Əsrin döyüşü baş tutdu (FOTO)

8ffb78ab70a9

Məhəmməd Əlinin gözlədiyi döyüşün qalibi amerikalı boksçu Menni Pakyao oldu ABŞ-ın Las-Veqas şəhərində (Nevada ştatı) Menni Pakyao və Floyd Meyuezer arasında döyüş baş tutub. Matçda filippinli idmançının hərəkətli olmasına baxmayaraq, müdafiə texnikasını seçən Floyd fürsət gözləyərək titarlı zərbələr endirməyə çalışdı. 12 raundluq döyüşün nəticələrinə əsasən, amerikalı idmançı mübarizənin qalibi seçildi. Mübarizəni canlı şəkildə yaxından izləmək üçün çoxsayda dünya ulduzları arenaya təşrif buyurub. Bir çox ekspertin əsrin döyüşü adlandırdığı 12 raundluq qarşılaşmada 3 dünya çempionu titulu oynanııb. Belə ki, WBA və WBC versiyası üzrə dünya çempionu titulları 37 yaşlı Meyuezerə, WBO versiyası üzrə dünya çempionu titulu isə 35 yaşlı Pakyaoya məxsusdur. Nəticədən asılı olmayaraq amerikalının qonorarı 150 milyon dollar, Fillipin boksçusunun qonorarı isə 100 milyon dollar həcmində müəyyənləşib. Bu gün keçirilən döyüşün biletləri aprelin 23-də bir dəqiqə ərzində satılıb. Biletlərin rəsmi qiyməti 1,5 min dollardan 7,5 min dollara qədər olsa da, saytların birində ilk sıraya bilet 55 min dollardan, digərində isə 100 min dollardan baha satılıb. Qeyd edək ki, bir neçə gün əvvəl əfsanəvi boksçu Məhəmməd Əli verdiyi açıqlamada Menni Pakyaonu dəstəkləyəcəyini açıqlamışdı.

3 May 2015 3:46

Azad Rəhimov beynəlxalq sambo yarışlarındakı himn qalmaqalı ilə bağlı tapşırıq verib

151f4022-b57c-45ae-ab06-f16e911d9e24_292

Nazir himn olaylarının siyasiləşdirilməməsini istəyib Gənclər və idman naziri Azad Rəhimov Serbiyanın Novi Sad şəhərindəki yeniyetmə və gənclər arasında Avropa çempionatında 6 medal qazanmış Azərbaycan yığmasının üzvlərini qəbul edib. Nazirliyin idman şöbəsinin müdiri Mirkamil Rəhimovun "Report"a verdiyi məlumata görə, görüşdə gənc samboçu Kamran Əsgərovun 62 kq çəki dərəcəsində çempion olması şərəfinə Azərbaycanın deyil, Ermənistan himninin çalınması məsələsinə də toxunulub.Baş məşqçi Yaqub Abdullayev baş vermiş olayla əlaqədar yığma rəhbərliyinin təşkilatçılara rəsmən etiraz bildirildiyini xatırladıb. O qeyd edib ki, etirazdan sonra Azərbaycan himni səsləndirilib və ertəsi gün rəsmən üzr istənilib.Öz növbəsində nazir həm bu, həm də martın sonlarında Rusiyanın paytaxtı Moskvada Anatoli Xarlampiyevin xatirəsinə keçirilmiş Dünya Kubokunda Azərbaycanın digər samboçusu Bəxtiyar Abbasovun Ermənistan himni zamanı yerə oturması ilə əlaqədar məsələlərin siyasiləşdirilməməsinin vacibliyini dilə gətirib. O deyib ki, Abbasov özünü pis hiss etdiyi üçün yerə oturub, Serbiyadakı olay isə sırf texniki problemlər üzündən baş verib. Bu səbəbdən, A.Rəhimov Beynəlxalq Sambo Federasiyasının B.Abbasovu bürünc medaldan və yarışlarda iştirak hüququndan məhrum etməməsi üçün lazımi işləri aparmağı tapşırıb.Qeyd edək ki, Avropa çempionatında Kamran Əsgərov finalda erməni rəqibi Volodya Sarqsyanı məğlub etsə də, mükafatlandırma mərasimində Ermənistanın himni səsləndirilib. Bunu görən K.Əsgərov çaşqınlıq içində düşmən ölkənin himnini sona qədər dinləməyə məcbur olub. Sonradan himnin səhv səsləndirildiyini anlayan təşkilartçılar bir neçə dəqiqəlik müzakirələr aparıb, yanlışlığı düzəldərək Azərbaycanın himnini səsləndiriblər. Yığma üzvləri yarışı 2 qızıl, 1 gümüş, 3 bürünc medalla başa vurublar.

28 Aprel 2015 1:23

Yaponiyada millimizin başına iş gəldi

20479

Azərbaycanın cüdo üzrə millisi aprelin 22-də Yaponiyadan qayıdıb Millimiz “gündoğar ölkə”də təlim-məşq toplanışında olub.Komandamız yapon cüdoçularla birgə məşq ediblər. Ancaq Azərbaycan millisi Yaponiyadan vaxtından əvvəl qayıdıb. Daha doğrusu, millimizi Yaponiyadan deportasiya ediblər. Səbəb kimi isə milli üzvlərinin mağazadan oğurluq etməsi göstərilib. Millinin üzvləri - Mehman Sadıqovla Qurban Qurbanov bu ölkənin ticarət mərkəzlərindən birində alış-veriş edərkən oğurluq etməkdə günahlandırılıblar. Polis azərbaycanlı idmançıları həbs edib. Nəticədə millimiz tam tərkibdə Yaponiyadan deportasiya olunub. Məsələ ilə bağlı “Futbol+” qəzetinə danışan millinin köməkçi-məşqçisi Mehman Əzizov mağazadakı insidenti təkzib edib: “Bizim məşqimizdən sonra azyaşlı yapon uşaqların məşqi olurdu. Cüdoçularımızdan biri uşaqlardan hansınısa başı üzərinə qaldırıb, şəkil çəkdirdi. Bu da uşağa olan sevgidən qaynaqlanırdı. Uşağın valideyni baş məşqçiyə şikayət etdi. Oğurluq hadisəsi isə olmayıb”.Ancaq məsələdə adı hallanan Mehman Sadıqov mağazada insident yaşandığını etiraf edib:“Əslində orada baş verən hadisə buraya bir qədər fərqli çatıb. Bəli, Qurbanla dükanda olmuşuq. Amma cibimizdə pul var idi və paltar oğurlamaqdan söhbət gedə bilməz. Paltar seçib götürdük. Ancaq üstümüzdə çek olmadığından satıcı bizi oğurluqda günahlandırdı. Ona başa salmağa çalışdıq ki, bunu oğurlamaq fikrimiz yoxdur. Bizdə dollar olduğundan pulu dəyişməliydik. “Bizi buraxın, pulu dəyişib gələk”, - dedik. Onlar isə yalnız polislə birgə gedib pulu dəyişə biləcəyimizi dedilər. Polis bizdən pasport istədi. Sənədlərimiz baş məşqçidə olduğundan, Hacıağa müəllim də oraya gəldi. Sənədlərimizi təqdim etdik, dolları yenlə dəyişib paltarı aldıq və məsələ bağlandı. Amma bu hadisəyə görə komandanı Yaponiyadan çıxartdılar”.Onu da qeyd edək ki, Mehman Sadıqov yeniyetmələr arasında Avropa çempionu, gənclər arasında AÇ və DÇ-nin bürünc medalçısıdır.pia.az

24 Aprel 2015 1:49

​“Tour d Azerbaidjan-2015”in Təşkilat Komitəsinin iclası keçirilib

fd7783f1-8ef0-4e4c-92a6-5491e25b2372_292

Sahib Ələkbərov: "Azərbaycanın Avropa Oyunlarına tam hazır olduğu bütün dünyaya nümayiş etdiriləcək Bu gün “Tour d Azerbaidjan” beynəlxalq velosiped turunun Təşkilat Komitəsinin geniş iclası keçirilib. Azərbaycan Velosiped İdmanı Federasiyasının (AVİF) mətbuat xidmətindən "Report"a verilən məlumata görə, iclasda Daxili İşlər, Nəqliyyat, Səhiyyə, Rabitə və Yüksək Texnologiyalar nazirliklərinin, Bakı Şəhər Baş Polis, Dövlət Yol Polisi, “İçərişəhər” Dövlət Tarixi-Memarlıq Qoruğu İdarəsinin, “Azəryolservis” ASC-nin, Bakı Sərnişin Nəqliyyat MMC-nin nümayəndələri, Bakı şəhərinin, habelə velosiped turunun marşrutu üzərindəki rayon və şəhərlərin icra hakimiyyəti başçıları nümayəndələri və veloturun təşkilinə cəlb olunan digər qurumların nümayəndələri iştirak edib. Təşkilat Komitəsinin sədri, AVİF-in vitse-prezidenti Sahib Ələkbərov Beynəlxalq Velosipedçilər İttifaqının 2.1 kateqoriyalı “Tour d’Azerbaidjan-2015” beynəlxalq velosiped turu barədə ətraflı məlumat verib. O bildirib ki, ümummilli lider Heydər Əliyevin 92 illik yubileyinə həsr olunan velotur Gənclər və İdman Nazirliyi, Milli Olimpiya Komitəsi və Beynəlxalq Velosipedçilər İttifaqının dəstəyi ilə təşkil olunur. Mayın 6-da start götürəcək "Tour d Azerbaidjan-2015" əvvəlki illərdə olduğu kimi 5 mərhələdə keçiriləcək.S.Ələkbərov qeyd edib ki, bu mərhələlərdən üçü dəyişilməz qalıb. Turun 4-cü və 5-ci mərhələlərinin marşrutları isə dəyişdirilib ki, bu da iyunda təşkil olunacaq Bakı-2015 ilk Avropa Oyunları ilə bağlıdır. Oyunlara 1 ay qalmış dünya idman ictimaiyyətinin diqqətini kayak və kanoe üzrə yarışların keçiriləcəyi Mingəçevir şəhərinə də cəlb etmək və Avropa Oyunları zamanı Bakıda nəqliyyatın rahat hərəkətinin təmin edilməsi məqsədilə veloturun 5-ci, Bakı mərhələsinin də marşrutu Oyunların Təşkilat Komitəsinin xahişinə uyğun olaraq müəyyən edilib.Federasiya rəsmisinin sözlərinə görə, “Tour d Azerbaidjan” yarışında 24 ölkədən 25 kollektivin iştirakı təqdiqlənib ki, onlardan da 4-ü pro-kontinental, “Synergy Baku” da daxil olmaqla 17-si kontinental, 4-ü isə milli komandadır. Federasiya rəsmisi “Eurosport” kanalı tərəfindən 3, “İdman Azərbaycan” kanalı vasitəsilə 5 mərhələsi canlı yayımlanacaq velotur vasitəsilə Azərbaycanın Avropa Oyunlarına tam hazır olduğunun bütün dünyaya nümayiş etdiriləcəyini də vurğulayıb.İclasda “Tour d Azerbaidjan”ın təşkilatı işləri barədə müvafiq dövlət qurumlarının və yerli icra orqanlarının məsul nümayəndələri ilə fikir mübadiləsi aparılıb, işlərin daha yüksək səviyyədə təşkili istiqamətində tədbirlər müzakirə edilib və müvafiq tapşırıqlar verilib. Toplantıda Prezident Administrasiyasının Humanitar-Siyasət məsələləri şöbəsinin sektor müdiri Ramiz Muxtarov da iştirak edib.Qeyd edək ki, “Tour d Azerbaidjan-2015” veloyürüşündə iştirakçılar Rio-2016 Yay Olimpiya Oyunlarına lisenziya xalları da toplaya biləcəklər.

21 Aprel 2015 6:05

Braziliyalılar Hacı İbrahimə qarşı qiyama qalxdı: “Borcunu ödəmir“

ps

Maliyyə problemləri futbolda olduğu kimi, futzalda da özünü bürüzə verməyə başlayıb. Özü də problem Azərbaycanın ən imkanlı futzal klubu sayılan "Xəzər adaları"nda yaranıb. Komanda.az-ın məlumatına görə, futzal üzrə Azərbaycan çempionatının lideri olan "Xəzər adaları"nda pulsuzluğa görə əməlli-başlı qiyam başlayıb. Klubun sahibi və sponsoru olan Hacı İbrahim Nehrəmli komandasında çıxış edən futzalçıların məvaciblərini vermir. Məlumata görə, onun komanda üzvlərinə 70 min manata yaxın borcu yaranıb. Elə buna görə də "Xəzər adaları"nın braziliyalı legionerləri çempionatın növbəti turunda meydana çıxmaq istəmirlər. Məsələ burasındadı ki, braziliyalıların qaldıqları evlərin kirayə borcları da ödənmir. Bu isə "sambaçılar"ın səbr kasasını daşırıb. Vəziyyət o həddə çatıb ki, "Xəzər adaları"nın məşqlərini və oyunlarını keçirdiyi "ABU Arena"nın rəhbərliyi də komandanı arenaya buraxmır. Klubun "Abu Arena"ya da borcu olduğu deyilir. Komandanın braziliyalı legionerləri klub rəhbərliyinin qarşısına konkret şərt qoyub: pulumuzu verin, çempionluğu qarşınıza qoyaq. Xəbərə "Xəzər adaları"nın icraçı direktoru Fuad Qəmbərov münasibət bildirib. Klub rəsmisi bildirib ki, heç kimə borcları yoxdu: "Klubun heç kimə borcu yoxdu. İstəsəz, bu barədə klubun "kassir"indən də məlumat ala bilərsiz. Biz oyunçuların məvacibini vaxtlı-vaxtında ödəyirik. Sadəcə, "Neftçi" İSM-lə son oyundan sonra mükafatlar bir az gecikdirildi. Ancaq ciddi maliyyə problemindən söhbət belə gedə bilməz". Qeyd edək ki, futzal üzrə Azərbaycan çempionatında 4-cü dövrə start götürəcək. Dövrənin ilk oyunu isə aprelin 26-da keçiriləcək. "Xəzər adaları" çempionluq yolunda əsas rəqibi olan "Fənər"lə qarşılaşacaq. Bu oyun çempionluq uğrunda mübarizənin "davam, yoxsa tamam" olacağı baxımından böyük əhəmiyyət daşıyır.

20 Aprel 2015 7:16

Fakt

Bizi izləyin