Deputatın ticarət mərkəzinin olduğu aşkar oldu – SƏNƏD
“Yeni Azərbaycan Partiyasını Milli Məclisdə təmsil edən deputat Azər Badamov Qusarda ticarət mərkəzi tikdirib”.
Faktinfo.az arqument.az-a istinadla xəbər verir ki, bu barədə araşdırmaçı jurnalist Cavanşir Həsənli məlumat yayıb.
O bildirib ki, Milli Məclisin deputatı Azər Badamov sahəsi 512 kv.m olan ikimərtəbəli ticarət mərkəzi tikdirib: “YAP-çı deputatı Azər Badamov da həmkarlarından geri qalmayıb, sahibkarlıq fəaliyyəti ilə məşğuldur. Deputat Qusarın Azər Xanmətov küçəsində sahəsi 512 kv.m olan ikimərtəbəli ticarət mərkəzi tikdirib, obyekt bu ilin yanvarında istismara təhvil verilib”.
Jurnalist bildirib ki, Azərbaycan Repsublikasının Konstitusiya görə, Milli Məclis deputatlarının sahibkarlıq fəaliyyəti ilə məşğul olması qadağan edilir, lakin vəzifəli şəxslər və deputatlar qanunvericiliyə əməl etmirlər.
Azər Badamov isə yayılan məlumatla bağlı açıqlama verməyib.
Bu xəbər üçün şərh yazın