“Aygün Kazımova və Röya haqqında necə pis danışım?“

Prodüser Tarix Əliyev (Tolik) “Onlar” verilişində maraqlı açıqlamalar verib Tolik müğənni Elvin Abdullayevin “Şou-biznesi qaymaqlar idarə edir. Tolik idarə edə bilməz” sözlərinə sərt reaksiya bildirib: “Mən harda idim, sən harda? Mənim stajım bu şou-biznesdə səndən çoxdur. Deyir, “İlhamə Quliyevanın qruplaşmasına daxil olmaq istəyirəm”. Mən o qruplaşmanın başçılarından biri olaraq, səni ora daxil edərəm. Amma sən orada hansı rolda olacaqsan? Statusundan asılı olmayaraq, heç bir müğənni mənə deyə bilməz ki, “Sabah çıx verilişə, filan müğənnini yıx-sürü”. Beləsi hələ anadan olmayıb. Mən itəm, kiminsə üstünə çımxırım? Nadir Qafarzadəyə çox sağ ol deyirəm, mənə tərəf durdu, iradını bildirdi. Deyir, şou-biznesi idarə edənlər var. Bura fabrikdi? Ayda bir dəfə yığışıb, iclas edək? Şou-biznesdə danışmadığım insanlar var. Getdiyim məclislərdə onları görmək istəmirəm. Murad Arifin klip təqdimatında özünə dedim ki, filankəslər olmayacaqsa, gəlim. O da mənə onlardan çox dəyər verdiyi üçün, həmin ifaçıları dəvət etmədi”. Tolik xalq artisti Aygün Kazımova ilə yollarını ayırmasına da münasibət bildirib: “Münasibətimizi dost kimi bitirmişik. İşlə bağlı əlaqəmiz var. Onu məclisə dəvət edən, mənlə əlaqə saxlayır. Kiminsə haqqında pis danışa bilmərəm. O vaxtlarım getdi. Hətta Röya ilə Aygün xanım eyni gündə konsert verdi. İkisini də sosial şəbəkədə paylaşdım. Mən Aygün Kazımova, Röya ilə işləyib, bu gün tələbatlı prodüser olmuşam. Onlar haqda necə pis danışım?”. (axsam.az)

7 Sentyabr 2015 11:32

Müğənnilərin yeni toy qiymətləri- 1 milyon…

  Artıq bir çox məşhurlar istirahət mövsümünü geridə qoyub, yenidən iş başına, pul qazanmağa start veriblər Azərbaycan şou-biznesində müğənnilərin qazanc yerləri heç şübhəsiz toylar, şou-proqramlardır. Bəs şou əhlinin toy qiymətlərində yenilik varmı? Faktinfo.az lent.az-a istinadən həmin sorğunu təqdim edir: Xal artisti Aygün Kazımova: “Bütöv toy idarə etmirəm. Yalnız yarım saatlıq oxuyuram. Yarım saat 6 min manatdır. Amma bu qiymət bölgələr üçün deyil. Toy paytaxtımızdan kənardadırsa, qiymət təbii ki, artacaq”. Xalq artisti Nazpəri Dostəliyeva: “Bütöv toyu 10 minə, yarım saatı isə 3 min manata gedirəm”. Xalq artisti Səməd Səmədov: “Bütöv toy 5 min, yarım saatı 1500 manata”. Müğənni Röya Ayxan: “Yarım saat 8 min manat. Bütöv toya getmirəm”. Xalq artisti Gülyanaq Məmmədova: “Yarım saatı 2500, bütöv toyu bacımla birgə 8 min manata idarə edirəm”. Əməkdar artist Mətanət İsgəndərli: “Yarım saat 3000-3500 arası, bütöv toy isə 7 min manat”. Əməkdar artist Abbas Bağırov: “ Bütöv toyu 20 min, yarım saatı 6 min manata gedirəm. Onu da deyim ki, iyirmi min manatın hamısı mənə çatmır. On səkkiz nəfərdən ibarət musiqiçim var. Onlarla bölüşürəm”. Əməkdar artist Lalə Məmmədova: “Bütöv toy 8 min, yarım saat 3 min manata”. Müğənni Günay İbrahimli: “Yarım saat 3 min, bütöv 8 min”. Müğənni Ayan Babakişiyeva: “Bütöv toya getmirəm, yarım saat 2500 manat”. Sevinc-Sevil bacıları: “Allah hər kəsə xeyir iş qismət eləsin. Yarım saatı 3 minə, bütöv toyu 8 minə oxuyuruq”. Müğənni Manaf Ağayev: “Toya yarım saatlıq getmirəm. Bütöv toyu 5 minə oxuyuram”. Xalq artisti Bilal Əliyev: “ 1 milyon manata. Mənim toy qiymətim budur”.

5 Sentyabr 2015 3:52

Röyanın “razborka“ məsələsi yenidən gündəmdə – vəkillərdən şikayət etdi

  Müğənni Röya Ayxan Azərbaycan Respublikası Vəkillər Kollegiyasına hüqüq müdafiəçisi Adəm Məmmədovdan şikayət edib Faktinfo.az "aznews.az"a daxil olan məlumatına görə, buna səbəb vəkilin Röya Ayxanın “İnstagram”da onu təhqir edən Elnur Orucov adlı şəxslə arasında olan “razborka”nın gizli yolla çəkib, internetdə yaydığı qanunsuzluğu ictimailəşdirməsi olub. Qeyd edək ki, vəkil Adəm Məmmədov daxili işlər naziri Ramil Usubov və Baş prokuror Zakir Qaralova müraciət edərək Röya Ayxanın qanunvericiliyi pozduğuna görə cəzalandırılmasını xahiş edib. O, müğənninin yaydığı videonun qanunsuz və gizli yolla çəkildiyini vurğulayıb. Hüquq müdafiəçisi Müzəffər Baxış həmin vaxt açıqlamasında müğənniyə Azərbaycan Respublikasının Cinayət Məcəlləsinin 322-ci maddəsi ilə (Özbaşınalıq) cinayət işi açıla biləcəyini və bu özbaşınalığa görə onu 3 ilədək azadlıqdan məhrumetmə cəzası gözlədiyini qeyd etmişdi. Hər iki vəkilin bu açıqlaması müğənniyə xoş gəlməyib. Odur ki, Röya Ayxan Vəkillər Kollegiyayasına müraciət edərək vəkillərin cəzalanmasını tələb edib. Röya Ayxanın prodüseri Kənan Bayramov məlumatı təsdiqləyib: “Biz Vəkillər Kollegiyasına şikayət etdik. Bu məsələlərə kollegiya baxır. Tələbimiz məsələni araşdırmadan Röya xanımı günahlandıranların cəzalandırılmasıdır. Həmin məsələdə Röya xanım ilə bağlı məsələni kim qaldırıbsa, bilməyə-bilməyə danışıbsa, yazıbsa onun adı şikayət ərizəsində var. Ortada nə məhkəmə var, nə şikayətçi. Amma biri düşüb ortaya artistlik edir”. Xatırladaq ki, Röya Ayxan “İnstagram”da onu təhqir edən Elnur Orucov adlı şəxs tərəfindən söyüldüyünü yazıb. Müğənni polisə müraciət edərək Elnuru tapıb. Daha sonra onu cinayətkar aləmin nümayəndələri kimi sorğulayıb.

22 Avqust 2015 6:10

Elton Hüseynəliyev ilk dəfə boşanmasından danışdı

"HƏYATIMDA SEVDİYİM İNSAN VAR" Müğənni Elton Hüseynəliyev son vaxtlar gündəmdən uzaqlaşmasından bəhs edib. Axşam.az-ın əməkdaşı ilə söhbətində ifaçı şəxsi həyatından, yeniliklərindən danışıb. O, payız mövsümünə maraqlı layihələr hazırladığını bildirib: “Kənara çəkilib, öz işlərimlə məşğulam. Sadəlövh, ürəyitəmiz biriyəm. Bəzi müğənnilər var danışanda belə əvvəlcədən plan qururlar. Nə etmişəmsə ürəyimdən gəlib. Mən pis insan deyiləm. Efirdə sanballı görünməyə üstünlük verirəm. Verilişə çıxıb, ancaq oxumaq istəyirəm. İndi yeni bir mahnı üzərində çalışıram, bilirəm ki seviləcək. İlin sonuna kimi konsert verməyi planlaşdırıram. Toliklə çalışıramsa, bu mütləq edilməlidir. 2011-ci ildə konsertimdə kamera orkestrı ilə canlı oxudum, partladı, amma efirə verilmədi. Mənə qarşı qara piar idi. Sevda Yahyayeva ilə də xeyriyyə konsertim efirdə getmədi. Yenə də konsertimdə hamıya canlı ifanın necə olduğunu sübut edəcəm. Çalışacam ki, bu dəfə efirdə yayımlansın". Ad günündə avtomobil qəzası keçirən E.Hüseynəliyev şok keçirdiyini bildirib: “Dar küçə ilə gedirdim, qəfildən maşın çıxdı və vurdum. Mənim maşınım az, qarşıdakı çox əzildi. Zədədən şoka düşdüm, halım pisləşdi. 32 yaşım oldu. Allah hər bir insana qocalıq nəsib etsin. Yaşın üstə yaş gəldikcə, insan düşünməli və dərk etməlidir. Öz sənətimdəyəm, heç kimin uğurunu qısqanmıram. Ad günümü övladlarımla, valideynlərimlə, dayılarımla qeyd etdim. Mən insanlara əziyyət vermək istəmirəm. Özümə gündə ad günü, toy edim, adam yığım düşünmürəm. Mənim üçün həyatda önəmli olan iki balam var. Ayrılsam da onlara diqqət etmək borcumdur”. E.Hüseynəliyev prodüser həyat yoldaşı Toma ilə ayrılmasıyla bağlı ilk dəfə açıqlamalar verib: “Ayrılma haqda heç nə danışmaq istəmirəm. Hər bir ailənin içində sirr var. İki insana məxsusdur və açıqlanmamalıdır. Sadəcə deyim ki, xasiyyətimiz tutmadı. Alınmayanda, bir-birimizi incitməkdən, uzatmaqdansa, maraqlı qalıb, ayrılmaq məsləhətdir. Mən ona həyatında uğurlar arzulayıram. Toma xanım gözəl, istedadlı prodüserdir. Öz gücünü göstərəcək. Ona uğurlar arzulayıram. Bu mənim öz qərarım oldu, müraciət etdim ayrıldım. Rəsmi boşanma da olub”. “Bəs, ikinci dəfə evlənməklə bağlı nələr düşünürsünüz” sualına müğənni belə cavab verib: “Bu söhbətlər mənə uyğun deyil. Mən şeyx deyiləm, ailim deyiləm bu haqda böyük fikirlər söyləyim. Bu gün həyatımdan razıyam. Sənətimlə məşğulam. Həyatımda sevdiyim insan var, xoşbəxtəm. Sevirəm və sevilirəm. Uşaqlarımla da tez-tez görüşürəm. Ailədir, alınmadı. Bu mövzuda indiyənə kimi danışmamışam. Açıqlama vermək istəmişəm, sonra düşünmüşəm ki, kənarda qalsam yaxşıdır. Amma mən sənət adamıyam. Bizim həyatımız gizli qalmır, istər-istəməz ətrafdakılar görür, bilir”.

13 Avqust 2015 1:25

Mehriban Xanlarova Rəşad Dağlını məhkəməyə verəcək

Əməkdar artist Mehriban Xanlarova müğənni Kərim Abbasovla aralarındakı məhkəmə prosesinin aqibətindən bəhs edib Bu haqda Axşam.az-a açıqlama verən aktrisa meyxanaçı Rəşad Dağlını da məhkəməyə verəcəyini bildirib: “Kərimlə olan məhkəmə işinin sonuna kimi gedəcəm. Ya üzr istəyəcək, ya da haqqımı tələb edəcəm. Növbəti proses ayın 6-da olacaq. Bu işdən əl çəkən deyiləm. Rəşad Dağlı da haqqımda xoşagəlməz söz deyib. Bir toy məclisində lazımsız sözlər işlədib, videosu sosial şəbəkədə yayılıb. Əgər çıxıb üzr istəməsə, onu da məhkəməyə verəcəm”. Yay istirahətindən danışan M.Xanlarova yol üstə olduğunu, Gürcüstana getdiyini bildirib: “Ola bilsin ki, oradan da Türkiyəyə keçim. Səfərimin məqsədi işdir. Dincəlmək üçün öz vətənimdən gözəli yoxdur. Qurban olum Azərbaycanıma. Yardımlıya getdim, ordan qızımın yanına Cəlilabada yollandım. O qədər sevgi gördüm ki... Qubada, Qusarda, Nabranda oldum. Kaş ki, maaşımız yüksək olardı, öz bölgələrimizi gəzərdik”. Qeyd edək ki, aktrisa ilə müğənni arasındakı qalmaqal “Maşın” şouda başlamışdı. K.Abbasov sosial şəbəkədə M.Xanlarovanın ünvanına təhqirlər yazmışdı. Müğənni daha sonra "İnstaqram səhifəni mən yox, köməkçim idarə edir. O sözləri köməkçim yazıb", - deyə, açıqlama vermişdi. Daha sonra K.Abbasov aktrisanı onu efirlərin birində şantaj etməkdə günahlandırıb. Sənətçi də M.Xanlarovanı məhkəməyə verib: “Çıxıb dedi ki, "Milyonların qarşısında məndən üzr istəyəcəksən. Əks halda, şəxsi həyatından elə şey danışacağam ki, başını götürüb bu respublikadan qaçacaqsan”. Bu, şərəf və ləyaqəti alçaltmaq deməkdir. Bir insanın şəxsi həyatını gündəmə gətirməyə kiminsə haqqı yoxdur. Mən də onu Yasamal Rayon Məhkəməsinə verdim. Ləyaqət və şərəfimi alçaltmaq, bir insanı təhdid etməkdə günahlandırdım. Eyni zamanda Mehriban xanımın adamları mənə zəng vurub, hədə-qorxu gəlirlər. Bununla bağlı 102 xidmətinə xəbər vermişəm. Əgər zənglərin arası kəsilməsə, Ramil Usubova müraciət edəcəyəm”.

6 Avqust 2015 5:45

Fakt

Bizi izləyin