Olimpiya çempionumuz mövqeyini qorudu, Harçeqani 3 pillə irəlilədi

9 Yanvar 2017 14:11

Xəbər 21 dəfə oxunub

Dünya Taekvondo Federasiyası ilin ilk reytinq cədvəlini açıqlayıb. Apasport.az saytının məlumatına görə, yanvar üçün Olimpiya çəkiləri üçün açıqlanan cədvəli Azərbaycan üçün uğurlu saymaq olar.

 

Belə ki, Rio-2016-nın qalibi Radik İsayev +80 kq çəki dərəcəsində yenə də birincidi. Aktivində 504.07 xalı olan idmançımız ən yaxın izləyicisi Dmitri Şokini (Özbəkistan) 130,85 xal qabaqlayır.

 

Olimpiadanın bürünc medalçısı Milad Beiqi Harçeqani (80 kq) isə mövqeyini yaxşılaşdırıb. 3 rəqibini qabaqlayan təmsilçimiz ikinci yerə yüksəlib. O, 336,23 xala malikdi.

 

68 kq çəki dərəcəsində yığmamızın lideri Ayxan Tağızadə də irəliləyənlər sırasındadı. Komandalararası dünya çempionatının qalibi olan həmyerlimiz 4 pillə irəliləməklə, “onluğ”a daxil olub. 175,82 reytinq xalı olan Tağızadə 8-cidi.

 

Xanım taekvondoçularımızdan Patimat Abakarova (49 kq) və Fəridə Əzizova (67 kq) da ən güclülərin qərarlaşdığı “16-lıq”dadılar. Onlar müvafiq olaraq, 16-cı (205,32 xal) və 13-cüdü (205,00).

“Bavariya” “Arsenal”ı darmadağın etdi

Çempionlar Liqasında 1/8 final mərhələsinin oyunları davam edir. Faktinfo.az -ın məlumatına görə, bu gün daha 2 matç keçiriləcək. “Bavariya” öz meydanında “Arsenal”ı qəbul edəcək. Bu komandalar son 5 ildə 4-cü dəfə pley-offda üz-üzə gəlirlər. Əvvəlki 3 halda mərhələni adlayan tərəf almanlar olub. Digər matç isə Madriddə oynanılacaq. Turnirin son qalibi “Real” “Santyaqo Bernabeu”da “Napoli”ni sınağa çəkəcək. Beyl kimi aparıcı futbolçusunun olmamasına baxmayaraq, görüşün favoriti ispanlardır. 15 fevral Çempionlar Liqası 1/8 final mərhələsi, ilk oyunlar 23:45. “Bavariya” (Almaniya) - “Arsenal” (İngiltərə) - 5:1 Qol: Aryen Robben, 11 (1:0), Aleksis Sançes, 30 (1:1), Levandovski, 53 (2:1), Alkantara, 56 (3:1), 63 (4:1), tomas Müller, 88 (5:1) 23:45. “Real” (İspaniya) - “Napoli” (İtaliya) - 3:1 Qol: Lorense İnsinye, 8 (0:1), Kərim Benzema, 19 (1:1), Toni Kross, 49 (2:1), Kasemiro, 54 (3:1) 21 fevral “Bayer Leverkuzen” (Almaniya) - “Atletiko” (İspaniya) “Mançester Siti” (İngiltərə) - “Monako” (Fransa) 22 fevral “Portu” (Portuqaliya) - “Yuventus” (İtaliya) “Sevilya” (İspaniya) - “Lester” (İngiltərə) 14 fevral “ Benfika” (Portuqaliya) - “Borussiya” (Dortmund, Almaniya) 1:0 PSJ (Fransa) - “Barselona” (İspaniya) 4:0 Qeyd edək ki, ÇL-də 1/8 final mərhələsinin cavab oyunları 7,8, 14 və 15 mart tarixlərində keçiriləcək. (daha&helliip;)

16 Fevral 2017 01:40