Böyrəklərimizi zədələyən davranışlar

Böyrəklər orqanizmin filtrasiyasıdır. Lakin bəzən onları həddən artıq toksinlərlə yükləmək sıradan çıxmasına gətirib çıxrır. Türkiyə mətbuatı xəbər verir ki, professor Murat Tuncer, günlük həyatda etdiyimiz və yavaş-yavaş böyrək sağlamlığına ciddi zərərlər verən 5 hərəkətin ziyanlarından danışıb. Belə ki, böyrəklərə ən çox ziyan vuran qidaların başında proteinlər dayanır. Bir çox böyrək xəstəliyində sidiklə atılan protein miqdarı artır. Sidikdəki bu artmış protein zamanla böyrək təməlində geri dönüşü olmayan zərərlərə yol aça bilir. Bu vəziyyətdə çox protein tükətmək, böyrək xəstəliyinin tezləşməsinə yol açır. Bir çox gəncin bədənini inkişaf  etdirmə adına idarəsiz bir şəkildə istifadə etdiyi proteinlər də böyrək çatışmazlığına yol açır. Şüursuzca antibiotik və ağrı kəsicilər istifadəsi böyrək çatışmazlığına yol aça bilir. Həkim tərəfindən tövsiyə edilmədikcə, dərman istifadə olunmamalıdır. Sağlam bir insan üçün gündə 4 qram yemək duzu istifadəsi kafidir. Çox duz istifadəsi, qan təziqini artıraraq,ürək və qan-damar xəstəlikləri ilə birlikdə böyrək xəstəliklərinə də yol açır. Bunun üçün ilk addım olaraq masadan duz qaldırılmalıdır. Su içmək nə qədər günlük bir vədrişdirsə, sidik atmaqda zərərli maddələrin atılması üçün vacib bir hərkətdir. Ancaq bir çox insan müəyyən səbəblərdən sidiyi gün ərzində sıxlıqla saxlamaqdadır.  Sidik saxlamaq təkrarlanan sidik infeksiyasına və böyrək çatışmazlığına səbəb olur. Bir nəfərin normalda gündə 4-6 dəfə sidiyə getməsi lazımdır. Su içmək, insan sağlamlığı üçün çox vacibdir. Bədən susuz qalarsa, ilk olaraq böyrəklərə təsir edər. Çünki su içmək qan təziyiqini yavaşladır. Normal vaxta bir dəqiqədə ürəkdən ixrac olunan qanın yüzdə iyirmisi böyrəklərə gedir. Beləliklə, bədənin susuz qalması ilə ilk olaraq böyrəklər siqnal  verir. Sağlam bir insanın gündə 1,5-2 litr su içməsi lazımdır. Bədənin ehtiyacı olan suyun alınmaması halsızlığın yanında böyrəklərdə daşın yaranmasına da səbəb olur. Faktinfo.az

11 Mart 2017 3:16

5 aylıq körpənin böyrəyində 1 sm ölçüsündə daş aşkar edilib

Afyonkarahisarda ailəsinin davamlı şəkildə ağladığı şikayətilə xəstəxanaya apardığı 5 aylıq Efsanur Çəkməz adlı körpənin böyrəklərində daş olduğu üzə çıxıb. Hər iki böyrəkdə  təxminən 1 santimetr diametrində və birdən çox olduğu aşkar edilən daşlar əməliyyatla götürüləcək. Faktinfo.az xəbər verir ki, Afyonkarahisar Gebecelerde   yaşayan Mehmet Akif və Sultan Çəkməz cütlüyünün üçüncü uşağı olan Efsanur 2 aylıq olarkən davamlı şəkildə ağlama problemi meydana gəlməyə başlayıb. Körpənin narahatlığını anlaya bilməyən ailə Afyonkarahisar və ətraf kəndlər də daxil olmaqla bir çox xəstəxanaya müraciət edib, ancaq bir nəticə əldə edə bilməyiblər. Ailə təxminən 10 gün əvvəl körpəni Afyonkarahisarda fəaliyyət göstərən özəl xəstəxanaya aparıb. Burada edilən ultrasonoqrafiyada körpənin hər iki böyrəyində təxminən 1 santimetr diametrində və birdən çox daş olduğu diaqnozu müəyyənləşib. Körpənin anası Çəkməz  " Böyrəklərində daş olduğunu eşidəndə çaşıb qaldım. Kiçik bir körpənin böyrəklərində daş olar? Ancaq çəkilən ultrason nümunələrində bunu gördük. Bizə 'irsi' olduğunu dedilər ancaq ailəmizdə belə bir narahatlıq yoxdur" olmayıb deyib. Özəl xəstəxananın urologiya üzrə mütəxəssisi Op. Dr. Şaban Can "Sidik kanalından girərək böyrək daşlarını təmizləmə "retrograd İntrarenal Cərrahi' tətbiqini uyğun bilib. Bu üsul  ilə kanala yerləşdirilən stend sidik kanalını genişlətməyə və beləcə böyrəyin daxilinə çatmamıza imkan verəcək deyib. 3 həftə sonra sağ böyrəyində təmizləmə əməliyyatını edəcəyik. Sonra isə sol böyrəyini təmizləyəcəyik” deyə qeyd edib.

2 Mart 2017 7:39

Bakıdakı məşhur klinika həkiminin saxta diplom qalmaqalı – FOTOLAR

Azərbaycanda saxta “uzman doktor” diplomu alınması ilə bağlı məsələ sosial şəbəkədə ictimailəşdirilib. “Qafqazinfo” xəbər verir ki, məsələni Kyoto universitetinin hospitalında həkim işləyən Vüsal Əliyev gündəmə gətirib. O, iddia edir ki, “Zəfəran Hospital”da çalışan Günay Qasımova saxta yolla mütəxəssis həkim diplomu hazırlatdırıb: “İstanbul Universiteti Tibb Fakültəsi Daxili xəstəliklər və Endokrinologiya bölümündə bu adda xanım uzmanlıq təhsili almayıb. Sadəcə, 21.07.2014-21.04.2015 tarixlərində, yəni cəmi 9 ay kənardan izləməklə staj keçib. Tam əmin olmaq üçün, İstanbul Universitetinin dekanı və prorektoru ilə əlaqə saxlanıldı, bu uzmanlıq diplomu saxtadır. Özünün facebook səhifəsində də, İstanbul Universitetində 4 il təhsil aldığı yazılıb, halbuki 9 ay staj keçib. Üstəgəl, diplomda Türkiyənin səhiyyə nazirinin soyadı yanlış yazılıb”. Onun sözlərinə görə, uzman doktor ünvanı almaq üçün 6 illik baza tibb təhsilindən sonra Türkiyədə "Denklik" ( diplom tanıtma) və "TUS" ( tıpta uzmanlık sınavı) imtahanlarını keçməlisiniz ki, bunlar da olduqca mürəkkəb və hazırlığı uzun müddət tələb edən mərhələlərdir: “İmtahanda uğurlu olduqdan sonra isə ixtisas üzərinə 4-6 il həm teorik, həm də praktiki təhsil alınır və sonda bir tezis üzərində çalışılır, imtahana girilir. Əgər nəticə uğurlu olarsa ona uzman həkim ünvanı verilir. Yəni, uzman həkim olmaq üçün ağır, yorucu və yuxusuz gündüzləri-gecələri fəda etməlisiniz”. Müzakirəyə qoşulanlar diplomda o dövrkü Səhiyyə naziri Mehmet Müəzzinoğlunun həqiqi imzası ilə Günay Qasımovanın diplomundakı imzanı qarşılaşdırıb. Məlum olub ki, imza həqiqətən saxtadır. Diplom “uzman həkimlərimiz” adlı səhifədə paylaşılıb və məsələyə etiraz bildirildikdən sonra səhifədən silinib. “Qafqazinfo” məsələ ilə bağlı “Zəfəran Hospital”da çalışan Günay Qasımova ilə əlaqə saxlayıb. O bildirib ki, yazılanlardan xəbərdardır: “Haqqımda o məlumatları paylaşanlar məhkəməyə veriləcək. Mən artıq İstanbul universitetinə bu barədə müraciət etmişəm. Sadəcə prosedur qaydalarına görə iki həftədən sonra mənə rəsmi cavab veriləcək”. Səhiyyə Nazirliyinin mətbuat xidmətindən “Qafqazinfo” ya bildirilib ki, həkim özəl klinikada çalışırsa bu, onların səlahiyyətinə aid deyil, məsələ ilə bağlı Təhsil Nazirliyinə müraciət edilməlidir. Təhsil Nazirliyi ilə də əlaqə saxlasaq da, mövzu haqda onlardan münasibət öyrənmək mümkün olmadı.

24 Fevral 2017 12:36

Bakı Sağlamlıq Mərkəzində dərman biznesi və…

Bakı Sağlamlıq Mərkəzi barədə Səhiyyə Nazirliyi və media orqanlarına müraciətlər edilib. Faktinfo.az  saytı xəbər verir ki, “BakiPost”un məlumatına görə, müraciətlərdə tibb müəssisəsində həkimlərin xəstələrə qarşı dələduzluq etməsi, müxtəlif yollarla onlardan pul qoparmaları barədə iddialar əks olunur. Bildirilir ki, baş həkimin göstərişi ilə həkimlər xəstələrdən yalnız yaxınlıqdakı iki aptekdən dərman almaları tələb edilir: "Tələb edirlər ki, müalicə üçün yazdıqları dərmanları yalnız "Natura+" və "Oliviya" apteklərindən alaq. Bunu əvvəlcə onlarda dərmanların keyfiyyətli olması ilə əsaslandırırdılar. Sonra məlum oldu ki, həkimlər sadəcə satdıqları dərmanlardan faiz alırlar deyə, pasientlərini həmin aptekə istiqamətləndirirlər”. Şikayətçilər bildirir ki, adları qeyd olunan dərmanlar adları çəkilən apteklərdə başqa yerlərdən baha satılır. İddiaya görə, Tibb Mərkəzində xəstələrə lazım olan dərmanlar bəzən elə oradaca satılır: "Həkimlər telefonla həmin apteklərə dərmanların adlarını verirlər, onlar da xəstəxanaya gətirirlər. Belə halda dərmanların qiyməti daha baha başa gəlir. Həkimdən soruşanda, deyirlər ki, dərmanların çoxu Sumqayıtda istehsal olunur, ona görə də tanış olmayan apteklərdən alınan dərmanların müalicəyə xeyri olmur. Həkimlər xəstələrə inandırır ki, həmin apteklərdən həkimin adını verməklə dərman aldıqda və ya dərmanlar xəstəxanaya gətirildikdə belə bir risklə heç kim üzləşmir. Guya, aptek rəhbərləri həkimlərə yalnız keyfiyyətli dərmanlar verirlər”. Görünür, dərmanların keyfiyyətsizliyi ilə bağlı cəmiyyətdəki xof həkimlərin işinə yarayır. Onlar bu məsələdən istifadə edərək xəstələri dərhal öz toruna salır. Beləklikə, həkimlərin dərman alveri günü-gündən genişlənir. Məlumat üçün bildirək ki, Bakı Sağlamlıq Mərkəzi ilə bağlı dəfələrlə bu tipli şikayətlər olub, orada baş verən qanun pozuntuları ilə bağlı məlumatlar KİV-də dərc olunub. Vəziyyət o həddə çatıb ki, Səhiyyə naziri Oktay Şirəliyevin əmri ilə Bakı Sağlamlıq Mərkəzinin direktoru Tərlan Bədirov vəzifədən kənarlaşdılıb. Onun vəzifədən uzaqlaşdırılması Mərkəzdə müalicə alanlarda ümid çırağı yandırsa da, görünür, bu çıraq çox tez sönüb. Bu vəzifəyə təyin olunan Hikmət Həsənov (əvvəl Şirvan Diaqnostika Mərkəzinin rəhbəri olub) qanunsuz əməlləri ilə sələfini ötüb keçib. Belə olmasaydı, qeyd etdiyimiz dərman alverindən başqa çarpayıların pulla satılması, ümumiyyətlə ödənişsiz müalicəyə son qoyulması prosesi davam etməzdi. Sayt məlumatlara aydınlıq gətirmək məqsədi ilə Bakı Sağlamlıq Mərkəzinə telefon açıb. Mərkəzin adını açıqlamayan xanım əməkdaşı suallara ancaq direktorun cavab verə biləcəyini, direktorun isə məzuniyyətdə olduğunu bildirib. Faktinfo.az  

31 Yanvar 2017 8:35

Tanınmış həkimlər özəl klinikalarda işləyirlər – səbəblər, problemlər, reallıqlar…

Dövlət xəstəxanaları hazırkı reallıqda  müəyyən çağırışlara,dövrün tələblərinə cavab verə bilmir. Bu  kateqoriyadan olan xəstəxanalara artıq etimad itir. Həkimlərin Dövlət Xəstəxanalarında  istədikləri  məvaciblə təmin olunmamaları, göstərdikləri tibbi xidmət qarşılığında pasiyentdən normal vəsait tələb edə bilməmələri savadlı həkimlərin özəl klinikalara üz tutmasına səbəb olub. Artıq özəl klinikalarda  çalışan peşəkar həkimlər vaxt  itkisinə yol verməmək  üçün  işlədikləri dövlət xəstəxanalarından uzaqlaşırlar. Xaricdə təhsil almış  gənc həkim uzmanlar və ya xarici dövlətlərdə  6 ay kurs keçmiş həkimlərin mütləq əksəriyyəti özəl klinikalarda çalışırlar. Bura  kosmetoloq, travmatoloq, nevropataloq, pediatr, ovtommoloq, uroloq, kardioloq  və digər ixtisas sahibləri aiddir. Bu situasiya  isə özəl klinika sahiblərini, həm də orada çalışmaq istəyən həkimləri qane edir. Özəl klinika sahibləri bilir ki, peşəkar həkimlərin hər gün onlarla xəstəsi  olur. Bu səbəbdən də  pasiyentlərə  istədikləri qiyməti  diqtə  edə bilir, bununla əldə etdikləri vəsaitin  bəlli  bir  faizini həmin həkimlərə verirlər . Burada təəccüblü heç nə yoxdur, deyə bilərik ki, kapitalizmin xüsusiyyətlərindən biridir. Lakin təəccüb doğuran  hal ondan ibarətdir ki, pulu olan xəstə və ya xəstənin yaxınlarından  fərqli   əhalinin əksər təbəqəsi  özəl klinikalarda analiz verə, peşəkar həkimlərin qəbuluna tələb olunan 45,50,60 manat ödəniş  edə bilmirlər. Hətta,imkansız xəstələrə məsləhət bilinsə ki, onların  şəfa tapması üçün cərrahi əməliyyata ehtiyac duyulur, onda özəl klinikaya kasıb təbəqənin 1500-2000 AZN  və ya daha artıq pul ödəməyə imkanı  olmur. Belə olan təqdirdə yaranmış vəziyyəti  kim tənzimləyəcək, bilinmir. Hələlik Səhiyyə Nazirliyi bu kimi hallara müdaxilə edə bilmir,bəlkədə etmək istəmir... Əliabbas Hüseynli Faktinfo.az 

26 Yanvar 2017 7:31

Fakt

Bizi izləyin