AĞCABƏDİDƏ DƏHŞƏT - Evdə əl qumbarası partlayıb, 5 nəfər ölüb (TƏFƏRRÜAT + SİYAHI)
Ağcabədi rayonunun Hindarx qəsəbəsində əl qumbarası partlayıb.
Hadisə ilə bağlı bəzi təfərrüatlar məlum olub.
Azyaşlı uşaq Hindarx qəsəbəsi ərazisində oynayan zaman qumbara tapıb. O, qumbaranı evə gətirib və ailə üzvlərinə verən zaman qumbara açılıb və bu zaman partlayış baş verib.
Nəticədə 5 nəfər ölüb, 2 nəfər isə xəsarət alıb.
Hazırda hadisə yerinə hüquq-mühafizə orqanları cəlb olunub, araşdırma aparılır.
Baş Prokurorluqdan verilən məlumata görə, hazırda prokurorluq əməkdaşları tərəfindən hadisə yeri müayinə olunur və digər zəruri prosessual hərəkətlər icra edilir. Faktla bağlı Ağcabədi rayon prokurorluğunda araşdırma aparılır.
Partlayış zamanı ölənlərdən 3-ü azyaşlıdır.
Report.az-ın əldə etdiyi məlumata görə, hadisə zamanı Bəhruz Quliyev, Şamil Quliyev, Natiq Quliyev, Məhəmməd Məmmədli və Murad Məmmədli ölüb.
Hadisə zamanı Ülviyyə Məmmədli və Aysun Quliyeva müxtəlif dərəcəli xəsarətlərlə xəstəxanaya aparılıb.
Bu xəbər üçün şərh yazın