Nazirlər Kabinetinin “İri dövlət şirkətlərinin gəlirlər və xərclər smetaları haqqında” qərarında əksini tapıb

nazirler-kabineti

Azərbaycanda iri dövlət şirkətlərinin hər növbəti ilin gəlirlər və xərclər smetalarını hazırlaması, həmin smetaların icrası üzrə monitorinq aparılması ilə əlaqədar yeni dövlət nəzarəti mexanizmi yaradılıb.   APA-nın məlumatına görə, bu, Nazirlər Kabinetinin “İri dövlət şirkətlərinin gəlirlər və xərclər smetaları haqqında” qərarında əksini tapıb.   Bu qərar iri dövlət şirkətlərinin maliyyə-təsərrüfat fəaliyyətində fiskal dayanıqlılığın təmin olunması, gəlirlərin və xərclərin proqnozlaşdırılmasına və icrasına nəzarətin daha da gücləndirilməsi, habelə bu sahədə idarəetmənin təkmilləşdirilməsi və şəffaflığın artırılması məqsədi ilə qəbul edilib. Qərara əsasən iri dövlət şirkətlərinin gəlirlər və xərclər smetalarına baxılma və həmin smetaların təsdiq edilməsi üzrə Komissiya yaradılıb. Komissiyanın sədri baş nazirin birinci müavini Yaqub Eyyubov, Komissiyanın üzvləri iqtisadiyyat naziri Şahin Mustafayev, maliyyə naziri Samir Şərifov, vergilər naziri Fazil Məmmədov, Mərkəzi Bankın sədri Elman Rüstəmov və Maliyyə Bazarlarına Nəzarət Palatasının Direktorlar Şurasının sədri Rüfət Aslanlı təyin edilib.   Qərarda qeyd edilib ki, Komissiyanın cari fəaliyyətinin təşkili məqsədi ilə Komissiyanın Katibliyi yaradılsın və Katibliyin funksiyalarının həyata keçirilməsi Maliyyə Nazirliyinə həvalə edilsin. İri dövlət şirkətləri növbəti ilin gəlirlər və xərclər smetalarının ilkin layihələrini hər il iyulun 1-dək Komissiyanın Katibliyinə təqdim etməlidir. Komissiya təqdim olunmuş layihələrin müzakirəsini və qiymətləndirilməsini həyata keçirməli və müvafiq düzəlişlərin aparılması zərurəti yarandıqda, həmin layihələri hər il sentyabr ayının 15-dək iri dövlət şirkətlərinə qaytarılmalıdır.  İri dövlət şirkətləri, Komissiyanın rəyi nəzərə alınmaqla, gəlir və xərclər smetaları layihəsində düzəlişlər edərək, layihəni sentyabr ayının 25-dək Komissiyanın Katibliyinə təqdim etməlidir.  Komissiya hər il noyabr ayının 1-dək iri dövlət şirkətlərinin gəlir və xərclər smetalarını təsdiq etməlidir. İri dövlət şirkətləri təsdiq olunmuş gəlirlər və xərclər smetalarının rüblük icrası barədə hesabatı hər rübdən sonra 30 gün ərzində, illik icrası barədə hesabatı isə hər il aprel ayının 1-dək Komissiyaya təqdim etməlidir.  Komissiya altı ay müddətində təqdim olunmuş gəlir və xərclər smetalarının illik icrası barədə hesabatların təhlilini,qiymətləndirilməsini və monitorinqini aparmalı, bu barədə arayış hazırlayaraq Azərbaycan Respublikasının Prezidentinə təqdim etməlidir. Gəlirlər və xərclər smetaları təsdiq edildikdən sonra iri dövlət şirkətlərinin gəlirlər və xərclərində Komissiya ilə razılaşdırılmaqla dəyişikliklər edilə bilər.   Yeni qərarın qəbulu ilə əlaqədar “İri dövlət vergi ödəyicilərinin gəlirlər və xərclər smetaları haqqında” Nazirlər Kabinetinin 2005-ci il 9 iyun tarixli 102 nömrəli qərarı ləğv edilib.   Xatırladaq ki, 2005-ci ildən indiyə qədər “İri dövlət vergi ödəyicilərinin gəlirlər və xərclər smetaları haqqında” qərara əsasən iri dövlət vergi ödəyiciləri növbəti ilin gəlirlər və xərclər smetalarının rüblük bölgüdə layihələrinin ilkin variantını hər il iyulun 1-dək  Nazirlər Kabinetinin müvafiq sərəncamı ilə dövlət büdcəsinin və icmal büdcənin layihələrinin hazırlanması məqsədilə yaradılan Komissiyaya təqdim ediblər. İri dövlət vergi ödəyiciləri növbəti ilin gəlir və xərclər smetalarını və müvafiq investisiya proqramlarını razılaşdırmaq üçün hər il dekabrın 1-dək aidiyyəti sahə nazirliyinə, habelə Maliyyə Nazirliyinə və İqtisadiyyat Nazirliyinə təqdim ediblər. İri dövlət vergi ödəyiciləri öz gəlirlər və xərclər smetalarını aidiyyəti sahə nazirliyi, habelə Maliyyə Nazirliyi və İqtisadiyyat Nazirliyi ilə razılaşdırmaqla hər il fevralın 25-dək təsdiq ediblər. Hər il gəlirlər və xərclər smetaları müəyyən olunmuş müddətdə təsdiq edilməyəcəyi təqdirdə, həmin vaxtdan (fevralın 25-dən) təsdiq olunan dövrə qədər iri dövlət vergi ödəyiciləri əməkhaqqı və ona bərabər tutulan ödənişlər, əməkhaqqı fondundan Dövlət Sosial Müdafiə Fonduna ayırmalar, bank kreditləri, vergi və digər icbari ödənişlər istisna olmaqla, digər xərclər əvvəlki ilin müvafiq dövrü ərzində faktiki istifadə olunmuş xərclərin 50 faizindən çox ödənişlərə yol verməyib. İri dövlət vergi ödəyiciləri təsdiq olunmuş gəlirlər və xərclər smetalarının rüblük icrası barədə hesabatı hər rübdən sonra 45 günədək Maliyyə Nazirliyinə, İqtisadiyyat Nazirliyinə və aidiyyəti üzrə Energetika Nazirliyinə və Nəqliyyat Nazirliyinə təqdim ediblər. Təsdiq olunmuş smetaların icrası barədə rüblük hesabatlarda iri dövlət vergi ödəyicisinin daxilolmaları həmin dövr üçün təsdiq edilmiş proqnoz göstəricilərindən 20 faiz (və ya ondan yuxarı) az və ya çox olduqda, bu barədə hesabatla birlikdə Maliyyə Nazirliyinə, İqtisadiyyat Nazirliyinə, aidiyyəti üzrə Energetika Nazirliyinə və Nəqliyyat Nazirliyinə əsaslandırılmış məlumatlar təqdim edilib. Maliyyə Nazirliyi, İqtisadiyyat Nazirliyi, aidiyyəti üzrə Energetika Nazirliyi və Nəqliyyat Nazirliyi təsdiq olunmuş gəlirlər və xərclər smetalarının rüblük icrası barədə hesabatları təhlil edib nəticəsi barədə ildə 1 dəfə martın 15-dək Nazirlər Kabinetinə birgə məlumat təqdim ediblər. Faktinfo.az

7 Yanvar 2017 1:11

Yanvarın 1-dən spirtli içkilərin pərakəndə qaydada nağd pulla satışına qoyulan qadağa rəsmən ləğv edilir

icki

  Sabahdan Azərbaycanda spirtli içkilərin pərakəndə qaydada nağd pulla satışına qoyulan qadağa rəsmən ləğv edilir. Bu, Azərbaycan prezidenti İlham Əliyevin 2015-ci il 7 dekabr tarixli 700 nömrəli Fərmanı ilə təsdiq edilmiş “Aksiz markası ilə markalanmalı olan malların Azərbaycan Respublikasının ərazisində dövriyyəsinin tənzimlənməsi Qaydaları”nda dəyişiklik edilməsi haqqında 24 dekabr 2016-cı il tarixli fərmanında əksini tapıb. Qeyd edək ki, aksiz markaları ilə markalanmalı olan malların siyahısına içməli spirt, spirtli içkilərin bütün növləri, pivə (alkoqolsuz pivə istisna olmaqla) və pivə tərkibli digər içkilər və tütün məmulatları daxildir. “Aksiz markası ilə markalanmalı olan malların Azərbaycan Respublikasının ərazisində dövriyyəsinin tənzimlənməsi qaydaları” 2016-cı il yanvarın 1-dən markalanmalı malların (tütün məmulatlarının pərakəndə satışı istisna olmaqla) satılması və satış məqsədi ilə alınması zamanı həmin malların dəyərinin nağd qaydada ödənilməsinə yol verilməməsini nəzərdə tuturdu. Başqa sözlə, aksiz markası ilə markalanmalı olan alışı və satışı bu malların istehsalı, idxalı və ya satışı üçün müvafiq lisenziya olduqda, həmin malları təqdim edən şəxs tərəfindən malların dəyərinin nağdsız qaydada ödənilməklə əldə edilməsini təsdiq edən sənədlər mövcud olduqda və həmin malın təqdim edilməsi (fiziki şəxslərin fərdi istehlakının ödənilməsi məqsədi ilə pərakəndə ticarət və iaşə obyektlərində təqdim edilmə halları istisna olmaqla) ciddi hesabat blankı ilə rəsmiləşdirildikdə həyata keçirilə bilərdi. Bu tələblərdən hər hansı birini pozan şəxs İnzibati Xətalar Məcəlləsində və Cinayət Məcəlləsində nəzərdə tutulmuş hallarda məsuliyyət daşıyacaqdı. Ancaq bu il yanvarın 1-dən spirtli içkilərin və pivənin nağd qaydada pərakəndə satışına qoyulan qadağanın tətbiqi mümkün olmadı. Nağdsız ödəniş üçün əksər insanlarda plastik kartların, ticarət obyektlərində də lazımi avadanlıqların olmamasını nəzərə alan dövlət başçısının müdaxiləsi ilə qadağanın tətbiqi müvəqqəti dayandırıldı. Azərbaycan prezidenti İlham Əliyevin 7 noyabr 2016-cı il tarixli fərmanı ilə pivənin pərakəndə qaydada nağd satışına qoyulan qadağa ləğv edildi. Azərbaycan prezidentinin 24 dekabr 2016-cı il tarixli fərmanı ilə “Aksiz markası ilə markalanmalı olan malların Azərbaycan Respublikasının ərazisində dövriyyəsinin tənzimlənməsi Qaydaları”na edilən dəyişikliklə isə artıq spirtli içkilərin nağd pulla pərakəndə qaydada satışına qoyulan qadağa rəsmən ləğv edilir. Bu fərman 1 yanvar 2017-ci ildən qüvvəyə minəcək. Bu, həm də o deməkdir ki, 1 yanvar 2017-ci ildən içməli spirt, spirtli içkilərin bütün növləri, pivə (alkoqolsuz pivə istisna olmaqla) və pivə tərkibli digər içkilər və tütün məmulatların nağd pulla topdan satışı qəti qadağan olunacaq. Bu tələblərdən hər hansı birini pozan hüquqi və fiziki şəxs İnzibati Xətalar Məcəlləsində və Cinayət Məcəlləsində nəzərdə tutulmuş hallarda məsuliyyət daşıyacaq. (APA)

31 Dekabr 2016 2:04

Dollar, avro və qızıl kəskin qalxdı

dollaravro-e1455775165341

  Azərbaycan Mərkəzi Bankı bu günə olan xarici valyuta və qiymətli metalların məzənnələrini açıqlayıb. Faktinfo.az Mərkəzi Banka istinadən xəbər verir ki, dolların rəsmi kursu ötən günlə müqayisədə xeyli qalxıb. Belə ki, 1 dollar 1,7707 manat civarında satılacaq. Bu gün avronun da rəsmi məzənnəsi kəskin qalxıb. Belə ki, 1 avro 1.8644 manata dəyişdiriləcək. Qızıl  da bu gün qalxıb. Digər valyuta və qiymətli metalların qiyməti ilə isə aşağıdakı cədvəldən tanış ola bilərsiniz: 30.12.2016 tarixdən etibarən Valyuta Kod Kurs 1 ABŞ dolları USD 1.7707 1 Avro EUR 1.8644 1 Avstraliya dolları AUD 1.281 1 Argentina pesosu ARS 0.1113 1 Belarus rublu BYN 0.9048 1 Braziliya rialı BRL 0.544 1 BƏƏ dirhəmi AED 0.4821 1 Cənubi Afrika randı ZAR 0.1299 100 Cənubi Korea vonu KRW 0.1468 1 Çexiya kronu CZK 0.069 100 Çili pesosu CLP 0.2651 1 Çin yuanı CNY 0.2548 1 Danimarka kronu DKK 0.2508 1 Gürcü larisi GEL 0.6663 1 Honq Konq dolları HKD 0.2283 1 Hindistan rupisi INR 0.0261 1 İngilis funt sterlinqi GBP 2.1745 100 İndoneziya rupiası IDR 0.0132 100 İran rialı IRR 0.0045 1 İsveç kronu SEK 0.1946 1 İsveçrə frankı CHF 1.7351 1 İsrail şekeli ILS 0.4613 1 Kanada dolları CAD 1.3136 1 Küveyt dinarı KWD 5.7838 1 Qazaxıstan tengəsi KZT 0.0053 1 Qırğız somu KGS 0.0256 100 Livan funtu LBP 0.1174 1 Malayziya rinqqiti MYR 0.3947 1 Meksika pesosu MXN 0.0855 1 Moldova leyi MDL 0.0891 1 Misir funtu EGP 0.0977 1 Norveç kronu NOK 0.2053 100 Özbək somu UZS 0.0552 1 Polşa zlotası PLN 0.4218 1 Rusiya rublu RUB 0.0293 1 Sinqapur dolları SGD 1.2242 1 Səudiyyə Ərəbistanı rialı SAR 0.4721 1 SDR (BVF-nun xüsusi borcalma hüquqları) SDR 2.3729 1 Türk lirəsi TRY 0.5023 1 Tayvan dolları TWD 0.0549 1 Tacik somonisi TJS 0.2248 1 Yeni türkmən manatı TMT 0.5066 1 Ukrayna qrivnası UAH 0.0653 100 Yapon yeni JPY 1.5168 1 Yeni Zelandiya dolları NZD 1.2322 Qızıl XAU 2029.0451 Gümüş XAG 28.7278 Platin XPT 1590.0886 Palladium XPD 1186.369

30 Dekabr 2016 11:34

Fakt

Bizi izləyin