Özcan Dəniz Azərbaycandan üzr istədi: “Sizləri sevirəm”

7 Yanvar 2017 18:57

Xəbər 25 dəfə oxunub

Dünən Azərbaycan mediasında Özcan Dənizin erməni dilində mahnı oxuduğu bir video paylaşılaraq tənqid edilmişdi.

Faktinfo.az məlumatına görə, müğənni bu gün həmin görüntülərlə bağlı açıqlama yayıb:

“Sevgili Azərbaycanlı qardaşlarım, təxminən 10 il əvvəl “Mədəniyyət körpüləri” adlı bir konsert silsiləmiz var idi. Bu konsertdə Mesopotamiyaya aid bir çox dildə mahnı oxuduq. Bu video layihənin tanıtımı üçün 8 il əvvəl iştirak etdiyim bir proqramdandır. Repertuarda hətta ispan və ingiliscə mahnılar da var idi. Kanal 24-də yayımlanan “Kafa Dengi” proqramına da təminən 10 il əvvəl bu konsertlərin tanıtımı üçün çıxmışdım və oxuduğum da sadəcə həmin an əzbər bildiyim bir türkü idi. Emin Sabitoğludan bəhs etməli idim, haqlısınız. Sadəcə bunun üçün sizdən üzr istəyə bilərəm. Məlumatsızlığıma bağışlayın! Mən artıq səhnəyə çıxmıram… Sənətin dili, dini, irqi olmaz. Sizə orada hansı media orqanı necə təqdim edir, bilmirəm, amma təhrif etdikləri dəqiqdir. Mən sənətçiyəm, yer üzündəki heç bir mədəniyyətə düşmən ola bilmərəm. Siyasət mənim işim deyil. Bu qəsdən edilən davranış məni ən az sizin qədər kədərləndirdi və qəzəbləndirdi. Keçmişdə yaşadığınız acıları ən az sizin qədər bilirəm, hiss edirəm və yanınızdayam. Azərbaycanlı dostlarım bilir, mən hər il Xocalı Soyqırımının ildönümündə kədərinizi paylaşıram. Bir neçə dəfə Bakıda Şəhidlər Xiyabanına gedib dua etmişəm.

Allah bilir ki, çəkdiyim seriallarda Azərbaycan xalqını alçaldacaq hər cür ssenariyə qarşı çıxmışam. Biz qardaşıq, sizlərlə mənim münasibətim daha fərqlidir. Türk filmini  Azərbaycana ilk gətirən mənəm. Türkiyədə Azərbaycan sənətçilərinə ilk dəfə konsert təşkil edən də mənəm. Hazırda azərbaycanlı dostlarımızla iki qardaş ölkənin ortaq dəyəri olan “Koroğlu” dastanını çəkmək üçün görüşlər keçiririk.

Bakı hər zaman mənim ikinci şəhərim, azərbaycanlı qardaşlarım da hər zaman mənim dostlarım olacaq. Buna zərər vermək istəyənlər sadəcə etdikləri pisliklə qalacaqlar. Sizləri sevirəm və pisniyyətli insanlara deyil, qəlbimə inanın. Allaha əmanət olun”.

“Sənin ananın adı İlhamə yox, Lalədir” – İlhamə Quliyevanın bacısından Orxana

Mərhum xalq artisti İlhamə Quliyevanın bacısı Gülbahar Quliyeva Orxan Nadirovun ittihamlarına cavab verib. Axşam.az-a açıqlama verən G.Quliyeva bildirib ki, bacısının yas mərasiminin xərcini Orxan yox, dövlət ödəyib: “Orxanın danışdıqları yalandır. İnsanlara bu sözləri keçmir, keçməyəcəkdə. Onun bugünə kimi verdiyi müsahibələrin hamısı şər üzərində qurulub. Onun yalanları ayaq tutsa da, yerimədi, axıra kimi də belə gedəcək. “Anam onu dedi, nənəm belə etdi” sözlərini deməsin... Sənin ananın adı İlhamə yox, Lalədir. Onun hərəkəti sui-istifadədir. Deyir 40 gün yas verdim. İlhamə xanımın ölümü ilə bağlı bütün xərcləri Orxan Nadirov yox, dövlətimiz ödəyib. Deyir, guya heç kim bundan başqa yas saxlamayıb. İlk İlhaməni sevənlər yas saxladılar. Bir ildir onun bacıları, qohumları yas saxlayır, heç bir toya getmir. Özü də hamımız yasda da iştirak etmişik. Bacılar qara bayram keçirib, onun ruhuna “Quran” oxutdurublar. Bizim ailə bu məsələ ilə bağlı heç bir açıqlama verməyib. Şoudan, qalmaqaldan uzaq olmuşuq. Deyir miras davası etmirəm, niyə yalan danışır? Heç kim öz xoşu ilə varis olmur. Varisi qanun tətbiq edir. Onun iddiaları qanunsuz olduğu üçün heç yerdə də keçmir”. Qeyd edək ki, O.Nadirov açıqlamasında İ.Quliyevanın bacılarının tək məqsədinin mərhumun mirasına sahib olmaq olduğunu bildirib.

23 Fevral 2017 17:46