Bakıda bu yollar bağlanacaq (SİYAHI)

  Nəqliyyat vasitələrinin hərəkəti saat 16.00-dan gecə saat 02.00-a qədər məhdudlaşdırılacaq. "Bakı-2015" İlk Avropa Oyunlarının bağlanış mərasimi ilə əlaqədar paytaxtın bəzi yollarında nəqliyyatın hərəkəti məhdudlaşdırlacaq. Nəqliyyatın İntelektual İdarəetmə Mərkəzindən ANS PRESS-ə verilən məlumata görə, aşağıda qeyd olunan yollarda nəqliyyat vasitələrinin hərəkəti saat 16.00-dan gecə saat 02.00-a qədər məhdudlaşdırılacaq: -Heydər Əliyev prospektinin Babək qovşağından Sabunçu qovşağına qədər olan hissəsi -Mehdi Hüseyn küçəsinin Parlament prospektindənTeymur Elçin küçəsi ilə kəsişməsinə qədər olan hissəsi Bağlanış Mərasiminə bileti olan hər kəsə genişləndirilmiş iş rejimində fəaliyyət göstərəcək ictimai nəqliyyat xidmətlərindən istifadə etmələri tövsiyə edilir. Belə ki, iyunun 28-i metro səhər saat 06.00-dan gecə saat 02.00-a qədər və Ekspres Avtobuslar səhər saat 05.00-dan gecə saat 02.00-a qədər fəaliyyət göstərəcək. Bakı 2015 Avropa Oyunları zamanı nəqliyyat haqqında ən son məlumat üçün aşağıda qeyd olunmuş mənbələrə müraciət edə bilərsiniz: -www.baku2015.com -Bakı 2015 Tamaşaçılar üçün Məlumat Mərkəzi - 2015 nömrəsinə zəng etməklə əlaqə saxlamaq olar; Baş Dövlət Yol Polisi İdarəsindən ANS PRESS-ə verilən məlumata görə, qeyd olunan müddət ərzində Hava Limanı istiqamətinə getmək istəyən sürücülər alternativ yol kimi Zığ-Aeroport yolundan (beton yol), cənub istiqamətindən gələnlər paytaxta daxil olmadan Xocahəsən yolu ilə Xırdalan dairəsi, oradan isə Binəqədi, Balaxanı, Zabrat və Buzovna qəsəbələrindən keçməklə Mərdəkan-Aeroport yoluna, qərb və şimal istiqamətindən gələnlər də Xırdalan dairəsindən eyni marşrut üzrə rahat və fasiləsiz hərəkət edə biləcəklər.

27 İyun 2015 11:28

Zakir Həsənov Şəhidlər xiyabanında (FOTO)

  Müdafiə nazirliyinin rəhbərliyi və şəxsi heyəti Silahlı Qüvvələr Günü münasibəti ilə Fəxri xiyabanı və Şəhidlər xiyabanını ziyarət ediblər. Müdafiə naziri general-polkovnik Zakir Həsənovun başçılığı ilə nazirliyin rəhbərliyi və şəxsi heyəti Silahlı Qüvvələr Günü münasibəti ilə Fəxri xiyabanı və Şəhidlər xiyabanını ziyarət ediblər. Müdafiə Nazirliyindən ANS PRESS-ə verilən məlumata görə, əvvəlcə xalqımızın Ümummilli lideri Heydər Əliyevin abidəsi önünə və Zərifə Əliyevanın məzarına gül dəstələri qoyulub, xatirələri hörmət və ehtiramla yad edilib. Sonra Müdafiə Nazirliyinin şəxsi heyəti Şəhidlər xiyabanını ziyarət edib, Vətənimizin suverenliyi və ərazi bütövlüyü uğrunda gedən döyüşlərdə həlak olmuş vətəndaşlarımızın xatirəsinə ucaldılmış Şəhidlər kompleksindəki Əbədi məşəlin önünə və şəhid məzarlarına gül dəstələri qoyulub. Xatırladaq ki, Azərbaycan Respublikası Silahlı Qüvvələri günü — Azərbaycan Silahlı Qüvvələrinin yaranma tarixi kimi qeyd edilən rəsmi bayramdır. Bu bayram iİlk dəfə Azərbaycan Respublikası Prezidentinin 1992-ci il 18 sentyabr tarixli fərmanı ilə təsis edilib. 1991-ci ildə Azərbaycanın dövlət müstəqilliyinin bərpasından sonra Azərbaycan ordusunun yaradılması barədə Azərbaycan Ali Sovetinin qərarının qəbul edildiyi tarix – 9 oktyabr, Azərbaycan Respublikası Silahlı Qüvvələri günü elan edilib. Azərbaycan Respublikası Prezidentinin 22 may 1998-ci il tarixli Fərmanına əsasən həmin fərman qüvvədən düşürülüb və 26 iyun tarixi Azərbaycan Respublikası Silahlı Qüvvələri günü elan edilib.

26 İyun 2015 1:00

“N” saylı hərbi hissədə bayram tədbiri – Tərtərdə

İyunun 24 –ü Azərbaycan Respublikasının Hərbi Prokrorluğunun və Tərtər Rayon İcra Hakimiyyətinin birgə tədbirlər planına uyğun olaraq , rayon icra başçısı və Hərbi Prokrorluğun nümayəndələri 26 iyun-Azərbaycan Silahlı Qüvvələrinin yaradılması günü münasibəti ilə “N” saylı hərbi hissəyə baş çəkiblər. Tədbiri hərbi hissə komandirinin vəzifəsini icra edən polkovnik leytenant Vüqar Məcidov açaraq əsgərləri Milli Ordumuzun yaradılması münasibəti ilə təbrik etibdir. Sonra Tərtər rayon İcra Hakimiyyətinin başçısı Müstəqim Məmmədov çıxış edərək əsgər və zabitləri bayram münasibəti ilə təbrik etib, müasir Milli Ordumuzu çağdaş Azərbaycanın qurucusu, xalqımızın umummilli lideri Heydər Əliyevin şah əsərindən biri adlandırıbdır. Rayon rəhbəri respublika prezidenti cənab İlham Əliyevin ordu quruculuğuna göstərdiyi diqqət və qayğını xüsusi qeyd etibdir. Ali Baş Komandan cənab İlham Əliyevin rəhbərliyi ilə günbəgün güclənən Azərbaycan Ordusunun dövlətin keşiyində ayıq-sayıq dayanaraq öz müqəddəs missiyasını yerinə yetirdiyini bildiribdir. Tədbirdə iştirak edən Azərbaycan Respublikası Hərbi Prokurorluğunda Ağır cinayətlərə dair işlər üzrə istintaq idarəsinin rəisi, ədliyyə polkovnik leytenantı Mehdi Hüseynzadə əsgər və zabit heyyətini bayram münasibəti ilə təbrik etib, onlara xidmətlərində uğurlar arzulaıbdır. Sonra rayon mədəniyyət evinin özfəaliyyət kollektivi əsgərlər qarşısında konsert proqramı ilə çıxış etiblər. Tədbirdə iştirak edən nümayəndələr əsgərlərlə birgə rəqs etib, şənləniblər. Tədbirin sonunda hərbçilərə qiymətli hədiyyələr verilibdir.

24 İyun 2015 11:11

“Milyonlar verib ekzotik ağac gətirirlər, axırı da belə”

Bakı Bulvarında xarici ölkələrdən gətirilmiş çoxlu bahalı ağac var. Bu ağaclar arasında beş baobab da diqqət çəkir. Onlardan üçü Paraşüt Qülləsinin yaxınlığındadır və sağ-salamatdır. Qışda şaxtadan qorunmaq üçün baobabları sellofana bükür, çiçəkləmə vaxtı gələndə açırlar. Bu ağacların hər mövsüm yaşıl qalması və çiçəkləməsi o deməkdir ki, onlar əkildiyi torpağa uyğunlaşıb. Ancaq bulvarın Kukla Teatrı tərəfinə düşən hissəsində əkilmiş iki baobab nə yaşıldır, nə də çiçəkləri var. Yan-yörədəki yaşıllığı alaq otlarından qoruyan təmizlikçi deyir ki, bu iki baobab quruyub. Ona görə çiçək açmır. Düzdür, ağaca uzaqdan baxanda, üstündə xeyli çiçək görmək olur, amma... Amma sən demə,çiçəklər ağacın özünün deyil, sarmaşığın çiçəkləridir. Demək, “ağac yaşayır” aldanışı üçün iki baobabı sarmaşığa bürüyüblər... 5 il əvvəl afrikadan Bakıya... Baobablar Bakı Bulvarına, başqa bahalı ağaclar kimi, 5 il əvvəl gətirilib. Mütəxəssislər elə o vaxt da bu ağacların yerli iqlimə uyğunlaşamayacağını deyir, bulvarda yerli və üstəlik, ucuz ağacların əkilməsini vacib sayırdılar. Botanika Bağının mərhum direktoruÿOruc Ibadlıÿelə o vaxtlar “Azadlıq” radiosuna söyləmişdi ki, Afrikanın quraq savannalarına xarakterik olan 200 yaşlı baobablar Bakı küləyində yaşaya bilməz. Mərhum botanik bu ağacların bir neçə ildən sonra quruyacağını da vurğulamışdı. Milyonlar verib gətirirlər, ancaq... Indi ağaclardan ikisi quruyub. Ekoloq Telman Zeynalovÿgətirilmə ağacların yerli təbiətə uyğunlaşması üçün Bakıdakı Botanika Bağında, azı, 5 il adaptasiya dönəmi keçirməsini vacib sayır: “Sellofan torbanın içində yaşamalıdırlar. Ayrıca qulluq olunmalı, uyğunlaşandan sonra onlar təbiətə çıxarılmalıdır. Ancaq milyonlarla pul verib gətiriblər, əkiblər və indi də çoxu quruyub. Hamının yadındadır, Şəhidlər Xiyabanına gedən yolda nə qədər evkalipt ağacı əkmişdilərsə, hamısı qurudu. Bir az şaxta olunca, hamısı qurudu. Baobablar da eləcə, nəmişlik görüncə, quruyurlar”. Ekoloqun fikrincə, qənaətcil davranmaq lazımdır, axı bu ağacların başqa ölkələrdən gətirilməsi, daşınması çox baha başa gəlir. Üstəlik, ağaclar quruyanda həmin pullar çölə atılmış olur. Baobablar nədən quruyub? Bəs baobablar niyə quruyub? Bu ağaclara nədən yetərincə qayğı göstərilməyib? Bakı Bulvar Idarəsi rəisinin müaviniÿNazim Məcidovÿdeyir ki, Bakı Bulvarına xaricdən gətirilən 100 ağacdan biri quruya, ya qurumaya: “Ağaclar quruya, məhv ola bilər. Bu, gözlənilən haldır. Hər işdə bir risk olduğu kimi, ağacların da xaricdən gətirilməsində, əkilməsində müəyyən risklər var. Dünyanın hər yerində belədir, bitkidir, tutmaya da bilər. O yer o bitkinin xoşuna gəlməyə də bilər. O bitki uyğunlaşmaya da bilər. Əlbəttə, düzgün qulluq olunmaması da bir səbəbdir. Bulvarda inkişafdan qalan ağacların olduğunu biz də bilirik”. Botanika Bağının böyük elmi işçisiÿAsəf Mehrəliyevağacların quruma səbəblərindən söz açır: “Yəqin gətiriləndə yaxşı çıxarılmayıb, yaxşı köçürülməyib. Bu, əkinlə bağlıdır. Qışda onlar şaxtadan da əziyyət çəkir. Bu ağaclar öz yerlərindən çıxarılanda, xeyli və mümkün qədər çox torpaqla çıxarılmalıdır. Bəlkə də kökündə 1 ton torpaq olmalıdır. Bir də, ola bilsin, çıxaranda kökü zədələnib, o üzdən quruyub.” Nazim Məcidovun sözlərinə görə, qurumuş baobabların bulvardan götürülməsinə hələ qərar verməyiblər. Bulvar Idarəsi rəsmiləri həmin ağacların neçəyə başa gəldiyini demirlər. Qeyri-rəsmi rəqəmlərə görə, baobabların Bakıya gətirilməsi, əkilməsi 30-40 min manata başa gəlib. Ekoloqlar deyirlər ki, qurumuş ağacları, çox güman, bir müddət sonra çıxarıb zibilliyə atacaqlar. Demək, yalnız ağaclar deyil, onlara çəkilmiş o qədər xərc də zibil qutusuna atılmış olacaq...

22 İyun 2015 8:33

Avtobusları tramvaylar əvəzləyəcək

Məlumat verildiyi kimi, Azərbaycanda artıq ikimərtəbəli qatarlar istifadəyə verilib Belə qatarların istifadəsi isə olduqca vacib sayılır. Bundan başqa paytaxtda tramvay, trolleybus xətlərinin bərpası məsələsi də gündəmdədir. Tramvay və trolleybusların istifadəyə verilməsi tıxacların aradan qaldırılması, piyadaların təhlükəsizliyi baxımından da vacibdir. Ekspert Azər Allahverənov tramvay və trolleybus xətlərinin istifadəyə verilməsinin vacib olduğunu bildirdi: "Bakının kənar ərazilərində tramvay xətlərinin çəkilməsi mümkündür. Bildiyimə görə, bu istiqamətdə konkret olaraq artıq layihə də gündəmdədir. Burada xüsusən də "Ağ şəhər” layihəsi çərçivəsində şəhərin bəzi ərazisini əhatə edən layihədən söhbət gedir. Faktiki olaraq, bu, əslində, müəyyən məsrəf tələb edən məsələdir. Amma həmin layihənin reallaşmasından əldə olunacaq dividendlər ondan qat-qat artıqdır. Trolleybusların xəttə buraxılması tramvaylardan fərqli olaraq daha az məsrəf tələb edir. Amma yenə də bu bütövlükdə şəhərin müəyyən ərazilərinin əlaqələndirilməsi nöqteyi-nəzərindən olduqca mühüm bir ictimai nəqliyyat növüdür. İstər tramvay, istərsə də trolleybuslara dünyanın ən iri şəhərlərində rast gəlmək olar. Hətta ölkəmizə qonşu olan ölkələrin iri şəhərlərində də buna rast gəlinir. İnsanlar böyük məmuniyyətlə ondan yararlanır. Hökumət də həmin nəqliyyat növünün infrastrukturu, şəbəkəsinin daha da təkmilləşdirilməsilə bağlı fəaliyyət həyata keçirir. Məhz həmin dividendlərə görə. Bu nəqliyyat növləri ekoloji cəhətdən çox təmizdir. Onun ətraf mühitə zərəri minimumdur. Tramvay və trolleybus elektriklə işlədiyindən burada tullantılar da yoxdur. Bu gün Bakı şəhərinin ətraf mühiti heç də ürəkaçan səviyyədə deyil. Şəhərdə ekoloji balans pozulub. Bakı şəhərində gün ərzində yollarda 100 minlərlə nəqliyyat vasitəsinin şütüdüyü bir şəraitdə hansı təmiz havadan söhbət gedə bilər? Havaya atılan çirkli tullantılar artıq çoxdan limiti keçib. O baxımdan da tramvayla trolleybusun fəaliyyətə başlaması ən azından avtobusların sayının azalmasına gətirib çıxara bilər. Normal infrastruktur şəklində idarə olunduğu halda insanlar məhz tramvayla trolleybusa üstünlük verəcək. Metropolitendə yeni qatarlar istifadəyə verilib. İnsanlar da bu qatarlarda getməyə üstünlük verir. Çünki, sanitar-gigiyenik baxımdan yeni qatarlar çox təmiz, havası soyudulan, daim təmizlənən qatarlardan ibarətdir. Yəni, bu yenilik insanların ürəyincədir. Tramvayla trolleybuslar xəttə buraxılandan sonra isə ümumiyyətlə, ekoloji təmizliyin əldə olunması istiqamətində müəyyən uğurlu nəticələr əldə etmək olar. Bu nəqliyyat növləri həm də daha az məsrəf tələb edir. Başqa bir tərəfdən, tramvayla trolleybuslar nisbətən ucuz nəqliyyat növü sayılır. Bu da onun yanacaqdan istifadə etməməsilə əlaqədardır. Həmin nəqliyyat növlərinin xəttə buraxılması ən vacib məsələ olan tıxac amilinin də azalmasına gətirəcək. Təcrübə göstərir ki, şəhərlərdə tramvayla trolleybus onlar üçün ayrılan xətlə hərəkət edir və həmin yola digər nəqliyyat vasitəsinin daxil olması qəti qadağandır. Hətta tramvay xəttinə digər nəqliyyat vasitələrinin daxil olmaması üçün bəzi şəhərlərdə maneələr də quraşdırılıb. Faktiki olaraq, bu o deməkdir ki, həmin nəqliyyat növləri tıxaclarda demək olar ki, qalmır, sərnişinləri ünvana vaxtında çatdırırlar. Onu da qeyd edim ki, beynəlxalq praktikaya əsasən, tramvay, trolleybusun iştirakı ilə baş verən qəzaların sayı minimumdur. Demək olar ki, yox dərəcəsindədir. Deməli, həmin nəqliyyat növündən istifadə edən insanlar təhlükəsiz şəraitdə ünvana çata bilir. Avrobuslar isə tez-tez hallarda qəza törədir. Bunlar hamısı tramvay və trolleybusun üstünlükləri haqqında görünən dividendlərdir və layihənin reallaşmasına bilavasitə müsbət təsir göstərən müddəalardır. Görünməyən dividendlər isə daha çoxdur”. (movqe.az)

20 İyun 2015 1:41

Təhsil Nazirliyi: “Repetitorluqdan istifadə halları azalıb“

Tam orta təhsil səviyyəsində təhsilin təmayüllər üzrə təşkil olunduğu pilot məktəblərdə şagirdlərin repetitor xidmətindən istifadə halları azalıb Təhsil Nazirliyindən Trend-ə verilən məlumata görə, "Təhsil haqqında” qanuna və “Ümumtəhsil məktəbinin Nümunəvi Nizamnaməsi”nə əsasən, Təhsil Nazirliyinin 4 iyul 2011-ci il tarixli, 1199 nömrəli əmri ilə ümumi təhsil pilləsinin tam orta təhsil səviyyəsində təhsilin təmayüllər üzrə təşkilini sınaqdan keçirmək, gələcəkdə həmin prosesə kütləvi keçidlə bağlı hazırlıq işləri aparmaq və bu barədə cəmiyyətdə ictimai rəy formalaşdırmaq məqsədilə bilavasitə Təhsil Nazirliyi tabeliyindəki Bakı Avropa Liseyi, Akademik Zərifə Əliyeva adına lisey, Tofiq İsmayılov adına 6 nömrəli məktəb-lisey, Fizika-riyaziyyat və informatika təmayüllü lisey, İlyas Əfəndiyev adına “Elitar” gimnaziya pilot müəssisələri seçilmiş və müxtəlif təmayüllər üzrə tədris planları təsdiq edilib. Bununla yanaşı, müvafiq işçi qrupları tərəfindən aidiyyəti təmayül sinifləri üçün tədris proqramları hazırlanıb pilot müəssisələrə çatdırılıb. Sonrakı illərdə “XXI əsr” Beynəlxalq Təhsil və İnnovasiyalar Mərkəzi, Kimya-biologiya təmayüllü lisey, Tahir Həsənov adına 23 nömrəli tam orta məktəb də pilot müəssisələr sırasına daxil olunub. Təhlil göstərmişdir ki, ötən müddətdə həmin müəssisələrin rəhbərliyi və pedaqoji kollektivlərinin səmərəli fəaliyyəti sayəsində eksperiment müsbət nəticə vermiş, şagirdlərin təhsil nailiyyətlərində nəzərəçarpan irəliləyişlər əldə olunub. Eyni zamanda şagirdlərin repetitor xidmətindən istifadə halları azalıb, tam orta təhsil səviyyəsində təmayülləşmənin tətbiqi valideynlər tərəfindən razılıqla qarşılanıb.

20 İyun 2015 1:20

Bu ölkənin sakinləri 1 sutkaya yaxın oruc tutacaqlar

  Ölkələrin qütblərə və ekvatora qədər olan məsafələrinə görə, bu ölkələrdə tutulan orucun müddəti də fərqlilik göstərir. Müqəddəs ramazan ayının başlaması ilə dünyanın bütün ölkələrində yaşayan müsəlmanlar oruc tutmağa başlayıblar. ANS PRESS-in məlumatına görə, ölkələrin qütblərə və ekvatora qədər olan məsafələrinə görə, bu ölkələrdə tutulan orucun müddəti də fərqlilik göstərir. Bu il ən uzun gün olan iyun ayının 21-nin ramazana təsadüf etməsi ilə möminlər ən uzun müddətli orucu tutacaqlar. Ən uzun oruc Skandinaviya ölkələrində, ən qısa oruc Cənubi Amerikada qeydə alınacaq. Türkiyənin rəsmi din qurumu Diyanətin hazırladığı dünya təqviminə görə, ən uzun oruc 22 saat 34 dəqiqə ilə İslandiyanın Reykyavik şəhərində tutulacaq. İsveçin şimal şəhəri Kiruna və Norveçin Tromso şəhərində yaşayanlar isə təxminən 22 saata yaxın oruc tutacaqlar. Stokholm, Oslo, Kopenhaqen və Helsinki sakinləri də 20 saata yaxın oruc tutacaqlar. Ən qısa oruc isə 8 saat 57 dəqiqə ilə yerin cənub yarımkürəsində yerləşən Argentinanın Uşuayya şəhərində olacaq. Həmçinin əhalisinin 2%i müsəlman olan Avstraliyada müsəlmanlar 12 saata yaxın, Tazmaniya adasında 11 saat, Malaziyanın paytaxtı Kuala Lumpurda 13 saat 45 dəqiqə, Hindistanın paytaxtı Yeni Dehlidə 16 saat oruc tutulacaq. Ölkəmizdə Bakı vaxtı üçün ən uzun oruc iyunun 22-də qeydə alınacaq və 17 saat 31 dəqiqə olan oruc müddəti 3 gün davam edəcək. Allah tutulan bütün orucları qəbul etsin.

18 İyun 2015 8:28

Azərbaycan diasporu Avropa Parlamentinə etiraz etdi

Avropa Azərbaycanlıları Konqresi (AAK) Azərbaycan diasporu adından bəyanatla çıxış edib Diasporla İş üzrə Dövlət Komitəsinin mətbuat xidmətindən Azvision.az-a verilən məlumata görə, Avropa Parlamentinin bir sıra komitə sədrlərinə ünvanlanan bəyanatda "Bakı 2015" I Avropa Oyunlarının önəmi vurğulanaraq Azərbaycan diasporunun Avropanın siyasi dairələrinin və media qurumlarının qərəzli çıxışlarına qarşı kəskin etirazı bildirilib. Bəyanatda qeyd olunub ki, iyunun 12-də Azərbaycan böyük bir hadisənin gerçəkləşməsinə ev sahibliyi edib, dilindən, dinindən, irqindən asılı olmayaraq bütün dünya idmançılarına qonaqpərvərlik göstərməkdədir: "Bakıda baş verən bu tarixi hadisə dünya azərbaycanlıları və o cümlədən Avropada yaşayan azərbaycanlılar üçün qürurvericidir". AAK Avropa Parlamenitinin diqqətinə çatdırıb ki, 2011-ci ildə "Eurovision" mahnı müsabiqəsinin Azərbaycanda keçiriləcəyi bəlli olduqdan sonra ikili standartlarla üzləşən Azərbaycan, bu dəfə də ona qarşı aparılan ədalətsiz kampaniyanın, əks-təbliğatın şahidi olub: "Azərbaycanın iqtisadi inkişafı, müstəqil siyasət yürütməsi bəzi dairələri narahat edir. Dünyanın diqqətini Dağlıq Qarabağ probleminin həllinə, bir milyondan artıq Azərbaycan vətəndaşının pozulmuş hüquqlarının bərpasına, Azərbaycan vətəndaşlarının öz torpağında qanunsuz girov götürülməsinə, Xocalı soyqırımının acı nəticələrinə cəlb etmək yerinə, müzakirə edilən mövzular qeyri-dəqiq məlumatlar əsasında qurulan tənqidlə əvəz edilir". AAK bəyan edib ki, Bakıda keçirilən bu möhtəşəm idman tədbiri siyasiləşdirilməməli, əksinə bütün Avropanın uğuru kimi qiymətləndirilməlidir. AAK Avropa Parlamentini ədalətli olmağa çağırır, Azərbaycana qarşı ermənilərin təsiri ilə formalaşmış qərəzli mövqeyindən çəkinməyi tələb edir.

16 İyun 2015 2:59

Fakt

Bizi izləyin