Deputatın evindən milyonlar tapıldı - FOTO

 UNİAN xəbər verir ki, bu barədə Ukrayna Dövlət İstintaq Bürosu məlumat yayıb.

Qeyd edildiyi kimi, cavabdeh 2023-cü ilin fevral ayına qədər Rovne Regional meşə təsərrüfatı və ovçuluq idarəsinin rəisi vəzifəsində çalışıb. Sonra onun bazasında yaradılan "Ukrayna Meşələri" Dövlət Müəssisəsinin Polesie Meşə təsərrüfatı idarəsində rəis müavini vəzifəsini tutub. O, icra hakimiyyətində və yerli özünüidarəetmə orqanlarında çalışaraq qanunsuz yolla milyonlarla dollar ələ keçirməyə nail olub.

Açıq cinayət işi çərçivəsində regional deputatın evində və iş yerində axtarışlar aparılıb. İstintaq zamanı təkcə müxtəlif valyutalarda 4 milyon dollardan çox nağd pul aşkar edilərək götürülüb.

Deputata qanunsuz varlanma maddəsi (Ukrayna Cinayət Məcəlləsinin 368-5-ci maddəsi) üzrə şübhə ilə bağlı məlumat verilib. Maddənin sanksiyasında 10 ilədək müddətə azadlıqdan məhrum etmə cəzası nəzərdə tutulur.

Həmçinin müttəhimin və onun ailəsinin həyat tərzinə nəzarət etmək üçün Korrupsiyaya Qarşı Mübarizə üzrə Milli Agentliyə məktub göndərilib. Baş Prokurorluqdan bildirilib ki, deputat saxlanılıb.

Məlumatlarda saxlanılan şəxsin adı göstərilmir, lakin medianın hüquq-mühafizə orqanlarındakı mənbələrə istinadən verdiyi məlumata görə, söhbət “Güc və Şərəf” partiyasından olan vilayət şurasının deputatı, 44 yaşlı Vitali Suxoviçdən gedir./AzPolitika.info