Türkiyə: “ABŞ PYD-yə silah verir ki…”

3 Yanvar 2017 16:44

Xəbər 30 dəfə oxunub

İŞİD-lə biz mübarizə aparırıq, ABŞ isə heç bir şey etmir.

Faktinfo.az  xəbər verir ki, bunu Ədalət və İnkişaf Partiyasının qrup toplantısında çıxışı zamanı Türkiyə Baş naziri Binəli Yıldırım söyləyib.

O, dünyanın İŞİD-lə mübarizəni sakitcə izlədiyini bildirib.

“ABŞ YPG-yə, PYD-yə silah verir ki, Türkiyədə daha çox terakt törədilsin. Problemi yeni administrasiyada görmürük. Bu, Obama hakimiyyətinin günahıdır. Ümid edirik ki, yeni rəhbərlik bu biabırçılığa son verər. Artıq dostla düşmənin müəyyən edilmə günüdür. İllərdir ki, NATO-da Amerika ilə bərabərik. Bütün ortaqlığımızın bir terror təşkilatı tərəfindən yox edilməsinə Amerika izn verməməlidir. PYD PKK deməkdir. Bunların artıq görünməsini istəyirik”.