Ədliyyə naziri Tovuzda vətəndaşları qəbul edib 

Ədliyyə naziri Fərid Əhmədov 20 may tarixində Tovuz şəhərində yerləşən Nizami Gəncəvi adına Tovuz rayon Mədəniyyət evində vətəndaşları qəbul edib. 

Qəbuldan əvvəl nazir Azərbaycan xalqının Ümummilli Lideri Heydər Əliyevin abidəsini ziyarət edib və önünə gül dəstəsi qoyub.

Şəmkir, Tovuz və Gədəbəy rayon sakinlərinin qəbulu zamanı onların ədliyyə fəaliyyəti ilə bağlı müraciətlərinə baxılıb. 

Vətəndaşların müraciətlərində qaldırılan problemlərin bir qismi yerində müsbət həllini tapıb, digər müraciətlərin isə mövcud qanunvericiliyin tələblərinə uyğun şəkildə araşdırılması ilə əlaqədar nazirliyin aidiyyəti rəhbər şəxslərinə tapşırıqlar verilib.

Səfər çərçivəsində nazir, həmçinin Tovuz Rayon İcra və Probasiya, eləcə də Qeydiyyat şöbələrinə və Tovuz Rayon Məhkəməsinə baş çəkib, infrastruktur və iş şəraiti ilə tanış olub. 

Qeyd edək ki, qəbul mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən şəhər və rayonlarda vətəndaşların qəbulu cədvəlinə əsasən həyata keçirilir.

Faktinfo.az