Prezidentdən evsizləri sevindirəcək QƏRAR

1481615937_ipoteka

Azərbaycan əhalisinin mənzil təminatı yaxşılaşdırılacaq. Bu barədə Azərbaycan Prezidentinin 2016-cı il 6 dekabr tarixli fərmanı ilə təsdiq edilmiş "Azərbaycan Respublikasının milli iqtisadiyyat perspektivi üzrə Strateji Yol Xəritəsi"ndə deyilir.Qeyd olunur ki, əhalinin sosial rifahını əks etdirən göstəricilərdən biri də mənzillə təminatdır. Hazırda Azərbaycanda adambaşına düşən orta mənzil fondu 17,9 m² təşkil edir ki, buda MDB (20 m²) və Şərqi Avropa ölkələri (30 m²) üzrə orta göstəricilərdən azdır.2016-2020-ci illərdə strateji yol xəritəsinin həyata keçirilməsi zamanı sosial təsirlər qiymətləndiriləcək, iş yerlərinin yaradılması ilə yanaşı, mənzil təminatının yaxşılaşdırılması, müasir tələblərə uyğun təhsil və səhiyyə xidmətlərinin göstərilməsinə dəstək verən sistemin inkişafı, kommunal xidmətlərin təkmilləşdirilməsi və ünvanlı sosial yardım sistemindən reabilitasiyaya keçidin təmin edilməsi yolu ilə yoxsulluğun azaldılmasına səylər göstəriləcək. Yol xəritəsində bildirilir ki, şəhər yerlərində uyğun mənzil təminatı seçimləri Azərbaycanın kənd yerlərində olan hazırkı işçi qüvvəsinin şəhər yerlərindəki məşğulluq imkanlarından bəhrələnməsinə şərait yaradacaq. Bu, nəinki yoxsulluq səviyyəsini azaltmağa kömək edər, hətta regionlar arasında gəlir bərabərsizliyinin azalmasına gətirib çıxara bilər. Mənzil təminatı artan şəhər əhalisinin tələblərini də əhatə edəcək və bu əhali qrupunun xüsusi çəkisi hazırkı təxminən 55 faizdən 70-75 faizədək artacaq. Daha yaxşı məşğulluq imkanlarına görə şəhərlərə axın və kənd yerlərində daha yüksək gəlirli məşğulluq imkanlarının artımı nəticəsində gəlirlərdəki bərabərsizlik azalacaq. 2025-ci ildən sonra Bakı ilə ölkənin digər regionları arasındakı gəlir fərqi adambaşına təxminən 50 faizdən 40 faizədək enəcək. (trend)

13 Dekabr 2016 2:42

Suyun və kanalizasiya xidmətinin qiyməti ilə bağlı rəsmi açıqlama

komuu

  “Bəzi kütləvi informasiya vasitələrində su təchizatı və tullantı sularının axıdılması xidmətlərinin tariflərinin artırılması barədə həqiqətə uyğun olmayan məlumatlar yayılır, tariflərin birləşdirilməklə vahid tarif sisteminə keçilməsi tarif artımı kimi təqdim olunur. Bu cür yanlış məlumatlar isə əhali arasında çaşqınlıq yaradır” Bu barədə Tarif Şurasının yaydığı açıqlamada deyilir. Tarif (qiymət) Şurası bir daha xatırladır ki, “Su təchizatı və tullantı sularının axıdılması xidmətlərinin tariflərinin təsdiq edilməsi barədə” 13 may 2016-cı il tarixli Qərarı ilə “Azəristiliktəchizat” ASC üzrə 1 kub metr su təchizatına görə tariflər Bakı, Sumqayıt, Xırdalan şəhərləri və Abşeron rayonu üçün 0,35 manat, digər inzibati ərazi vahidləri üçün isə 0,30 manat, tullantı sularının axıdılması xidmətinə görə isə 0,15 manat təsdiq edilib. Şuranın 28 noyabr 2016-cı il tarixli iclasında müvafiq qərara dəyişiklik olunub, “Azəristiliktəchizat” ASC-nin “Azərsu” ASC-dən aldığı su təchizatı və tullantı sularının axıdılması xidmətləri üzrə tariflər birləşdirilərək vahid tarif təsdiq edilib. Belə ki, adıçəkilən bu iki subyekt arasında 1 kub metr su təchizatı və tullantı sularının axıdılması tarifləri Bakı, Sumqayıt, Xırdalan şəhərləri və Abşeron rayonu üçün 0,50 manat (0,35 manat + 0,15 manat), digər inzibati ərazi vahidləri üçün isə 0,45 manat (0,30 manat + 0,15 manat) olmaqla dəyişdirilməyib, birləşdirilərək əvvəlki səviyyədə saxlanıb: "Göründüyü kimi, tariflərdə hər hansı artımdan söhbət getmir. Odur ki, Tarif (qiymət) Şurası kütləvi informasiya vasitələrinə diqqətli olmağı, araşdırılmamış məlumatları dərc etməkdən çəkinməyi tövsiyə edir".

12 Dekabr 2016 12:19

Son bahalaşma restoranlarda qiymətləri qaldırdı

sam

Devalvasiyanın hökm sürdüyü bir vaxtda  üstəlik qazın və elektrik enerjisinin qiyməti də qalxıb.  Bazarlarda, marketlərdə isə məhsulların sadəcə üzünə baxmaq kifayətdir. Çünki qiyməti baha olan malları əldə etməyə pul çatmır. Toy bazarında da vəziyyət yaxşı deyil. Bəzi restoranlar  güzəşt limitini dondurub. Toy etmək istəyənlərin sayında müşahidə olunan azalma  restoran sahiblərini də hərəkətə gətirib. Menyuda qiymət artımı qaçılmaz olub. Daha ətraflı məlumat əldə etmək üçün Modern.az saytı bir neçə restoranla əlaqə saxlayıb. “Hollivud” şadlıq sarayında toy etmək istəyənlər azalıb. “Son aylarda toy etmək üçün müraciət edənlərin sayında azalma var. Əvvəllər hər gün restoranımızda toy olurdusa, indi əksinədir. Ona görə də menyuda qiymət artımı etmişik”. “Su sonası” şadlıq sarayı da əhalinin toy ab-havasında olmadığı qənaətindədir. “Sanki insanlar daha təmtəraqlı toy etmək istəmirlər. Qazın, işığın qiyməti də bir tərəfdən bahalaşdı. Hələ ki, menyuda qiymətlərlə bağlı dəyişiklik etməmişik. Görək sonumuz necə olur” “Versal” sarayında da eyni vəziyyətdir. “Əvvəllər restoranımızda toy edənlərə güzəştlərimiz olurdu. Ölkədəki bahalaşmadan sonra həmin güzəştləri ləğv etdik. Toy etmək istəyənlər azalıb. Bu da bizim restoranımıza təsirsiz ötüşməyib”. “Monte Karlo” şadlıq sarayında da qiymətlər qalxıb. “Menyuda qiymət artımı etmək fikrindəyik. Bütün şadlıq saraylarında əvvəlki vəziyyətdən əsər-əlamət yoxdur. Toy etmək istəyənlər azaldıqca, restoranları əvvəlki qiymətlərlə idarə etmək çətinləşir”. “Neolit” şadlıq sarayında da toy etmək istəyənlərin sayı azalıb. “Devalvasiya bir tərəfdən, qazın, işığın da bahalaşması o biri tərəfdən.  Bütün restoranlara bunların təsiri var. Vəziyyət əvvəlki kimi deyil. Qiymətlərin qalxması menyuya da təsir edəcək”.

8 Dekabr 2016 3:09

Abdin Fərzəliyev qarşı korrupsiya ittihamı- 219 binanın sökülməsi, yenidən tikilməsi bir günün şirkətinə həvalə olunub

sam

Abdin Fərzəliyevin “maxinasiya” iyi gələn şübhəli sərəncamı Nərimanov rayon icra hakimiyyətinə dair korrupsiya əməliyyatlarından xəbər verən yeni bir faktın üstü açılıb. Faktı aşkarlayıb ictimailəşdirən Hacıbəyli Hüquq Mərkəzi təsisçisi və rəhbəri Yalçın Hacıbəylidir. Yalçın Hacıbəyli feysbuk səhifəsində foto-dəlilləri də əlavə etməklə yazır: “Nazirlər Kabinetinin Bakının Suraxanı, Nəsimi, Xətai, Nərimanov, Nizami, Yasamal, Səbail, Pirallahı və Xəzər rayonlarının sosial-iqtisadi inkişafının sürətləndirilməsinə dair əlavə tədbirlər görülməsi haqqında 25 fevral 2016-cı il tarixli 86 №-li qərarı var. Həmin qərarla adı göstərilən rayonların ərazisində qəzalı vəziyyətdə, 15857 mənzildən ibarət olan 1094 bina sökülərək yenidən tikilməlidir. Qərara əsasən bu işlərin aparılması tikinti şirkətlərinə həvalə edilir və həmin binaların sakinləri də tikinti şirkətinin vəsaiti hesabına müvəqqəti kirayə mənzillərdə yerləşdirilir. Daha sonra həmin sakinlərə sökülmüş tikililərin yerində yeni tikilmiş binalarda mənzillər ayrılır. Demək olar ki, həmin rayonların hamsında prosses başlayıb. Həmçinin Nərimanov rayonunda da bu işlərin aparılması Rayon İcra Hakimiyyətinin Sərəncamı ilə “Rahatlığın Məkanı-Gold” şirkətinə həvalə edilib. İlk araşdırmadan da bəlli oldu ki, Şirkət elə yarandığı gün, ilk A-001 nömrəli məktubla İcra hakimiyyətinə müraciət edərək Nərimanov rayon ərazisində 3028 mənzildən ibarət 219 binanın sökülməsi və yerində yeni binaların tikilməsi üçün müraciət edib. İlk müraciəti olmasına baxmayaraq çox “uğurlu” olub, İcra hakimiyyəti işlərin aparılmasın həmin şirkətə həvalə edib”. Beləliklə, aydın olur ki, konkret halda Nərimanov rayon icra başçısı Abdin Fərzəliyev Nazirlər Kabinetinin tikinti kimi “gəlirli” sahəyə dair yeni sərəncamından səmərəli şəkildə bəhrələnmək niyyətindədir. Əks halda izah etmək mümkün deyil ki, necə olur, hansısa tikinti şirkəti yarandığı gün İcra Hkimiyyətinə müracitə edir və İcra Hakimiyyəti də bu boyda dövlət əhəmiyyətli layihəni həmin şirkətə həvalə edir. Eyni zamanda ehtimal etmək olar ki, NK-nın bu sərəncamı üzrə başqa İcra Hakimiyyətləri də belə “maxinasiya” iyi gələn əməliyyatlara baş vurublar. Faktinfo.az

7 Dekabr 2016 6:20

Pirallahı adasını sahillə birləşdirənyeni körpü açılıb

pirallahi_ada_071216_02

Pirallahı adasını sahillə birləşdirən yeni avtomobil körpüsü sürücülərin ixtiyarına verilib. “Azəravtoyol” ASC-dən Trend-ə verilən məlumata görə, Qala-Pirallahı avtomobil yolunun 23-cü kilometrliyində yerləşən körpünün uzunluğu 422 metr, eni 14 metr, hərəkət hissəsinin eni 12 metr, orta aşırımda dəniz səviyyəsindən hündürlüyü isə 11 metrdir. Körpü 9 aşırımdan ibarətdir (42×4 + 86 + 42×4 = 422 m).Körpünün alt hissəsindən gəmilərin rahat və maneəsiz şəkildə hərəkəti üçün xüsusi keçid hissənin açılması da yekunlaşmaq üzrədir. Bunun üçün körpünün alt hissəsinin və mövcud yolun qazılması işləri aparılır. Hazırda Qala-Pirallahı 1-ci texniki dərəcəli avtomobil yolunun sonundan körpünün girişinə qədər olan avtomobil yolunun 2-ci texniki dərəcəyə uyğun yenidənqurulması işlərinə də start verilib. 730 metr uzunluğunda olan yolun eni 12 metr olacaq.Qeyd edək ki, “Pirallahı qəsəbəsini sahillə birləşdirən avtomobil yolunun dəniz suyu ilə yuyulmasının qarşısının alınması, yol üzərində körpünün tikintisi və yol boyunca sahil bərkitmə işlərinin aparılması” layihəsi üzrə tikinti işlərinə 2012-ci ilin sentyabr ayında başlanılıb. Körpünün tikintisi illik investisiya proqramlarına uyğun olaraq “Azəravtoyol” ASC-nin rəhbərliyinin nəzarəti altında yüksək keyfiyyətlə və texnoloji ardıcıllğa riayət olunmaqla mərhələli şəkildə aparılıb.

7 Dekabr 2016 11:49

Məcburi köçkün uşaqlarına yemək pulu verilməyəcək

pul_qabi_0005

Azərbaycanda 2017-ci il yanvarın 1-dən etibarən doğulmuş məcburi köçkün uşaqlarına yemək xərci üçün aylıq müavinət verilməyəcək. “Report”un xəbərinə görə, bununla bağlı “Məcburi köçkünlərə yemək xərci üçün dövlət büdcəsindən verilən aylıq müavinətin paylanılmasına dair Təlimat”a dəyişikliyin müvafiq hissəsi bu ayın sonundan tətbiq olunacaq.Dəyişikliklə bağlı sənədi Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov imzalayıb.Sənədə əsasən, 2016-cı il 31 dekabr tarixindən sonra doğulmuş məcburi köçkün uşaqlarına yemək xərci üçün aylıq müavinət verilməyəcək.Bundan başqa, dəyişikliklə Azərbaycanın məhkəmə orqanlarına hakim təyin olunan, habelə kommersiya hüquqi şəxsi kimi dövlət qeydiyyatına alınmış sahibkarlıq fəaliyyəti ilə məşğul olan məcburi köçkünlərə, hüquq-mühafizə orqanlarında xidmət (qulluq) edən zabitlərə, dövlət təminatında olan məcburi köçkünlərə (həqiqi hərbi xidmətdə olan, məhkəmənin hökmü əsasında azadlıqdan məhrumetmə cəzasına məhkum olunmuş və cəzaçəkmə müəssisələrində cəza çəkən şəxslərə həmin müddət başa çatanadək), məcburi köçkünlərin əvvəlki yaşayış yerlərinə qayıtması üçün şəraitin yarandığı vaxtdan 3 il müddətində əvvəlki yaşayış yerinə geri qayıtmış və ya qayıtmamış şəxslərə aylıq yemək xərci üçün verilən müavinət dayandırılıb.

6 Dekabr 2016 12:52

AMEA:“Sürüşmə sahələrində intensivlik maksimum həddə çatıb”

surusme-1

Bu il havalar həddindən artıq rütubətli keçdiyindən sürüşmə sahələrindəki intensivlik maksimum həddə çatıb. Ötən ilin payız fəsli ilə müqayisədə bu il ölkədə sürüşmə fəallığı xeyli yüksəkdir”. Bunu Azərbaycan Milli Elmlər Akademiyasının Coğrafiya İnstitutunun direktor müavini Elbrus Əlizadə deyib. Onun sözlərinə görə, əvvəl təhlükəli zonalarda 5-7% sürüşmə prosesi olurdusa, indi bu rəqəm 10%-ə yaxınlaşır. Ölkədəki sürüşmə sahələrində intensivliyin son günlərdə çox yüksək olduğunu deyən E.Əlizadə qeyd edib ki, bu proses təhlükəli zonaların xeyli hissəsində baş verir və genişlənir: “Azərbaycanın Qobustan, Şamaxı, İsmayıllı, Ağsu rayonlarında aktivlik müşahidə edilir. Bu proses yollarda da qeydə alınır. Bakı-Şamaxı avtomobil yolunun 106-111-ci, Bakı-Ağsu magistral avtomobil yolunun 132-156-cı km-də (Ağsu aşırımda ) həm sürüşmə, həm də uçqunlar mövcuddur. Xızı-Altıağac yolunda vəziyyət əvvəlkindən fərqli olaraq xeyli gərgindir. Orada da bir çox sahədə həm sürüşmə, həm də sürüşmə-uçqunlar müşahidə olunur. Quba-Xınalıq yolunda vəziyyət gərgindir. İsmayıllının Basqal, Sulut, Tağlabiyan kəndlərindəki sürüşmə sahələrində gərginlik var və proses çox sürətli gedir. İsmayıllı və Göyçay çay hövzəsində, Buynuz, İstisu və ona yaxın olan kəndlərdə vəziyyət gərgindir. Siyəzən–Şabran istiqamətində həm yol kənarında, həm də yoldan kənardakı sürüşmə sahələrində intensivlik güclənib. Yardımlı çökəkliyindəki sürüşmələr həm təsərrüfat sahələri, həm də evlərə yaxındır. Lerik-Lənkəran yolundan başqa digər kənd arası yollarda da gərginlik yaranıb. Gədəbəy-Daşkəsən zonasında, Zəyəmçay hövzəsində, Gədəbəy və ona yaxın məntəqələrdə, Daşkəsəndəki dəmir filiz mədəni və Zəylik alumit yatağı ərazisində sürüşmələr var. Ölkədə yağışların yenidən başlayacağını və süxurların həddindən artıq rütubətlə doyduğunu nəzərə alsaq hadisələrin tezliklə sabitləşəcəyini gözləmək olmaz”. Bakıdakı vəziyyətə gəlincə, E. Əlizadə vurğulayıb ki, Zığ, Kərpic zavodu, Günəşli, Masazır ərazisində sürüşmə aktivləşib. Badamdar massivi və Yasamal dərəsinə doğru sürüşmə zonasında fəallaşmanın olduğunu deyən direktor müavini qeyd edib ki, ümumiyyətlə bütün sürüşmə sahələrində intensivlik çox yüksəkdir. Onun sözlərinə görə, temperatur mənfiyə keçmədiyinə görə dağətəyi və düzənlik ərazilərdə bu prosesin hələ bir xeyli davam edəcəyini gözləmək olar.Qeyd edək ki, bu gün ölkə ərazisinin 25-26%-i sürüşmə üçün təhlükəli zonalardır. Azərbaycanda 350-ə yaxın yaşayış məntəqəsi sürüşmə və yaxud sürüşmə təhlükəli zonada yerləşir. APA

5 Dekabr 2016 4:09

Sabaha olan hava proqnozu –Yağış, sulu qar, qar, külək…

sam

Bakı və Abşeron yarımadasında dekabrın 6-da arabir yağış yağacağı gözlənilir. Yarımadanın  bəzi yerlərində sulu qara, qara keçəcəyi  ehtimalı var.Şimal-qərb küləyinin arabir güclənəcəyi gözlənilir. Ekologiya və Təbii Sərvətlər Nazirliyindən APA-ya verilən məlumata görə, havanın temperaturunun gecə 0-3° isti, gündüz  3-5° isti, Bakıda gecə  1-3° isti, gündüz  3-5° isti olacağı gözlənilir. Atmosfer  təzyiqi normadan yüksək 767 mm civə sütгnundan 772 mm civə sütununa yüksələcək. Nisbi rütubət  85-95 %  təşkil edəcək. Dekabrın 6-da Bakı və Abşeron yarımadasında şimal-qərb küləyinin arabir güclənəcəyi gözlənilir. Arabir yağış yağacağı, yarımadanın bəzi yerlərində sulu qara, qara keçəcəyi ehtimalı var. Tibbi-meteoroloji proqnoza əsasən, dekabrın 6-8-də Abşeron yarımadasında atmosfer təzyiqinin xeyli tərəddüdü, güclü küləkli və rütubətli hava şəraiti əksər insanlar üçün əsasən əlverişsizdir. Azərbaycanın rayonlarında hava şəraitinin arabir yağıntılı olacağı, qar yağacağı, duman olacağı gözlənilir. Ayrı-ayrı yerlərdə intensiv olacağı ehtimalı var. Qərb küləyi ayrı-ayrı yerlərdə arabir güclənəcək. Havanın temperaturunun gecə 0-3° isti, gündüz 3-8° isti, dağlarda gecə 4-9° şaxta, gündüz 3° şaxtadan 2°-dək isti olacağı gözlənilir. Dekabrın 6-da ölkə ərazisində hava şəraitinin qeyri-sabit keçəcəyi, arabir yağış, sulu qar, qar yağacağı gözlənilir. Bəzi yerlərdə intensiv olacağı ehtimalı var. Qərb küləyi ayrı-ayrı yerlərdə arabir güclənəcək. Yolların buz bağlama ehtimalı var.

5 Dekabr 2016 12:43

Fakt

Bizi izləyin