Günün qoroskopu: evdə qayğılar arta bilər

8 Yanvar 2017 03:39

Xəbər 67 dəfə oxunub

Faktinfo.az dünyanın nüfuzlu və məşhur ulduz falları portalları “Horoscope” və “Astrology”yə istinadən bu günün qoroskopunu təqdim edir.

Qoç – sizin üçün mühüm dövrlərdən biridir. Günəş və Plutonun tutduqları mövqelər bundan xəbər verir. Mərhələ dəyişikliyi yaşanır. Önəmli işin birindən imtina edərək başqasına başlayaraq sizin üçün ən əhəmiyyətli olanı seçin.

Buğa – bir sahədə uduzsanız, başqa sahədə mütləq önəmli irəliləyişə nail olacaqsınız. Alış-verişdə simiclik etməyin.

Əkizlər – əmlak, birgə mülkiyyətlə bağlı problem yarana bilər. Belə zamanda kim isə itirir, kim isə tapır. Şərait sizdən güzəşt tələb edərsə, razılaşın. Hər şey bərpa olunacaq, yerini tapacaq.

Xərçəng – şərait dəyişir, sizdən səbr və məntiq, həyata fəlsəfi baxış tələb olunur. Günəş və Pluton sizin üçün tərəfdaşlıq müstəvisini fəallaşdırıb. Münasibətlərdəki problemlər sizi narahat edərsə, onları məhz indi həll edin.

Şir – təmasların ab-havası sakit, yaradıcı və dostyana olacaq. Gələcəkdə karınıza gələ biləcək unikal ideya yarana bilər. Azad nəfəs almağınıza imkan verən “təmizləmə” əməliyyatı aparın.

Qız – aktiv, enerji ilə zəngin sizə faydalı və çoxsaylı işləri görməyə imkan verən gündür. Müxtəlif yerlərdə olacaq, fərqli insanlarla görüşəcəksiniz.

Tərəzi – evdə qayğılar arta bilər. Qonaq gələcək, dəvət alacaqsınız. Səhər saatlarında görəcəyiniz işləri müəyyənləşdirin, axşam saatlarında isə istirahət edin, əylənin. Fiziki iş məsləhətdir, amma özünüzü çox yormayın.

Əqrəb – güzəştə getməyi bacarın, cavab reaksiyasını gözləməyin. Belə davranış münasibətləri tənzimləməyin ən yaxşı yoludur.

Oxatan – çətin, güclü emosiyalar günüdür. Çətinlikləri yeni imkanların carçısı hesab edin. Situasiyaya fərqli baxın və ola bilər ki, ən mürəkkəb vəziyyətdə sərfəli məqamlar tapasınız.

Oğlaq – görüşü axşam saatlarına qədər təxirə salın. Günün ilk yarısında münasibətlərin aydınlaşdırılması planları poza bilər. Axşam saatlarında havanızı dəyişin, gəzintiyə çıxın.

Dolça – əgər kimsə səbr kasınızı daşdırmağa çalışırsa, reaksiya verməyə tələsməyin. Axınla hərəkət edin, hər şey yaxşı ola bilər. İşlə bağlı məsələlərin sizi narahat edəcəyinə hazır olun. Bu gün virtual və ya real görüşləri müəyyənləşdirin.

Balıqlar – mühüm situasiya böhran mərhələsinə daxil ola bilər. Batini dəyərləndirmədə fərqli vəziyyət yaranacaq. Ətrafınızda dəyişən şərtlərə, özü barədə məlumat vermək istəyənə, gələn xəbərlərə diqqət yetirin.

“Gəlib səni təpiyimin altına salacam” – Bələdiyyə sədri jurnalisti hədələdi…

“Satira” jurnalının baş redaktoru Tapdıq Həsənov yazdığı tənqidi məqaləsinə görə hədələnib. Bu barədə saytımıza jurnalistin özü məlumat verib. Onun sözlərinə görə, son vaxtlar İmişli rayonundakı oliqarxların yerli idarəçiliyi əldə saxlaması, onlara məxsus müəssisələrin enerji haqlarını və vergi öhdəliyini tam həcmdə yerinə yetirməkdən yayınmaları barədə KİV-də tənqidi yazı dərc edib. Həmin məqalədə T. Həsənov, Standartlaşdırma, Metrologiya və Patent üzrə Dövlət Komitəsinin regional idarə rəisi, İmişli şəhərində fəaliyyət göstərən “Kral” şadlıq sarayının, “Araz” konservləşdirilmiş şirələr və konyak zavodunun sahibi Saleh Səmədovun bəzi əməlləri ilə yanaşı, İftixar Əliyev ad-soyadlı bir şəxsin İmişli bələdiyyəsinin başına necə gətirilməyi və nəyə görə bu vəzifədən kənarlaşdırılmasına da toxunub: “İftixar Əliyev uzun müddət idi ki, rayondan kənarda idi. Bu adamın adı 2014-cü ilin seçici siyahısında Qaradağ rayonundakı 26 saylı seçki məntəqəsində keçirdi. Qabaqcadan düşünülmüş şəkildə həmin ilin mayında təcili olaraq İmişliyə qeydiyyata alınıb. YAP-ın rayon təşkilatı da bələdiyə seçkilərinə bir ay qalmış onu ilk təşkilatlardan birinə üzv edib. Beləcə İmişli bələdiyyəsinə YAP-ın namizədi kimi qatılıb, əvvəlcə üzv, ardınca isə sədr seçilib. Təbii ki, öz katibəsini də bu bələdiyyəyə üzv edən Saleh Səmədov üçün İftixar Əliyevi “seçdirmək” çətin olmayıb.” Tapdıq Həsənov daha sonra qeyd edir ki, bələdiyyə sədri özbaşına hərəkətlərinin və vəzifəli şəxsə layiq olmayan davranışının qurbanı olub: “Məzuniyyətdə olduğu bir vaxtda İftixar Əliyev Heydər Əliyev parkında çoxillik küknar ağaclarını kəsdirib. Rayonun icra başçısı ondan nə üçün bu işi gördüyünü soruşduqda, bələdiyyə sədri öz himayədarını nəzərdə tutaraq “ağsaqqal tapşırıb” cavabı verir. Bu cavab rayon rəhbərini qəzəbləndirir və o, əlaqədar təşkilatlara rəsmi qaydada müraciət edərək “yaşıl soyqırım”ı həyata keçirənlərin cəzalandırılmasını istəyir. Demə Saleh Səmədovun sözü çox yerdə keçərlli imiş. Ekologiya və Tbii Sərvətlər Nazirliyinin yerli idarəsi az miqdarda cərimə yazmaqla onlara üzgörənlik edib.” Baş redaktor bildirir ki, məlumatı ictimailəşdirdiyinə görə İftixar Əliyev tərəfindən hədələnib: “Fevralın 23-də günün birinci yarısı o, mobil telefonuma zəng edərək, məni təhqir və təhdid etdi, gəlib Bakının ortasında təpiyinin altına salaraq döyəcəyi ilə hədələdi. Mən daxili işlər nazirinə bu barədə ayrıca müraciət edəcəyəm. Amma buradaca qeyd edim ki, belə ağıl və tərbiyədə olan adamın idarəetmə orqanının başına keçməsi, əslində toplumun faciəsidir.” Qeyd edək ki, şikayət məktubunda adı keçən şəxslərin də mövqeyini olduğu kimi işıqlandırmağa hazırıq. Faktinfo.az

27 Fevral 2017 12:36

Fətullah Gülənin Azərbaycandakı parlayan üzü… – İddia

Hökümət Taleh Ziyadovun "güzəşt” biznesinin qarşısını alsaydı və həmin vəsaitləri Taleh Ziyadovun, Gülənçi şəbəkənin və ayrı-ayrı şirkət rəhbərlərinin cibinə deyil, dövlət büdcəsinə daxil olmasını təmin etsəydi, büdcəni doldurmaq üçün onsuzda biçarə vəziyyətdə olan sadə vətəndaşların cibinə də girməyə ehtiyac qalmazdı. Faktiki olaraq Azərbaycan dövlətinin büdcəsi kiçildiyi halda, Gülənçi şəbəkənin və Taleh Ziyadovun şəxsi büdcəsi böyüyür. Bununla bağlı cumhuriyyet.az olaraq media üzərindən apardığımız araşdırmalarda rastlaşdığımız məlumatlara görə, bir müddət əvvəl Limanda vergi yoxlamalarının aparldığı zaman baş direktor Taleh Ziyadov bir qanunsuzluqları ört-basdır edə bilmək üçün köhnə tarixlə bir neçə daxili əmrin hazırlanmasına göstəriş verib. Vergi işçiləri həmin qanunsuzluğu aşkarlasalar da, bu qanunsuzluğu və saxtakarlığı ört-basdır etməyə qərar veriblər. Faktiki olaraq ört-basdır edilən qanunsuzluqların nəticəsində isə Limanda fəaliyyət göstərən Gülənçi şəbəkə milyonlarla dollar dövlət vəsaitini mənimsəyiblər. Bu barədə yayılan məlumatlarda bildirilir ki, artıq iki ilə yaxındır bu qanunsuz mənimsəmələr davam etdirilir və dövlət büdcəsinə daxil olacaq milyonlarla dollar mənimsənilir. Şəbəkənin qurduğu sistem isə çox sadədir. Güya ki, Limana daxil olan gəmilərin və yüklərin miqdarını artırmaq məqsədi ilə dəniz daşımalarında liman xərcləri bəzi şirkətlər üçün 50 faiz azaldılıb. Əslində isə həmin şirkətlərlə əlbir olan Liman rəhbərliyi "güzəşt” olunan məbləği şirkətlərin rəhbərləri ilə bölüşür. Və nəticədə büdcəyə daxil olacaq olan milyonlarla dollar vəsait şəxsi ciblərə daxil olur. Bu şirkətlərin bəzisinin adlarına diqqət edək: 1. "Karvan Logistics” şirkəti: 2 il ərzində bu şirkətin Bakı Beynəlxalq Dəniz Ticarət Limanında aşırılan yüklərindən 1.5 milyon dollara yaxın qanunsuz gəlir əldə edilib. Yəni faktiki olaraq "Karvan Logistics” şirkətinə olunan "güzəştlərə” görə dövlət büdcəsi 1.5 milyon dollar ziyana düşüb. "Karvan Logistics” şirkətinin Limana daxil olan hər bir gəmisindən 15000 dollar alınacağı halda, sadəcə 5000 dollar dövlət büdcəsinə ödənilir. "Güzəştə” görə Taleh Ziyadov "Karvan Logistics” şirkətinin Limana daxil olan hər bir gəmisinə görə 5000 dollar, paralel olaraq şirkət rəhbəliyi də 5000 dollar qazanıb. 2. "İP Altynyoda” şirkəti: Türkmənistan şirkətidir. Bu şirkət hər gəminin Bakı Beynəlxalq Dəniz Ticarət Limanına girişinə görə 12000 ABŞ dolları ödəməli olduğu halda, 6000 ABŞ dolları ödəyir. 3. "Magic Trans FZE” şirkəti: Türkmənistan şirkətidir. Hər gəmi girişinə 12000 ABŞ dolları ödəməli olduğu halda, 6000 ABŞ dolları ödəyir. 4. "Socar Logistics DMCC” şirkəti: 15000 ABŞ dolları ödəməli olduğu halda , 5000 ABŞ dolları ödəyir. 5. "Cronus Energy AZ” şirkəti: hər gəminin Bakı Beynəlxalq Dəniz Ticarət Limanına girişinə görə 15000 ABŞ dolları ödəməli olduğu halda , 5000 ABŞ dolları ödəyir. Bu şirkətlərin Bakı Beynəlxalq Dəniz Ticarət Limanına illik gəmi girişləri yüzlərlə sayda olub və dövlət büdcəsinə hər il milyonlarla dollar ziyan vurulub. Bütün bu işləri isə Taleh Ziyadovun müşavirləri Xudayar Həsənli və Şahin Yusifov həyata keçirir. Taleh Ziyadovun bu iki müşaviri bir qayda olaraq şirkət rəhbərləri ilə qeyri-rəsmi şəraitdə görüşür və onlara "güzəştlərlə” bağlı təklif verilir. Yemək süfrəsi arxasında əldə olunan razılaşma isə sonradan müqafilə ilə rəsmiləşdirilir. Əslində isə bu şirkətlərə hansısa güzəştlərin edilməsi üçün heç bir iqtisadi əsas yoxdur. Çünki bu şirkətlərin bir qayd olaraq Bakı Beynəlxalq Dəniz Ticarət Limanından istifadə edirlər və Rusiyanın Xəzərdəki limanlarında yükaşırma qiymətləri daha bahalıdır. Digər tərəfdən vaxt və məsafə baxımından yüklərin Rusiya limanlarından aşırılması həmin şirkətlərə iqtisadi baxımdan sərf eləmir. Buna baxmayaraq Taleh Ziyadov Azərbaycan büdcəsinin hesabına bu şirkətlərə 70 faizdən artıq "güzəşt” edir. Yəni faktiki olaraq Azərbaycan dövlətinin büdcəsi kiçildiyi halda, Güdənçi şəbəkənin və Taleh Ziyadovun şəxsi büdcəsi böyüyür. Bundan başqa cumhuriyyet.az olaraq media üzərindən apardığımız araşdırmalarda yer alan məlumatlarda o da bildirilib ki, Taleh Ziyadovun "güzəşt” biznesi yuxarıda adı keçən şirkətlərlə məhdudlaşmır. Bu şirkətlərin sayı həddindən artıq çoxdur və əlaqədar dövlət qurumları yoxlamalar aparasa, bu şirkətləri müəyyən etmək heç də çətin olmayacaq. O zaman Taleh Ziyadovun Azərbaycan büdcəsinə vurduğu əsil ziyan bəlli olacaq. Redaksiyadan: Büdcə gəlirlərini artırmaq və büdcəyə əlavə 300 milyon manat gətirmək üçün hökümət elektrik enerjisinin və qazın qiymətini qaldırdı. Halbuki hökümət Taleh Ziyadovun "güzəşt” biznesinin qarşısını alsaydı və həmin vəsaitləri Taleh Ziyadovun, Gülənçi şəbəkənin və ayrı-ayrı şirkət rəhbərlərinin cibinə deyil, dövlət büdcəsinə daxil olmasını təmin etsəydi, büdcəni doldurmaq üçün onsuzda biçarə vəziyyətdə olan sadə vətəndaşların cibinə də girməyə ehtiyac qalmazdı…

23 Fevral 2017 13:03

4,4 milyon ödəyib azadlığa çıxır

Eldar Mahmudovun MTN-dəki mütəşəkkil cinayətkar qruplaşmasının sıradan çıxarılmasından sonra onun Rabitə və Yüksək Texnologiyalar Nazirliyindəki əlaltıları da ifşa edildi. Nazir Əli Abbasovun özü həbs olunmasa da, onun tabeçiliyində olan bir neçə şəxs “MTN işi” çərçivəsində həbsə alındı. Ancaq deyəsən, hakimiyyət MTN–nin cinayətkar ünsürlərindən fərqli olaraq, həbsdəki rabitəçilərə qarşı güzəştli mövqe tutur. Təxminən iki ay əvvəl “MTN işi” çərçivəsində həbs edilən Nizami Rayon Telefon Qovşağının sabiq rəisi Fətulla Seyidov azadlığa çıxdı. Gununsesi saytını  bilgiləndirən mənbənin sözlərinə görə, yaxın zamanlarda daha bir rabitəçi azadlığa qovuşacaq. Bu, “Aztelekom”un sabiq rəisi Məhəmməd Məmmədovdur. Məlumata görə Məhəmməd Məmmədov istintaq dövründə dövlətə vurduğu zərəri ödəyib. Bu məbləğ 4 milyon 400 min manat təşkil edib. Zərəri ödəyən sabiq rəisin əmlakları üzərində qoyulan həbslər də götürülüb. Mənbə Məhəmməd Məmmədovun yaxın zamanlarda azadlığa buraxılacağını deyir. Qeyd edək ki, Məhəmməd Məmmədov barəsində Cinayət Məcəlləsinin 179.3.2 (külli miqdarda mənimsəmə), 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham irəli sürülüb. Baş direktorla birlikdə daha bir neçə vəzifəli şəxs, o cümlədən «Aztelekom»un baş mühasibi Oqtay Rüstəmov də həbs edilənlər arasındadır.

21 Fevral 2017 13:21