“Atam qəddar idi, ona 70 rubl verməsəydim, vurub öldürərdi” - Şərurlu İsfəndiyar 

“Mən latın əlifbasını da tam şəkildə bilmirəm. Çünki orta məktəbə getməmişəm. Cavan vaxtımda bir atım, bir itim, bir də çadırım olub. 14 yaşımdan 23 yaşıma qədər dağda tək yaşamışam, çobanlıq etmişəm. 22 yaşımda qardaşım dedi ki, “sən kənd təsərrüfatında işləmə, qabağa gedə bilməyəcəksən, get fəhlə işlə”. Atama yalvardım ki, qoy çobanlıq etməyim, cavanam, fəhlə işləyim. O da dedi ki, 70 rubl versəm, icazə verər”.

Bunu TV Musavatın canlı efirində “Şərurlu İsfəndiyar” kimi tanınan iş adamı İsfəndiyar Axundov deyib.

“Atama hər ay 70 rubl pul verməyə öhdəlik götürmüşdüm. Verməsəydim, məni vurub öldürərdi. Atam bir az qəddar olub. Bir ay fəhlə işlədim və həmin pulu verdim. Ayın başında gördüm ki, usta 140, mən isə 70 rubl almışam. Dedim, niyə? Dedilər, o sənətkardır. Mən buna görə də ustalığı öyrəndim. Bənna kimi az müddətdə məşhurlaşdım.