Əziz Ələkbərli gənc seçicilərlə görüş keçirdi - FOTOLAR
2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təşviqat mərhələsi çərçivəsində Yeni Azərbaycan Partiyası (YAP) tərəfindən 66 saylı Saatlı seçki dairəsindən deputatlığa namizədliyi irəli sürülmüş Əziz Ələkbərli YAP Saatlı rayon təşkilatının qərargahında gənc seçicilərlə görüş keçirib.
Əvvəlcə Ulu Öndər Heydər Əliyevin və Azərbaycanın ərazi bütövlüyü və suverenliyi uğrunda canlarını qurban vermiş şəhidlərimizin əziz xatirəsi ehtiramla yad edilib.Görüşü giriş sözü ilə açan YAP Saatlı rayon təşkilatının sədri Elşən Əzizov gəncləri bu tarixi prosesdə iştirakları münasibəti ilə təbrik edərək, gəncləri bu gün həm ictimai-siyasi həyatda, həm də seçki kampaniyasında daha fəal olmağa və seçki günü seçki məntəqələrinə gələrək Yeni Azərbaycan Partiyasının namizədinə səs verməyə çağırıb.
Daha sonra çıxış edən deputatlığa namizəd Əziz Ələkbərli seçkinin mahiyyəti, dövlət və cəmiyyət üçün əhəmiyyəti haqqında məlumat verib və qeyd edib ki, seçki hüququ insan hüquqları kontekstində böyük önəm kəsb edir. Namizəd Azərbaycanda dövlət gənclər siyasətinin formalaşmasının Ümummilli Lider Heydər Əliyevin adı ilə sıx bağlı olduğunu deyib.Əziz Ələkbərli Ulu Öndərin respublikamıza rəhbərliyinin bütün dövrlərində sağlam gəncliyin, bu dövlətə sahib çıxa biləcək, onu inkişaf etdirəcək nəslin yetişməsinə çalışdığını, bu siyasətin Prezident İlham Əliyevin rəhbərliyi ilə uğurla davam etdirildiyini diqqətə çatdırıb.Tədbirdə çıxış edən gənc seçicilər 1 sentyabr parlament seçkilərində fəal iştirak edəcəklərini və YAP-ın namizədinə səs verəcəklərini bildiriblər.
Faktinfo.az
Bu xəbər üçün şərh yazın