“Neftin bahalaşacağını gözləyirik” – OPEC prezidenti

Neft İxrac edən Ölkələr Birliyi (OPEC) bu ilin III və IV rübündə neftə tələbatın artacağını və “qara qızıl”ın bahalaşacağını gözləyir Faktinfo.az “Ria Novosti”yə istinadən xəbər verir ki, bu barədə kartelin prezidenti, Qətərin energetika naziri Məhəmməd Saleh əs-Səda deyib.Onun sözlərinə görə, OPEC bu ilin sentyabrında Əlcəzairdə keçiriləcək 15-ci Beynəlxalq Energetika Forumu çərçivəsində qeyri-rəsmi müzakirələr aparmağı planlaşdırır.M.Saleh bildirib ki, bu ilin fevralından etibarən dünyanın müxtəlif regionlarında hasilatın azalması, tədarükdə fasilələrin olması və ehtiyatların azalmasından sonra neftin qiymətində stabil yüksəlmə müşahidə edilib. O qeyd edib ki, bir qədər əvvəl neftin ucuzlaşması və hazırda bazarda dəyişkənlik müvəqqəti xarakter daşıyır. Onun fikrincə, bu dəyişiklik neft hasilatında marjanın aşağı düşməsi, ifrat dərəcədə ehtiyatların, xüsusilə də neft məhsullarının olması, “Brexit” və onun maliyyə bazarlarına təsiri ilə əlaqədardır.Nazir əlavə edib ki, neft istehlakçısı olan böyük dövlətlərin iqtisadi göstəricilərinin yaxşılaşacağı gözlənilir: “OPEC vəziyyəti diqqətlə izləməkdədir, təşkilat neft bazarında sifarişlərin sabitliyinin təmin edilməsi üçün yolların və vasitələrin müəyyənləşdirilməsi məqsədilə daimi olaraq təşkilata üzv ölkələrlə müzakirələr aparır”.

8 Avqust 2016 2:36

Azərbaycanda problemlikreditlərin həcmi rekord həddə çatıb

Azərbaycanda ödəniş vaxtı keçmiş kreditlərin ümumi həcmi 2016-cı il iyulun 1-nə 1 539,8 mln. manat təşkil edib. Bu, nominal həcmin yeni tarixi rekorda çatması deməkdir. Sonuncu rekord isə iyunun 1-də qeydə alınıb. "Report"un Azərbaycan Mərkəzi Bankına istinadən verdiyi xəbərə görə, iyunun 1-nə olan analoji göstərici ilə müqayisədə problemli kreditlərin həcmi 25,6 mln. manat və ya 1,69%, 2016-cı ilin əvvəli ilə müqayisədə isə 31,3 mln. manat və ya 2,07% artıb. Vaxtı keçmiş kreditlərin məcmu kreditlərdə xüsusi çəkisi 8,35% təşkil edib və aylıq müqayisədə 0,03 faiz bəndi, yarımillik müqayisədə isə 1,41 faiz bəndi artıb.Manatla verilən vaxtı keçmiş kreditlər iyulun 1-nə 779 mln. manat təşkil edib ki, bu da iyunun 1-nə nisbətən 1,3 mln. manat və ya 0,17% çoxdur. İlin əvvəli ilə müqayisədə isə manatla vaxtı keçmiş kreditlər 61,2 mln. manat və ya 7,28% azalıb. Bu kreditlərin manatla məcmu kreditlərdə payı son bir ayda 0,1 faiz bəndi artıb, ilin əvvəlindən 0,49 faiz bəndi artaraq 8,13%-ə çatıb.Milli valyutada verilən qısamüddətli kreditlərdə problemli kreditlərin iyulun 1-nə həcmi iyunun 1-nə nəzərən 3,6 mln. manat və ya 1,8% azalaraq 196 mln. manat təşkil edib. İlin əvvəlindən isə azalma 72,2 mln. manat və ya 26,92% olub. Milli valyutada verilən qısamüddətli kreditlərdə problemli kreditlərin xüsusi çəkisi 13,93% təşkil edib. Bir ay əvvəl bu göstərici 14,31%, ilin əvvəlində isə 15,1% olub.Manatla uzunmüddətli kreditlərdə problemli kreditlərin həcmi isə iyulun 1-nə 583 mln. manat təşkil edib. Bu, iyun ayının 1-nə olan göstəricidən 4,9 mln. manat və ya 0,84% artıqdır. İlin əvvəli ilə müqayisədə isə manatla uzunmüddətli problemli kreditlər iyulun 1-nə 11 mln. manat və ya 1,92% artım göstərib. Manatla uzunmüddətli kreditlərin strukturunda isə problemli kreditlərin payı iyulun 1-nə 7,14%, iyunun 1-nə 6,98%, ilin əvvəlində 6,2% təşkil edib.Xarici valyutada vaxtı keçmiş kreditlərin həcmi iyulun 1-nə 760,8 mln. manat təşkil edib. Bu, iyunun 1-nə nisbətən 24,3 mln. manat və ya 3,29%, cari ilin əvvəli ilə müqayisədə isə 92,5 mln. manat və ya 13,84% çoxdur.Xarici valyutada problemli kreditlərin məcmu kreditlərdə xüsusi çəkisi iyulun 1-nə 8,58%, keçən ayın əvvəlində 8,64%, ilin əvvəlində isə 6,2% olub.Xarici valyutada vaxtı keçmiş qısamüddətli kreditlərin həcmi iyulun 1-nə 322,6 mln. manat təşkil edib ki, bu da iyunun 1-nə olan göstəricidən 8,6 mln. manat və ya 2,59% azdır. İlin əvvəli ilə müqayisədə isə bu göstərici 17,8 mln. manat və ya 5,83% çoxdur. Xarici valyutada qısamüddətli kreditlərdə vaxtı keçmiş kreditlərin payı iyulun 1-nə 12,16% olub. Qeyd edək ki, keçən ay bu göstərici 13,26%, ilin əvvəlində isə 8,6% olub.Xarici valyutada vaxtı keçmiş uzunmüddətli kreditlərin həcmi iyulun 1-nə 438,2 mln. manat təşkil edib ki, bu da iyunun 1-nə olan göstəricidən 32.9 mln. manat və ya 8,11% çoxdur. İlin əvvəli ilə müqayisədə bu göstərici 74,7 mln. manat və ya 20,55% artım göstərib. Xarici valyutada uzunmüddətli kreditlərdə problemli kreditlərin payı iyulun 1-nə 7,05%, iyunun 1-nə 6,72%, 2016-ci ilin əvvəlində isə 5% olub.

8 Avqust 2016 2:33

Bolqarıstan və Rusiya “Cənub axını” layihəsinibərpa edə bilər

Bolqarıstan və Rusiya “dondurulmuş” enerji layihələrini, o cümlədən “Cənub axını” layihəsini bərpa edə bilər. Faktinfo.az  “Blooomberg” agentliyinə istinadən xəbər verir ki, bunu Bolqarıstanın baş naziri Boyko Borisov bəyan edib. “Bolqarıstan və Rusiya “Cənub axını” layihəsinin inşası da daxil olmaqla Rusiyanın digər enerji layihələrinin bərpası üçün işçi qrupun yaradılması barədə razılığa gəlib”, – deyə B.Borisov vurğulayıb.İşçi qrupun müzakirə edəcəyi layihələr arasında 2009-cu ildə inşası dayandırılmış “Belene” AES da var.Yeri gəlmişkən, avqustun 5-də Rusiya prezidenti Vladimir Putin Bolqarıstanın baş naziri ilə telefon danışığı zamanı iki ölkə arasında əməkdaşlıq, o cümlədən energetika sahəsində birgə layihələrin həyata keçirilməsi məsələsi müzakirə edilib.Xatırladaq ki, 2014-cü ilin dekabrında Rusiya tərəfi Bolqarıstan, Serbiya və Macarıstan ərazisindən keçməli olan “Cənub axını” layihəsindən imtina etdiyini bəyan etmişdi. Buna səbəb Avropa İttifaqının üçüncü energetika paketinə əsasən eyni şirkət həm qazın istehsalı, həm də nəqlini həyata keçirə bilməz.Qeyd edək ki, layihənin dəyəri 15,5 mlrd. avro təşkil edir. Bu kəmər vasitəsi ilə Avropaya gündəlik olaraq 67 mlrd. kubmetr qaz göndərmək mümkün ola bilər.

8 Avqust 2016 12:27

“Bank sisteminə güvənmək üçün əsas qalmayıb”

Əkrəm Həsənov: “Pozuntulara yol verən qeyri-şəffaf bank sisteminə etimad etmək olmaz”... “Bank sisteminə güvənmək üçün heç bir əsas qalmayıb”. Ekspert Əkrəm Həsənov bank sistemində son baş verənləri ümumiləşdirərkən belə deyib. Onun sözlərinə görə, Maliyyə Bazarlarına Nəzarət Palatasına göndərdiyi müraciətə verilən cavab bu qənaətə gəlmək üçün əsasdır: “İyulun 18-də prezidentin iqtisadi islahatlar üzrə köməkçisinə, maliyyə nazirinə və Maliyyə Bazarlarına Nəzarət Palatasının rəhbərinə müraciət göndərmişdim.Bank sisteminin etibarlılığının artırılması üzrə prezidentin onlara verdiyi tapşırığın icrasına dair iki təklif vermişdim: Təklif etmişdim ki, bankların hesabatları açıqlansın. Banklar qanunvericiliyi pozaraq maliyyə göstəricilərini gizlədir və qeyri-şəffaf fəaliyyət göstərir, onların bu əməlinə son qoyulmalıdır. Bir də maliyyə sisteminə zərər vurmuş şəxslərin məsuliyyətinin vacibliyini bildirmişdim. Bankların müflisləşməsində təqsiri olan bank sahibləri və rəhbərləri, habelə bank nəzarəti orqanının müvafiq işçiləri məsuliyyətə cəlb edilməli və maliyyə sektorundakı qanunsuz fəaliyyətə görə cəzasızlığın hökm sürməsinə son qoyulmalıdır. Müraciətimə Palatadan cavab almışam. Palatanın operativliyini yüksək qiymətləndirirəm.Amma aldığım cavab bank sistemimizin gələcəyinə ümidimi qırdı. Belə ki, birinci məsələ üzrə palata rəsmiləri bildirir ki, banklar tərəfindən hesabatların açıqlanması ilə bağlı ”müvafiq tapşırıqlar verilir, tələblərin icrası daim diqqət mərkəzində saxlanılır". Amma məhz bu ilin ikinci rübü üzrə hesabatı 33 bankdan cəmi 8-i açıqlayıb. Belə göstərici heç Mərkəzi Bankın nəzarət dövründə olmamışdı. Bir sözlə, ya Palatanın fəaliyyəti səmərəsizdir, ya da banklar onunla hesablaşmır. Səbəbin bizim üçün fərqi yoxdur. Sadəcə belə pozuntulara yol verən qeyri-şəffaf bank sisteminə etimad etmək olmaz. İkinci məsələyə palata ümumiyyətlə münasibət bildirməyib. Yəni bankları çökdürən şəxslərin məsuliyyətə cəlb edilib-edilməyəcəyi barədə heç nə demir. Maraqlısı odur ki, mənim müraciətimdən sonra palata təhrif edilmiş maliyyə hesabatları təqdim etdiklərinə görə 4 bankı bağlayıb. Bəs bu hesabatları hazırlayıb, imzalayıb göndərən şəxslər məsuliyyətə cəlb olunmayacaq? Olunmayacaqsa, digər banklar da hesabatları təhrif edəcək. Yalançı və saxtakar banklara necə etibar edək?" Ekspertin sözlərinə görə, palata yalnız bir məsələyə nisbətən ətraflı münasibət bildirib: “Söhbət Beynəlxalq Bankın sədr müavini Ülvi Mansurovdan gedir. Mansurov 3 il ərzində, 2012-2015-ci illərdə ”Texnikabank"ın, yəni “Bank Technigue”nin sədri olub və faktiki olaraq əsasən onun yarıtmaz fəaliyyəti nəticəsində həm bu bank, həm də Əmanətlərin Sığortalanması Fondu müflisləşib. Qanuna görə son 1 ildə müflisləşmiş bankın rəhbərliyində olmuş şəxs 3 il ərzində hər hansı bankda rəhbər vəzifə tuta bilməz.Yəni bir bankı pis günə qoymuş şəxs digər bankda rəhbər ola bilməz. Buna baxmayaraq, Ülvi Mansurov ən iri bankın - Beynəlxalq Bankın sədr müavinidir. Palata mənə yazır ki, “Bank Technigue”nin ləğvi haqqında qərar 10 fevral 2016-cı ildə qəbul olunub, Mansurov isə oradan 9 fevral 2015-ci ildə çıxıb. Yəni demək istəyir ki, bankın ləğvindən əvvəlki 1 il dövrdə orada çalışmayıb. Təsadüfə bir baxın: cəmi 1 illik dövr üçün 1 günün söhbəti gedir. Təsadüfdürmü? Bununla bağlı əvvəla onu bildirmək istəyirəm ki, 2015-ci ilin mətbu xəbərlərinə nəzər salsaq, görərik ki, Ülvi Mansurov “Bank Technigue”dən 9 fevralda deyil, 22 fevralda gedib. Amma lap tutaq ki, əslində 9 fevralda gedib, sadəcə mətbuat gec xəbər tutub. “Texnikabank”ın lisenziyası 1 fevral 2016-cı ildə ləğv edilib. Bankın faktiki ləğvi prosesi Mansurovun “Bank Technigue”dən uzaqlaşdıqdan sonra 1 il ötməmiş başlanıb. Sadəcə, məhkəmə qərarı nədənsə 9 gün sonra qəbul edilib. Müqayisə üçün deyim ki, bu ilin 21 iyulunda lisenziyası alınmış 4 bank üzrə məhkəmə qərarı bir gün sonra- 22 iyulda qəbul edilib. Görəsən, işin məhkəməyə ləng getməsi, yaxud məhkəmənin “Bank Technigue” üzrə qərarı 9 gün sonra verməsi nə ilə bağlıdır?Özü də elə bir tarixdə ki, məhz həmin gündən etibarən Mansurovun bankdan çıxmasından 1 il ötüb? Yəni biz bunun təsadüf olduğuna inanmalıyıq? Palata həqiqətən buna inanır?Ümumiyyətlə, məsələnin formal tərəflərini kənara qoysaq belə, palata doğrudan da hesab edir ki, “Bank Technigue”ni müflis dərəcəsinədək idarə etmiş və nəticədə Əmanətlərin Sığortalanması Fondunu da pulsuz qoymuş Ülvi Mansurov məsuliyyətə cəlb edilmək əvəzinə daha iri bankda yüksək vəzifə tutmağa layiqdir? Belə hesab edirsə, onda mənim daha sözüm yoxdur. Amma mənim rəyimi bilmək istəyənlərə məcburam deyim ki, ölkənin maliyyə sabitliyinin təmin edilməsi üzrə real işlər görülmür, deməli, maliyyə sektorunun gələcəyi yoxdur və ona etibar etmək olmaz. Bir müddət sonra xəstə banklara nəzarət edən palatanin yerinə Maliyyə Bazarlarının Reanimasiyası Şöbəsi yaransa, təəccüblənməyin".(musavat.com)

8 Avqust 2016 10:20

Neft daha nə qədər ucuzlaşacaq…- “The Guardian” yazır

Dünya bazarlarında neftin qiymətində növbəti enmə tendensiyası mətbuatın əsas mövzularından biridir. “The Guardian” yazır ki, neft qiymətli və tükənən xammaldır, amma ən azı indilik bazar bu xammalla ağzınadək doludur. Məhz buna görə də neftin qiyməti aprelin əvvəllərindən bəri ən aşağı həddə düşüb Məqalədə deyilir ki, bu vəziyyət çox böyük bir ehtimalla yaxın gələcəkdə də davam edəcək.Ötən həftə Qərbi Texas markasından olan neft aprelin 6-dan bəri ilk dəfə olaraq 40 dollardan aşağı düşüb. Brent neftinin qiyməti də son üç ayda ən aşağı həddinə çataraq bir barrel üçün 41. 50 dollar olub.Ekspertlər bildirirlər ki, əksinə, neft qiymətlərinin iyun ayında dirçəlməsinə neftin özü ilə birbaşa bağlı olmayan hadisələr səbəb olub. Bura Kanadada yanğınlar, Nigeriya və Liviyada silahlı münaqişə ilə bağlı ixracın azalması və Küveytdə nefçilərin tətili daxildir. LOGIC Advisors firmasından Bill O’Neill deyir ki, indi bütün bu problemlər aradan qalxıb və neftin qiyməti düşməyə başlayıb.Son vaxtlar qiymətlər niyə dirçəlmişdi?Ekspertlər deyirlər ki, bir ara neft qiymətlərinin dirçəlməyə başladığına inam yaranmışdı, lakin bu ümidlər puça çıxdı. “The Guardian” yazır ki, buna səbəb ABŞ neftinin qiymətinin bir barrel üçün 50 dollara çatması olub. Bu qiymətlə Amerikada neft hasilatını artırmaq yenidən sərfəli olub və istehsalçılar buruqların kranlarını yenidən açıblar. Üstəlik ekspertlərin fikrincə, son dəfə ABŞ neftinin hasilatı qəfil azalmışdı, lakin innən belə bu cür qəfillik olmayacaq.“The Guardian” yazır ki, bu arada neft ixrac edən ölkələrin OPEC kartelinə daxil ölkələr də istehsalı artırıblar. Proqnozlara görə iyul hasilatı OPEC-in tarixində ən yüksək hasilat olub. Bəzi məlumatlarda bunu İran və Nigeriyada neft hasilatının artması ilə bağlayırlar. Ekspertlər başqa bir qəribəliyə də diqqət yetiriblər. Bir qayda olaraq neftə tələbatın artması onun qiymətlərini də yüksəldir, amma son ucuzlaşma tələbatın artdığı şəraitdə baş verir. Burası da var ki, qarşıdan gələn bir neçə ay ərzində neftə tələbat artmayacaq. Çünki bu dövrdə istilik stansiyaları hələ qış rejiminə keçməmiş olur və əsasən avadanlıq və aqreqatların təmiri və işə hazırlığı ilə məşğul olurlar. 30 dollara düşəcək, 20-ə yox Ümumi mənzərə isə belədir ki, hazırda Çinin neft idxalı tələbatı yavaşıyıb, Avropa İttifaqında isə Britaniyanın təşkilatı tərk edib-etməyəcəyi ilə bağlı qeyri-müəyyənlik var. Ekspertlər deyirlər ki, belə şəraitdə neft alışının artacağını gözləmək məntiqsiz olardı. Mütəxəssislərin fikrincə iyul ayında neft qiymətləri azacıq düşməyə başlayan kimi neft ticarətçilərinin fürsətlənməsi qiyməti bir az da salaraq 40 dollara çatdırıb.“The Guardian” yazır ki, bütün bu səbəblərə görə neft qiymətləri 40 dollardan da aşağı düşə bilər, lakin heç kim qiymətin təkrar 20 dollara düşəcəyini gözləmir. Məqalədə deyilir ki, son 10-15 ildə neft qiymətləri enişdən sonra kəskin yüksəliş yaşayıb, lakin bundan sonra belə bu cür “şıltaqlıqlar” olmayacaq. (virtual.org)

7 Avqust 2016 4:55

Dollar bahalaşmağa başladı

ABŞ-da kənd təsərrüfatı xaric məşğulluq  (qeyri kənd təsərrüfatı) və işszilik məlumatları açıqlandı. İyulda ABŞ-da məşğulluq 255 min artıb, işsizlik nisbəti isə 4,9% təşkil edib. İqtisadçılar İyulda məşğulluğun 175 min artacağını, işsizliyin 4,8% olacağını gözləyirdilər. İyun ayının göstəricisi isə 287 mindən 292 minə yuxarı istiqamətdə dəyişdirilib. Orta saatlıq maaşlar aylıq 0.3% ilə 0.2%-lik proqnozun üzərində, illik isə 2.6% ilə proqnoza paralel artıb. ABŞ-da Çərşənbə günü açıqlanmış özəl sektor məşğulluq göstəricisi də iyulda 179 minlik artımla proqnozun üstündə artmışdı. Məlumatın açıqlanmasının ardınca Dollar mühüm valyutalar qarşısında bahalaşmağa başlayıb. Kənd təsərrüfatı xaric məşğulluq məlumatı ABŞ Mərkəzi Bankı Fed-in faiz qərarı üçün qiymətləndirdiyi əsas statistik məlumatlardan biridir. Məşğulluğun proqnozdan yüksək çıxması Fed-in faiz artırmaq qərarını tezləşdirə bilər. Bəzi analitiklər Fed-in Sentyabrda, bəziləri isə Dekabrda faiz artıracağını gözləyirlər. ABŞ-da kənd təsərrüfatı xaric məşğulluq iki ay ardıcıl sərt hərəkətlər göstərib. Məşğulluq May ayında 11000 ilə son altı ilin ən yavaş artımını göstərmiş, İyun ayında isə 287000 ilə səkkiz ayın ən sürətli yüksəlişini həyata keçirmişdi. Kənd təsərrüfatı məşğulluq məlumatı kənd təsərrüfatı xaricində son ay ərzində işləyən insanların sayındakı dəyişiklikləri müəyyən edir. Məşğulluğun artması ölkənin pul vahidinə müsbət bir təsir göstərir. Kənd təsərrüfatı xaric məşğulluq məlumatının proqnozdan yüksək çıxması dollar üçün pozitiv/buğa, aşağı çıxması isə neqativ/ayı bazarıdır. Yeni iş yerlərinin açılması və nətəcədə gəlir əldə edən insanların daha çox xərcləməsi ümumi daxili məhsul (ÜDM) üçün önəmlidir. Faktinfo.az

5 Avqust 2016 4:59

İran gələn aydan Ermənistana verilən qazın həcmini azaldacaq

İran gələn aydan Ermənistana ixrac etdiyi qaz həcmini azaldacaq Bunu İranın neft nazirinin müavini və milli qaz şirkətinin baş direktoru Həmidrza İraqi İran və Ermənistanın yeni qaz müzakirələri və bəzi xəbər saytlarında yayımlanan xəbərlərə münasibət bildirərkən deyib.H.İraqinin sözlərinə görə, ötən ay Ermənistan daha çox qaza ehtiyacı olduğunu elan edib. “Bizim də Ermənistana daha çox qaz vermək imkanımız olduğu üçün onların təklifini qəbul etdik və ixracatı artırdıq. Gələn aydan isə Ermənistana qaz ixracı həcmini azaldacağıq. Ona görə ki, bizim onlara qaz ixracı və onlardan elektrik enerjisi almağımıza dair müqavilədə müəyyən miqdar göstərilib və bu miqdarı tənzimləmək üçün gələn aydan Ermənistana ixrac edəcəyimiz qazın həcmini azaldacağıq”, - deyə H.İraqi qeyd edib.H.İraqi Türkmənistan qazının İran vasitəsi ilə Azərbaycana satılması məsələsinə də toxunub və bildirib ki, bu iş İranın özəl bir şirkəti tərəfindən həyata keçiriləcək: “Bu, Azərbaycan və İran hökumətlərinə bağlı deyil. Türkmənistan qazının İran vasitəsi ilə Azərbaycana satışı İranın özəl bir şirkəti tərəfindən təklif olunub. Bu şirkət Türkmənistandan qazı alıb və bizə təhvil vermək istəyir ki, biz də bu qazı Azərbaycana sataq. Bu təkliflə bağlı biz razılığımızı bildirmişik və hazırda bu məsələni müzakirə edirik”.H.İraqi Azərbaycan və İran arasında qaz mübadiləsinin davamlı olaraq həyata keçirildiyini vurğulayıb: “Azərbaycan və İran hazırda qaz mübadiləsini həyata keçirir. Biz qazı Azərbaycandan alıb Naxçıvanda təhvil veririk”. (APA)

5 Avqust 2016 3:35

Uçot dərəcəsinin qaldırılması nəyi dəyişəcək?

Mərkəzi Bank 8 avqustdan etibarən likvidlik əməliyyatları üzrə faiz dəhlizinin aşağı və yuxarı həddlərini dəyişməz saxlamaqla uçot dərəcəsini 9.5% səviyyəsinə qaldırmaq barədə qərar qəbul edib İqtisadçı Vüqar Bayramov Modern.az-a açıqlamasında uçot dərəcəsinin artırılacağının gözlənilən olduğunu deyib: “Mərkəzi Bankın intervensiya dərəcəsinə uyğun olaraq uçot dərəcəsini qaldırmaqda məqsədi manatla yığımlara təsir göstərməkdir. Baş bank tərəfindən uçot dərəcəsinin mütəmadi olaraq artırılması məhz bununla bağlıdır.Uçot dərəcəsinin qaldırılması uyğun bölüşdürülən kreditlər, manatla yığımlar üzrə faizin artırılması deməkdir. Praktik olaraq bu, yığımlara, eyni zamanda mərkəzləşdirilmiş kredit resurslarının həcminə və faizinə təsir göstərəcək. Bununla belə uçot dərəcəsinin 9, 5 faizə qaldırılması manatla yığımlarda kəskin dəyişikliklərin gözlənildiyi anlamına gəlmir.Bu, Mərkəzi Bankın depozit hərraclarına təsir göstərə bilər. Amma kommersiya banklarının, əhalinin manatla yığımlarına ciddi təsiri gözlənilmir”.V.Bayramov bildirib ki, uçot dərəcəsinin artırılması ilə yanaşı mili valyutaya inamın formalaşdırılmasına ehtiyac var: “Çünki, son dövrlərdə dollarlaşma prosesi kəskin artıb. Bu konteksdən artırılmış uçot dərəcəsi vətəndaşların, şirkətlərin, kommersiya banklarının manatla yığımlarına təsir göstərəcək. Məqsədlərdən biri manatla yığımların artırılması və manatla depozitləri təşviq etməkdən ibarətdir. Çünki, nə qədər çox ödəniş ediləcəksə, manat artacaq.Həm də Mərkəzi Bank bu addımı atmaqla inflyasiyaya uyğunlaşmağa da çalışır. Amma bunu maliyyə və valyuta bazarında ciddi dəyişikliklərə səbəb olacağını proznozlaşdırmaq mümkün deyil”.

5 Avqust 2016 3:34

Bağlanan dörd bankın əmanətçilərinə 15 mln. manatdan artıqkompensasiya ödənilib

Avqustun 1-dən etibarən Əmanətlərin Sığortalanması Fondu “Dekabank” ASC, “Kredobank” ASC, “Parabank” ASC və “Zaminbank” ASC-nin qorunan əmanətçilərinə kompensasiya ödənişinə başlayıb. Fonddan "APA-Economics"ə verilən məlumata görə, avqustun 2-də "Parabank" ASC-nin qorunan əmanətçilərinə 6 mln. 350 min 549 manat, “Zaminbank” ASC-nin qorunan əmanətçilərinə 6 mln. 350 min 549 manat, “Kredobank” ASC-nin qorunan əmanətçilərinə 1 mln. 637 min 959 manat və “Dekabank” ASC-nin qorunan əmanətçilərinə isə 1 mln. 67 min 399 manatdan artıq kompensasiya ödənilib. Ümumilikdə 4 bank üzrə 15 mln. 406 min 455 manatdan artıq kompensasiya verilib.Fond ictimaiyyətin nəzərinə çatdırır ki, 25 iyul 2016-cı il tarixdə sığorta hadisəsi baş vermiş “Dekabank” ASC, “Kredobank” ASC və “Zaminbank” ASC-nin qorunan əmanətçiləri kompensasiyaların ödənilməsi üçün müvafiq olaraq “Dekabank” ASC, “Kredobank” ASC və “Zaminbank” ASC-nin baş ofisinə, “Parabank” ASC-nin qorunan əmanətçiləri isə müqavilə bağladıqları filiala müraciət edərək öz əmanətlərini geri ala bilərlər. Kompensasiya almaq üçün ərizə formalarını qorunan əmanətçilər 1 avqust 2016-cı il tarixindən etibarən sığorta hadisəsi baş vermiş “Dekabank” ASC, “Kredobank” ASC, “Parabank” ASC və “Zaminbank” ASC-nin filiallarından, Əmanətlərin Sığortalanması Fondunun Bakı şəhəri, Bül-Bül prospekti 40 ünvanında yerləşən ofisindən və Fondun rəsmi internet səhifəsi olanwww.adif.az saytından əldə edə bilərlər.Fond məlumat üçün bildirir ki, 1 mart 2016-cı il tarixdə qüvvəyə minən “Əmanətlərin tam sığortalanması haqqında” Azərbaycan Respublikasının Qanununun 3-cü maddəsinə əsasən Əmanətlərin Sığortalanması Fondunun Himayəçilik Şurası tərəfindən əmanətlər üzrə müəyyən edilmiş və 2 mart 2016-cı il tarixdən qorunan əmanətlər üçün qüvvəyə minmiş maksimal illik faiz dərəcəsi – milli valyuta üzrə 12%, xarici valyuta üzrə 3% həddində olan fondun iştirakçı banklardakı bütün qorunan əmanətlər məbləğindən asılı olmayaraq 3 il müddətində tam sığortalanır.2 mart 2016-cı il tarixdən əvvəl illik 12%-ə qədər xarici valyutada yerləşdirilən əmanətlər üzrə hər bir qorunan əmanətçiyə 100% həcmində, lakin 30 min manatdan çox olmamaq şərti ilə kompensasiya ödəniləcək.Əmanətçilər onlara lazım olan məlumatları Əmanətlərin Sığortalanması Fondunun rəsmi veb səhifəsindən : www.adif.az əldə edə bilər, Fondla 941 saylı qaynar xətt, və ya 596 65 91/92 nömrələri vasitəsilə əlaqə yarada bilərlər.

5 Avqust 2016 12:36

Bankların 500 avro rəzaləti…

Müştəri və bank münasibətləri son iki ildə ölkənin maliyyə sektorunun həlli tapılmayan problemidir. Bunun nəticəsidir ki, vaxtı keçmiş kreditlər kredit portfelinin 8,3 faizinə qədər yüksəlib. Nəzərə alsaq ki, dünya praktikasında qırmızı xətt 5 faiz təşkil edir, deməli, banklarımızın vəziyyəti heç də ürəkaçan deyil. Ekspert araşdırmalarına görə, problemli kreditlər ölkədə fəaliyyət göstərən 33 bankın 22-də mövcuddur. Vəziyyətin bu həddə çatmasında müştərilərin ödəmə qabiliyyətlərinin azalması, bəzən məsuliyyətsizlikləri rol oynadığı kimi bankların yüksək faizlə kredit vermələrinin, hər fürsətdə müştərini aldatmalarının da payı az deyil. Hətta çoxdur, desək, yanılmarıq. Banklar 500 avroluq əskinasları “dövriyyədən çıxarıb” Adının açıqlanmasını istəməyən bank müştərisinin Publika.az-a ünvanladığı şikayətə görə, “AG Bank”dan avro ilə kredit götürüb. Hər ay müntəzəm olaraq annuitet ödəniş aparıb: “AGBank”da avronun məzənnəsi yüksək hesablandığından mübadiləni “Bank of Baku”da apardım. Bundan sonra “AG Bank”a avro ilə kredit ödənişi etdim. Bankdan mənə mesajla 500 avroluqların dövriyyədən çıxarılmasına, eləcə də 100 avro cərimələndiyimə dair xəbərdarlıq daxil oldu. Məsələ ilə bağlı ”AG Bank”la əlaqə saxladıqda, beynəlxalq standartları əsas gətirərək 500 avro ilə edilən ödənişlərin məhdudlaşdırıldığını bildirdilər”. Palata: “500 avroluq əsginaslar öz dəyərini tam şəkildə saxlayır” Xatırladaq ki, cari ilin may ayında Avropa Mərkəzi Bankı “terroru maliyyələşdirmənin” qarşısını almaq məqsədilə hazırda etibarlı olan 500 avro əskinası gələcəkdə buraxmayacağını bəyan etmişdi. 2018-ci ilin sonuna yaxın isə bu əskinasların tamamilə dövriyyədən çıxarılacağını bildirmişdi. Onu da qeyd edək ki, Avropa Mərkəzi Bankının bu açıqlamasından sonra Azərbaycanın bank sektorunda 500 avroluq əskinasların dövriyyədən çıxarılması ilə bağlı anlaşılmazlıq yarandı. Belə ki, banklara müraciət edən vətəndaşlar 500 avroluq əskinasların qəbul edilməməsi, dəyişdirilməməsi və s. problemlərlə üzləşdilər. Çoxsaylı müraciətləri nəzərə alaraq Maliyyə Bazarlarına Nəzarət Palatası banklara məktub ünvanladı.Məktubda aşağıdaklar göstərilirdi: “Avropa Mərkəzi Bankı 4 may 2016-cı il tarixində rəsmi internet səhifəsində yerləşdirdiyi məlumatda 500 avroluq əskinasın qeyri-qanuni fəaliyyəti asanlaşdırmaq ehtimalını nəzərə alaraq, 2018-ci ilin sonuna yaxın sözügedən əskinasın çapını dayandıracağı bildirilir. Bununla belə, hazırda mövcud olan və 2018-ci ilin sonunadək çap olunacaq bütün 500 avroluqlar digər əsginaslar kimi öz dəyərlərini tam şəkildə saxlayır və onlardan ödəniş vasitəsi kimi istifadə olunması davam etdirilir”.Bununla da, Maliyyə Bazarlarına Nəzarət Palatası banklara əskinasla edilən ödənişlərin məhdudlaşdırılmaması tapşırığını vermişdi. Göründüyü kimi, “AG Bank”ın belə bir addım atması təkcə müştərisinin hüquqlarını tapdalamaq deyil, həm də Palatanın tapşırığından kənara çıxmasıdır. Publika.az-a vəziyyəti şərh edən iqtisadçı-ekspert Samir Əliyev bildirdi ki, 500 avroluq əskinaslar dövriyyədən çıxarılmayıb: “İkinci bir tərəfdən, pul vahidi əgər qanunsuzdursa, onda Azərbaycanda nə gəzir və “Bank of Baku” niyə onu satır? Deməli, “Bank of Baku” da qanunsuz iş görüb. Bundan əlavə, problem var idisə, əvvəlcədən “AG Bank” ödənişi qəbul etməzdi. Ödənişi qəbul edib, sonradan cərimə tətbiq etməklə bank müştərisinə qarşı qanunsuzluğa yol verib”. Bankın cərimə etmək hüququ olmadığını vurğulayan ekspert bildirir ki, müştəri o zaman cərimə edilə bilər ki, ödənişlərini gecikdirsin: “Bankın başqa fəaliyyətə görə, müştərini cərimələmək hüququ yoxdur. O dövlət qurumu deyil ki, valyutanın dövriyyədən çıxmasına və ya saxta olmasına görə cərimə tətbiq etsin. Bu, sadəcə sui-istifadədir. Müştəri bankı məhkəməyə verib, hüququnu tələb edə bilər”. Hüquqşünas Əkrəm Həsənov isə bildirdi ki, əgər bank hansı valyutada kredit veribsə, həmin valyutada da ödəniş həyata keçirməlidir: “Yalnız valyutanın məxsus olduğu ölkənin həmin pulun dövriyyədən çıxarılmasını elan etdiyi halda bunu qəbul etməyə bilər. Avropa Mərkəzi Bankı 500 avroların dövriyyədən 2018-ci ildə çıxarılacağını açıqlayıb. Buna görə bank pulu dövriyyəyə buraxan ölkənin tələblərinə uyğun addım atmalıdır. Bankın müştərini cərimələməsi özbaşınalıqdır”.Mövzu ilə bağlı valyutanın satışını aparan “Bank of Baku”nun mövqeyini də öyrəndik. Bankdan bildirildi ki, “Bank of Baku” tərəfindən satılan 500 avrolar hazırda dövriyyədə olan əsginaslardır. “AG Bank” isə müştərini cərimələməsinin səbəbini belə izah etdi: “Bank qəbul etdiyi hər 500 avroya görə 0,5 faiz komissiya tutur. Bu da bankın daxili qaydalarına uyğun tətbiq edilir”. “AG Bank”ın açıqlamasını şərh edən Əkrəm Həsənov deyir ki, bank özü üçün daxili qaydalar müəyyən edə bilər: “Amma bunun müştəri üçün yalnız o zaman qüvvəsi var ki, bu, müqavilədə əksini tapsın. Kredit müqaviləsində müştəri razılıq veribsə, bank razılaşdırılmış komissiya haqqını tuta bilər. Əks halda bu, özbaşınalıqdır”.

4 Avqust 2016 2:12

Bağlanmış 4 bankın əmanətçilərinə təxminən 10 milyon manatkompensasiya ödənilib

Əmanətlərin Sığortalanması Fondu (ADIF) tərəfindən müflis elan edilmiş “Dekabank” ASC, “Kredobank” ASC, “Parabank” ASC və “Zaminbank” ASC-nin qorunan əmanətçilərinə 9,92 milyon manat kompensasiya ödənilib. Bu barədə Trend ADIF-dən daxil olan məlumatda deyilir.Məlumatda qeyd olunur ki, avqustun 1-dən Əmanətlərin Sığortalanması Fondu “Dekabank” ASC, “Kredobank” ASC, “Parabank” ASC və “Zaminbank” ASC-nin qorunan əmanətçilərinə kompensasiya ödənişinə başlayıb. 02 avqust 2016-cı il tarixdə “Parabank” ASC-nin qorunan əmanətçilərinə 4 248 753 manat, “Zaminbank” ASC-nin qorunan əmanətçilərinə 3 862 356 manat, “Kredobank” ASC-nin qorunan əmanətçilərinə 1 047 294 manat və “Dekabank” ASC-nin qorunan əmanətçilərinə isə 763 466 manatdan artıq kompensasiya ödənilmişdir. Ümumilikdə 4 bank üzrə 9 921 869 manatdan artıq kompensasiya ödənilib. 25 iyul 2016-cı il tarixdə sığorta hadisəsi baş vermiş “Dekabank” ASC, “Kredobank” ASC və “Zaminbank” ASC-nin qorunan əmanətçiləri kompensasiyaların ödənilməsi üçün müvafiq olaraq “Dekabank” ASC, “Kredobank” ASC və “Zaminbank” ASC-nin baş ofisinə, “Parabank” ASC-nin qorunan əmanətçiləri isə müqavilə bağladıqları filiala müraciət edərək öz əmanətlərini geri ala bilərlər. Kompensasiya almaq üçün ərizə formalarını qorunan əmanətçilər 1 avqust 2016-cı il tarixindən etibarən sığorta hadisəsi baş vermiş “Dekabank” ASC, “Kredobank” ASC, “Parabank” ASC və “Zaminbank” ASC-nin filiallarından, Əmanətlərin Sığortalanması Fondunun Bakı şəhəri, Bül-Bül prospekti 40 ünvanında yerləşən ofisindən və Fondun rəsmi internet səhifəsi olan www.adif.az saytından əldə edə bilərlər.Fond məlumat üçün bildirir ki, 01 mart 2016-cı il tarixdə qüvvəyə minən “Əmanətlərin tam sığortalanması haqqında” Azərbaycan Respublikasının Qanununun 3-cü maddəsinə əsasən Əmanətlərin Sığortalanması Fondunun Himayəçilik Şurası tərəfindən əmanətlər üzrə müəyyən edilmiş və 2 mart 2016-cı il tarixdən qorunan əmanətlər üçün qüvvəyə minmiş maksimal illik faiz dərəcəsi- milli valyuta üzrə 12%, xarici valyuta üzrə 3 % həddində olan Fondun iştirakçı banklardakı bütün qorunan əmanətlər məbləğindən asılı olmayaraq 3 (üç) il müddətində tam sığortalanır. 2 mart 2016-cı il tarixdən əvvəl illik 12 %-ə qədər xarici valyutada yerləşdirilən əmanətlər üzrə hərbir qorunan əmanətçiyə 100 faiz həcmində, lakin 30 min manatdan çox olmamaq şərti ilə kompensasiya ödəniləcək.

4 Avqust 2016 11:45

Fakt

Bizi izləyin