Fərhad Əhmədov Yeni ili milyarderlərlə Karib dənizində, Sent Bart adasında qarşılayır

fe

30 Dekabr 2016 17:06

Xəbər 38 dəfə oxunub

Dünyanın ən varlı adamlarının bir qrupu Yeni ili qarşılamaq üçün öz dəbdəbəli yaxtaları ilə Karib dənizindəki Sent-Bart adasına toplaşıb. Onların arasında azərbaycanlı milyarder, Rusiya Federasiya Şurasının keçmiş üzvü Fərhad Əhmədov da var.

Virtualaz.org xəbər verir ki, bu barədə nüfuzlu “Forbes” jurnalının adadan hazırladığı reportajda deyilir. Sent-Bart adası misilsiz təbiət mənzərələrinə, olduqca təmiz dəniz suyuna və çimərliklərə malik olmaqla milyonerlər adası kimi tanınır.

“Forbes” yazır ki, Karib dənizindəki bu kiçik ada dövlətinin paytaxtı Qustavianın dəniz limanında dünya zənginlərinin “üzən sarayları lövbər salıb. Onların arasında məşhur kino ulduzları, oliqarxlar, neft maqnatları, digər zəngin iş adamları var. Hazırda limanda cəmi 43 superyaxta lövbər salıb. “Forbes” onların hər birinin fotolarını və kimə məxsus olduğunu təqdim edir: (http://www.forbes.com/pictures/ggdk45kejl/yacht-arete/#5a6a9f876d43)

Əsasən dünya zənginlərinin istirahət məkanı olan, cənnətməkanı xatırladan Sent-Barts adasının qonaqlarının bir qismi oktyabr ayında istifadəyə verilən “Le Barthélemy Hotel & Spa” lüks otelində yerləşib. Oteldə cəmi 46 nömrə var, onların hamısı lüks sinifdəndir. Habelə otel özəl hovuza malik “Ocean Lux Suite”ə malikdir.  Adanın digər lüks məkanları arasında yeni Aux Amis restoranıdır, onun şef-aşbazı məşhur Qay Martindir. Habelə adada “İnn” brendinə məxsus “Francoise Plantation” oteli bir neçə illik fasilədən sonra “Villa Marie” adı altında yenidən açılıb. Bununla belə otelin restoranı yenə də “Francoise Plantation” adını daşıyır.

Adanın əyləncə məkanlarında qonaqlar üçün müxtəlif proqramlar nəzərdə tutulur. Bura “John Legend” və  “DJ Jack-E” estrada qruplarının canlı ifaları, Sesilia Pellunun, Farel Uilyamsın və digər ulduzların, habelə  “Rolling Stones” və  U2 qrupunun konsertləri daxildir. Yeni il bayramı günlərdə adada moda ikonası “Dolce & Gabbana” nəhəng axşam ziyafəti verəcək, bir çox top-dizaynerlər, o cümlədən “Prada” və “Hermes” yeni mağazalarının açılışlarını edəcəklər.

Adaya öz yaxtaları ilə yan alan milyarderlər istəsələr Sent Barsın ən dəbdəbəli villalarında , o cümlədən “Wimco Villas”da və 8 yataq otağı olan “Villa Kemp Devid”də də qala bilərlər. Bu villanı bir həftəlik tətil üçün 420 min dollara kirayələmək olar. Digər və daha ucuz villalar da var. Bunlarahəftəsi 140 min dollara olan “Villa Palm Beach” və 110 min dollara “Villa Olive” daxildir.

“Forbes” hazırda adada lövbər salan yaxtalardan bir neçəsini və onların sahiblərini sadalayır. Bunların arasında Roman Abramoviçin 162.5 metrlik “Eclipse” adlı nəhəng yaxtası, Rusiyadan olan azərbaycanlı qaz milyarderi Fərhad Əhmədovun 115 metrlik “LUNA”adlı yaxtası, yenə də rusiyalı neft-qaz milyarderi Yevgeni Şvidlerin 113 metrlik “LE GRAND BLEU” yaxtası yer alır. Jurnal qeyd edir ki, həmin yaxtanı Şvidlerə dostu Roman Abramoviç hədiyyə edib.

Sent-Bartsda yer alan yaxtalardan biri də fransalı milyarder, “Louis Vuitton” brendinin sahibi Bernar Arnonun 101.8 metr uzunluğunda olan “Simfoniya” yaxtasıdır. Habelə ABŞ-dan olan kazino maqnatı, milyarder Stiv Uinn də Yeni ili adada qarşılamağa hazırlaşanlar arasındadır. Onun 92 metrlik “AQUARIUS” yaxtası Sent-Bartsa yan alıb. Habelə ABŞ-dan olan geyim maqnatı, milyarder Lesli Veksnerin (“Victorias Secret” brendinin sahibi)  96.3 metr uzunluğunda olan “Limitless” yaxtası, yunan milyarder, investisiya fondunun sahibi Yelena Ambrosiadounun 88 metrlik “MALTESE FALCON” yaxtası Sent-Barts sahillərinə yan alıb.

Adada Yeni ili qarşılamağa hazırlaşanlar arasında “Facebook”un sahibi Mark Zukeberq, məşhur musiqiçi Pol Makartni və digər məşhurlar da var. Bildirilir ki, adaya ümumi sərvəti 258 milyard dollar olan 54 milyarder toplaşıb. Bunların arasında yuxarıda sadalananlardan əlavə rusiyalı polad milyarderi Dmitri Pumpyanski, digər rusiyalı oliqarx-milyarder Dmitri Rıbolovlev, britaniyalı daşınmaz əmlak maqnatı Entoni Lyons, kanadalı polad boru maqnatı Barri Zekelman , Anqola prezidentinin qızı İzabel dos Santos və digərlər zənginlər yer alır.

Xatırladaq ki, azərbaycanlı milyarder Fərhad Əhmədovun “Luna” yaxtası dünyanın ən böyük səyahət yaxtasıdır. Bu yaxta əslində  Almaniya tərsanələrindən birində Roman Abramoviçin sifarişi əsasında yığılırdı. Lakin yaxta hazır olanda Abramoviç onu dostu Fərhad Əhmədova satmaq qərarına gəlib. Daha doğrusu azərbaycanlı milyarder özünün dünya səyahəti xəyalını həyata keçirmək üçün Abramoviçdən yaxtanı ona satmağı xahiş etmişdi.

“Luna” yaxtası istənilən hava şəraitində üzməyə qadirdir, əlavə yanacaq götürmədən Atlantik okeanını üç dəfə keçə bilər. Cəmi 7 mühərriki var və hər birinin gücü 5 min at gücünə bərabərdir. Yaxtanın generatorlarının hasil etdiyi elektrik enerjisi əhalisi 17 min nəfər olan kiçik Avropa şəhərini elektriklə təchiz etməyə imkan verərdi. Yaxta sutkada 45 ton dəniz suyunu içməli suya çevirə bilən qurğu ilə təchiz olunub. O, həmçinin dünyada ekoloji baxımdan ən təmiz gəmi hesab olunur. Yaxta praktiki olaraq bütün mümkün təhdidlərə qarşı təhlükəsizlik sistemlərinə malikdir. “Luna” Azərbaycan bayrağı altında üzür və F.Əhmədov onunla 2014-cü ildən dünya səyahətinə çıxıb.

Azərbaycanlı milyarderin yaxtasının fotolarını təqdim edirik:

“Sarışın, yoxsa əsmər?”

112087

Başlayaq dünyaya gəlməyimizdən: - Gələk ya gəlməyək? Baxmayaraq ki, bu heç özümüzdən asılı deyil. Ömür boyu seçimin nə olduğunu  anlamağa çalışdıq. Biz seçimi anladığımız kimi də qəbul etdik - bu prosesi xatırlmasaq belə. Və bunun nəticəsində bu dünyadayıq. Dünyaya gəldikdən sonra isə seçimlərin ardı arası kəsilmədi: 1.Cənnət, ya Cəhənnəm?! 2.Atan, yoxsa Anan? 3.Sarışın, yoxsa Əsmər? 4.Pullu, yoxsa Ağıllı? 5.Universtet, yoxsa Əsgərlik? 6.Azərbaycan, yoxsa Digər ölkə? 7.Rahat iş, yoxsa Əziyyət? 8.Sevdiyin, yoxsa Ailən seçdiyi? 9.Qız, yoxsa Oğul? 10.Uşaqların gələcəyi, yoxsa Öz kefin? 12.Qocalar evi, yoxsa Ölüm? 13.Bakı qəbristanlığı, yoxsa doğulduğun yerdə... Hətta insan öləndən sonra dəfn olacağı yeri bəri başdan seçə bilir. İnsanın ömrü sual və seçim məngənəsindədir. Sevdiyim şairlərdən birinin, dediyi kimi ilk sual Adəm qadağan olunmuş meyvəyə tamah salanda yaranıb: -Yeyim yoxsa yeməyim? Həyatda seçim bircə dəfə verilir, bu bir dəfəlik şansın qədrini bilək. İlişib keçmişdə qalmayaq - keçmişin seçimi də özü kimi çoxdan keçib gedib və bu gün işimizə yaramaz. İnsanın dünəni ilə bugünü eyni deyil. Dünən insanın seçim imkanı daha çox idi, bugün isə seçim imkanı ən çox zamanın əlindədir. Hə... Bəzən seçimdən yarımayan da əllərimizi göyə qaldırıb şükr eləməkdən başqa heç nəyə gücümüz çatmır. Bəzən də...Seçimlərin bizə verdiyi imkanlardan harınlaşıb pəndam olanda şükür eləmək üçün göylərə açdığımız əllərimiz yanımıza düşür, nəfsimizin amiranə çığırtısından ləzzət alırıq. Bu ləzzətin-seçimin havasında boğula-boğula bilmirik ki, dünyanın müxtəlif yerindəki körpələrin qarşısında ikicə seçim bədheybət heykəl kimi dayanıb: -Ya öz vətənində göydən yağan, bombalardan tikə-tikə olamaq, ya da yad sularda boğulmaq... Bu da seçimdir... İsmayıl Xanlarzadə, İ.Yusifov adına Göradil kənd  tam orta məktəbinin 10-cu sinif şagirdi

12 Yanvar 2017 14:57

Android telefonlarını sürətləndirməyin yolları

mobil_telefon_0188

Fərqi yoxdur üç il əvvəl aldığınız android sistemli telefonunuz olsun ya da yeni "Galaxy S7" olsun. Yəqin ki, hamımız telefonunun daha sürətli olmasını istəyirik. Telefonunuzu sürətləndirəcək tədbirlər görsənizdə bu üsulların heç bir faydası olmayıb. Android sistemi ilə işləyən telefonumuzun asan yolla necə sürətləndirə bilərik? Giriş ekranı təmizləyin: Faktinfo.az bildirir ki, canlı divar kağızları və vidjetlər, RAM-ı zəif olan telefonlarda ağırlaşmaya səbəb olurlar. Xüsusilə "Chrome" kimi brauzerlər android sistemli telefonların RAM-ından dahaçox istifadə edirlər. Buna mane olmaq üçün giriş ekranı təmiz saxlamalaq lazımdır. Fərqli bir launçer yükləyin: Telefonunuzun sistemində olan launçer sadə və sürətli olmur. Play store-də sürəti artıran launçerlər mövcuddur. "Nova Launcher" yaxşı seçimdir ancaq sizə uyğun olanı tapmaq üçün bir neçə launçer sınaya bilərsiniz. Veb brauzerinizi dəyişdirin: Android sistemli telefonda gələn "Chrome" brauzeri telefonun RAM-dan çox istifadə edir. Bunun qarşısını almaq üçün fərqli brauzerlərdən istifadə edin. Sürətli və yüngül veb brauzerlərdən "Puffin" və "Opera"nı məsləhətlidir. Lazımsız tətbiqləri silin: Optimallaşdırılmamış tətbiqlər, telefonunuzu ləng işləməsinə səbəb ola bilər. Bu tətbiqlər bəzən ən böyük firmaların da ola bilər. Snapçat android sistemli telefonların işini yavaşladır. feysbuk tətbiqini də telefondan sildikdə 15 faiz sürətəldə etmək mümkündür. Antivirusu silin: Antivirus proqramları sizin telefondan virus silmir. Amma telefonun sürətini azaldır. Telefon yaddaşını təmizləyən tətbiqlər də eyni funksiyanı daşıyır. Avtomatik eyniləşdirməNi bağlayın: Sosial proqramlar, xəbərlər, hava durumu və digər proqramlar, avtomatik olaraq məlumatları yeniləyir. Bu cür əməliyyatların sayının artması, telefonunuzun sürətini olduqca azaldır. Yenidən başladın (Restore) : Son olaraq telefonunuzu yenidən işə salmaqla sürətlənməsini təmin edə bilərsiniz. Bunu hər gün etməyə ehtiyac yoxdur ancaq xüsusilə telefonunuzun sürəti azalanda, ağır işləyəndə yenidən başlatmaqla əvvəlki sürəti əldə edə bilərsiniz. Bu məlumatlarının heç bir təsiri olmasa, telefonunuzu zavod parametrininə gətirin.

5 Yanvar 2017 01:07

İtburnu çayının faydaları

504194

Antioksidant faydası: İtburnu çayı, antioksidant xüsusiyyəti əhatə etməsi sayəsində bədəndən toksinlərin atılmasını təmin edir. Eyni zamanda bədən müqavimətini artırır və immuniteti də gücləndirir. Soyuqdəymə üçün də çox fayda verən itburnu çayı, xərçəng riskini də azaldır. Mədə sağlamlığı üçün faydası: İtburnu çayı, mədə xəstəliklərinә yaxşılaşdırma və sakitləşdirmə təsirini göstərir. Xüsusilə mədə spazması, xora və mədə ağrılarından xilas olmaq üçün çox təsirlidir. Faktinfo.az deyerler.org-a istinadən bildirir ki, ağır bir yeməkdən sonra itburnu çayı içmәk təklif edilir. Qan hüceyrələrinә faydası: Daşıdığı minerallar sayəsində qan hüceyrələrinin artırılması adına itburnu çayı çox faydalıdır. Xüsusilə qış mövsümündə bol-bol istehlak olunmalıdır. Böyrək sağlamlığına faydası: Antioksidant xüsusiyyəti sayəsində itburnu çayı böyrəkləri zərərli maddələrdən qoruyur. Daş əmələ gəlməsini də əngəlləyir. Şəkər xəstələrinә faydası: Qan şəkər miqdarının tarazlanması üçün itburnu çayı bir çox mütəxəssis tərəfindən şəkər xəstələrinə təklif edilir. Arıqlamaq üçün faydası: Uzun müddət tox tutan təsirindən əlavə, yeməkləri daha ləzzətli hala gətirmək üçün itburnu çayı əla seçimdir. Həmçinin idman ərəfəsində enerji verməsi baxımından da itburnu çayı içilә edilə bilər. Tənəffüs yollarına faydası: Xüsusən uşaqlarda öskürəyi kəsmək və tənəffüs yollarını sakitləşdirmək üçün C vitamini daşıdığı üçün çox fayda verir.

3 Yanvar 2017 22:22