Facebook-dan daha bir yenilik

3d illustration of a facebook logo standing in front of an upright map of the world on a blue reflective surface

Sosial şəbəkə "Instant Articles" adlı yeni xidmətini işə salmaq niyyətindədir Dünyanın ən populyar sosial şəbəkəsi Facebook daha bir yeniliyə imza atır. Ans press-in məlumatına görə, sosial şəbəkə "Instant Articles" adlı yeni xidmətini işə salmaq niyyətindədir. Bu yenilik vasitəsilə xəbər saytlarının məzmunlarını sosial şəbəkəyə bir başa təqdim ediləcək.Hazırda mobil cihazlardan Facebook-dakı xəbərlərin açılma müddəti orta hesabla 8 saniyədir. Veb saytların sosial şəbəkədə paylaşılan xəbərləri artıq bir saniyəyə açılacaq. "Buzzfeed", "New York Times" və "National Geographic" kimi yayımçılar Facebook-un bu addımını müsbət qiymətləndirir.Facebook yeni xidmətini işə salmaq və yayımçıların marağını cəlb etmək üçün bir sıra güzəştlər də təklif edir. Media təşkilatlarında maraq yaratmaq üçün sosial şəbəkə reklam gəlirlərinin müəyyən hissəsini firmalara köçürməyi planlayır. "Pew" araşdırma şirkətinin ötən il apardığı monitorinqdən məlum olub ki, ABŞ-dakı böyük xəbər saytları trafiklərinin 60%-nı Facebook-dan əldə edir. İctimaiyyətin 48%-i aktual məsələləri sosial şəbəkədən, digər məlumatları isə televiziyadan izlədiyini bildirib.Qeyd edək ki, Google şirkəti bir müddət əvvəl Avropa media təşkilatlarına 3 il ərzində 163 milyon dollar yardım edəcəyini açıqlamışdı. Facebook-un da bənzər bir addım atacağı ehtimal edilir.

5 May 2015 2:58

Əsəb orqanizmə necə ziyan vurur?

12058

İnsan bəzən ən kiçik bir məsələyə belə əsəbiləşə bilər Xüsusilə tıxacda qaldıqda və ya gün ərzində heç bir iş yolunda getməyəndə əsəblərimizi cilovlamaqda çətinlik çəkirik. Bəzən ağzımızdan kobud söz çıxır, bəzən də şiddətin başqa növlərinə müraciət edirik. Ancaq mütəxəssislər bildirirlər ki, əsəb ən çox insanın özünə zərər verir.Əsəb orqanizmə zərbə vurur və sağlamlığımızı təhlükə altında qoyur.Əsəbiləşəndə orqanizmdəki stress hormonları qan təzyiqinin yüksəlməsinə səbəb olur. Bu da ürəyin daha sürətlə döyünməsinə və təngnəfəsliyə gətirib çıxarır.Əgər tez-tez əsəbiləşirsinizsə, deməli ürəyinizə zərər verirsiniz.Əgər ürək xəstəliyindən əzab çəkirsinizsə, əsəbiləşmək, özündən çıxmaq sizin üçün daha pis nəticələnə bilər. Ancaq ürəyində heç bir problem olmayan insan belə mütəmadi olaraq stress keçirdikdə infarkt təhlükəsiylə üzləşə bilər.Əsəb və stress ən təhlükəli xəstəliklərin yaranma səbəbləridir.Əsəbiləşdikdə üzünüzdə müəyyən mimikalar yaranır. Bu mimikalar bir müddət sonra qalıcı hal alır.Gözdə, dodaqda və əllərdə titrəmə, əsmə əsəblərinizin həddən artıq korlandığından xəbər verir.Qeyd edək ki, ən tez qırışan bölgələr də elə gözlər, qaş və dodaq kənarlarıdır. Deməli əsəbləşsəniz belə mümkün olduğu qədər özünüzə nəzarət etməli, problemi sakit şəkildə həll etməlisiniz.Bir çox insan əsəb keçirdikdə dişlərini sıxır. Bu instikdir. Yəni, həmin insanlar dişlərini sıxdıqlarının fərqində belə olmurlar. Ancaq dişləri sıxmaq ciddi problemlərə səbəb ola bilir. Baş ağrısı çox vaxt bundan qaynaqlanır. Diş minası korlandığı üçün diş sağlamlığı da təhlükəyə atılır.Boyun əzələlərində müşahidə edilən kiçik yumru şişlər də həddən artıq əsəb və stress nəticəsində yaranır.(publika.az)

24 Aprel 2015 1:55

Xərçəngli hüceyrəni intihara sürüyən ədviyyat

ghyhtjtj

Kəklikotu yalnız aroma və ləzzət qatan bir ədviyyat deyil, xərçəng hüceyrələrini intihara sürüyür, mikroblar və hüceyrə yaşlanmasına qarşı da bədəni qoruyur Evimizdə bir qayda olaraq bişirilən bütün quzu yeməklərinə kəklikotu qoyulur. Quzunun, qızartma balıqların, pomidorlu zeytun və pendir salatalarının, salat soslarının olmazsa olmazlarındandır hər zaman.Körpələrin qarını ağrıdığında da qaynadılıb içirdilir, ağrıyan yerə yağı sürülürdü. Öskürək başladığında da dərhal çayı hazırlanardı. Təzəsi çıxmağa başladığında da dərhal alınıb və qurudulurdu.Kəklikotu yalnız ətin ya da tərəvəzlərin üzərinə səpilən bir ədviyyat olmaqdan əlavə, şəfalı bir bitkidir. Ehtiva etdiyi uçucu yağlar və "timol", "rosmarinik turşu"," karvakrol","ursalik turşu" kimi maddələr sayəsində qüvvətli mikrob öldürücü və antioksidan təsiri vardır. Sərbəst oksigen radikallarının səbəb olduğu zərərlərin qarşısını alır, xəstəliklərə qarşı müqaviməti artırır. Və yaşlanmağı gecikdirir.Yenə 10 il qədər əvvəl aparılan elmi araşdırmaların nəticələrinə görə, kəklikotunun ehtiva etdiyi maddələrdən karvakrol, şişlərin inkişafını yavaşladır. Xərçəng hüceyrələrini intihara sürüyür və xərçəngin inkişafını dayandırır.Kəklikotunun fərqli bölgələrdə iqlim qurşaqlarında yetişən 300-dən çox növü olduğu təxmin edilir.Kəklikotu, bədəndə yağlanmanın qarşısını alan bitkilər üzərinə edilən bir araşdırmanın nəticələrinə görə bədəndə yağlanmanı dəfnə yarpağı, zəncəfil, zeytun yarpağı kimi 20% nisbətində azaldır.Kəklikotunun faydalarını yekunlaşdıracaq olsaq: • Xərçəngə qarşı mübarizə aparır. • Mikrop öldürücüdür, üst tənəffüs infeksiyalarında rahatlaşdırıcıdır. • Antioksidandır, hüceyrə zədələnməsinin qarşısını alır.

22 Aprel 2015 4:19

Bu gün Beynəlxalq Yer Günüdür

trtrtty

Keçirilmə ənənələri XIX əsrin 40-cı illərinə təsadüf edən 22 aprel - Beynəlxalq Yer Günü ölkəmizdə də qeyd olunur Bu günlə əlaqədar Ekologiya və Təbii Sərvətlər Nazirliyi tərəfindən təsdiq olunmuş Tədbirlər Planına uyğun olaraq hər il olduğu kimi bu il də müxtəlif tədbirlər həyata keçirilir, ətraf mühitin mühafizəsi sahəsində ictimaiyyət arasında təbliğat işləri aparılır.Xatırladaq ki, “Beynəlхalq Yer günü”nün keçirilməsi XIХ əsrin 40-cı illərində ABŞ-ın Nebraska ştatının sakini Corc Morton tərəfindən yaşıllaşdırma gününün keçirilməsi təklif olunub . 1882-ci ildə 22 aprel tarixi Nebraska ştatında rəsmi olaraq bayram günü elan olunaraq “Ağac günü” kimi qeyd olunmağa başlanıb.1970-ci ildən isə ekoloji fəallardan olan senator Geylord Nelsonun təklifinə əsasən ekoloji problemlərə, ətraf mühitin çirklənməsinə, təbiətin əhəmiyyətinə diqqəti artırmaq məqsədilə həmin günün adı dəyişdirilərək “Yer günü” adlandırılıb.1990-cı ildən başlayaraq “Yer günü”nün əsas mövzusu təbii mühiti ilkin formada qoruyan Milli Parklara həsr edilib. Məqsəd, xüsusi mühafizə olunan təbiət ərazilərində mövcud olan problemlərə, həmin problemlərin həll edilməsi üçün real praktiki və maliyyə yardımının göstərilməsinə ictimaiyyətin diqqətinin cəlb edilməsi olub.Tədricən bu bayram beynəlxalq xarakter alaraq, hazırki dövrdə 150-yə yaxın ölkədə, o cümlədən respublikamızda qeyd olunur. “Yer günü” ərəfəsində insanlar müxtəlif ekoloji tədbirlərdə iştirak etməklə ağaclar əkir, yaşıllıqlara qulluq edir, yaşadıqları əraziləri müxtəlif tullantılardan təmizləyirlər.(publika.az)

22 Aprel 2015 11:29

Sağlamlığın ən yaxşı dostu nar sirkəsidi

1905

Nar sirkəsinin çox faydalı olduğu qədim zamanlardan bəri bilinir. Ancaq son zamanlar nar sirkəsi bütün dünyada populyarlaşır Nar bol miqdarda antioksidant ehtiva edən bir meyvədir. Qanı artıran, orqanizmə dinclik bəxş edən nar sadəcə sağlamlığın keşiyində dayanmır. Nar həm də gözəllik üçün əvəzedilməz məhsuldur.Bu meyvə sızanaqları yox edir və dərini gözəlləşdirir.Narın sirkəsi isə daha tez təsir göstərir. Artıq dünyanın bir çox ölkəsində fəaliyyət göstərən gözəllik mərkəzlərində nar sirkəsiylə edilən proseduralar var.Sirkə adətən almadan və üzümdən hazırlanır. Marketlərdə nar sirkəsi tapmaq çətindir. Ancaq təəssüflənməyə dəyməz. Çünki nar sirkəsini evdə da hazırlaya bilərsiniz.İstədiyiniz miqdarda nar götürüb sıxaraq suyunu çıxarın. Yerdə qalan dənələri qabıqdan təmizləyib nar suyunun içərisinə qatın. Nar suyunun üzərinə elə özü qədər normal su əlavə edin. Bu qarışımı şüşə qaba doldurub içərisinə bir xörək qaşığı qaya duzu tökün. Qabın ağzını təmiz parçayla bağlayın. Rezin və ya başqa qapaqlardan istifadə etməyin ki, qaba hava daxil ola bilsin.Qabı qaranlıq və rütubətsiz yerdə saxlayın. 2 ay sonra nar sirkəniz istifadə üçün hazır vəziyyətə gələcək.Süzgəcdən keçirərək təmiz bir şüşə qaba tökün.Nar sirkəsini həm salatlara əlavə edə bilərsiniz. Həm də hər səhər və ya axşam üzünüzü bu sirkəylə silə bilərsiniz.Nar sirkəsi sağalmlığınıza yaxşı təsir edəcək, üstəlik, dərinizi gözəlləşdirəcək.(publika.az)

20 Aprel 2015 5:10

Noxudun faydaları

noxudd

Noxud təbiətin bəxş etdiyi ən şəfalı qidalardan biridir Təəssüf ki, ölkəmizdə noxuddan elə də geniş şəkildə istifadə edilmir. Məsələn, küftə və dovğanın əsas kompenentlərindən biri olsa da, başqa yeməklərə nadir hallarda əlavə edilir. Noxud bol kalorili qida hesab edilir. 100 qram noxud 360 kaloridir. Ancaq ideal çəkidə qalmaq istəyənlər noxuddan vaz keçməməlidir. Çünki noxud toxluq hissi yaradaraq gün ərzində çox yeməyin qarşısını alır. 360 kalorini zərərli maddələrlə dolu olan hazır qidalardan və ya şirniyyatlardan almaqdansa, noxud yemək daha ağıllı seçimdir. Noxud bol miqdarda nişasta və azot ehtiva edir. B vitamini, həmçinin, zülal qaynağıdır. Dəmir, kalsium və fosfor kimi  minerallarla zəngindir. Noxudun faydalaırnı saymaqla bitməz. Bədəni qüvvətləndirir, enerji verir, iştahanı açır, ana südünü isə artırır. Mədəyə xeyirlidir, bağırsaqların işini asanlaşdırır, sidik qovucudur. Zehni yorğunluğu aradan qaldıran noxud yaddaşı gücləndirir, öyrənməyi asanlaşdırır. Səsi açır, öskürəyi kəsir. Esterogen hormonunu tarazlaşdırdığı üçün xüsusilə, klimaks dövründəki qadınlar gündə yarım stəkan noxud yeməlidirlər. Noxud hər kəs üçün şəfa qaynağı olsa da, əın çox qadınlara yararlıdır. Belə ki, onları ölüm təhlükəsiylə üz-üzə qoyan döş xərçənginin əsl düşmənidir. Noxud cinsi gücü artırır. Həftədə iki dəfə noxud yemək şəkər xəstəliyinin qarşısını alır. Noxud bağırsaqda olan zərərli bakteriyaların inkişafına mane olur. Orqanizm üçün faydalı bakteriyaları isə qoruyur. Təzyiqi tənzimləməyə kömək edir. Bir çox vitamin və minerallarla zəngin olan noxud immunitet sistemini gücləndirir. Xəstəliklərə tutulma riskini azaldır. Bol miqdarda lif ehtiva edir. Fosforla zəngin olduğu üçün dişlərin sağlamlığına yaxşı təsir edir. Sümükləri və dişləri gücləndirir. Xoşbəxtlik hormonlarının səviyyəsini artırdığından özünüzü daha sağlam və dinc hiss etməyinizə səbəb olur. Depressiyaya meyilli insanlara noxud yemək tövsiyə edilir. Xolesterini aşağı salır. Noxud ürəyin də dostudur. Ürək xəstəliklərinə tutulma riskini azaldır. İflic və infarkt riskini aradan qaldırır. Həzm sisteminə yaxşı təsir etdiyi üçün qəbizliyi önləyir. Hər şey kimi noxudun da çoxu zərərlidir. Noxud qarında qaz yığılmasına səbəb ola bilir. Mədə problemi olanlara noxud  yemək məsləhət deyil.  Publika.az

17 Aprel 2015 10:10

Fakt

Bizi izləyin