Rayonlarda demək olar ki, təhsil yoxdur, amma bu ad altında milyonlar mənimsənilir

28 Aprel 2015 16:39

Xəbər 3411 dəfə oxunub

 

Təhsil hər bir dövlətin, cəmiyyət həyatının

fəaliyyətinin mühüm bir sahəsidir.

Cəmiyyət təhsilsiz inkişaf edə bilməz.

Heydər Əliyev

Təhsil naziri Mikayıl Cabbarov təhsilin inkişafında bir çox uğurlara imza atmaq məqsədilə rayon təhsil şöbələrini rayon icra hakimiyyəti başçılarından almaq istədi. Amma buna nail ola bilmədi. Açığı rayon təhsil şöbələrinin əndazəni aşan müdirləri də Regional Təhsil İdarəsinin yaradılmasına razı deyildi, əksinə buna mane olurdular. Çünki, neçə illərdən bəri rayon icra hakimiyyəti başçıları, rayon maliyyə idarəsi rəisləri ilə əlbir təhsildəki mənimsədikləri milyonlarla dövlət vəsaitinin üstü açılar, kimlərinsə məsuliyyətə cəlb olunmaları baş verə bilərdi. Düzdür, müəyyən kəsim rayon təhsil şöbə müdirləri       var ki, onlar qanundan kənar hərəkət etməkdə israrlı deyil, amma hardasa inanmaq olar ki, 70% rayon təhsil şöbə müdirlərinin “oğurladıqları” dövlət vəsaitinin üstü açılardı. Neftin dünya bazarında düşməsindən iqtisadi zərər görən respublikamız üçün “oğurlanan” milyon manatlarla dövlət vəsaitinin büdcəyə qaytarılması göydən düşmə olardı. Onlarla rayon təhsil şöbə müdirlərinə şərait yaradan rayon maliyyə idarəsi müdirləri də məsuliyyətdən kənarda qalmazdı. Təəssüf, çox təəssüf…

Digər tərəfdən onlarla təhsil şöbə müdiri rüşvət alıb məktəblərə yerləşdirdikləri minlərlə saxta diplomlu şəxslərin müəllim işləməsi üçün 10-15 min manat vəsaitin haqq-hesabına cavabdeh olardı. İkili mühasibatlıq sənədləri ilə işləyən bəzi təhsil şöbəsi rəhbərləri müəllim məvaciblərinin düzgün hesablanmamasına görə ifşa olunardı.

Gəncə şəhər Təhsil Şöbəsinin ötkəm müdiri Zakir Hüseynovun Gəncə şəhər təhsilində özünəsərf və özünəməxsus şəkildə idarə etməsinə son qoyulardı. Təlim-tədris prosesinin geriləməsindəki vəziyyət barədə ondan soruşular, savadlı riyaziyyatçı Əyyub müəllimin Zakir Hüseynovdan nə üçün şikayətçi düşdüyü tərəfsiz araşdırılardı. Gəncə məktəblərində saxta diplomlu müəllimlərin bilərəkdən nə məqsədlə orta məktəblərə yerləşdirdiyinə aydınlıq gətirilərdi. Gəncə 4 nömrəli rus məktəbində müəllimlərin hansı universitetləri bitirdiyinə dair balaca bir təftiş aparılardı.

Və yaxud Şabran rayon Təhsil Şöbəsinin müdiri Emin Mövsümova 2014-cü ildə aldığı inventarlarla bağlı sual verilərdi ki, inventarları haradan almısınız? İnventarlar real bazar qiymətlərinə rəsmi sənədlərdə uyğun gəlirmi? 153.718 min manata alınan inventarın neçə il istismar müddəti ola bilər? Yoxsa Şabran rayon Təhsil Şöbəsinin olmayan təlim-tədris prosesi ilə eynilikmi təşkil edir alınmış inventarlar? Şabranın bir çox kənd məktəblərində müəllimlər dərsə gəlməyib, şagirdlərin ortalıqda qaldığı bir şəraitdə müəllimlərin məvacibini kim alır, kənd orta məktəblərinin qapısı nədən qıfıllıdır? TQDK 2013-2014-cü tədris ilinin buraxılış yekunlarını təhlil edərkən nəticələr Emin Mövsümovda hansı təəssüratlar yaratdı və Emin Mövsümov Bakıdakı dostlarından nələri xahiş etdi?

“Hacıqabul royonunda təhsil yoxdur” fikri yetərsaydır. Kənd orta məktəblərində baş verənlər mətbuatdan ictimaiyyətə bəllidir. Hacıqabul rayon Təhsil Şöbəsinin müdiri Şükür Məmmədovu təhsil, orta məktəblərdəki təlim-tədris prosesi, şagirdlərin dərsə davamiyyəti, müəllimlərin üzərinə düşən vəzifələrin yerinə yetirilməsinə nəzarət etməsi düşündürmür. Bir ayağı Bakıda olan Şükür Məmmədov bizneslə də məşğuldur. Daha doğrusu, vaxtı yoxdur ki, təhsilə zaman ayırsın, işlərini müavini aparır, müəllimlər də problemlərini müavinə deyir. Subyektiv fikrimizdir, müavininin təhsil şöbə müdiri işləməsi daha yaxşı olar.

Ucar rayon Təhsil Şöbəsi barəsində də vəziyyət ürəkaçan deyil. Orada da təhsil yoxdur fikri yetərsaydır. Çünki, dövrünə görə rayon təhsil şöbəsinin müdiri Fuad İsrafilov 30 saat ədəbiyyat və digər fənlərə dair dərs yükü üçün 8-9 müəllim işə götürür. İndi ona sual verən lazım idi ki, dərs yükü yox idisə, bu müəllimləri nə üçün yığmısan bura? Qeyri-ixtisas sahibi olan “müəllimlər” Ucarda yüzlərlədir. Fuad İsrafilov da biznesmendir. Hətta onun adı bir ara rayona icra başçısı olmaqla hallanırdı. Ucar rayon Təhsil Şöbəsi barədə ayrıca bir mövzu ilə çıxış edəcəyik.

Neçə illərdir ki, Masallı rayon Təhsil Şöbəsinin müdiri Astan İbişov barəsində mətbuat yazır, amma ölçü götürülmür. Redaksiyaların qəzet pullarına da göz dikən bu şəxs müəllimlərdən külli miqdarda abunə pulu adı altında vəsait yığır, KİV-də gündəmə gəlir. Həm qudası, həm də bacanağı olan Masallı rayon Maliyyə İdarəsinin müdiri ilə kifayət qədər qaranlıq maliyyə sövdələşmələri həyata keçirib. KİV buna dair onlarla fakt ortaya qoyub. Bircə o həqiqətdir ki, Azərbaycan Respublikasının prezidenti cənab İlham Əliyevin 2011-ci il fərmanında göstərilib ki, təhsil şöbəsində yaş senzi ilə bağlı ümumi işçilərin 2%-i çalışa bilər. Masallı rayon Təhsil Şöbəsində 43 işçi olduğu halda, bu 0.86%-dir, yəni 1 nəfər yerinə 3 nəfər çalışıb. Məgər bunlar qanun pozuntusu, vəsait israfçılığına şərait yaradan əmsallar deyil? Kim vəsaiti buraxır bu kimi “işlərə”? Təbii ki, rayon maliyyə idarəsi!

Göygöl rayon Təhsil Şöbəsinin müdiri Elbrus Atayev il ərzində rayonda təhsilin inkişafına dair işlərlə məşğul olmaq əvəzinə təşkilati məsələlərlə maraqlanır, demək olar onlar təlim-tədris prosesindən uzaqdır. Yeri gəlmişkən, Elbrus Atayev barəsində saytlarda yazılan tənqidi yazılar onun rayon təhsili ilə maraqlanmadığını təsdiqləyir.

Lənkəran rayon Təhsil Şöbəsinin xanım müdiri Şahanə Əhmədovanı ümumiyyətlə təhsil deyil, gündəlik qazancı maraqlandırır. Bunu hamı bilir və Lənkəran təhsilinin kimə həvalə olunmasına, təhsilin nə zaman təhsili bilənə tapşırılacağına dair fikirlərlər ortaya qoyulur. Rayondakı təhsillə bağlı biabırçı vəziyyət Mikayıl Cabbarovun əldə etdiyi uğurları kölgələyir. Təsəvvür edin ki, nazir gənc kadrları rayonlara işləməyə göndərmək istəyir, rayonlarda isə vakant yerlər gizlədilir. Yaşı 65-i ötmüş müəllimlərdən il ərzində aldıqları məvacibin 50%-nin geri alınması müqabilində işləməyə üstünlük verilir. Qocaman müəllimlər ümumiyyətlə dərsə gəlmir, gəldikdə isə dərsdə mürgüləyir, nəsillər isə təhsilsiz qalır. İki ildən sonra ali məktəblərə qəbul faizinin aşağı statistikasına, keçid ballarının aşağı salınmasına 50-60% abuturiyentin 0-50 bal arasında “müvəffəqiyətinə” ictimaiyyət Mikayıl Cabbarovu günahkar biləcək. Daha deyilməyəcək ki, icra başçılarının başını sığalladığı mütləq 90% təhsil şöbə müdirlərinin təyin olunmasında Mikayıl Cabbarovun xəbəri olmayıb. Bəli, bəli…

Amma o da şəksizdir ki, təhsilə biznes tərəfdən yanaşan təhsil şöbə müdirləri icra başçılarına sərf etdikləri kimi, özlərinə də pis gün ağlamayıblar. Məsələn, illik təhsilin icmal büdcəsinin “şişirdilməsi”nə şərait yaradılıb, milyon manatlarla dövlət vəsaitinin israfçılıqla xərclənməsi baş verib, məktəblərdə ştat vahidlərinə görə qanunsuz müavinətlər yazılıb, kompleksləşmə tələb olunan siniflərdə bu tələb aparılmayıb, artıq əmək haqqı yazılıb və vəsaiti özlərinə sərf şəkildə mənimsəyiblər. Siniflər qanunsuz olaraq yarımqrupa bolünüb, müxtəlif fondlara pul köçürülüb, “obnaliçka” olunub, amma bunların təhsilin inkişafına heç bir aidiyyəti olmayıb. Yeri gəlmişkən, Ağdam rayon Təhsil Şöbəsində aparılan yoxlamalardan sonra Cəbrayıl və Füzuli təhsilində də yoxlamalar aparılacağı barədə fikirlər var.

Sabirabad rayon Təhsil Şöbəsinin müdiri Elman müəllimin təhsildən xəbəri olmasa da, xanım müəllimlərə xüsusi yanaşma tərzində mahirdir. Elman müəllim krikumun mahiyyətini bilmir. Onda sual oluna bilər ki, bu şəxs rayonda təhsili necə idarə edir?

Nəhayət, qənaətimiz odur ki, belə gedə bilməz. Bəlkə də zamanı gəldikdə təhsil şöbə müdirləri təlim-tədris, təhsil prosesindəki acınacaqlı vəziyyətə dair sorğu-sual olunar. Hələlik, rayonlarda təhsil rəhbərlərinə hələ ki, təhsil yox, onların qarşısında qoyulan öhdəliklərin xətasız yerinə yetirilməsi lazımdır.

Faktinfo.az



  •  

     

     

    Tayvan kimi dövlətlər postindustrial ön sıralarına


  • təsadüfən çıxmayıb. Burada sən demə, orta məktəb


  • məzunlarının 30%-dən çoxu ali məktəb tələbələri olub və


  • onu müasir dövlətə çevirən iqtisadiyyat yox,


  • təhsil inkişaf meyllərinin düzgün qavranılması qanuniləşdirib.


  • Ramiz Mehdiyev  

  • “Modernləşmə xətti” məqaləsi

Aqrar Universitetdə süni mayalandırma işlərinin inkişafına aid tədbir keçirilib

Azərbaycan Dövlət Aqrar Universitetinin  “Baytarlıq təbabəti və zoomühəndislik” fakültəsində respublikada heyvandarlığın cins tərkibinin yaxşılaşdırlmasında həyata keçirilən tədbirlər, kadr hazırlığı məsələləri, uçot-hesabat sisteminin hazırlanmasında informasiya-kommunikasiya texnologiyaları və digər aktual məsələlər müzakirə edilib. ADAU-nun mətbuat xidmətindən bildirilib ki, Kənd Təsərrüfatı Nazirliyi tərəfindən icra edilən “Azərbaycanda maldarlığın və süni mayalanma xidmətlərinin inkişaf etdirilməsi” layihəsi çərçivəsində mütəxəssis hazılığının aparılması və beynəlxalq əlaqələrin qurulması sahəsində görülən işlər və planlaşdırılan tədbirlər ətrafında geniş fikir mübadiləsi aparılıb. Təhsil müəssisəsinin prorektoru Anar Hətəmov kadr hazırlığı sahəsində əldə edilən nailiyyətlərdən danışıb. Şəki, Zaqatala, İsmayıllı, Bərdə, Ağcabədi, Ağdaş, Goranboy, Daşkəsən, Samux, Göygöl və Şəmkir rayonundan olan süni mayalandırma mütəxəssisləri və rayon kənd təsərrüfatı idarələrinin əməkdaşları isə mövcud problemlər və qarşıda duran vəzifələr barədə məlumat verib.  Azərbaycan Dövlət Aqrar Universitetinin  rektoru, akademik İbrahim Cəfərov və  Kənd Təsərrüfatı Nazirliyinin Heyvandarlığın inkişafı şöbəsinin müdiri Qalib Əbdüləliyev də tədbirdə İştirak edib. Sonda “Heyvanların Süni Mayalandırıılması Mütəxəssisləri Assosiasiyası” İctimai Birliyinin yaradılması üzrə təsis iclası keçirilib. İclasa respublikanın müxtəlif rayonlarında fəaliyyət göstərən süni mayalanma, baytarlıq və zoomühəndislik mütəxəssisləri, elmi-tədqiqat institutunun və müvafiq aili və orta ixtisas tədris müəssisələrinin əməkdaşları qatılıb.        

27 Fevral 2017 11:32

Bakıda Prezidentin iştirakı ilə “Xocalı yürüşü” – Foto

XX əsrdə bəşər tarixinə Xocalı soyqırımı kimi daxil olan qanlı faciənin 25-ci ildönümü ilə əlaqədar fevralın 26-da Bakıda ümumxalq yürüşü keçirilir. Axar.az xəbər verir ki, Azərbaycan Respublikasının Prezidenti İlham Əliyev və Birinci vitse-prezident xanım Mehriban Əliyeva yürüşdə iştirak ediblər. Paytaxtın Azadlıq meydanından Xətai rayonunda ucaldılmış abidəyə doğru hərəkətə başlayan və 40 mindən çox insanın iştirak etdiyi ümumxalq yürüşünün məqsədi Xocalı faciəsi qurbanlarının xatirəsini ehtiramla yad etmək, erməni faşistləri tərəfindən insanlığa qarşı törədilmiş bu vəhşi cinayəti yenidən dünya ictimaiyyətinin diqqətinə çatdırmaqdır. Ön sırasında Prezident İlham Əliyevin və Birinci vitse-prezident xanım Mehriban Əliyevanın olduqları yürüş iştirakçıları Xocalı soyqırımı qurbanlarının xatirəsinə Bakının Xətai rayonunda ucaldılmış abidəyə doğru hərəkətə başladılar. Ümumxalq yürüşünün iştirakçıları və onların keçdiyi prospekt və küçələr boyu düzülmüş minlərlə gənc əllərində qanlı qırğının günahsız qurbanlarının - xüsusi qəddarlıqla qətlə yetirilmiş uşaqların, qadınların və qocaların portretləri, 25 il bundan əvvəl törədilmiş hadisələrin dəhşətli səhnələrini əks etdirən fotoşəkillər, faciənin təqsirkarlarından cavab tələb etmək, onları cəzalandırmaq, bu soyqırımına beynəlxalq səviyyədə siyasi-hüquqi qiymət vermək barədə çağırışlar və soyqırımı qurbanlarının adları, soyadlarının əks olunduğu Azərbaycan, rus, ingilis, fransız dillərində plakatlar və transparantlar tutmuşdular. Marşrut boyunca yolların kənarlarındakı monitorlarda, binaların fasadlarında və balkonlarında “Dünya Xocalı soyqırımını tanımalıdır!”, “Xocalıya ədalət!”, “Xocalını unutmayın!”, “Rədd olsun erməni faşizmi!”, “Xocalı – XX əsrin soyqırımı”, “Cinayətkarlar cəzasız qalmayacaqlar!”, “Xocalı soyqırımı – 25 il” və s. çağırışlar və şüarlar nümayiş etdirilirdi. Faciənin 25-ci ildönümü ilə əlaqədar Azərbaycan Respublikasının Prezidenti İlham Əliyev 2017-ci il yanvarın 24-də “Xocalı soyqırımının iyirmi beşinci ildönümü haqqında” Sərəncam imzalayıb. Azərbaycan Respublikasının Prezidenti Administrasiyası rəhbərinin sərəncamı ilə “Xocalı soyqırımının iyirmi beşinci ildönümünün keçirilməsinə dair tədbirlər planı” təsdiq edilib. Xocalı qırğını haqqında həqiqətlərin dünyaya çatdırılması, bu faciənin xalqımıza qarşı soyqırımı aktı kimi tanınması üçün Azərbaycan dövləti bütün zəruri addımları atır. Bu sahədə məqsədyönlü fəaliyyət ümummilli lider Heydər Əliyev Azərbaycanda siyasi hakimiyyətə qayıdandan sonra başlanıb. Ulu Öndərin təşəbbüsü ilə Xocalı soyqırımına siyasi-hüquqi qiymət verilib, fevralın 26-sı “Xocalı soyqırımı günü” elan edilib. 2008-ci ildə Heydər Əliyev Fondunun vitse-prezidenti Leyla Əliyevanın təşəbbüsü ilə başlanmış “Xocalıya ədalət!” beynəlxalq kampaniyası bu istiqamətdə təbliğat işini daha da fəallaşdırıb. Faciə ilə əlaqədar dəhşətli faktlar bu kampaniya çərçivəsində aparılan işlər sayəsində geniş beynəlxalq ictimaiyyətə çatdırılıb, planetin bütün guşələrində milyonlarla insan erməni millətçilərinin əsl simasını tanıyıb və bilib ki, ermənilər öz sərsəm ideyalarını həyata keçirmək naminə heç nədən, o cümlədən uşaqları qətlə yetirməkdən çəkinmirlər. İslam Əməkdaşlıq Təşkilatı Parlament İttifaqı ermənilərin Xocalıda törətdiyi mənfur əməlləri “insanlığa qarşı kütləvi cinayət” kimi tanıyıb və üzv dövlətləri bu faciəyə lazımi siyasi-hüquqi qiymət verməyə çağırıb. Dünyanın 10-dan çox ölkəsinin parlamenti, ABŞ-ın 20-dən artıq ştatının qanunverici orqanı Xocalı qırğınını soyqırımı aktı kimi tanıyıb. Xatırladaq ki, 1992-ci il fevralın 25-dən 26-na keçən gecə silahlı erməni dəstələri keçmiş sovet ordusunun Xankəndidə yerləşən 366-cı motoatıcı alayının ağır texnikası və şəxsi heyətinin köməyi ilə Azərbaycanın qədim Xocalı şəhərinin üzərinə hücum edib və onun dinc əhalisinə amansızcasına divan tutublar. Xocalı soyqırımının qanlı statistikası belədir: Hücum zamanı şəhərdə olan 3 min nəfərdən 613-ü, o cümlədən 106 qadın, 63 uşaq və 70 qoca xüsusi qəddarlıqla öldürülüb, 487 dinc sakin ağır yaralanıb, 1275 nəfər girov götürülüb və insanı alçaldan işgəncələrə məruz qalıb, 197 nəfərin taleyi hələ də məlum deyil. Səkkiz ailə tamamilə məhv edilib. Həmin insanlar yalnız etnik mənsubiyyətlərinə - azərbaycanlı olduqlarına görə amansızcasına öldürülüb, işgəncələrə məruz qalıb və şikəst ediliblər. Ermənilərin bu cəza tədbiri hərtərəfli planlaşdırılıb və yeganə bir məqsədlə törədilib – dinc sakinləri milli mənsubiyyət əlamətinə görə qismən və ya tamamilə məhv etmək. Beynəlxalq hüquqa görə belə hərəkətlər “soyqırımı” anlayışına uyğundur və dünya ictimaiyyəti tərəfindən bu cür tanınmalıdır. Xocalı soyqırımı qurbanlarının abidəsinin ətrafında fəxri qarovul dəstəsi və tər çiçəklər düzülmüşdü. Prezident İlham Əliyev Xocalı soyqırımı abidəsinin önünə əklil qoydu, faciə qurbanlarının xatirəsini ehtiramla yad edib. Birinci vitse-prezident xanım Mehriban Əliyeva, Baş nazir Artur Rasizadə, Milli Məclisin sədri Oqtay Əsədov, Prezident Administrasiyasının rəhbəri Ramiz Mehdiyev, Heydər Əliyev Fondunun vitse-prezidenti Leyla Əliyeva, Arzu Əliyeva, Heydər Əliyev abidənin önünə tər güllər qoyublar. Dövlət və hökumət rəsmiləri, Milli Məclisin deputatları, nazirlər, komitə və şirkətlərin rəhbərləri, diplomatik korpusun nümayəndələri, dini konfessiyaların başçıları, habelə qırğından xilas ola bilmiş Xocalı sakinləri də abidənin önünə güllər düzüblər.  

26 Fevral 2017 12:39

Əkbər Hacıyevlə Rövnəq Adbullayev vətəndaşların qəsdinəmi durur və ya”QAZ SABOTAJI”NDA MƏQSƏD NƏDİR?

Son vaxtlarda SOCAR-ın “Azəriqaz” İstehsalat Birliyinin Bakı və Abşeron yarımadasındakı yaşayış məntəqələrində qaz verilişini dayandırması mütəmadi xarakter alıb. O gün yoxdur ki, Bakı və Abşeron yarımadasındakı yaşayış məntəqələrinin hansındasa  qaz verilişinə məhdudiyyətlər qoyulmasın. Və bu qaz verilişi məhdudiyyətləri   6-8 saat, hətta, daha çox çəkir. Havalar soyuq olanda isə bir çox hallarda axşam saatlarında qaz kəsilir və insanları gecələr qazsız qoyurlar. Onsuz da əziyyət içində inləyən vətəndaşlar  soyuqdan donmamaq, həyatda qalmaq uğrunda mübarizə aparır. Məsələ ilə bağlı  “Azəriqaz” İstehsalat Birliyinin mətbuat xidmətinin rəhbəri İbrahim Kərbalayevə müraciət edəndə də, o, deyir ki,  xəttlərdə təmir işləri gedir və axşam saatlarında qazın verilişi təmin olunacaq. Bu gün də yenə də Abşeron rayonunun bir sıra yaşayış məntəqlərində qaz verilişi dayandırlıb. Məsələ ilə bağlı “Azəriqaz” İstehsalat Birliyinin mətbuat xidmətinin rəhbəri İbrahim Kərbalayevə müraciət etdik. O, bildirib ki, “Qaradağ” xəttində təmir işləri getdiyi üçün qaz verilişi dayandırılıb. Vər hər zaman olduğu kimi, yenə də qazın verilişinin axşam saatlarında bərpa olunacağını deyib. Ancaq “Azəriqaz” İB deyilən zamanda yox,  bir neçə saat sonra qaz verilişini bərpa edir. Və bunu da özlərinə “qənimət” bilirlər.   Burada bir məqamı da ədalət naminə demək lazımdır ki, “Azəriqaz” İstehsalat Birliyinin mətbuat xidmətinin rəhbəri İbrahim Kərbalayev ictimaiyyət açıq və istənilən məlumatı verən bir məmurdur. Bizlərsə onun işindən deyil, sadəcə, təmsil olunduğu təşkilatın rəhbərliyinin yarıtmaz fəaliyətindən narazıyıq. Axı, “Azəriqaz” İB niyə vaxtında qışa hazırlıq işləri ilə məşğul olmur ki, qışın bu oğlan çağında da  qaz verilişini kəsməklə, xalqı ölkə başçısından narazı salır?! Bax, maraqlı məqam burasındadır. Niyə zamanıda,  isti havalarda qaz kəmərlərindəki nazasılığı aradan qaldırmır?! Gözləməlidir ki, hansısa qaz kəmərində partlayış və digər hansısa qəza baş versin, insanlara, dövlətə ciddi ziyan dəyin, ondan sonra hansısa  təmir-bərpa işləri aprsın?.. Bu işləri də keyfiyyətsiz görərək, yeni problemlərə yol açsın?.. “Azəriqaz” İB bu fəaliyyəti ilə vətəndaşları avam yerinə qoyur, yoxsa,  dövlət başçısının  əhalinin sosial vəziyyətinin yaxşılaşdırılamsı iqtiqamətində həyata keçirdiyi siyasəti sabotaj edir?.. Hələ biz istehlakşıya verilən qazın keyfiyyətindən danışmırıq… “Azəriqaz” İB  xalqın qazını kəsməklə işini bitirmiş hesab etmir.  Belə ki, qaz verilişi bərpa olunduqdan sonra  smart kart aparatlarında da ciddi problem yaranır. Yəni, smart kart aparatları koda düşür və qaz bərpa edildikdən sonra evlərə qaz gəlmir. Bu da bir çox hallarda ciddi  faciələrə  gətirib çıxarır. Misal üçün deyim ki,  fevralın 16-18-da Ceyranbatanda  qaz verilişi dayandırılmışdı.  Qaz verilişi bərpa ediləndə isə qəsəbənin demək olar ki, yarısında smart kart aparatında   belə problemlər yaşandı. Koda düşən  smart kartı bərpa etmək üçünsə gərək vətəndaş yenidən kartına bir manatlıq qaz yükləməlidir. Elə oldu ki, bir çox insanlar  bu halı bir neçə dəfə təkrara etdikdən sonra  koda düşən smart kart aparatının kodunu aça bildi. Bəlkə birinin  maddi imkanı yoxdur?  Bəlkə onun yaşadığı yerdə terminal yoxdur və ya işləmir? Onda nə etməli? Vətəndaş ölməlidirmi? Ancaq “Azəriqaz” İB-də çalışan  və adının çəkilməsini istəməyən əməkdaşlarından verlən  məlumata görə, SOCAR əslində qaza qənaət etmək üçün bu taktikadan istifadə  edir. “Azəriqaz” İB bu fəaliyyəti ilə əslində  istehlakçının hüquqlarını kobud surətdə pozur.Və bu hərəkətinə görə “Azəriqaz” İB məhkəmə qarşısında cavab verməlidir. İqtisadçı ekspert Qadır İbrahimli isə əhalinin  üzləşdiyi qaz probemi ilə bağlı Gununsesi.info-ya açıqlamasında deyib ki, qaz təchizatı ilə bağlı problemlərin yaranması SOCAR-ın yarıtmaz fəaliyyəti ilə bağlıdır: “Əhaliyə satılan təbii qazın qiyməti 33 dəfə bahalaşdığı halda qaz təchizatında heç bir irəliləyiş yoxdur. Bu SOCAR-dakı total korrupsiya mühiti ilə bağlı bir məsələdir – qaz xəttlərinin təmirinə ayrılan pullar korrupsiya yeminə çevrilir, işlər vaxtında görülmür və natcədə qazın verilməsində fasilələr yaranır”. İqtisadçı ekspert  hesab edir ki, SOCAR bu məsələdə məsuliyyət daşıyır.

23 Fevral 2017 16:41