Avtomobil həvəskarlarının nəzərinə (FOTO)

Artıq 3 ildir Azərbaycan avtomobil bazarında yer alan Çinin "Baic" markası 2017-ci ilə möhtəşəm start verib. Belə ki, "Baic" markası bu il Azərbaycan avtomobil həvəskarlarının önünə 6 modellə çıxır. Bu modellər Baic D20, Baic M20, Baic X25, Baic X55, Baic BJ 40 və Baic BJ80 modelləridir. Yuxarıda göstərilən modellərdən Baic D20 və Baic BJ 40 modelləri Azərbaycan alıcılarına tanışdır. Belə ki, D20 modeli "Baic" markasının A115 modelinin yenilənmiş formasıdır. D20 həm interyer, həmdə eksteryer baxımından sələfindən çox fərqlənir. D20 modelidə sələfi A115 kimi 2 versiyada təqdim olunur. Bunlar sedan və heçbek versiyalarıdır. D20 modeli artıq "Baic" markasının Azərbaycanda yeganə və rəsmi distribüteri olan Sirena Motors-un salonlarında satışdadır. Avtomobil həvəskarlarına tanış olan modellərdən biridə BJ40 modelidir. BJ 40 modeli 2015-ci ilin əvvəlində satışa çıxarılıb. Həmin vaxtı modeldən 3 ədəd Azərbaycan alıcılarına təqdim olunub. Avtomobilə olan tələbatı nəzərə alan distribyutor BJ40 modelindən yenə satışa çıxarır. Model fevral ayının axırından satışa çıxarılacaqdır. "Baic" markasının X25 modeli artıq bir neçə gündür satışa çıxarılıb. X25 modelinin satış qiyməti 27500 Azn-dir. Satışa çıxarılan modellərdən biridə M20 modelidir. M20-nin əsas üstünlüklərindən biri avtomobilin 7 nəfərlik olmasıdır. Bu modeli ailə avtomobili adlandırılır. Avtomobilin satış qiyməti 22.000 Azn-dir. Martın 3-də "Baic" markasının X25 və BJ80 modellərinin təqdimat mərasimi keçiriləcəkdir. Avtomobillər təqdimat günündən etibarən satışda olacaqdır. Avtomobillərin qiyməti hələ ki açıqlanmır. X25 modeli artıq sosial şəbəkələrdə şəhər gözəlçəsi ləqəbini qazanıb. Model komplektasiya baxımından çox zəngindir. Artıq uzun bir neçə vaxtdır ki, avtomobil həvəskarlarının maraq dairəsində olan Baic BJ80 modelidir. Baic BJ 80 Mercedes Benz ilə birgə işlənib hazırlanan avtomobildir. Avtomobil interyer və eksteryer baxımından hər kəsin diqqətini özünə cəlb etməyi bacarır. Elə bu səbəbdəndə avtomobilin təqdimatdan sonra Sirena Motors-un salonunda nümayişi keçiriləcəkdir. Bu təqdimat mərasimində iştirak etməyən şəxslər üçün xüsusi hazırlanmış bir sərgi olacaqdır. BJ 80 və digər modellər haqda həm media nümayəndələrini, həmdə avtomobil həvəskarlarını maraqlandıran bütün sualları "Baic" avtomobil zavodunun rəhbərliyi və onu müşayiət edən nümayəndə heyyəti cavablandıracaqdır. Ətraflı məlumatı 1630 nömrəsindən və sirenamotors.az saytından əldə etmək olar.

10 Fevral 2017 6:29

Cəlilabadda sahibkarlar üçün treninq keçirilib

İqtisadiyyat Nazirliyinin Bakı Biznes Tədris Mərkəzi sahibkarlar və sahibkarlıq fəaliyyətinə yeni başlayanlar üçün treninqlərini davam etdirir. Nazirliyin mətbuat xidmətindən Trend-ə verilən məlumata görə, növbəti belə tədbir bu gün Bakı Biznes Tədris Mərkəzinin Lənkəran nümayəndəliyinin təşkilatçılığı ilə Cəlilabadda keçirilib. “İstehsal sahələrinin idarə edilməsi”, “İnvestisiya təşviqi sənədinin verilməsi Qaydası” mövzularını əhatə edən treninqdə istehsal sahələrində biznesin təşkili və səmərəli idarə edilməsi, “Made in Azerbaijan” brendinin yaradılması, məhsulların keyfiyyətinin yüksəldilməsi, investisiya təşviqi sənədini almış hüquqi şəxslərə və fərdi sahibkarlara təsdiqedici sənədin verilməsi Qaydası, investisiya layihəsinin (biznes planın) tərtib edilməsi, sahibkarların təkrar şikayətlərinə baxılması prosedurları və Apellyasiya Şuraları barədə məlumatlar iştirakçıların diqqətinə çatdırılıb. Tədbirdə iştirakçılar həmçinin, İqtisadiyyat Nazirliyi tərəfindən göstərilən elektron xidmətlər və bu xidmətlərin "E-hökumət" portalına (www.e-gov.az) inteqrasiyası barədə məlumatlandırılıb. Treninq çərçivəsində mövzular üzrə təqdimatlar keçirilib, iştirakçılara Bakı Biznes Tədris Mərkəzi tərəfindən hazırlanmış metodiki vəsaitlər paylanılıb, onları maraqlandıran suallar cavablandırılıb. (daha&helliip;)

10 Fevral 2017 6:28

“Mərkəzi Bank dolların ucuzlaşması üçün vəsait xərcləyir”

Milli Məclisin deputatı, iqtisadçı ekspert Vahid Əhmədov son günlər Azərbaycanda dolların məzənnəsinin aşağı düşməsi ilə bağlı məsələyə münasibət bildirib. V.Əhmədov deyib ki, Azərbaycan Mərkəzi Bankı dolların aşağı düşüb-qalxması ilə bağlı müvafiq siyasət aparır: “Son günlər isə dollar müəyyən qədər ucuzlaşdırılır. Yəqin ki, Mərkəzi Bank dolların ucuzlaşması üçün müəyyən qədər vəsait xərcləyir. Çünki bazarda dollar öz həqiqi dəyərini hələ almayıb. Dollar bazarda həqiqi dəyərini alandan sonra artacaq. Necə ki, bu Rusiyada, Qazaxıstanda baş verdi”. Deputat qeyd edib ki, dollarla əlaqədar Neft Fondundan da müəyyən qədər vəsait ayrılır: “Birdən-birə manatı buraxmaq şok effekt yarada bilər. Onun üçün də manatı yavaş-yavaş devalvasiyaya uğradırlar. Ona görə də dolların ucuzlaşıb-bahalaşması halları olacaq. Bu adi prosesdir”. Dolların məzənnəsinin aşağı düşməsinin Azərbaycanda biznes mühitinə nə kimi təsirlərinin olub-olmaması məsələsinə də toxunan V.Əhmədov vurğulayıb ki, dolların Azərbaycanda biznes mühitinin inkişafına təsiri o zaman olar ki, onun həqiqi bazar dəyəri bilinsin:  “Ancaq hələlik bu dəyər bəlli deyil. Dollar öz dəyərini tapandan sonra ola bilər ki, bir ay ərzində dollar bir-iki qəpik artıb-azalsın. Ancaq bu fərq bir-iki qəpik olacaq, çox olmayacaq. O zaman investorlar daha çox maraq göstərəcəklər və biləcəklər ki, dolların bazar qiyməti budur” Faktinfo.az

4 Fevral 2017 6:21

Fakt

Bizi izləyin