Avropa Rusiyanı belə çökdürəcək – 500 milyarder hərəkətə keçir… 

Daha öncə qeyd etmişdim: “Əhalisi cəmi 5.5 milyon olan Norveçin Neft Fondunda 1.7 trilyon dollar var. Avropada varlı ölkələr çoxdur”. Yəni ABŞ Ukraynaya maliyyə dəstəyi verməsə də Avropa İttifaqı bu problemi asanlıqla yoluna qoya bilər.

Başqa bir məqam: Avropada 500- yaxın milyarder var. Yəni onların arasında da Ukrayna dəstək verə biləcək pullu kişilər az deyil. Gəliri milyard dollarlarla ölçülən şirkətlər var. Məsələn, bu sırada birinci yerdə gedən Volkswagen-in illik xalis gəliri 348.408 milyard dollardır.

100-cü yerdə gedən ACS Groupun isə illik gəliri 38.634 milyard (nədənsə avro ilə yox, dollarla hesablayıblar) dollardır.

Sözümün canı odur ki, “ABŞ pul verməsə, Ukrayna batacaq” söhbətini ciddi qəbul etməyə dəyməz.

Hansı sadəlövh düşünə bilər ki, Norveçin Neft Fondu və ya Volkswagen Avropa üçün real təhlükə yaransa, kənara çəkiləcək. Mümkün olan şey deyil. Təbii ki, Avropaya sülh lazımdır. 80 ildir ki, vuruşmurlar. Ancaq müharibə təhlükəsi yaransa, Avropa yumruq kimi birləşəcək. Ortaya ağlasığmaz pul kütləsi çıxacaq. Acından ölən Rusiya var-dövləti başından aşan Avropanın qarşısında duruş gətirə bilməz. Ukrayna onsuz da Rusiyanı yaman günə qoyub. Dizi üstə çökmüş Rusiya Avropanın qarşısında dayana bilərmi? Düşünün ki, rubl avro ilə müharibə aparır. Kimin bu müharibədən qalib çıxacağı bəlli deyilmi?

Elbəyi Həsənli
Sürix