Mehriban Əliyeva Fransa nümayəndə heyəti ilə görüşüb

11 Yanvar 2017 17:57

Xəbər 31 dəfə oxunub

Azərbaycanın birinci xanımı, Heydər Əliyev Fondunun prezidenti Mehriban Əliyeva Fransa Respublikasının Xarici İşlər və Beynəlxalq İnkişaf Nazirliyinin inkişaf və frankofoniya məsələləri üzrə dövlət katibi Jan-Mari Le Guenin başçılıq etdiyi nümayəndə heyəti ilə görüşüb.

 

Faktinfo.az -ın məlumatına görə, M. Əliyeva bu səfərin Azərbaycan-Fransa əlaqələrinin möhkəmlənməsinə töhfə verəcəyinə əminliyini ifadə edib, bu gün Azərbaycan və Fransa arasında ikitərəfli əlaqələrin yüksək səviyyədə olduğunu və bir çox sahələri əhatə etdiyini böyük məmnunluqla bildirib.

 

Azərbaycanın birinci xanımı deyib ki, informasiya texnologiyaları, kosmos və digər sahələrdə yaxşı əməkdaşlıq qurulub, Fransa şirkətləri ölkəmizdə uğurla fəaliyyət göstərir.

 

Heydər Əliyev Fondunun prezidenti humanitar sahədəki əlaqələri xüsusi qeyd edib, son illər Azərbaycan ilə Fransa arasında bu sahədəki əlaqələrin yeni səviyyəyə çatdığını deyib. Ölkələrimiz arasında təhsil sahəsində son illərin ən böyük nailiyyətlərindən biri kimi Bakıda Fransız Liseyinin və Fransız-Azərbaycan Universitetinin – UFAZ-ın fəaliyyətə başlamasını qeyd edən M. Əliyeva 4 ixtisas üzrə qəbulun həyata keçirildiyi universitetdə 5-ci ixtisasın da tədris olunacağını məmnunluqla bildirib.

 

Son illər Azərbaycan ilə Fransanın şəhərləri və regionları arasında qardaşlaşma haqqında 12 sazişin imzalandığını deyən Heydər Əliyev Fondunun prezidenti bunun həm siyasi, həm iqtisadi, həm də humanitar sahələrdə əlaqələrin inkişafına xidmət edəcəyini vurğulayıb. Azərbaycanın birinci xanımı ölkələrimiz arasında parlamentlərarası əlaqələrin yüksək səviyyədə olduğunu söyləyib. Azərbaycan-Fransa dostluq qrupunun rəhbəri kimi Mehriban Əliyeva bu sahədə daha sıx əməkdaşlığın qurulmasının mümkünlüyünə əminliyini bildirib. M. Əliyeva Fransada fəaliyyət göstərən Azərbaycanın Dostları Assosiasiyasının fəaliyyətindən danışıb, bu assosiasiyanın ikitərəfli əməkdaşlığa mühüm töhfə verdiyini qeyd edib.

 

Jan-Mari Le Guen isə Heydər Əliyev Fondunun prezidentinin fəaliyyətini yüksək qiymətləndirib, bu fəaliyyətin həm də Fransa ilə dostluq və əməkdaşlıq əlaqələrinə töhfə olduğunu söyləyib. Qonaq Bakıda Fransız-Azərbaycan Universitetinin fəaliyyətə başlamasında Mehriban Əliyevanın rolunu və dəstəyini xüsusi qeyd edib.

Balqabaq tumunun İNANILMAZ FAYDALARI

Bu yazını oxuduqdan sonra balqabaq tumundan vaz keçməyəcəksiniz. Çünki  balqabaq tumunun 5 inanılmaz faydası haqqında məlumat əldə edəcəksiniz. 1. Balqabaq tumu maqnezium deposudur. Ən mühüm həyati minerallardan biri olan maqnezium bədənin düzgün işləməsi üçün lazım olan 300-dənn çox müxtəlif biokimyəvi reaksiyanın quruluşundan cavabdehdir. Yarım su stəkanı balqabaq tumu gündəlik maqnezium ehtiyacınızın 92 faizini qarşılayır. 2. Balqabaq tumu bir növ təbii viagradır. Testesteronun səviyyəsini artırır. Kişilərin cinsi fəaliyyətində möcüzələr yaradır. İçərisində olan B, C, D, E və K vitaminlərinin libido üzərində böyük rolu vardır. Əlavə olaraq da balqabaq tumu sinklə zəngindir, bu da yüksək testesteron səviyyələrinin arxasındakı qüvvədir. 3. Balqabaq tumu rejiminizi dəyişdirir və ani isti basmalarını azaldır. Daşıdığı triptofan (beynin serotonin hasil etməsinə yarayan bir turşu) sayəsində ruh halınızı yaxşılaşdırır. Bədən temperaturunu tarazlaşdıraraq maqnezium çatışmazlığından qaynaqlanan isti basmalarını da azaldır. 4. Balqabaq tumu xərçənglə mübarizədə yardımçı olur. Balqabaq tumunun tərkibindəki "cucurbitacins" kimi tanınan maddələrin xərçəngin müalicəsinə yaxşı təsir etdiyi, hətta bəzi  xərçəng növlərinin hüceyrələrini məhv etdiyini ortaya çıxarıb. 5. Balqabaq tumu yuxusuzluğa yaxşı təsir edir. Yuxarıda bəhs etdiyimiz triptofan amin turşusu həm serotonin, həm də melatoninin istehsalını artırır. Melatonin yatma-durma dövriyyəsinə təsir edən hormondur. Balqabaq tumu yemək daha asan yuxuya getməyinizi təmin edər. Yəqin ki, bundan sonra günəbaxan toxumunu balqabaq toxumu ilə əvəz edərsiniz.

28 Mart 2017 11:43

Ayaqüstü yeməklərdan uzaq durun – Təhlükə

İnsanlar vaxt və imkan azlığına görə ayaqüstü yeməklərdən istifadə edirlər. Bu sözləri Azad İstehlakçılar Birliyinin sədri Eyyub Hüseynov ayaqüstü qəbul edilən qidaların keyfiyyəti haqda danışarkən deyib. Onun sözlərinə görə, hazırda bu cür satışların həyata keçirilməsinə heç bir nəzarət yoxdur: “Qanunsuz olmasına baxmayaraq, satıcılar antisanitar qaydada fəaliyyət göstərməkdən çəkinmirlər. Nəzərə almaq lazımdır ki, belə qidaların çoxu istifadə müddəti bitmiş məhsullardan hazırlanır. Peraşki, qutab və digər xəmir məhsullarının toz-torpaq içində hazırlanması və satılması ilk növbədə sağlamlığa ziyandır. Bu qidaların dəfələrlə eyni yağda hazırlandığını nəzərə alsaq, bunlardan istifadə daha çox mədə-bağırsaq və xərçəng xəstəliyinə səbəb olur. Ümumiyyətlə, Azərbaycanda ərzaq təhlükəsizliyi ilə bağlı vəziyyət ürəkaçan deyil. Qidaların nə qədər təhlükəli, zərərli qatqılardan ibarət olması haqda dəfələrlə müəyyən faktlar ortaya çıxarılsa da, heç kim buna məhəl qoymur. Sahibkarlara toxunulmazlıq statusunun verilməsi ilə rüşvət hallarının qarşısını almaq nəzərdə tutulurdu. Nəticədə isə bəzi sahibkarlar bundan sui-istifadə etdilər”. Xatırladaq ki, Prezident İlham Əliyev Qida Təhlükəsizliyi üzrə Dövlət Agentliyinin yaradılmasına dair fərman imzalayıb. Ölkə başçısı ərzaq təhlükəsizliyi ilə bağlı xüsusi nəzarətin və tədbirlərin görülməsini tələb edib. Agentlik 2018-ci il yanvarın 1-dən fəaliyyətə başlayacaq. Faktinfo.az

28 Mart 2017 11:21

DTX-nin bir qrup əməkdaşına ali hərbi rütbə, orden və medal verilib – SİYAHI

Azərbaycan Prezidenti İlham Əliyev Dövlət Təhlükəsizliyi Xidmətinin əməkdaşlarına ali hərbi rütbələrin verilməsi haqqında sərəncam imzalayıb. Sənədə əsasən, Azərbaycan Respublikası Dövlət Təhlükəsizliyi Xidmətinin aşağıdakı əməkdaşlarına general-mayor ali hərbi rütbəsi verilib: polkovnik Rauf Rafiq oğlu Xələfova polkovnik İlqar Əli oğlu Musayevə polkovnik Sahib Novruz oğlu Nağıyevə polkovnik Asif Mustafa oğlu Rüstəmova. Dövlət başçısının digər sərəncamı ilə Azərbaycan Respublikasında milli təhlükəsizliyin təmin edilməsində, xarici xüsusi xidmət orqanlarının kəşfiyyat-pozuculuq fəaliyyətinin qarşısının alınmasında, beynəlxalq terrorçuluq və transmilli mütəşəkkil cinayətkarlıqla mübarizədə fərqləndiklərinə görə Azərbaycan Respublikası Dövlət Təhlükəsizliyi Xidmətinin aşağıdakı əməkdaşları təltif ediliblər: 2-ci dərəcəli «Vətənə xidmətə görə» ordeni ilə: Rzayev Ceyhun Fərzalı oğlu - general-mayor 3-cü dərəcəli «Vətənə xidmətə görə» ordeni ilə: Ələkbərov Fazil Nəriman oğlu - general-mayor Fərzəliyev Sultan Cavanşir oğlu - polkovnik Usubov Mütəllim Məhiş oğlu - polkovnik «Vətən uğrunda» medalı ilə: Ağayev Ramil Ağami oğlu - mayor Cəfərov Şəhruz Cəlaləddin oğlu - kapitan Səfərov Fuad Vaqif oğlu - polkovnik Süleymanov Elşən Müzəffər oğlu - mayor «İgidliyə görə» medalı ilə: Əlizadə Xəqani Sücayət oğlu - kiçik çavuş Fərzəliyev Muradxan Arif oğlu - kapitan Rəsulov Ramin Qabil oğlu - mayor Yusifzadə Emin Elxan oğlu - kapitan «Hərbi xidmətlərə görə» medalı ilə: Bağırov Elnur Bəxtiyar oğlu - mayor Bayramlı Elbrus Binəli oğlu - ədliyyə polkovnik-leytenantı Həmzəyev Rəşad Firidun oğlu - polkovnik Qasımov Səbuhi Vaqif oğlu - mayor Məmmədov Madar İbrahim oğlu - kapitan Məsimov Nazim Abbas oğlu – kapitan Musayev Mehman Fikrət oğlu - polkovnik Paşayev Elnur Elman oğlu - kapitan. Prezident İlham Əliyevin daha bir sərəncamı ilə Xarici Kəşfiyyat Xidməti rəisinin müavini Ceyhun Vaqif oğlu Şadlinskiyə general-mayor ali hərbi rütbəsi verilib.

27 Mart 2017 19:24

Deputat:“Manatı bu vəziyyətdə qoruyub saxlamaq lazım deyil”

“Milli valyutanın məzənnəsinin sabit saxlanması doğru deyil”. Bu sözləri Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov modern.az-a manatın dollara münasibətdə qiymətini saxlamasını şərh edərkən deyib:  “Bir müddət əvvəl 1 manat 1 .90 dollar səviyyəsinə qədər ucuzlaşmışdı. Mərkəzi Bankın yürütdüyü bu siyasət nəticəsində nəzarət mexanizmi bir qədər də gücləndirilib. Hazırda 1 manat 1,7201 dollar səviyyəsindədir. Bu sabitlik müəyyən qədər effekt verə bilər. Amma uzun müddət üçün bu, manat qıtlığının artmasına, manat ətrafında ajiotaja səbəb ola bilər. Mən düşünürəm ki, ilkin olaraq manata etibarlılığı artırmaq lazımdır. Hazırda manatın neftdən asılılığı qalır. İdxal-ixrac əməliyyatlarındakı problemlər müəyyən qədər öz həllini tapsa da, konkret olaraq nəticə yoxdur. Bu səbəbdəndir ki, pul qıtlığı yaranıb, banklar kredit verə bilmir. Bütün bunlar gələcəkdə iqtisadiyyatın artımına müəyyən ziyan vuracaq. Bu gün manat öz həqiqi bazar dəyərini tapmalıdır. Əks halda, real sektor, cənab prezidentin 11 sahə üzrə qəbul etdiyi strateji yol xəritəsi inkişaf etməsə, gələcəkdə çox pis vəziyyət yarana bilər. Ona görə də manatı bu vəziyyətdə qoruyub saxlamaq lazım deyil. Nəzarət mexanizmi-xaricə valyuta axının qarşısının alınması, idxal-ixrac əməliyyatlarında nəzarət güclənməsi vacibdir. Həm də real sektoru inkişaf etdirmək lazımdır ki, oradan gələn gəlirlər artsın. Manata etibarın artması Azərbaycan iqtsadiyyatı üçün çox önəmlidir”. Manatın uzuclaşması, həm də bayramla əlaqədar bahalaşan qiymətlərə gəlincə, deputat bunun obyektiv və subyektiv səbəblərinin olduğunu qeyd edib: “Elə qiymətlər var ki, məhsul ölkədə istehsal olunsa da, bayram gələn kimi qalxır. Məsələ burasındadır ki, həmin qiymətlər bayramdan sonra da düşmür. Bu gün bəzi meyvələrin qiyməti bahalaşıb. Bunlar subyektiv səbəblərdir. Amma obyektiv səbəblər də var. Belə ki, bir çox məhsullar, onların komplektləri xaricdən dollarla alınır. Digər tərəfdən, dollar ucuzlaşır, manat bahalaşır, amma qiymətlərə təsir etmir. Bu vaxt da istehsalçı şirkətlər deyir ki, “biz anbarlarda olan məhsulları satırıq. Onu dollar baha olanda almışıq. Hələlik yeni mal almamışıq, satdıqlarımız köhnə qiymətə aldıqlarımızdır”. Bunların hamısı spekulyativ qiymətlərdir. Aidiyyatı orqanlar bunun üzərində işləməlidir. Bazardakı şişirdilmiş qiymətlərin qarşısı alınmalıdır. Əks halda bütün bunlar sosial narazılıqlara səbəb ola bilər. Qiymətlər obyektiv səviyyədə müəyyən olunmalıdır”.

27 Mart 2017 16:04

BSU təkzib edir…

Faktinfo.az-a Bakı Slavyan Universitetinin  mətbuat xidməti tərəfindən göndərilən  məlumatda bildirilir ki,dünən bir çox saytlar BSU-da əmək haqlarının yubanması ilə bağlı  qərəz nümayiş etdiriblər. Mətbuat xidməti tərəfindən göndərilən  məlumatda bildirilir ki, universitetdə fevral ayının əmək haqqı yubadılır, amma bunun   universitetin rəhbərliyi ilə heç bir əlaqəsi yoxdur. Məlum olduğu kimi, ölkənin 12 universiteti üç aydır ki, tələbələrin təqaüdlərini verə bilmir, bir çox universitetlər isə əmək haqqını yubatmaqdadırlar. Əslində, bunun universitetlərin rəhbərliklərinə heç bir aidiyyatı yoxdur. Təqaüdlərlə bağlı Maliyyə Nazirliyi özü açıqlama yayıb. Orada deyilir: “Dövlət sifarişi ilə ali təhsil və digər müəssisələrdə kadr hazırlığı xərclərinin, o cümlədən təqaüd xərclərinin maliyyələşdirilməsi ilə bağlı Təhsil Nazirliyi tərəfindən hazırlanmış müvafiq normativ hüquqi aktın layihəsi Maliyyə Nazirliyinə təqdim olunub. Həmin layihə təhlil edilərək əsasən məqbul hesab olunub və aidiyyəti üzrə Təhsil Nazirliyinə göndərilib. Sözügedən layihə Təhsil Nazirliyi tərəfindən hökumətə təqdim edildikdən və prosedura uyğun olaraq müvafiq sərəncam Nazirlər Kabineti tərəfindən təsdiq olunduqdan sonra Maliyyə Nazirliyi təhsil və təqaüd xərclərinin maliyyələşdirilməsini tam təmin edəcək". Bu təqaüdlərin məsələsi. Əmək haqlarına gəldikdə isə, bəlli olduğu kimi, ölkədə dolların kursu sabitləşmədiyindən valideynlər təhsil haqlarının ödənişləri ilə bağlı müəyyən poblemlərlə qarşılaşmışlar. Onlar ilin əvvəlindən bəri ödənişlərin bir hissəsini versələr də, onu tam ödəməkdə çətinlik çəkməkdədirlər. Universitet isə əmək haqlarını həmin ödənişlərin hesabına həyata keçirir. Digər tərəfdən, məsələ heç də bəzi saytların yazdığı kimi deyil, yəni universitet hamının maaşlarını saxlamayıb, texniki heyət və xidmət personalı əmək haqlarını əvvəlki qaydada, vaxtında alıblar. Müəllimlərin əmək haqqına gəldikdə isə, onların maaşlarının da ayın sonunadək verilməsi nəzərdə tutulmuşdur. Qaldı universitetdə bayram tədbirinin keçirilməsi və universitet rəhbərliyinin tələbələrlə birgə şənlik etmələrinə, burada qəribə heç nə yoxdur. Biz bununla bağlı onlara ümummilli lider Heydər Əliyevin və Azərbaycan Prezidenti İlham Əliyevin sözlərini xatırlatmağı zəruri hesab edirik. Azərbaycan dövlətinin qurucusu ulu öndər demişdir: “Bu bayram əmin-amanlığın, sabitliyin rəmzidir. Bu bayram ölkədə gedən hüquqi, dünyəvi, sivil dövlət quruculuğunun rəmzidir. Bu bayram insan haqlarına, hüquqlarına olan yüksək hörmət və qayğının rəmzidir. Novruz onu göstərir ki, Azərbaycanda dövlət müstəqilliyi dönməz amil olubdur, müstəqilliyimiz möhkəmlənir, inkişaf edir. Şənliklər onu sübut edir ki, daxili ictimai-siyasi sabitlik bərqərar olubdur. İnsanlar ağır əziyyətlərdən, daxili toqquşmalardan, ədavətdən, ziddiyyətlərdən xilas olub rahat yaşayır, gələcəyə inamla baxırlar”. Azərbaycan Prezidenti cənab İlham Əliyev də ulu öndərin layiqli varisi kimi Novruzun yüksək səviyyədə qeyd olunmasını Vətənə bağlılığın rəmzi kimi dəyərləndirmişdir: “Harada yaşamasından asılı olmayaraq, bu bahar bayramını bütün azərbaycanlılar dərin məhəbbət və ehtiramla qeyd edirlər. Qoy onların bu hissləri dünya azərbaycanlılarının doğma Vətənə, ana dilinə və el-obalarına əbədi bağlılıqlarını daha da gücləndirsin”. Bundan əlavə, BMT-nin Baş Məclisi 2010-cu il fevralın 23-də keçirilmiş iclasında “Beynəlxalq Novruz Günü” adlı qətnamə layihəsini qəbul etmiş və həmin gündən bu bayram qeyd olunur. Belə olduğu təqdirdə BSU-nun prorektorlarının tələbələrlə birgə rəqs etməsində, arada səmimiyyət körpüsünün olmasında nə pis iş var ki? Əslində sevinmək lazımdır ki, universitet rəhbərliyi ilə tələbələr bir-birinə bu qədər yaxın və doğmadır. Qaldı, universitetin tikinti meydanına oxşamasına, bu abadlığın, quruculuğun rəmzidir. Bu universitetə demək olar ki, hər gün xarici qonaqlar gəlir, onların üzünə yüksək səviyyədə təmir olunmuş, abadlaşdırılmış bir ali məktəbin qapıları açılır, üzümüz ağ olur. Universitetdəki tədbirdə müğənnilərin iştirakına gəldikdə isə, bunu birmənalı şəkildə bəyan edirik ki, heç bir müğənni gəlib universitetdə mahnı oxumasına görə universitet rəhbərliyindən pul almayıb. N.Əliyeva YAP-ın Qadınlar Şurasının sədri kimi arada olan xətir-hörmətə əsasən onları dəvət edib və onlarda tədbirdə iştirak ediblər. BSU-nun Mətbuat xidməti

17 Mart 2017 18:54

ADAU -da Novruz şənliyi keçirilib

Bəşəriyyətin ən qədim şənliklərindən, mərasimlərindən biri olan Novruz bayramı xalqımızın bu günə qədər yaşatdığı, qoruyub gələcək nəsillərə ötürdüyü, müqəddəsləşdirdiyi bir dəyərdir. Bu bayram özündə dünyanın yaranma və yaşam sirlərindən tutmuş, gələcəyə, xoşbəxtliyə, bolluğa ümidi də əks etdirir. Novruz yeni gün, yeni həyat mənasını daşımaqla həm də azərbaycanlıların yeni ilidir. Çünki məhz Novruzda həyat yenidən canlanır, torpaq qış yuxusundan oyanır, bitkilər baş qaldırır, ağaclar çiçəkləyir, günəşin istisi artır, gecə ilə gündüz bərabərləşir və beləliklə də yeni həyat başlayır.  ADAU-nun mətbuat xidmətindən bildirilib ki, bu müqəddəs bayram təhsil müəssisəsinin bütün fakültələrində yüksək coşqu və böyük məhəbbətlə qeyd edilib. Süfrələr səməni, şirniyyatlar və bərəkət rəmzləri ilə  bəzədilib. Milli geyimli tələbə qızlar və oğlanlar bayram sevincini rəqslər, mahnılar, eləcə də novruza aid səhnəciklərlə yaşayıb. Aqranomluq fakültəsində isə tədbir daha mıhtəşəm formada qeyd edilib. Fakültənin dekanı Məhərrəm İsmayılov müqəddəs günün dəyərlərindən danışıb, dövlətin bu bayramı dünya səviyyəsində tanıtmasından söz açıb və universitetin rektoru, AMEA-nın müxbir üzvü, professor İbrahim Cəfərovun adından tədbirə toplaşanları təbrik edib. Rəngarəng musiqilər, mahnı və rəqslər, yumoristik səhnəciklər tədbirin dəyərini qat-qat artırıb. Tələbələrin müəllimləri ilə birgə rəqsləri isə bayrama xüsusi şirinlik gətirib. Bayram şənliyi alovlanan tonqalın ətrafında davam edib və tələbə dünyasına Novruz bayramı doğrudan da yeni gün kimi yazılıb.

17 Mart 2017 18:07