Dənizdə 10 nefçinin həyatına son  qoyan faciənin əsl səbəbi nə olub?

408102688

21 Dekabr 2016 19:31

Xəbər 399 dəfə oxunub

 

15 dekabr 2016-cı il səhər saatlarında  Azərbaycan Respublikası  Dövlət  Neft  Şirkəti “Azneft” İstehsalat Birliyinin Xəzər dənizində yerləşən Nəriman Nərimanov adına NQÇİ-nin neft yığım məntəqəsində estekadanın uçması səbəbindən 10 nəfər neftçi itkin düşdü. Bir gün sonra itkin düşən neftçilərdən birinin nəşi  tapılaraq  yaxınlarına təhvil verildi. Hazırda qalan 9 neftçinin axtarışları davam etdirilir.

Hadisə baş verən gün “SOKAR”a istinadla xəbərlər yayıldı ki, estakada   küləyin surətinin çox güclü  olması səbəbindən uçub .Ardınca mətbuatda, sosial şəbəkələrdə müzakirələr aparıldı,  müzakirələrə qoşulan tərəflərdin bir-birini qınayanlar da oldu.Hətta  “neftçilərin “spes odejdası” olsaydı, sağ qalma ehtimalı daha çox olardı”,deyənlər də tapıldı .Amma ,haradasa nəzərə alınmadı ki, bəzən suda batmamaq üçün geyinilən geyimlər belə  estakada uçan zaman işə yaramır. Çünki estakada ilə bərabər yüksək gərginlikli 380 voltdan yuxarı olan elektrik naqilləri də qırılaraq dənizə tökülür.

1 nəfərin ölümünə, 9 nəfərin itkin düşməsinə səbəb olan bu qəza barəsində daha obyektiv  və  əhatəli fikirləri Neftçilərin Hüquqlarının Müdafiə Komitəsinin sədri Mirvari Qəhrəmanlı səsləndirdi. Daha doğrusu o, da mühəndisi nöqteyi-nəzərdən baş verən qəza barəsində demək olar ki, danışmadı.

Hadisənin sabahı Azərbaycan Respublikasının Prezidenti İlham Əliyev bu qəzaya etinasız yanaşmayacağına dair mövqe sərgilədi. Ölkə prezidenti estakadanın hansı səbəbdən  uçmasının Respublika Prokurorluğu tərəfindən  araşdırılmasına dair sərəncam imzaladı.

Faktinfo.az olaraq bildiririk ki, N.Nərimanov adına NQÇİ-nin neft yığımı məntəqəsində baş verən bu qəza hadisəsi müəyyən suallar  doğurur  və bu suallar müəyyən qənaətin üstündə dayanmağa əsaslar yaradır. Onu da bəri başdan qeyd edək ki, “SOKAR” estakadanın qəzalı vəziyyətdə olmasına dair indiyə kimi fikir səsləndirməyib. Görəsən, hadisənin baş verməsinə nə səbəb ola bilərdi: saniyədə küləyin surətinin 40 metrdən çox olması , yoxsa estakadanın qəzalı vəziyyətə düşməsi?

Göründüyü kimi, “SOKAR” estakadanın uçmasını  küləyin surətinin yüksək olması ilə əsaslandırıb. Bu isə həm də o deməkdir ki, estakada qəzalı vəziyyətdə olmayıb. Əgər  estakadanın qəzalı vəziyyətdə olması elan olunardısa, bu da haqlı suallar yarada  bilərdi ki, bəs fəhlələr və digər işçi heyəti niyə başqa sahəyə (estakadaya) köçürülməyib? Bu da hamısı deyil. Bilənlər bilir ki, istənilən estakada tikiləndə  və ya əsaslı təmir olunanda Elmi Tədqiqat İnstitutu layihələndirir ,həmin sahəyə baxış keçirir.  Layihələndirmədə estakadanın yükgötürmə qabiliyyəti, o cümlədən qar yükünə , küləyin surətinə hesablanması və digər məsələlər öz əksini tapır. İstənilən  estakada  saniyədə 42 metr küləyin surətinə hesablanır, maksimum istismar müddəti  isə 25-30 il arasında götürülür. Bu müddətdən sonra cari və əsaslı təmir  aparıla bilər, əks təqdirdə qəzalı hesab olunur.

Onu da qeyd edək ki, məlum qəzanın  baş verdiyi estakada  1970-80-ci illərə təsadüf edilən hidrotexniki tikintidir,uzunlugu 150 metr olub.

Əgər qəza baş verən estakada İstismar müddətindən sonra əsaslı təmir edilibsə, Elmi Tədqiqat İnstitutu demək ki,estakadaya baxış keçirib, dayanıqlığı yoxlanılıb, svayların (svay deyiləndə diametri 60 sm və ya daha böyük  olan  metal boru nəzərdə tutulur) nə dərəcədə  korroziyaya uğraması lahiyə smeta sənədlərində əksini tapıb.Yox, əgər buna ehtiyac duyulmayıbsa  ,demək ki,estakada qəzalı vəziyyətdə olmayıb. Belə olan təqdirdə güclü külək onu necə uçurda bilərdi?

Yəni, qəza baş verən estekadanın dayanıqlığını təmin edən svayların korroziyaya uğraması  səbəbindən əsaslı təmir zamanı 24-30 metr uzunuğunda, diametri kiçik metal borular korroziyaya uğramış metal boruların içinə yeridilməklə  relyefdən aslı olaraq dənizin dibində  propka  qatı  nəzərə alınmaqla  vurulur. Daha doğrusu ,dənizin dibinə 60-70 tonluq kran çəkiclə vurulur, bundan sonra sementlənir və sonda svaylar rigelə bərkidilir. Yəni, “ankerovka”olunur.Belə olubsa, qəza müəyyən suallar doğurur, estakada nədən uçsun?

Təsəvvür edin,150 metrlik estekadada 8 möhkəm dayanıqlığı olan svay olanda  orta hesabla 5-6 saatlıq çovğun müddətində  tab gətirə  bilir, o cümlədən küləyin saniyədə 42 metr olması belə estakadanı uçurda bilmir.

Elə bu və ya digər səbəblərdən belə qənaət hasil olur ki, estakada istənilən səviyyədə dayanıqlı olmayıb. Çünki, dənizdə saniyədə 42 metr külək olmuş olsaydı belə  bu,paytaxt Bakıda da hiss olunardı, müəyyən fəsadlar yaradardı.

Faktinfo.az

 

Eldar Mahmudovun baş istintaqçısı Pərviz Həşimliyə telefon açdı

perviz-hesimli-yeni-300x202

Milli Təhlükəsizlik Nazirliyinin İstintaq Baş İdarəsinin sabiq rəisi general Mövlam Şıxəliyevin qanunsuz əməllərinə görə cinayət məsuliyyətinə cəlb olunmaması ilə bağlı Gununsesi.info-nun sərgilədiyi prinsipial mövqe, habelə, generalın bir gün “bandotdel”də saxlanması barədə xəbərimiz deyəsən, onu bərk əsəbləşdirib. Belə ki, baş redaktorumuz Pərviz Həşimliyə telefon açan Mövlam Şıxəliyev ondan yazıların səbəbini soruşub. Bu dialoqun ictimaiyyət üçün də maraqlı olduğunu nəzərə alıb, həmin söhbətin bəzi məqamlarını təqdim edirik: Mövlam Şıxəliyev: Siz gündə bir şey yazırsınız. Məndən nə istəyirsiniz? Pərviz Həşimli: MTN cinayətlərinin əsas məsuliyyətini daşıyan vəzifəli şəxs kimi sizdən yazılması təbii deyilmi? Mövlam Şıxəliyev: Mən neynəmişəm axı…Gedin, başqalarından yazın. Kim nə edibsə, hesabatını da özü verir. Mənim adımı hallandırmaqla, böhtan atırsınız. Pərviz Həşimli: MTN-də sizin rəisi olduğunuz baş idarədə yüzlərlə insanın qanunsuz istintaqları aparılıb, elə biri mənim özümü götürün. Eldar Mahmudovun məni şərləməsi üçün saxta hüquqi əsaslar yaratmısınız. Mən cinayətkar idim ki, tabeçiliyinizdə olan müstəntiq Elşən Murtuzov saxta istintaq aparırdı? Mövlam Şıxəliyev: Mən sənin istintaqını aparmışam? Səni kim tutub get, onların yaxasından yapış. Özün də bilirsən ki, səni kimlər tutub. Pərviz Həşimli: Siz MTN-nin İstintaq Baş İdarəsinin rəisi olmusunuz. Sizin idarə məni şərləyib. Məsuliyyət sizindir… Mövlam Şıxəliyev: Bilirsən, nə var, hər şeyi gözəl bilirsən… Mənlik bir şey yoxdur. Get, səni tutuanlarla, şərləyənlərlə mübarizə apar, məndən əl çək. Pərviz Həşimli: “Bandotdel”ə niyə aparılmısınız? Mövlam Şıxəliyev: Mən sənə sözümü dedim. Bilmədiyin şeyi yazma. (telefonun dəstəyini asır-red.)

16 Yanvar 2017 12:49

KİV numayəndələri və valideyinlər Aqrar Universitetdə imtahanların gedişini izləyib

112323

Azərbaycan Dövlət Aqrar Universitetində 2016/2017-ci tədris ilinin payız semestrinin imtahan sessiyası uğurla davam edir. Ən əsası tələbələr, onların valideyinləri belə  imtahanların təşkilindən və yaradılan şəraitdən tam razıdır. ADAU-nun mətbuat xidmətindən bildirilib ki, Universitet rektorunun imzaladığı əmrlə “Qaynar xətt” yaradılıb və əlaqə telefonu, e-mail ünvanı qeyd edilib, imtahanların cavablarını kodlaşdırmaq üçün qrup yaradılıb.  İmtahanlarda verilən qiymətlərə etiraz edən tələbələrin müraciətlərinə baxılması üçün bakalavriat və magistratura səviyyələrində apellyasiya komissiyaları təşkil edilib. Şəffaflığın, obyektivliyin, növbətçiliyin və digər məsələlərin təmin edilməsi üçün müvafiq struktur bölmələrə tapşırıqlar verilib, kütləvi informasiya vasitələri nümayəndələrinə və valideynlərə imtahanlarda iştirak etmək üçün şərait yaradılıb, imtahan fənləri üzrə mütəxəssis olmayan şəxslərdən ibarət  xüsusi nəzarətçilər qrupu və imtahan rəhbəri təsdiq edilib. Növbəti imtahanları isə bütün fakültə və korpuslarda KİV nümayəndələri valideyinlərlə birgə izləyib. Bir daha təsdiq olunub ki, ADAU da imtanlar olduqca şəffaf keçirilir və burda yalnız tələbənin biliyi əsas götürülür. Mətbuata açıqlama verən valideyinlər deyib ki, biz evdə uşaqlarımızdan eşitdiklərimizi gözlərimizlə gördük və əmin olduq ki, universitetdə yaradılan hər şərait yalnız tləbə üçündür.  Dövlətin aqrar sahənin inkişafına kompleks yanaşmasının bariz nümunəsi isə hazırlanan kadrlara göstərilən qayğıdan başlayır və ADAU da yüksək hazırlıqlı kadr olmaq üçün bütün baza formalaşıb. İmtahanların isə necə ədalətli keçməsini öz gözlərimizlə gördük. Demək yerinə düşər ki, İmtahan korpusunda tibb məntəqəsi təşkil edilib, və iki tibb işçisi təhkim olunub. Rektorun əmrinə müvafiq olaraq tədris işləri üzrə prorektorun sədrliyi ilə sessiyanın gedişində daxil olan müraciətlərin operativ şəkildə araşdırılmasını təmin etmək məqsədilə qərargah yaradılıb,  xüsusi otaq ayrılıb, telefonla təchiz edilib.  "Qaynar xətt”ə Universitetin internet ünvanından bir başa onlayn formada müraciət etmək imkanı da  yaradılıb. “Azərbaycan tarixi” fənni üzrə şifahi imtahanların qəbulu məqsədilə xüsusu komissiya yaradılıb. Yazılı imtahanların biletlərinin sualları sessiyadan xeyli əvvəl tərtib edilib, kafedra iclaslarında baxılıb, tələbələrə çatdırılıb, test sualları elektron imtahan bazasına yerləşdirilib, tələbələrin  semestrdə topladıqları balların nəticələri sessiyanın başlanğıcınadək elektron sistemə yüklənib. Sessiya imtahanları 2016-cı il dekabrın 29-dan başlayıb. Mühəndislik fakültəsinin tədris korpusunda 2 auditoriyada quraşdırılan 152 kompyuter vasitəsilə test formasında qəbul edilir. İmtahanlara kənar müdaxilələrin qarşısı tam alınıb, hər gün 1000-dək tələbə növbəliklə kompyuterlə imtahan verərək, sonda nəticəni də dərhal kompyuterdə  qəbul edir. Bütün tədris korpuslarında quraşdırılan videokameralar mühafizə və nəzarət üçün universitetin fəaliyyətinə müsbət təsir edən amillərdəndir.

14 Yanvar 2017 16:57

Pan Gi Mun prezident olmaq iddiasını vurguladı

Pan-BMT

BMT-nin keçmiş baş katibi Cənubi Koreyada keçiriləcək prezident seçkisində namizədliyini irəli sürmək niyyətində olduğunu bildirib. Pan Gi Mun məsələ ilə bağlı Cənubi Koreyanın paytaxtı Seuldakı hava limanında çıxış edib. Beş il BMT-nin baş katibi olmuş Pan Gi Mun ölkəsinin bölünmüş cəmiyyətini toparlamaq və yenidən cənubi koreyalıları birinci dərəcəli millət etmək istədiyini vurğulayıb. Ümumiyyətlə, bu il ölkədə növbədənkənar prezident seçkisinin keçiriləcəyi gözlənilir. Adı korrupsiya qalmaqalında hallandığından ötən il dekabrın 9-da Prezident Pak Kın Xenə impiçmenti elan edilib. Onun səlahiyyətlərini müvəqqəti olaraq baş nazir yerinə yetirir. Bir müddət əvvəl Cənubi Koreya prezidentinin keçmiş müşaviri An Çan Pom tutulub. Onun adı prezidentin rəfiqəsi ilə bağlı rüşvət qalmaqalında hallanırdı. Rəfiqəsi Çxve Sun Sil prezidentin qərarına təsir etmək üçün rüşvət almaqda şübhəli bilinir. Prokuror hesab edir ki, An Çon Pom vəzifə səlahiyyətlərini aşaraq, iş adamlarını müxtəlif qeyri-hökumət təşkilatlarına ianə verməyə məcbur edib. Prokuror bildirib ki, onlar Cənubi Koreyanın 50-dən çox şirkətini on milyonlarla dollar məbləğində ianə köçürməyə məcbur ediblər. Xatırladaq ki, Pan Gi Munu BMT-nin baş katibi postunda Antoniu Quterreş əvəzləyib. FAKTİNFO.AZ

13 Yanvar 2017 21:31

AzTU-da KİV nümayəndələrinin iştirakı ilə mediator – FOTO +

unnamed_(3)1484305974

Azərbaycan Texniki Universitetində (AzTU) imtahan sessiyasının gedişiylə tanış olmaq üçün mediator təşkiledilib. MediaturdaUniversitetin İctimai Şurasının üzvləri və KİV nümayəndləri iştirak edib. Media təmsilçiləri universitetin bir neçə auditoriyasında imtahanların gedişini izləyib və cavabların yoxlanılması prosesi haqqında məlumat əldə ediblər AzTU-nun rektor əvəzi, Xalıq Yahudovun sözlərinə görə, universitetdə imtahanlar həm test üsulu ilə, həm də yazılı formada keçirilir: "Bu ildən başlayaraq I kursda oxuyan bütün tələbələrdən imtahanlar yazılı şəkildə götürülür. Əvvəllər yalnız Xüsusi texnika və texnologiya fakültəsinin, SABAH qruplarının tələbələri və magistrlar yazılı imtahan verirdi. Rektor əvəzi bildirib ki, Universitetdə bütün məsələlər "Elektron Universitet Portalı" vasitəsilə nəzarətə götürülür, istər yazılı, istərsə də test imtahanlarının nəticələri dərhal həmin sistemdə qeydə alınır. Tələbə test imtahanlarının nəticələrini cavabları təsdiq etdikdən sonra dərhal kompüterin ekranından görür. Yazılı imtahanlar da test imtahanları kimi ciddi nəzarətə götürülüb, yazılar şifrələnir, sonra yoxlanılır. Həmin gün qiymətlər tələbələrə elan edilir. Hər günün sonunda istər yazılı, istərsə də test imtahanlarının nəticələri Universitetin Elektron Portalında yerləşdirilir". Xalıq Yahudov qeyd edib ki, universitetdə imtahan sessiyasının gedişinə nəzarət etmək məqsədilə Qərargah və Apelyasiya Komissiyası yaradılıb: "Qiymətləndirmədən narazı qalan tələbələrin Apellyasiya Komissiyasına ərizə ilə müraciət etməsi üçün şərait təmin edilib. Komissiya bütün müraciətlərə baxır, araşdırır, qiymətləndirmədə şəffaflıq və operativliyi təmin edir". X. Yahudovİctimai Şura üzvlərinə və KİV nümayəndələrinə bildirib ki, universitetdə imtahan prosesinin müşahidə olunması üçün valideynlərin iştirakına şərait yaradılır: "İmtahan sessiyası dövründə hər həftənin şənbə günləri "Açıq qapı" günləri keçirilir. Şikayət və təklifləri olan valideyn və tələbələr sərbəst müraciət etmək imkanına malikdirlər". Tur zamanı Universitetin İnnovati Təhsil və İKT departamenti ilə də tanışlıq olub. Tur iştiakçıları burada aztu.edu.az saytının imkanları haqqında məlumatlandırılıb. Bildirilib ki, sistem vasitəsi ilə akademik təhsil və imtahan nəticələri vahid mərkəzdə birləşdirilib. Bu yolla tədris prosesində operativlik və tam şəfaflıq təmin olunub.   Mediaturdan sonra Universitetin İctimai Şurasının iclası keçirilib. İclasda Şuranın sədri və katibi müəyyənləşdirilib. Üzvlərin yekdil qərarı ilə professor Şahlar Əsgərov Şuranın sədri, əməkdar jurnalist Flora Xəlilzadə isə katib seçilib. Daha sonra Şura üzvlərinə AzTU-da aparılan islahatlar, görülən işlər və yeniliklər haqqında geniş məlumat verilib. Şura üzvləri qərara gəlib ki, Universitetin bəzi problemlərinin həll olunması üçün AzTU rəhbərliyi ilə paralel onlar da fəaliyyət göstərəcək. Üzvlərdən bəzilləri Universitet rəhbərliyinə konkret təkliflər, bəziləri isə problemlərin həlli üçün kənar təşkilatlara müraciət etmək məsələsini gündəmə gətiriblər.   Sonda qərar alınıb ki, mütəmadi olaraq Şuranın iclasları keçirilsin və Universitet Elmi Şurasında İctimai Şuranın üzvlərin iştirakı təmin olunsun. İctimai Şuranın üzvləri bu yolla Universitetin bütün problemləri ilə yaxından tanış olmaq və həll olunması üçün səylərin səfərbər etmək niyyətindədir.  

13 Yanvar 2017 15:58