Deputat Asif Əsgərov şəhid ailələrinə baş çəkib,Yeni Suvagil kəndində vətəndaş qəbulu keçirib - FOTOLAR
112 saylı Zaqatala seçki dairəsi üzrə Milli Məclisin deputatı Asif Əsgərov şəhid ailələrinə baş çəkib.
Faktinfo.az xəbər verir ki,deputat Zaqatala rayon Lahıc kəndində Vətən Müharibəsi Qəhrəmanı, şəhid Səmədov İsmayılın atasının və Əliabad qəsəbəsində şəhid İrapov İsmayılın anası və bacısının səhhətlərində yaranan problemlər ilə əlaqədar şəhid ailələri ilə görüşüb.Daha sonra Asif Əsgərov növbəti vətəndaş qəbulunu Zaqatala rayon Yeni Suvagil kəndində keçirib.
Qəbul zamanı vətəndaşları narahat edən bəzi məsələlər yerində həllini tapıb.Eləcə də,müraciətlərə əsasən bir sıra aztəminatlı ailələrə ərzaq yardımı edilib.Araşdırılması tələb olunan məsələlərin isə hərtərəfli öyrənilməsi və qanunvericiliyin tələblərinə uyğun həll edilməsi üçün qəbuldan sonra müvafiq tapşırıqlar verilib.
Həmçinin millət vəkilinin səlahiyyətlərinə aid olan məsələlər həlli istiqamətində tədbir görülməsi üçün nəzarətə götürülüb.
Faktinfo.az
Bu xəbər üçün şərh yazın