“Bu ticarət müharibəsi Qərbi zəiflədəcək” – Meloni Trampa etiraz etdi 

Bu vəziyyətin heç bir tərəfin xeyrinə olmadığını ifadə edən Meloni, “Biz inanırıq ki, belə bir ticarət müharibəsi istər-istəməz Qərbi zəiflədəcək və digər qlobal aktyorların xeyrinə işləyəcək”, -deyə bildirib.

Ticarət müharibələrinin risklərinə diqqət çəkən Meloni saha sonra deyib: “ABŞ-nin Aİ-yə tariflər tətbiq etməsini yanlış addım hesab edirəm və bu, heç bir tərəfin marağında deyil. ABŞ ilə razılığa gəlmək üçün əlimizdən gələni edəcəyik. İstənilən halda, həmişə olduğu kimi, Avropa iqtisadiyyatı və digər tərəfdaşlarımız ilə məsləhətləşərək, İtaliya və İtaliyanın maraqlarını qoruyacağıq".

Qeyd edək ki, Tramp ABŞ-nin digər ölkələrə qarşılıqlı tariflər tətbiq edəcəyini və baza tarif dərəcəsinin 10 faiz olacağını açıqlamışdı. Trampın dünən imzaladığı sərəncamda ABŞ-nin bir çox ticarət tərəfdaşlarına tariflərin tətbiqi daxildir. Bunlar arasında Çinə 34 faiz, Avropa İttifaqına 20 faiz, Vyetnama 46 faiz, Tayvana 32 faiz, Yaponiyaya 24 faiz, Hindistana 26 faiz və Türkiyəyə 10 faiz civarında qarşılıqlı tariflərin tətbiqi planlaşdırılır.