Əziz Ələkbərli Saatlı rayonunun Məmmədabad, Əliabad və Genişkənd kəndlərindən olan seçicilərlə görüşüb - FOTOLAR
Azərbaycanda sentyabrın 1-də Milli Məclisə keçiriləcək növbədənkənar seçkilərdə 66 saylı Saatlı seçki dairəsi üzrə Yeni Azərbaycan Partiyası (YAP) tərəfindən deputatlığa namizədliyi irəli sürülmüş Ələkbərov Əziz Yusif oğlu seçkiqabağı təşviqat çərçivəsində seçicilərlə görüşlərini davam etdirir.
Faktinfo.az xəbər verir ki,66 saylı Saatlı seçki dairəsindən Yeni Azərbaycan Partiyasının deputatlığa namizədi Ələkbərov Əziz Yusif oğlu Saatlı rayonunun Məmmədabad, Əliabad və Genişkənd kəndlərindən olan seçicilərlə görüşüb.Görüşdə Ulu Öndər Heydər Əliyevin və Azərbaycanın ərazi bütövlüyü və suverenliyi uğrunda canlarını qurban vermiş şəhidlərimizin əziz xatirəsi ehtiramla yad edilib.Deputatlığa namizəd Əziz Ələkbərov hüquqi və demokratik dövlət olan Azərbaycanda sentyabrın 1-də keçiriləcək parlament seçkilərinin əhəmiyyətindən, Prezident İlham Əliyevin rəhbərliyi ilə işğaldan azad olunmuş ərazilərimizdə aparılan bərpa-quruculuq işlərindən, həyata keçirilən daxili və xarici siyasət kursunun uğurlu nəticələrindən bəhs edib.Görüş zamanı seçicilərin təklifləri dinlənilib, onları maraqlandıran suallar cavablandırılıb.Çıxış edən seçicilər də 1 sentyabr seçkilərində YAP-ın namizədinə səs verəcəklərini bildiriblər və ona uğurlar arzu ediblər.
Bu xəbər üçün şərh yazın