"Borçalı" Cəmiyyətinin yubiley tədbiri keçirilmişdir - FOTOLAR
Bu gün, 25 dekabr 2023-cü il tarixində "Borçalı" Cəmiyyəti İctimai Birliyinin yaranmasının 30 illiyi münasibətilə yubiley mərasimi keçirilmişdir.
Faktinfo.az-a BAO-nun mətbuat xidmətindən verilən məlumatda bildirilir ki,ilk əvvəl tədbir iştirakçıları Azərbaycanın ərazi bütövlüyü uğrunda həyatlarını itirən şəhidlərin ruhunu bir dəqiqəlik sükutla yad etmişlər.
Daha sonra söz mərasim iştirakçılarına verilmişdir. "Borçalı" Cəmiyyəti İctimai Birliyinin sədri Ramiz Həsənov çıxış edərək tədbir iştirakçılarını salamlamış, birliyə və həmrəyliyə çağırmışdır.
Daha söz "Borçalı" Cəmiyyəti İctimai Birliyinin qurucusu və keçmiş sədri, AYB-nin üzvü, ictimai xadim, Cəfər Cabbarlı adına Azərbaycanfilm kinostudiyasının sabiq direktoru Eyvaz Borçalıya verilmişdir.
E. Borçalı çıxış edərək tədbirə toplaşanları salamlamış, "Borçalı" Cəmiyyəti İctimai Birliyinin keçdiyi 30 illik yola ekskurs etmişdir.
Tədbirin digər çıxışçıları - AYB-nin üzvü, şair-publisist Mədəd Coşqun, professor Mahmud Hümbətov, fəlsəfə doktoru Elxan Məmmədli, Bütöv Azərbaycan Ocaqlarının (BAO) başqanı Zahir Əlisoy, fəlsəfə doktoru Vahid Ömərov, fəlsəfə doktoru Eldar Məmmədli, fəlsəfə doktoru Hüseyn Artıkoğlu, Müşfiq Borçalı, "Soydaş" Cəmiyyəti sədrinin müavini Əli Nağdəliyev, iş adamı Hüseyn Yadigarov və Fərman Borçalı çıxış edərək "Borçalı" Cəmiyyəti İctimai Birliyinin 30 illik yubileyi münasibətilə təbriklərini çatdırmış, uğurlar arzulamışlar.
Bu xəbər üçün şərh yazın