​”PAŞA Bank”ın yeni sədr müavini təyin olunub

Sədr müavini vəzifəsinə İdarə Heyəti sədrinin biznesin inkişafı üzrə müşaviri Cavid Quliyev təyin olunub "PAŞA Bank" ASC-nin Müşahidə Şurasının qərarı ilə "PAŞA Bank"ın yeni sədr müavini təyin olunub. Bu barədə  Bankın mətbuat xidmətindən məlumat verilib.Sədr müavini vəzifəsinə öncə Bankın İdarə Heyəti sədrinin biznesin inkişafı üzrə müşaviri vəzifəsini tutmuş Cavid Quliyev təyin olunub.C.Quliyev 1994-cü ildə Azərbaycan Dillər Universitetinin xarici dillər fakültəsini bitirib, 2000-ci ildə Azərbaycan Dövlət İqtisad Universitetinin “Maliyyə və kredit” fakültəsini bitirməklə, ikinci ali təhsil alıb.C.Quliyev öz əmək fəaliyyətini 1996-cı ildə, “British Bank of the Middle East” bankında (HSBC bankının törəmə bankı) Müştəri Xidmətləri Departamentinin direktoru vəzifəsində başlayıb, 1999-cu ildə isə fəaliyyətini həmin bankın Maliyyə Nəzarəti Departamentinin direktoru kimi davam etdirib. Elə həmin ildə C.Quliyev HSBC banklar qrupunun İdarəetmə Kollecini (“HSBC Group”un Təlim İdarəetməsi Kolleci) bitirib. O, 2003-2014-ci illərdə ölkənin aparıcı banklarında rəhbər vəzifələrdə, həmçinin “Capital Resources Advisors” şirkətinin Azərbaycan filialının maliyyə məsələləri üzrə icraçı direktoru vəzifəsində çalışıb. 2014-cü ildə C.Quliyev "Paşa Holdinq"də baş müşavir vəzifəsinə təyinat alıb.C.Quliyev "PAŞA Bank"da öz əmək fəaliyyətini 2015-ci ildə Bankın İdarə Heyəti sədrinin biznesin inkişafı üzrə müşaviri vəzifəsində başlayıb.

3 Mart 2016 10:54

Ekspert: Banklara inamı qaytarmaq üçün hələ çox işlər görülməlidir

"Əmanətlərin şərtlərlə və gec də olsa da tam sığortalanması təqdir olunandır. Amma hazırkı şəraitdə banklara olan etibarın qaytarılmasına yalnız bu sistemin tətbiqi ilə nail olmaq mümkün deyildir." Faktinfo.az xəbər verir ki, bu sözləri iqtisadçı-alim, ADR Hərəkatının rəhbəri Qubad İbadoğlu əmanətlərlə bağlı qanunvericilikdə aparılan dəyişiklikləri dəyərləndirərkən bildirib. O, daha sonra qeyd edib: "Əmanətlərin şərtlərlə və gec də olsa da tam sığortalanmasını təqdir edirəm. Bununla yanaşı diqqəti 2 vacib məqama cəlb etmək istəyirəm. Əvvəla, əmanətlərin tam sığortalanması sistemi bu istiqamətdə risklərin idarəolunmasına xidmət edir, hazırda böhranlı vəziyyətə düşən bank sisteminin köklü problemlərinin həllində əhəmiyyətli rol oynamır. Bu sistem əsasən "yanğın söndürmə funkisyası"nı yerinə yetirir, banklar bağlananda, bir sözlə "yananda" işə düşür və onların əmanətçilər qarşısında yerinə yetirilə bilməyən öhədliklərinin icrasını təmin edir. Düzdür, bu sistemin həm də bank sisteminə etibar qazandırmaq kimi profilaktik funksiyası da var, amma indiki şəraitdə banklara olan etibarın qaytarılmasına yalnız əmanətlərin tam sığortalanması sisteminin tətbiqi ilə nail olmaq mümkün deyildir. Artıq gecdir. Əslində görünən odur ki, hökümət bu qərarı bankları deyil, əmanətçiləri " yanğından" xilas etməyə yönəlib. Nəzərə alsaq ki, əmanətçilərın əksəriyyətini orta və varlı təbəqə təmsil edir, onda bu qərarın məqsədi də aydındır. Əslində isə Mərkəzi Bank ilk növbədə bankların sağlamlaşdırılmasına nail olmalı və onların böhrandan çıxarılması üçün kapitallarının təmərküzlərşməsinə, konsolidasiyasına yönələn siyasəti davam etdirməli, bank bazarında rəqabəti dəstəkləməlidir. Əks tədqirdə "parnik bankları"nın xərclərini dövlət ödəməli olacaq. İkincisi, əmanətlərin tam sığörtalanma sistemi bankların yığım siyasəti ilə bağlı olaraq yalnız əmanətçi müştərilərlə banklar arasında münasibətlərin tənzimlənməsinə xidmət etdiyindən bu dəyişiklik getdikcə ciddiləşən problemli kreditlərin çözülməsinə töhfə verə bilmir. Odur ki, bank sisteminin mövcud problemlərinin həllinə kompleks yanaşmaq üçün problemli kreditlərlə bağlı da təşəbbüslər olmalıdır. Bu istiqamətdə atılacaq əsas addımlardan biri Mərkəzi Bankın nəzdində problemi kreditlər üzrə agentliyin yaradılması və bu problemin mərkəzləşdirilmiş qaydada həllinə səy göstərilməsidir. Əks tədqirdə, ayrı-ayrı bankların bu sahədə mövcud problemi müxtəlif vasitələrlə fərdi müstəvidə həll etməsi müştərilərlə banklar arasında münaqişələrin çoxalmasını şərtləndirəcək."

3 Mart 2016 9:38

Proqnoz: ​Qızıl bu il bahalaşacaq

Lakin sonrakı illərdə qızılın kəskin ucuzlaşması gözlənilir "Bloomberg" agentliyi 2016-cı ildə qızılın əsas maliyyə aləti olacağını düşünür.Faktinfo.az agentliyə istinadən xəbər verir ki, investorlar qlobal valyuta və səhm bazarlarında qeyri-sabit vəziyyətin yaranması fonunda məhz bu aktivə sərmayə yatırırlar. "Bloomberg" qeyd edib ki, 2016-cı ilin əvvəlindən "SPDR Gold Shares" qiymətli metallar fondu 4,5 mlrd. dollar həcmində vəsait cəlb edib ki, bu da ABŞ birjalarında olan fondlar arasında ən yüksək göstəricidir. Agentlik, həmçinin bildirib ki, 2015-ci ilin dekabrında qızıl minimal səviyyəyə - 1 046 dollar/unsiyaya düşdükdən sonra 17,8% yüksəlib və hazırda 1 233 dollar/unsiyaya satılır. Bu da investorlarda qiymətli metala olan proqnozların müsbət istiqamətdə dəyişməsinə səbəb olub."USAA Precious Metals & Minerals" şirkətinin rəsmiləri hesab edirlər ki, qızıl 2016-cı ilin ən maraqlı mövzusudur. Keçən il bu maliyyə aktivinə köhnə adət-ənənə sahiblərinin lazımsız fikri kimi baxanlar, hazırda qızıla ən çox investisiya qoyanlara çevrilib. Qeyd edək ki, qızıla tələbat ABŞ iqtisadiyyatının zəifləyə biləcəyi ehtimalları ilə daha da artıb. "Oversea -Chinese Banking Corp." düşünürlər ki, qızıl ilin sonuna qədər 1 400 dollar/unsiyaya qədər bahalaşacaq. Lakin ABŞ-da uçot dərəcəsi artdığı təqdirdə qızılın 1 000-1 150 dollar/unsiya kimi geriləyə bilər. "Societe General" və Goldman Sachs Group"un analitikləri isə qızılın dividend gətirməməsi səbəbindən qızıla tələbatın azalacağını qeyd edirlər.Qızılın qiymətinin bu gün 13 dollar/unsiya və ya 1,05 % artaraq 1 233 dollar/unsiyaya yüksəlməsinə səbəb isə Şanxayda fevralın 26-27-də keçirilən G-20 ölkələrinin sammitində qlobal iqtisadiyyatı canlandırmaq üçün əlaqələndirilmiş heç bir nəticənin əldə edilməməsi olub. Bu da investorları daha güvənli aktivlərə yönəldib.Qızılın unsiyası 1 400 dollara qədər bahalaşdıqdan sonra yenidən enməyə başlayacaq və 1-3 il ərzində 900 dollar/unsiyaya qədər ucuzlaşacaq.

29 Fevral 2016 3:24

Kredit borcunu ödəməyənləri hansı cəzalar gözləyir?

Əkrəm Həsənov: “Kredit borcuna görə vətəndaşın həbs edilməsi mümkün deyil” Azərbaycanda problemli kreditlərin həcmi artmaqda davam edir. Qeyri-rəsmi məlumatlara görə, artıq ölkə üzrə problemli kreditlərin həcmi 2 milyard manata yaxındır və bu məbləğ artmaqda davam edir. İş yerlərinin və biznes müəssisələrinin bağlanması, işsizliyin artması problemli kreditlərin də həcminin artmasına gətirib çıxarır. Banklara kredit borcu olan vətəndaşların, xüsusilə də dollarla kredit götürənlərin əksəriyyəti ya borcu ödəyə bilmir, ya da ödəməkdən imtina edir. Bu durumda vətəndaşları bir sual maraqlandırır. Əgər borcu ödəməməyə görə, bank onları məhkəməyə versə, həbs perspektivi mümkündürmü? Borcunu ödəməyən vətəndaşı ən pis halda nə gözləyir? Bu durumda vətəndaşların hansı hüquqi imkanları var? Musavat.com-a açıqlamsında bu sualları cavablandıran hüquqşünas, bank və maliyyə məsələləri üzrə vəkil Əkrəm Həsənov bildirdi ki, kredit borcuna görə vətəndaşın həbs edilməsi mümkün deyil: “Azərbaycanın qoşulduğu insan haqları konvensiyasında da konkret göstərilib ki, borc görə heç kimi həbs etmək olmaz. Azərbaycan qanunvericiliyi də buna yol vermir. Düzdür, təcrübədə əvvəllər belə hallar olub. Ancaq bu, qanunsuz olub və həmin şəxslər öz hüquqlarını bilməyiblər. Ancaq belə hallar geniş yayılmayıb, son vaxtlar ümumiyyətlə, yoxdur. Çünki, Azərbaycanın hüquq ictimaiyyəti daha çox aktivləşib və hakimlər də artıq belə qərarlar çıxarmırlar. Çıxarsalar da, biz bu məsələnin axırına kimi gedəcəyik. Lazım olsa, Avropa Məhkəməsinə də müraciət edəcəyik və bu qərarları ləğv etdirəcəyik. Yəni, burada şəxsin azadlığına heç bir təhlükə yoxdur”. Ekspertin sözlərinə görə, çətin vəziyyətdə olan o vətəndaşlardır ki, banklarda əmlakı və girovu var, borcunu ödəmədiyi halda o girov əlindən çıxa bilər: “Bu halda da banklar vətəndaşlara kömək etməlidir. Çünki, Konstitusiyan Məhkəməsi ötən il verdiyi qərarda banklara göstəriş verdi ki, vətəndaşlara güzəştə gedə bilərlər. Sadəcə onlar Konstitusiyan Məhkəməsinin qərarına hörmət etmirlər və güzəştə getmirlər. Lakin biz bu işləri də məhkəmə yolu ilə yoluna qoyacağıq ki, banklar bu güzəştlərə getsinlər. Hətta bunlar olmasa belə, mən borclu vətəndaşlara tövsiyə edirəm ki, özləri məhkəmə proseslərinə başlasınlar və banklar da onları məhkəməyə verəndə məhkəmədə aktiv olsunlar, haqlarını qorusunlar, həm də məhkəmə proseslərini uzatsınlar. Ən sadə halda məhkəməni ilyarım-iki il uzatmaq olur. Məhkəmənin uzadılması isə banka xeyir deyil, yalnız zərər vura bilər. Özü də indiki şəraitdə kütləvi məhkəmə prosesləri uzansa, bu, o deməkdir ki, bankların kreditləri çox gec qayıdacaq. Çünki, məhkəmə prosesləri gedə-gedə o girov əmlakı da əlinə keçirə bilməyəcək, satışa çıxara bilməyəcək. Deməli, krediti çox gec qayıdacaq”. Əkrəm Həsənov bir nüansı da vurğuladı ki, mənzil hərracda satışa çıxarılsa belə, vətəndaş müxtəlif yollarla mənzilinə sahib çıxa bilər: “Azərbaycanda daşınmaz əmlakın qiyməti düşür və bu tendensiya davam edir. Deməli, o girov əmlakın da qiyməti azalacaq. Buna görə də bank orada da uduzacaq və vətəndaş udacaq. Çünki, vətəndaşın 100 min manat borcu varsa və vaxtilə evinin qiyməti 130 min manat idisə, indi həmin evin qiyməti 70 min manatdır. Digər bir tərəfi isə odur ki, girov əmlakı hərracda satışa çıxarırlar. Həmin vətəndaş hərracda hər hansı bir qohumu vasitəsilə həmin evi 40 minə də ala və evində yaşamağa davam edə bilər. Bank isə kreditin xeyli hissəsini itirəcək. Bütün bunlara görə də, banklar güzəştlərə getməsə, onlar üçün vəziyyət daha da pisləşəcək”. Əkrəm Həsənov bildirdi ki, banklar ən pis halda vətəndaşın əmlakını ala bilər, o da yalnız məhkəmə qərarı ilə açıq hərracda satılaraq, banka verilə bilər: “Qeyd etdiyim kimi vətəndaş əgər məhkəmə yolu ilə prosesə müqavimət göstərsə, ən azı ilyarım-iki il proses uzana bilər. Hətta elə əmlak növləri var ki, onu vətəndaşın əlindən almaq olmaz. Qanunvericiliyə görə, əgər vətəndaşın bir evi varsa və o banka girov qoyulsa belə, bank onu vətəndaşın əlindən ala bilməz. Bu cür əmlak növləri çoxdur, ailənin gündəlik tələbatını ödəyən ev əşyaları televizor, soyuducu və sair varsa, onları da vətəndaşın əlindən almaq mümkün olmayacaq. Düzdür, indi banklar vətəndaşları qorxudurlar. Lakin bunun hamısını ona görə edirlər ki, vətəndaşlar qorxsun və gedib kreditlərini qaytarsınlar. Mənim isə vətəndaşlara tövsiyəm odur ki, bunu etməsinlər”.

28 Fevral 2016 6:04

Bakıda su qiymətinə satılan avtomobillər – SİYAHI

Manatın devalvasiyası avtomobillərə tələbatın azalması ilə yanaşı onların qiymətini də aşağı salıb. Dolların manat qarşısında kəskin bahalaşması xüsusilə ikinci əl avtomobillərinin qiymətində ciddi enmələrə səbəb olub. Nəticədə indii o qədər də böyük olmayan məbləğə köhnə, amma saz vəziyyətdə olan avtomobil almaq olar. Belə avtomobillərin istehsal tarixləri köhnə olsa da, hər halda “ayağı yerdən götürməyə” qadirdir. Ccəmi 1000 manata almaq mümkün olan avtomobilləri təqdim edir. 512-650 dollara “VAZ 2106” almaq olar 1000 manat  və daha ucuz satılan avtomobillər sırasında ilk yeri “VAZ 2106” markalı avtomobillər tutur. “VAZ”ların bu modelinin yaşı 30-dan çox olsa da, qiymətləri  münasibdir. Məsələn, hazırda 512 -650 dollar arasında 1978-88-ci illərə aid  1.3-1.6 l mühərrikli “VAZ 2106” avtomobillərini almaq mümkündür. Mexaniki sürət qutulu avtomobillərin yürüş məsafəsi isə 700-800 min kilometrdir. Bakıda belə maşınlara yuxarıdan aşağı baxırlar, amma bölgələrdə «06»lar ən sərfəli nəqliyyatdır – həm dözümlüdür, həm də təmir xərcləri aşağıdır. 500 dollara “Daewoo” Digər köhnə avtomobillərə nisbətən “Daewoo”lar daha ucuz satılır və istehsal tarixləri yenidir. Bunlar əsasən 170-200 min kilometr sürülmüş  1994- 1997-ci ilin 1.6-2.0 l motorlu avtomobilləridir. 20 il bundan əvvəl belə maşınlara sahib olmaq hər bir Bakı sakininin arzusu idi, indi isə “Daewoo” modellərini 500 dollara almaq mümkündür. Məsələn, işlək vəziyyətdə olan, təkərləri yenilənmiş, yüngül lehimli diskli və kondisionerli 2.0 l mühərrikli “Daewoo Espero” 503 dollara (780 manat) satılır. 500 dollara  türk və isveç maşını 500 dollara satılan ikinci əl avtomobillər  “Volvo” və “Tofas”larda var. Məsələn, 1990-cı ilə aid 1.6 l mühərrikli “Tofas” və 1986-cı ilin 2.3 l  mühərrikli “Volvo 740”   avtomobilini bu qiymətə almaq olar. Avtomobillər ucuz olmaqla yanaşı, digərlərinə nisəbətən daha az sürülüb. Belə ki, hər iki avtomobilin yürüş məsafəsi 100 min kilometrdən artıq deyil. 500- 640 dollara  “VAZ 21011” Azərbaycanda əvvəllər çox sevilən rus avtomobillərindən biri də  “VAZ 21011” avtomobili olub. Hazırda daha çox satılan ucuz avtomobillər sırasında bu avtomobillərdə yer alıb. 1975-1989-ci illərdə istehsal edilən bu avtomobillərin qiyməti 500- 640 dollar arasında dəyişir. Avtomobillər həm nəğd şəkildə, həm də barter üsulu ilə satılır. 500 dollara satılan “VAZ 21011”in kiçik təmirə ehtiyacı olsa da, 600-640 dollara tam işlək vəziyyətdə yürüş məsafəsi 100-150 min kilometr  olan avtomobil almaq mümkündür. 576-700 dollara “OPEL” Ucuz və işlək avtomobillər siyahısında  “Opel” avtomobilləri də var. Daha çox rast gəlinən satış elanları isə “Vectra” və “Omega” avtomobilləri ilə bağlıdır. 1991-1994-cü ilin “Opel”ləri 576-700 dollara satılır. Məsələn,  1.8 l mühərrikli Opel Vectra avtomobilini hazırda Bakıda 700 dollara almaq mümkündür. İstehsal tarixi bir qədər köhnə olan 200 min kilometr sürülən 2.0 l mühərrikli  “Omega”modeli  576 dollara təklif edilir. 500-641 dollara “Renault 12 Toros” Bakıda taksi kimi sürülən “Renault 12 Toros”  avtomobilləri də ucuz avtomobillər sırasında yer alıb. İstehsal tarixi  1995-ci il  olan 1.2 -1.4 l mühərrikli bu avtomobillər Bakıda hazırda 500- 641  dollara satılır. 250-280 min kilometr sürülən bu avtomobilləri hələ də taksi kimi istifadə etmək olar. 690-700 dollara “VAZ 2107” Ikinci əl avtomobil bazarında “VAZ 2106”  və “VAZ 21011”lə yanaşı, ucuz qiymətə “VAZ 2107” də almaq mümkündür. 1983-1900-c illərin  “VAZ 2107”ləri  hazırda 690-700 dollara satılır. Yürüş məsafəsi 150 -200 min kilometr olan bu avtomobilləri də həm nəğd şəkildə, həm də barter üsulu ilə almaq mümkündür.Məsələn, Bakıda 1983-cü ildə istehsal edilən 1.6l mühərrikli benzin mühərrikli mexaniki sürət qutulu “VAZ 2107” 700 dollara satılır. Avtomobili həm də barter etmək mümkündür.

27 Fevral 2016 10:41

Fakt

Bizi izləyin