Avropa liderlərindən Zelenskiyə dəstək gəldi,Tramp və Vensi ABŞ senatorları tənqid etdi 

Faktinfo.az Report.az-a istinadən xəbər verir ki, siyasətçilər Ukrayna liderini sosial şəbəkədə paylaşım edərək dəstəkləyiblər.

“Güclü olun, cəsarətli olun, qorxmaz olun. Siz heç vaxt tək deyilsiniz, hörmətli Prezident. Biz ədalətli və davamlı sülh naminə sizinlə işləməyə davam edəcəyik”, – Avropa Birliyi Şurasının Prezidenti qeyd edib.

“Güclü olun, cəsarətli olun, qorxmaz olun”, – Avropa Komissiyasının Prezidenti Ursula fon der Leyen ukraynca yazıb.

İspaniyanın Baş naziri Pedro Sançes bildirib ki, Ağ Evdə Zelenski ilə Trampın qalmaqallı görüşünə baxmayaraq, Avropa Ukraynaya arxa çevirməməlidir.

“Ukrayna, biz səninləyək”, – o yazıb.

“Əziz Zelenski, əziz ukraynalı dostlar, siz tək deyilsiniz”, – Polşanın Baş naziri Donald Tusk X-də qeyd edib.

Fransa Prezidenti Emmanuel Makron yazıb: “Bir təcavüzkar var, o, Rusiyadır, hücuma məruz qalan insanlar isə Ukraynadır”.

“Hörmətli Vladimir Zelenski, biz yaxşı və imtahana çəkildiyimiz vaxtlarda Ukraynanın yanındayıq. Biz bu dəhşətli müharibədə təcavüzkarla qurbanı heç vaxt qarışdırmamalıyıq”, – Almaniyanın gələcək kansleri Fridrix Merz yazıb.

Bu əsnada Tramp amerikalı demokratlar tərəfindən tənqid edilib.

“Tramp və Vens Putinin çirkin işini görürlər”, – Senatın demokrat lideri Çak Şumer bildirib.

“Bağışlayın, Prezident Tramp. Biz avtoritarizmə deyil, demokratiyaya inanırıq”, – ABŞ senatoru Berni Sanders yazıb.

Kaliforniyadan olan senator Adam Şiff daha kəskin danışaraq qeyd edib ki, “cümə günü Oval kabinetdə bir qəhrəman və bir qorxaq görüşürdü və görüş başa çatdıqdan sonra qəhrəman Ukraynaya evinə gedəcək”.

Konnektikutdan olan demokrat senator Kris Mörfi Ağ Evdəki mübahisəni “kədərli səhnə” və Amerika üçün “tam biabırçılıq” adlandırıb.

Arizona senatoru Ruben Qalleqo əlavə edib: “Bu, ABŞ üçün sadəcə olaraq biabırçılıqdır”.

Merilend ştatından olan senator Kris Van Hollen də Oval Ofisdəki səhnələri “utancverici” adlandırıb.

İllinoys ştatından senator Dik Durbin isə deyib ki, Ukrayna xalqından və Prezident Zelenskidən üzr istəmək lazımdır: “Onlar üzr istənməyə layiqdir”.

Minnesota senatoru Ami Klobuçar birbaşa sosial mediada Vensə müraciət edərək bildirib ki, Zelenski həm özəl, həm də açıq şəkildə ABŞ-yə dəfələrlə təşəkkür edib.

Minnesotadan olan digər demokrat senator Tina Smit respublikaçı həmkarlarını susmamağa çağırıb: "Biz bir vaxtlar tiranlarla vuruşmuşuq. Bu gün Tramp və Vens Amerikanı diz çökdürür. Ölkəmiz diktatorun qarşısında dayanan, Putinin Avropanın qalan hissəsinə çatmasına mane olan Ukrayna vətənpərvərlərinə təşəkkür etməlidir. Siz necə də utanmırsınız".

Trampı onun keçmiş müşaviri Con Bolton da tənqid edib:

“Tramp və Vens Rusiya – Ukrayna müharibəsində Rusiyanın tərəfində olduqlarını bəyan ediblər”.