Tovuzda təhsil sistemi çökür… – İDDİA

1480305671_990

Dünən redaksiyamıza Tovuz rayonu Qovlar qəsəbə sakinləri Sabir Hacıyev, Firdovsi Nəsibov, Vaqif Babayev və Alakol kənd sakinləri Gülnarə Qocayeva, Qərənfil Əhmədova, Xanım Kərimova, Yaşar Kərimov müraciət ediblər. Bu vətəndaşların şikayətləri Tovuzun təhsil sistemində yaşanan neqativ hallarla bağlıdır. Amma bu konkret şikayətə keçməzdən öncə, Tovuz təhsilinin ümumi durumu brədə artıq uzun müddətdir ki, redaksiyamıza rayondan daxil olan digər açıqlamalara diqqət çəkmək istəyirik. Məlum olduğu kimi, 2012-ci ildən Tovuz Rayon Təhsil Şöbəsinə rəhbərlik edən Validə Hüseynovanın fəaliyyəti rayon ictimaiyyəti tərəfindən heç də məqbul qiymətləndirilmir. Mənbələrin iddialarına görə, məhz 2012-ci ildən bəri Tovuz RTŞ-nin yarıtmaz fəaliyyəti bu sahənin inkişafdan qalmasına, bəzi hallarda isə artıq aşkar geriləmələrin müşahidə olunmasına səbəb olmuşdur. Mövzuya dair ötən saylarımızda dərc etdiyimiz materiallarda da biz qeyd etmişdik ki, Tovuz RTŞ-nin müdiri Validə Hüseynova 2010-cu il parlament seçkilərində deputatlığa namizəd kimi iştirak etsə də, müvəffəqiyyətsizliyə uğradıqdan sonra hazırda tutduğu vəzifəyə təyinat almışdır. Lakin aldığımız son məlumatlar belə deməyə əsas verir ki, ötən illər Validə xanıma seçkilərdə üzləşdiyi uğursuzluğu heç də unutdura bilməmişdir. Qeyd etmək lazımdır ki, 2010-cu ildə IV çağırış Milli Məclisinin deputatlığına namizədliyini irəli sürərkən eyni dairədən digər namizəd Qənirə xanım Paşayeva idi. Məlum olduğu kimi seçicilərin də böyük əksəriyyəti öz səslərini məhz Qənirə xanıma vermişdilər. Lakin görünür Tovuz RTŞ-nin müdirinin həmin seçkilərin obyektivliyinə şübhə etməyə öz əsasları var. Mənbələrin deməyinə görə, Validə xanım namizəd olduğu dairə üzrə seçki nəticələrinin saxtalaşdırıldığı və əslində məhz özünün deputat seçildiyi barədə danışmağı çox sevir. Buna paralel olaraq isə, aldığımız məlumatlarda Validə Hüseynovanın öz işində yol verdiyi ciddi qanun pozuntularına dair bir sıra faktlar öz əksini tapmaqdadır. Xüsusi olaraq məlumatlarda qeyd olunur ki, bu gün Tovuzun məktəblərində şagirdlərin dərslərə davamiyyəti xeyli aşağı düşüb. Müəllimlərin bir çoxu repetitorluq etdiyi üçün məktəbdə uşaqları öyrətmək istəmirlər, dərsələrə gəlmirlər. Direktorlar isə, həmin müəllimlərdən rüşvət alaraq, onların məktəbdən yayınmalarına göz yumurlar. Təbii ki, şöbə müdiri bütün bunlardan xəbərdardır və bu məsələlərdə marağı olduğu üçün heç kimi cəzalandırmır. Rayondakı mənbələr israrla bildirirlər ki, Validə Hüseynova həmçinin rayonun təhsil sahəsinin inkişafı üçün ayrılmış dövlət vəsaitlərinin təyinatı üzrə xərclənməsini də təmin etmir. Bu isə əlbəttə ki, Tovuzun kənd və qəsəbələrində fəaliyyət göstərən təhsil müəssisələrinin də baxımsızlıq üzündən getdikcə yararsız hala gəlmələrinə səbəb olur. Elə yazının əvvəlində adlarını çəkdiyimiz Tovuz rayon sakinlərinin də şikayətləri əsasən istifadəyə yararsız hala gəlmiş məktəb binaları barəsindədir. Bu xüsusda həmin sakinlərin müraciətlərində deyilir: “Bizim Alakol kənd məktəbi hələ 2015-ci ildə yanaraq istifadəyə yararsız hala gəlib. Bundan sonra dərslər köhnə (sovet dövründən qalma) hərbi hospitalın atılmış binasında keçirilməyə başlayıb. Amma burada da vəziyyət acınacaqlıdır. Binanın elektrik və təbii qaz təchizatı da dayandırılıb. Kəndimizə ən yaxın məktəb Qovlar qəsəbəsində yerləşdiyindən bəzi valideynlər uşaqlarını oraya (1 saylı orta məktəbə) aparmaq qərarına gəldilər. Amma məlum oldu ki, bu məktəbin özü də çox pis vəziyyətdədir. İndi bir az imkanı olan valideynlər öz uşaqlarını taksi ilə hər gün Tovuz şəhərindəki məktəblərdən birinə göndərirlər. İmkansızların uşaqları isə, ümumiyyətlə məktəbə getmirlər. Bu barədə dəfələrlə Tovuz RTŞ-yə, Rayon İcra Hakimiyyətinə və Təhsil Nazirliyinə müraciət etsək də, hələ də heç bir nəticəsi olmayıb...” Materialda adı keçən bütün tərəflərin məsələyə münasibət bildirmələrini istərdik.

28 Noyabr 2016 7:24

“Rusdilli tədrisə aqressiv münasibət nədən qaynaqlanır?”

ss

Elə bir gün olmasa da, elə bir həftə, ay olmur ki, təhsillə bağlı nəsə bir məsələ ortalığa atılıb, gündəmi qarışdırmasın. Hələliksə son sayıla biləcək yeni bir məsələ - hüquqşünas Erkin Qədirli tərəfindən rus dilli təhsilin ləğv edilməsi təklifi gündəmə gətirilərək polemika obyektinə çevrilib. ”Rus sektorunu qapatmaq gərəkdir. Dövlət büdcəmizdən maliyyələşən məktəblərdə Rus dili ancaq xarici dil kimi öyrədilməlidir. Rusdilli təhsil verən məktəblər ancaq özəl ola bilər. Kimin pulu və həvəsi varsa, belə məktəb aça bilər. Lap hətta Rusiyanın maliyyələşdirdiyi məktəb ola bilər, problem deyil. Amma dövlətimizin büdcəsindən maliyyələşən məktəblərdə təhsil ancaq dövlətimizin rəsmi dilində olmalıdır.” Hər şeydən əvvəl onu qeyd edim ki, əslində bu heç də yeni məsələ olmayıb, bir müddət öncə Azərbaycan Milli Elmlər Akademiyası Nəsimi adına Dilçilik İnstitutunun elmi işçisi Cahid İsmayıloğlunun gündəmə gətirdiyi “ölkəmizdə birmənalı şəkildə ana dilində təhsil məcburi və alternativsiz olmalı, rus bölməsi ləğv olunmalı, rus dili xarici dil kimi tədris edilməlidir. Əks halda, dilin inkişafı üçün stimul, tələbat olmayacaq, onun inkişafı ləngiyəcək ” ideyasının bir növ məntiqi davamıdır. Bununla belə fikir plyurializmi anlayışi baxımından hər bir subyektiv fikrə hörmətlə yanaşmaq zorundayıq. Digər tərəfdən elm və təhsilimizlə bağlı hər hansı bir fikrin səsləndirilməsi, müəyyən təkliflər verilməsi, təşəbbüslər irəli sürülməsi müsbət hal sayıla bilər və hətta bunu elmə, təhsilə, onun mövcud durumuna və problemlərinə olan diqqət və marağın artmasının göstəricisi kimi də qiymətləndirmək olar. Lakin məsələ burasındadır ki, qaldırılan istənilən problem hətta statistika baxımından diqqət çəkən olsa belə ona bu dərəcədə aqresiv münasibət sərgiləmək yaranmış vəziyyətdən çıxış yolunun optimal həlli hesab edilə bilməz. Razılaşaq ki, xüsusilə paytaxt məktəblərinin rus bölmələrində şagird sıxlığı müşahidə edilir. Bakı məktəblərində şagirdlərin 16 faizə yaxını rus bölməsində oxuyur. Birinci siniflərdə isə bu rəqəm 17 faizi keçib. Başqa sözlə desək, birinci siniflərin göstəricisi orta göstəricidən 2%-ə qədər çoxdur. Yəni artım tendensiyası müşahidə olunur. Elit məktəblərdə isə bu göstərici qat-qat yüksəkdir. Respublika üzrə rəqəmlər də təxminən buna uyğundur. Yəni orta göstərici 15%-ə bərabərdir. Rəqəmləri 15 il öncənin göstəriciləri ilə müqayisə etdikdə görəcəyik ki, 90-cı illərdə onların payı ümumi şagird sayında 7% təşkil edirdi. Lakin bu statistika ona əsas verə bilərmi ki, məsələni siyasi müstəviyə keçirib, hökm və ittiham xarakterli “rus dili ölkəmizdə imperiyanın qalıqlarından biridir və biz bu qalıqdan tez bir müddətdə xilas olmalıyıq” (C. İsmayıloğlu), “Qonşuluğumuzu və tariximizi nəzərə alsaq, buna milli kimlik və milli təhlükəsizlik məsələsi kimi baxmalıyıq” (E Qədirli) kimi sərt və birmənalı açıqlamalar verilsin? Azərbaycan bölməsi üzrə dərs saatlarını azaltmaq və keyfiyyətsiz tədris yolu ilə rus dilinə onsuz da “lazım olandan” artq zərbə vurmuşuq və bunun fəsadları üzdədir, hələ bir müddət bundan sonra da üzə çıxmaqda davam edəcək. Hesab edirəm ki, problemlərimizi rus dilində tədrisdə axtarmaq və bundan çıxış yolunu rus bölməsinin ləğv olunması yolu ilə həll etmək son dərəcə qüsurlu olduğu qədər də ziyanlı bir mövqedir. Bu eynilə ona bənzəyir ki, xəstəni tutulduğu azardan xilas etmək üçün müalicə etmək deyil, ən kəsə yol onu öldürməkdir. Azərbaycan dili bizim dövlət dilidir və bu dili hamı bilməlidir. Təlimi rus dilində olan məktəblərdə Azərbaycan dilinin tədrisinin zəifliyi isə heç də o demək deyil ki, bununun səbəbkarı məhz rus dilidir. Dünyanın hər bir ölkəsində müxtəlif dillərdə təlim məktəbləri var.Digər tərəfdən Azərbaycan tolerantlıqda dünyaya nümunə göstərilir, multikulturalizm ili elan etmişik, multikulturalizm dəyərlərini təşviq edirik, pravoslav və katolik kilsələrini bərpa edirik, beynəlxalq forumlara ev sahibliyi edirik, bir yandan da millətçilik toxumu səpirik. Bunu necə başa düşmək olar? Rus dilində təhsilin ləğvi barədə təklifi irəli sürərkən digər fəsadlar bir yana, heç omasa onu fikirəşmişikmi ki, belə bir addımın atılması sıx tarixi ənənələri ilə bağlı olan iki qonşu dövlət arasındakı münasibətlərə necə təsir göstərə bilər? Azərbaycan çox millətlı ölkədir, respublikamızda xeyli qarışıq aiilələr var. Qnunvericiliymizə əsasən valideynlər övladları üçün dil seçimini etməkdə sərbəstdirlər. Kimsə etiraz edə bilər ki, fikir plürializmi deyilən bir anlayış var, vətəndaş cəmiyyəti söz, yaradıcılıq və fəaliyyət azadlığı üçün imkanların mövcudluğuna təminat verir. Lakin təsəvvür edin ki, bir müddət əvvəl kiməsə adi görünə biləcək sadə bir açıqlama artıq “Bakı məktəblərində rus bölməsinə ifrat həvəs yaranıb”, “Bakı məktəblərində Azərbaycan bölməsi bağlanır”, “Təhsil Nazirliyinin nəzarəti altında olan paytaxt məktəblərində Azərbaycan bölməsi tarixə qovuşur” və s bu kimi təhlükəli təsəvvürlərin yaranmasına , və getdikcə rus dilinə qarşı ictimai rəyin dəyişməsinə səbəb olub . Bəli, son 5-6 ildə xüsusilə Bakıda ümumi təhsil məktəblərinin rus bölməsinə maraq xeyli artıb.Bu o deməkdirmi ki, rus dilinə nifrət hissi aşılayasan? Rus dili Dostoyevskinin, Tolstoyun, Cexovun, Turgenevin dilidir. Hətta uzun illərdən bəri çoxsaylı rus-türk müharibələrinə baxmayaraq Dostoyevski bu günümüzün özündə də Türkiyədə ən çox oxunan müəlliflər sırasındadır. Tolstoyun “Hərb və sülh”ü dünyanın ən şox dillərinə tərcümə olunan və bu roman əsasında ən çox film çəkilən bir əsərdir. Bizim elmimizin, mədəniyyət və incəsənətimizin inkişafında, elmi-siyasi kadrlarımızın yetişməsində və digər sahələrin formalaşdırılmasında rus dilinin rolunu və müstəsna əhəmiyyətini inkar etmək ən yaxşı halda belə ədalətsizlikdən başqa bir şey olmazdı. Bəli, 1990-cı illərin ortalarından fərqli olaraq indi rus bölməsinə maraq bir neçə dəfə artıb. Lakin niyə artıb? Əgər qarşımıza artımı sabitləşdirmək məqsədi qoyuruqsa ilk növbədə fikirləşməliyik ki, bunun üçün hansı effektiv yola əl ata bilərik? Bəlkə bunun başlıca səbəbi azərbaycan bölməsidə tədrisin səviyyəsinin valideynləri lazımınca qane etməməsidir? Bəlkə səbəb öz ana dilimizdə kifayət qədər tələb olunan ədəbiyyatin olmaması, mövcud tərcümələrin qüsurlu olması, rus dilində olan ədəbiyyatların hələ də dominantlıq etməsidir? Bəlkə rus bölməsilə müqayisədə azərbaycan bölməsindəki müəllimlərimizin peşəkarlıq səviyyəsi qane edici deyil? Bəlkə Azərbaycan bölməsində rus dili üzrə dərs saatlarını artırıb, rus bölməsində azərbaycan dilinun tədrisinə daha ciddi yanaşaq? Bəlkə bunun əsas və başlıca səbəblərindən biri elə təməl sayılan uşaq bağçalarında rus və ingilis dillərinə xüsusi yer ayrılmasıdır , bir çox elit ailələrin dəb xatirinə ailədə və məışətdə rus dili danışığına üstünlük verməsidir, bəlkə bir çox ailələrinin çörəyinin Rusiyadan çıxmasıdır, bəlkə əksəriyyət qurum və şirkətlərin işə qəbul olunanlar qarşısında rus dilini mükəmməl bilmək tələbi qoymasıdır? Bəlkə yaxın gələcəkdə ali məktəblərimizlə bağlı belə bir problemin yaşanmaması, bir çox məzunların Rusiyanın ikinci, üçüncü dərəcəli ali məktəblərinə üz tutacaqlarının qarşısını almaq üçün qabaqlayıcı tədbirlərin həyata keçirilməsinə ehtiyac var? Ana dilimizin təhsil və elm sahələrində funksional olması üçün etdiklərimiz bəlkə kifayət etmir və s. və i.a. Yəni vəziyyət bir çox təbii və süni proseslərin ciddi araşdırılmasını tələb edir. Təbii proseslərin qarşısını süni yollarla almaq isə kompassız okeana çıxmağa bərabər bir şeydir. Buna görə də gəlin çalışaq, problem hesab etdiyimiz məsələ barədə dərindən düşünmədən konkret qərar verməyək. Bir də ki, ümumiyyətlə belə bir addımın atılması hər şeydən əvvəl Azərbaycan Respublikasının qanunvericiliyi, eləcə də insan hüquqları ilə daban-dabana zidd bir hərəkət kimi qiymətləndirilə bilər. Nadir İsrafilov, təhsil eksperti

22 Noyabr 2016 2:09

Gəncə Dövlət Universitetindən çağırış-“ düşünməyin ki, sifariş yerinə yetirdiyiniz sezilmir”

14143

Saytın elektron poçtuna daxil olan bu məktubu əvvəl dərc etmək fikrindən yan keçdik. Ancaq   Gəncə İmamzadə Kompleksinin axundu Hacı Tahir Abbasovun özündə cəsarət tapıb danışmasından sonra  Gəncə Dövlət Universiteti barədə bir müddət əvvəl sayta daxil olan  mətni yenidən nəzərdən keçirməli olduq. Çünki,etinasız yanaşdığımız bu məsələnin də həqiqətə yaxın olması ehtimalı artdı. Bu səbəbdən Faktinfo.az saytının elektron ünvanına daxil olan mətni olduğu kimi dərc edirik: Faktinfo.az saytını bəlli bir müddətdir ki, izləyirik. Açığı, toxunduğunuz mövzular çox əhəmiyyətli olduğundan və məntiqin nəzəri əsasları ilə uzlaşdığından saytdakı yazıları mütəmadi olaraq oxuyuruq. Həqiqətən deyə bilərik ki, maarifləndirmək, məlumatlandırmaq, islah olunmaya çağırışlar yazılarda əhəmiyyətli dərəcədə hiss olunur. Bəzən olur ki, saytınızda yer alan xəbərlər təklif  xarakterli olur, təkrarlanmasını istəmədiyiniz səbəblərdən çağırışlar edilir. İnanırıq ki, biz səhv etmirik, bir neçə sayta üz tutub soruşduğumuz  kimi sizə də sual etmək istəyirik: onlarla sayt Gəncə Dövlət Universitetinin rektoru Yusif Yusifovu durmadan tənqid edir. Oradakı vəziyyəti dözülməz hesab edib, fikir yürüdür. Bu düzgün haldırmı?! Faktinfo.az saytını Gəncə Dövlət Universitetini qərəzli tənqid etməyən azsaylı saytlardan hesab etdiyimizdən, sizin vasitənizlə bildirmək istəyirik ki, Gəncə Dövlət Universitetində vəziyyət bir qrup saytın yazdığı və düşündüyü kimi deyil. Məlum saytlar (adlarını çəksək şərəfləndirmiş olarıq) Gəncə Dövlət Universitetinin rektoru haqqında haqsız tənqid yazırlar, bu zaman elə düşünürlər ki, onların hər hansı bir sifarişi yerinə yetirdiyi sezilmir,yazılarında guya Şəhər rəhbərliyində çalışan bəzi şəxslərin  maraqlarının təmsilçisi rolunda çıxış etmirlər. Görəsən,məlum əsasları nəzərə almadan yazarkən, düşünmədən fikir yürüdərkən, kimlərinsə maraqlarına xidmət etdiklərini bu qədərmi əhəmiyyətsiz hesab edirlər? Həqiqətənmi, məlum saytların rəhbərləri xəbərsizdirlər ki, niyə Gəncə Dövlət Universitetində son 8 ildə üç rektor dəyişib, hər üç rektor da hansı səbəbdən təzyiqlərlə üzləşib? Məgər, baş verənləri, rektor dəyişikliklərini anlamaq bir o qədər mürəkkəbdir ki, artıq bəzi saytlar alətə çevrildiklərinin fərqində olmadan sifariş yerinə yetirirlər?! Bunları anlamaqda çarəsizdirlər? Belə sayt rəhbərləri özlərinə  “bunu nə qədər etməliyik, öhdəlikmi götürmüşük” sualını verəcəklərmi?

16 Noyabr 2016 12:37

O, “Təhsil Naziri uşaqlıq dostumdur”

tramp-44

Özünü təhsil naziri Mikayıl Cabbarovun sinif yoldaşı kimi təqdim edən və Gəncədə fəaliyyət göstərən 8 saylı regional hesablaşma mərkəzinin rəis müavini vəzifəsini daşıyan Vüsal Məmmədovun "işgüzarlığından" bəhs edən açıqlamamızı, geniş ictimaiyyətin diqqətinə də çatdırmışdıq. O, “Təhsil Naziri uşaqlıq dostumdur" deyərək, hal-hazırda 8 saylı Maliyyə Hesablaşma Mərkəzində vəzifəsindən asılı olmayaraq, hər kəsi ilə hesablaşmağa məcbur edib. Necə deyərlər, “kəndxudanı gör, kəndi çap”. Daha öncədən də məlumat verdiyimiz kimi, o, təhsilə satıcılıqdan gəlsə də, təhsil sahəsində öz qayda-qanunları ilə özünün marağına cavab verən iş də qura bilib. Belə ki, onun bildirdiyinə görə, “ixtisasca hüquqşünas olmağıma baxmayaraq Mikayıl Cabbarov nazir təyin olunduqdan az sonra, məni satıcılıqdan təhsilə gətirdi və Gəncədəki 1saylı Peşə Liseyinin direktor da təyin etdi”. Bəli, bu gün Vüsal Nüsrəddin oğlu Məmmədov hal-hazırda 8 saylı Ərazi Maliyyə Hesablaşma Mərkəzində rəis müavini işləsə də, liseyİ də əldən buraxmır. O, özünə münasib olan və əvvəllər də dəmir yolunda mexanik işləyən, eyni zamanda işdə törətdiyi xətalar ucbatından daşıdığı vəzifəsindən uzaqlaşdırılan Hüseyn Hüseynovu, ustalıqdan direktorluğa qədər yüksəltməklə, təsir dairəsində saxladığı "obyekti"ni ona havalə edib. Hal-hazırda adı çəkilən liseydə əsaslı təmirin gecikdirilməsinə səbəb də, Vüsal Məmmədova məxsus sexlərin fəaliyyət göstərməsidir. Belə ki, 1 saylı Peşə Liseyinin həyətindəki emalatxanda mebel, metal və xalça sexləri fəaliyyət göstərir. Sexlərdə mətbəx, ofis və məktəblər üçün mebellər və s. istehsal olunur. İstehsaldan əldə olunan gəlirlər də, birbaşa Vüsal Məmmədova çatdırılır. Görəsən necə olub ki, bu cür fəaliyyət növü ilə məşğul olan sexlər Vergilər Nazirliyi ilə bərabər, Təhsil Nazirliyinin də nəzərindən yayınır? Liseyin həyətində fəaliyyət göstərən sexlərdən əldə olunan gəlirlərdən başqa, adı dərs jurnallarında gedən, amma özü dərs üzü tanımayan tələbələrin təqaüd kartlarından görəsən xəbəri olan varmı? Məsələ ilə bağlı Hüseyn Hüseynovla görüşsək də, onun məsələyə münasibətindən belə aydın oldu ki, onu liseyə formal olaraq direktor əvəzi təyin ediblər. Əslində adı hallanan sexlərin və təqaüd kartlarının ona heç bir aidiyyatı yoxdur. Yəni, bütün bunların bir ucu Vüsal Məmmədova, bir ucu isə, onu əvvəlcə liseyə direktor, sonra isə hesablaşma mərkəzinə "Ağa" təyin edən nazirliyə gedib çıxır. Bundan başqa, əldə etdiyimiz daha bir ilginc məlumat da var ki, Vüsal Məmmədov bacısını liseyə təsərrüfat işləri üzrə direktor müavini, Nəcəf adlı dostunu isə, tədris işləri üzrə direktor müavini təyin edib. Müəllim və tələbələrin (əgər onların əksəriyyəti də yerindədirsə) tanımadıqları daha kimlər.... Liseydən əldə olunan gəlirlər yəqin ki, ancaq Vüsalın bildiyi istiqamətdə xərclənilir. Bütün bunlara görə Vüsal Məmmədov özünü bazar iqtisadiyyatına uyğun kökləyir və "biz pul qazanmağı bacaran oğlanlarıq" da deyir. Ticarət aləmində yaxşı təcrübə toplayan rəis müavini, bu gün ticarətdə öyrəndiyini təhsildə də tətbiq edir. Hətta, iş o yerə çatıb ki, Vüsal Məmmədovun etibar etdərək liseyə direktor müavini təyin etdiyi Hüseyn Hüseynov da, onun tövsiyyələrinə rəğmən KİV haqqında qanunlara deyil, özünün dediyi kimi Mikayıl Cabbarov “bizə jurnalistlərin suallarına qətiyyən cavab verməyin, sualları varsa, göndərin nazirliyə” deyir. Hal-hazırda isə, liseydə dərsə davamiyyət olaraq tələbələr gözə dəyməsələr də, sexlər dayanmadan fəaliyyət göstərməkdədirlər. Bunların müqabilində Vüsal Məmmədovun dediyinə görə, Gəncə çayının kənarında tikilən və təmir olunan obyektə də pul xərcləyir. Görəsən bu obyektin təhsilə nə aidiyyəti var? Bəlkə həmin obyekt onun özünün və yaxud da.... Nə isə, bu barədə növbəti sayımızda. Həmin obyektin kimə məxsus olması ilə bağlı apardığımız araşdırmalardan sonra, ictimaiyyətə bu yöndə geniş açıqlamalar verəcəyik. Hal-hazırda 8 saylı Ərazi Maliyyə Hesablaşma Mərkəzində əsaslı cari təmir işləri üçün 2016-cı il büdcə vəsaitindən 6 rayona və Gəncəyə ayrılan vəsaitin necə xərclənməsindən görəsən nazirin xəbəri varmı? Deyəsən Vüsal Məmmədovun sözündə böyük bir həqiqət var, o da onun əməlli-başlıca pul qazanmağı bacarmasıdır. Axı, Vüsal Məmmədov təhsil sahəsinə gəlməzdən öncə o, ticarətdə “saqqal ağardıb”. Belə çıxır ki, təhsil şöbələrinin regional mərkəzlərdə birləşməsi haqqında ölkə başçısının 2014-cü ildə imzaladığı və 2015-ci il yanvarın 1-dən qüvvəyə minən sərəncamının hələlik tam olaraq yerinə yetirilməməsi, sadəcə olaraq sərəncamın bir istiqamətdə aparılmasına, sadəcə olaraq maliyyəni ələ keçirməkdən başqa nəyəsə xidmət etməyib. Hələlik Gəncəbasarda aparılan "islahatlardan" görünür ki, ölkə başçısının verdiyi sərəncamın xeyrini, təhsil strategiyasına uyğun olmadan Mikayıl Cabbarovun adı ilə onun dostu, səlahiyyətlərini təhsilin həm təchizat, həm də kadr məsələrini icra edən Vüsal Məmmədov görür. Araşdırmamız davam edəcək

12 Noyabr 2016 12:20

Aqrar Universitetin təzə saldığı dendroloji bağ Həsən Əliyevin adını daşıyacaq

tramp-44

Faktinfo.az xəbər verir ki, Azərbaycan Dövlət Aqrar Universitetinin aqranomluq fakültəsinin ərazisində, 1 hektara yaxın ərazidə salınan akademik Həsən Əliyev adına dendroloji bağda ağac əkininə başlanıb. ADAU-nun mətbuat xidmətində verilən xəbərə görə təhsil müəssisəsinin rektoru, professor, AMEA-nın müxbir üzvü İbrahim Cəfərovun təşəbbüsü və xeyi-duası ilə salınan bağda hələ bir neçə gün əvvəl torpağın səthi hamarlanıb, daş və çınqıllardan təmizlənib, əkiləcək ağaclar üçün çalalar qazılıb. Bu gün isə ağac əkininə start verilib. Aqranomluq fakültəsinin müəllim, laborant və tələbə kollektivinin iştirak etdiyi ağacəkmə kompaniyasında torpağa ilk ağacı da rektor İbrahim Cəfərov əkib. Nəzərdə tutulan əraziyə qısa vaxt ərzində Cənubdan, Böyük və Kiçik Qafqazdan gətirilən 150-dən çox ağac əkilb. Daha 150 ağac isə yaxın günlərdə əkiləcək. Universitetin Bilogiya kafedrasının müdiri Zaur Hümmbətov deyib ki, bu bağ görkəmli alim, Azərbaycan təbiətinin bilicisi Həsən Əliyevin xatirəsinə salınır, burada 20 növdən artıq relikt və endem ağac əkilir. Yaxın bir neçə gündə isə bu bağda damcı suvarma sistemi də yaradılacaq. Salınan dendroloji bağ ekologiyanın sağlamlaşdırılması ilə yanaşı tələbələrin təcrübə sahəsi kimi də mühüm əhəmiyyət daşıyacaq. Qalib Rəhimli   

11 Noyabr 2016 6:38

“Dumanda itən” UNEC: Ədalət Muradovun idarəçiliyi sayəsində…

1478843743_333

      3,5 milyonun müəmmalı taleyi, 100-lükdəki ilk 10-luq, Şah Sarayını xatırladan rektorluq və s.                 Azərbaycan Dövlət İqtisad Universiteti (ADİU) ilə bağlı yazımıza ictimai maraq gözlənildiyindən də artıq oldu. 10 gün əvvəl saytımızda yer alan “Ədalət Muradovun idarəçilik prinsipi: Reklam, Reklam yenə də Reklam!” sərlövhəli yazıda bu ali təhsil müəssisəsi ilə bağlı redaksiyamıza daxil olmuş məlumatların bir qismindən bəhs etmişdik. O gündən bu günədək demək olar ki, hər gün bu istiqamətdə redaksiyamıza yeni məlumatlar daxil olmaqdadır. Öncədən qeyd edim ki, bundan sonra ADİU-ni UNEC olaraq yazmalı olacağıq. Təkcə ona görə yox ki, rektor Ədalət Muradov bu ifadədən xoşlanır, həm də ona görə ki, rektorun bu “yeniliyi” tirajlandıqca müşahidə olunacaq ictimai reaksiyanın da maraqlı olacağı gözləniləndir...     Hesablama Palatasının yoxlaması “yuxuları ərşə çəkib”      Bu ayın 2-ci günündə Hesablama Palatasının sədri Vüqar Gülməmmədov “Təyinatdankənar istifadə: diaqnostikası və hüquqi problemlər” başlıqlı məqaləsində bu ilin altı ayı ərzində 26,8 mln. manat dövlət vəsaitinin təyinatı üzrə xərclənmədiyini qeyd edib: Hesablama Palatası tərəfindən 2014-2015-ci illərdə həyata keçirilmiş nəzarət tədbirləri nəticəsində müvafiq olaraq 18 mln. manat və 49 mln. manat məbləğində vəsaitin Vahid Büdcə Təsnifatının iqtisadi və funksional təsnifat kodunun dəyişdirilməsi ilə icra edildiyi müəyyən olunub: “2016-cı ilin altı ayı üzrə isə bu məbləğ 26,8 mln. manat təşkil edib. Hesablama Palatasının nəzarət tədbirlərinin nəticələri üzrə məlumatların təhlili təyinat dəyişikliyinin daha çox icra prosesində rast gəlinməsi ilə yanaşı, problemin proqnozlaşdırılma dövründə də mövcud olduğunu göstərir. Eyni zamanda vəsaitlərin icrası zamanı təyinatın dəyişdirilməsi bir çox hallarda yenə də proqnozlaşdırma prosesinə əsaslı yanaşmanın tətbiq edilməməsi ilə bağlıdır”. Bu sitat təsadüf olmadı. UNEC ilə bağlı xeberinfo.com-a daxil olan məlumatlar sırasında Hesablama Palatasının da adı çəkilir. Daha doğrusu Hesablama Palatasının bu ilin sentyabrından UNEC-də apardığı yoxlama və bunun nəticələrindən də bəhs olunur. Belə ki, məlumata görə, Hesablama Palatasının bu ilin sentyabrından UNEC-də apardığı yoxlamalarla 3,5 milyonluq dövlət vəsaitinin təyinatı üzrə xərclənmədiyi aşkarlanıb. Əvvəlcə 1 milyon, ardınca da 2,5 milyon manat təmir adı ilə “yoxa çıxıb”. Təmir olunan isə əsas binanın 1-ci mərtəbəsində bir iclas zalıdır: vəssalam. Bu faktın aşkarlanmasından sonra Hesablama Palatasının bugünlərdə yenidən yoxlamaya start verdiyi bildirilir... Əsas olan isə “yoxa çıxan” dövlət vəsaitinin yerinə qaytarılmasıdır. Məlumata görə Ədalət Muradov bu məbləğin ödənilməsini iqtisadi məsələlər üzrə prorektor Mikayıl Zeynalova və UNEC-in maliyyə departamentinin rəisi Nəsimi İsmayılova tapşırıb. Həm də sərt şəkildə: “əks halda sizi yayda işdən qovulan 9 nəfərin taleyi gözləyir”. Senari eynidir: özü isə o zaman olduğu kimi, indi də xaricdədir-bu dəfə Fransada. Yeri gəlmişkən, məlumatda o da deyilir ki, rektor prorektorlarına münasibəti də dəyişməkdədir. Əvvəllər xaricə səfər edərkən vəzifəsinin icrasını iqtisadi məsələlər üzrə prorektor Mikayıl Zeynalova həvalə edən rektor bu dəfə beynəlxalq əlaqələr və proqramlar üzrə prorektor Şahin Bayramova üstünlük verib. Ədalət Muradovun bu seçimi isə UNEC daxilində müxtəlif söz-söhbətlərə yol açmaqdadır... Mikayıl Zeynalov                               Şahin Bayramov                    Differensial əməkhaqqında seçim prinsipləri UNEC ilə bağlı  sayta daxil olan məlumatlarda differensial əməkhaqqı ilə də bağlı detallar yer alır. Qeyd edək ki, differensial əməkhaqqı da hörmətli rektorun yeniliklərindəndir. Professor-müəllim heyətinin xidməti fəaliyyətinin qiymətləndirilməsinə əsaslanan differensial əməkhaqqı sistemi ilə bağlı zamanında UNEC-dən rəsmi açıqlama da olub: bu sistem artıq 2015-2016-cı tədris ilindən UNEC-də tətbiq olunmağa başlayıb. Bununla da Azərbaycanda ilk dəfə olaraq, məhz UNEC-də professor-müəllim heyətinin elmi-pedaqoji fəaliyyətinin obyektiv kriteriyalar əsasında qiymətləndirilməsinə əsaslanan və yetəri qədər də təkmil bir sistem olan differensial əməkhaqqı sistemi işə düşüb.  Amma,...UNEC-də bu sistemin tətbiqi və işləməsi ilə bağlı qapalı (Bəzən də açıq.) kütləvi narazılıqlar dolanmaqdadır. Differensial əməkhaqqına layiq bilinən 100-lük deyilən bir heyət var. Bu 100-lükdə də ilk 10-luq deyilən kiçik bir heyət. UNEC-dən sayta verilən məlumatda diqqət çəkən bir fakt var: Türkiyə təhsilinə bağlılıq. İlk 10-luqda yer alan heyət üzvlərinin 7-si Türkiyə təhsillidir. 100-lükdə yer alan heyət üzvlərinin isə əksəriyyəti Türkiyə təhsilinə hansısa formada bağlılığı olanlardır. Ən azı qardaş ölkədə elmi konfranslarda iştirakçı olmuşlar(?) UNEC rektorunun bu ayr-seçkiliyinin də səbəbsiz olmadığı bildirilir. Bəzi media orqanlarında (kifayət qədər olmasa da) yazıldığı kimi məşhur FETÖ şəbəkəsinin adı hallanır. (Bu haqda qarşıdakı günlərdə geniş yazacağıq.) Rektorluq, yoxsa Şah Sarayı? Ədalət Muradovun yeniliklərindən biri də “rektorluq” deyilən əsas korpusla bağlıdır. Artıq rektorluğun koridorlarında az qala saatlarla bir kimsə görünmür. Eyni ilə Şah Sarayı kimi sakitlik: koridorun o başında uçan milçəyin səsi belə eşidilir. İlk baxışdan bu təqdirolunası hal kimi də görünə bilər. Amma,...UNEC-in “Gənclik korpusu” kimi tanınan Həsən Əliyev k. 135 ünvandakı tədris korpusunun pilləkənləri “titrəyişdən dayanmır”. Əsas korpusdakı fakültələrin “Gənclik korpusu”na köçürülməsi dözülməz vəziyyət yaradıb. Müəllim və tələbələrin çoxluğu səbəbindən de-fakto bu korpusun pilləkənlərində hərəkət mümkünsüz hala çatıb. Rektor isə özünün “Şah Sarayında” bütün bu yaşananlardan xəbərsizcəsinə oturub. 5-3 yaxın ətrafı istisna olmaqla heç kimi qəbul etməyərək... Ardı var Faktinfo.az

11 Noyabr 2016 6:06

Azərbaycan Texnologiya Universitetinin rektoru bazar açıb

yagis-77

Azərbaycan Texnologiya Universitetinin rektoru Akif Süleymanovun qanunsuz əməlləri ilə bağlı Hurriyyet.org-un elektron poçtuna şikayət məktubu daxil olub. Universitetin müəllim və tələbə kollektivinin adından göndərilən müraciəti olduğu kimi dərc edirik: “Azərbaycan Texnologiya Universitetinin rektoru Akif Süleymanov haqqında Korrupsiya idarəsində açılan işin, ağır cinayətlər üzrə məhkəməyə verilməsi, görünür ki, rektoru o qədərdə narahat etmir. 2014-cü ilin mart ayından Azərbaycan Texnologiya Universitetinə rektor təyin olunan Akif Süleymanov, çox keçmədi ki, Texnologiya Universitetinin adını rüşvətlə ön sıralara qadırdı. 2015-ci ildə Maliyyə Nazirliyinin Texnologiya Universitetində aşgarladığı, saxta sənədlərlə mənimsənilən bir milyona yaxın pulun, 500 min manatını (sabiq baş mühasib) Amil Mirzəyev maliyyə büdcəsinə qaytarsada, yerdə qalan 500 min manat dövlət büdcəsinə ödənilməmişdir. Azərbaycan Texnologiya Universiteti haqqında Korrupsiya İdarəsində qaldırılan cinayət işi hal-hazırda ağır cinayətlər üzrə məhkəmədə davam etdir. Buna baxmayaraq Texnologiya Universitetinin rektoru Akif Süleymanov çirkin əməllərindən geri qalmır. Texnologiya Universitetinin rektoru Akif Süleymanov, Universitetin giriş qapısına terminal qurlaşdırılması və qurulan terminalın "kart" sistemi ilə işləməsi, kartların tələbələrə 5 manata, müəllimlərə 10 manata verilməsini universitetin işcisi İmdad adlı şəxsə tapşırıb. Texnologiya Universitetinin 2500 tələbəsi, 500 işcisi olduğundan, ümumi 2500 tələbədən 12500 manat, 500 müəllimdən 5000 manat pul yığılıbdır. Diqqətinizə çatdırım ki, Texnologiya Universiteti tələbələrin ödənişi əsasında maliyyələşdiyindən versitetdə görülən işlər və alınan avadanlıqlar da həmin tələbələrin ödənişindən tutulmalıdır, yəni kartların tələbələrə və müəllimlərə, həmin tələbə ödənişindən universitetin büdcəsindən pul ayırılaraq alınmalıdır. Azərbaycan Texnologiya Universitetinin texniki işcilərinin aldıqları maaş digər universitetin texniki işcilərindən 50 manata yaxın fərqlənir, Universitetində və Gəncə AQRAR Universitetində texniki işcilər 200 manata yaxın maaş aldıqları halda, Texnologiya Universitetində texniki işcilərin maaşı 130-150 manat arasında fərqlənir. Akif Süleymanov 130-150 manat pul alan texniki işcidən və müəllimdən 10 manat yığması rüşvətin hansı həddə oduğu açıq görünür. Akif Süleymanov Texnologiya Universitetinin "DƏFTƏRXANA" şöbəsinə tapşırıb ki, Universitetin işciləri dəftərxanaya yardım ərizəsi gətirəndə, ərizədən imtina edin, gətirən işciyə bildirin ki, Texnologiya Universiteti "NƏZİR" verilən yer deyil. Akif Süleymanovun özünə məxsus cavabı təsdiqini tapır, Universitet həqiqətən də "NƏZİR" verilən yer deyil, rüşvət alınan yerdir. (Hurriyyet.org) Texnologiya Universitetin maliyyə büdcəsini istədiyi kimi istifadə etməyə Universitetin rektorunun haqqı yoxdur, bu korrupsiyanın dözülməz həddidir. Müəllimlər artıq Akif Süleymanovun çirkin əməllərindən cana gəlib. Dəfələrlə Gəncə Şəhər İcra Hakimiyyətinin başcısı Elmar Vəliyevə və Təhsil naziri Mikayıl Cabbarova rekrtorun çirkin əmələrindən şikayət olunsa da, təəssüflər olsun ki, heç bir nəticə olmayıb. Odur ki, cənab Prezident İlham Əliyevdən Azərbaycan Texnologiya Universitetinin Rektoru Akif Süleymanov haqqında ciddi tədbir görülməsini xahiş edirik”. Qarşı tərəfin də mövqeyini dərc etməyə hazırıq. Faktinfo.az

4 Noyabr 2016 6:05

Ədalət Muradovun idarəçilik prinsipi: Reklam,Reklam yenə də Reklam!

filippin-preezidenti-31

Keçmiş rəhbərliyin əməyi “özəlləşdirilir”, təhsil ekspertləri ilə “əməkdaşlıq”, xarici ölkələrə müəmmalı silsilə turlar və s. Xeberinfo.com: Azərbaycan Dövlət İqtisad Universitetinin (ADİU) rektoru Ədalət Muradov həmkarları ilə müqayisədə mətbu gündəmi zəbt edənlərdəndir. Rektor vəzifəsinin icrasına başladığı uzun müddət olmasa da (05.03.2014) onun fəaliyyəti haqqında kifayət qədər ziddiyyətli məlumatlar yazılmaqdadır. Bu yazılarda cənab Muradovun formalaşdırmağa cəhd etdiyi yarıtmaz idarəçilikdən, tədris prosesindəki qüsurlardan, rüşvətin tüğyan etməsindən və s. bəhs olunur. Maraqlıdır ki, nə universitet tərəfindən, nə də şəxsən Ədalət müəllim tərəfindən bu kimi faktlara cavab verilmir. Bu faktor isə həm də yazılanların doğruluğunu stimullaşdıran amil sayıla bilər... Məramı bəlli olmayan xarici turlar Ötən həftə ABŞ-ın, əsasən, elmi məlumatlar dərc edən «USNews&Worldreport» qəzeti dünyanın ən yaxşı universitetlərinin siyahısını açıqladı. Siyahıda 1000 universitet sırasında qonşu ölkələrin-Türkiyə, Rusiya, İran və hətta Gürcüstanın da bir universitetinin adı var... Azərbaycandan isə heç bir ali təhsil ocağı bu sırada yer almayıb. Nə qədər təəssüf doğurucu olsa da, təəccüblü deyil.   Bu faktı təsadüfən yada salmadım. ADİU-nin rektoru Ədalət Muradovun fəaliyyətində diqqət çəkən faktlardan biri də onun və universitet rəhbərliyində təmsil olunanların xaricə silsilə səfərləridir. Hörmətli rektorun bu iki ildə Cənubi Koreyadan tutmuş Amerika Birləşmiş Ştatlarına (ABŞ) qədər səfər etmədiyi ölkə demək olar ki, qalmayıb. Komanda üzvləri də eləcə. Ədalət müəllim son iki ildə ABŞ-a iki dəfə səfərdə olub. Şübhəsiz ki, bu səfərlər universitetin büdcəsindən maliyyələşir. Həm də az olmayan məbləğdə. Olsun, belə qəbul edək ki, bu səfərlər universitetin maraqlarına hesablanıb. Amma,.. xeberinfo.com-a bu səfərlərin bəzi gizlinləri haqqında kifayət qədər ciddi sayıla biləcək məlumatlar daxil olub... Bu haqda qarşıdakı günlərdə yazacağıq. Hələlik isə yerində verilən bir-iki sual: qısa müddətdə bunca xarici səfərlərin nəticəsi nə? Hansı uğura imza atılıb? Və s.   Beynəlxalq Tempus layihəsi çərçivəsində ADİU-nun koordinator qismində qalib gəldiyi cavab ola bilər. Olsun, amma unutmayaq ki, bu layihəyə 2013-cü ildən start verilib. Başqa sözlə, bu uğur universitetin indiki deyil, əvvəlki rəhbərliyinin adına yazılmalıdır... 620 min manatlıq rüşvət müəmması Xatırlayırsınızsa, bu ilin iyulunda ADİU-də 620 min manatlıq rüşvətlə bağlı məlumat yayıldı: “universitetin 9 nəfər müəlliminin tələbələrdən ümumilikdə 620 min manat rüşvət alması faktının üstü açılıb. Bunu bilən ADİU-nun rektoru Ədalət Muradov dərhal həmin müəllimləri işdən qovub. İşdən çıxarılanlar arasında Universitetin ümumi işlər üzrə sabiq prorektoru Elçin Əliyev, Tədris-Metodiki Mərkəzinin “Texniki və texnoloji ixtisaslar” üzrə direktor müavini Nizami Musayev, Azərbaycan Dövlət İqtisad Universitetinin indiki prorektoru Şaiq Əsgərovun yaxınları da var. İşdən çıxarılan bu şəxslərin kəsiri olan tələbələrdən 620 min manat rüşvət alması iddia olunur. Hazırda sözügedən məsələ ilə əlaqədar rektorun tapşırığı ilə müvafiq araşdırma aparıldığı deyilir və yaxın vaxtlarda digər müəllimlərin də rüşvətə görə işdən çıxarılacağı gözlənilir”. Bu hadisədən 4 aya yaxın vaxt keçir. O vaxt deyildiyi kimi, əgər araşdırma aparılıbsa, nəticə nədir və nə üçün mətbuata açıqlanmır? Yox, əgər araşdırma aparılmayıbsa, nə üçün? Niyə hörmətli rektor Azərbaycan oxucusuna verdiyi sözü tutmayıb? Bu haqda da xeberinfo.com-a maraqlı məlumatlar daxil olub. Məlumata görə bu hadisənin Ədalət Muradovun Cənubi Koreyada səfərdə olarkən baş verməsi heç də təsadüf olmayıb(?) Hadisə iştirakçıları sadəcə “mühüm tapşırığ”ı icra ediblər... Prosesin uğursuz nəticələnməsinin səbəbi isə tələbələrdən birinin yüksək rütbəli zabit atasının yuxarı dairələrə şikayəti olub.... və 9 müəllim “qurbanlıq” olub. (Hadisənin detalları ilə bağlı qarşıdakı günlərdə yazacağıq.) Bu olayda adı hallanan Elçin Əliyev o zaman “Mülkü müdafiə” kafedrasına rəhbərlik edirmiş. Özü də rektora yaxınlığı ilə seçilib. Hətta bu gün də onların isti münasibətlərinin olduğu deyilir... Rektorun hər ay Elçin Əliyevə “salamlar” göndərməsi də verilən məlumatlar sırasındadır. Reklam, Reklam, yenə də Reklam Ədalət Muradovun fəaliyyəti ilə bağlı xüsusi ilə diqqəti çəkən faktlardan biri də reklam işi ilə bağlıdır. Söhbət ADİU-də tədrisdəki hansısa uğurun yerli və xarici dairələrdə reklamından getmir. Olmayan hansısa əməlin, ən yaxşı halda isə reallaşdırılması nəzərdə tutulan hansısa layihənin gurultulu reklamı Ədalət müəllimin idarəçiliyində əsas meyardır. Həm də elə ustalıqla ki, adam bu dərəcədə peşəkar reklamçılığa qibtə etməli olur. Əsası ümumilli lider tərəfindən qoyulmuş bu təhsil ocağının adının dyişdirilib UNEC adlandırılmasına cəhd etmək, jurnalistlərin iştirakı ilə imtahan keçirmək, “Tək pencərə” təcrübəsi və s. Bütün bunlar reklam işinin kiçik bir qismidir. Təəssüf ki, bəzi tanınmış təhsil ekspertləri, media orqanları da bu reklam işində aparıcı vasitələrə çevriliblər. Hörmətli təhsil ekspertləri bu universitetdə olmayan uğurlardan həvəslə danışırlar. Hətta o dərəcədə ki, ADİU-ni tanımayanlar Azərbaycanda ikinci Harvard Universitetinin varlığını xəyal edərlər. Mənbəmiz bu təhsil ekspertlərinin fəallığının da təsadüf olmadığını bildirir... Hələlik bu qədər. Qarşıdakı günlərdə aşağıdakı suallara aydınlıq gətirməyə çalışacağıq:  Professor elmi dərəcə müdafiəsində çıxışı zamanı hansı siyasi səhvi buraxıb?  ADİU-də tətbiq olunan differensial əmək haqqı nə dərəcədə qanunauyğundur? Bu əmək haqqı hansı prinsiplərlə və kimlərə tətbiq olunur? Məşhur FETÖ şəbəkəsinə bağlılığda kimlərin adı hallanır? Rektor kadr seçimində hansı prinsiplərə üstünlük verir? ADİU-nin baş kassiri Nəsimi İsmayılova tanınan xüsusi imtiyazın gizlinləri... Və s. Faktinfo.az    

2 Noyabr 2016 7:10

FETÖçulara qarşı mübarizə daha iki universitetdə aparıla bilər

un

Türkiyədə fövqəladə vəziyyətin oktyabr ayının 19-dan daha üç ay uzadılması FETÖçulara qarşı mübarizənin ikinci mərhələsinə qədəm qoyulmasından xəbər verir. Ondan əvvəl isə Gülənin varisinin elan edilməsinə dair xəbərlərin yer alması, ardınca Mərkəzi Kəşfiyyat İdarəsinin mətbuatdakı qələmi kimi tanınan Maykl Rubinin “American Enterprise İnstitute” üçün yazdığı məqaləsində üçüncü çevriliş cəhdinə hazırlıqların getdiyini vurğulaması FETÖ məsələsinin hələ bir neçə ay gündəmdə qalacağından, Gülən camaatına qarşı ciddi mübarizə tədbirlərinin görüləcəyindən xəbər verir. FETÖçuların proyekti “konsept” olaraq,  xalqları qarşı-qarşıya qoymaqdan,terror təşkilatından başqa bir şey olmadığı müəyyən olundu. FETÖçuların Azərbaycan Respublikasında, Orta Asiyada, hətta Rusiya dövlətinin özündə möhkəmlənməsi və hakimiyyət dairələrinə sızması 15 iyul Türkiyədəki məlum çevriliş cəhdindən sonra bir daha təsdiqləndi. Türkiyədə baş tutmayan çevriliş cəhdi FETÖçuların “ağalarını” məyus edib ifşa olunmalarını mümkünləşdirə bildi. Amma, onların tam zərərsizləşdirməsi hələdə mümkün olmayıb. Belə çıxır ki, onlara qarşı mübarizə hər yerdə olduğu kimi, ölkəmizdə də aparılacaq və ən çox kök atdıqları təhsil sistemindən təmizlənməsinə cəhd göstəriləcək. Çünki, bir az əvvəl ölkəmizdə FETÖçuların kimliyinə dair məlumatların Türkiyədən Azərbaycan Respublikasının Baş prokuroru Zakir Qaralova göndərilməsi ilə bağlı xəbərlər ölkə gündəmini zəbt etdi. Elə bu səbəbdən mümkündür ki, Gülən camaatına bağlı şəxslərin hər yerdə təhsil müəssisələrində, o cümlədən,  Azərbaycan Dövlət İqtisad və Azərbaycan Texnologiya Universitetlərində  olub-olmadıqları  müəyyənləşdirilsin. Əks təqdirdə, MKİ-nin mətbuatdakı adamı kimi tanınan Maykl Rubinin sərsəm proqnozlarına yaxın hadisələr olarsa (Allah eləməsin), Gülən camaatının digər ölkələrdəki, o cümlədən, Azərbaycandakı “büro üzvləri” bundan ruhlanıb fəallaşar, Pensilvaniyadakı ağalarından əmr gözləyər. Bu səbəbdən mütləqdir ki, onların kökü ölkəmizdə əvvəlcədən kəsilsin. Faktinfo.az

31 Oktyabr 2016 6:49

İqtisad Universitetində dava, müəllim tələbələri ilə dalaşıb

eldar-111

Faktinfo.az-ın əldə etdiyi müfəssəl məlumata görə Azərbaycan Dövlət İqtisad Universitetinin  müəllimləri tələbələri ilə dalaşıb. Müəllimlər Müslüm İbrahimov və Əhliman Zamanovun IV kurs tələbələri ilə dalaşması səbəbindən 3 tələbə rektor Ədalət Muradovun əmrinə əsasən universitetdən qovulub. Faktinfo.az-ın əldə etdiyi məlumatdan o da aydın olub ki, Müslüm İbrahimov ADİU-nun II korpusunda yerləşən iqtisadiyyat fakültəsinin müəllimidir, onunla tələbələrə qarşı davada  iştirak edən digər müəllim yoldaşı  Əhliman Zamanovun  isə elmi dərəcəsi yoxdur, fakültəyə müəllim kimi yenicə işə götürülüb.Tələbələrlə dalaşan hər iki pedaqoq İrşad Kərimovun rəhbərlik etdiyi kafedranın müəllimləridir. Məlumat üçün  bildirək ki, baş vermiş davada tələbələrin təqsiri bilinməsi ilə valideynlər barışmır, onlar övladlarının ADİU-ya qısa bir müddətdə bərpa edilməsi üçün Prezident Adminstrasiyasına ,aidiyyəti qurumlara şikayət etmək istəyirlər. Bunu isə iqtisadiyyat fakültəsinin dekanı Asiman Quliyev istəmir, universitetdən qovulan tələbələrin valdeyinlərini razı salmağa çalışır ki,onlar şikayət etməsinlər.Çünki hadisə barədə artıq Respublika Prokurorluğu məlumatlıdır,dekan Asiman Quliyev bir neçə dəfə prokurorluğa çağrılıb.İndiki şəraitdə valideyin və tələbələrin digər dövlət qurumlarına şikayət etməsi fakultə dekanına əlavə problemdir ki,bu səbəbdən məsələnin böyüməsini,bir çox faktların aşkarlanmasını istəmir. Mövzunu diqqətdə saxlayacağıq. Faktinfo.az  

20 Oktyabr 2016 5:51

Rektor ətrafında baş verənləri qiymətləndirməyə başlayıb

eldar-111

Bakı Ali Neft Məktəbinin rektorunun  yaxın gələcəkdə Azərbaycan Respublikasının təhsil naziri ola bilmə imkanları artır. Bir müddət əvvəl ölkə KİV-lərində Bakı Ali Neft Məktəbinin rektoru Elmar Qasımovun təhsil naziri olacağına dair yayılan informasiyalara ötəri yanaşılsa da, hazırda bu, təsadüfi sayıla bilməz. 12-25 yaş arasında olan yeniyetmə və gənclərin dini sektalara üzvülük məsələsindən narahatlıq yaranırsa, bu siyasi hakimiyyətdə təhsil sahəsində boşluqların aradan qaldırılmasına dair əlavə imkanların götür-qoy edilməsindən xəbər verir.   Faktinfo.az saytına məlumatlı şəxsin dediklərindən aydın olur ki, Bakı Ali Neft Məktəbində hökm sürən şəffaflıq, nizam-intizam, tələbələr arasında olan həmrəylik ölkə rəhbərinin diqqətindən kənarda qalmır. Bununla, Elmar Qasımovun təhsili bilən, bu sahədə ixtisaslaşmış bir şəxs obrazı yaranır, onun çevrəsi genişlənir. Digər tərəfdən xarici ölkə nümayəndələrinin bu təhsil ocağında tədrisin səviyyəsi ilə maraqlanmaları təsadüfi sayılmır. Son 1 ildə Azərbaycan təhsil sistemində baş verən hərc-mərciliyin, rüşvət və özbaşınalıqların Bakı Ali Neft Məktəbindən yan keçməsi Elmar Qasımovun imkanlarının götür-qoy edilməsini gündəmə gətirir, onun Azərbaycan təhsilini bir addım qabağa çıxara biləcəyi ehtimallarını artırır. Rektor Elmar Qasımova gəlincə, ətrafında baş verənləri artıq o da qiymətləndirməyə başlayıb. Elə bu səbəbdəndir ki, Elmar Qasımov əvvəlki 8 saatlıq iş qrafikini 12 saat, bəzən də daha artıq saatlarla əvəzləyir. Yəqin ki, bu qədər göstərdiyi səyin perspektivdə nəyə hesablanması təsadüf sayıla bilməz. Faktinfo.az

20 Oktyabr 2016 1:42

Nurçular Leyla İsayevanın Ağstafa RTŞ-yə müdir təyin olunması üçün icra başçısına pul təklif ediblər.

dollar-300x169

Məlum olduğu kimi, ötən ilin oktyabr ayında Ağstafa Rayon Təhsil Şöbəsinin müdiri vəzifəsinə Leyla İsayeva təyinat almışdır. Bu barədə bizimdovr.az-a daxil olmuş açıqlamada deyilir: “Ötən ilin sonlarında Ağstafa Rayon İcra Hakimiyyətinin başçısı Məhərrəm Quliyevə nurçuların Gəncə-Qazax regional mərkəzindən müəyyən bir təklif gəlib. Elə bir təklif ki, Məhərrəm Quliyev ondan imtina edə bilməyib. Belə ki, nurçular Leyla İsayevanın Ağstafa RTŞ-yə müdir təyin olunması üçün başçıya çox böyük məbləğdə pul təklif ediblər. Bundan sonra başçı asanlıqla olmasa da, hər halda keçmiş müdir, mərhum Fərhad Vəliyevin işdən azad olunmasına və Leyla İsayevanın təyinatına nail ola bilib. Bütün bu qalmaqallar, haqsızlıqlar və təhdidlər nəticəsində Fərhad Vəliyev ürək çatışmazlığına məruz qalaraq, dünyasını dəyişib...” Mövzuya dair ötən saylarımızda dərc etdiyimiz yazılarda biz qeyd etmişdik ki, ölkəmizin təhsil sistemi artıq uzun müddətdir ki, nurçular hərəkatının hədəfindədir. Azərbaycanın təhsil sisteminə daxil olmaqla, bu təriqətin mənsubları on minlərlə uşaq və gənclərimizin milli-vətənpərvər ruhda formalaşmaları işini əngəlləməyə, yetişməkdə olan gənc nəslin düşüncə tərzini bizə yad ideologiyalara tabe etdirməyə çalışırlar. Ağstafanın təhsil sistemində cərəyan edən hadisələr isə, artıq təriqətçilərin onlara qarşı çıxan ayrı-ayrı fərdləri bilavasitə fiziki cəhətdən aradan götürmək üçün müxtəlif üsullara əl atdıqlarını deməyə də tam olaraq əsas verir. Bəlkə də Ağstafa RTŞ-nin keçmiş müdiri, mərhum Fərhad Vəliyevin ölümünü bədbəxt hadisə kimi qəbul etmək olardı. Lakin bir neçə gün bundan əvvəl oxşar hadisənin yenidən bu şöbədə təkrarlanması, artıq təsadüf amilini tamamilə istisna etmiş oldu. Bu xüsusda aldığımız açıqlamanı olduğu kimi sizə təqdim edirik: “Təxminən iki-üç həftə bundan əvvəl Ağstafa RTŞ-nin müdiri Leyla İsayeva şöbədə metodist vəzifəsində çalışan Sevinc xanımı yanına çağıraraq ona növbəti “mühüm” tapşırıq verib. Müdir Sevinc xanımdan tələb edib ki, rayondakı məktəb direktorlarının hər birindən hər ay iki min manat pul yığsın. Sevinc xanım bu tələbə öz etirazını bildirdikdə isə, Leyla İsayeva ondan işdən çıxmaq barədə ərizə yazmasını tələb edib. Bundan sonra Sevinc xanım icra hakimiyyətinə yollanaraq, şöbə müdirinin qanunsuz tələbi barədə başçını məlumatlandırıb və şikayətçi olduğunu bildirib. Lakin Məhərrəm Quliyevin cavabı Sevinc xanımı daha çıxılmaz duruma salıb. Başçı ona deyib ki, get, Leyla xanım nə deyir, ona da əməl elə. Amma bundan sonra şöbəyə qayıdan Sevinc xanım yenə də Leyla İsayevanın tələbi ilə razılaşmayıb. Nəticədə şöbə müdiri hədələr və təhdidlərlə Sevinc xanımı işdən çıxmaq barədə ərizə yazmağa məcbur edə bilib. Bütün bu baş verənlər səbəbindən güclü əsəb gərginliyi keçirən Sevinc xanım ağır xəstələnib və təxminən bir həftə ərzində öz evində müalicə alıb. Lakin məsələ bununla da bitməyib. Evdə keçirdiyi bir həftənin tamamında vəziyyəti bir qədər yüngülləşən Sevinc xanım gözlənilmədən yenidən təhsil şöbəsinə çağırılıb. Burada isə, Leyla İsayeva ona yenidən öz işinə bərpa olunmağı təklif edib. Sevinc xanım da, elə şöbənin digər əməkdaşları da tamamilə yanlış olaraq, bunu müdirin peşmanlıq hissi keçirməsilə izah ediblər. Amma hadisələrin sonrakı inkişafı bunun səhv fikir olduğunu təsdiq edib. Belə ki, Sevinc xanım şöbə müdirinin təklifini qəbul edərək öz işinə qayıdıb. Lakin aradan heç bir neçə gün keçməmiş Leyla İsayeva ilə aralarında yenidən mübahisə düşüb. Və artıq bu dəfə Sevinc xanımın zəifləmiş orqanizmi növbəti gərginliyi adlaya bilməyib. Qəfil təzyiqi qalxan Sevinc xanım, nəticədə beyninə qan sızmasından, elə iş yerindəcə dünyasını dəyişib. Məsələdən xəbərdar olan rayon ictimaiyyətinin böyük əksəriyyətinin rəyi belədir ki, bu ölümü qətiyyən bədbəxt hadisə adlandırmaq olmaz. Aşkar görünür ki, Leyla İsayevaya öz işçisini nə yolla olursa-olsun susdurmaq lazım idi və o, buna da nail oldu. Qeyd edim ki, Sevinc xanımın üç övlad anası idi. Yalnız qızı ailə həyatı qurmuşdu. Onun qızı bizim bölgədə böyük hörmət və nüfuza sahib olan, məşhur cərrah Ənvər həkimin gəlinidir. Bu yaxınlarda Sevinc xanım böyük oğlunu da evləndirməyə hazırlaşırdı. Mərhumun kiçik oğlu isə, hələ məktəblidir...” Daha sonra, mənbə Ağstafa RTŞ-nin keçmiş müdiri, mərhum Fərhad Vəliyevin ölümü bağlı indiyədək bizə məlum olmayan bəzi təfərrüatları da təqdim edir. Onun iddiasına görə, təhsil şöbəsində son bir ildə baş vermiş iki ölüm hadisəsi arasında sıx bağlılıq var. Həm də bu bağlılıq ilk növbədə bu ölümlərə eyni şəxslərin səbəb olmalarında öz təzahürünü tapır. Açıqlamada bu barədə deyilir: “Oxşar senarini RTŞ-nin keçmiş müdiri, mərhum Fərhad Vəliyevin də ölümündə izləmək olardı. Hərçənd o zaman icra başçısının seçdiyi təsir vasitələri bir qədər fərqli idi. Siz dərc etdiyiniz yazılardan birində bu məsələyə toxunsanız da, bəzi təfərrüatları nəzərdən qaçırmısınız. Məsələ bundadır ki, əslində Fərhad Vəliyevin ölümünə təkcə onun işdən çıxarılması ilə bağlı yaşadığı stres və gərginliklər səbəb olmayıb. Dəqiq məlumat var ki, icra başçısı Fərhad Vəliyevi qəbul edərkən, ona 50 min manat verəcəyi halda öz işində qala biləcəyini bəyan edib. Fərhad Vəliyev də bu təklifi qəbul edib və tələb olunan məbləği başçıya verib. Lakin az müddəy sonra Leyla İsayeva bu vəzifəyə təyin olunub və bundan sonra Fərhad Vəliyev hətta verdiyi pulu geri istəmək imkanından belə məhrum edilib. Məhz bu səbəbdən təhdidlərə məruz qoyulan Fərhad Vəliyev nəticədə ürək çatışmazlığından dünyasını dəyişib...” Öz yazılarımızda biz dəfələrlə ayrı-ayrı nurçuların müəllim, məktəb direktoru və digər aparıcı vəzifələrə necə gəlib çıxmaları, ən əsası isə, bu vəzifələrdə təmsil etdikləri təriqətin ideologiyasını uşaq və gənclərə təlqin etmək üçün hansı üsullara əl atmaları barədə ətrafı açıqlamalar təqdim etmişik. O cümlədən, Ağstafa RTŞ-nin müdiri Leyla İsayevanın da təyinatı ilə bağlı redaksiyamıza gələn məlumatlar qəzetimizdə dərc olunmuşdu. Həmin məlumatda deyilirdi: “Ötən ilin sonlarında Ağstafa Rayon İcra Hakimiyyətinin başçısı Məhərrəm Quliyevə nurçuların Gəncə-Qazax regional mərkəzindən müəyyən bir təklif gəlib. Elə bir təklif ki, Məhərrəm Quliyev ondan imtina edə bilməyib. Belə ki, nurçular Leyla İsayevanın Ağstafa RTŞ-yə müdir təyin olunması üçün başçıya çox böyük məbləğdə pul təklif ediblər. Bundan sonra başçı asanlıqla olmasa da, hər halda Fərhad Vəliyevin işdən azad olunmasına və Leyla İsayevanın təyinatına nail ola bilib”. Maraqlıdır ki, Ağstafadan hələ bir müddət aldığımız məlumatlar son baş verən faciəvi hadisələrin fonunda da öz təsdiqini tapır. Diqqət edin, təxminən iki ay əvvəl aldığımız açıqlamada deyilir: “Sizin yazdığınız məqalədə icra başçısına Leyla İsayevanın təyinatı ilə bağlı təqdim olunmuş böyük məbləğin məhz hansı rəqəmlərdə ifadə olunmasına RTŞ müdiri özü aydınlıq gətirib. Leyla xanımın deməyinə görə, bu məqsəd üçün Məhərrəm Quliyevə 200 min manat məbləğində “şirinlik” verilib. Amma bu da bütün reallığı tam əks etdirmir. Məsələ bundadır ki, Leyla İsayeva nurçulara qarşı münasibətlərin ketdikcə kəskinləşməsinin fonunda, icra başçısının da riskinin artmasını bəhanə edərək, hər ay ondan külli-miqdarda pul aldığını iddia edir...” İndi isə, Ağstafa RTŞ-nin keçmiş əməkdaşı, Sevinc xanımın ölümü ilə bağlı aldığımız son məlumatın davamına nəzər salaq: “Baş vermiş hadisədən sonra Ağstafa məktəblərinin direktorları bir araya gələrək, təhsil şöbəsinin rəhbərliyi tərəfindən yol verilən özbaşınalıqlara etirazlarını bildirmiş və bununla bağlı Təhsil Nazirliyinə şikayət müraciəti ünvanlamışlar. Vəziyyətin gərginləşdiyini görən Leyla İsayeva isə, ictimaiyyətin qəzəbini Məhərrəm Quliyevə doğru yönəltməyə çalışaraq bildirib ki, o, yığılan pulları başçıya verir...” Beləliklə, RTŞ müdirinin rayon məktəblərindən yığılan rüşvət pullarının RİH başçısına təqdim olunduğunu bəyan etməsi barədə iddiaya aldığımız açıqlamalarda artıq ikinci dəfədir ki, rast gəlirik. Yoxsa bu da bir təsadüfdür? Hər halda redaksiyamıza daxil olan məlumatlarda bütün bu məsələlərə tezliklə aydınlıq gətiriləcəyinə dair ümid verən məqamlar da yox deyil. Mənbə bildirir ki, məktəb direktorlarının etdikləri şikayət əsasında artıq Ağstafa RTŞ-də Təhsil Nazirliyi və Hesablama Palatası tərəfindən yoxlamalara başlanılıb. Öz tərəfimizdən bunu əlavə etmək istərdik ki, ən azından gələcəkdə də Ağstafa RTŞ-də müəmmalı ölüm hadisələrinin təkrarlanmaması üçün, baş verən hadisələrin müvafiq hüquq-mühafizə orqanları tərəfindən ciddi şəkildə araşdırılması məqsədəuyğun olardı. Materialda adı keçən bütün tərəflərin mövqeyini işıqlandıra bilərik.

15 Oktyabr 2016 5:58

Müşfiq Atakişiyevin rüşvət “Təfəkkür”ü: ilginc detallar və şok hekayətlər

uk-98

Təfəkkür universitetinin fəaliyyəti və bu ali mətkəbin rektoru Müşfiq Atakişiyevin yol verdiyi qanunsuzluqlar barədə şikayətlər bitib-tükənmir. Məsələn elə, bu günlərdə mətbuata açıqlama verən bir qrup tələbənin valideyni bu universitetdə qeydə alınan özbaşınalqlardan gileylənib. Şikayətçilərin sözlərinə görə, universitet rəhbərliyi 42 tələbəni kəsir pullarını ödəyə bilmədikləri üçün universitetdən xaric edib: “Qanunda tələbənin nə təhsil haqqını, nə də kəsir pulunu ödəyə bilmədiyi üçün universitetdən xaric olunması nəzərdə tutulmur”. Qeyd edək ki, bu məsələ universitet rəhbərliyinin birinci özbaşınalığı deyil. Belə ki cumhuriyyet.az-a daxil olan məlumata görə bundan öncə də, Təfəkkür universitetində hər il tələbələr sessiyadan əvvəl , yəni imtahana buraxılmaları üçün tələb olunan minumum 17 balın əldə olunması və ya sessiya ərəfəsində imtahandan keçmələri üçün “pul dəzgahına” qaldırılırlar. Tələbə isə səsini çıxaranda “özün üçün oxuyursan” deyib, onu bürokratik süründürməçiliyə məruz qoyurlar. Bir sözlə adıçəkilən ali məktəbdə sessiya öncəsi və sessiya sonrası ciddi məbləğdə rüşvət yığılır. Əlbəttə, bu hal valideynlərin haqlı etirazına səbəb olur. Hətta valideynlər iddia edirlər ki, sessiyadan əvvəl, yəni imtahana keçid balı və sessiya ərəfəsində imtahandan keçmək üçün onlardan rüşvət alınmasa, övladlarının kəsir pullarını və təhsil haqlarını vaxtlı vaxtında ödəyə bilərlər. Lakin sessiya ərəfəsi universitetdə “pul yığımına ” başlanır ki, bu da validyenləri müflis vəziyyətə salır. Bundan başqa oda bildirilir ki, Müşfiq Atakişiyev hər il müxtəlif bəhanələrlə bir neçə tələbəni univeristetdən xaric edir və sonradan həmin tələbələrin universitetə bərpa olunması üçün onlardan 4-5 min manat rüşvət tələb edir. Görünür, 42 tələbənin bu ali məktəbdən qovulması da yalnız həmin məqsədlərə xidmət göstərir. Təəccüb doğuran məqam isə odur ki, Təhsil Nazirliyi(TN) M.Atakişiyevin bu əməllərinə “dur” demir və ya yaxud deyə bilmir. Maraqlıdır, görəsən TN niyə susur? Niyə bu ali məktəbdəki özbaşnalıqların aradan qaldırılması yönündə tədbir görmür? Bununla bağlı cumhuriyyət.az-ın suallarını cavablandıran təhsil üzrə ekspert Nabatəli Qulamoğlu qeyd edib ki, belə hallarda vəziyyətdən çıxış yolları tapmaq TN -nin üzərinə düşür və bu qurum müəyyən yollar axtarmalıdır: “Amma bu hal total şəkildə davam edə bilməz. Sözügedən 42 nəfərlə bağlı TN -lə birgə universitet rəhbərliyi müəyyən çarə tapmalıdırlar. Hər kredit borcu və ya ödəniş borcu olan qovmaq olmaz ki.. Bu işinm bir yolu tapılmalıdır”. Təfəkkür univeristetinin fəaliyyətinə diqqət çəkən ekpert qeyd edib ki, bu ali məktəb pul yığmaq üçün yaradılıb: “Baxın, bu univeristetina uzun müddətdir tələbə köçürmələri ilə məşğul olmasına dair çox ciddi ittihamlar səsləndirilir. Amma heç kim də bu univeristetdə yoxlama aparıb, həmin qanunsuzluqları çıxarmır. Görünür, M.Atakişiyevi qoruyan əl hakimiyyət orqalarında təmsil olunur. Bu ali məktəb haqqında tələbə köçürmələrinə dair uzun müddətədir söz-söhbətlər dolaşırsa, onun fəaliyyəti yoxlanılmalıdır. Onun akreditasiyasına yenidən baxılmalıdır. Amma TN hələlik bunu etmir. Güman edirəm ki, zaman gələcək ki, Təfəkkür universiteti öz fəaliyyətini dayandıracaq”. Univeristetə rüşvət müqabilində yenidən bərpa məsələlərinə gəlincə, N. Qulamoğlu söyləyib ki, bu da ciddi rüşvət faktorudur: ” Köhnədən bu qayda mövcuddur ki, əgər hər hansaı bir tələbə ali məktəbəd təhsilini dvam etdirə bilmirsə, akademik borcları varsa tələbə xaric olunur. Sonradan ona meydan verilir. Sonradanq ayıdıdb bərpa oluna bilər. Bunun üçün ondan pul tələb olunmamalıdır. Amma təbii ki, Azərbaycan şəraitində pul alırlar və bu hal rüşvətsiz keçinmir. Təfəkkürdə belə halın olması universitetin passivinə yazılır”. Sessiyadan əvvəl və sessiya ərfəsində yığılan rüşvətdən söz açan N. Qulamoğlu cumhuriyyet.az-a bildirib ki, Təfəkkür univeristeti ən çox korrpusiya bulşan ali məktıbdir: “Ancaq deyim ki, yalnız Təfəkkür deyil, Odlar Yurdu univeristeti də xirtdəyəcən korrupsiyanın içindədir. Bir daha qeyd ediərm ki, M. Atakişiyevi yüksək səviyyədə müdafiə edənlər var. Yəni hər şey ortadadır. Burada anlaşılmaz heç nə yoxdur”.   Mənbə: Cumhuriyyet.az

29 Sentyabr 2016 9:47

Tələbələri Prezident təqaüdü alan ali məktəblər:Tibb Universiteti 1-ci yerdədir

ilham-eliyev-deputat

Bu gün Azərbaycan Tibb Universitetinin (ATU) rektoru, professor Gəray Gəraybəyli Prezident təqaüdü alan tələbələrlə görüşüb. Bu barədə ATU-nun mətbuat xidmətindən məlumat verilib. Görüşdə G.Gəraybəyli ATU-nun tələbəsi adını qazanan gəncləri təbrik edərək onların yüksək göstərici ilə ali məktəbə qəbul olunmasında inadkarlıq və əzmkarlığın böyük rol oynadığını bildirib: “Uzun illərdir ki, Tibb Universiteti istər Prezident təqaüdü alan, istərsə də 600-dən yuxarı bal toplayan digər tələbələrin sayına görə respublikanın ali məktəbləri arasında ilk yerdədir. Sevindirici haldır ki, bu il də I kursa qəbul olunan tələbələrimiz arasında belə bacarıqlı gənclər çoxdur”. Rektor Prezident təqaüdünə layiq görülən gənclərə həmin mükafatın tarixini də xatırladıb: “Azərbaycan ikinci dəfə müstəqilliyini qazandıqdan sonra ilk illərdə ölkədə gənc kadrlara böyük ehtiyac yaranmışdı. Məhz bu baxımdan ümummilli lider Heydər Əliyevin Prezident təqaüdü təsis etməsi haqqında Fərmanı yerli kadrların yetişdirilməsi işinə böyük töhfə oldu. Həmin vaxtdan etibarən hər il 100-ə yaxın tələbə bu təqaüdə layiq görülür. Əminik ki, siz Tibb Universitetinin divarları arasında öz biliklərinizi daha da artıracaq, “Prezident təqaüdçüsü” adını 6 ildə fəxrlə qoruyub saxlaya biləcəksiniz”. Görüşün sonunda II müalicə profilaktika fakültəsinin tələbələri Səbinə İsmayılova və Nisə Bayramova çıxış edərək belə bir şərəfli təqaüdə layiq görüldüklərinə görə Prezident İlham Əliyevə təşəkkürlərini bildiriblər. Qeyd edək ki, 2016/2017-ci tədris ilində Azərbaycan Tibb Universitetinə 1002 abituriyent qəbul olunub. Onlardan 419-u 600-dən artıq bal toplayıb. Üç nəfər 700 balla ATU-ya daxil olub. Qəbul olunanlardan 954 nəfər həkim və hərbi həkim, 48 nəfər hərbi feldşer ixtisasını seçib. 500-dən çox bal toplayanların sayı isə 444 nəfərdir.

28 Sentyabr 2016 4:06

Bakı Slavyan Universiteti Bilik gününü qeyd etdi- Fotolar

ilham-sefer

Bu gün Bakı Slavyan Universitetində Bilik Gününə həsr olunmuş tədbir keçirildi Yay tətili günlərində əsaslı təmir olunan Universitet yeni simasında tələbələri qəbul etdi. Ümummilli lider Heydər Əliyevin xatirəsinin yad olunması ilə başlayan mərasimdə Bakı Slavyan Universitetinin rektoru, professor Nurlana Əliyeva çıxış edərək tələbələri yeni tədris ili münasibətilə təbrik etdi, onlara dərslərində uğurlar dilədi.Rektor bildirdi ki, Azərbaycan Respublikasının Prezidenti İlham Əliyevin diqqət və qayğısı nəticəsində Universitet artıq ən müasir səviyyədə təmir olunaraq tələbələrin ixtiyarına verilib. Bakı Slavyan Universitetinin rektoru bildirdi ki, 15 ilə yaxındır ki, dövlət proqramı ilə hər il yüzlərlə Azərbaycan gəncləri istər bakalavr səviyyəsində, istərsə praktik bacarıqlar səviyyəsində dünyada tanınan təhsil ocaqlarına göndərilir. Ümummilli lider Heydər Əliyevin də təhsilimizə diqqət və qayğısı daim yüksək səviyyədə olub. Hələ sovet illərində Ümummilli lider Heydər Əliyev üzlərlə Azərbaycan gəncini xarici ölkələrə, müasir və o vaxt üçün inkişaf etmiş təhsil müəssisələrinə göndərib. Həmin tələbələrin bir çoxu məzun olaraq Azərbaycana qayıdıb və uzun illərdir ki, ölkəmizdə çalışırlar”. Milli Məclis Sədrinin müavini, millət vəkili Bahar Muradova çıxış edərək bildirdi ki, Prezident İlham Əliyevin verdiyi sərəncam əsasında 15 sentyabr təhsil günü, Bilik günü kimi qeyd olunur. Təhsilin irəliləməsi üçün Heydər Əliyev Fondunun prezidenti Mehriban Əliyevanın təşəbbüsü ilə son 10 il ərzində respublikamızda 3000-dən yuxarı təhsil ocağı tikilib, təmir olunub. Nəsimi rayon İcra Hakimiyyətinin Başçısı Asif Əsgərov çıxış edərək Universitetin müəllim və tələbələrini yeni tədris ili münasibətilə təbrik etdi, onlara dərslərində uğurlar dilədi. Bildirdi ki, son illərdə qazanılan bütün uğurlar ölkə başçısı cənab İlham Əliyevin təhsilin inkişafı ilə əlaqədar imzaladığı proqramlar çərçivəsində həyata keçirilən islahatlar, ölkənin birinci xanımı Mehriban Əliyevanın təhsil obyektlərinin yeniləşməsi sahəsində gördüyü işlərin və dövlətimizin bu sahəyə xüsusi qayğısının nəticəsi kimi dəyərləndirilməlidir. Ümummilli Liderin təhsil sahəsindəki siyasətini uğurla davam etdirən Azərbaycan Respublikasının Prezidenti cənab İlham Əliyev tərəfindən ölkəmizdə təhsilə olan diqqət və qayğı göz qabağındadır. Mütəmadi olaraq təhsil işçilərinin əmək haqlarının artırılması, hər il təhsil işçilərinə əməkdar müəllim adı, Prezident təqaüdü və bir sıra dövlət təltiflərinin verilməsi buna əyani sübütdür. Universitetin professor-müəllim heyəti, tələbələr və valideynlərin iştirak etdiyi tədbirin sonunda 2016-cı ildə bu ali təhsil ocağına qəbul olunan və qəbul imtahanlarında 600-dən çox bal toplayan tələbələrə - tələbə biletləri və hədiyyələr təqdim olundu. Daha sonra qonaqlar Universitetdə yeni yaradılan Heydər Əliyev Tədris Mərkəzi və Universitetin tarix muzeyi və auditoriyalarla tanış oldular. Faktinfo.az    

16 Sentyabr 2016 12:48

“Pul alıb, müəllimlərə dərs paylayır” – Təhsil adına daha bir biabırçılıq

ss

Xırdalan şəhəri 2 nömrəli tam orta məktəbdə yeni dərs ilinin başlanması ilə əlaqədar keçirilən iclasda qalmaqal yaşanıb. Məktəb müəllimlərinin AzNews.az-a verdiyi məlumata görə, iclasda müəllim kollektivi ilə məktəbin direktoru Ədalət Camalova arasında böyük mübahisə yaranıb. Buna səbəb müəllimlərin dərs saatlarının düzgün bölünməməsi olub. Şikayətçilərin sözlərinə görə, hazırda sözügedən məktəbdə 450 müəllim fəaliyyət göstərir:“Direktor hər yeni dərs ilində məktəbə nəyinsə qarşılığında müəllimlər qəbul edir. Amma işə götürdüyü müəllimlərə dərs saatı verə bimir. Hazırda məktəbdə 450 müəllim var. Bu rəqəm dərs saatının bölgü prosesində problem yaradıb”. Müəllimlər qeyd edib ki, direktor dərs saatlarının bölgüsündə ədalətsizlik edir: “Hansı müəllim ona "hörmət" edirsə, dərs saatı alır. Qalanlar isə qalıb Allahın ümidinə”. Məktəbin direktoru Ədalət Camalova bəzi müəllimlərin az, bəzilərinin isə çox dəsr saatı aldığını təsdiqləyib. Direktor bölgünün müəllimlərin diaqnostik qiymətləndirmədən aldıqları ballara görə aparıldığını deyib: “Müəllimlər diaqnostik qiymətləndirmə zamanı bal toplayıblar. Dərs bölgüsü isə balların faizlərinə görə aparılıb. Yuxarı faiz toplayanlar çox, o birilər isə az dərs saatı alıb”. Ə. Camalova məktəbdə 450 deyil, 327 müəllim çalışdığını, tədris alan şagirdlərin isə 3921 nəfər olduğunu vurğulayıb.

14 Sentyabr 2016 4:08

Fakt

Bizi izləyin