“ARGOR-HERAEUS SA” şirkəti “AzerGold” QSC-yə növbəti dəfə müsbət rəy verib 

Faktinfo.az xəbər verir ki, "AzerGold" QSC-nin qiymətli metalların saflaşdırılması və xarici bazarlarda satışı sahəsində əməkdaşlıq etdiyi İsveçrə şirkəti Səhmdar Cəmiyyətin fəaliyyətini beynəlxalq standartlar və şəffaflıq meyarlarına uyğun olaraq 5 funksional sahə – dağ-mədən əməliyyatları; keyfiyyətə nəzarət və hasilat üzrə proseslər; sağlamlığın qorunması, əməyin və ətraf mühitin mühafizəsi; layihələrin idarəolunması; hüquq, cari qanunvericilik tələbləri, idarəetmə və korrupsiyaya qarşı mübarizə; yerli əhali ilə fəaliyyət üzrə qiymətləndirib.

Yekun hesabatda “AzerGold” QSC-nin peşəkar komanda ilə istehsalat sahəsi və qiymətli metal filizi mədənlərini yüksək səviyyədə idarə etdiyi qeyd olunub, bütün fəaliyyət istiqamətləri üzrə hazırlanmış siyasət, qayda və prosedurların proseslərə uyğunluq səviyyəsi nəzərdən keçirilib. Həmçinin, hesabatda korporativ sosial məsuliyyət fəaliyyəti çərçivəsində QSC-nin reallaşdırdığı genişmiqyaslı sosial və ekoloji layihələrdən razılıq ifadə olunub, iş prosesində ətraf mühitə zərər vura biləcək təhlükələrin qarşısının alınması və ya minimuma endirilməsi üçün milli qanunvericilik çərçivəsində bütün ağlabatan vasitələrdən istifadə edildiyinə dair qeydlər öz əksini tapıb.

Beləliklə, İsveçrə şirkəti fəaliyyətini beynəlxalq standartlar və şəffaflıq meyarlarına uyğun təşkil edən “AzerGold” QSC-yə növbəti dəfə müsbət rəy verib.

 Qeyd edək ki, 18-20 iyul tarixlərində “ARGOR-HERAEUS SA” şirkətinin nümayəndə heyəti ölkəmizə səfər edərək, QSC-nin baş ofisində görüşlər keçirib, həmçinin Daşkəsən rayonunda yerləşən Çovdar İnteqrəolunmuş Regional Emal Sahəsini ziyarət ediblər. Səfərin məqsədi sənədləşdirilmiş KYC (Know Your Customer – Müştərini Tanı) məlumatlarının əsaslandırılması və “AzerGold” QSC-nin əməliyyat proseslərinin beynəlxalq təcrübə əsasında qiymətləndirilməsi, dünya miqyasında əsas tələblərə – KYC və “Due Diligence” (hüquqi ekspertiza) prosedurlarına uyğun olaraq çoxpilləli yoxlamaların aparılması olub. Yalnız bütün tələblərə cavab verdiyi müəyyən edildikdən sonra şirkətə hasil etdiyi qiymətli metalları saflaşdıra və xarici bazarlarda satışını təşkil edə biləcəkləri barədə müsbət rəy verilir. 

Xatırladaq ki,“AzerGold” QSC-yə müvafiq müsbət rəy ilk dəfə 2017-ci ildə təqdim edilib.

Faktinfo.az