Azərbaycanda uşaq “yumurta”dan zəhərləndi – FOTO

Kinder_Joy1487158535

Azərbaycanda "Kinder Joy" şokoladlı yumurtası yeyən uşaq zəhələnib. Bu haqda Azad İstehlakçılar Birliyinin (AİB) sədri Eyyub Hüseynov məlumat verib. O qeyd edib ki, Babayev Xəyyam Əmrulla oğlu məsələ ilə bağlı Birliyə müraciət şikayət göndərib: “Bu şikayət 3 gündür bizə daxil olub. Heç bir dövlət orqanı bu təhlükəli malı yığışdırmağa maraq göstərmir. Bu malı idxal edən "Hengen" şirkətinə də məlumat verdim, heç bir əməli iş görmür. Bu fakt bir daha sübut edir ki, ölkə Prezidentinin "Qida Təhlükəsizliyi Agentliyi"nin yaradılmasına dair fərman vaxtında verilmiş və zəruri bir sənəddir”. E.Hüseynov deyib ki, şikayətçi 11 fevral 2017-ci ildə Xətai metrosu yaxınlığında yerləşən “Metro market” dükanından uşaq üçün “Kinder joy” şokoladlı yumurta alıb: “Evə gətirdikdən sonra yumurtanın üzərində yararlılıq və buraxılma tarixinin qırmızı skoçla örtüldüyünü görüb. Skoçu açdıqda altdan 04.03.16 və 15.09.16 tarixini görüb. Yəni malın yararlılıq tarixi artıq 16-cı ildə bitmişdi. Alıcı kassa çeki olması üçün 12.02.17 tarixdə müxtəlif vaxtlarda həmin dükana gedib yenə eyni maldan alıb. Həmin mallarda vəziyyət eyni olub və kassa çekinin üzərində VÖEN olmayıb (kassa çekinin surəti ərizəyə əlavə olunur).   X.Babayev öz ərizəsində övladının zəhərləndiyini deyib: “Düşünürəm ki, bu kimi vaxtı keçmiş maldan uşaqlar zəhərlənə bilər, necə ki, mənim uşağım zəhərləndi və çətinliklə onu xilas etdik. Çünki uşaq “kinder”in birini yemişdi. Xahiş edirəm bu təhlükəli malların əmtəə bazarından yığışdırılması üçün fəal iş aparasınız, dövlət orqanlarına və KİV -ə bu barədə məlumat verəsiniz ki, insanlar zəhərlənməsinlər”.  

15 Fevral 2017 3:39

Böyükşor gölünün təmizlənməsi Fransa şirkətinə həvalə olunub (FOTO)

jean_vincent_plase_130217__(1)

Bakıya səfəri çərçivəsində Fransanın Baş naziri yanında dövlət islahatları və asanlaşdırma məsələləri üzrə dövlət katibi, hökumətin üzvü və Ekologist Partiyasının sədri Jean-Vincent Plasenin başçılıq etdiyi nümayəndə heyəti ilə “Təmiz Şəhər” ASC-də görüş keçirilib. ASC-dən Trend-ə verilən məlumata görə, İqtisadiyyat nazirinin müavini Niyazi Səfərov Fransa-Azərbaycan əməkdaşlığının inkişaf etdiyini vurğulayıb, Fransa şirkətlərinin ölkəmizdə müxtəlif sahələrdə, eləcə də ətraf mühit layihələrində uğurla iştirak etdiyini diqqətə çatdırıb. Bildirilib ki, Bakı Bərk Məişət Tullantılarının Yandırılması Zavodunun yaradılmasında Fransanın CNİM şirkəti ilə uğurlu əməkdaşlıq həyata keçirilib və bu müəssisə 4-cü nəsil texnologiyaya əsaslanır. Fransanın dövlət katibi Jean-Vincent Fransa ilə Azərbaycan şirkətləri arasındakı əlaqələrdən məmnunluğunu ifadə edərək, əməkdaşlığın daha da genişləndirilməsi üçün potensialın olduğunu bildirib. "Təmiz Şəhər" ASC-nin İdarə heyətinin sədri Etibar Abbasov Azərbaycanda tullantıların idarə olunması sahəsində cəmiyyətin fəaliyyəti, o cümlədən Abşeron yarımadasının ən böyük gölü olan Böyükşor gölünün sağlamlaşdırılması sahəsində görülən işlər haqqında ətraflı məlumat verib. Bildirilib ki, gölün bərpası layihəsinin 1-ci mərhələsində 300 hektar ərazi təmizlənib, neftlə çirklənmiş dib çökünütəri çıxarılıb, gölün kənarında 15 hektara yaxın ərazidə Böyükşor Parkı və Bulvarı salınaraq Bakı sakinlərinin istifadəsinə verilib. Fransanın Azərbaycandakı səfiri xanım Orelia Buşez Azərbaycanda xarici investorlar, o cümlədən Fransa şirkətləri ilə əməkdaşlıq üçün yaradılmış əlverişli şəraiti vurğulayaraq, “Təmiz Şəhər” ASC tərəfindən həyata keçirilən layihələrdə Fransa şirkətlərinin iştirak etdiyini və bu layihələrin böyük əhəmiyyət kəsb etdiyini bildirib. Görüşdə iştirak edən “Suez Azərbaycan” şirkətinin rəhbəri Alan Karbonel Böyükşor gölünün 130 hektardan artıq hissəsində şimal sahilinin təmizlənməsinin texniki-iqtisadi əsaslandırılmasının bu şirkətə həvalə olunduğunu və layihənin həyata keçirilməsində iştirakdan məmnunluğunu ifadə edib. (daha&helliip;)

13 Fevral 2017 2:42

Maşın bazarında son qiymətlər: “Range Rover” 16 min…

axar.az1420581639Azerbaycanda masini evden

Maşın alanların sayında artım müşahidə edilmir. Avtomobil bazarında durğunluq davam edir. Həftə sonu olmasına baxmayaraq, bazarda alıcı azlığı diqqət çəkir. APA-nın məlumatına görə, əvvəllər ay ərzində 5 maşın sata bilən alverçilər indi bir maşın satanda sevinirlər. Satıcı Elxan Məmmədovun sözlərinə görə, hazırda yalnız dövlət sifarişi ilə, ya da hansısa satıcı dostunun sifarişi əsasında avtomobil gətirir. Qiymətin enməsinə rəğmən, böyük və bahalı avtomobillərin alıcısı yoxdur. Əgər kiçik maşınların qiyməti 2000-3000 manat düşübsə, böyük avtomobillərdə bu rəqəm 5-7 min manat arasında dəyişir. Bundan əvvəl 2008-ci il istehsalı olan "Toyota Prado"nu 28-30 min manata almaq mümkün idisə, indi bu avtomobillərin qiyməti 21-22 min manata düşüb. Satıcıların sözlərinə görə, manatın ucuzlaşmasından sonra gəlirləri azalan əhalinin avtomobilə münasibəti də dəyişib. İri mühərrikli, ehtiyat hissələri baha olan, çox yanacaq işlədən avtomobilləri demək olar ki, alan yoxdur. Məsələn, 2006-cı ilin “Lexus LX 350” modeli 21-22 min dollara satılırdısa, hazırda bu avtomobil 14-15 min dollara təklif edilsə də, alan yoxdur. Yeri gəlmişkən, bazarda “Lexus" markalı avtomobillərə demək olar ki, rast gəlmədik. “Range Rover” avtomobilinin sahibi onu 16 min dollara təklif etsə də, alıcı qıtlığından şikayət edir: “Range Rover” və "Pajero" çıxarmışıq bu gün. “Range Rover” 2008-ci ilin maşınıdır 16 min dollara. Əla vəziyyətdədir. "Pajero" 15 min dollar. Hər iksi ikinci əl maşındır. Maraqlananlar əvvəlki həftələrə baxanda var". Bazarda diqqətimizi daha çox Rusiya istehsalı olan avtomobillər çəkdir. Qiymətlərə gəlincə, VAZ-2107 5700 manata, "Niva" 14 500 manatadır. Satıcıların sözlərinə görə, satılmayan modellər sırasında 2012-2013-cü il istehsalı olan “Folksvagen Passat” avtomobilləri də var. Müsahiblərimiz deyir ki, “Leksus”dan “Nissan”a qədər bütün avtomobillər fevral ayında ucuzlaşmaqda davam edib. Satıcılar bildirirlər ki, hazırda daha çox alınan avtomobillər 5-15 min manatlıq “Mersedes”lər, VAZ və köhnə “Opel”lərdir. Bu da həmin avtomobillərin və ehtiyat hissələrinin ucuz başa gəlməsi, istismara davamlı olması ilə bağlıdır. “Mersedes” və VAZ avtomobilləri 700-1000 manata yaxın ucuzlaşıb. Məsələn, 1.8 mühərrikli 1998-ci il model “Mersedes” əvvəl 7 min manata satılırdısa, hazırda 6300-6500 manata təklif edilir. Son vaxtlar məşhur olan “Lada Priora”lar 6500 manatdan 5500 manata kimi ucuzlaşıb. 1995-2002-ci il model furqonlu “Opel”lər isə 1500-4000 manata satılır. Alıcılar isə qiymətlərin bahalığından, eyni zamanda avtomobillərin qıtlığından gileylənirlər. İkinci əl avtomobil bazarında durğunluğun digər səbəbi də Avro-4 standartıdır ki, buna görə ölkəyə xaricdən köhnə və qiyməti aşağı olan avtomobilləri gətirmək mümkün olmur. Qiymət baha olduqda isə insanlar maşın almaqdan çəkinirlər. Məhz Avro-4 standartı səbəbi ilə ölkəyə gətirilən avtomobillərin sayı 35-40% azalıb. Faktinfo.az

12 Fevral 2017 12:53

Fakt

Bizi izləyin