Santa-Klaus mağazanı qarət etdi

3 Yanvar 2017 22:36

Xəbər 101 dəfə oxunub

Batumidə Santa-Klaus kostyumu geyinən bir nəfər şəhərin mərkəzində yerləşən mağazadan 15 min dollarlıq oğurluq edib.

Faktinfo.az aznews.az-a istinadən bildirir ki, oğru Yeni İl gecəsi şəhərin mərkəzində yerləşən türk supermarketinə soxulub.

Şahidlərin sözlərinə görə, yeni il gecəsi Santa-Klaus geyimli şəxs mağaza bağlı olsa da, bayram təbriki bəhanəsiylə zorla mağazaya daxil olub. O, əvvəlcə təbriklərini çatdırıb, daha sonra odlu silah vasitəsilə mağazadakıları hədələyib. Nəticədə, 15 min dollarlıq qənimətlə mağazadan qaçaraq uzaqlaşıb.

Qeyd edək ki, hadisə ilə bağlı cinayət işi açılsa da, oğru hələ yaxalanmayıb.