"From the Golden fund of Azerbaijan National Library" mövzusunda virtual sərginin və ənənəvi kitab sərgisinin təqdimatı keçirilib - FOTO

12 noyabr tarixində Milli Kitabxanada 2024-cü ilin “Yaşıl dünya naminə həmrəylik ili” elan edilməsi haqqında Azərbaycan Respublikası Prezidentinin Sərəncamından irəli gələn vəzifələrin icrası və COP29-la bağlı Azərbaycan Respublikası Mədəniyyət Nazirliyinin tədbirlər planına əsasən Milli Kitabxanada “From the Golden fund of  Azerbaijan National Library” mövzusunda virtual sərginin və ənənəvi kitab sərgisinin təqdimatı keçirilib.

Faktinfo.az xəbər verir ki,virtual sərgidə Milli Kitabxananın  Nadir kitablar fondunda mühafizə olunan qədim kitabların və xarici ölkə kitabxanalarından gətirilmiş    əlyazmaların digital  nüsxələri nümayiş olunur.

Virtual sərgi ilə tanış olmaq istəyənlər https://anl.az/el/emb/sergi_en/index_en.htm linkindən istifadə edə bilərlər.

Ənənəvi kitab sərgisində isə Nizami Gəncəvinin, Məhəmməd Füzulinin, İmadəddin Nəsiminin, Xaqani Şirvanin,  Nəsirəddin Tusinin, Nəvvab. Mir Möhsün Ağamirzadə Qarabağinin və digərlərinin  dünya kitabxanalarında mühafizə olunan əlyazmalarının surətləri  və Milli Kitabxananın Nadir kitablar fondunda mühafizə olunan qədim kitablar nümayiş olunur.