Cici səfir seçildi – “Elə bil yuxudayam…” – Fotosessiya

Amerikalı top-model Cici Hadid “Tommy Hilfiger” brendinin səfiri seçilib. “Qafqazinfo”nun Rusiya KİV-nə istinadən verdiyi məlumata görə, “Vogue”, “Harper's Bazaar”, “Elle”, “TeenVogue”, “Numéro” və “CR Fashion Book” jurnallarının üz qabığını bəzəyən, Nyu-York, Milan, Paris və London moda həftələrinin ulduzu olan C. Hadid 2016-cı ilin payızından etibarən “Tommy Hilfiger”in səfiri kimi çıxış edəcək. Cici səfir təyinatına uyğun olaraq qadınlar üçün idman geyimləri, ayaqqabı və aksessuarlar, eyni zamanda, saatlar, gün eynəkləri və yeni ətirlərdən ibarət kapsul kolleksiya hazırlayacaq. Model yeni vəzifəyə seçilməsi haqqında bunları deyib: “Təsəvvürümə belə gətirməzdim ki, mənə kapsul kolleksiya hazırlamağı təklif edəcəklər. Hələ də Tomminin mənimlə əməkdaşlıq etmək təklifinə inana bilmirəm, elə bil yuxudayam. “Tommy Hilfiger” brendini çox xoşlayıram, eləcə də Tommini. O, möhtəşəm, sadə və qayğıkeş insandır. Onunla işləməkdən çox məmnunam. Həmişə onun brendlərini və reklam kampaniyalarını izləmişəm”. Tommi Hilfiqer də Hadidlə işləyəcəklərinə görə şad olduğunu söyləyib: ”Mən Cici və onun ailəsi ilə uzun illərdir ki, tanışam. Onun böyüməyini və ən populyar top-modellərdən biri olmağını böyük qürurla izləmişəm. Cici bizim tədbirlərdən birində çıxış edib. İndi isə ona belə uzunmüddətli əməkdaşlıq təklif etdiyimiz üçün çox şadıq. O, qadınlar üçün yeni geyimlərin və ətirlərin siması olacaq. Bu gündən etibarən ona ”Tommy Girl” demək olar”. Qeyd edək ki, reklam çəkilişləri 2016-cı ilin əvvəllərində Nyu-Yorkda başlayacaq.    

18 Dekabr 2015 6:25

Azərbaycanlı qumarda 250 min qazandı

  Çexiyanın paytaxtı Praqada eyni vaxtda keçirilən Avropa və Dünya Poker Turnirində (European Poker Tour-World Poker Tour) Azərbaycandan olan iştirakçı 250 min 900 avro udaraq 3-cü yeri tutub. TİA.AZ-ın Axşam.az-a istinadən verdiyi məlumata görə, Almaniyadan olan Rayne Kempe turnirin qalibi olub. O, dekabrın 11-də 15 saata yaxın davam edən gərgin oyundan sonra 539 min avro udaraq karyerasının ən böyük qələbəsini qazanıb. Turnirə qatılanlar arasında dünyanın ən məşhur qumarbazlarından Team PokerStars Pros komandasının üzvləri Andre Akkari, Liv Boeree və Jason Mercier, habelə Avropa Poker Turnirinin keçmiş qalibləri Davidi Kitai və digərləri olub. Turnirin ən gərgin oyunlarından biri də Azərbaycandan olan poker ustası Ramin Hacıyev, alman Rayne Kempe və Fransadan olan biznesmen-qumarbaz Jean-Noel Thorel arasında olub. Əvvəlcə Ramin Hacıyev və Rayne Kempe fransız biznesmeni oyundan çıxarıblar, daha sonra Hacıyev oyunu tərk edib. O, Rayne Kempenin əlindəki tuz-valetdən və tuz-damadan qaçaraq kartlarını masaya atıb və 250 min 900 avro uduşla kifayətlənərək turnirin üçüncüsü olub. Fransalı qumarbaz isə 383 min avro ilə ikinci yeri tutub. 4-cü yerdə 193 min avro ilə İspaniyadan olan pokerçi Adrian Mateos, 5-ci yerdə Yeni Zelandiyadan 152.900 avro ilə David Yan qərarlaşıb. Turnirdə cəmi 11 nəfər uduş qazanıb. Qumar turniri bu gün də davam edib. Praqa turnirində 3-cü yeri tutan Ramin Hacıyevin barəsində geniş məlumat yoxdur. Ancaq o, beynəlxalq poker turnirində qalib olan ilk azərbaycanlı deyil. Bu ilin yanvarında Baham adalarında keçirilən “Poker Stars Caribbean Adventure” (“Poker ulduzlarının Karib macəraları”) poker yarışında İlkin Qəribli adlı azərbaycanlı 1 milyon 105 min dollar qazanmışdı.

13 Dekabr 2015 12:56

ABŞ-da dünyada ilk otel-sualtı qayıq tikilir

ABŞ-ın Florida ştatında, Ki Uest sahillərində sualtı qayıq prinsipi ilə otel tikintisinə başlanıb “Planet Ocean Underwater Hotel” inşaat şirkətinin nümayəndəsi bildirib ki, müsafirlərə qonaq otağındakı pəncərələrdən gözəl mənzərə açılan, vanna otağı, böyük çarpayı, soyuducu və internetlə təchiz edilmiş 12 geniş nömrə, habelə konfrans zalı, restoran və baxış meydançası təklif olunur. Sualtı evin sakinləri dəniz heyvanlarını yemləyə və işıq şousuna baxa bilərlər. Qonaqlar təqribən doqquz metr dərinlikdə yerləşən otelə liftlə düşəcəklər.Layihənin dizayneri Toni Uebb deyib: “Qasırğa və fırtına kimi təbiət hadisələri mehmanxanamız üçün qorxulu deyil. Otelimiz nəinki bu hadisələrdən suyun altında gizlənəcək, həm də avtomatik olaraq təhlükəsiz yerə üzəcək”. Layihə müəllifləri qeyd edirlər ki, “Planet Ocean Underwater Hotel” otelinin müsafirləri sanki kosmik səyyahlar kimi sualtı aləmin gözəlliklərdən zövq ala biləcəklər. Bu zövq onlara bir gecədə üç-altı min dollara başa gələcək. Yaxın gələcəkdə Misir və Malayziyanın, Havay və Baham adalarının sahil sularında da dəniz otelləri açmaq planlaşdırılır.Otel-sualtı qayığın dizayn layihəsi 20 milyon dollara başa gəlib, bir blokun tikintisinə isə üç milyon dollar sərf olunub. Sualtı otellərin fəaliyyətindən əldə olunan gəlirin bir hissəsini “Biorock” Mərcan Riflərin Bərpası Fonduna keçirmək planlaşdırılır. (azərtac)

6 Dekabr 2015 10:43

Əsli və Kərəmin qəbirləri tapıldı

Nakam məhəbbətin tərənnümü olan Əsli və Kərəm dastanı bir xaçpərəst qızının eşqilə od tutub yanan Gəncə xanzadəsinin əhvalatı haqdadır Faktinfo.az TTV-yə istinadən xəbər verir ki, onlar bu yolda hər çətinliyə dözürlər. Lakin Qara Keşişin bədbin cadugərlik əməlləri nəticəsində qovuşa bilməyən sevgililər od tutub yanırlar.Dastan qərəmanlarının qəbirlərinin qədim Gəncə ərazisində olması haqda gəzən söhbətlərin sorağı, bizi Göygöl rayonunun 25 il bundan əvvələdək elə “Qara keşiş yurdu” adlanan Kərəmli kəndinə gətirib-çıxardı. Əsli və Kərəmin məzarları məhz bu kəndin yuxarı hissəsində, Gülazar bulağı yolu istiqamətində qədim qəbiristanlığın qalıqları arasındadır.Qəbirlərdən birinin Əsliyə, digərinin isə Kərəmə aid olduğu bildirilir. Bu da Qara keşişin qəbri! Üzərində də günahları böyüklüyündə ağır daş. Qəbirlərdən əlavə ərazidə Əsli Kərəm əhvalatına uyğunlaşdırılmış başqa nişanələr də var. Onlardan biri haqda uşaqlıqda bu yerlərə tez-tez gələn gəncəli bələdçmiz danışır.Onu da vurğulayaq ki, Gəncəbasardakı Əsli Kərəm qəbirləri mövzusu mətbuatda 42 il bundan əvvəl işıqlandırılıb, televiziya verilişləri hazırlanıb. Müsahibimiz qəbirlərin üstündə yer alan və indi yalnız xaç kimi qəbul edilən işarələrə toxunaraq onların tarixçəsinin xristianlıqdan daha qədim olduğuna diqqət çəkir. Yeri gəlmişkən, bu yerlərin günümüzdə ictimaiyyətə çatdırılmasında Gəncədə çalışan araşdırmaçı jurnalist Zakir Muradovun da rolu olub.Şifahi xalq yaradıcılığının məhsulu olan dastanlar çox vaxt müəyyən təhriflər olsa da, keçmişdə baş verən hadisələri özündə əks etdirir. Bu baxımdan iki aşiqin uyuduğu bu qəbirlərin yerləşdiyi ərazinin araşdırılması əhəmiyyətli ola bilər.

2 Dekabr 2015 12:47

Fakt

Bizi izləyin