçirilib. Daxili İşlər Nazirliyinin mətbuat xidmətindən virtualaz.org-a verilən məlumatda bildirilir ki, Azərbaycan Respublikasında yaşayan Əfqanıstan vətəndaşı Fərzad Əbdül Əhməd Baş Mütəşəkkil Cinayətkarlıqla Mübarizə İdarəsinə müraciət edərək tanımadığı şəxslərin onun etimadını qazanaraq 50000 ABŞ dollarını guya xüsusi kimyəvi vasitələrlə 100000 ABŞ dolları edəcəkləri adı altında aldararaq dələduzluq yolu ilə ələ keçirdiklərini bildirib. Keçirilən xüsusi əməliyyat-axtarış tədbirləri nəticəsində qeyd edilən cinayəti törətməkdə şübhəli bilinən Kamerun vətəndaşları – Alphonse Touani, Patrick Arnaud, Ziepop Maxime Valery və Armel Gaetandan ibarət dəstə zərərsizləşdirilib. Saxlanılan şəxslər ifadələri zamanı ölkəmizdə keçiriləcək beynəlxalq miqyaslı “Formula-1” idman yarışları ərəfəsində Bakı şəhərinə çoxlu turistlərin səfər edəcəyini bildiklərindən qeyd olunan üsulla onları aldatmaq və pullarını mənimsəmək niyyəti ilə Azərbaycana gəldiklərini bildiriblər. Onların üzərlərinə və yaşadıqları mənzilə baxış zamanı maddi sübutlar aşkar olunaraq götürülüb. Faktla bağlı Baş İdarənin İstintaq Şöbəsində araşdırmalar davam etdirilir.

18 May 2016 1:10

Fakt

Bizi izləyin